معاناة شاب في الحصول على زوجه.......................تعالوا يا شباب
 

معاناة شاب في الحصول على زوجه.......................تعالوا يا شباب
معاناة شاب في الحصول على زوجة
هذه قصيدة هزلية لأحد الاصدقاء (( انتبهوا اقول لأحد الاصدقاء وليست لي حتى لا تقولون حرامي قصايد )) يصور معاناة الشباب قبل الزواج

قالوا لي اهلي تزوج #### بالفقر لا لا تحجج
ما ضاقت الا وتفرج #### شيبت منتب صغير

قلت ابحثوا عن بنية #### حلوة لطيفة ذكية
قالوا لقينا رقية #### زينة وابوها فقير

جيت الابو قلت خطيب #### يومه درى زاد ترحيب
وقدم لي الشاي والطيب #### من عقب كاس العصير

وقال أي الــــبــنـــات #### ثيب تبي او فتاة
يتيمة والا بحماة #### كل لها مهر غير

وقلت ودي رقية #### قال المهر الف مية
وهذي تراها شوية #### مع الذهب والحرير

وقلت يا عم غالي #### يا عم انا شوي مالي
ودي بـ بنت الحلالي #### وانت بحالي خبير

قال انقلع لا اشوفك #### لياك تشرح ظروفك
اذلف وجمع الوفك #### عساك سد المصير

ورحت لأمي حزيني ### يوم سألت ويش فيني
قلت الابو ما يبيني #### يبي قروش كثير

قالت خبل لا يهمك #### حرمتك عندي وانا امك
بنت جميلة تلمك #### وابوها تاجر كبير

باكر تسير عليهم #### من قبل احد يجيهم
هذولا كل يبيهم #### حيث ان ابوها شهير

لبست لي احسن ثياب ### ورشيت جسمي بالاطياب
وجيت ووقفت بالباب #### واقول يالله خير

دخلت وكلمت ابوها #### وناد امها مع اخوها
وقال روحوا اسألوها ### هي ودها بالعشير

يوم رجعوا قالوا ايه #### ترى البينة تبيه
ولها شروط عليه #### وان طاع كلش يصير

مها تبي كل صيف #### سفرة لديرة جنيف
وقصر كبير ونظيف #### مفروش زل وحرير

وايضا تبي خادمة #### حيث انها ناعمة
صرخت يا ظالمة #### هي تحسبني وزير

ورحت غضبان لأمي #### خافت وقامت تسمي
شكيت حزني وهمي #### وقلت اخطبي لي عبير

قالت مشينا لاهلها #### عساك تصبح بعلها
مهيب خبلة وبلها #### تقنع بشي يسير

جيت الابو صار يضرس ##### قال آسف البنت تدرس
ما ودها الحين تعرس #### وسن البنية صغير

جاوبت بنتك كبيرة #### العام صارت مديرة
حرام تقعد اسيرة #### بأسباب شيء حقير

يومي فضحته وورط ### قال انطم مابي خرط
يالله موافق بشرط #### ما اسحبه لو تطير

شرطي تراه المعاش #### في اخر الشهر كاش
ما نيب اربي بلاش #### لامثالكم يالغرير

طلعت من بيتهم #### زعل وخليتهم
ياليت ما جيتهم #### ما عند ابوها ضمير


وقلت سدت دروبي #### يمه اببقى عزوبي
اكوي شماغي وثوبي #### معاد ابي لي خشير

قالت وش اللي تقول #### اكيد انت مهبول
اصبر لعلك تنول ### الله وانا امك قدير

يرزقك بنت هنوف #### فيها جميل الوصوف
معها السعادة تشوف #### وتعيش معها قرير

عندي بنية حلال #### عقل ودين وجمال
ماهم راعين مال #### وابوها شيخ ضرير

جيت الابو قلت يا عم #### يومه سمعني نطق سم
قلت يا عم تسلم ### جيتك ابخطب غدير

قال انتظر يوم سابع #### وارد لك رد قاطع
ان كان ما فيه مانع #### يجيك مني بشير

وراح يوم ويومين #### ثم اتصل نهار الاثنين
قلت الخبر قال لي زين #### تعال عقب الاخير

وجيت وادخلني الدار #### وقلت يا عم وش صار
قال امدحوك لي اخيار #### يوم جيتهم مستشير

وقلت هذي الفلوس #### ودي اشوف العروس
من اجل تهدى النفوس #### رسولنا بذا يشير

وقال وش قلت ودك #### وقف هنا عند حدك
ما فيه عقل يردك ### هي شاة والا بعير

بنتي ابد ما تشاف #### من قبل يوم الزفاف
مادامنا في خلاف #### تراي انا مستخير

رجعت ما اشوف دربي #### مهموم يوجعني قلبي
واقول وفق يا ربي #### تراي بك مستجير

والحمد لله لقيت #### رجال من خوش بيت
دين وعقل وصيت #### وبحال مثلي بصير

يشري قروم الرجال #### ما وده بزود مال
وده بولد الحلال ### متعلم ومستنير

خطبت منه وعطاني #### وحققت كل الاماني
واصبحت قانع وهاني ### وعشت معها امير

والحمد لله خلاص #### عندي سكن ملك خاص
وعيال يملون باص #### وعايش بصحة وخير

اختيار موفق منك يا امواج وتسلم يدك

الف شكر لك يا المووج على هذا القصيد الجميل والمفيد

عساه يكون عبره وموعضه لمن يريد الزواج



والله يوفقك ويرزقك بنت الحلال0

تعبت وأنا أقرأها ... أجل واشلون هالولد!!!:)

الله كان في عونه هذا الولد يوم أنه تجرجر من مكان لمكان علشان هالبنية

هالقصيدة فيها حقائق عن مانعيشه في هذه الأيام من رفض الآباء أو
شروط الأب أو الزوجة التعجيزية و .... و ....





اختيار موفق ....

مافيه مشكلة وإلا لها حل
 

لا أعتقد بأنه في هذه الأيام شروط تعجيزية وخصوصا أنه في هذه

الأيام كثرت العوانس وبعدين الزواج الجماعي ماقصر زوج اللي أعمارهم

15 سنة هذا غير أن الاب يريد أن يزوج أبنته بأي وسيله

هذا من وجهة نظري ولا أحد يزعل وعقبال عندك يابوعبادي

مع تحياتي أخوكم الإنسان المخلص!!!!!

هههههههههههه
 

فعلا قصيده جميله وممتعه مشكور على هالاختيار


والله يكون في عون الشباب

:eek:بس كنا ظلمنا اشوي؟؟