|
•·.·°¯`·.·(سـوالـفـك مـع القـرقيعــان الجـزء الثاني ) •·.·°¯`·.·•
في هذا الموضوع راح نستضيف عدد من الأعضاء ،، يتحدثون لنا عن ذكرياتهم و سوالفهم مع القرقيعان ندخل نقرقع في بيتهم ،، و بعدين نطلع معاهم من بيت لبيت ،، و من فريج لفريج و نتعرف على مواقفهم و تصرفاتهم و انطباعاتهم تجاه بعض الأمور المتعلقة بالقرقيعان .. فخلوكم معانا .. للأطلاع http://altaraf.com/vb/showthread.php?t=73771 العام الماضي تم إستضافة مجموعة من الأعضاء وهم : أول الغيث و طلة قمر..! و بحر الوفا و وسط النخيل و آحساآس قاتل و حلى الشرقيه و تاروتية وسندس و جرح الفؤاد و الغريب و أنثى مخملية و DHYM . فأهلاَ و سهلاً بهم ،، و يلا خلونا نشوف قرقيعانهم كيف كان .. 1 - كم كان عمرك أول ما قرقعت ؟ و متى توقفت عن القرقيعان ؟ 2 - مع من كنت تقرقع ؟ 3 - ما هي خطتك اللي كنت تتبعها في القرقيعان ،، من تطلع من البيت إلى أن ترجع ؟ 4 - هل كنت تلبس ملابس خاصة في القرقيعان ؟ و لاّ تلبس أي شي ؟ 5 - موقف صار لك في القرقيعان و لا يمكن أن تنساه ؟ 6 - ما هو القرقيعان المفضل بالنسبة لك ؟؟ ( ربيان ، بسكوت ، مكسرات ...إلخ ) ؟ 7 - شنهي ردة فعلك لمّا تروح بيت ،، و ما يعطونك قرقيعان ؟ 8 - شنو يوزعون بيتكم في القرقيعان عادةً ؟ 9 - الكثير من الأطفال كانوا يفطرون يوم القرقيعان بحجة التعب والعطش .. فهل سويتها ؟ 10 - بعض اللي يقرقعون يروحون ويجوون على البيت الواحد أكثر من مرة ؟ فما رآيك في هذي الحركة ؟ و هل كنت تسويها ؟ 11 - بعض اللي يقرقعون ،، يجيك و يقول عطوني قرقيعان لأخوي أو أختي .. و لما تقول له وينه ؟ ليش ما يجي يقرقع معاك ؟ يقول لك : هو في البيت ،، ما يقدر يقرقع ،، أصلاً توّه صغير ما بعد حتى يمشي !! فما رأيك في هذي الحركة ؟ و هل سويتها ؟ 12 - كم كانت حصيلة القرقيعان اللي تجمعها عادةً ؟ و شنو تسوي فيها ؟ 13 - هل يتعرض قرقيعانك لأي اعتداءات أو سرقات سواء في الخارج أو في المنزل ؟ 14 - هل تتمنى يرجع بك الزمن إلى الوراء ..عشان تقرقع ؟ .. وشنو اللي ودّك تسوّيه لو قرقعت ؟ 15 - مالدور الذي تقوم به في القرقيعان حالياً ؟ 16 - هل تؤيد خروج البعض من الأولاد الكبار ،، أو البنات الكبيرات ،، للقرقيعان ؟ 17 - هل ترى بأن هناك عادات جديدة دخلت في قرقيعان اليوم ..و هل هي إيجابية أم سلبية من وجهة نظرك ؟ وأتقدم بجزيل الشكر و العرفان إلى " أول الغيث" على مساهمته ومشاركته لي في إعداد الموضوع ويعطيك ألف عافية |
رد: •·.·°¯`·.·(سـوالـفـك مـع القـرقيعــان الجـزء الثاني ) •·.·°¯`·.·•
http://hh7.net/Aug/15/hh7.net_13133840474.gif نستضيف في هذي الحلقة كلاً من : 1 - ~ غصــ الروح ــن ~ 2 - إشراقة أمل 3- وحي العشق http://hh7.net/Aug/15/hh7.net_13133840474.gif |
رد: •·.·°¯`·.·(سـوالـفـك مـع القـرقيعــان الجـزء الثاني ) •·.·°¯`·.·•
متباركين بالقرقيعان ومولد الإمام الحسن عليه السلام
ماأجمل القرقيعان وسوالفه ، وأيامه الحارّه أمَّ الآن فالليل يُبرد على الجميع أسئلة جميلة ، ستفي بالغرض الله يعطيكِ العافية أختي زهور الريف ونترقب أولى الإستضافات والله ولي التوفيق |
رد: •·.·°¯`·.·(سـوالـفـك مـع القـرقيعــان الجـزء الثاني ) •·.·°¯`·.·•
السلام عليكم ورحمة الله وبركاته
نتقدم الى اعضاء منتدانا بالتهاني والتبريكات بمناسبة مولد كريم اهل البيت عليهم السلام وبمناسبة القرقيعان اعاده الله علينا باليمن والبركات واشكر اختي زهور الريف على الدعوه وان شاء الله نستمتع معاكم في هالجولة وعلى بركة الله ابدأ 1 - كم كان عمرك أول ما قرقعت ؟ و متى توقفت عن القرقيعان ؟ عمري في بداية القرقيعان كان عمري ست سنوات ومع تقدم العمر توقفت عن القرقيعان في صف اول ثانوي طبعا اقصد القرقيعان الحقيقي( الحواسه بالاكياس والاصوات المرتفعه) اما الان فأخرج مع الشباب ونتفرج على القرقيعان وناخذ نصيبنا بعد من الربيان والبليله والحركات هذي... 2 - مع من كنت تقرقع ؟ مع الاصدقاء المقربين اكثر شي ومع اخوي الكبير 3 - ما هي خطتك اللي كنت تتبعها في القرقيعان ،، من تطلع من البيت إلى أن ترجع ؟ طبعا كنا نجهز قبل القرقيعان بأيام وماتظل كيسة الا ونجيبها كنا نطلع من البيت في الراشديه ونمر على الجيران وبعدها على بيوت الاهل الى ان نخلص بيوت الراشديه وبعدها نتجه الى الشرقيه(الديره) ونشخلها شخال طبعا ومايبقى فريج الا ونمر فيه ومايبقى داعوس الا تحصلونا فيه وبعدها لابد أخذ قسط من الراحه لان القرقيعان كان قبل في النهار وكانت الشمس حارة جدا لان كنا نروح ونجي مشي طبعا ماكو سيارة ولاسيكل ابد وبعدها الى جبله الحبيبه طبعا جبله قبل مهب مثل الان فيه صيد ثمين نخلصها ونرجع بالغنائم الى ديارنا مباشره . وهذا باختصار المسيره من الخروج الى الرجوع. 4 - هل كنت تلبس ملابس خاصة في القرقيعان ؟ و لاّ تلبس أي شي ؟ في القديم كنا نلبس اي شي كنا نفكر في القريقعان وومشاركة الاصدقاء وطبعا الغياب عن المدرسه هذا اهم شي 5 - موقف صار لك في القرقيعان و لا يمكن أن تنساه ؟ في احد الشباب ويوم كنا في عمر ال9 سنوات تقريبا كنا نقرقع واحنا صايمين يعني الجماعه شديدين يحوسون ويقرقعون وحنا صايمين المهم مع الحواسه والتقرقع ومن التعب قلنا خلونا نرتاح اشوي وجلسنا جمب برادة ماي وصرنا نتفقد بعض وين فلان ووين فلان صار في واحد ناقص دورناه دورناه وطبعا كنا صايمين حصلنا الرجال جالس في زاويه ومسكين من التعب شري ماي وفطر بس بصراحه ماينلام لان كنا نلطلع بالساعات ومشي وشمس وهذره 6 - ما هو القرقيعان المفضل بالنسبة لك ؟؟ ( ربيان ، بسكوت ، مكسرات ...إلخ ) ؟ الربيان والبسكوت 7 - شنهي ردة فعلك لمّا تروح بيت ،، و ما يعطونك قرقيعان ؟ قبل كنت اتضايق لاني اشوفه فرحه للجميع حتى لاصحاب البيوت نفسهم وطبعا نشيل عليهم شيله لما ما يعطونا قرقيعان 8 - شنو يوزعون بيتكم في القرقيعان عادةً ؟ كأي بيت ربيان وبعض الاحيان مكسرات 9 - الكثير من الأطفال كانوا يفطرون يوم القرقيعان بحجة التعب والعطش .. فهل سويتها ؟ انا ولله الحمد ماسويتها 10 - بعض اللي يقرقعون يروحون ويجوون على البيت الواحد أكثر من مرة ؟ فما رآيك في هذي الحركة ؟ و هل كنت تسويها ؟ القرقيعان فرحة لدى البعض وسباق لدى الاخر وطمع بعض الاحيان لدى البعض الاخر ولكنها تبقى براءة الطفولة فأنا لا أجد فيها اي شي بس ولله الحمد مامره سويتها 11 - بعض اللي يقرقعون ،، يجيك و يقول عطوني قرقيعان لأخوي أو أختي .. و لما تقول له وينه ؟ ليش ما يجي يقرقع معاك ؟ يقول لك : هو في البيت ،، ما يقدر يقرقع ،، أصلاً توّه صغير ما بعد حتى يمشي !! فما رأيك في هذي الحركة ؟ و هل سويتها ؟ الولد مسكين يبقى ياخذ مره ومرتين وثلاث لانه عاجبه قرقيعانك ومهب عارف شلون يقولها فمايحصل الا هالسبب عاد انت خلك ذكي واختصرها وعطه اللي يبقى ويمكن يكون كلامه صحيح اذكر سويتها مره وحده لان بصراحه كان في احد البيوت يوزع قريقعان رهيييييب حده وقلنا مالنا الا هالعذر عشان ناخذ مره ثانيه;) 12 - كم كانت حصيلة القرقيعان اللي تجمعها عادةً ؟ و شنو تسوي فيها ؟ كانت اكياس من الربيان والبسكوت والعصائر والمزازت كنت اكلها من نص رمضان ولا تخلص الا في ذي القعده:) 13 - هل يتعرض قرقيعانك لأي اعتداءات أو سرقات سواء في الخارج أو في المنزل ؟ في الخارج لابد منه :( في الداخل لا لان نظامنا جيب اللي عندك ونثرها مع قرقيعان اخوانك كلهم 14 - هل تتمنى يرجع بك الزمن إلى الوراء ..عشان تقرقع ؟ .. وشنو اللي ودّك تسوّيه لو قرقعت ؟ اي والله ودي يرجع الزمان بكشخ احلى كشخه وبقرقع لاني وانا صغير ماخذت راحتي في كشخة القرقيعان:biggrin: 15 - مالدور الذي تقوم به في القرقيعان حالياً ؟ اما اني اوزع القرقيعان على الاطفال . او اني احوس بواحد من الاطفال . 16 - هل تؤيد خروج البعض من الأولاد الكبار ،، أو البنات الكبيرات ،، للقرقيعان ؟ اكيد بكل تأكيد لانه فرحة للجميع بلا استثناء وانا البارح كنت اقرقع وانا كبير . 17 - هل ترى بأن هناك عادات جديدة دخلت في قرقيعان اليوم ..و هل هي إيجابية أم سلبية من وجهة نظرك ؟ نعم هناك امور دخلت على القرقيعان وانا اعتبرها سلبيه جدا اهمها: ماكنا نشاهد الاطفال يسيرون على الاقدام وتتعالى الاصوات بل صرنا نشاهد توصيل الطلبات للمنازل والواحد يوقف بسيارته ويجيه القرقيعان لمحله وهذا كنسل فكرة القرقيعان اصلا خير شر:nocoment: واخيرا اتمنى اني كنت ظيف خفيف الظل عليكم جميعا والشكر مرة اخرى للاخت زهور الريف ومتباركين بالمولد الشريف |
