[[ موضوع الاسبوع - هل الطيبه في الزمن هذا صاحبه يسمى أهبل ]]
 

السلام عليكم ورحمة الله وبركاته

موضوع لنقاش لهذا الاسبوع وانشالله ينال على اعجابكم

كثير ما صرت اسمع الكلمه هذي والي اهي بالعنوان
ومع ذلك مو مقتنع فيها كثير مو شويه

بس للأسف هذا الواقع

خلوني اقولكم سالفه صارت معاي
مره وانا قاعد مع واحد من الربع على البحر مر واحد الباعه الي يبيعون عطورات والسوالف

قام صاحبي وقاله وهو مكشر
- ما نبي شي يلا روح.
الصراحه الريال راح على طول (الظاهر انه متعود على مثل هذي المواقف)
قلت لصاحبي :
- حرام عليك يا يا فلان ليش جذي شفيها لو تبسمت في ويهه وقلت ( شكراً ما نبي)
خلك طيب مع الناس .
قالي بالحرف الواحد :
يا حبيبي الطيبه في زمننا هذا يسموها..... خبال او هبال .
بصراحه انا ما رديت عليه
يمكن لان الموقف ما كان يستحمل اكثر من جذي

ومرت الايام والشهور وصارلي موقف ( كنت بروحي وصار نفس الموقف
وقلت لريال شكرا ما ابي شي قام وقعد بلعومي يبي هذا كل شي يبي فيه وبلشني بلشه وطلع كل شي معاه
وبصراحه وصلني لطوري لأني كنت مشغول بكمن شغله
وبعده ياء واحد غيره .. أول ما شفته كشرت بويهه وقلت لا يالله روح ما ابي شي سبحان الله سيده راح

وكثير مواقف تحصل الواحد يحاول يكون طيب مع الناس لكن الناس
يظنوا انه اهبل او يقولوا مجامله :
- هذا على نياته .


ليه الناس صارت جذي؟

انا عارف انه مو الكل....... وفي ناس وناس......والكلام هذا كله
لكن النسبه الأغلب جذي


ياريت اسمع رايكم لكن من غير مثاليه الله يخليكم



واقعيه ومن غير مثاليه.

هل صحيح الطيبه في زمننا هذا يسموها .... أهبال او خبال

وتقبلو مني فائق الاحترام


أندراري
***10***

مشكور أخي الغريب على أبدا الرأي
ويعطيك العافية


تحياتي لك***10***

أنا مع الغريب ميه بالميه ...


صحيح الطيبة تعتمد بشكلها على الشخص نفسه فلو كانت طيبته زائدة بشكل أنه يسمح للغير بالأستهانه به والتطاول عليع فهذه طيبة أعتقد أنها سلبية بعض الشيء لذلك هنا تعتمد الطيبة على حسب الموقف أو المكان أو الشخص الذي تتعامل معه
مثلا المدرس ...
وكثيرا منا مر بهذا الموقف معنا مثلا المدرسة الطيبة مسكينة تصبح مهزلة لبعض الطالبات خصوصا الغير مهذبات فتصبح المدرسة اداة للسخرية وغيره ..
لكن اذا عرفت المدرسة كيف ومتى تتعامل مع الطالبات بالطيبة أعتقد أنها تستطيع أن تستخدم الطيبة بشكل اجابي ليس سلبي بأن تختار الوقت المناسب والطالبة المناسبة وكل انسان يعامل على حسب نوعية شخصيته وهكذا مع بقية الناس ..

***6*** عن نفسي انا طيبه حييييييييييل لكن خل احد يمس كرامتي او يهيني والله ما اشوف الي قدامي وافقد اعصابي نهائيا ..

مشكور يا أخي على هذا الموضوع ..

اختك الساهرة

مشكورة أختي الساهرة على مشاركتك في الموضوع
ولا تفقدين أعصابك أنتبهي
كوني حليمة وردي عليه بأسلوب يخليه يخجل منك





تحياتي لك***10***

باختصار أقول

لا تكن ليناً فتعصر .. ولا يابساً فتكسر



و هذا يتوافق مع ما ذكره الأخوة




المحلل ،،،

أنا مع الأخوة في آرائهم , وأدلو بدلوي : ***4***

الإسلام يريد من الإنسان أن يكون ( كيّس فطن ) فيتعامل حسب
مايحتاجه موقفه , ليس بالتساهل فيصبح أداة لهو وسخرية للأغلبية ؛
ولا بالتهجم والعصبية و ( رد الصاع صاعين ) لأنه كما قيل ( لاتكن لينا فتعصر
ولا صلبا فتكسر ) . بل يتعامل مع الشخص بأسلوب ( عقلاني ) يسترد له حقه
ويردع الشخص عن الإساءة إليه مرة أخرى . ( عاد كل واحد وعقله وأفكاره
اللي يسلكها وتكتيكه ) .

الإنسان لابد له أن يبني له شخصية أمام الجميع , شخصية تجعله محبوبا بين الناس
ومرغوبا في مصاحبته من جهة , ومحترما ومهابا من جهة أخرى .

أنا عن نفسي ( وأعوذ بالله من كلمة أنا ومو عن تكبر ) بهالشكل , يعني محبوبة
ومحترمة وماأحد يقدر يتقول علي بأي كلام , وإن أحد غلط علي أرد له بالشكل
المناسب بعد تفكير .

تحياتي الطرفاويه لكم ***6***
عاشقة الهدى

مشكور أخي المحلل وأختي عاشقة الهدى على مروركم على موضوعي والمشاركة فية
ويعطيكم ألف عافية










تحياتي لكم***10***