منتديات الطرف - مصير الوقت يثبتلك وفاي ويحـرق اعصابـك

منتديات الطرف (www.altaraf.com/vb/index.php)

- همس القـوافي وعذب الكلام (www.altaraf.com/vb/forumdisplay.php?f=17)

- - مصير الوقت يثبتلك وفاي ويحـرق اعصابـك (www.altaraf.com/vb/showthread.php?t=107254)

مصير الوقت يثبتلك وفاي ويحـرق اعصابـك

تعبت اكذب الواقـع واصـدّق كذبـة اعجابـك
لأني عاشق ٍ مخلـص ملكنـي حبّـك بسحـره

تعبت اراعي شعورك واغظ الطـرف بغيابـك
غشيم ٍ واحسبك وافي خدعـت القلـب بالنبـره

رخصت الكل من شانك.. رضيت اتحمل عتابك
ولكن للأسف حبّي مـن افعالـك ذبـل زهـره

تحملتك على ظلمك وقلت الوقت يصفـى بـك
واشوفك تلعب بذيلـك وغـدرك آه وش كبـره

وفوق الغدر تتمسكـن وتخفـي السّـم بانيابـك
وتظهر دمعتك تبغي تغش اللي رخـص عمـره

ولكن وفّـر دموعـك ترانـي خابـر العابـك
انا ماني مثل غيري ضعيـف النفـس والقـدره

محيت اسمك وشقّقت الرسايـل وانقفـل بابـك
ولا عاد المشاعر يحترك مـن شوقهـا شعـره

كرهت اسلوبك الماكر كرهت اناظـر اهدابـك
وعفتك عقب ما بانـت حقيقـة قلبـك وغـدره

مصير الوقت يثبتلك وفاي ويحـرق اعصابـك!!!
وتتحسف على مافـات منـك وتمتلـي حسـره

بعلّمـك الوفـا واشلـون ليـن الغـمّ ينتابـك
واجرعك العذاب اشكال دامك بـرت بالعشـره

•●•●مع خالص حبي وتقديري●•●•
بولافي المبارك

رد: مصير الوقت يثبتلك وفاي ويحـرق اعصابـك

ماشاءالله عليك وعلۍ الكلمات الجميله

يعطيك العافيه ونتمنى المزيد من كتاباتك

دمت بخير

رد: مصير الوقت يثبتلك وفاي ويحـرق اعصابـك

يسلموووو همس المشاعر
ويعافيك ربي من كل شر ونايس ع مرورك

رد: مصير الوقت يثبتلك وفاي ويحـرق اعصابـك

ماشاء الله اعتقد انها من كتاباتك ولأ لأ...
بو لافي ..
وأن كانت منقوله واضح انك مبدع في الأختيار ..وقآموس وآبجديه تمتلكهـآ جدآ جميله ..
فآتن هو نبضك واانتقائك..
سآزرع بصمتِ هُنـآ لأني سآعود حتماً وسآكون مـتـآبعه لك..~

تحيتي واحترامي..
طيف..~

رد: مصير الوقت يثبتلك وفاي ويحـرق اعصابـك

بولافي
صح لسانكـ واصل على هذا الموال والأبداع ياشاعرنا