|
ثلاث سنين انا اخطط لهذا اليوم يـا بـو سعـود
((بسم الله تعالى))
السلام خير بدايه للكلام.......... كل عام واانتوا بخير وعساكم من عواده ثلاث سنين انا اخطط لهذا اليوم يـا بـو سعـود تيسّـر حالـي و جاهـز اوفّـي وعـدي بوقتـه و فجأه جتني تتعـذر .. تقـول تأخَـرَت لوعـود و انا مستغرب و اسمع كأنـي وعدهـا خنتـه !! حسبت انها تمازحني و تتصنـع جفـا و صـدود ضحكت بوجهها من قلب.. مع انْها بايخه النكتـه و قالت ارضى بالواقع .. قلبـي ماهـو المعهـود تغير كل شي صوبك .. نصيبي ما اظـن انتـه !! كنت ف يوم محبوبـي و لكـن مـا اظـن نعـود وصل من قبل ما توصل .. و انا ذاك الصبر عفته و لكن تكفى صدقنـي و يشهـد ربـي المعبـود ترى ما خنتـك بغفلـه .. ولا كلمتـه و شفتـه صراحه اهلي قالوا لي بأنه ولـد اصـل و جـود و جتني امه بالصوره .. و بكلمات المـدح اختـه سكت و قلت هي فرصه مدام الجود في الموجـود و قالوا كل من حولـي علامـات الرضـا سكتـه و انا فكرت دام امـه و اختـه مـا عليهـم زود اكيـد انـي براضيهـم اذا وافقـت و اختـرتـه و اراضي اهلي و اخواني مدام ان الفرح مقصود عطيت الناس انا كلمـه ومعاهـم وقتـي حددتـه و لا اقدر اغيرها .. ترى عنـد العـرب منقـود اوافق و اعتذر باجر و اقـول الـراي غيرتـه ! تبي تشرح لي المنقود .. تصدق عاد يا بو سعود؟ تبيني اقتنع و ارضى بحال ٍ عمـري مـا عشتـه انا ماني بقايلها .. عسـى يفـرش ثراهـا ورود بعد ما حطمـت قلبـي و طعـم المـوت جربتـه عسى بفستانها اشواك .. و في ثوبه عقارب سود و نار ٍ تحرق الكوشـه و تحـرق بيتهـم حتـى و موت بليلـة الدخلـه يبـرد حرتـي يـا كـود ولا احس انهـا بحضنـه يلامـس خـد لامستـه علي اهون اذا ماتوا ولا بنفـس السريـر رقـود ترى صعـب ٍ علـي اتخيـل اللـي مـا تخيلتـه عسى قاع الثرى يقسى و يتحول صخـر جلمـود و حفار القبـر يرفـض يسـوي فـوق مقدرتـه ترى دفنة عديم الذات تلـوع حتـى كبـد الـدود و من خان العهود و مات تعافـه حتـى مقبرتـه عسى ربي يجازيهم بحبـل ٍ مـن مسـد ممـدود يعلقهـم مـن اطرافـه و فوقـه نـار ٍ و تحتـه انا ماني حقود و شين ولاني مـن نسـل نمـرود ومن حط نفسه بوضعي بيقـول اللـي انـا قلتـه مدام الفعل لـه ردة فعـل والله ابشـري بـردود بدعـي دامنـي حـي ٍ و بغـرس للدعـا نبتـه و بسقيها نزيف القلب و دمع ٍ ما رحـم لخـدود و تكبر و الثمر ثاري من اللي خاننـي و صنتـه انا نذرٍ علي اكتـب و افجـر هالقصيـد رعـود و اسمّع كل بشـر صوتـي عجبتـه ولا زعلتـه و اردد للي يسمعني .. اذا حبيت ( حط حـدود ) انا حبيت دون حـدود و شـوف اللـي تكبدتـه ثلاث سنين انا ابني و جت ( صوره ) بكل بـرود خذت مني شقى عمري و حلم ٍ ( قلت ) حققته !!! ثلاث سنين انا اخطط لهذا اليوم يـا بـو سعـود وتوافق من كلام أخته وصوره أربعه فـ سته.... ،، أكيييييد :mnqol: انتظر ردودكم اتمنى تعجبكم تحيااااااااااااتي اختكم سكون الصمت |
