منتديات الطرف

منتديات الطرف (www.altaraf.com/vb/index.php)
-   •» زوايـا عامـة «• (www.altaraf.com/vb/forumdisplay.php?f=4)
-   -   البنت الحساويه / شعر (www.altaraf.com/vb/showthread.php?t=95253)

kaha 23-06-2011 08:20 PM
البنت الحساويه / شعر
 
اجـمل شـعر




الله على البنت الحساويه آه على الكبسه..

لحم .. دجاج .. بس المهم .. تضبط الحمسه..
آه على الكبسه..
بلا رجيم .. بلا بطيخ ..هدوني.. خلوني.. ادق بالخمسه..
آه على الكبسه..
قالو لي.. انتبه.. يالخبل..
شوف.. روحك.. صرت ..مثل الطبل..
قلت .. آه .. على الكبسه..
يا جماعه.. ودي في..بنيه من الشقيق ولا هفوفيه..
بنت اصل.. مزيونه.. تخاف الله ..ولا هي مغازلشيه..
تعرف . الهريس.. تعرف .. الصلونه .. ناكل من يدها .. الشعيريه..
ومو مهم .. لو سوت لنا .. فتوش .. وورق عنب او حتى .. الملوخيه..
بنت العوايل.. بنت البلد.. والاصل حساويه..
يا جماعه تراني.. شبعت ..طفشت .. مليت من العزوبيه..
ولو ..لفيت .. الحزم ولا السـلمانية..
ما في احلى من طبخك يا شقيقاويه..
آه على الكبسه .. من يد الحساويه

الله على البنت الحساويه

ان بغيت من الهفوف تطبخ لك ملفوف


وان بغيت بنت الشقيق جمال ورقه مع شوية حنيه...

وان بغيت المبرز تلبسلك ثوب المطرز

وان بغيت من العيون حلوه و تخبز لك في التنور
و ان بغيت بنت الصالحيه تغني لك وتقول يا عنيه

وان بغيت بنت الجشه حتى الجت تحشه

وأن بغيت بنت الطرف ترقي النخل ولك الرطب تخرفه >> يجيب الله مطر ;)






اتمنى ينال اعجابكم
م ن ق و ل

لحن الخلود 24-06-2011 02:09 AM
رد: البنت الحساويه / شعر
 
الله يجبر بخاطرك

جبرت بخاطرنا:bye1:

وينكـ ياحضن امي 24-06-2011 03:10 AM
رد: البنت الحساويه / شعر
 
خخخخخخخخخخخخخخ


اجل حنا نرقى بالنخله هاا هع



يعتيك العافيه

kaha 24-06-2011 09:48 PM
رد: البنت الحساويه / شعر
 
اقتباس:
الله يجبر بخاطرك
جبرت بخاطرنا:bye1:
الله يسلمك اختي وشاكر لج التواجد




اقتباس:
خخخخخخخخخخخخخخ
اجل حنا نرقى بالنخله هاا هع

يعتيك العافيه
ههههههه الا صج صج بسألج صج ترقون النخلة ؟؟:cool:

يعافيك ربي وشاكر لج التواجد


أوتار* 25-06-2011 12:25 AM
رد: البنت الحساويه / شعر
 
ههههههههههههه

اهم شي مانسيت بنت الطرف

الله يجبر بخاطرك

هــمس الوداع 25-06-2011 03:29 AM
رد: البنت الحساويه / شعر
 
يسلمووا كاها

رفعت معنوياتنه

هههههههه

يعطيك الف عافية

تقبل مروري

kaha 25-06-2011 10:22 PM
رد: البنت الحساويه / شعر
 
اوتار

اقتباس:
ههههههههههههه
اهم شي مانسيت بنت الطرف
الله يجبر بخاطرك
اكيد بنت الطرف هذا الاهم شاكر لكِ التواجد


/



همس الوداع
اقتباس:
يسلمووا كاها
رفعت معنوياتنه
هههههههه
يعطيك الف عافية
تقبل مروري


