منتديات الطرف - قصيدة أحبك..ثم أحبك [[ مطر من الحب ]] تحميل ..

منتديات الطرف (www.altaraf.com/vb/index.php)

قصيدة أحبك..ثم أحبك [[ مطر من الحب ]] تحميل ..

أحبك
ثم أحبك
ثم أحبك
ثم أحبك
.
.
.

أحبك كثر ماقد صار أحبك رغم ماقد صار
أحبك كثر مادنيا الزعل والصد مهجوره
أحبك كثر ماتمطر بصدري من غلاك أمطار
أحبك كثر ماصارت أراضي العشق ممطوره
أحبك كثر ماتفتح شبابيك الربيع أزهار
أحبك كثر ماغنت عشان الصبح عصفوره
أحبك كثر ماتوقف على جنب الطريق أشجار
أحبك كثر مايقسى الشتا وتهاجر طيوره
أحبك كثر مافي الأرض بنت تلفت الأنظار
وأحبك كثر مايرتاح عطر بصدر مغروره
أحبك كثر ماجاب للمساكن أعطته زوار
أحبك كثر ماجانا صباحـ (ن) يشبهك نوره
أحبك كثر ماتهدي كفوف الوصل من تذكار
أحبك كثر ماشالت ايدين العاشق زهوره
أحبك كثر مانقرا عن الفارس..عن المغوار
أحبك كثر مانسمع ولا شفنا ولا إسطوره
أحبك كثر ماتلعب بدنيا العاشقين أقدار
أحبك كثر ما ذا الحظ دايم يعلن قصوره
أحبك كثر ماعافت رياح بحسبة البحار
أحبك كثر مالبحار يعشق نسمة بحوره
أحبك كثر مايتلحف اللي منشغل بأعذار
أحبك كثر مافي الناس ..ناس بجد معذوره
أحبك كثر ماملت قصايدنامن التكرار
أحبك كثر مالشاعر تمنى حب جمهوره
أحبك كثر ماشفنا على وجه الزمان آثار
أحبك كثر مافي الأرض فقر وناس ميسوره
أحبك كثر مادرات بذهن الحالمين أفكار
أحبك كثر مافي الخير ناس للخير مذكوره
أحبك كثر مانروي حكايات الحطب للنار
أحبك كثر ماقلنا عن الأحوال مستوره
أحبك كثر مانجهل متى توقف بنا الأعمار
أحبك كثر مانسمع حكايا حب مشهوره
أحبك كثر ماضاق السجين بلعنة الأسوار
أحبك كثر ماهاج البحر واجتاحته ثوره
أحبك كثر ماننسى وأحبك كثر مانحتار
أحبك كثر مايسهر محب وفي ايده صوره
أحبك كثر ماتقطع شفاتك في العسل مشوار
أحبك كثر ماخدك يخلي الشمس مبهوره
أحبك كثر مافيك الغلا ماوفت قصوره
أحبك والزمن ساكن وأبك لو زماني دار
أحبك يامدينة حب وسط الصدر معموره
أحبك والتفت شاعر لعينك وامطرت أشعار
حلف مايمسي الليله قبل مايكتب شعوره
ورتبتك بصدري وانت تستاهل وراعي دار
تفضل وقلب أوراق الغلا وايديك مشكوره
تفضل ولو انت مثلك ذكرته هلت الأنوار
وقمت أجمع من أشواقي قصايد عشق منثوره
تلذذ بالجمال وقلت ابهديك القصيد إجرار
غلاك وصدق حبك ماترك لي نفس مكسوره
أنا عاشق جمال وماخفالي في الجمال أسرار
أنا لان كتبت أعطيك وأعطي العشق مقدوره
كتبتك في القصيده ابيات من حسنك عليك تغار
حروف العشق طفله في ثياب العيد مسروره
لقيتك والدلع والثقل شله والحسن ثرثار
ويقول أشياء كثيره للعيون يثبت حضوره
كفايه لو تطل ويفرح بطلتك دار الجار
كفايه لو تشوف الناس في نظرتك معسوره
غرامك يذري حروفي سقاه الصد منك أمطار
كتاباتي تشهد من غلاك وتحفظ عطوره

أحــــــــبك
.. ثم أحـــبك
.. ثم أحــبك
.. ثم أحـــبك
.. رغم ماقد صار
.. أحبك حيل مهما صار
أحبك دام أنا طيب وأراضي العشق ممطوره

لإستماع وتحميل القصيدة

http://www.zshare.net/audio/71428636f5a844a1/

وهذا ذوووقي :biggrin: :p

رد: قصيدة أحبك..ثم أحبك [[ مطر من الحب ]] << تحميل ..

الحب كائن ثالث يجمع بين اثنين والكائن صاير فايرووووس على اثنين حسبنا الله من كان السبب
في حب صادق هالايام مستححححححححححححححيل

ورود / القصيده جميله الله يعطيك ستعش الف عافيه

رد: قصيدة أحبك..ثم أحبك [[ مطر من الحب ]] << تحميل ..

مرسااال الحب

هههههه بس ستعش الف اشووووي << حمدي ربك لااسطرك

يخليك ربي ولا يحرمنا تواجدك وتعليقك

نورتنااا

رد: قصيدة أحبك..ثم أحبك [[ مطر من الحب ]] << تحميل ..

القصيدة جميلة ذات معاني جياشة ..

وصوت الشاعر أو المُلقي .. أعطى القصيدة عمقًا أكثر ..

،’

الله يهني كل من سعد بالحب ..

ويجزل لك العافية والشكر لك على اختيارك ..

،’

دمتِ بود