منتديات الطرف - تطور البنات من العصر الحجري إلى عصرنا الحاضر .. !! (أبوفؤاد)

( العصر الحجري )
الفتره 50 سنه قبل الميلاد
في هذي الفتره اعتمدت المرأة على استخدام دم الحيوانات لإبراز مفاتن الوجه والاغراء .
أما الرجل فكان يومها يطول شعر لحيته كوسيله لإثبات القوه والرجولة .
وكان إذا تزوج وحدة يسحبها من كشتها كمراسيم للزفاف .

( عصر الفراعنة )
الفتره 200 سنه بعد الميلاد
كانت المرأة في هذه الفتره تستخدم الفحم لتجميل العين ( الكحل ) وروث الحيوانات كواقي للوجه ومنظف للبثور
أما في الأسكيمو كان جمال المرأة مقرون بجمال الأسنان وكان الرجل يتزوج المرأة قوية الأسنان ( موعشان أسنانها عاجبته )
فالرجال في هذه المنطقه يلبسون أحذيه مصنوعة من جلد كلاب البحر وكانت المرأة تعلك الحذاء عشان تسكر المسامات ولا يصاب الزوج العزيز بالبرد ..
وتستمر على هذا المنوال حتى تتكسر كل أسنانها فيطلقها ويبحث عن غيرها .

الفتره سنة 1975م
في هذه السنة كان البنات يستخدمون الديرم والكحل لجمال العين وزيت الزيتون لجمال الشعر ( حشى تبوله ) ..
وفي المدارس كانوا قبل لا يطق جرس الصرفة يشترون كت كات ..
على أيامهم كان فيه قصدير معاه وياخذون القصدير ويفركونه في خدودهم عشان تصير حمر ويزيد جمالهم ويغازلونهم الشباب ..
بس الله يعينهم على النفر والحساسيه بعدين .

الفتره سنة 1992م
في هذي السنه قامو البنات يستخدمون كريم الأساس والمكياج بس المشكله الوجيه صارت مثل الأراجوزات لسببين ..
الأول ما في تناسق بالألوان والثاني كانو يحطون مكياج الصبح حق الليل ومكياج الليل حق الصبح وكان الحجاب يا أسود يا أبيض ( مساكين ) ..
والشباب كانو توهم مكتشفين المارينز كنهم دجاج يومها ..

( سنة التطور )
الفتره سنة 2000م
أهم تطورات هذه السنة إكتشاف حجاب بو خيشه وحجاب بو برده ما أدري خلصت الخامات ولا اختلفت الاذواق
بس بالنسبه حق السنين اللي قبل كانت البنت تعرف تحط مكياج وعندها قاعدة إنها لازم تخلص المكياج بنفس اليوم اللي شرته فيه ..
يا سلام على التفكير ..

( سنة المسخرة )
الفتره سنة 2003م
في هذه السنة الشباب حلقوا اللحية والشنب وتبروا من رجولتهم وقاموا يحطون كريمات
وقطو الغتره والعقال أو استخدموا البديل الأمثل ألا وهو الجل ..
أما البنات فما عجبهم المكياج الخفيف وقرروا يتسبحون بالمكياج وصار عندهم مثل الدواء مرتين عقب الغدا وثلاث مرات بعد النوم ..
وهذا الشي طيح من سوقهم مرة وحدة وطلع النفر والأقراح من وجيهم وصاروا الشباب ناعمين أحلى منهم
وقامو يتحرشون في الشباب في الكليات والمجمعات والمنتزهات والشباب الناعمين مساكين ما يقدرون يتزوجون منهم لاسباب كثيرة ..
أهمها إنهم لاقين وظايف زينة وقد المسؤوليه ( العكس طبعاً ) ..
والسبب الثاني إن العوايل كلها تبي الفكة من بناتهم ومو طالبين مهور عاليه أبداً أبداً ( العكس طبعا ) ..
والسبب الأخير إن البنت ما تبي تكشخ في وقتنا هذا ولا تبي سيارة بـ 200 ألف ولا تبي تسافر كل مكان
ولا تبي تشتري كل شي تشوفه ( العكس طبعا

والله يصبرنا عليكم يا البنات

أتمنى أن تنال إعجابكم
***10***

منقول