منتديات الطرف - يعجز .. [ صغير القوم ] .. مايستفزّك يــابــاسم

مساكم شعر ..

ويامرحبا بكل من نور صفحتي ..
..

اضع بين يدينكم قصيدة جديده من قصايدي اللي تعودتوا عليها ..

وانشالله هالمره تكون افضل بعد الغيبات الطويله عن المنتدى وعنكم ^^

..

القصيدة بعنوان ( صغير القوم ) ::

..

لا ينثني عودك معَ كل نسناس ..
.. بعض الهبايب قصدها لو تهزّك

خلّك على جور الزمن رافع الراس ..
.. يعجز صغير القوم ما يستفزّك

فصّل من خيوط المعزّه لك إلباس ..
.. رز الملابس ماهي اللي ترزّك

ارسم خطط وابني من افعالك الساس ..
.. وارقا وخل اللي يطولك يدزّك !!

خل الذكر يوم الذكر فيك نوماس ..
.. يوم التراب اللي تدوسه يلزّك

للي يشيل اسمك ويمشي مع الناس ..
.. غير الشبه يورثك قدرك // وعزك

الموت حق وكلنا يجرع الكاس ..
.. الزم طريقك واحذر اللي يوزّك !!

..

وسلامتكم

تحيـــــــــــــــــــاتي وحيـــــــــــــــــد بدنيتــــــــــــــــــــي