منتديات الطرف - الشعر الهندسي

غزل بطريقه علميه

ياهندسة عمري ومستطيل الخوف...يل حُبك مُربع يحوي اسراري
يادائرة صبري ويامعين الروح...يامخروط لهفه ومنقلة ناري
يامسطرة عيدي وللفرح فرجال..يازاوية صمتي ونقطة افكاري
يا أجمل مجسم رسمته الايام...يامنظور عمري والراح والجاري

حُبك يضل زائد ياحبيب الروح...ماينطرح منه ويقل مقداره
يا أصعب جَذر يا قسمه ياتربيع...يل مالانهايه وموجب الشاره
يل نسبة جمالك ع البشر تكعيب...وعيون اليشوفك بيك محتاره
ياحيرة إنيوتن جادبيتك هاي...لأن من جاذبيتك ،نَظََـم افكاره

بالتاريخ اعودن للكهوف اوياك..واسكن كهف حُبك واكتشف نارك
ماكو إحصان ابيض عندي ديناصور..اجي راكب عليه وادخل اسوارك
اخطفك من قلعتك وامشي بيك إبعيد..واصير إبن المُلَوح وانظم اشعارك
واعتبرك جحا وبكَلبي إلك مسمار...فوت إبوسط كَلبي وشوف مسمارك

ياخارطة روحي وللحلم اقليم..ياقمة جبال الصبر والغيره
يا أكبر محيط أعيونك الحلوات ..يأجمل بحيره وللفرح ديره
أحس خصرك مضيق وشَعرَك الشلال..وخدودك هضاب ونظرتك حيره
تضاريسك لغز وأحدودك المجهول ..لأن خط استوائك صعب تفسيره

شِفت حُبك مَجره وشمس وجهك صار..وعيونك أحسهه الارض والزهره
وإشفافك عطارد والشعر مريخ .. والمشتري العينك جايب البشره
وبصدرك زحل وبلوتو مجتمعين..ونبتون صار خاتم ليدك اليسره
وكالة ناسا عِجرت تكشف الاسرار..لأن أوزون كَلبك موسهل كسره

مع تحياتي الدائمه..جبار الموسوي