|
شوف أطباع الناس كيف
السلام عليكم ورحمة الله وبركاته
هذه أول مشاركه لي أرجو أن تحوز على اعجابكم هذا نقد هادف ارجو أن يكون مجدي ويغير شيء من الواقع قــــلـــة أدب !!! إنك تروح للمسجد بملابس رياضة أو قميص نوم بينما تروح لربعك بثوب مكوي وطيب يشق الخشم !!! قــــلـــة أدب !!! إنك تتصل على ربعك كل يوم وعادي تقعد معه نصف ساعة أو أكثر بينما عمك أوخالك أو عمتك أو خالتك لهم شهور ماسمعوا صوتك !!! قــــلـــة أدب !!! تدور بسيارتك بالساعات وماتخلي شارع ما ( شبرته ) وحفظته وكل هالدوران غالبا لأسباب (.... ) بينما أهلك لويبون مشوار ساعة وحدة قلت ( التكاسي واجد!!!) قــــلـــة أدب !!! إن اللاعبين والمطربين يكرمون ويغرقون بالخيرات بينما المشايخ ربك يستر ياكثر ماينسجنون !!! قــــلـــة أدب !!! إن الواحد يضبط ساعته على الدوام بينما صلاة الفجر مايدري متى وقت أذانها !!! قــــلـــة أدب !!! إن الواحد يشتري الأغاني بالشيء الفلاني ويسمعها بينما مستحيل يشتري شريط إسلامي ولو بخمسه ريال ولو يهديه واحد شريط إسلامي سجل عليه ( بابا فين ) !!! قــــلـــة أدب !!! ان الوحده تقعد على التلفون ساعه وتقعد في صلاتها دقيقه !!! قــــلـــة أدب !!! قلة ادب انك تحصل واحد يحترم الناس كلها الا امه او ابوه تلقاه يكلمهم بطرف خشمه قــــلـــة أدب !!! قلة ادب انك تشتري كل اللي نفسك فيه ويوم يجي طاري الحج او العمره قلت انا ما عندي فلوس وانا غير مقتدر !!! قــــلـــة أدب !!! لماتشوف واحد في الشارع وتستصغره ولا تسلم عليه !!! قــــلـــة أدب !!! اذا شفت صديقك في ورطه ولاتساعده !!! قــــلـــة أدب !!! اذا قدم لك صديقك خدمه وأنكرت فضله عليك !!! قــــلـــة أدب !!! انك تحط سيارتك عند باب جارك ..وعندك مكان ابعد شوي قــــلـــة أدب !!! انك تكون مسئول عن عمل يتوقف اداؤه عليك..وتطنش وتتأخر ويتحمل الباقين مسئولية إهمالك قــــلـــة أدب !!! انك تطولي لسانك على الشغاله..وهي بسن امك علشان شغله ممكن تسويها بنفسك((ليس منا من لم يوقر كبيرنا)) قــــلـــة أدب !!! لما تعزمين صديقاتك وتخلين الوالده تسوي قهوتكم وتجيبها لكم..وتسوي عشاكم ..وانتي مشغوله بالسواليف قــــلـــة أدب !!! لما ترفضين شريط اسلامي او كتيب من احد الدعاة..بينما لو اعطاك شريط لمطرب العرب كان ماتدرين شلون تشكرينه قــــلـــة أدب !!! انك متعلم وحاصل على شهاداة عليه..وماتفقه اقل شي في دينك قــــلـــة أدب !!! أنه مانشوف القرآن إلا من الجمعه للجمعة عشان الكهف .. قــــلـــة أدب !!! قلة ادب انك تكون جالس في المدرج وتسمع الاذان ومن بعدها الاقامه وانت مكانك وكأنك مثبت بمليون مسمار على كرسييك منقووووووووول rose_f أم نوره |
أولا الموضوع محترم من اوله الى اخره ولكن اكثر ما لفت انتباهي هو ( قلة ادب انك ما تشوف القران الا من الجمعه ........ ) هذا إذا كان من الجمعه الى الجمعه فيه ناس من رمضان الى رمضان ويمكن ليله وليله يعني القران آخر اهتماماته ، بس المباريات حافظها عن ظهر قلب زي ما يقولون لا وبالنتايج بعد ولو تقوله اقرا الايه الفلانيه قال : ما عرفها !!! هذا آخر زمن القران صار آخر اهتماماتنا ...
الله المستعان . وشكرا اخت ام نوره . ت ح ي ا ت ي |
مشكوره اختي ام نوره
ماشاء الله عليك من اول موضوع شيق وممتاز واكثر الي عجبني
قلة ادب انك تكون جالس في المدرج وتسمع الاذان ومن بعدها الاقامه وانت مكانك وكأنك مثبت بمليون مسمار على كرسييك وبصراحه موضوع ممتاز وشكرا مع تحياتي لكم الخليفة |
السلام عليكم
أقووووووووووول : مشاء الله عليك من اول موضوع حلو اشلون المواضيع الجاية اكيد حلوة أشكرك على الموضوع الجميل وكل ماضيعك ان شاء الله حلووووووووووووووووووووووة ت ح ي ا ت ي |
تحية حية
السلام عليكم ورحمة الله وبركاته
:) قلة أدب إنك تقرا الموضوع ولا تشكر عليه قلة ادب شكرا لكم أختي ;) |
| الساعة الآن 11:10 PM |
Powered by vBulletin® Copyright ©2000 - 2026, Jelsoft Enterprises Ltd. TranZ By
Almuhajir
ما ينشر في منتديات الطرف لا يمثل الرأي الرسمي للمنتدى ومالكها المادي
بل هي آراء للأعضاء ويتحملون آرائهم وتقع عليهم وحدهم مسؤولية الدفاع عن أفكارهم وكلماتهم
رحم الله من قرأ الفاتحة إلى روح أبي جواد