قصيدة في شجاعة علي الاكبر (ع)
 

قصيده في حق شجاعة علي الاكبر ع

*********

عن لسان والدته ليلى عليها السلام

---------

انته من حيدر شطر


فتح بيبان النصر
وانته الاكبر


هذي خيبر



فتح بيبان النصر


انته بيدك


---------------------------

بدر وتلاله عله صفحات النجم
من طلع بالغاضريه بكـل عزم
طلّسم اسمه وفتح كل طلّســم
بهر هاروت ودهش اهل العلـم
وصار بصفوف الملاحم يلتـحم
يبني عزرائيل من سيفك يلــم
سيدي انته الامر


ناده امرك
انته بيدك فتح بيبان النصر


انته الاكبــر

------------------------

انته ماخذ من علي وطه الطبـاع
انته عالكلفات بالابحر شراع
انته قلعة سر بنت سر القـــلاع
انته سر وطلسمت سر السباع
انته سر اتقيّض بكلب الشجاع
هتف سيفك من طويته عالــذراع
انته زلزال الكفر


همه ازغر
انته بيدك فتح بيبان النصر


انته الاكــبر

-------------------------

انته نورك فجر عالليل اندلــع
انته عينك جمر لو صدت صكـع
انته ايدك لاوت الحــيل ووكع
انته اعظم جيش يم جدمك ركـع
انته جسمك لا لحد ظمه وخضـع
وانته موش تـراب يتحلل رجـع
انته ما لمك كـــبر


انته بالـــذر
انته بيدك فتح بيبان النصر


انته الاكــبر

------------------------

روح يبني وهذا صوت الحك علن
هاك اديه لسر خلودك مهــدّن
وهـاك دمعاتي عله وجناتي حجن
روح سـافر واركب اجناح الزمن
روح ننتظزك يحــلال الــمحن
انته موت وزحف عالـطف وسكن
انته خطاف العمر


وشهد بيهه
انته بيدك فتح بيبان النصر


انته الاكبر 000انته الاكبر0000انته الاكبر00

********************************************
دوعائكم لي هو غاية قصدي وفقكم الله
*******************************************0







-----------------------------

حميـد النجفي

ما اجمل الكلام في علي الاكبر وكلام الكاتب عنه جعله الله من المواليين لهم الى يوم القيامه ونتمنى لك الشفاء العاجل انشاء الله وفقك الله الى مافيه الخير والصلاح0

أشكرك اختي على حسن تجاوبك ودوعائك والله لا يحرمنا من مشاركاتك معاي0

تحياتي واشواقي0

السلام عليكم ورحمة الله وبركاته
سلمت يداك وجزاك الله خيرا وفقك الله الى ما يحبه ويرضاه

احسنت يا بنت الهدى ووفقك الله الى ما يحبه ويرضاه من كل خير وصلاح0
تحياتي الخالصة لك0