|
[ آجار فساتين الزواج بين مشكله وحل ؟! نقاااش ]
:. السلام عليكم ورحمة الله وبركاته .. عندما تصبح لدينا أهزوجة فرح أحد الأقارب ونريد أن نفرح ونلبس أجمل الفساتين معبرين عن فرحتنا بهذه المناسبه من جهة أخرى شراء فستان ومستلزمات الفرحه قد تردنا أحياناً بسبب غلاء السوق واحياناً غالي وع قلة معنى :cool: وع ليلة في العمر . شرايكم بفكرة آجار الفساتين ؟ البعض يتعب حيل لأنه مايحصل ذوقة يتوافق مع فساتين الآجار ما الحل ياترى ؟ آحياناً يتوافق الذوق بس السعر يكون مو مناسب شتسوين ؟ أكيد صارت لكم مواقف ؟ خلونا نناقش هذه المشكله التي قد تكون مشكله عند البعض وتكون حل عند البعض الأخر . بـ التوفيق :) .. : |
رد: [ آجار فساتين الزواج بين مشكله وحل ؟! نقاااش ]
، وعليكم السلام ورحمة الله وبركاته ومبارك عليكم المولد والزواجات ومن العايدين و تبلغوا في التوالي إن شاء الله ، جهة أخرى شراء فستان ومستلزمات الفرحه قد تردنا أحياناً بسبب غلاء السوق واحياناً غالي وع قلة معنى وع ليلة في العمر إيه والله العظيم كأنش تدري هو ماعليه حلو ومرتب وكذا بس على سعره وعلى هالليلة الوحدة ، فواته والله و يعوّر قلبي بعض الساعات ودّي تطلع لي سفرة مفاجأة بس علشان ما أتوهق بهالمعاريس >> لاتعلموا لأحد عاد :p شرايكم بفكرة آجار الفساتين ؟ ممتازة وما علامها ومُنقذة في وقت الشّدة و الزّحمة بس أنا نوعيتي من اللي ما يفضلوا الآجار على طول ، أحب يكون فستاني لي ، العروسة مثلا يخدمها الآجار ، يعني مثلا فستان الزواج الأفضل استئجاره ، ( لإن لو كان لها بتبلش فيه حتّى لو أجرته عشرين مرة >> مالها خلق شي موول :cool: البعض يتعب حيل لأنه مايحصل ذوقة يتوافق مع فساتين الآجار ما الحل ياترى ؟ اللوتس وحدة مالها مقاقة موول ، خلاص دوّرت على فستان للآجار مرة مرتين و ما حصّلت يعني المرة الفالفة وينش يا سيارة ، انطلاق للسوق حتّى لو بذاك السّعر .. :) خاصّة إني ما أحب الفساتين الزّحمة / ناعم و بسيط و بلا هالشكشكة والعفرا أنا أقول للي تبي تستأجر و لا تتعب وهي تدور ، لا تروح عند ناس وبس أوّل شي تشوف النّاس اللي تبي تستأجر منهم إذا ذوقهم قريب من ذوقها يعني تحسهم مثلها ، نفس الستايل تقريبا ... خلاص تقدم على الخطوة ، ( اختصار مول أما إنها تروح وتطق مشوار لهذي وذيك وهي ما تعرف وش شسمه ذووقهم ، فبتتعت والله ويمكن لإنّ الوقت حدّك حدك تضطر تاخذ الفستان وهي مو مقتنعة فيه أصلا .. آحياناً يتوافق الذوق بس السعر يكون مو مناسب شتسوين ؟ آه ، جرحتوا خاطري .. لا تذكروني ، :( مرّة وحدة اللي استأجرت فيها فستان ... كان الوقت ضيق ، ما بقى شي على الزواج و بعد مالي مقاقة سوق ، فاستأجرته وبسعره الـ مو مناسب ..... ورضيت بالأمر الواقع هو مرتب ونظيف ، وأجل مول شحلاته بعد .. بس سعره ما كان فيه صحيح سعره مو فوووق فووق بس بعد ما كان فيه ..، يعني المفروض أقل و أقل من شسمه اللي أخذته به ، إذا كنتي في ساعة الصفر ومالش إلا هالفستان مُو مشكل تكلمي صاحبة الفستان ، بعضهم إذا كلمتيهم منا ومنّاك يرضوا ينزلوا السعر شوي ( مثلي مثلا :kashkha: الدانة / مشكورة حبيبتيه على هالموضوع و اعذرينا عاد على الهذرة إذا صار احبيبة كلام في خاطري برجع للموضوع إن شاء الله خيشة تحايا ولومي حساوي :) |
