|
توقعو وش باقي الموقف؟؟؟
الموقف حقيقه مودعابه
كنت رايح اتقضى الهفوف انا والأهل رحنا مشوارنا قضينا وخلصنا وحنا بالطريق راجعين من الهفوف كنت مع امي وخواتي نتبادل السوالف والنكت ونظحك فجأه وانا أمشي بالسيارة طفت بس الأنور والمسجل شغال على باسم ظلو شغالين اقول للأهل طفت السيارة ماصدقو قالو انت تمزح لأن السيارة مندفعه تمشي حسب السرعه الي امشيها (طبعآ السيارة حقت ابوي وانا مااستخدمها) يعني مااستخدمها ولاادري وش فيها اتصلت بخوي سألته قلت له انبير البانزين فيه نص والسيارة طفت هل الأنبيرالبانزين خربان ولافيها مشكله غيرها قالي للئسف فعلآ الأنبير خربان انا عصبت قلت له وليه ماتتكلم من أول رد برد مظحك قال البنات تدري واتعجب من كلامه وشلون البنات تدري ليكون يستخدمونها وانا مدري الزبده سكرت السماعه وانا محتار بلأهل ((تتوقعون وش التصرف الي تصرفته وكيف انتهت القصه)) انتظر ردكم يا اخوان يتبــــــــــع ؟؟؟؟ تحياتي الصـــــــــــريح |
رد: توقعو وش باقي الموقف؟؟؟
??????????????????? وش .. ننتظرك وبحماس .. |
رد: توقعو وش باقي الموقف؟؟؟
والله حمستني ياخوي يلا عاد لاطولها ابقي النهايه بس اتوقع انك قدهاواكيد خلصت الموضوع بسرعه شقردي (اختك الزين) |
رد: توقعو وش باقي الموقف؟؟؟
يعطيك الف عافيه اخوي الصريح على هذا الموضوع في غايه الروعه وانتظر الباقي على احر من الجمر بس لا تطول علينا تكفى اختك ريحه المسك
تقبل مروري لا تطولها احنا متحمسين كثير راح انتظر الباقي |
رد: توقعو وش باقي الموقف؟؟؟
يعطيك العافيه اخوي الصريح والله عليك سوالف تضحك بس امانه قولي اش صار حمستي اكثير تقبل مروري |
رد: توقعو وش باقي الموقف؟؟؟
يعطيك العافيه اخوي الصريح على المواضيع الشيقه جدا
والأكثر من روعه وبصراحه حمستنا كثير وننتظر انك تكملها بأسرع وقت تحياتي أميرة القلب |
رد: توقعو وش باقي الموقف؟؟؟
هلا وغلا بخوي الصريــــــــــــــــــــــــــــــــــح
هذا صار فلم اكشن / الجزء الثاني متى راح ينزل دزر العرض على العموم ليه ما اتصلت علي وانا اجيك براس الخدمه دوم متميز بمواضيعك الصريح اخوك التنديل راعي الفزعه (هايلكس 83) :clap::hatt: |
رد: توقعو وش باقي الموقف؟؟؟
اتوقع كملتوا مشي هع هع هع
أو دقيت على أخوك يجي ياخذهم أو أو أو وش سويت؟؟؟ لاتطول علينا وقل شسويت تقبل مروري |
رد: توقعو وش باقي الموقف؟؟؟
الموقف اشبه بلفلم والفلم له نهايه مشكووووور اخي الصريح على الموضوع او الموقف وانا متشوق حق اعرف الباقي الموقف لا تبطي علينا
|
رد: توقعو وش باقي الموقف؟؟؟
الظاهر أنك ما تبغي أتكمل
لكن يدعيك قلبك أتزعل الأعضاء عليك أسلوب التشويق أسلوب حلو و راقي بس أخلص علينا عاد...........:bleh |
رد: توقعو وش باقي الموقف؟؟؟
صباحكم جوري
كل شي ولا زعل الأعظاء ترقبو اليلة على mbc 2 تحياتي الصـــــــــريح |
رد: توقعو وش باقي الموقف؟؟؟
يالصريح والنهايه اعصابنا اتلفت من كثر الانتضار اخلص علينا لات خليني اللحين اكمل عنك تراني جاهزه (الزين كله) |
رد: توقعو وش باقي الموقف؟؟؟
هههههههههههههههه موقف لا يحسد عليه أتوقع أخذتوا تكسي .,. نحن في أنتظار باقي الموقف .,. |
رد: توقعو وش باقي الموقف؟؟؟
هلا بك يالصريح
مواضيعك حلوه وجذابه يلا اخلص قول وش الباقي والا انت حالف ماتكمل الا لماا تكثر الاسئله وحماااس الاعضاااء يلا قول ننتظرك نبقي نتطمن عليكم وصلتو والا لا ههههاااا تحيااااااتي لك همس |
رد: توقعو وش باقي الموقف؟؟؟
تسلم اخوي الصريح على هذي المواضيع الرائعه بس كأنك طولتها ترى اذا ماكملتها بنخلي الزين كله تكملها
اختكم مهره |
رد: توقعو وش باقي الموقف؟؟؟
ابشرو جميعاً بكمل القصه بس بصراحه تأخرت عليكم بسبب؟؟؟
والله لي يومين مزكم حدي والحنجره مقفله ما اقدر اتكلم ولا بهمس بس لله الحمد والشكر اليوم احسن وبكملها اليله ان شالله تعالى ولا يهمكم حاظظظظظظظظظظرين تحياتي الصـــــــــــريح |
