|
ال>مطوعة< طرح مميز وراح تشوفون!!!
السلام عليكم ورحمة الله وبركاته
اخباركم بنات علومكم ؟ الصدق الصدق اليوم جايب لكم موضوع مهم جدددداً غالباً تكون فيه وحده من قريباتك او من صديقاتك تكون ملتزمه جداً " ماشاء الله " للأسف تواجه كثير من المضايقات لحظه بشرح قصدي حبه حبه يعني مثلاً : - فلانه سمعتي الأغنيه الفلانيه ؟ + لا الحمدلله ما اسمع اغاني ! - يوووووه نسيت انك " مطوعه " - مع ضحكة استهزاء - ! لما تقولين " مطوعه " وش تقصدين فيها ؟ يعني ممكن ردك يكون مشجع اكثر ! مثلاً تقولين " ماشاء الله الله يثبتك ويزيدك من فضله لاتنسينا من دعواتك بالهدايه ولاتنسين تذكرينا كلما غفلنا " او اي رد افضل والبق ! , يعني ليش في الغالب الناس تفكر ان الملتزمه انسانه ماتعرف شيء ! يعني انها ماتعرف تلبس ولاتعرف تحط ماكياج ولا تعرف تسوي ولا شيء طيب ليش ؟ وللأسف وجهة نظر او فكرة خااااااااطئه جداً بعد ! او مثلاً لما تشوف وحده لابسه عباية راس خوذي يا استهزاء فيها وضحكات يعني هي الي سوته مو غلط صح ! اجل ليش كل هذا ؟ ليش يحسسوها انها منبوذه وانها مسويه جريمه ! وطبعاً ما اعمم , على العكس فيه بعض البنات ماتشوفين منهم الا دعوات لها بالثبات ولهم بالهدايه اممممممم .. امثله كثيره مع الأسف وتبيّن قد ايش تفكير بعض الناس مُنحصر ! والأسوأ لما تجي وتنصحها وتجي ترد عليها / " ادري ماله داعي تعلميني ! " ولا مثلاً قالت لها " فلانه قومي صلي مايصلح تأخرين صلاتك " وتجدين الرد من البعض مع الأسف / " صلاتي لي مالك دخل " يعني بالله دامك عارفه ان صلاتك لك ليش هالرد ؟ ماتقدرين تشكرينها ع الأقل ! صلاتك لك خلاص انتي عارفه يعني هي وش مصلحتها تذكرك بالصلاة وش تبي منك الا انها خايفه عليك من عذاب ربي سبحانه .. يعني الآن ليش مع الأسف الكثير ماتسمعين منهم الا " التحطيم , السخريه , الإستهزاء " لـ المُلتزمه او زي مايسمونها " المطوعه " هنا الخطأ مُشترك نوعاً ما ! تقولون كيف ! طيب , الحين ليش مانعطي البنات فكره كويسه عن الإلتزام ! , يعني لماتنصحين وحده تنصحين بأسلوب مو كأنك شوي وتطقينها لان كذا تنقلب الدعوه عناد نفس الشيء احرصي دايم لما تذكرينهم بعذاب الله سبحانه بنفس الوقت ذكريهم برحمته سبحانه في عباده وبنفس الوقت لازم مايتهاونون في أعمالهم ابداً لان الله سبحانه رؤوف رحيم بالعباد كما انه شديد العقاب , والجزء الثاني من الخطأ يقع على المُستقبله للنصيحه في اسلوبها ليش مانرتقي اكثر بأسلوبنا ! طيب مُلتزمه .. , بالعكس إلتزامها دليل على وعيها بينما الناس مُنغمسون ومقبلون على الدُنيا ! مُلتزمه .. , هنا دورك عشان توقفين معها وتحثينها تكمل المسير وتصيرين زيها واحسن في الناحية الدينية نفس الشي ليش يقولون " مطوعه " مو افضل لو قالوا " مُلتزمه " ؟ لكن للأسف / " نعيبُ زماننا والعيبُ فينَا " ربي يفتح على قلوبنا جميعاً ويهدينا . يمكن موضوعي ماكان قد المقام فمعذره انما هو للتوعيه فقط واعيد واكرر الملتزمه اكيد تخطىء لانه " جلّ من لايخطىء " , يعني المبدأ كَكُل هو الي خطأ الي هو النظره للملتزمه - من البعض - كأنها جاهله ! وكذلك الحكم من المظهر نكون فخورات بإلتزامنا وديننا اكثر واكثر ؛ اتمنى موضوعي وصل ووصلت فكرتي لكم ياغاليات اخووووكم---ج الصقر:bye1::bye1::bye1: |
رد: ال>مطوعة< طرح مميز وراح تشوفون!!!
