|
رواية ناكر المعروف ,, مابيّن بعينك .. رواية روعه حياكم ..
http://ahyaarab.net/images/446.gif قصه قريتها وعجبتني حييل وحبيتكم تشاركوني فيها ,, الجزء الاول أم خالد : شيوووووخ .. قووومي بسج نووم يما .. بس ماشبعتي لا !! تراها الساعه 2 الظهر بتفوتج الصلاة قووووومي .. وهي تزيد الدق على الباب شيخه بكسل تغطي ويهها باللحاف وترص المخده على اذنها اكثر يالله شنو هالازعاج ..مافتكينا من الدوام ويتنا العطله عشان ننام .. بس ماكو فايدة هالبيت عندهم النوم جريمه .. ياويله اللي ينام .. شنو هالحالة ياربي ..!! شيخه : زين يماا .. خمس دقايق بس ام خالد : شنو بتسوي خمس دقايق .. قووومي اختج اتدق عليج من الصبح وانتي ماتردين شيخه اللي اذكرت حصه اختها بتروح معاها السوق وشكلها راحت عليها نومه ولا درت عنها : ييييي نسيت حصووه انااا وقامت بكسل وافتحت الباب اللي تعودت تقفله قبل ماتنام لانها تعرف عادة هالبيت .. موتهم يشفون حد نايم ومتهني بالنووم شيخه وهي تعدل شعرها وفاتحه عيونها المليانه نوم نص : كاني قمت ... الحين حصوه بتشتغل زف .. وين اقدر عليها !! ام خالد : حشى كلهذا نووم .. انا لو اعرف انتوا ليش تسهرون .. وماتنامون مثل خلق الله .. الا هي اجازة وبتستانسون فيها .. جذي عاد .. بالسهر اللي مامنه فايده تذكرت شيخه امس شنو كانت سهرتها .. الله ياخذك ياخلود .. بس هيين والله ان مانفذت وعدك مانيي شيخه .. ام خالد وهي تطلع بره الغرفه : صلي وانزلتي تحت عشان تتغدين .. عقب دفي على حصه اختج مالي خلق ربشتها انا فتحت شيخه الدش وهي تحس بالنشاط والماي يبلها شوي شوي .. يالله شكثر تعبت البارحه .. بس معليه عشا حق خلود ورفجه عزوز المليق في المقابل بيوديني السينما احضر فلم شاروخ اليديد وياويله ياسواد ليله ان كشت فيني تغسلت شيخه وتوضت وصلت الظهر ولبست عقب شافت تلفونها وحصلت فيه 5 مسكولات من حصه ومسجين الاول كان من حصه اختها تقولها ( قومي يالكسلانه وين اللي بتروح السوق وحاشرتني امس اييب اعيالي عند امي واخذج ونروح السوق ..قوومي ) والمسج الثاني كان من بنت خالتها مها ( شيووخ .. دقي علي ماعندي رصيد !!) ضحكت على مسج مها الصراحه .. هذي دومها ماعندها رصيد .. خذت التلفون ودقت على حصه واهي جاهزة للهزاب والزف واول ماسمعت حصه بعدت شوي التلفون عن اذنها لاني توقعت رده فعلها وكلمتها بصراااخ حصه : يالخايينه شوفي مرة ثانيه ان قلتلي وديني السوق معاج ياويلج ... روحي زين انتي مو ويه واحد يطنش شغله ويتفرغلج الصراحه يتني الضحكه .. شكل حصه قاعدة من فير الله المسكينه : حصووه سوري والله راحت علي نومه شسوي ! حصه وهي تعيب عليها : رااااحت علي نوومه .!!! مالت على هالويه وانا شذنبي يوم اني مطيعه وافي بالوعود هاا شيخه : هههههههه والله والله مو مني .. كله من اخوج الماصخ هذا ويا رفيجه عزوز .. ياني الساعه 2 يقولي حطيلي عشا وكنت توني بنام ويوم قلته مابي قالي بوديج فلم شاروخ اليديد .. تعرفيني