يسلمك ربي والله يعافيك وشاكر لكِ التواجد


روح الكون 07-07-2011 04:56 PM
رد: البنت الحساويه / شعر
 
ههههههههههههههههههههههه

يسلمووووووووووووووووووووووووووو
روووووووووووووووووووووووووووووووووعه

طيف العمر 08-07-2011 12:26 PM
رد: البنت الحساويه / شعر
 
يلا بس يلاا:confused:

هذا اللي باقي نخرف رطب بعد:mad:
الشقيق والصالحيه والهفوف مدلعينهم رقه ومدري وشو :cool:
اقووول مناك بس:12:

اييييه يهمكم بطنكم مولله المدح يابنات
عشان الطبخ والنفخ وهاالكبسه اللي ميتين عليها :p

مأقول الا غير

بنت الطرف

عز وشرف:)

وسلامتكم:bye1:

جك جك جك جك جك جك >>تصفيق حار..:kashkha:

يسلمو كهوووي على الطرح الجميييل..:teeth_smi

هدير الصمت 08-07-2011 01:43 PM
رد: البنت الحساويه / شعر
 
اوووووووه عاد احين مدحتهم

بس يستاهلون بنات الاحساء

والله يوفقهم يارب

♥ gѕη яσσн 08-07-2011 04:05 PM
رد: البنت الحساويه / شعر
 


..

مـــــآ نقــآرن بنـــآتنــــآ في بنـــآت القرى الاخرى ..

بنــآت الطرف يــآ حلاتهم .. خصوصـــآ تطريشــآتهم لـ اخوآنهم ..
و بقــآله فضت من بيبسي و كـآكـآو و شيبس .. الخ . بسبب بنــآت الطرف ..

بنــآتنــآ يحبون ابوهم وامهم بس مــآ يحبون يطبخون :p ..
بنــآتنــآ يحبون الخمـــآم البيت كله ..
بنــآتنـــآ اذا تبون تعرفونهم .. في السوق تشوفونهم يتخــآنقون على دريشه علمو انهم بنات الطرف ..

اكره شئ عندهم شئ اسمه سوق السبت واحسن شئ عندهم الهفوف ..
يحبون اخوهم حق مصلحة السيــآره .. و هم مــآ يردونه بشئ بس علشــآن يوصلهم ..

[ تدرون شكلي بـ نطق من هـ الكلام ] ..


kaha يعطيك العـآفيه ..


تعــآلوآ ..











طيوفه و غلوي متى بتصعدين النخله تخرفين لـ الاعضــآء رطب ..




بـ التوفيق ..

kaha 09-07-2011 09:58 PM
رد: البنت الحساويه / شعر
 
شكرا لتواجدكم الكريم الذي اضاف للموضوع رونق اخر |
غصن الروح | اعقل ترى بيسون عليك مظاهرات ;)

وفقكم الله ورعاكم

AL-NAQEEB 18-07-2011 02:39 PM
رد: البنت الحساويه / شعر
 
kaha
.
.
نقلهـ جميلة منكـ عزيزي

kaha 19-07-2011 04:43 AM
رد: البنت الحساويه / شعر
 
اقتباس:
المشاركة الأصلية كتبت بواسطة al-naqeeb (المشاركة 888142)
kaha
.
.
نقلهـ جميلة منكـ عزيزي
النقيب | الاجمل والاروع هو تواجدك الكريم لاحرمني

غلا روحي 19-07-2011 06:46 AM
رد: البنت الحساويه / شعر
 
اقتباس:
المشاركة الأصلية كتبت بواسطة ~ غصــ الروح ــن ~ (المشاركة 880359)

..

مـــــآ نقــآرن بنـــآتنــــآ في بنـــآت القرى الاخرى ..

بنــآت الطرف يــآ حلاتهم .. خصوصـــآ تطريشــآتهم لـ اخوآنهم ..
و بقــآله فضت من بيبسي و كـآكـآو و شيبس .. الخ . بسبب بنــآت الطرف ..

بنــآتنــآ يحبون ابوهم وامهم بس مــآ يحبون يطبخون :p ..
بنــآتنــآ يحبون الخمـــآم البيت كله ..
بنــآتنـــآ اذا تبون تعرفونهم .. في السوق تشوفونهم يتخــآنقون على دريشه علمو انهم بنات الطرف ..

