الدار شابت


الدار شابت جفا والدرب ما به خوي

وأنا على العلم الأول شايب راسي

تجمعت واستوت والعقل ما هو سوي

يا خوك والقلب لين والولع قاسي

هديتها للفضا يومه طوتني طوي

قسته على طيبتي واخطيت بقياسي

يوم اعتزت وانتخت كنه هبال بدوي

حاديه ظيم الرجال ولا هو بناسي

ما شفت وش حالتي ساعة علي تهوي

مثل الزلازل يورالي بقرطاسي

جتني والإحساس مرهف والقلم فوضوي

إما يطيع قلمي أويصدق إحساسي

ما عاد تبغى سوى رمعه ومعنى قوي

وانا على هيجنتها حل وسواسي

والله لا ارد على حد السما وارتوي

واللي هرج بالقفيا عاقب خاسي

ماهي هي الاوله كم الجبل يهتوي

ياما من كبار انهارت وانا راسي

لو ولعوها ترى ماني بها مكتوي

اضحك لها من صفاي وعزمي باسي

امشي على نيتي والملتوي ملتوي

مبطي وانا العفو دربي والوفا ساسي

يا اللي تعيب الهوى والشعر والمهتوي

يموت مثلك ولا يلحق مدى ياسي

لا والله إلا تراني بالهوى منغوي

وهذاك لو مِت هو شفي وهوجاسي

عليه يقنب خفوقي والضلوع تعوي

وعليه ذاب الصخر من واهج انفاسي

محمد عايد

تحيـــــــــــــــ ـــــــــاي
بكل الحب
اقول
انت رائع
بقدر ما تحمل الروعه من جمال
وبقدر ما يفضي البحر من امواج
وبقدر ما يقطر ندى الصباح من نسمات
ايتها الجميله
يفيض الحرف ويزهو ويتمايل بكل ثرائه عبر بوابة
العطاء بكل انواعه ممتطيا كل صهوه تؤدي للابداعك حينما
يعلم ان هناك من هو يتنزه بروضه ويلمس معناه ويتذوق
من كنوزه
وهذا يساوي حصاد بيادره ونجاح محصوله فكيف لا ومن مر
به هو من يحس بكل هذه الحروف والكلمات ويناجيها وكانه
يلبسها ويعيشها

بكل الاحترام والتقدير

ابو اكرم