|
مشكلة قد يعاني منها الكثير طلبات المدرسة...لاتنتهي...
بسم الله الرحمن الرحيم
السلام عليكم ورحمة الله وبركاته مشكلة قد يعاني منها الكثير حيث طلبات المدرسة بالخصوص البنات تأتي بشكل أسبوعي وأشياء قد تعلم بها الوزارة وموثق من عندهم وأشياء تكون من المعلمات نفسها تطلب شيء هو ليس بمطلوب على الطالبة إحضارها فإلى متى سيستمر هذا الشيء لوكان الواحد على قد حاله شنهو بيبدي طلبات المنزل لو طلبات المدرسة ونحن نعلم أنها الأسعار تغلى شيء فشيء.... ثانيا: هناك نقطة هامة وتربوية حيث بعض المعلمات تتلفض بألفاظ سوقية وأسئلوا بناتكم كيف معاملت المدرسات معكم؟؟؟ طبعا أنا أذكر هالشيء من تلك السنة الماضية ولاكن لم أركز عليه كثير ولاكن تكرر هذا الشيء وأنا أسمع أخواتي الصغار ينقلون لي هذا الشيء على العموم القضية تحتاج لحل فهل من حلول أنتظر أرائكم ووجهات نظركم أخواني الأعضاء طبعا المدرسة أسمها:تقريبا مدرسة أماسي الأبتدائية.... تحياتي للجميع كربلائي |
رد: مشكلة قد يعاني منها الكثير طلبات المدرسة...لاتنتهي...
بسم الله الرحمن الرحيم اظن سكوت الامهات سبب اساسي لذلك تزيد المشكلة وهي عدم التنبهة للمشكلةوهو الرجوع المدرسة المادة او المرشدة اذا لم ينفع تلجا الي من هو اعلي منهم والوزرة في صف الطالبات كربلائي عساك علي القوة وشكر علي تنبية الجميع اختكم/ جهيــــــــــــــر |
رد: مشكلة قد يعاني منها الكثير طلبات المدرسة...لاتنتهي...
بصراحة قضية يجب النظر فيها
المتطلبات كثرت ! والأسعار زايدة عن الحد المعقول إذا المواد الدراسية 13 أو 14 وكل معلمة بتطلب عشرة والبعض خمسة وبعضهم ثلاثة وحتى اللي يسون روحهم مايطلبون يأمرون بعمل من المكتبة والمكتبة مو مفتوحة لنا ببلاش يعني أنا بالأسبوع أطلب من أبوي خمسين ريال حق 8 مواد والأسبوع الثاني كذلك وأيضاً يتطلبون لزينة الفصل ولا يطلبون على القدر المعقول وفوق كل هذا والمتطلبات كل معلمة تبي تسبقينها بالنشاط قبل الثانية <<< يعني احنا للعيد ولا لهم يعني مو معقول بنخلص بحث وعرض ولوحة وغير في أسبوع ولا أسبوعين والأختباارات دورية !!! ويعني احنا اللي نستطيع الدفع نقول كذي شيقولون اللي حالتهم على قدهم وياليت بس مشكلتنا معهم في الناحية الأقتصادية !! لكن مانقول إلا صبراً جميل والله المستعان وقضية نسيتها قضية المقصف بالثانوي ياليت لو أحد ينظر لنا في هالمشكلة :confused: شكراً لك أخي / كربلائي وعسى أن تتوصلون إلى حل جيد |
رد: مشكلة قد يعاني منها الكثير طلبات المدرسة...لاتنتهي...