عاد ماقاومت الاغراء انا .. فوافقت .. وومانمت الا متأخر .. حصه بعدها مبرطمه : زين عيل دوري حد يوديج غيري لان سلطان بياخذ السيارة عني شيخه : ييي حصووه الله يخليج تعالي عقب صلاة العصر انا بكون جاهزة حصه : العصر مااقدر .. بروح بيت عمي يايين من العمرة صج صج صج .. زعلت .. يعني انزفيت اليوم من امي وضاعت علي روحة السوق كله من تحت راسك ياخلود ... ماعليه كله عشان خاطرك شاروخ افندم حصه بعد ماشافتني ساكته : الوو .. لاتسوين روحج تكسرين الخاطر خلص احاول باجر ان شالله .. بس ان دقيت ولقيتج نايمه تراى صج ماكو سوق ولو اني كنت ابي اطلع اليوم لاني مليت من القعده بالبيت من زمان ماطلعت بس يله شي احسن من ولا شي : هم زين يله باجر باجر .. امرنا لله .. ماتبين تيين اليوم تمرينا شوي ؟ حصه : امبلا بيكم بليل .. لاتعشون عني هاا . شيخه : اوكيييييييك سستر .. بس بليز من غير عيالج يسولي ارتاج بالمخ حصه وهي تدافع : فديييتهم عياالي انا .. هادين وياحلاتهم الا انتي اللي ميننتهم وحاطه دوبج بدوبهم شيخه : هههههههههههه يماا كليتيني كلهذا عشان هالعنفوصه مريوم والبزر سلوم حصه : شيوخ هذول حبيبتي شيخه : هههه لاعاد انا شيخه الكل هاا .. حصه : هههههه في هذي صدقتي محد يقدر عليج ولا على لسانج ياام اللسان شبخه : برايه لساني خليه شعليج منه بعد !! حصه : ههههه والله انتي محد يسكتج غير خلود عارفلج زين شيخه : اووف لاتييبين طاريه هالدب .. اذا ماوداني السينما بثور فيه حصه : هههههههههههه مو غريبه عليج عاااد .. تسوينها دومج عنيدة شيخه : رووحي روحي انتي مامنج فايدة اليوم .. حصه : ههههه ها . .قولي عمتي حصه ولا ترى ماكو سوق باجر شيخه : ياويلي كلمن في هالبيت يذلني .. انا شنو مقعدني بيتكم .. اشرد احسن لي حصه : هههههههههههههه شيخه : ضحكي ضحكي .. امي قاعده تصارخ علي ترى .. روحي كفايه الزف اليوم حصه : اوكيك .. نشوفكم بالليل .. سلمي على امي شيخه : يوصل .. مع السلامه حصه : مع السلامه سكرت شيخه من حصه وشالت كوب الحليب الفاضي من على الكوميدينه اللي يم سريرها وعدت فراشها ونزلت تحت في الصاله كان خالد نايم على الكنبه وصلاح اخوها اللي يصرغها يسنه مسند راسه على ريل امه وهي كانت تشرب الجاي مجابلة التلفزيون ومنيرة اختها اللي تكبرها بسنتين ماسكه اللاب توب تقرا قصة منزلتها شيخه : السلام عليكم ام خالد وصلاح ومنيرة : وعليكم السلام .. ام خالد : نزلتي الشيخه شيخه!! شيخه متعوده على هالاسطوانه من بدت العطله : ايي يما وصليت بعد .. ام خالد : زين ماتبين غدا .. ترا اكوو في المطبخ حاطته لج بالسخان شيخه : ممم شنو غدانا ؟ ام خالد : مرقة لحم وعيش شيخه فرت بوزها : الله يديم النعمه يما .. بس مااحب مرقة لحم .. ام خالد : زين دشي المطبخ وسويلج شي شيخه : احم .. يعني لو تتكرم سيادتكم بمكرمة من صاحبه الجلاله ام خالد وتخليني اطلب من مطعم ..