منتديات الطرف - قصيدتي في دوام الشفت

ناس (ن)زواها الهــم وانـــهك جسدها
واردى بـــها في ساحة الذل والهون

عـــــن حــــالــها مايـوم واحد نشدهـــا
رغـــم اكثر الحــــيين بالحال يدرون

الشـــــفت دمـــّرها وزوّد نـــكــــدهـــــا
وزود بـــلاها هــم واحـزان وغبون

ونـــــال السهر منها وضاعف جهدهـا
وزوّد عقول اصحابها اخبال وجنون

وزوّد عمى الوان العـــــيون ورمدهـــا
وسيّل من العبرات ماكـــــان مخزون

أعياد تمـضي والعطـــل من بـــعدهـــا
واحوالهــا مثل الذي عــــاش مسجون

ولاعــــاد لـــذات الحيــــاه ورغدهـــــا
يحـــكم مسير اوقـــــاتها اليوم قانـــون

ولاعـاد كشـــخات الثيـــاب وجــددهــا
مـــن نشــوة الأفــــراح تكسب لها لون

والليل تشــقــابــه وتكـــدح وحــدهـــــا
يــوم الخلايق بين هجـــعات وسكـــون

ومــاهمهــّا بروق الليـــال ورعـــدهـــا
وما همهّــا حـر(ن) به النــاس يشوون

مـابه سوى (الهلمـت) و(قـوقـل)عـددها
و(قلافــز)و( إيربـلاق)واقي ومأمون

وعـن ساعـة (الريدينق) لوجـا وعدهـا
العـــذر مايـــنفـع ولوكـــان مضمــون

دعــواي يــاربــي تـهــــوّن شـــددهـــا
وترأف بحال اللي من الــشفت مغــبون

يــاعــالم اسرار النفـــوس وأمـــدهـــــا
ياواهب اجـــزال العــــطيّـــات والعـون

يـــامــن بكــاف ونون خلقــــه وجدهــا
ويامــن بأمــره يـــامر الشــي ويكـــون

وسلامتكم

أخوكم

واصل بن محمد الشريط

14-11-2008

ملاحضه ولايهون القاريء الكريم هذه القصيده من باب الفكاهه بالدرجه الاولى لذلك تم ادخال بعض المصطلحات الانجليزيه عليها