رد: ثلاث سنين انا اخطط لهذا اليوم يـا بـو سعـود
يعطيك الف عافيه على النقل هالمره ماراح امدح ماراح امدح ها؟؟ كيفي ماراح امدح لانها غنية عن المدح الف شكر على النقل الي دائما مميز ورائع في حفظ الباري |
رد: ثلاث سنين انا اخطط لهذا اليوم يـا بـو سعـود
اقتباس:
:eek::eek::eek::eek: الله يقطع بليسك بصراحه خوفتني قلت يؤ الى هالدرجه القصيده بايخه حتى لو مو من طبع اخوي ليت للقب عين مايمدح حتى لو مجامله بس يالله ريحتني في الاخير :s62: ماتقصر والله ومشكووووووور لانك دائما تتابع قصائدي المنقوله طبعا ومشكور والله يعطيك العافيه لانك اول واحد ترد على قصديتي ولا تعيدها مره ثانيه ترى نشفت دمي تحيااااااااااااااااااااااااتي اختك سكون الصمت |
رد: ثلاث سنين انا اخطط لهذا اليوم يـا بـو سعـود
وهذا الرابط للي يحب يسمعها
http://www.angelfire.com/poetry/saaqe/4x6.html ابي رايكم فيها بكل صراحه انا عجبتني موووووت تحياااااااااااااااتي اختكم سكون الصمت |
رد: ثلاث سنين انا اخطط لهذا اليوم يـا بـو سعـود
بصرااااااااااااااااحة هذه القصيدة مررررررررررة حلوووووووووة وانا كنت اسمع كل يوم لفترة بس بعدين قطعت عنها ولكن للحين اذكرها وحافظها ما قصرتي تسلمين .....
تقبلوا شقاوتي مشاكس |
رد: ثلاث سنين انا اخطط لهذا اليوم يـا بـو سعـود
مشكووووووووور اخوي مشاكس على المرور المتواضع
لاعدمنا مرورك تحيااااااااااااااااااتي اختك سكون الصمت |
رد: ثلاث سنين انا اخطط لهذا اليوم يـا بـو سعـود
"ثلاث سنين انا اخطط لهذا اليوم يـا بـو سعـود
وتوافق من كلام أخته وصوره أربعه فـ سته...." قصيدة جميلة جداً... رغم قساوتها و لوعة كاتبها! سلمت يداك أختي سكون الصمت على الانتقاء الرائع. |
رد: ثلاث سنين انا اخطط لهذا اليوم يـا بـو سعـود
اقتباس:
مشكور اخوي على المرور المتواضع لا حرمنا مرورك تحيااااااااااااااتي اختك سكون الصمت |
رد: ثلاث سنين انا اخطط لهذا اليوم يـا بـو سعـود
القصيدة جميلة جدا
وترعب سامعها بصوت الحزين و انا عجبتني بالحيل وكله اسمعها بالجوال بس قلبه قاسي ليه مايدعي لها بالسعادة والف شكر على النقل |
رد: ثلاث سنين انا اخطط لهذا اليوم يـا بـو سعـود
مشكوره اختي بحر الشوق عالمرور المتواضع
بس حرام عليج مو قاسي قلبه لان مجروح والمجروح يقول كل شي الله لا يقول بس تخيلي اخوج في مكانه انتي اللي بتقولي بعد مو بس هو طبعا الله لا يقول والحمدالله انها عجبتج لا عدمنا مرورج الجميل تحيااااااااااااااااااااااتي اختج سكون الصمت |
| الساعة الآن 11:33 PM |
Powered by vBulletin® Copyright ©2000 - 2026, Jelsoft Enterprises Ltd. TranZ By
Almuhajir
ما ينشر في منتديات الطرف لا يمثل الرأي الرسمي للمنتدى ومالكها المادي
بل هي آراء للأعضاء ويتحملون آرائهم وتقع عليهم وحدهم مسؤولية الدفاع عن أفكارهم وكلماتهم
رحم الله من قرأ الفاتحة إلى روح أبي جواد