اكره شئ عندهم شئ اسمه سوق السبت واحسن شئ عندهم الهفوف ..
يحبون اخوهم حق مصلحة السيــآره .. و هم مــآ يردونه بشئ بس علشــآن يوصلهم ..

[ تدرون شكلي بـ نطق من هـ الكلام ] ..


kaha يعطيك العـآفيه ..
تعــآلوآ ..

طيوفه و غلوي متى بتصعدين النخله تخرفين لـ الاعضــآء رطب ..


بـ التوفيق ..

غصنووووو ..
وش حلآة بنآت الطرف مآفي مثلهم ..
ولآ عآد شبآب الطرف كل برآآآ البيت ومآيرجعون
إلآ أنصآف الليآلي مثل بعض النآآس :p
ولآ يحلقون لي حلقآت الحمدلله والشكر ..
ولآ متقنقصين في كآبرس 20 وآحد 10 قدآم
و10 ورى ومطولين ع الاغآني ومستآنسين يدورون من
شآرع لشآآرع زآعجينا وزآعجين أمة محمد :mad:
أحنآآآ أهون مسوين خير في مجتمعنآ
روآعي البقآلآت مربحينهم وش يبون بعد
وان بغيتوا رطب ترانا عن مليون طعش رجال اذا اجتمعنا :biggrin:
:
كآهآ مآشآء الله عآرف أن بصير حرب في موضوعك :p
وربي شعر يجنن دآمه عنّآ :biggrin:
تسلم يمنآآك ع النقلآت اللزيزة أوي ..
:)

♥ gѕη яσσн 19-07-2011 06:53 AM
رد: البنت الحساويه / شعر
 


يـــوه يــوه حطت علي حطت علي ..

طــآرق العلي يقول لمــآ فلتهــآ عليه هيــآ |~

حــرآم انــآ مــآ آسمع اغــآني , اطــول عَ مسجل اي | بس اغــآني لـآ ..
مو حلـو اغــآني " اذآ عَ موسيقى واغنيــه انجليزيــه انــآ معك هذآ انــآ بـ ريو ..


ايــوآ :

اقــول انــآ كل مــآ اروح بقــآله مــآ احصل كــآكــآو | بـ روح اقدم شكــوآ في الغرفــة التجــآريه عَ البنــآت ..



مســآعه محتفلــه بـ مولد توهــآ |~

أنين الشوق 19-07-2011 06:57 AM
رد: البنت الحساويه / شعر
 
اقتباس:
المشاركة الأصلية كتبت بواسطة ~ غصــ الروح ــن ~ (المشاركة 880359)
مـــــآ نقــآرن بنـــآتنــــآ في بنـــآت القرى الاخرى ..
بنــآت الطرف يــآ حلاتهم .. خصوصـــآ تطريشــآتهم لـ اخوآنهم ..
و بقــآله فضت من بيبسي و كـآكـآو و شيبس .. الخ . بسبب بنــآت الطرف ..
بنــآتنــآ يحبون ابوهم وامهم بس مــآ يحبون يطبخون :p ..
بنــآتنــآ يحبون الخمـــآم البيت كله ..
بنــآتنـــآ اذا تبون تعرفونهم .. في السوق تشوفونهم يتخــآنقون على دريشه علمو انهم بنات الطرف ..
اكره شئ عندهم شئ اسمه سوق السبت واحسن شئ عندهم الهفوف ..
يحبون اخوهم حق مصلحة السيــآره .. و هم مــآ يردونه بشئ بس علشــآن يوصلهم ..

[ تدرون شكلي بـ نطق من هـ الكلام ] ..
kaha يعطيك العـآفيه ..
تعــآلوآ ..
طيوفه و غلوي متى بتصعدين النخله تخرفين لـ الاعضــآء رطب ..
يالهووووووووووووووووووتي
ايه دا الكلام كوله وأيه التخريف دي كولها :mad:
:

