|
نبي حملة توعوية منكم يا بنات
السلام عليكم كيفكم يا بنــــــــــــــــــــــــــــــات عارف الموضوع اشويه غريب بس صدق الموضوع محتاج تضامن منكم .............. ترى حنا الشباب مساكين والله مغلوب على امرنا ترى من جد تعبنا وحنا نكافح ونتعب ونكد علشان مين علشان ان نتزوج نستر على نفسنا ونعف نفسنا من الحرام ولكن ايش المصيبة لما تروح تخطب .......... تعال ادفع المهر الفلاني ( والله المهر مقدور عليه ) وراضين به حق من حقوقكم يا البنات بس والله ترى حنا ما فينا شدة على مصاريف الزواج خاصة الان كل شي غالي ايش تبدي وايش تخلي وانت عارفين (البير )و(قطاه) يعني ما يحتاج الان كل الشركات ما توظف السعوديين الا براتب 3500 ان زاد 4500 وجامعي بعد يعني نعاني معانه ما يعلم بها الا الله وبعدين تحطون الوم على الشباب ( الشباب لعبين راعين سفر وخربطة الشباب ما يبون الا الزواج من الخارج الشباب طايشين الشباب والشباب والشباب .............. ) والله لو اكتب لكم من اليوم الى بكره عن المصاعب اللي تواجهنا على اساس نتزوج يمكن اكتب مجلدات على اساس كذا ابي منكم حملة توعية نسميها حملة ( يسرو على الشباب ) يسروا ولا تعسرو اذا كنتي اختي تبين الزواج فهذا انا اقول لك ارضي برجل الدين والخلق وتوكلي على الله ............ . والله بيسعدك في الدنيا قبل الاخره ...... يا بنات اتقين الله فينا والله حنا نبي الزواج ونبي نعف نفسنا بس ساعدونا ماهو اذا جينا نخطب قالو تبي في الصالة الفلانية,, الطقاقة الفلانية ,,البوفيه الفلاني وهلم من مصاريف الزواج الي ما تخلص وفي النهاية ......... زواج محتوم عليه الفشل لان بدا بفشل ديون على الشاب ما يعرف ينام الليل من التفكير كيف يسدد هذا الديون ....... وتجيك الطيبة قبل نهاية الشهر وين مودي الراتب تضن هذا الي ما خذها مليونير والا عنده رصيد ادخاري في بنوك اسويسره ما تدري ان متزوج بديون ..... ايش يسوي لها يعطيه ذيك الطلقه الا ماهو منه من الهموم الي تلازمه في الليل والنهار ........ ايش تبون يا بنات والله حنا محتاجين مساعدتكم في التوعية انا طولت في الموضو ع بس والله من حرقة في قلبي وخواطر في في بالي حبيت اكتبها من القلب الى القلب .........................ان شاء الله تلقى صدى عندكم واحساس بالمسئولية تجاهنا حنا الشباب ...... وهذا تبرية ذمة ......على اساس ما تقولو الشباب ما عاد يبون يتزوجون . وان شاء الله لي رجعة في تكلمة الموضوع وليكن شعاركم ( يسرو على الشباب الزوا ج) |
رد: نبي حملة توعوية منكم يا بنات
كل الشكرا و التقدير لك اخووووووووووووووي
|
رد: نبي حملة توعوية منكم يا بنات
صح لسانك .. كلامك كله في مكانه .. لكن بقولك شيء .. (( لاحياة لمن تنادي )) .. يعني لاتحاول .. لان انت من هالجهة تنصح .. ومن جهة ثانية ناس يحدونها ع هالاشيا .. وأولهم الام (( هذا المعظم )) .. واحيانا البنت ماتبي تسوي اشيا كثيرة .. واكبر دليل تلقى اكثر البنات مايبون (( ليلة الحنة )) والام تصر ع هالشيء خايفة من الفشيلة .. يارجال صارت الاشيا الخراب (( عادات وتقاليد )) .. والله مدري شقول وشخلي .. ع العموم جزاك الله خير والله يوفقك ويسهل لك طريقك يارب .. تحياتي لك |
رد: نبي حملة توعوية منكم يا بنات
مرحبا
كلامك عين العقل للأسف اصبحو بنتنا يحبو الرزه والفخفخه ويحبو كلشيء كامل مستحيل ينقص شيء حتى لو بسيط يا خواتي هذا نداء لكم يسرو في تحديد المهر والطلبات .. وخففو الضغط عليهم والله حرام ملاحظة لو حصل الزواج على ديون مراح تتهنو الا بعد تسديد الديون كلها نصيحه يا بنات اذا ضليتو على هذا الموال عرفو ان مراح احد يطق بابكم وراح يفضل الشاب الزواج من برى ارحم وارخص له الله يوفق الجميع وقد تكون لي عوده عذراً للأطاله أسوار البقيع كانت هنا |
رد: نبي حملة توعوية منكم يا بنات
الله عليك كفيت ووفيت علينا كل الي تقوله في عين الصواب
تضن هذا الي ما خذها مليونير والا عنده رصيد ادخاري في بنوك اسويسره والله انت كل رجوله وكلمات واقعيه وشكرا على الموضوع القيم مع تحيات ............... وردالقمر |
رد: نبي حملة توعوية منكم يا بنات
والله كــلامــك مفهــوم وسمعناه من الأهــل قبل مانسمعه هـُنــا :)
أنــامعك في أغلبية النقـــاط لكن المشكله مو في كيذا المشكله في نسبة الغـــلاء عنــدنا أصبحت كبيــره جداا والبنت اذا تتــزوج تشــوف كل شي غالي وتظــطرأنهــا تاخذ عشــان الزواج وأغلبية العرايس هـ الأيـام أشــوفهم يراعـون من شان مايصــير في خساره كتير هــذا من ناحية المـــــــلابس والذهب وأستعدادت البنت ولا ماتبي هـ الشي بعد :) أمــا من ناحية الصــاله والطقاقه والبوفيه فـ أنا معــك اذا كان مافي مقدره فما له داعي أخسر الرجال وهـوماعنده ومتروس ديــون هــذا الشيء يعتمــد ع الفكــرالتــربوي ومعاونة الزوج حتى لايكلف فوق طاقته موفقيـــــــــــن جميعــا / |
| الساعة الآن 09:13 PM |
Powered by vBulletin® Copyright ©2000 - 2026, Jelsoft Enterprises Ltd. TranZ By
Almuhajir
ما ينشر في منتديات الطرف لا يمثل الرأي الرسمي للمنتدى ومالكها المادي
بل هي آراء للأعضاء ويتحملون آرائهم وتقع عليهم وحدهم مسؤولية الدفاع عن أفكارهم وكلماتهم
رحم الله من قرأ الفاتحة إلى روح أبي جواد