|
.:: السينابون بالصور .. من مطبخي ::.
شخباركم عساكم طيبين ؟؟ اليوم بنزل لكم حلى من صنع يدي ,, وأتمنى يعجبكم ,, ,, السينابون ,, نبدأ :: مقادير العجينه // بصراحه انا اسوي حق عايله كامله يعني بحط المقادير اللي اسويها واللي يبي اقل يسوي بنصف المقدار ,, 4 كاسات طحين كويتي 8 ملاعق كبيره حليب بودره بياله سكر رشة ملح 2 ملعقه خميره فوريه ماء ساخن للعجن مع شوية زيت الطريقه :: ندهن يدنا بالزيت ونبدأ نعجن زين ,, حتى تتجانس كل المكونات وتصير العجينه ملساء ,, وإذا بدأت تتلزق باليد نرجع ندهنها بالزيت ونرجع نعجن ,, بعدها نغلف العجينه بتغليفة الاكل ,, حتى تتخمّر زين ,, ونتركها ساعتين او ساعه ونص على الاقل ,, مقادير الحشو والتغطيه :: سكر مطحون + دارسين مطحون تخلطيهم مع بعض ,, وحليب نستله محلى ,, الطريقه :: هذي صوره عامه بالادوات اللي بنحتاجها ,, نرش شوية طحين على طاولة الفرد .. نفرد العجينه مثل كذا بعد ما نغطيها بالطحين عشان ما تلزق .. بعدها نصب فوقها شوووية زيت ونمسحه على كامل العجينه ,, بعدها نرش الحشو اللي هو (( الدراسين المطحون مع السكرالمطحون )) ونغطيها بالكامل ,, بعدها نطويها مثل كذا ,, بعدها نقطعها باحجام متساويه تقريبا .. يصير شكلها كذا بعد التقطيع .. وبعدها ندخلها الفرن .. وعلامة النضج ان لونها يصير اشقر او ذهبي فاتح من تحت ,, أنا بصراحه ما احمرها من فوق احس شكلها كذا حلو ,, اللي تبي تحمرها براحتها ,, بعدها نتركها شوي على صينية الفرن تبرد يعني تقريبا خمس دقايق انا اطفي الفرن واخليها وبعدها اشيلها واحطها في محفظه لغاية ما تبرد بعدها اصب فوقها الحليب ,, وهذا الشكل النهائي ,, وهذا عن قرررررب ,, عوووافي ع قلوبكم ,, لكم خالص تحياتي ,, اختكم في الله ,, سكــــــــــــــون ,, :) |
رد: .:: السينابون بالصور .. من مطبخي ::.
وعليكم السلام ورحمة الله وبركاته ..
:. هلا وغلااا وصحووون حلاا .. هلا بالذوق .. ما شاء الله ، فنانة .. رغم انه مو جديد .. لكن حسيته شهي جدا من تحت دياتك .. حبيت شغلك .. ولك مني فايف ستارز ومن قائدات المرأة ختم التميز ;) >> ما كأني وهقتكن يا نونات المرأة .؟! ، بوركت يداك وما أعطت .. لا حرمنا الله سخاءك ، |
رد: .:: السينابون بالصور .. من مطبخي ::.
.. . .
صراحة لا اعلم هل هو اختلاف اسماء ام ماذا .. لأن الاهل يسون كذا بس الاسم يختلف ولكن الشكل واحد ويبقى احلى لأن النفس له دور كان نفسه ام يختلف فهو رائع بكل حالاته الله يعطيكِ العافية والسلام خير ختام |
رد: .:: السينابون بالصور .. من مطبخي ::.
اقتباس:
هلا فيك حبيبتي ,, اي مو جديد بس لأني شريت ايفون وصايره اصور كل شي قلت خل اجرب وانزل لكم شي هههههههههه ,, حبتك العافيه ,, :) |
رد: .:: السينابون بالصور .. من مطبخي ::.
يمي يمي
لززززيز تسلم ايدينك |
رد: .:: السينابون بالصور .. من مطبخي ::.