رد: •·.·°¯`·.·(سـوالـفـك مـع القـرقيعــان الجـزء الثاني ) •·.·°¯`·.·•
لي بــــآك , ^ , :bye1: |
رد: •·.·°¯`·.·(سـوالـفـك مـع القـرقيعــان الجـزء الثاني ) •·.·°¯`·.·•
http://hh7.net/Aug/15/hh7.net_13133840472.gif
يا هلا و يا مرحبا مليون تراحيب .. أجل تبون تعرفون فضايحنا في القرقيعان .. حريمتكم .. ماني قابلة الدعوة :p سموا بسم الله .. و تفضلوا قلطوا الدهريز :biggrin: http://hh7.net/Aug/15/hh7.net_13133840475.jpg 1 - كم كان عمرك أول ما قرقعت ؟ و متى توقفت عن القرقيعان ؟ مااا أدري .. بس اللي أذكره إنه منذ مبطي :biggrin: يمكن بديت وأنا عشت من عمري 6 سنوات .. توقفت .. امممم .. أشود يوم اني في أول ثانوي أو ثالث متوسط بس العرب الله يهداهم >> العرب = الأهل ما خلونا نستريح في البيت .. ما غير حمّل بزارين ويللا يا إشراقة شغلتش تحوسين بهم حر شمس عصر ظهر .. مب شغلنا .. ذولي مهمتش .. و أجرش على الله :( سنة أطلع افرفر باليهال .. وسنة أقعد بالبيت .. على حسب الطلبية :biggrin: .. بس السنة ما طلعت .. مسكينة أمي خليتها تطلع تحوس بأخوي وأنا كبرت المخدة :biggrin: .. 2 - مع من كنت تقرقع ؟ كنت أفرفر مع اخواني و عيال عمامي .. 3 - ما هي خطتك اللي كنت تتبعها في القرقيعان ،، من تطلع من البيت إلى أن ترجع ؟ من نطلع من البيت .. بالبداية نفرفر فريجنا كله .. و بعدين نعرج على أبعد نقطة من بيتنا .. إلى ما يأذن .. ونهرول راجعين إلى مأوانا .. وبث :biggrin: 4 - هل كنت تلبس ملابس خاصة في القرقيعان ؟ و لاّ تلبس أي شي ؟ خلف الله علينا .. لبسنا وإلا ما لبسنا .. كله العباة علينا .. يعنوو نلبس جديد للمولد عشان كشخة البيت والأهل بس :) 5 - موقف صار لك في القرقيعان و لا يمكن أن تنساه ؟ ما اتذكر مواقف حييل .. بس اتذكر نوبة رحنا نقرقع بيت .. والله يعفي ويتوب عطونا ( جبن مثلث ) الله وكيلكم .. ما يحتاج أقول لكم شلون صار بعد ما طلعناه من الكيسة .. شيّن أكيدن إنه ... ! 6 - ما هو القرقيعان المفضل بالنسبة لك ؟؟ ( ربيان ، بسكوت ، مكسرات ...إلخ ) ؟ اموتن بشي اسمه حلاوة و شوكليت :biggrin: بس طبعًا أفرح بكل شي أحصله :) 7 - شنهي ردة فعلك لمّا تروح بيت ،، و ما يعطونك قرقيعان ؟ كَ عادة كل الأطفال والناس .. نصاب بخيبة أمل مب طبيعية .. حتى لو يعطونا حلاوة وحدة او مصاص .. بنفرح ولا انهم يكسرون بخاطرنا .! بس اذا بعد وزعوه و خلص .. لا حول ولا قوة .. 8 - شنو يوزعون بيتكم في القرقيعان عادةً ؟ اطلب تجد .. من إلى بسكوت ربيان شيبس حلاوة شوكليت مصاص دندرمة عصير إلا المكسرات ما تحصلونه عندنا :biggrin: 9 - الكثير من الأطفال كانوا يفطرون يوم القرقيعان بحجة التعب والعطش .. فهل سويتها ؟ ما نووب سويتها يقال اني عندي قدرة ع تحمل العطش :biggrin: 10 - بعض اللي يقرقعون يروحون ويجوون على البيت الواحد أكثر من مرة ؟ فما رآيك في هذي الحركة ؟ و هل كنت تسويها ؟ مب حلوة يعني ترزز الوجه كل شوي .. بس كرم الإمام الحسن يبيحها للبعض لا ما كنت أسويها .. وعلى ها الطاري .. أقول لبنت عمي البارحة .. رحتوا بيت جيرانا قرقعتوا ؟ يقال انهم يوزعون فلوس .. وبالخمسات والعشرات >> راهيين :biggrin: قالت لا .. ما رحنا ، ما قلتِ لنا قبل .. عشان نطلع من باب وندخل من الباب الثاني ونحصل 50 ريال بالراحة :biggrin: ..! 11 - بعض اللي يقرقعون ،، يجيك و يقول عطوني قرقيعان لأخوي أو أختي .. و لما تقول له وينه ؟ ليش ما يجي يقرقع معاك ؟ يقول لك : هو في البيت ،، ما يقدر يقرقع ،، أصلاً توّه صغير ما بعد حتى يمشي !! فما رأيك في هذي الحركة ؟ و هل سويتها ؟ بصراحة اللي يقولون لي عطوني لأخوي / أختي و كل أبو العايلة .. أعطيهم بدون ما أسأل وينهم ولا من هو ولا شسمه :biggrin: أنا لا ما سويتها .. لأن يوم كنت أقرقع صغيرة .. كل ابو العايلة معي .. يعنوو ما يحتاج أطر حق أحد ويوم إنهم مسّكوني البزارين افرفر بهم .. بس كنت اروح للأهل >> قاصة على البزارين :biggrin: .! والأهل إما يعطوني لاخواني وامي وأبوي ، أو إني عادي أطر منهم ، ميانة :p 12 - كم كانت حصيلة القرقيعان اللي تجمعها عادةً ؟ و شنو تسوي فيها ؟ احنا من النوع اللي اذا قرقع و كفى .. يكب كيسته في كرتون .. والحصيلة يتراوى لي كرتون سنويًا .. حتى اذا ما طلعت أفرفر .. الحمد لله كرم الإمام الحسن يوصلني للبيت فديت ربيعاتي وكل أبو هلي .. شنو أسوي فيه .. الله وكيلكم يسمع حسكم إلى 6 شهور قدام .. من النوع اللي أفرح بالقرقيعان .. بس ما تجيني شهية عليه بس تكفيني مشاهدته .. 13 - هل يتعرض قرقيعانك لأي اعتداءات أو سرقات سواء في الخارج أو في المنزل ؟ قبل لا .. كل واحد مكتفي بقرقيعانه .. الحين .. ما غير أخوي الصغير .. يروح و يجي وياخذ اللي يبي .. ولا في الخاطر شي .. المشكلة ياخذ الشي ويجيك انت يا صاحب الشان : افتحيه لي :biggrin: .! عيني عينك ..! بس فدااه .. لو يآمر على القرقيعان كله ما يغلى عليه .. 14 - هل تتمنى يرجع بك الزمن إلى الوراء ..عشان تقرقع ؟ .. وشنو اللي ودّك تسوّيه لو قرقعت ؟ وأنـا مهونة عن القرقيعان عشان أرجع اقرقع هذاني سنة اطلع و سنة قاعدة في البيت :biggrin: 15 - مالدور الذي تقوم به في القرقيعان حالياً ؟ المطالع في الداخل والطالع يقرقع في بيتنا :biggrin: و تصوير البزارين 16 - هل تؤيد خروج البعض من الأولاد الكبار ،، أو البنات الكبيرات ،، للقرقيعان ؟ نعم .. و بقووووة :biggrin: اسمها فرحة الإمام الحسن .. والإمام كرييييييم .. ما يقول هذا كبير ما يقرقع وهذا صغير يقرقع .. 17 - هل ترى بأن هناك عادات جديدة دخلت في قرقيعان اليوم ..و هل هي إيجابية أم سلبية من وجهة نظرك ؟ اشوف ها اليومين .. ذولي اللي يفرشون الشارع جنب بيوتهم و يوزعون بركة الإمام .. هذي شغل عدل .. تعجبني تحسس الواحد انه فيه مولد وفيه فرحة و مناسبة رغم انها أحيانا مع تجمهر الشباب .. يعيقون حركة البنات والحريم في المرور .. والسلبية .. إنوو من صار القرقيعان في الليل .. صارت الناس تحوس إلى وقت متأخر .. فوق الـ 12 ونص .. هذي مو حلوة .. http://hh7.net/Aug/15/hh7.net_13133840472.gif وأتقدم بجزيل الشكر و العرفان إلى " أول الغيث" على مساهمته أأقصد .. وأتقدم بجزيل الشكر والعرفان إلى " زهور الريف " على الدعوة والفضايح و كوول أبو الدعوة .. ولمزيد من فرحة القرقيعان والمولد و بركة المولد | هنـا والقرقيعان الصفحة اللي بعدها :biggrin: http://hh7.net/Aug/15/hh7.net_13133840473.gif |
رد: •·.·°¯`·.·(سـوالـفـك مـع القـرقيعــان الجـزء الثاني ) •·.·°¯`·.·•
وعليكم الســلآم , اختِ زهــور الريف .. من أروع مــآ يكون بـ أن تسئل , عن حيــآتك و أنت في ايــآم ســآبقه بـ عمرك .. من طبيعي سريع مــآ ترى اجــآبه , لـ أنعجــآب الشخص بـ ذآته في ايــآمه القديمه .. 1 - كم كان عمرك أول ما قرقعت ؟ و متى توقفت عن القرقيعان ؟ توقعــآتي كنت عَ كــلآم عمــآتي يقرقعون فيني و أنـــــآ في 5 سنوآت , و منهــــــآ بدءت بدآيــآتي بـ تعرف عَ قرقيعــآن كل السنه تمر عَ عمري , فـ أرى بـ عيني هذآ القرقيعــــآن في قريتنــآ وبين أهلي و ربيعـــآتي , توقفت عنهـــــآعندمـــــآ دخلت الصف الثــآلث المتوسط 15 السنه .. كفــآيه كبرنــــــآ .. 2 - مع من كنت تقرقع ؟ الله يخلي عيــآل عمي كنــــآ نشكل 12 شخص عــــــآدي من العيله , 3 - ما هي خطتك اللي كنت تتبعها في القرقيعان ،، من تطلع من البيت إلى أن ترجع ؟ طبعـــآ خطتنـــــــآ , تبدأ بـ تجمع بيت جدي منهـــــــآ تفترق الفرق البنـــآت الصوب و الاولآد صوب .. احنــــآ نكون 12 شخص , ندخل البيت الي نروح له بـ شكل الثــلآثي .. منهــــآ من الجنوب بيت جدي الى الشرقيه و بعدهـــــآ الرآشديه .. وتنتهي بيت عمتي الله يخليهـآ لنــــــآ .. 4 - هل كنت تلبس ملابس خاصة في القرقيعان ؟ و لاّ تلبس أي شي ؟ لآ , كــــــآنت الوآلده هي الي تشتري و تلبسنـــــآ عَ كيفهــآ , كل شئ جديد .. 5 - موقف صار لك في القرقيعان و لا يمكن أن تنساه ؟ عندمـــــآ كـــآن عمري في 13 السنه , كنت اسير في الرآشديه بـ دخل في البيت عمتي .. صفعت عَ وجهي في الدرج البـــآب بيت عمتي , و منهــــآ نزل الدم و رحت مستشفى " مــآ أنســآهــآ " , و أخترب يومي في نهــآيته " أشوه مـآكــآن في البدآيه " كــآنت الفــآجعه عَ امي لمـــآ سمعت .. الله يخليهــــآ .. 6 - ما هو القرقيعان المفضل بالنسبة لك ؟؟ ( ربيان ، بسكوت ، مكسرات ...إلخ ) ؟ ربيــــــآن فش فــــــــآش " لذيذ " مع عصير غوآر " فقدنــآه في قرقيعــآنــآ هذي السنه " 7 - شنهي ردة فعلك لمّا تروح بيت ،، و ما يعطونك قرقيعان ؟ رآح تكون فــآجعه عَ اصحــــــآب البيت " دعوة الطفل يقولون مستجــآبه في هذآ اليوم بس " تخيلوآ دعوة 12 شخص و غيرنــــآ كثر .. الله يجيب الفقر لهم [ لـ ارآمكو ] , الله مــآ يدرون ان هذآ يوم قرقيعـــآن يــ شبــآب سمعوهم قرقع قرقيعـــآن .. الخ لـ [ البيوت الي في جبله و الشرقيه ] .. 8 - شنو يوزعون بيتكم في القرقيعان عادةً ؟ طبعــــــآ في أونه اخيره انــــآ الي اشتري , بس كـ العـــآده [ بطــآطس ليز , كــآكــآو مختلف النوعيـآت , حــلآوة مص , بسكوت ] .. أشيـــآء خــآصه لـ أهل .. 9 - الكثير من الأطفال كانوا يفطرون يوم القرقيعان بحجة التعب والعطش .. فهل سويتها ؟ نعم سويتهـــآ ليش اخبي , اتذكر مره وآحده فعــلتهـــــآ مع بنت خــآلي .. عمري 10 سنوآت .. هـ البنت وزتني عليه , شــآفت المـــآي يبرق من برودته , مــآ حسينـــآه الآ في فمنـــآ .. 10 - بعض اللي يقرقعون يروحون ويجوون على البيت الواحد أكثر من مرة ؟ فما رآيك في هذي الحركة ؟ و هل كنت تسويها ؟ عــــــآدي هذآ يوم الخير لـ أطفـــآل , كل يطمع بـ أن يرى كيسته ازيد من كيسه الي مع ربعه .. فـ شئ غريزي فيه بـ ان يكون أفضل , و كل يتصـآرع من أجل زيـــآده .. مـــــآ أذكر اني سويتهـــــآ , بس عيــآل عمي سوووهــــــآ .. 11 - بعض اللي يقرقعون ،، يجيك و يقول عطوني قرقيعان لأخوي أو أختي .. و لما تقول له وينه ؟ ليش ما يجي يقرقع معاك ؟ يقول لك : هو في البيت ،، ما يقدر يقرقع ،، أصلاً توّه صغير ما بعد حتى يمشي !! فما رأيك في هذي الحركة ؟ و هل سويتها ؟ الحركــه قديمه و تم تنفيذهـــآ من قبل , أعترف وقل انهــــآ لي .. كمــــآ قلت ســــآبقــآ كلً يطمع عَ الزيــآده .. اي سويتهـــــآ , بس كـــآنت صج عمتي ام فـآطمه موصتني حق لهــــآ .. في النـــــآس يعطونك و في النــــآس مـــآ يعطونك , مــآ قصروآ .. 12 - كم كانت حصيلة القرقيعان اللي تجمعها عادةً ؟ و شنو تسوي فيها ؟ بـ العــــــآده اترس كرتونين ليز متروسه بطــآطس و ربيـآن و عصيرآت و بســآكيت كل شئ .. طبعــــــآ حق اخوآني الصغــــــآر و و منهــــآ افرفش فيهم وأكل وأفتخر فيهم قدآم عيــآل عمي , كنـــآ نتســآبق على كثر .. 13 - هل يتعرض قرقيعانك لأي اعتداءات أو سرقات سواء في الخارج أو في المنزل ؟ اي مره حدثت معي , لمــآ كنت في 9 من عمري , في نهـــــآية القرقيعـــآن في العصر .. كنت ذآهب الى بيت عمتي " الرآشديه " , هنــــآك صــآدفت الشبــآب من الجمــآعه بـ حــــآلي قــآموآ بـ مسكي و أخذو الكيسه وبــآقوآ نصهــآ .. بس الحمد الله رديتهـــآ عليه و الى الآن مــآ أنســــآه , من أشوفه اتكــــآرهه .. 14 - هل تتمنى يرجع بك الزمن إلى الوراء ..عشان تقرقع ؟ .. وشنو اللي ودّك تسوّيه لو قرقعت ؟ اي ودي يرجع الزمن الى ورى , و أقرقع . افرآرره نفس قبل , و نقول " قرقع قرقيعــآن .. الخ " 15 - مالدور الذي تقوم به في القرقيعان حالياً ؟ أوزع الى نهــآية أشغــآل الوآلده في البيت , بعدهـــآ اطلع بـ سيـآره مع بعض من بزرآن .. منهم اخوي جودي .. 16 - هل تؤيد خروج البعض من الأولاد الكبار ،، أو البنات الكبيرات ،، للقرقيعان ؟ لآ أؤيد ذلك , لـ أنه رآح تحدث بعض من مشــآكل حين تدآخل الشبــآب و البنـــآت الكبـآر مع بعض .. حــلات القرقيعــآن ترآه يجمع الاطفــآل مع بعض , و يدخلون بيت بيت و أنت تستقبلهم وتقولهم قولوآ قرقع قرقيعـآن .. 17 - هل ترى بأن هناك عادات جديدة دخلت في قرقيعان اليوم ..و هل هي إيجابية أم سلبية من وجهة نظرك ؟ ايجــآآبيه من نــآحية الاشيـــآء المقدمه من قبل الموزعين و طرق و أســـآليب التوزيع , سلبيه في لبس الاطفــآل الجديد غير لبس ترآثي .. وفي الاخير تعبت و جــــآني النوم .. بس قبل نشكر الاخت زهــور الريف عَ الدعوه , بـ جد كـــآنت اسئله حلوه مره , من خــلالهــــآ تعرف عَ مــآ يفعله اعضــآء في قرقيعـــآن .. يعطيك العــآفيه خيتوآ , & |
رد: •·.·°¯`·.·(سـوالـفـك مـع القـرقيعــان الجـزء الثاني ) •·.·°¯`·.·•
ما شاء الله عليك يا غصن الروح حياتك مليئه بالمغامرات , ما تشوف شر يا الغالي .