بسم الله الرحمن الرحيم ؛؛؛ الإلتزام بالدين أمر مطلوب وواجب على كل مسلم ، ولكن المشكلة كما ذكر الأخ ( الصقر ) ، الاستهزاء وهذا أمر طبيعي فقد استهزء من قبل لـ كثير من الأنبياء والرسل من نوح ابتداءً إلى أئمتنا صلوات الله وسلامه عليهم أجمعين فلا يكون في هذا الموضوع سوى الصبر وإبداء الثقة بالنفس . الالتزام يعني الارتباط بالله ورسوله وأهل البيت صلوات الله وسلامه عليهم ، فلا ينبغي أحد أن يغضب إذا استهزء به ، ولنا أسوة في الإمام الباقر عليه السلام ، حينما مشى خلفه رجل ويناديه ( يابقره ويبن الطباخة ) فـ لم يتلفت إليه الإمام ، وعندما لم يرى جواباً ذهب إلى وجه الإمام وقال : إياك أعني ، ابتسم الإمام وقال : أنا باقر ولست بقرة ، وأما ماكان من أنا ابن الطباخة فـ إني أفتخر لأني أءكل مما تصنعه أمي من طعام . ( مضمون الرواية ) . فهذا ليس بالأمر الغريب صلوات الله عليهم ، فهم مدرسة الأخلاق التي رباهم الله عليها ، وكما قال رسول الله صلى الله عليه وآله وسلم ( إنما بعثت لأتمم مكارم الأخلاق . وفقكتم لكل خير ولا حرمنا من قلمك النضاح . |
رد: ال>مطوعة< طرح مميز وراح تشوفون!!!
أشكرك أخوي على هذا الموضوع الشيق ويجب أن نلفت النظر للجانب الآخر من الموضوع هناك أخوات ملتزمات ومتزمتات إن صح التعبير أي مبالغات في الإلتزام وهذا يؤثر على من هم معتدلي الإلتزام وأنا معك في نقطة السخرية منهن يعني والله فلانة مسكينة جالسة جنبها وحدة مطوعة هههه ومن هالكلام يعني ممكن هاللي تقول عنها مطوعة وماخذه فكرة سيئة عنها تكون خير رفيقة وأنيسة وليش ماخذين فكرة على إن الملتزمة ما تمزح وتكون مقطبة الحاجبين ومن هالكلام يعني دائمًا نسمع والله هذي مطوعة لا تجلسين معاها بتنكد عليش ومن هالكلام وأنا من وجهة نظري أقول كل شي زاد عن حده ينقلب ضده يعني الفلتة الزائدة سيئة والطوع الزائد سيء لازم يكون في أمر وسط وخير الأمور أوسطها .
ودمتم سالمين :) |
رد: ال>مطوعة< طرح مميز وراح تشوفون!!!
/ في الحقيقه قبل كل شي ودي أركز ع نقطتين اللي هم اساس في الموضوع وهم : 1 - النصح . 2 - الصبر . عندما يصادفني مثل هذه المواقف وانا انسانه ( ملتزمه ) مثل ماقلتم وأنصح والاقي مثل هذه المضايقات والإستهزاء , هم بـ الأول لم يعرفو ويدركو ماوصلت اليه من علم ومعرفه من أمور في الدين التي ستنفعني في دنيتي وأخرتي , لذلك أحتاج أن أنصح في الله ولله وإن كان الأمر في استهزاء واستفزازات لِـيكون صبري كذلك لله وفي الله , يعني أخلي الأمور كلها لله وكذلك من الواجب علي أن أأمر با المعروف وأنهي عن المنكر إن لم يعرفو الله معرفه حقيقه . ولتكون ثقتي بنفسي كبيره لاتضعف أمام كل مثل هذه النوعيه , وأمام مايعتقدون به أن أكون أياً يكون . مثل ماقال أخ جناح الملائكه هكذا نتعلم من مدرسة أهل البيت سلام الله عليهم . يعطيك العافيه . / |
| الساعة الآن 09:16 PM |
Powered by vBulletin® Copyright ©2000 - 2026, Jelsoft Enterprises Ltd. TranZ By
Almuhajir
ما ينشر في منتديات الطرف لا يمثل الرأي الرسمي للمنتدى ومالكها المادي
بل هي آراء للأعضاء ويتحملون آرائهم وتقع عليهم وحدهم مسؤولية الدفاع عن أفكارهم وكلماتهم
رحم الله من قرأ الفاتحة إلى روح أبي جواد