نكون شاكرين وممتنين ام خالد : يوووو على هالمطاعم .. امس بالليل طالبه انتي .. وبعدين وياج صلاح وهو مستانس من هالزفه : احســــــــــــــن شيخه تفره بالمخده : انتا مايخصك .. اوووف .. هيين صلوح ان طلبت ماراح اخليك تقرب زيين !! صلاح : هههههه حبيبتي انا اصلا ماكل من ايد الغاليه احلى مرقة لحم .. شيخه بقهر .. يحاول يغايظ فيني .. معليه ياصلوح .. بشوف شلون تقرب من اكلي تصد لامها : الله يخليج يمااااا . يوووعاانه بليييييييييييز ام خالد باستسلام كالعاده : روحي طلبي خلصيني .. شيخه : هيااااااااااااااا وركضت صوب التلفون .. ممم اطلب من وين .. خل اطلب من برجر كنج.. على بالي من يومين دقت الرقم وطلبت وخبرتهم يسون تلفون قبل اول مايوصلون عشان تتأكد ان صلوح مايدري عن الاكل .. عنادا فيه مابخيله ياكل عشان مرة ثانيه يتأدب ومايقعد يوسوس لامي جنه شيطان صعدت شيخه فوق دارها تبي تدق على مها قبل مايوصل الطب وتدردش معاها شوي شيخه : هلا بالمفلسين مها : حلفيييي!! .. صج والله ؟ دقي باجر بعد ؟ شيخه : هههههههههههه مالت عليج والله كنت نايمه ويا راسج شسوي ؟ مها : عفيه .. كل هذا نوم .. متى نمتي انتي ؟ شيخه :اووف لاتذكريني .. مهاوي .. مها : ليش ؟ شنو صار ؟ شيخه : خلود اخوي ياني الساعه 2 وقالي سويلي عشا انا ورفيجي .. طبعا الخدامه نايمه الحين ومافي غير الخدامه شيخه تسويله وتسوي حق اللزقه هذا عزوز مها : هههههههههههه .. وهذا عزوز للحينه لزقة جذي شيخه : اووف .. حيل .. حتى اقول لخلود اخوي .. شرايكم تحطوله غرفة يمنا احسن من نومه الكنب تراها تعور الظهر مها : هههههههه لهالدرجه مطيح عندكم ؟ شيخه : واكثر .. ماتعرفين عاد هذا من يومه ببيتنا .. رابي مع قطاوة فريجنا مها : هههه خسج الله .. ميخالف تراه يتيم شيخه : رووحي لاا .. الحين ريال طول بعرض مب ياهل اهوا .. والله لو مو امه كانت رفيجة امه من زمان وصديقة عمرها كنت شكيت انه اخونا واحنا ماندري مها : هههههههه .. يحليلها امج تحبه وايد .. شيخه : عاد هو ماصدق احد يحبه .. اربع وعشرين ساعه مطيح هني .. مها : مو اهوا رفيج اخوج خلود روح بالروح شيخه : ييي بسنا سوالف عنهم بدت تلوع جبدي .. اخليج الحين مها : وييييييييين ؟ شيخه : بروح اتغدى عقب ادق عليج من البيت تراج خسرتيني كرووت مها : استاهل .. قولي بعد مااستاهل ؟ شيخه : تستاهلين . .لاتفضحينا بس هههه .. يله تامرين على شي ؟ مها : سلامتج .. فمان الله شيخه : مع السلامه نزلت شيخه لانها سمعت صوت التلفون يرن .. شالته وعرفت ان المطعم بره .. عطت فلوس حق الخدامه ويابت الطب وعشان مايشوقها صلاح قالتلها تحطه بالديوانيه هناك اامن مكان ..