منتديات الطرف - ودي امووووووووت اليوم؟

ودي أمــــــوووت اليوم؟؟

--------------------------------------------------------------------------------

عندما يكون الغدر حدث من أحداث حياتك اليومية والحزن كالعباده واجب عليك.... عندها فقط ((ودك تموت اليوم وتعيش باكر))

ودي أموت اليوم...
وأرجع واعيش باكر من جديد
لجل اعرف من هو على الود صادق
ومن هو .. بعد موتي
بطعنات الغدر بيزيد
ومن هو تمنى عمري باقي مديد

ودي اموت اليوم واعيش باكر
واشوف من هو بعد بعد موتي فقدني
ومن هو حملني الين ذيك المقابر
واشكر انا كل من كرمني ودفني
وبشوف انا يرثيني انا كم شاعر
ومن هو تركني وماكتب شي عني
شخص تعنا لي مع انه مسافر
وشخص قريب وانا ميت طعني
وشخص يمثل دمعته ما هو قادر
وشخص تطيح دموعه كل ماذكرني
ومن هو من اهلي فالعزا كان حاضر
ومن هو دعا لي في صلاته ورحمني
ومن هو بنا باسمي سبيل ومنابر
ومن هو يفز قلبه الا من لمحني
ومن هو عشاني طول الايام ساهر
ومن هو ثلاث ايام راح وتركني
ومن هو يرتب غرفتي والدفاتر
وان شاف صوره لي مات وحضني

يا الله عسى ما تخفى كل المشاعر
ويا الله عسى ما ينصدم يوم ظني
خايف يروح العمر واكون خاسر
وان طار طيري مايفيد التمني
وخايف يجيني وقت اكسر خواطر
ان دارت الدنيا وزماني كسرني
ومدام هذه الدنيا صارت مظاهر
وكل من على كيفه وجوه يغني
صحيح مسلم لكن الهم كافر
كل ما بغيت اضحك يهددني حزني
الضيق وافي والحزن حيل وافر
والجرح أكثر شي شفته يحبني
عايش وميت بين ماضي وحاضر
والصبر مفتاح الفرج ضاع مني
قل وش تبي وتتركني ياحزني آمر
مسكين فرحي تصدق انه واحشني
شاعر...ولكني ماني بشاعر
ودي اموت اليوم وارتاح مني

ودي اموت اليوم..
وارتاح من همي..وارتاح من حزني
وارتاح من كل جرح
باسمي عروقي سكني...!!
تعبت من الحزن .. تعبت من الوهن
تعبت وانا طول عمري أون..

منقول لعيون أعضاء أحلى منتدى