تابع الموقف (((2)))؟؟؟؟؟؟
السلام عليكم ورحمة الله وبركاته
أسف لأني طولت عليكم بس زي ماذكرت اني كنت تعبان والحين احسن:spor: ****وبعد**** سكرت السماعه من اخوي وكنت محتار كيف اترك الأهل لحالهم امي وخواتي يناظروني وهم ساكتين بحكم انا الرجال بينهم وانا الي لازم ادبرها نزلت من السياره وافكر:icon11: اقول في نفسي ان دقيت على اخوي الكبير بيكون بعمله وبعيد عني كثير واذا دقيت على الصقير مابيعرف يدبر نفسه طيب والحل ناظرت حوالي لقيت محطتين بنزين بالعين اشوفهم بس المسافه بيني وبينهم بعيده يعني اقرب وحده بيني وبينها 45دقيقه مشي طيب الأهل باالسياره ولا معهم رجال يحميهم لاسمح الله طبعاً الشباب الي نايم والي بيمشي الدمام او الرياض للعمل والوقت كان متأخر باليل فقلت لأمي الله يعينك تنتبهين لنفسك والبنات انا رايح ادبر مساعده ادعيلي طلعت الشارع الثاني الي متجه لي محطات النزين وقفت أأشر مره ومرتين وعشر ظليت اكثر من ساعة تعبت نفسياً احاتي الأهل والوقت يتأخر اكثر الا بمرور تكسي واشرت له والحمدلله وقف ركبت قبل لا اسئله وين متجه قالي وين قلت له اقرب محطة بانزين قالي خير ان شالله علمته السالفه........وصلت المحطه مارضا ياخذ اجرته حاولت فيه قالي الله يعينك الأجر على الله نزلت الا المحطه مافيها خدمات البنزين مو جود بس ابي اي قرشه او شي على اساس اني اعبي بنزين مالقيت لأن المحطه مافيها لابقالات ولا بنشري كلمت العامل او الهندي عن اي شي اعبي فيه قالي للئسف مافي دبر نفسك واحتار وين اروح التكسي مشى الا بجيت شخص بيعبي سيارته اظطريت اكلمه قلت له لو سمحت ممكن تاخذني بطريقك على اقرب محطه صار يناظرني بستقراب يقول بداخله هذا مجنون يبي محطه وهو بمحطه بس قالي تفظل طلعت معه وصلت المحطه لقيت الخدمات نفس الشي مافيه ماعدا بغاله وكلمت العامل في قرشه قالي لا خلاص انهارت اعصابي مابطول السالفه بختصرها شفت هندي جالس يدخن:smoke: برا واقف يعبي ديزل سئلته قالي مافي صديق بس انا في فكره كويس قلت له دلني قالي اشتر قرشة ماي الشفى وفرقها وعبها فرحت وقلت شكراً كيف طارت عني الفكره رحت البغاله وشريتها وفرغتها بالارض خساره صحيح بس مظطر وعبيتها بنزين طيب الرجعه كيف ومن حولي وظليت واقف محتار واحاتي الأهل وش جرا لهم ولا اخذت وقت بسيط الا قابلني نور بوجهي وازعجني الحمدلله طلع يمني اعرفه من ثلاث سنوات كنت مساعده بمشترى سياره له قبل لايروح اليمن اهو جامن السفر ولا ادري عنه اهو عرفني وعشان كذا وقف لي بعد السلام والتحيه سئلني وشعندك هنا علمته السالفه وقالي افاااااا تاشر وانا موجود اركب سيارته مشحونه شباب ماقصر نزلهم وركبني وعكس اتجاهه وصلني الى السياره شفت الأهل بخير وسلامه هم كانو خايفين علي ويحاتوني قلو وشفيك تأخرت قلت لهم الاسئله في البيت ماقصر اليمني مارضا يمشي الا بعد ماعبينا السياره وشغلتها وبكذا مشينا ورحنا البيت وصرنا نظحك على القصه الي صارت لنا هذي نهاية السالفه واسف اذا طولتها عليكم وانتبهو حطو قراش فاظيه بسياراتكم لايصيبكم ماصابني تحياتي للجميع الصـــــــــــــــــريح |
رد: توقعو وش باقي الموقف؟؟؟
أووووووف
بعد إلحين ما جي الزكام والمرض إل الحين .,. |
رد: تابع الموقف (((2)))؟؟؟؟؟؟
مشكور اخوي على القصه بصراحه مشوقه وانا قلت لك من الاساس اعرفك شقردي راح ادبرها ويعطيك الف عافيه لاحرمتنا من تواجدك (الزين كله) |
رد: تابع الموقف (((2)))؟؟؟؟؟؟
نسيت شي تسلم اناملك الذهبيه |
| الساعة الآن 02:34 AM |
Powered by vBulletin® Copyright ©2000 - 2026, Jelsoft Enterprises Ltd. TranZ By
Almuhajir
ما ينشر في منتديات الطرف لا يمثل الرأي الرسمي للمنتدى ومالكها المادي
بل هي آراء للأعضاء ويتحملون آرائهم وتقع عليهم وحدهم مسؤولية الدفاع عن أفكارهم وكلماتهم
رحم الله من قرأ الفاتحة إلى روح أبي جواد