لان لو ادخلت البيت وصعدت غرفتها بيشوفها صلوح .. حريمتك ياصلووح الديوانيه كانت فاضيه دخلت شيخه وحطت الجيس وفتحت التلفزيون وراحت تيب لها سجين لانها ماتعرف تاكل الا لما تقص الوجبه و صينيه من المطبخ عشان لاتوصخ الديوانيه وتاكل زف من خلود .. كل اللي فهالبيت يزف بنفس الوقت خالد يكلم عزوز خالد بنعس : آآآآلوو عزوز : بل الريال ناااااايم في سابع نومه خالد : اووو خلني انام تراني قاعد من الصبح ومايت من الدوام الا متأخر عزوز : هههه نسيت اني انا بعد مداوم .. بس انتا كسلان .. قوم انا بره الديوانيه خالد : خلص ادخل انا اغسل واييك عزوز : يب معاك شي ينوكل ميت يوع خالد : هه زين .. يله باي عزوز : باي دخل عزيز الديوانيه واستغرب التلفزيون مفتوح واستغرب اكثر من الجيس المحطوط على الارض .. اقترب وافتحه وشافه اكل من مطعم .. شق الحلج طبعا يحليلك ياخلود جانك مانستني .. سريييع بسم الله عليك .. ممم احلى وجبه .. اهلا اهلا .. .. فتح الجيس واكل شبس وتوه يبي يفتح البيبسي ولا يحس بحركه صوب الباب عقب التفت لفتحه باب .. رفع عيونه ولا اطيح بعيون عسليه مستغربه وخايفه وفيها شويه غضب .. بس بسرعه شاف السجين بيدينها .. بسم الله اشهد ان لا اله الا الله .. ناوية عالشر هذي .. نزل عيونه بسرعه .. وقام من مكانه مااعرف شيسوي .. وتم واقف ليمن حس ان ظل هالبنت اختفى يسرعه هذي يمكن اخت خلود .. رفع عيونه غصبن عليه وشافها وهي طالعه .. نزلهم بسرعه وهو يتعوذ من بليس .. شفيني انا مااستحي .. بس صج صج .. حلوة شعرها لونه ينن وعيونها روعه .. استغفر الله شقاعد اخربط انا .. ماادري هذي شيخه ولا منيرة .. مم شكلها شيخه نفس العيون يوم كانت صغيرة .. ماانساها .. يت على باله شيووخ الصغيرة .. كانت قمه في الاجرام محد من البنات يقدر عليها .. ههه من السجين اللي بيدينها يبين انها صاحبه سوابق .. شكلها ماطخت كلش في الطرف الثاني شيخه كانت مولعه .. ماسكه الصينيه وودها تكسرها .. ماادري اكسرها على راس خلود ولا على ربعه اللي مايحشمون احد .. شنو البيوت مالها بيبان يدشون منا جذي مافي استئذان طلعت من الحوش واتجهت للصاله وهي مفووووووووووووله تبي تطلع غيضها بخلود .. ولو انها خايفه يزفها انها دشت الديوانيه ويحشرها بهالسالفه .. بس منو يقدر على شيووووخ !! شافت امها بروحها تتحجى بالتلفون .. وايقنت ان خلود صعد غرفته .. صعدت على طول .. وهي تمتم وتسب وتلعن وتحسف على اكلها شيخه وهي تفتح الباب بعصبيه : خلوووووووود خالد وهي كان توه بيطلع ولابس : بسم الله .. اشك انج صبي على هالحركات .. ليش ماتدقين الباب ؟ شيخه وللحين ماسكه الصينيه : اول قول حق ربعك ليش مايدقون البيبان قبل مايدشون ؟ شنو هذا ياخي مافي احترام للبيت واصحابه ؟ خالد :هييييييي انتي لاتصارخين .. شفيج ؟ شيخه وخلاص بتبجي : شوف عاد مسألة انه ييون ربعك وياكلون اكلي ترى مو على كيفهم خالد : هههه ها انتي كنت بالدوانيه صح .. َ!! عيل اكيد هذا عزوز .. اشوه مو احد غريب شيخه استغربت من رده فعل اخوها .. الحين عزوز صار من اهل البيت بعد : والله عزوز ولا غيره لازم يطق الباب خالد :انزين انا ماكنت ادري انج بالديوانيه اوووف انتي شنو منو بيقطعلج هاللسان .. حشى عيوز ماكلين غداها شيخه : وانتااااصاااااااااج .. غداي .. روح ييبه تراه رفيجك كان قاعد ياكل منه خالد : هههههه وييه تراه دق علي وقالي ياام لسان انه بالديوانيه وانا قلتله دش ..