وش حلاتنا بنات الطرف يالبييه علينا حاسدينا
كلنا غنج ودلع وأتكيت
قال نتهاوش على دريشه ليه شايف المناظر الطبيعيه متروسه بالبلد
كلها بواليع وحفر
واذا كل خمام هذا من وسخكم ننظف وراكم :s36:
ليت طالع بعينكم
:
وقال نحبكم عشان مصلحه يعننا انكم تطيعون
وربي يجي الشي بالمذله مايهمكم الا البلع والطلعه مع ربعكم
غصونووه يبيلك طق ومالك الا طرفاويه تجلع عينك :p
:
ولا شرايك كاااهو انت معاي ولا مع غصونووو:s69:
بس خلاص خلصنا الفزعه :biggrin:
:
وهذا شسمه يسلموو على الشعر الخطنطير
بس ماجبت شي عن بنات الطرف
وش هذا بنت الطرف ترقي النخل ولك الرطب تخرفه :confused:
ما اقول إلا قم بس قم :p

♥ gѕη яσσн 19-07-2011 07:03 AM
رد: البنت الحساويه / شعر
 



&

ليـه عــآد بـ طقــوني حرآم عليكم ..

تــرى بـ وصي عليكم اخــوآنكم .. مــآ يطلعونكم من البيت خير شر ..

هــآ ترى الشر ركب رآسي ..

&

طيف العمر 19-07-2011 01:52 PM
رد: البنت الحساويه / شعر
 
اقتباس:
المشاركة الأصلية كتبت بواسطة ~ غصــ الروح ــن ~ (المشاركة 888829)


&

ليـه عــآد بـ طقــوني حرآم عليكم ..

تــرى بـ وصي عليكم اخــوآنكم .. مــآ يطلعونكم من البيت خير شر ..

هــآ ترى الشر ركب رآسي ..


&


سمعو بس ضحكتني:pكر كر كر كركر

اقول لاتخليني اطلع القنبله النوويه وأقطها على بيتكم
قال ايش قال اوصي اخوانكم مايطلعونكم..
استريح ياخوي..
وانا اوصي عايلة ال؟ بكبرها يمسكونكم انت وكهوووي وتشليخ :kashkha:
عبالكم احنا البنات ضعيفين ومحد مساندنا
بالطول بالعرض
غلوي انون طيوف يهزو الأرض..
يلا بس مناك
اقووول كهوووي ..
ترا الحشوود على بابكم روح ضيفهم:p

kaha 20-07-2011 10:56 AM
رد: البنت الحساويه / شعر
 
اقتباس:
المشاركة الأصلية كتبت بواسطة غلا روحي (المشاركة 888812)
:
كآهآ مآشآء الله عآرف أن بصير حرب في موضوعك :p
وربي شعر يجنن دآمه عنّآ :biggrin:
تسلم يمنآآك ع النقلآت اللزيزة أوي ..
:)


انا مالي شغل بالسالفة :p كل من غصين الله يغربل بليسة :)
الله يسلمك ادري الشي الي لكم تمدحون :p

kaha 20-07-2011 11:00 AM
رد: البنت الحساويه / شعر
 
اقتباس:
المشاركة الأصلية كتبت بواسطة أنين الشوق (المشاركة 888824)

ولا شرايك كاااهو انت معاي ولا مع غصونووو:s69:
بس خلاص خلصنا الفزعه :biggrin:
وهذا شسمه يسلموو على الشعر الخطنطير
بس ماجبت شي عن بنات الطرف
وش هذا بنت الطرف ترقي النخل ولك الرطب تخرفه :confused:
ما اقول إلا قم بس قم :p
انا لا معاج ولا معاه انا مع الحق :p
بعد الجود من الموجود في اشياء نسيتها الطباخ والنفاخ والتغسيل والمساعدات
هذه الاشياء موجوده بس انا جبت شي من لاشي ;)

توج عدله اخر شي قم بس قم اجل انا مع غصن :p

kaha 20-07-2011 11:02 AM
رد: البنت الحساويه / شعر
 
اقتباس:
المشاركة الأصلية كتبت بواسطة طيف العمر (المشاركة 889119)

وانا اوصي عايلة ال؟ بكبرها يمسكونكم انت وكهوووي وتشليخ
عبالكم احنا البنات ضعيفين ومحد مساندنا بالطول بالعرض
غلوي انون طيوف يهزو الأرض.. يلا بس مناك
اقووول كهوووي .. ترا الحشوود على بابكم روح ضيفهم:p

وانا اقول ذاك اليوم الشرطة تدور عند بيتنا :eek: اثاريكم منتم بسهلين وينختف منكم :p
بالتوفيق

♥ gѕη яσσн 20-07-2011 01:50 PM
رد: البنت الحساويه / شعر
 
اقتباس:
المشاركة الأصلية كتبت بواسطة kaha (المشاركة 889964)


توج عدله اخر شي قم بس قم اجل انا مع غصن :p

ايــوآ .. كن معي في سرآء و الضرآء ..

