|
بخصوص المعهد التقني العالي للبنات في الاحساء
السلام عليكم متباركين المولد وان شاء الله يكون هاليوم فال خير وسعاده على الجميع.. عندي كم سؤال عن المعهد التقني للبنات اذا احد مسجل فيه منكم او يعرف احد مسجل فيه فا يفيدنا ويفيد الجميع... شنو اخر نسب الي قبلوها السنه الي فاتت ..صحيح مايقبلون الا نسب عاليه----->راحت وطي ابغى اعرف الأجواء كيف ..وتعامل المدربات والعميده مع الطالبات في المعهد,, موقعه فين بالضبط.. والأهم من كذا هل يستاهل ان اطلع من ديرتي واسكن في الحسا عشان المعهد.. وبغيت اقول لكم ترا التسجيل بدا من السبت الى يوم الجمعه 22 -8-2008 من خلال هذا الرابط للي مايدري بشي http://gt.gotevot.edu.sa/index.html ترا اليوم (الأحد) دخلت الموقع وطلع مسكر..! شكل عندهم مشكله,,الي مسجل يوم السبت يرجع ويشوف معلومات التسجيل تبعه بعد فتح الموقع موجوده ولا لا..لان احتمال يمكن تضيع..وتسجل مره ثانيه. عندهم تخصصين فقط...حاسب آلي-دعم فني للعلمي تقنيه اداريه-محاسبه للأدبي.. اتمنى الرد... بالتوفيق للجميع.. |
رد: بخصوص المعهد التقني العالي للبنات في الاحساء
بالتوفيق انشاء الله لكم
وشكرا" على الموضوع |
رد: بخصوص المعهد التقني العالي للبنات في الاحساء
مشكور على الموضوع
|
رد: بخصوص المعهد التقني العالي للبنات في الاحساء
انا مو كاتبه الموضوع عشان تشكروني..:confused: |
رد: بخصوص المعهد التقني العالي للبنات في الاحساء
وعليكم السلام والرحمة ,,, صمت ,, أنا دخلت على التسجيل وطلبت متقدمة جديدة وبعدها يطلع لي نوع الهوية مع رقم السجل المدني,,, بعدها مايطلع لي استمارة طلب ,, لا ,,, كلام ومادري شنهو ؟؟؟ مأقدر أفيدش بشي الا اذا سجلت مثل ماقلتي شكله عندهم مشكله ,, |
رد: بخصوص المعهد التقني العالي للبنات في الاحساء
التسجيل الحين شغال عدل ويطلع لك اسمك الكامل مع النسبه واسم المدرسه وانتي تكملي كتابه البيانات.. وانا اقصد من سؤالي عن الي يدرسون في المعهد...كيف النظام معاهم هناك..وما إلى ذالك.. تشكراتي لك |
رد: بخصوص المعهد التقني العالي للبنات في الاحساء
صمت ,,, ماعندي خلفيه أبدا عن نظامهم وكيفية تدر يسهم ,,, بس ان شاء الله راح أسأل وحده من أهلي وأرد عليك بأقرب وقت ممكن ,,, بالتوفيق ,,, :s121: |
رد: بخصوص المعهد التقني العالي للبنات في الاحساء
شوفي يا الطيّبه
راح أقولك اللي أعرف عنها .. الدراسه طبعا سنتين , ونص سنه للتطبيق فيها مكافأة 1000 ريال سالفة كم تقبل النسب , فهو حسب الإقبال يعني السنه اللي طافت كان الإقبال عليها بشكل كبير جداً فآخر نسبه لأدبي كان 91 , وعلمي 77 طبعا عكس أول مافتحوها كانت جديده ومحتاجين طالبات فيقبلون أي نسبه الحين نوعاً ما إختلف الوضع ومثل ماقلت لك حسب عدد الإقبال عليها ..! معاملة المدربات والعميدة للطلبه حسب ماسمعت من أختي انها كويسه بالعكس وتمام وشوفي إختي إذا إنتِ ماانقبلتي في شي .. إيه نعم يستاهل انك تتعنين وتدرسين بالمعهد لأن مستقبله جداً رائع ولا جلسة البيت طبعاً ..!!!!!!! وطبعاً هي أنظمتها شبيهة بالجامعة ..فشدي حيلك من البدايه ليكون تتساهلين فيها عشان ماتحملين مواد وتتبهدلين كذا .. ولو قررتي إنك تفصلين راح يطالبونك بكل المكافآت اللي صرفوها عليك فإنتبهي الله يخليك وجدي أول بأول شهادتها طبعاً دبلوم ويقولون انه مستقبلاً راح يخلونه بكالوريوس .. بس تبقين الصج ياالطيبه هالأيام مايتوظفون الا اصحاب الدبلوم واصحاب البكالريوس ..جالسين لا شغله ولا مشغله ..:) شي ثاني بعد حطي في بالك لو ماانقبلتي الحين في ترم ثاني تقدمين عليه .. يعني تفائلي بالخير وان شاء الله مايجي الا الخير ..:) إضافه الى ذلك الترم الأول راح يكون دراسته عامه والترم الثاني راح تبدأ دراسة التخصص إممممم بس هذا اللي عندي حاليا واي سؤال احنا بالخدمه باللي نعرفه وبالتوفيق ان شاء الله :) |
