[قيثارة]

كلكم هاجمتم المرأه او البنت ,, وهالبنت في اغلب الاوقات اما تعيش حاله فراغ او انها مراهقه ,,
بينما الشاب مثلا قد يكون عاقل وكبير بما فيه الكفايه ,, لا احد يلومه
عن نفسي مره كنت امشي بالراشديه متوجه لبيت احدى قريباتي وكان يوم زواج جماعي ,, سمعت بأذني احد الشباب ,, يتكلم لصاحبه ويصف احدى عروسات تلك الليله ويقول بالحرف الواحد ( والله ان فلان هاللي بياخذها الليله ما يستاهلها ) صعقت حسيت شوي وبيغمى علي ,, وصرت اخفف من مشيي ابيهم يبعدون عشان لا اسمع بقيه سالفتهم ,, انتبهوا اني وراهم وسكتوا ,, بس بعد شنو بعد ما تكلم هو وصاحبه في عرض البنت وفي الشارع على عينك يا تاجر ,,
او الشباب يكونون جالسين بالديوانيه ,, وسوالف هذا يتكلم عن فلانه من الناس وهذا يصف علانه من الناس ,, ويصفها وصف تفصيلي لانه شافها تمشي بالشارع او التقى فيها صدفه في بيت اهله او اهلها وكانت من دون حجاب ,,
غض البصر وصون الأعراض واجب على الجنسين الرجل والمرأه ,, تجي تسمع في مجالس الشباب والله سوالف مقرفه وتشيب الراس ,, تلاقي هالشخص متزوج وصاحبه هم متزوج ,, يجي يقول لصاحبه اعاني من هالمشكله الخاصه مع زوجتي ,, ويجي بكل وقاحه عادي يوصف هالمشكله لصاحبه ,, وصاحبه يجي البيت ويقول لزوجته فلان كيت وكيت وكيت ,, والمرة يوم ثاني تروح السموع وتشوف صديقتها وتقول لها تصدقين فلان في زوجته كيت وكيت ,, وتتشعب السالفه وتتبهر وتتملح وتتغير وسمعه فلانه بالحضيض بسبه زوجها ,,