|
كيف أسوي عجينة ؟
أمس سويت العجينة بالطريقة التالية : حطيت التالي : طحين بيكنق باودر زيت حليب نيدو سكر ماي بدون خميرة يعني .. و خليتها تخمر من الفطور الى السحور لما رجعت وقت السحور .. مكانك السر .. الخلطة كلها سائلة مثل ما تركتها ولا شفت لا عجينة و لا هم يحزنون ! اليوم بحثت عن كيفية عمل عجينة بدون خميرة و لقيت وحدة تقول خذ 200 غرام طحين و 100 غرام زبدة .. (أو نص زبدة و نص زيت) و اخلطهم الى ان يختفي الزبد في الطحين بعدين حط عليهم بيضة و اخلها لين تثير خلطة متجانسة <<< ما ادري ايش قصدها بمتجانسة .. قلت يمكن يعني البيضة تختفي . و حطيتها تخمر الحين لمدة ساعة على كلامها .. اذا في شي يبي له تصليح احد يقول لي او يعلمني طريقة ثانية ... زهقت ابي فطاير يا ناس :( |
رد: كيف أسوي عجينة ؟
:: س / سؤال ؟ ليش ماتبي فيها خميرة ؟ ( سؤال وجيه :cool: ) . |
رد: كيف أسوي عجينة ؟
طيب . لما بتعجن العجينه وتخلصها كيف بتصير يعني سائله تماماً أو عجينه بس بدون ماتنتفخ أو تنتفش ؟! أو ان كان ولابد يبي لك تستخدم طحين مخمر صحيح ماجربته صراحه بس يعني اقول يمكن تفيد لحالتك :) بس صحيح لازم خميره وهو الأساس واذا بدك عندي طريقه عمل المعجنات لجميع الأستخدامات فطائر وكروسان وبيتزا :) موفق ..,. : |
رد: كيف أسوي عجينة ؟
تاروتية
ما أبي فيها خميرة لأني طلعت أمس دورت و ما لقيت و متكيسل أطلع اليوم بيني و بينك :biggrins: الدانة يعني أخلط المقادير و بعدين لما ارجع لها بعد ساعة .. على أساس بشوفها عجينة مثل ما كنت أشوفها لما الوالدة تسويها . لكن اللي يصير اني اشوفها مثل ما تركتها :( توني رحت اشوف العجينة اللي قبل شوي طبعا مكانك سر .. أقسم بالله ما أبغى آكل .. أبغى أشوف عجينة قدامي بس ! :icon23: |
رد: كيف أسوي عجينة ؟
:: أخوي حمأ بصراحة لك معلومة تحزن شوي بس تحملها , العجينة في الفرن لازم خميرة فحاول تسويها على النار والله يعينك . لقيت لك عجينة مطبق بس بإمكانك تحشوها بأي شئ ثاني مثل ماتحب . نحتاج للعجينه : كاس طحين ملعقة زيت بيضه ملح كاس ماء دافي تعجن العجينه وتكور الى كور صغيره بحجم اليد تقريبا 6 كور وتوضع في طبق فيه زيت ونصب على الوجه شوية زيت ونغطيها ونتركها ترتاح لمدة 30 دقيقه نبدأ بتفرد العجينه بقليل من الزيت ونضع بها الحشوة وندعها تتحمر. رغم أني أنصحك تشتري خميرة وريح بالك :) . |
رد: كيف أسوي عجينة ؟
السلام عليكم
بصراحه ضحكتني اخوي حمأ ,, :s47: لأني ما اتوقع في عجينه بدون خميره ,, أنا بقولك العجينه اللي اسويها ,, وجربها وقولي رايك فيها قبل ما تبدأ في عمل العجينه سخن الفرن يعني اتركه شغال على ماتخلص من العجينه ,, 2 كاس طحين كويتي 1 ملعقه كبيره خميره 5 ملاعق حليب نيدو 3/4 بياله سكر وملعقه وسط ملح ,, وزيت وماء للعجن ,, تخلط المقادير مع بعض بس وانت تعجن صب في يدك زيت واعجن بحيث لا يتبقى شي لاصق من العجينه في الوعاء (الطاسه) يعني وانت تعجن لف بالعجينه على حواف الطاسه واعجن الى ان تراها متماسكه جدا .. الان غلفها بالتغليفه البلاستيك وطفي النار اللي في الفرن واتركه مفتوح لتخفيف حدة الحراره عشان ما يصل الوعاء اذا حطيته في الفرن ,, بعدين حطه يعني يكون ساخن مو حار واترك العجينه لمدة ساعه ونص او ساعتين وتلاقيها انتفخت ,, سوها وعطني رايك فيها ,, صج بتاكل أياديك وراها ,, :) تحيه |
رد: كيف أسوي عجينة ؟
ما لنا إلا نشتري خميرة و نشوف شيصير !
( سانكيو ) سكون الصمت .. بجربها و اقول لك ايش صار . |
رد: كيف أسوي عجينة ؟
خلاص ننتظر النتائج ..
|
رد: كيف أسوي عجينة ؟
ها اخوي حمأ طمني شنو صار ان شاء الله ضبطت معاك ؟؟
|
رد: كيف أسوي عجينة ؟
ههههههههههه
صج العزوبيه شينه الله يعينك ويعدي ها العجينه والتجارب على خير دمتم |
رد: كيف أسوي عجينة ؟
حجي حمأ عليك بالعجينة اللي عطوك البنات .. و إن ما نجحت ، مالك إلا عجينة أم عشر دقايق .. ترتيييب بجد ترتوووب ... بعدين ما تشوف روحك إلاّ كل يوم تسوي معجنات :) أعطيك مقاديرها على آخر يوم في شهر رمضان >> نذالة طيبين ترى:cool: الله يساعدك وبيت مكة يوديك ،،، |
رد: كيف أسوي عجينة ؟
ها اخوي حمأ الظاهر ماعجبتك العجينه ..
|
رد: كيف أسوي عجينة ؟
أهلين سكون .. بما إني ما رجعت لهالموضوع فمعناها كنت آكل و جاحد مساعدتك :p ما قصرتي والله .. سويتها ما ضبطت مرة معي ... بس على الأقل كانت قابلة للأكل يعني . يقول لك الطبخ يبغى له يدين بعد .. و انا يديني لو تنثريها و تفتفتيها ما راح تلقي فيها حاسة طبخ نهائيا :biggrins: و أديها بتعدّي .. يعطيك العافية :G1: |
| الساعة الآن 07:54 AM |
Powered by vBulletin® Copyright ©2000 - 2025, Jelsoft Enterprises Ltd. TranZ By
Almuhajir
ما ينشر في منتديات الطرف لا يمثل الرأي الرسمي للمنتدى ومالكها المادي
بل هي آراء للأعضاء ويتحملون آرائهم وتقع عليهم وحدهم مسؤولية الدفاع عن أفكارهم وكلماتهم
رحم الله من قرأ الفاتحة إلى روح أبي جواد