اللهم صل وسلم على محمد وآل محمد
:) يعطيك العافيه أخوي كربلآئي :) رضوخ الاكثريه لـ هذه المتطلبات وتنفيذها هي أساس المشكله على الدخل المحدود كذالك الدخل المتوسط والتطنيش وعدم التدقيق والسؤال والرفض يزيد من هذه المشكله أكثر والدخل الهي هات هم من يشوهون على الجميع في تأسيس هذه المتطلبات يعني هناك أشياء لا تحتاجها الطالبه لكي تتعلم أو يزيد من علمها تبين أزيد لك درجات سوي هالعمل ماتبين بكيفك هي سنه ولا سنتين سنوات عزيزي ومحد مكترث سوا المدارس أو الكليات والجامعات ;) يقولك أحمد ربك ندرسك ببلاش ;) وياشين اذا جاتك مدرسه من أهل بلدتك رافعه خشمه على الطلبات وتتلفظ بكلمات تقول أبوها صاحب المدرسه أويمكن الحكومه كاتبتها باسمها وقبيح الامر اذا جاك شخص من برا يتفلسف عليك :strongsad: الحـل يا أخوي الي عنده ضمير أو باقي عنده ضمير راح يزيل هالاشياء :) والعتاب الاول والاخير نحن من نسمح لـ هذه الاشكال بالتواجد بيننا اللهم سهل علينا وعلى المومنين والمؤمنات وأرزقنا وأرزقهم من حيث تشاء يا أرحم الراحمين تحياتي لك :arabdz1: |
رد: مشكلة قد يعاني منها الكثير طلبات المدرسة...لاتنتهي...
مشاكل المدارس ماتخلص
لو البنات يحطون ايدهم في ايد بعض صدقوني المدرسه راح تتعب معاهم وبتنقص درجات تنقص اللي يعجبها انا في الايام اللي كنت ادرس فيها مستحيل اني ادفع شنو اكد على .......) والقهر الاكبر ان مثل ماقالت الاخت ترتيب وتزين الفصل في الاخير ينسب لمربية الفصل وليس الطالبات وكل تعبهم وخسارتهم تروح عاالفاضي ولاكنهم حطو ريال :cool: ولو تجي ام طالبه او كذا ام يتعاونون مع بعض ويكلمون الاداره راح تنحل الامور لكن يسكتون والبنات خذ وقط والله ماراح احد يطق لهم خبر ومسالة الالفاظ من على ايامنا :) والكلام ينقط وكنه العيد عندها على بالها البنات الصغار مايفهمون بس المدرسه اللي تقول لنا كلام نردها في بناتها :kashkha: ياليت لو انهم يتفرقون اشوي ويجلسون مع الطالبات ويجعلون بينهم ترابط اكثر غير الدروس كان البنات من انجح مايكون وبتفوق عالي ولكنهم همهم الماده والترزز قدام الموجهات :teeth_smi |
رد: مشكلة قد يعاني منها الكثير طلبات المدرسة...لاتنتهي...
نتمنا من الجميع التعاون و اتخاذ اللازم حتى المعلم او المعلمه تقطع طلب الدفع من الطلاب او الطالبات لاأمور تافها واذا كانت مهمه مثل تغير السبوره فهذا من واجب الوزاره
اما بنسبه للالفاظ الوقحه فهذه مشكله عظما فينبغي وضع حد لاهذه المشاكل |
رد: مشكلة قد يعاني منها الكثير طلبات المدرسة...لاتنتهي...
بسم الله الرحمن الرحيم مشكورين على طرح هذا الموضوع والذي فعلا يحتاج الي حل جذرياقترح انه يتقدمون مجموعة من الاخوات الفاضلات الاتي لهن كلمه في مجتمعنا الي ادارات المدارس ويناقشون معهم كل ما يتعلق ببناتنا والطلبات التي تقصم الظهر والاخلاق من المعلمات فأن كان حلا والا نحن معشر الرجال نقوم مجموعة من اولياء الامور بزيارة مدير التعليم ووضع الصوره امامه على ان كل ام تسجل بالتاريخ واليوم عن تعامل المعلمه وعن الطلبات التي يطلبونها وكلها ترفع دفعه واحده اثناء الزياره ( نحن نساعد فقراء ماديا املين الاجر فكيف بمثل هذا العمل فهو ايضا كأننا قدمنا اموالا للعوائل الضعيفة) علما انه حسب علمي توزع تعميم سابقا من معالي وزير التعليم يمنع الطلبات . وفقتم لكل خيرجهاد النفس حق |
رد: مشكلة قد يعاني منها الكثير طلبات المدرسة...لاتنتهي...
