|
قالها يرجف
هذي قصيده من تأليفي وانا ابي راي الكل بس في ناس مخصصين محتاج رايهم
وفي مروووج الي قالت بتساعدني قالها يرجف قالها يرجف تخيل الدنيا عــــــــــــــــــدم خذتها بضحكه وقلت وش جرالك ياصحيبي قال اسودت الدنيا بعيني لالون ولا طعــم واذبلت وردت سنيني بيومٍ عصيبــــــــــي واتعبني الفرح كل ماجيته قـــــــــــــــدم يبتعد عني وانا لازم ارضى بنصيبـــــــــي واكبر احلامي حظي العاثر هـــــــــــــــدم يوم اودعه دون يدري انه حبيبــــــــــــي ماشكيت لانسان غيرك وغيرك مافهـــــــم قصت قلب في وسط بيته غريبــــــــــــــي انا اشهد ان كلامك يسبب لي الـــــــــــــم كلام جريح عيا لايداويه الطبيبــــــــــــــي مادري وشلون سمعتك اوانا من يومي اصم يمكن كلامك يرجع السمع العطيبـــــــــــي طلعتني من دنيا فرح لدنيا سقــــــــــــــم تعال خذني عصدرك الدافي يا رفيقـــــــي بردان والحاله بداخلي صارت عـــــــــــــدم واخر افراحي انقلب هالحظة كئيبــــــــــي محتاج قربك ومحتاج اطلق سهــــــــــــــم لجل اجرح الدنيا بجرحك ياشبيهــــــــــــي مع تحيات: وايم الصغيرون |
القصيده في غايه الروعه يا @-@ وايم @-@ تسلم يداك يا الصغيرون وعساك على القوه ونشوف المزيد من القصايد ..... أخوك AL-NAQEEB |
هلا وايم نصك فيه فكره حلوه
بس مو قلنا نكتب بيتين الى اربع حتى نشتغل فيهم بس ولا يهمك لي عوده مع نصك ياصغيرون |
النقيب مشكور على المرور
ودمت بود |
ام انتي اخت مروج
هههه سوري ماتقيدت بالشرط بس ماعليه عذريني بعد هذا احساس مو بكيفي اتحكم فيه بيت لو ثلاث او عشره وانا ناطر مروورك على احر من الجمر ودمتي لي انا وللجميع بود ومشكورة مقدماً |
مشكور يا وايم
وننتظر جديدك |
هلا وايم
اخوي التطويل بالنص من صالح النص هذا اذا كان الكاتب متمكن من الوزن والقافيه والتطويل في الوصف والتشبيهات حتى تعطي تصوير للقارئ ليعيش مع احداث النص ويتفاعل معاه عندك كذا بيت مثل مادري وشلون سمعتك اوانا من يومي اصم يمكن كلامك يرجع السمع العطيبـــــــــــي مااحس له وجود وبعدين القافيه صعيبي ثقيله ماادري ليه مااخترت صعيب اسهل وماتثقل على العموم انا عدلت كذا بيت وابغاك انت تختار كم بيت وتعدلهم على نفس الوزن قالها يرجف تخيل هذي الدنيا عدم *********** ابتسمت وقلت لحظه وش جرالك ياصحيب قال لي اسودت الدنيا مابها لون او طعم *********** والحزن خيم بعيني والفرح اصبح صعيب مااشتكي همي لغيرك لا ولا غيرك فهم *********** قصتي قصة وحيدٍ عاش بين اهله غريب الدور عليك وخلينا انشوف ابداعاتك (( نصيحه لايشغلك الشعر عن الامتحان )) تقبل تحياتي |
هههههههه
مشكوره اخت مروووج بالحيل بالحيل لكن انا طلبت منك تساعديني في تعديلها كلها مو ربعها ادري ادري طماع ماعليه عذريني واعتبريني اخوك الصغير الي دايم يزعجك بطلباته لكن صدقيني انا لو شايف انو القصيدة فيها اخطاء ماكان كتبتها يعني انا كلي الي اكتبه في بالي صح عشان كذا اكتبه فصعبه انو انا اكون من يعدلها وبالذات هذي اول مره بتكون فهالمره بالذات ابي منك انتي تعدليها والمرات الجايه مابطلبك تعدلين شي لانو انشالله بحطه عدل جاهز اوكي ومشكووووور بالحيل مره ثانيه ودمتي لي انا دوم بووووود ( ثقيل دم صح ) ( ماعليه تحمليني .)>>>>>> مكلفه بك هي تتحملك ؟ >>> لا بس حسبت اختي صح ؟ :mashftshi:helpsmili:mashftshi |
وارد اقولك مشكوووره قبل لاتسوين اي شي
ومسموحه اذا ما تقدرين مع تحيات: وايم الصغيرون |
هههههههههههههههههههههه
لاياوايم انت كذا تعاقبني وبعدين من اللي يبي يتعلم انا ولا انت . انت المفروض تحاول تعدل واشوف تعديلك صح او لا وبكذا تتعلم اما انا اعدلها كلها ومره ثانيه انت تكتبها صح صدقني ماراح تنجح كذا لازم تحاول واكثر من مره يله بدون دلع وعدل لك كم بيت وخلينا انشوف |
اوكي صار
بس صبري علي شوي ومشكووره (افحمتيني ),,..,, هههه |
مشاركة: قالها يرجف
والله أنك وناسة يا وايم
وبصراحة .. اتشوق لك ولمروج مروج عاداتك أن نرى مساعداتك وتواصلك .. فلا تحرمينا |
| الساعة الآن 08:13 AM |
Powered by vBulletin® Copyright ©2000 - 2026, Jelsoft Enterprises Ltd. TranZ By
Almuhajir
ما ينشر في منتديات الطرف لا يمثل الرأي الرسمي للمنتدى ومالكها المادي
بل هي آراء للأعضاء ويتحملون آرائهم وتقع عليهم وحدهم مسؤولية الدفاع عن أفكارهم وكلماتهم
رحم الله من قرأ الفاتحة إلى روح أبي جواد