منتديات الطرف - اذ نزل لي حافز وش بسوي ؟

منتديات الطرف (www.altaraf.com/vb/index.php)

- ديوانيـة المـرح (www.altaraf.com/vb/forumdisplay.php?f=9)

- - اذ نزل لي حافز وش بسوي ؟ (www.altaraf.com/vb/showthread.php?t=103425)

اذ نزل لي حافز وش بسوي ؟

‏‏بإذن الله أبشتري جوال و ودي أشتري ساعه ماركه قوتشي شايفته جايزتن لي .

و ودي أصبغ إشعري زيتوني وخصل ثلجي يجنن مثل شعر مرت خالي. 

و ودي أروح لـ أبو ريالين أبي شباصات وما شباصات.

و ودي أملى دولابي ببسي وفشار ليز حاااار بلا منّة عبودي بالموت يجيب لي من البقاله .

و ودي أشري لـ أميمتي خاتم ناعم.

و ودي أشري لـ أبوي بوك و إلا سبحه.

و ودي أشري كم قماش و أخيطهن تنانير و جاكيتات و بديات .

و ودي اكشخ بشنطه بـ إجتماع العيلة مثل عمتي .

و ودي آفاجئ أهلي بعشاء طلبيه من المطعم

و ودي أشري عدسات فاتحه ايجننن مع المسكره . وش بعد ! وش بعد ياربي ! وش بعد !

ايه تذكرررت ودي أروح للمشغل أسوي تنظيف بشره يقولون مسوين تخفيضات والفلبينيه أزين

 . وبعطي أخوي علي قروش تسد فمه عشان يودين اختار حلا وانزل للحلويات اختار على كيفي .

وش بعد ياربي ! وش أنا أبي لا إله إلا الله !

ايه بغيت أنسى وش اسمه الروج حق فطوم ياربيه ؟

ايه ماكس فاكتُر لون أحمر غزالي روعه كيوت مع تجعيد الشعر خيال يصير شكلي .

و ودي أجدد مفرشي ماغيرته .

وش بعد ! وش بعد ! لا إله إلا الله ؟ 

* سعودية منبطحه على بطنها تكتب وش تبي اذا نزلت منحة حافز