والظاهر كان يوعان ههههه شيخه : بطلعه من بطنه .. امس مسويتلكم عشا ومانمت الا الفير واليوم ياكل غداي .. شنو هذا ؟ خالد : اووف فضحتينا انتي .. بسج .. طلبي مرة ثانيه وهذي فلوس .. بس انطمي شوي عاد منو يقدر على شيخوو والسانها وعنادها : ماابي .. ابي اكلي اللي بالديوانيه خالد : تدرين شلون .. يبي الفلوس انتي مو كفو .. زين وطلع عنها رايح الديوانيه واهي ميييييته غييظ .. هييييييين ياخلوود .. دواكم عندي اتجهت لغرفته منيرة وهي بتمووت .. من الحرة منيرة كانت تبجي لانها تقرى الجزء الاخير .. شيخه : منوووووووور .. قومي قومي منيرة : بسم الله خرعتيني شفيج ؟ شيخه : ماعندج قنبلة افجر فيها ديوانيتنا ؟ منيرة : شيخوو ترى حدي مالي خلق .. نفسيتي زفت شيخه : ليش بعد ؟ منيرة : البطل مااات بالقصه .. اووف مااحب النهايات الحزينه شيخه : مالت عليج زين صج ماعندج سالفه .. اقولج بمووت انا منيرة سكرت اللاب توب وقعدت متربعه على السرير : ليش شصاير ؟ شيخه قالتها السالفه كلها وهي تصارخ بانفعاال منيرة : هههههههه قلعتج .. عشانج ماتبين صلوح ياكل معاج .. شوفي ربج مايطق بعصا شيخه : وخري انتي الثانيه .. انا ابيج عون الحين منيرة : بس فشله ويا ويهج وانتي داشه الديوانيه جذي بهالشكل شيخه ببرود : شنو يعني .. !! اصلا اهوا مايستحي ماعنده بيت هذا منيرة : شيخوو عيب استحي عزوز حسبة اخونا ورابي مع اخوانج شيخه :يولي زييين منيرة : تعالي شفتيه شلون شكله ؟ شيخه اتذكرت على طول.. رغم ان شوفها له كانت ثواني .. بس شافته زين : عادي .. بس انا استغربت عزوز كان بطه ومدحدح .. ومن يومه يموت عالاكل .. ماادري شلون جذي صار ضعيف ؟ منيرة : قولي والله ؟ شيخه : مو ضعيف يعني .. جسمه زيين .. بس باينته عريض من جتوفه منيرة بنظره خبث : كلهذا شفتيه ؟ شيخه تطق جتفها بعصبيه : ماشفت شي انا .. كان يدامي غصبن علي طالعته ويا راسج منيرة : زين خلص قولي بالعافيه عليه وامشي نطلب لان انا يوعاانه شيخه : مااعندي فلوس .. مصروفي خلص والنحيس خلود خذا مني الدينارين مرة ثانيه منيرة : هههه والله محد مورطج غير لسانج .. انا عندي .. قومي يلله شيخه : عااااااشت اختي والله وباستها على خدها بقووووة الديوانيه خالد : شفيك يبا قلنالك خلص البنت طلبت عزوز : فشله والله .. الحين شنو تقول عني .. !! خالد : ههههههه صج انها شرشحتك .. بس بعدين اقتنعت واطلبت لها لاتحاتي عزوز اللي كان يبي يعرف اذا اهيا شيخه ولا لا بس خاف يفهمه خلود غلط .. واهوا كلش مايبي هالشي يصير : زين مدام شرشحتني اكيد هذي ... شيخه من يومها تشرشحنا خالد التفت لعزيز وشافه بنظره .. ماشالله للحين يذكر شيخوو شلون كانت وهي صغيرة !!.. عاد ياليت شي حلو ينذكر .. ماغير لسانها ام لسان عزوز من نظرة خالد ارتبك .. اكيد خلود عصب .. الحين انا شكو اذا اهيا شيخه ولا منيرة .. هذا شيفكني منه خالد : احم .. ها ..