منتديات الطرف - قصائد من إبداعاتي

السلام عليكم
باسمه تعالى
قصائد من كتاباتي لدخول شهر محرم ولشوقي لزيارة اباعبدالله(ع)

القصيدة الاول*
اكتفينا من التفجير..هذا امر جداً خطير
لعد مو كافي تكفير..ماكفاكم هجر ضريح الحورا
لاتقولولي تفكير..تبعدونا عن نجل الزهرا
نرفع الراية..والحضرة نفوت
حسين الغاية..لو كلنا نموت
حرموني..عن ضريحك سيدي
يردوني..ابتعد ماكافي بعدي
لاتقول لي معذور..لو منعوني
عن لطم بعاشور..لاهل البيت ودوني
انا قاعد بين الظلم..وهَم بالحصا يرموني
انته سيدي ما اخونك..لو كفروني
انته غايتي..انته رايتي
وبعاشوراء..انته ضنوتي
يا حسين ياكل روحي..ياحسين يادوا جروحي
لو قالولي كافر..ما ابطل نوحي
يالناصبي التكفيري..ارجع حاول في غيري
انا مثل الجبل..بالحرب تحضيري
لو فرصة وحده انطوني..والـ كربله يابه دوني
هَم افديهم بالروح..وانطيهم عيوني
انا الطم صدري..اعشقهم طول عمري
لو قالولي كافر..ألتزم بصبري
باليد ألطم راسي..هُمّه اعز ناسي
اشوف مراكب رواسي..اولاد علي نبراسي

وهذه شعر عن الامام الحسين
بعدت المسافة..لكن الشوق ما تفرقنه
يَ حسين يالعشق..مهما طالت مسافتنه
ابقى عاشق لابن الامير..حيدر علي لو طال الفراق
ابقى اصيح لبيك..هَم مع العشاق
الـ ضريحك يالزچي..ابن الزچية مشتاق
يَ حسين مهما طالت مسافتنه..كلنه نهتف بيك آمنّه

القصيده الثانية

عشقته..ومادام عشقي له دايم
عرفته..وهَم ابقى له خادم
رفعته..وهوه الامام والعالم
قالوا لي عشقة النور..قلت إلهم صدگ
هو عطر بخور..قلي شنهو الفرگ
صدگوني لو أَلْطِم صدري..ما أوقف الْـ لطم
انطيهم باقي عمري..وبالروح اخدم
رفعة الراس عالي..قلت منهو غيره مالي
حسين دوا جروحي..بالحشر يشفع لي
هَم صدگ قلت روحي..ما أبطل كل نوحي
چا قِلّي وينه..الطم على مذبوحي
لو عاد بيه الزمن..أقَبِّل راسه
هَم أبسط بين ايد الحسن..والحسين اساسه
خادم الـ معشوگي..هَم حرگني شوگي
صحت"الله اكبر"..علم العراقي
هَم إلهم علم ثاني..بإسم حسين
"حسين"إله معاني..وإله هَم لقبين
حبيب العشاق..غريب العراق
محروم عنه..والـ ضريحه مشتاق
بالعراق شهيد..وأزلام يزيد
گامت سحگت الصدر..والحقد تعيد
ابن حيدر علي..تعرفه العالم
وكل الشيعة..هَم اله خادم
صدگوني حبه جنني..صدگوني
تدروني ماحد يدري عني..تدروني
صورة عزم اشوفه..للأبد ولله ماعوفه
لوكفروني الناصبة..ابقى قبره اطوفه
هَم طيف اشوفه..قالولي اتركه وعوفه
قلت الهم شلون..وانه اشوف طيوفه
قلت الهم اعوفه شلون..لاجل عينه تشبح العيون
لمن اجه عاشر..اصفر وتغير اللون
اريد اجدد العهد..بس شلون العمد
منعوني عن حبيبي..ويزيد كرر الحقد
اريد اجدد بصفر..منعوني عن ابن حيدر
اقلّك لاتحاول..شما كفّرت ما اكفر
شما كفرتوا بينه..احنه مثل الجبال
ماتقدرون تشيلونه..هَم عدنه اشكم رجال
نحب حسين والينه..ماتبعدونه هذا محال
گد ما يدگ قلبي..عدد دگاته حبك
گد مادعيت ربي..گد ما مشيت بدربك
عن دربك لامامشينه..ياحسين بيك آمنّه

للمعلوميه:كلمة أزلام مأخوذه من كلة زلم ومعناتها رجل

وللتأكيد هذه كلماتي ومن كتاباتي

اريد ان ارى ارائكم

اخوكم عاشق حيدره