منتديات الطرف - ياللي تغرك ضحكتي

بسم الله الرحمن الرحيم

السلام عليكم ورحمة الله وبركاته ...أما بعد .

أعجبتني هذه القصيدة اللتي رأيتها في إحدى المواقع الخاصة بالشعر

ياللي تغرّك ضحكتي بعض الأوقات

.......أحيان بعض الضحك معناه موتي

أوقات تلقاني أحاكيك بسكات

.......يوم الكلام يموت داخل سكوتي

يوم الحناجر تحتضر فيها الآهات

.......واعجز عن الشكوى ولو طال صوتي

حتى الأمل من فرحتي صار يقتات

.......وأنا أحسبنّه لا قسى الوقت قوتي

قمت أجمعه وآقول للحين مامات

.......وآقول لا يمكن بعيني يموتي

شفت ما بقالي غير من حلمي اشتات

.......واقف واناظر كيف حلمي يفوتي

مافي يدي حيله ولا يميني تبات

........أكنّ عبراتي واردد قنوتي

مكابرٍ وآقول هيهات هيهات

.......يفرح بي اللي لا درابي شموتي

وأنا تراني لا قسى الوقت بالذات

.......يزداد مع قسوة زماني ثبوتي

وياللي تغرّك ضحكتي بعض الأوقات

.......يغنيك عن بعض المعاني سكوتي

عبدالله بن غازي