رد: [ آجار فساتين الزواج بين مشكله وحل ؟! نقاااش ]
وعليكم السلام ورحمة الله وبركاته ,,
صراحة البعض مايعرف معنى الإجار أوكيف يآجرون أحسهم مع الخيل ياشقرة وموفاهمين للمعنى الصحيح أذكر لك موقف : أذكرت لي وحدة أنها بتأجر فستان قالت لصاحبة الفستان بكم آجاره ؟ صاحبة الفستان : بـ 250 ( ) : ليه الفستان ناعم ؟ صاحبة الفستان : لأني شريته 250 <<< :s47: يعني هي تكد عليش أنتي تشترينه وهي تدفعه خووش آجااار ****** وموقف آخر ,, ( ) : بكم تآجرين فستانك ؟ صاحبة الفستان : 720 ( ) : ليه ! صاحبة الفستان : لأني شريته 750 <<< :s47: بذمتها عاد كلفت على روحها نزلت هالكم ريال ******** أو اللي تقول آنه شريته غالي أنا مااختلف معها صحيح كل فستان ولها حقه أنتي شريتيه غالي هي وشذنبها تدفع أزيد من المبلغ اللي دفعتيه المفترض أن اللي بتأجر تأخذ أقل من نصف السعر تحاسب أن اللي بتآجره ليلة وحدة وبترجعه إما صاحبة الفستان بيكون الفستان ملكها . إما فكرة الإيجار بشكل عاد ياحبذا أنها نافعة في بعض الأوقات أشكرك أختي / سندس تحية !:G1: |
رد: [ آجار فساتين الزواج بين مشكله وحل ؟! نقاااش ]
يؤيؤ كنكم تدرون اني ابي ااجار فستاني << تسوي دعايه هههه
شرايكم بفكرة آجار الفساتين ؟ والله فكرت الاجار لدى البعض مريحه وفي نفس الوقت مثل ماقلتو منقذه مريت في الموقف هذا قبل اسبوع انا اخذت لي فستان ليلة الزواج وارتحت منه بس باقي يوم ثاااني المهم انا من النوع اللي كللللللللللش ماحصل مقاسي وذوقي باالراحه الله يعطيها العافيه اللي فصلت عندها هي اللي دلتني على حرمه تاجر وقلت لها ترى ذوقي كذا كذا قالت متاكده بيعجبك وباالفعل كنه الفستان مفصل لي تفصيل بس قلت بصبر اشوي يمكن احصل لي اقل سعر ولفيت لف وكل اللي احصلهم من الدقه القديمه هع وعلى طول قرب موعد الزواج قلت مالي الاهي ادق عليها واستاجره منها وارتاح وبااالفعل ماشاالله اسلوب وذووق وتعامل زي العسل وملبوس العافيه علي هع ....................................... والبعض عنده قناعه تامه ان الاجار افضل بكثير والبعض لايرقب في لبس متنقل ( يعني من وحده لوحده هع) الدانه $ سندس الله يعطيك العافيه موضوع حلو ومنتشر هذي المواضيع الزينه مو الي يسوي جنجال هع |
| الساعة الآن 03:06 PM |
Powered by vBulletin® Copyright ©2000 - 2026, Jelsoft Enterprises Ltd. TranZ By
Almuhajir
ما ينشر في منتديات الطرف لا يمثل الرأي الرسمي للمنتدى ومالكها المادي
بل هي آراء للأعضاء ويتحملون آرائهم وتقع عليهم وحدهم مسؤولية الدفاع عن أفكارهم وكلماتهم
رحم الله من قرأ الفاتحة إلى روح أبي جواد