رد: بخصوص المعهد التقني العالي للبنات في الاحساء
اقتباس:
انا قدمت فيها واخترت ادرس الفصل الثاني يعني كيف ادرس تخصص ع طوووول او شلون ؟! وعلى المكافأت كيف نرجعهم !!هههههههه وسلام |
رد: بخصوص المعهد التقني العالي للبنات في الاحساء
ليل الهموم... ماتقصرين اختي.. بالتوفيق لكـِ وللجميع ان شاء الله عبد الله كفيت وفيت يعني خلاص نعتمد...وعلى امل ان شاء الله ان يقبلوني لاني معتمده عليها كثير. سارا محمد تعرفين يعني كثير يدخلون عشان المكافئه وبعدين ينسحبون...فعشان كذا لازم ترجعين المكافئاات كلها اذا انسحبتي...وعليك الحساب:p . |
رد: بخصوص المعهد التقني العالي للبنات في الاحساء
ظلم ليش الادبي 91
والعلمي 77 ظلم *_* |
رد: بخصوص المعهد التقني العالي للبنات في الاحساء
مرحبا
انا اخترت ادرس الفصل الثاني متى تظهر نتائج القبول ؟؟؟؟؟؟ |
رد: بخصوص المعهد التقني العالي للبنات في الاحساء
في موقع الكلية إعلان بأن النتايج راح تطلع يوم 22/8/1429 هــ ,,, وراح يرسلون رسايل جوال ,,, ورسايل بريد إلكتروني ,,, هذا آخر شئ قرأته بالموقع ,,, بالتوفيق ,,, |
رد: بخصوص المعهد التقني العالي للبنات في الاحساء
دعــواتكم لنأآآآآ بالتوفيق .. ان شاء الله يقبلووونا |
رد: بخصوص المعهد التقني العالي للبنات في الاحساء
نتــــــــائج القبول على الرابط التـــالي http://tvtc.gov.sa/students/girlsadm...ngResults.aspx حطوني احتياااااااط:mad: السنه الي طافت قبلو 240 والسنه هذي قبلوا الى 130 طالبه وكلهم نسبتهم 97 وفووووق:eek: بس ان شااء الله يكنسلوووون ويقبلووني دعواتكم ياجماعه..انا حاطه امل كبير في التقنيه |
رد: بخصوص المعهد التقني العالي للبنات في الاحساء
هلا وغلا
بس نتايج القبول كلهم للترم الاول مش الترم الثاني !!!!! متى نتايج القبول للفصل الثاني ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ |
رد: بخصوص المعهد التقني العالي للبنات في الاحساء
مرشحة ,,,, لكن ,,, يمكن مأروح لتقديم الملف ,,, لاني مقدمه على بعثه واحتمال أروح ,,, بالتوفيق لكم ,,, صمت ,,, سارا محمد ,,, |
رد: بخصوص المعهد التقني العالي للبنات في الاحساء
مرحبا ,,, لمراجعة الكلية لبنات الاحتياط ,,, بكره تاريخ ,,, 29 /8 / 1429 هــ ,,,تاخذين معك ,,, شهادة ثانوي ونسخه منها ,, وحسن السيرة والسلوك ونسخه ,, وكرت العائله ونسخه ,,,دوامهم من 8 صباح الى 12 ظهرا ,,, بالتوفيق للجميع ,,, |
رد: بخصوص المعهد التقني العالي للبنات في الاحساء
شلون يعني
حتى الأحتياط يروحون يراجعونهم ولا لزوم يدقون عليهم على اساس يراجعون المعهـد ..؟ اعرف بنااات حاطينهم احتياط ، بس مايندرى عنهم اذا يروحون للمعهد يراجعون او لا .،!!~ ياليت توافينا أكثــر ،ـ والمراجعه تبتدي من اليوم او بكـرة ,ـ والله يعافيك اختي :) |
رد: بخصوص المعهد التقني العالي للبنات في الاحساء
حتى الاحتياط يروحووون....!:eek: ليل الهموووم وينك تعالي اكدي الخبريه ولا فهمينا السالفه الحين لاني مو في الحســـــــــــــــا |
| الساعة الآن 03:36 PM |
Powered by vBulletin® Copyright ©2000 - 2026, Jelsoft Enterprises Ltd. TranZ By
Almuhajir
ما ينشر في منتديات الطرف لا يمثل الرأي الرسمي للمنتدى ومالكها المادي
بل هي آراء للأعضاء ويتحملون آرائهم وتقع عليهم وحدهم مسؤولية الدفاع عن أفكارهم وكلماتهم
رحم الله من قرأ الفاتحة إلى روح أبي جواد