منتديات الطرف - رســـــــالـــــــــة شـــــــــــوق (قصيده جديده)

منتديات الطرف (www.altaraf.com/vb/index.php)

- همس القـوافي وعذب الكلام (www.altaraf.com/vb/forumdisplay.php?f=17)

رســـــــالـــــــــة شـــــــــــوق (قصيده جديده)

اخواني وأخواتي يسرني وبعد طول غياب ان اضع بين ايديكم هذه القصيده المتواضعه والتي اتمنى ان

تحوز على رضاكم و أن ترتقي الى مستوى ذائقتكم الشعريه الراقيه

رســــــالــــــــــة شــــــــــــــوق

ابـانــضــم مـــــن خــزايـــن فــكـــري الابـــيـــات

واقفيـهـا عـلـى قــاف الـفـراق ونـــار حـسـراتـي

ابانسجهـا عـلـى بـحـر الحنـيـن وخـافـي الـونـات

واقدمـهـا رسـالــة شـــوق وانـثــر فيهادمـعـاتـي

الـى ذاك الحبيـب اللـي وصالـه فـي زمانـي بــات

مـعـانـي للـسـعـاده والـهـنـا واسـبــاب فـرحـاتــي

باعطـرهـا بود(ن)تجتـمـع مــن دونــه الاشـتــات

وازينـهـا بصـفـا نفس(ن)تـمـاري بـــه سـجـلاتـي

بالونـهـا بلهـفـة شـوقــي الـمـمـزوج بالـلـوعـات

واغلفـهـا بشـعـارات الـوفـا واصــدق عبـاراتـي

بعنونـهـا بعـنـوان الغـلـى الـلـي يستبـيـح الـــذات

وبارسلهـا إلــى مــن يستـحـق اجـمـل رسـالاتـي

هــذاك الـلـي الياشـفـتـه تـجـلّـت عـنــي الاهـــات

والـيــاوادع عـيـونـي زادت هـمـومـي وعــلاتــي

وباقول اني هويته في مراحل عمـري اللـي فـات

وباقـول انـي مواصـل فـي غرامـه عمـري الاتـي

وباقـول انـي عـلـى ملـقـاه بابـقـى عـاقـد النـيّـات

ولــو طـــوّل عـلــي فـرقــاه أوتـاهــت مسـافـاتـي

وبأقـول انـه دليلـي فـي ليالـي عـمـري العتـمـات

وباقول انه سنـا شمـس(ن) تدلـت فـي سماواتـي

ياكود ان القـدر باسهـام قوسـه تصـدق الرميـات

واحقـق حلمـي اللـي عـاش فينـي كــل لحضـاتـي

والامـس كفـه الطاهـر واعلّـي باسـمـه الـرايـات

واعانـق روحــه وطيـفـه واجـسـد فـيـه نظـراتـي

وبامرح فى هوى حبه واضاعف حوله الخطوات

وأنـيـر ايـامـي بـنـوره واضّــوي مـنـه شمـعـاتـي

ولـو ماجـاز لـه سبكـي وحبـكـي خـيـب الهـقـوات

لاغيّـر بالشعـر مضمـون شـوقـي وحــر لهفـاتـي

واعوّد مـن خزايـن فكـري أنضـم لاجلـه الابيـات

واقفيـهـا عـلـى قــاف الـفـراق ونـــار حـسـراتـي

وســــلامـــــتـــــــكـــــم

اخوكم واصـــــل بـــــن مـحــمــد الــشــريــط