منتديات الطرف - القصيدة تقول

فكرة ومثل الناس قررت اببني
نصيحة كانت من افكار شايب
سمعت حكية والله انه عجبني
من عقب ماني كنت خايف وهايب
قال الحق السبعين وزداد جبني
سهلات هالايام باجر صعايب
جنت خفت من كلمت مساعد غلبني
واخذت ادور واسطات القرايب
وفزع معي شخصِ عزيز وكسبني
لاهو مرشح لا ولاهوب نايب
في بنكة التسليف يومه طلبني
سهل علي من عقب ماهي نشايب
وقعت عقدِ ماكتبته كتبني
مدت سداده لين عوج النصايب
ذا غيره التمويل يومه قصبني
في قرضة الي شفت منه العجايب
الزبدة اني يوم قررت اببني
غديت احسب للمباني حسايب
وسمعت منهو بالنصيحه ندبني
واخذت اجنب كل ذيك السبايب
احدٍ يقول ان المقاول نكبني
واحدٍ يقول انه ذخر في الطلايب
وحسيت كنه يم ورسي جذبني
شيٍ يقول انه مصلي وتايب
قضبته اللحية وكنه قضبني
وياه يالاجواد شفت المصايب
لاثرت قال انت ماتفهمش يبني
قضيت البنيان دي فيها عجايب
دي شغلتي يابيه ارجووووك سبني
راسي من البنيان يابيه شايب
لين اقتنعت وما اقتنعت ونهبني
وراحت اقروضي ياجماعه نهايب
ومعلم الديكور لقال ابني
وصح يالي باق عشرين بايق
تقاطعوني طيب محدٍ غصبني
البوق بالغفلات ماهي غصايب
لاعد يوم فيه فكرت اببني
انا اشهد اني صرت تايب وهايب
عدو عينك قل عساك انت تبني
خله يذوق من العنه والمصايب
هذي القصيده لشاعر المبدع :: حمد السعيد