كان في ولد عمره 4سنوات بعد ما فطروا اهله طبيعي ان كل واحد بينشغل الي يقرا قرآن والي يطالع التلفزيووون والا جالس عالنت والي تغسل المواعين والي راح ينام المهم هذا الولد متعود كل يوم هالحزه يروح يسبح يعبي المغطس ماااي ويسبح فيه لكن دورة المياه الي يسبح فيها كل يوم هاليوم كان فيها احد يسبح غيره راح وحده ثانيه لكنه مو متعود على هذي الدوره المهم قبل لا يسبح راح يحمي مسك الهوز وحطه على رقبته وجلس يتدفى:p طبعا الوان الماصوره مقلوبه الحار بارد والبارد حار للتوضيح النقطه الزرقه حار والحمره بارد;) وشغل البارد والحار وصار الماي دافي لكن نسبه الحراره اكثر شسوا؟؟ طفا النقطه الحمره يفكره بيبرد وزاد الزرقه وهنا المشكله فجأه صار الماي حاررر:mad: وحرق رقبته بالحيـــــل اوللد طلع ذكي ترك الهوز وطلع من الدوره وجلس عند الباب يصيح...وكان اخوه جالس عالنت غرفة النت جمب الحمام وسمع واحد يصيح لكن مو بالقوه لا بس يون استغرب راعي النت:confused: طلع له شافه حاط يده على رقبته قاله شفيك يا فلان... ذاك يون الولد راح يجيب له شاهي وشاف امه تلبس البنت الصغيره عمرها سنتين وقالها شفيه فلان يصيح عند الحمام الام راحت له على طول وهي تضحك ...جات حق الود وهي تصرح احترق احترق منو الي احترق قالت: رقبته والمسكين رقبته كلش الجلده الاساسيه تزلعت وودوه المستشفى ولفوها وحطو عليها مرهم ومدري شنو والحمد لله لكن فيه بعض التغيرات الولد الي كلا يضحك ومعفر البيت صار هادي واااجد والحمد لله على كل حال