حوار شعري بين الاخوان||عاشق حيدره&شاأإآعر وكلي مشاعر
 

حوار شعري بيني وبين الاخ شاعر وكلي مشاعر

انا:خويي قول شالسالفة ماترد..لاتقول رحت لكربله
شاعر:خليكـ زلم مثل الاسد..شلون رحت ويمي شموع الحزن معلقه
انا:خل نصبر بلكت انروح..لمولاي علي اني اريد
شاعر:اني من صدك مابيه روح..خل نلعن الظالم يزيد
انا:شدخل يزيد بالسالفة..ماكافينا ظلمهم ينعاد
شاعر:الوضع بيهه ملاطفه..هم مثلك اريد ابوالسجاد
انا:يَ قلبي ياليث اتمنه سويه..ندخل الحضره ونسچب دموع
شاعر:قلبي مامتحمل اللي بيه..لو يمي ويمك هواي شموع
انا:آه ذابحني شوقي لحبيبي حسين..وعباس القمر ليث الغاضريه
شاعر:هم اني مشتاق لشبان اثنين..الاكبر والقاسم راحوا سويه
انا:خلها على الله والحزن چتال..هيجت حزني اللي بيه
شاعر:خليك زلم وصير رجّال..مثل كافل زينب الأبيّه
انا:الكل مشايه وانا محروم..ياليتني يم حسين حبيبي
شاعر:كل انسان وقلبه مألوم،..واللي يعالج حسين طبيبي

للتاكيد هذا الحوار الشعري بيني وبين الاخ شاعر وكلي مشاعر
عاشق حيدره

رد: حوار شعري بين الاخوان||عاشق حيدره&شاأإآعر وكلي مشاعر
 

شكراً حبي عاشق لان نشرت الحوار الرائع بالفعل تمتعت بهالحوار

اخوك شاعر