كيكة الكرميل
 

كيكة الكرميل
المقاير ::

الطبقه الأولى ::

راح نحتاج 3 فناجيل سكر ...

نحطهم بالمقلاة اللي ناوين نجهز الكيكه فيها ... وبعدين نقلب السكر ع النار لحد مايذوب ويصير لونه ذهبي
بس ديروا بالكم لاتحرقونه



وبعدين نتركه على جنب ونروح نجهز الطبقه الثانيه


الطبقه الثانيه ::

نحط علبة حليب نستله المكثف المحلى الكبيره مع علبة حليب كارنيشن (( بوقوس ينفع بعد )) و5 صفار بيضات
نحطهم في الخلاط واذا اختلطوا عدل نروح نصبهم ع السكر اللي سويناه



الطبقه الثالثه ::

نجيب خليط كيك ابيض جاهز (( العلالي او روبين هود أي شي )) ونحط معاهم بياض البيض (( مو احنا حطينا الصفار بالطبقه الثانيه ناخذ البياض ونحطه بهالطبقه ))) بعدين نحط معاهم ثلاثة ارباع كأس ماي وربع كاس زيت ونخلطهم

وبعدين نروح نصبهم ع الطبقتين اللي سويناهم ... بس ديروا بالكم لاتخلطونهم بالملعقه بس صبوهم فوقهم



وأخيرا ::

نسوي للكيكه حمام مائي (( نجيب مقلاة اكبر من اللي بنستخدمها ونحط فيها شوية ماي ونحط مقلاة الكيكه داخله ))


بعدها ندخلها الفرن ونتركها مدة 45 دقيقه قد تحتاج اكثر احيانا .. والمفروض كل شوي نشوف الماي (( المفروض مايخلص ))

بعدها نطلعها ونقلبها بصحن التقديم .. وندخلها الثلاجه لحد ماتبرد



إن شاء الله تعجبكم

رد: كيكة الكرميل
 

جميلة جدا
واتمنى ان اتعرف عليك
لكي اعزمك على الكيك
يعطيك العافيه
000
00
0
مالك

رد: كيكة الكرميل
 

اخس ياشديد ..كيكه كراميل مرة وحده ..والله وطلعتوا منتبهينين ..
بس روونا شطارتكم ونزلوا تطبيقكم لهالاطباق ...
مشكور خيوا ولد البلد .. شكلها لزيزه ..

تقبل مروري .. دمت بود ..

رد: كيكة الكرميل
 

عاد حط صورة
عشان نتشجع اننا نسويها
على العموم
تسلم اخوي
و حقتك العافية

رد: كيكة الكرميل
 

رد: كيكة الكرميل
 

يعطيكم العافيه وان شاء الله الاستفادة للجيمع
تحياتييييييييييييييييييييييييييي

رد: كيكة الكرميل
 

عاااد لا تنسي تسويهــا .. وتطرشي لنــا منهـا ..
ترى الباب بالباب .. << سويها الباب بالباب !!

.
.

مشكور ولد البلد على التفنن اللي طالع لنـا فيه ..
وطلع عندك عرق ينبض نـاح المطبخ :) ..

.
.

لله درك .. وكن بخير ..

.
.

رد: كيكة الكرميل
 

حلوة كثير بسلمو أيدك


لذيذة مررررررررة