من جد عجبني كلامك موفق يا غصن الروح بحياتك |
رد: •·.·°¯`·.·(سـوالـفـك مـع القـرقيعــان الجـزء الثاني ) •·.·°¯`·.·•
وحي العشق اقتباس:
اقتباس:
يمكن يكون بيتنا :s48: اقتباس:
طيب كم كرتون يصير بعد ما تنثرون القرقيعان مع بعض ؟؟:icon11: .", إشراقة أمل اقتباس:
عاد أنا مالي مقاقه عليهم :11: وثانيا أحد ينام يوم القرقيعان قومي شوفي فرحة الأطفال ما عندج سالفه بس:s49: اقتباس:
عاد مالقوا إلا جبن مثلث :crazy: اقتباس:
طيب كان قلت لنا اي بيت علشان حتى انا اللي ما أقرقع رحت هالبيت أقرقع فية وقلت للأهل والجيران وكل من يعز علي >> شدعوى ذكرتني بولد عمي ولد جيرانهم سنتين يوزع ريالات العام الماضي راح وعطوهم بسكوت طلع من بيتهم قال اوه هالبخله ذولا ما يوزعون ريالات :pouahahahaha:>> تعود عليهم .", غصـــ الروح ـــــن اقتباس:
حللت أجل القرقيعان من 5 إلى 15 سنه يعني عشر سنوات:biggrin: اقتباس:
ما تششوف ششر اقتباس:
أهم شيء أنك رديتها بس ما علمتنا شلون رديتها ؟؟ .", سعدت بحضوركم أخواني ويعطيكم العافية:rosess: |
رد: •·.·°¯`·.·(سـوالـفـك مـع القـرقيعــان الجـزء الثاني ) •·.·°¯`·.·•
اقتباس:
الله يسلمك , خليني اسئل ولد عمي نشوف يرضى يقول القصه ؛× وآفق ابو الشبــآب , كنــآ يومهـــآ في الصف الاول الثــآنوي .. في اختبــآرآت , اخر اليوم لعبنـــآ مبــآرآه في النــآدي الصبــآح مع مجموعه من الجمـآعه .. تفــآجئت شفت هذآ معهم " قلت لهم انــآ مــآ ني لآعب " | أفـــآ ليش ؟؟ شــوفوآ هنـآك , قــآلوآ اي هذآ فــلآن ابن فـلآن ؛ الي سوآ كذآ كذآ .. ؟؟ ؟؟ ؟؟ بقية القصه محذوفه .. قـــآلي وقفهم , و جــه نزل تحتي " أصطرني " .... الخ .. |
رد: •·.·°¯`·.·(سـوالـفـك مـع القـرقيعــان الجـزء الثاني ) •·.·°¯`·.·•
http://im9.gulfup.com/2011-08-18/1313722991321.gif
نستضيف في هذي الحلقة كلاً من : 1 - زهرة الأوركيد 2- 3kaha- شقاوة أنثى http://im9.gulfup.com/2011-08-18/1313722991321.gif |
رد: •·.·°¯`·.·(سـوالـفـك مـع القـرقيعــان الجـزء الثاني ) •·.·°¯`·.·•
مساء الورد والرياحين
بداية أشكر غاليتي زهورالريف لهذه الدعوه الرائعه شكرا لك أعادك الله على هذا الشهر المبارك كل سنه بخير وسلامه http://www.q8boy.com/images/dwcqajqidsx612iqvly.jpg 1 - كم كان عمرك أول ما قرقعت ؟ و متى توقفت عن القرقيعان ؟ تقريبا من عمر سبع سنوات 2 - مع من كنت تقرقع ؟ مع خواتي ولازم أخواني 3 - ما هي خطتك اللي كنت تتبعها في القرقيعان ،، من تطلع من البيت إلى أن ترجع ؟ كنا انا وخواتي وأخواني نأخذ كيس القرقيعان ونذهب الى المنازل المجاوره ويكونوا الناس بانتظار وصول الاطفال للقرقيعان ومجهزين لنا الكثير 4 - هل كنت تلبس ملابس خاصة في القرقيعان ؟ و لاّ تلبس أي شي ؟ يوم كنا صغار كان اهم شي نلبس البخنق ولمن شوي كبرنا كنا نلبس ملابس القرقيعان 5 - موقف صار لك في القرقيعان و لا يمكن أن تنساه ؟ :) صحيح كنت صغيره جدا يومها عطتني وحده من نساء الجيران فلوس قالت يما عذريني مارحت السوق أشتري قرقيعان وانا وقتها بكيت قلت لها مابي فلوس أبي حلاو :) 6 - ما هو القرقيعان المفضل بالنسبة لك ؟؟ ( ربيان ، بسكوت ، مكسرات ...إلخ ) ؟ القرقيعان حلو ( سبال بقشور ، الجوز ، حلاو الملون ، وحلاو مشكل) 7 - شنهي ردة فعلك لمّا تروح بيت ،، و ما يعطونك قرقيعان ؟ ماكنت اهتم لان الكيس مليان ونروح بيت ثاني 8 - شنو يوزعون بيتكم في القرقيعان عادةً ؟ يوزعون الكثير من المكسرات والحلاو والشيكولاته 9 - الكثير من الأطفال كانوا يفطرون يوم القرقيعان بحجة التعب والعطش .. فهل سويتها ؟ لا أبدا لان كنا نروح نقرقع بعد الافطار 10 - بعض اللي يقرقعون يروحون ويجوون على البيت الواحد أكثر من مرة ؟ لا باليوم مره وحده نروح لكل بيت لكن على 3 ايام لذا يتم تكرار البيت فما رآيك في هذي الحركة ؟ و هل كنت تسويها ؟ 11 - بعض اللي يقرقعون ،، يجيك و يقول عطوني قرقيعان لأخوي أو أختي .. و لما تقول له وينه ؟ ليش ما يجي يقرقع معاك ؟ يقول لك : هو في البيت ،، ما يقدر يقرقع ،، أصلاً توّه صغير ما بعد حتى يمشي !! فما رأيك في هذي الحركة ؟ و هل سويتها ؟ لا ماحصلت معي 12 - كم كانت حصيلة القرقيعان اللي تجمعها عادةً ؟ و شنو تسوي فيها ؟ الكثير والكثير .. كنا نرجع البيت ونقوم بعمل شاق :) أضع المكسرات بكيس والحلويات بكيس وكانت الحلويات تكفي لشهر كامل من كثرها 13 - هل يتعرض قرقيعانك لأي اعتداءات أو سرقات سواء في الخارج أو في المنزل ؟ :) لا بس كنا نتبادل مرات بين بيعض انا وخواتي حسب كل وحده شنو تحب من الحلويات 14 - هل تتمنى يرجع بك الزمن إلى الوراء ..عشان تقرقع ؟ .. وشنو اللي ودّك تسوّيه لو قرقعت ؟ أتمنى ان تعود ... لكن مازلنا نقرقع لكن بالبيت ههه بينا وبين بعض 15 - مالدور الذي تقوم به في القرقيعان حالياً ؟ أعمل قرقيعان وأحصل ايضا عليه 16 - هل تؤيد خروج البعض من الأولاد الكبار ،، أو البنات الكبيرات ،، للقرقيعان ؟ لا أبدا لا أؤيد هذا الشيء من ناحية أخرى لا أؤيد خروج البنات والاولاد الصغار لوحدهم الدنيا ليس فيها أمان أبدا 17 - هل ترى بأن هناك عادات جديدة دخلت في قرقيعان اليوم ..و هل هي إيجابية أم سلبية من وجهة نظرك ؟ نعم للاسف دخلت عادات جديده وأجدها سلبيه جدا لان القرقيعان كان بالسابق بسيط ومتنوع وجميل لكن الان مبالغ فيه وفيه اسراف كبير حيث يتم التنافس بكيفية العرض وكذلك حتى الحلويات تكون غالية الثمن والخ حلاو القرقيعان يجب ان يكون مثل السابق وحتى بكيفية التوزيع شكرا جزيلا لك عزيزتي الله يعطيك العافيه دمت بود http://farm2.static.flickr.com/1054/...691e6e1e33.jpg |
رد: •·.·°¯`·.·(سـوالـفـك مـع القـرقيعــان الجـزء الثاني ) •·.·°¯`·.·•
بسم الله الرحمن الرحيم 1 - كم كان عمرك أول ما قرقعت ؟ و متى توقفت عن القرقيعان ؟ كان عمري 7 سنوات كنت فِ أولى إبتدائي السنة توقفت 2 - مع من كنت تقرقع ؟ مع بنات عمي 3 - ما هي خطتك اللي كنت تتبعها في القرقيعان ،، من تطلع من البيت إلى أن ترجع ؟ كنا نتجمع ف بيت عمي ونطلع من بيتهم ونقرقع إلى أن نوصل بيت عمتي قبل الديرة بِ أشوي 4 - هل كنت تلبس ملابس خاصة في القرقيعان ؟ و لاّ تلبس أي شي ؟ لا ماالبس..كنت ماارضى لانه مااحبه 5 - موقف صار لك في القرقيعان و لا يمكن أن تنساه ؟ طبعا مو أنا..بنت أختي رورو مرة احرجتنا كنا ماخذينها تقرقع معنا واذا عجبها قرقيعان البيت اللي ندخله تقول لهم عطوني لاختي ميمي :biggrin: 6 - ما هو القرقيعان المفضل بالنسبة لك ؟؟ ( ربيان ، بسكوت ، مكسرات ...إلخ ) ؟ بطاطس/شوكلاه 7 - شنهي ردة فعلك لمّا تروح بيت ،، و ما يعطونك قرقيعان ؟ ما أتكلم أطلع وأنا ساكته 8 - شنو يوزعون بيتكم في القرقيعان عادةً ؟ بطاطس/دندرمه/عصير/بسكوت 9 - الكثير من الأطفال كانوا يفطرون يوم القرقيعان بحجة التعب والعطش .. فهل سويتها ؟ يب,سويتها مرتين 10 - بعض اللي يقرقعون يروحون ويجوون على البيت الواحد أكثر من مرة ؟ فما رآيك في هذي الحركة ؟ و هل كنت تسويها ؟ عادي مافيها شي هي بركة من الامام مامرة سويتها,أخاف يصيدوني 11 - بعض اللي يقرقعون ،، يجيك و يقول عطوني قرقيعان لأخوي أو أختي .. و لما تقول له وينه ؟ ليش ما يجي يقرقع معاك ؟ يقول لك : هو في البيت ،، ما يقدر يقرقع ،، أصلاً توّه صغير ما بعد حتى يمشي !! فما رأيك في هذي الحركة ؟ و هل سويتها ؟ أنا ما أوزع ولا مرة صارت لي,بس لو يقولي أكيد بعطيه ولا مرة سويتها 12 - كم كانت حصيلة القرقيعان اللي تجمعها عادةً ؟ و شنو تسوي فيها ؟ كيستين,طبعا اذا رجعنا البيت ع طول ف كراتين, حتى لو ماقرقعت قرقيعاني يوصلني وأنا ف البيت صقيقاتي يجيبون لي وقرقيعان البزران اللي يجيبونهم الأهل 13 - هل يتعرض قرقيعانك لأي اعتداءات أو سرقات سواء في الخارج أو في المنزل ؟ لا ولا مرة 14 - هل تتمنى يرجع بك الزمن إلى الوراء ..عشان تقرقع ؟ .. وشنو اللي ودّك تسوّيه لو قرقعت ؟ لا ماابقى,لاني الى الحين اقدر اقرقع :biggrin: 15 - مالدور الذي تقوم به في القرقيعان حالياً ؟ أقرقع بِ بنات أختي رورو وميمي ع الاهل بس ه السنة قرقعت بس بِ ميمي, وبعدين رحت بيت أهلي وهناك طبعا الشلة وبسطنا مع بعض نوزع ونسولف 16 - هل تؤيد خروج البعض من الأولاد الكبار ،، أو البنات الكبيرات ،، للقرقيعان ؟ الاولاد لا,أما البنات يب عادي لان البنات مايخذون راحتهم يعني مثلا ف الشارع البنات مايعرفون يمشون ف الطريق وإذا ادخلوا البيوت 17 - هل ترى بأن هناك عادات جديدة دخلت في قرقيعان اليوم ..و هل هي إيجابية أم سلبية من وجهة نظرك ؟ الايجابية::) القرقيعان الليل, واللي يفرشون ويجلسون جنب بيتهم السلبية::( ماحد يجي بيتنا واجد :biggrin: مثل ماقالت شوشي من صار القرقيعان الليل الناس تقرقع الى الساعة 12 ونص وأكثر أحيانا أشكر زهور الريف ع الدعوة : يعطيك العافية ع الموضوع الاكثر من رائع |
رد: •·.·°¯`·.·(سـوالـفـك مـع القـرقيعــان الجـزء الثاني ) •·.·°¯`·.·•
