منتديات الطرف

:Crying
خلاص روح صرت أنا اليوم مابيك
حتى السمع عندي ما يطيق طاريك
كنت غالي واليوم أبيعك ولا اشتريك
يكفي من حبي عطيتك بس يكفيك
أرخصت هالكون كله لجل أرضيك
واكتشفت هو أكبر من إنه يساويك
يا بخيلٍ في الحب والود أنا بنسيك
وبنسى وقتٍ لي غبت فيه أنا أجيك
إنت ما تسوى دمعي لي نزل وأناديك
يا خسارة وقتٍ مر وأنا فيه أناجيك
حسافة على ماضٍ كنت فيه مغرمٍ فيك
وحسافة على كلمةٍ ضاعت بأراضيك
القلب شوكة عندك والجسد صحاريك
ظلمتني .. والله حسيبك ويجازيك
خنت المحبة وأنهيت قصة بأياديك
وقلت دمعي يا (صافي) أبد ما يساويك
وش يسوى دمعك بعد ماخاب الرجى فيك
وإنت وش تسوىبعد ماأرحل وأخليك
خوفي تذبل بعد ما يهجرك مسقيك
مسكين ماتدري علىالهامش مخليك
روح الله يكرمك ومن الصبر يعطيك
روح ضيّعت وقتي خسارة عليك
بتركك ومن نار البعد أنا بكويك
روح خلاص أنا اليوم ما أبيك

معارات عشتار