عاد سكون الصمت والفنتاستيك في الطبخ .. متلازمان مافينا نفرقهم إبداع عزيزتي .... يبيلنا نسويه .. شوقتيني حيل خاصة إني ولا مرة جرّبت أسويه بالعجينة .. دايما نسوي السينابون السريع .. لذيذ و خفيف بس بعد ما يغني عن الأصل .. ذاك أنطع و ألذ تسلم الأيادي .. وعقبال ما أجي عندش ذاك اليوم وتسوي لي ;) |
رد: .:: السينابون بالصور .. من مطبخي ::.
وعليكم السلام ورحمة الله وبركاته .", مدري ليه ما أحب هالنوع من الكيك أحسها ثقيله قضمه قضمتين وأكتفي :cool: اقتباس:
: / ..} سكون الصمت {.. :) يعطيك العافية كل الشكر لكِ / |
رد: .:: السينابون بالصور .. من مطبخي ::.
اقتباس:
هلا فيك اخوووي ,, اي بصراحه احنا بيتنا نسميه السترول ,, بس كنت مسويه وتنقصت لصديقتي كانت والد وسمعتها تقول لأختها بهالاسم وعجبني :kashkha: وقلت خلاص خلنا نسميه ,, يمكن اغلب الناس يسمووه كذا ,, :) مرورك الرائع اخي ,, حياك الله ,, |
رد: .:: السينابون بالصور .. من مطبخي ::.
اقتباس:
يسلمك ربي ,, حياك الله تفضلي ,, |
رد: .:: السينابون بالصور .. من مطبخي ::.
اقتباس:
حبيبتي زهوره ,, احرجتي تواضعنا ,, خلاص جربيه وان شاء الله يعجبك .. واكيد بتزوريني في يوم انا منتظرتك من زماااااااان والبيت بيتك حياك بأي وقت ,, وعطينا رايك اذا سويتيه .. منوره حبيبتي ,, :) |
رد: .:: السينابون بالصور .. من مطبخي ::.
اقتباس:
اي صادقه .. تشبع بسرعه ,, خلاص اول ما اسوي تشيز كيك ,, اشيل لك نقصه ,, الله يعافيك حبيبتي ,, منووووره ,, :) |
رد: .:: السينابون بالصور .. من مطبخي ::.
لذيذ جدا السينابون
شكرا جزيلا لك عزيزتي على هذه الخطوات والطريقة الجميله الله يعطيك العافيه موفقين لكل خير |
رد: .:: السينابون بالصور .. من مطبخي ::.
سكون الصمت
الله يعطيك العافيه على هالوصفه اللذيذه |
رد: .:: السينابون بالصور .. من مطبخي ::.
اللهم صل على محمد و آل محمد
الله يعطيك العافية لهذا الاكلة اللذيذة ذات المذاق الطيب تحية تليق. |
رد: .:: السينابون بالصور .. من مطبخي ::.
الأغلبيه يسمونه سينابون تيمنا بإسم المحل اللي قدمه وموجود بأغلب المجمعات بس سبب التسميه ,,
السينامون وهو القرفه بالانجليزي ,, بالتالي سويت رول او سينابون رول ما تفرق نفس المعنى ونفس الطعم ,, فرقت الصلصات شوي اللي فيها جبن واللي بدون |
رد: .:: السينابون بالصور .. من مطبخي ::.
يعطيكي العافيه بجربها
|
رد: .:: السينابون بالصور .. من مطبخي ::.
يعطيك العافيه
شكله مره حلو انا اسويه بس اضيف مع الدرسين جوز الهند وبعد ما اخبزه اصب عليه خليط السكر البودره المذاب ويطلع طعمه مره حلووووووو |
| الساعة الآن 08:49 AM |
Powered by vBulletin® Copyright ©2000 - 2025, Jelsoft Enterprises Ltd. TranZ By
Almuhajir
ما ينشر في منتديات الطرف لا يمثل الرأي الرسمي للمنتدى ومالكها المادي
بل هي آراء للأعضاء ويتحملون آرائهم وتقع عليهم وحدهم مسؤولية الدفاع عن أفكارهم وكلماتهم
رحم الله من قرأ الفاتحة إلى روح أبي جواد