منتديات الطرف - مساء الخير والإحساس والطيبه

بسم الله الرحمن الرحيم
أتفضل عليكم بهذه الأبيات النابعه من قلب وفؤاد الشاعر الكبير: عبدالرحمن بن مساعد
على أمل أن تنال الأبيات على رضاكم....
والآن مع المشاركه:

مساءٍ غير غصن لطير يحكي بـه******عن اللي مـسكنه جفني وأهـدابي

هلا باللي أحـبه كثـر تعذيـبه********وكثر ما هـو يغيب وكثر ترحابي

حبيبي هـو ولو ما قصّـر الغيبة ******* ولـو عن بسمتي قد طـوّل غيابي

أعـرفه زيـن وأعيتني أسـاليبه**********عدوي يوم ويوم أقرب من أصحابي

مـلكني بين تـرغيبه وتـرهيبه******* يفـارقني وهـو واقف على بـابي

به الصادق به الغـارق بأكاذيبـه******* يبي بعـدي ودمعـه بـلّل ثـيابي

به القسـوة به الرقـة به الهيبـة ******* به الضعف القوي به نشوة إغضابي

هلا باللي يصيب العطـر بالريب ****** يقول العطـر أنا زايـل ويبقى بي

هلا باللي يقول الورد وش لي به*******من المهـدى؟ أنـا أو هو لأطيابي

هلا باللي علي يقسى وأمـاريبه********** هلا باللي أبـد مـا لان لعتـابي

هلا باللي عجـزت ألقى عذاريبه********هلا بـاللي تـحبه كل أسـبابي

مسـاءٍ فاق كل الشعـر ترحيبه ******* بجيّة مـن سـكن قلبي وأهـدابي

مساءٍ فاض بالاحسـاس والطيبه ******* مسـاءٍ مـا يليـق إلا بأحبـابي

تقبلو تحيــ هاد العرب ــاتي