السسسسلآآم عليكم ..:) أشكرك أخي كربلائي على طرح هذا الموضوع الذي هو في غاية الأهمية .. اللي كنت راح افتح موضوع خآص له والحمدلله انو في احد حس فينآآ احنا البنات .. صراحه انا طالبه واعاني من هذا الشيء كثيراً ومو بس أنا جميع طالبات المدارس نشتكي من هالشييء كثيييييير ومو بس المحتاجين حتى المقتدرين مادياَ ازهقوا الشيء اذا زاد عن حده ينقلب ضده .. خصوصاً درجتين النشاط اللي لازم كل ماده لها نشاط وطبعا كل معلمة تتفنن في الطلبات .. وأنا سألت وحده تصير لنا تشتغل في سلك التدريس وقالت مافي حل لهالمشكلة إلا انو يجتمعون أولياء الأمور ويروحون يشتكوون في الرئاسة .. ترى ماتنفع انو احد يروح للمدرسه المدرسه مافي يدها حل لازم تروحون للرئاسه .. ياليت والله لو يجتعون رجال وااجد ويروحون يشتكون ويريحونا من هالمصاريف .. تكفوووون فكونا من هالمصاريف خصوصا هالأيام زادت بكشل غير طبيعي .. اختي في متوسط يوميا تجي وتطلب من ابوي يجيب لها شييء انا زهقت من كثر مااسمعها تقول في هالطلبات اقول شلون ابوي .. أتمنى انكم تنظرون لهالموضوع بعين الأعتبار وهذا الشيء في مصلحتكم ياأولياء الأمور وشكراً .. :) أختكم وابنتكم : مذهلة .. |
رد: مشكلة قد يعاني منها الكثير طلبات المدرسة...لاتنتهي...
.........................................
|
رد: مشكلة قد يعاني منها الكثير طلبات المدرسة...لاتنتهي...
والله هذا يعتمد على الامهات وحرصهم على بناتهم
لان صدق طلباتهم كثيره وصعبه الحصول على هذي المصروف |
رد: مشكلة قد يعاني منها الكثير طلبات المدرسة...لاتنتهي...
السلام عليكم ورحمة الله وبركاته
بدخل بالموضوع ع طوول أولآ قبل الفلوس وماغيره الأخلاق الأسلوب السنع يعني تجيك مدرسه وشايفه نفسها على ايش والله على انها مدرسه في وضائف احسن من التدريس وتتلفظ بألفاظ استغفر الله وأقل شي راحت عند الأداره وشتكت وين احنا فيه في مدرسات والله ينحطون ع الجرح يبرى وفي مدرسات حتى لو كنتي شاطره تكرهين المدرسه والمذاكره بسببهم يعني الى متى هالحل ثانيآ سالفه الفلوس والنشاط والله اهلنا تعبو معانا ....الخ وانتم ادرى بالباقي يعني مايحتاج اشرح ثالثآ سالفة المقصف الي يحتاج لها شرح والله اكلهم يجيب المرض صحيح هي نعمه بس يجيبون اشياء تحسون انها منتهيه صلاحيتها والله اشياء يمكن من العصر العباسي والفطائر تقولون متنقصين علينا بهم كم حبه بس ليه ..؟ بنات من الجوع والله يغمي عليهم واهما ولا شي وروحي جيبي معك من البيت وشوفي وش يسون فيك استغفر الله بس وأخيرآ سواقين السيارات الخاصة >> موضوع تالف لطالبات الكليات والجامعات يجيك بداية الشهر ويقول ابي 150 ونهاية الشهر يبي 300 ليه نصرف عليكم والله ان مافي غيرك يجيك ابو عنده 10 بنات وكل بنت بيدفع لها 100 ولا 300 حق الباص الناس ماتراعي يعني ولا بس وقت ماتخلص فلوس قلتو جيبوا ان لله وان اليه راجعون مشااكل يجب انا النظر اليها واخيرا حرارة المكيفااات تجيب المرض وانتو ادرى بهالشي ويبون البنات يتفوقون ولا يغيبون |
رد: مشكلة قد يعاني منها الكثير طلبات المدرسة...لاتنتهي...