.~ متـَابعه
نحنُ بأنتظـار كـاها |
رد: •·.·°¯`·.·(سـوالـفـك مـع القـرقيعــان الجـزء الثاني ) •·.·°¯`·.·•
1 - كم كان عمرك أول ما قرقعت ؟ و متى توقفت عن القرقيعان ؟ لا اتذكر بس من كنت صغير جايب شيء جديد :cool: تقريبا من كنت اطلع مع اعيال عمي رابع ابتدائي . 2 - مع من كنت تقرقع ؟ اعيال عمي وبعض من الجيران . 3 - ما هي خطتك اللي كنت تتبعها في القرقيعان ،، من تطلع من البيت إلى أن ترجع ؟ ماهنا خطط ولاشيء متى ماتعبت الاكياس انتهت مهمتنا ;) بس بجد ندور الطرف كلها. 4 - هل كنت تلبس ملابس خاصة في القرقيعان ؟ و لاّ تلبس أي شي ؟ لا | كالعادة ثوووب :) 5- موقف صار لك في القرقيعان و لا يمكن أن تنساه ؟ ما اتذكر , بس ممكن التعرض للأكياس من بوق ونقوم بالعمل اللازم . 6 - ما هو القرقيعان المفضل بالنسبة لك ؟؟ ( ربيان ، بسكوت ، مكسرات ...إلخ ) ؟ الي يجي من البيت حياه الله الربيان اكثر . 7 - شنهي ردة فعلك لمّا تروح بيت ،، و ما يعطونك قرقيعان ؟ عادي نمشي في بيوت اشكثرهم :cool: 8 - شنو يوزعون بيتكم في القرقيعان عادةً ؟ كل سنة نوع بس الاغلب ربيان وبسكوت . 9 - الكثير من الأطفال كانوا يفطرون يوم القرقيعان بحجة التعب والعطش .. فهل سويتها ؟ لا . ذيك السنين مافي حر نفس هالايام . 10 - بعض اللي يقرقعون يروحون ويجوون على البيت الواحد أكثر من مرة ؟ فما رآيك في هذي الحركة ؟ و هل كنت تسويها ؟ لا , اولا انا واخواني واعيال عمي وبعض الجيران شيء اكيد بيشكون :cool: 11 - بعض اللي يقرقعون ،، يجيك و يقول عطوني قرقيعان لأخوي أو أختي ..و لما تقول له وينه ؟ ليش ما يجي يقرقع معاك ؟ يقول لك : هو في البيت ،، ما يقدر يقرقع ،، أصلاً توّه صغير ما بعد حتى يمشي !! فما رأيك في هذي الحركة ؟ و هل سويتها ؟ اذا انا اوزع اعطي من غير اسئله . 12 - كم كانت حصيلة القرقيعان اللي تجمعها عادةً ؟ و شنو تسوي فيها ؟ كيستين كبيرة وصغيرة كافي :) يتم معي سنه :p يعني يتم فترة مو اشوي والبعض منه ينتهي . 13 - هل يتعرض قرقيعانك لأي اعتداءات أو سرقات سواء في الخارج أو في المنزل ؟ في بعض الاعتداء بس انا واعيال عمي نعمل اللازم ;) 14 - هل تتمنى يرجع بك الزمن إلى الوراء ..عشان تقرقع ؟ .. وشنو اللي ودّك تسوّيه لو قرقعت ؟ اكيد اتمنى الحواسه والهيصه والرجوع الى المرح والبساطة وليس مهم عندي القرقيعان الاهم الرجوع للايام الحلوة . 15 - مالدور الذي تقوم به في القرقيعان حالياً ؟ شراء الربيان والبسكوت والاخوان عليهم التوزيع . 16 - هل تؤيد خروج البعض من الأولاد الكبار ،، أو البنات الكبيرات ،، للقرقيعان ؟ مؤيد | تقرقع قريب من بيتها مو تدور الطرف وتكون ملفته للنظر ؟ 17 - هل ترى بأن هناك عادات جديدة دخلت في قرقيعان اليوم ..و هل هي إيجابية أم سلبية من وجهة نظرك ؟ يعني هالي يقرقعون بالسيارة خوفتي تكون عادة ويؤخذ بها مستقبلا . زهور الريف | شكرا لكِ للاستضافة الجميلة الله يعطيك العافيه ارشح | قاهر المستحيل |
رد: •·.·°¯`·.·(سـوالـفـك مـع القـرقيعــان الجـزء الثاني ) •·.·°¯`·.·•
زهرة الأوركيد اقتباس:
ما أذكر أن مامي لبستني البخنق أصلا أنا ما أحبه :s28: اقتباس:
ههههههه يا حليلش بسس أحد يعافي الريال كان عطتيني إياه اقتباس:
ششلون 3 أيــام ؟؟ أحنا نقرقع بس يوم واحد من وين طلعوا هاليومين ؟؟ :sly: .", شقاوة أنثى اقتباس:
ههههه يا حليلها ذكرتني بموقف جاء ولد بيتنا يقرقع وعنده 3 اكياس قرقيعان قال له أبوي ما يصير 3 اكياس مهب بزييين :pouahahahaha: اقتباس:
أفااا ما هقيتها منج :surrender: ما تعرفين شنهو يصير حق اللي يفطر شنهو يصير له في يوم العيد سـألي بحر الوفا ولا أحساس قاتل ويقولون لش :p اقتباس:
حظش مو أنا مسكينة ما حصلت إلا أربع ريالات :G5: ريال من مرت جيرانا مطرشه للبيت وريال من بنت عمتي وريالين من بيت عموو .", kaha اقتباس:
هههههههه حيييل قليل ليش كافي :omg_smile كان خليتهم خمس :P اقتباس:
اي والله أيام حلوه تذكرت نفسي وأنا طفلة يا حليلي :fruits_cherry: اقتباس:
ولا يهمك غالي والطلب رخيص;) سعدت بحضوركم أخواني يعطيكم العافية:G1: |
| الساعة الآن 01:19 AM |
Powered by vBulletin® Copyright ©2000 - 2025, Jelsoft Enterprises Ltd. TranZ By
Almuhajir
ما ينشر في منتديات الطرف لا يمثل الرأي الرسمي للمنتدى ومالكها المادي
بل هي آراء للأعضاء ويتحملون آرائهم وتقع عليهم وحدهم مسؤولية الدفاع عن أفكارهم وكلماتهم
رحم الله من قرأ الفاتحة إلى روح أبي جواد