منتديات الطرف - دخـيلك تمـسح عيونك تـرى هالدمع يـشقيني .....

منتديات الطرف (www.altaraf.com/vb/index.php)

- همس القـوافي وعذب الكلام (www.altaraf.com/vb/forumdisplay.php?f=17)

دخـيلك تمـسح عيونك تـرى هالدمع يـشقيني .....

صـبآح \ مسـآآء
الخــير

قـصيده عجبتني وحبيت انقــلها لــكم ..

ليش الدمـع يا قـلبي .. ترى دمعـك عَلَي غالـي
أنـا مـالي بهَالدنيــا سِــواك أحــدٍ يواسينـي

دخيلك حتى لُو صاحَت جروحك ترفـُق بـحالي
أخــاف صياحَـها يـحـي جـروحٍ مَـيِّتـَه فينـي

صِعيبـه و الله هالدنيـا على مثلك و أمثالـي
صغـارٍ عَالحِـزن لكن أبَت تسـتوعِـب سنينـي

سِقَتني الـمُر في عُـمرٍ شرَب بَه غيري الحالـي
و كِل ما صِحت يادِنيا ذِبَحني الـمُر..تسقيني

وحيده عِشت اْنادي الفَرح لِجروحي و لا جالي
رَحَلت بـكِل صُـوب و ما لقـيت إللي يداوينـي

و تراها ما غـدَت تَفْرِق مَـعِي لُو طـال تِـرحالـي
أنا أصلاً سِكَنـت الجَـرح و ضاعت بَه عَناوينـي

عَشقْت الحزن مُو برضاي.. عيَّـا الوقت يصفالي
و يوم إنه رِجَـف دَمعي ذِبَحـتـَه في وَسَطْ عينـي

لَك الله وش يفـيد الدَّمع و لُو هُو سِيل مِتوالي
دخيلك تمسـح دموعَـك ترى هالدمع يشقـيني

مِـصير جروحِنا تذبــَــل قِـصَر هالعُمر أو طالـي
و إذا جرحـك أبَـى يبـرى بَضمِّـده بشـراينـي..َ!

وســلآمتكم ..
اتمــنى تحـوز على رضـآآكم
/

/

غــــرور

رد: دخـيلك تمـسح عيونك تـرى هالدمع يـشقيني .....

يعطيك العافيه

أختي مشاركة جميلة وان شاالله دوم

لك كل الشكر

رد: دخـيلك تمـسح عيونك تـرى هالدمع يـشقيني .....

اقتباس:

دخيلك تمسـح دموعَـك ترى هالدمع يشقـيني
و إذا جرحـك أبَـى يبـرى بَضمِّـده بشـراينـي..َ!

يااا ويييلييي انااا

والله بصراحة جائت بالصميم

وما اقدر اقووول غير آآآه من كل كل كل قلبي .....

تقبلي تحياتي

مشاكس

رد: دخـيلك تمـسح عيونك تـرى هالدمع يـشقيني .....

غرور
قصيده في قمة الرووعه
عطاك ربي الف الف عافيه
ننتظر جديدك

رد: دخـيلك تمـسح عيونك تـرى هالدمع يـشقيني .....

غروووووور....

قصيده سكنت على معنى الألم المر ، واليأس الممتد على شرايين

ذاك الحب الذي غادر على متن الرحيل، تارك من وراءه أهه تنفث من

أعماق ذاك القلب الحزين اليائس والقانع بفكرة ألا لقاء.

وما ذاك إلا نتاج التجربة التي جاءت من عالم العطاء الذي كان الرد

عليه هو الجحود فكان من المحب الررررررررررحيل.

شكرا على مانقلت أياديك من أبيات جميله.

تحياتــــــــــي لك.