أولاً .. أشكر الجميييييييييييييييييييع عالردود والتفاعل وأشكر الأخ كربلائي عالطرح
ثانياً ؛؛؛ صارت مشكلة المدارس اكبر من مشاكل الشوارع ألحين حتى أهلنا يخافون علينا وحنا بالمدرسه .. كل يوم تسمع مروحه طاحت في المدرسه الفلانيه .. مكيف شب في المدرسه الفلانيه ... ((( إلـــــــــــــــــــى متى ونحن على هالخرآآآآآآآب ))) والمشكله الثانيه أكبر من مشكلة الطلبات .. ملالالالالالالالالاسنة المعلمات وألفاظهم اللي خارجه عن التربيه والتعليم .. (( وللمعلوميه .. توصل إلى مد اليد{الضرب} )) ... تقريباً يشوفون بهائم قدامهم مو أوادم مثلهم .. وعلى إيش (( على سؤال ماعرفتي تجاوبين عليه .. على واجب ماحليتيه )) ولا لجاتك معلمه من برا البلد .. وقالت أنتو يابنات الطرف ....... .. متى عرفتي بنات الطرف عشان تتكلمين عنهم بهالشكل القبيح ..؟؟؟؟؟!!!!!!!!!!!!!!!! وغير هذا تعهدات وتهزيآآت وتنقيص درجات ..............الخ وثالث شي وهو الطلباااااات اللي ماراح تخلص إلى آخر يوم بالأختبارات النهائيه و5 درجات النشاط .. ولا تجيبين نشاط حي الله .. سوي لها كتاب كامل (( بدل ورقة العمل )) ولا خريطه بــ 60 ريال ...............الخ والفصل ....... مدري وش مستفيدين .. وهم بالأختبارات نشوفهم ممزعينهم المدرسه .. دفعي لهم 5 أو 10 ريال ناقصييييين حنااااا دفع فلوس .. والله هذا مو شي مطالبين فيه بالدراسه .. بتجينا أسئله عليه وشلون زينتو الفصل وكم دفعتو ومدري شو ... وآخر شي عذراً عالأطاااااااالهــ ... وتقبلووو مرووووووري أخت / أسير االشوق |
رد: مشكلة قد يعاني منها الكثير طلبات المدرسة...لاتنتهي...
مشكورين على الموضوع
اعتقد سبب الامهات وسكوتهم لازم تجميعن كلهم ونتفق بيد واحد ونشتكي مع تحياتي لمسة حنين |
رد: مشكلة قد يعاني منها الكثير طلبات المدرسة...لاتنتهي...
الله يعطيك العافيه اخوي كربلائي
|
رد: مشكلة قد يعاني منها الكثير طلبات المدرسة...لاتنتهي...
بسم الله الرحمن الرحيم
السلام عليكم ورحمة الله وبركا تة الموضوع جدا مهم موبس الابتدائية ياجماعة حتي متوسط وثنوية نسمع ونشوف وانا وحدة من اثنوية |
| الساعة الآن 03:49 AM |
Powered by vBulletin® Copyright ©2000 - 2025, Jelsoft Enterprises Ltd. TranZ By
Almuhajir
ما ينشر في منتديات الطرف لا يمثل الرأي الرسمي للمنتدى ومالكها المادي
بل هي آراء للأعضاء ويتحملون آرائهم وتقع عليهم وحدهم مسؤولية الدفاع عن أفكارهم وكلماتهم
رحم الله من قرأ الفاتحة إلى روح أبي جواد