الكشاتة بالعادة تحصلهم ربع منسجمين مع بعضهم .. لكن أحيانا المقادير تبلى بـعلة ( ينكد ) كيف الكشتة أو مثل مايقولون يـ( ....... ) بالكشتة ( الله يكرمكم) ..
ومواصفات هالعلة .. الله يجيركم .. كثيرة .. منها :-
1- إذا عزموا الربع على الطلعة.. وذا سيارته جيب .. سبق بالعذر ( سيارتي أبدخلها الورشة .. والكفرات لك عليهن .. الأهل يبون السيارة ... ) ..( قحطة ) ( أجل وشو له شاري السيارة يامال الفقر ) ..2-
إذا فيها قطة ( قال .. مشواها ) جابها فراطة(خرده) .. ويمكن ناقصة شوي تقول شاحذهن من . .. ( الله لايغني العدو ) ..
3- إذا كانت الحمول في مكان التجمع يجي حضرته متأخر بعد مايكون الزقرت شدوا له كل شي .. ( الله يشد عليه ) ..
4- إذا كانت الكشتة بأكثر من سيارة نقز ( عطاه النقاز ) بصدر الصالون وطنش الكبار( الشقرديه ) اللي راكبين الونيت أو الشاص .. ليا .. (ا لرخو ) ..
5- إذا كان مافيها تجوال أول مايختارون مكان للتخييم نزل ( الاخ ) يدعي المغص وتشطر .. وآخ يادسكي وياظهري.. شب علي .. ( أجعلهم يشبون بك ولا تلقى من يطفيك الا بنعال )..:eek:
6- إذا نقز واحد من الشقردية وجاب الخروف وقال تعال يا( أبو فلان ) امسك لي .. قال ( سوري ) أدوخ ماأقدراشوف الدم .. ( أجل ليش ماجبت لك مجمد مفروم من البقالة ياالعفن ) ..
7- مايهنا له التمشي لحاله للتأمل بمخلوقات الله الا إذا بدا التجهيز لطبخ الغداء ( مع ان الشقرديه مكفينه الرخمه ) ..
8- إذا فلوها وجابو العشاء نقز ( المره ذي عطاه النحاز ) أول واحد و ( تربع ) وسوى نفسه ماشاف وش لون جالسين الزقرت .. ( يستدلخ ) ..
9- إذا جاء وقت النوم أول من يجهز فراشه هو ويختار أحسن وأدفى مكان .. ويكمله بالشخير ( وشي ثاني يخلي الزقرت اللي ماناموا يتلطمون ) .. ( الخايس ) ..
10 - آخر من يقوم هو .. وغسل القدور والصحون مايعرفه طول الكشتة .. ( الناعم ).
بها الحالة نقول لها( العلة ) .. لاتروح الا ويا هنود.. وخلك أمير عليهم .. ( كفوك .. يا الرخو )..
والله يحفظ الجميع ........