ضدهم ضدهم ..

♥ gѕη яσσн 20-07-2011 02:01 PM
رد: البنت الحساويه / شعر
 



هــآ هذه الابيــآت لـ بنـــآت الطرف ..

اهــآ نشوف في احد يشكرنــآ عليهـــآ ..

&

البنــآت الطرف 00 ماتوصفهم صـفــات
دونهم حرب وممات 00 والشرف الله اكبر

يابنات اهل الطرف 00 يابعد ذاك النسيــــم
فيكم الطبع القديم 00 والجمال الله اكـبــــر

يابنات اهل الطرف 00 دونكم نار وقــــاز
من ظفر فيكم وفاز 00 الحظيظ الله اكبر

يابنات اهل الطرف 00 الفخز عز وثوب
تلبسونه فكل صوب 00عزكم الله اكبـــر

يابنات اهل الطرف 00 وصفكم صعب ومحال
بنتكم عز الرجال 00 والكرم الله اكبــر

ويابنات ذيك الديار00 اسمها الطرفــآيه صار
احلي شي باختصار00 والفخر الله اكبر

ويابنات الطرف 00اصلكم عزي ومجدي
عندكم قلبي ووجدي 00 والسنع الله اكبر

لاتلوموني في قريتي 00 حبها ساكن فوادي
ودام الموذن ينادي 00 للصلاه الله اكبر

ارضنا ارض الكرامه 00 وكل هاوي هي غرامه
ماتبي عيال الرخامه 00 الخلا الله اكبر

بين الطرف و الجفر 00 وبكل قريه وكل قريه
شايب رافع يدينه 00 قائلن الله اكبر

بحمي بيتي وبحمي عرضي 00 ايه اموت وتحيا ارضي
ولين صلي الناس فرضي 00 ابتدوا بالله اكبر

افتخر اني طرفـآوي 00 وارضي بانيها جدودي
ريحها ارضي وعودي 00 وعابدين الله اكبر

لاتلوموني فهواها 00 عاشق ارضي وسماها
والدمار للي نواها 00 الدمار الله اكبر

وشبــآب الطرف لبى قلبهم 00 ايآديهم بـ أيـآدي بعض
يعملون ويصنعون مجتمعهم 00 و الفخر بهم الله اكبر

و بنـآت الطرف شوقهم بـ عيونهم 00 و كرآمتهم بـ ايدهم
وبـ يومهم مـآ ينسون عزوتهم 00 و الشرف و الله اكبر

&




عــآد تقييم .. يـآ شبــآب وبنـــآت ..


اتمنـــآ تنــآل اعجــآبكم ..





طيف العمر 20-07-2011 03:52 PM
رد: البنت الحساويه / شعر
 
اقتباس:
المشاركة الأصلية كتبت بواسطة ~ غصــ الروح ــن ~ (المشاركة 890072)



ويابنات الطرف 00اصلكم عزي ومجدي
عندكم قلبي ووجدي 00 والسنع الله اكبر


و بنـآت الطرف شوقهم بـ عيونهم 00 و كرآمتهم بـ ايدهم
وبـ يومهم مـآ ينسون عزوتهم 00 و الشرف و الله اكبر





ايه الحين الواحد يستانس ويصفق لكم

جك جك جك جك جك جك جك

يالبى بنات الطرف فديتنا

بنات الطرف كلهم لافرق الله شملهم

كلولولولوللولولوش

وهذا هداااياكم
http://q-ro7.net/up//uploads/images/...e3cf595bdd.png

http://q-ro7.net/up//uploads/images/...971865b279.png

واحلى تقييييييييييييم ******

kaha 23-07-2011 02:48 PM
رد: البنت الحساويه / شعر
 
اقتباس:
المشاركة الأصلية كتبت بواسطة ~ غصــ الروح ــن ~ (المشاركة 890064)
ايــوآ .. كن معي في سرآء و الضرآء ..

