خنتك أي نعم أدري وخانت خطوتي دربك
وخانت عيني أهدابك وكل مابك شقى وأحزان

خنتك للأسف عيى زماني يصون لك حبك
وأظن اعرف شعورك كيف تتلوع ألم حيران

لأني بيوم أنا مثلك حسبته وافيٍ قلبك
وخنت الحب أظن تذكر شعلت بجوفي النيران

وجا وقتك تذوق المر عسى تتهنى في شربك
وحط بالك ترى كاسي أمر منه أبد ما كان

تقول شلون خنتيني ؟ وكيف أغفر أنا ذنبك ؟
أنا ما ودي تغفرلي ذنوبي .. وماني الندمان

أنا مت بقهر حبك بعد ما بان لي كذبك
بعد ما شفتك معاها ومات بداخلي إنسان

رجعت وكل جنحاني كسيرة وضعت أنا عقبك
بكيت بعمر أيامي وحلفت اصير أنا الخوان

وخنت إحساسي وخنتك رميت الشوك في دربك
طعنت بسيفي ضحكاتك هزمتك وأنا الربحان

وشفت اليوم أنا دمعك سمعت ألحان من نحبك
عطيتك درس أبد ماظن يعيش بعالم النسيان

بعد هذا انتهى دوري أنا ما عدت أبي قربك
كفايا بسبتك قلبي رمى إخلاصه وراه وخان




تحياتي



منقول :Bye