ضدهم ضدهم ..
افا عليك غصين حاضرين للطيبين :)

kaha 23-07-2011 02:49 PM
رد: البنت الحساويه / شعر
 
اقتباس:
المشاركة الأصلية كتبت بواسطة ~ غصــ الروح ــن ~ (المشاركة 890072)


هــآ هذه الابيــآت لـ بنـــآت الطرف ..

اهــآ نشوف في احد يشكرنــآ عليهـــآ ..

&

البنــآت الطرف 00 ماتوصفهم صـفــات
دونهم حرب وممات 00 والشرف الله اكبر

يابنات اهل الطرف 00 يابعد ذاك النسيــــم
فيكم الطبع القديم 00 والجمال الله اكـبــــر

يابنات اهل الطرف 00 دونكم نار وقــــاز
من ظفر فيكم وفاز 00 الحظيظ الله اكبر

يابنات اهل الطرف 00 الفخز عز وثوب
تلبسونه فكل صوب 00عزكم الله اكبـــر

يابنات اهل الطرف 00 وصفكم صعب ومحال
بنتكم عز الرجال 00 والكرم الله اكبــر

ويابنات ذيك الديار00 اسمها الطرفــآيه صار
احلي شي باختصار00 والفخر الله اكبر

ويابنات الطرف 00اصلكم عزي ومجدي
عندكم قلبي ووجدي 00 والسنع الله اكبر

لاتلوموني في قريتي 00 حبها ساكن فوادي
ودام الموذن ينادي 00 للصلاه الله اكبر

ارضنا ارض الكرامه 00 وكل هاوي هي غرامه
ماتبي عيال الرخامه 00 الخلا الله اكبر

بين الطرف و الجفر 00 وبكل قريه وكل قريه
شايب رافع يدينه 00 قائلن الله اكبر

بحمي بيتي وبحمي عرضي 00 ايه اموت وتحيا ارضي
ولين صلي الناس فرضي 00 ابتدوا بالله اكبر

افتخر اني طرفـآوي 00 وارضي بانيها جدودي
ريحها ارضي وعودي 00 وعابدين الله اكبر

لاتلوموني فهواها 00 عاشق ارضي وسماها
والدمار للي نواها 00 الدمار الله اكبر

وشبــآب الطرف لبى قلبهم 00 ايآديهم بـ أيـآدي بعض
يعملون ويصنعون مجتمعهم 00 و الفخر بهم الله اكبر

و بنـآت الطرف شوقهم بـ عيونهم 00 و كرآمتهم بـ ايدهم
وبـ يومهم مـآ ينسون عزوتهم 00 و الشرف و الله اكبر

&
عــآد تقييم .. يـآ شبــآب وبنـــآت .. اتمنـــآ تنــآل اعجــآبكم ..
والله وخفت منهم ياغصن جبت لهم شعر :p
يالله يستاهلون الشعر الله يعطيك العافية

kaha 23-07-2011 02:51 PM
رد: البنت الحساويه / شعر
 
اقتباس:
المشاركة الأصلية كتبت بواسطة طيف العمر (المشاركة 890177)
ايه الحين الواحد يستانس ويصفق لكم

جك جك جك جك جك جك جك

يالبى بنات الطرف فديتنا

بنات الطرف كلهم لافرق الله شملهم

كلولولولوللولولوش

وهذا هداااياكم




واحلى تقييييييييييييم ******
تستاهلين ياطيف اشدعوة عرس ماهب شعر :p
انا طبعا لي الهدية الثانية وغصن لك الاولى :cool:
بالتوفيق


الساعة الآن 04:26 PM

Powered by vBulletin® Copyright ©2000 - 2026, Jelsoft Enterprises Ltd. TranZ By Almuhajir

ما ينشر في منتديات الطرف لا يمثل الرأي الرسمي للمنتدى ومالكها المادي
بل هي آراء للأعضاء ويتحملون آرائهم وتقع عليهم وحدهم مسؤولية الدفاع عن أفكارهم وكلماتهم
رحم الله من قرأ الفاتحة إلى روح أبي جواد