ااي شيخه هذي .. قوم زين خل نمشي عزوز يتنهد بارتياح .. عدى الموضوع على خير .. : يله طلعوا من الديوانيه عندهم موعد مع ريال ناوي يشتري سيارة عزوز لانه يبي يبيعها ويشتري سيارة يديدة بما انه توه يشتغل ماصارله شهرين متخرج من كليه الظباط اهوا وخلود .. البيت ام خالد : منيرة يما دقي على حصوه بعد متى بتيي ؟ الساعه 10 منيرة كانت توها يايه من المطبخ وهي تشوف كلشي زاهب : اوكيك مامي دقت على حصه حصه : كاني كاني عند الباب .. فرشوا البساط الاحمر منيرة : هههه .. زين يله باي حصه : باي دخلت حصه مع عيالها وريلها سلطان وبعد دقايق دخل بوخالد ومعاه صاحبه وقالهم يحطون عشا لهم بالديوانيه واتجهه سلطان الديوانيه بعد ماسلم على عمته وعلى البنات حصه : شيخه ماقررتي شنو بتدشين عقب الثانوي ؟ منيرة : حقووووق .. والله ينفع تصيرين محاميه .. اطلعين المجرم من السجن حصه : ههههههه الا من لسانها يطفر منها القاضي ويعفو عن كل المحكومين منيرة : ههههههههههههههههه شيخه : مالت عليكم انتوا الثنتين .. صج ماتستجون .. يماا شوفيهم ام خالد : شفيكم عليها .. كلش ولا شيخه عاد منيرة : ماله داعي تدافعين عنها لسانها يكفيها وزوود شيخه تنرفزت : منوور سكتي احسن لج منيرة وهي تكتم الضحكه وتحط ايدها على حلجها بمعني انها سكتت خلاص حصه : زين زين كليتنيا .. باجر السوق لاتنسين ؟ شيخه : لا ماراح انسى .. بس انتي لاتروح عليج نومه حصه : ههههههه اقول سكتي بس شيخه : ههههههههههههههه منيرة : وين وين محد قالي ؟ شيخه : وييييه ماقلتج قبل جم يوم اني بروح اسوق مع حصه عشان عزيمة الخميس ببيت خالتي ناديه منيرة : اييي صح صح .. بيي وياكم عيل .. شيخه : ليش انتي شرايه ترى ؟ منيرة: ميخالف مابي اتم بروحي بالبيت بيي معاكم حصه : اوكي .. زهبوا روحكم باجر عالتسع جذي بمركم اوكي البنات : اوكيييييي شوي ولا داش عليهم صلاح .. كان لابس شورت وتي شيرت ابيض وماخذ جنطه صغيرة وقعد يمهم عالسفرة صلاح : مسا الخير اخواتي العزيزات .. شعندهم اليوم الثلاثي المرح متيمع حصه : والله احنا دووم نتيمع .. انتا بس اللي ماتنشاف من بدت العطله صلاح : حبيبتي ابي احلل العطله .. ترا السنه اليايه انا رابعه ثانوي .. يعني بكون حبيس الامتحانات ماكو فجه .. خلينا نطلع واغير جو .. منيرة : على وين ماسك جنطتك ؟ صلاح واهوا ياكل بيض عالسريع : بنروح البحر .. شفيها الساحره اللي يمكم ساكته ماتغرد ؟ شيخه : لا حول ولا قوة الا بالله .. ان سكتنا مانخلص وان تحجينا مانخلص بعد ..على فكرة انتا عليك حوووبه مو طبيعيه صلاح اللي درى بسالفه المطعم : ههههههههههههه احسن قلعتج وزووود .. وقام يركض وشيخه تلحقه بالريمووت .. وهي تصرخ : والله مااخليك يالحمااار من عيوونك طلع صلاح وهي للحين ماسكه الجوتي وابوها جدامها بوخالد : شفيج يبا شصاير ؟ شيخه وهي تنزل ايدها مستحيه من شكلها . . ابوي بياخذ حقي منك يالعصل .. هيين شيخه : اووف هذا صلوح كله حاط دوبه ودوبي .. ابوخالد : الله يهديج .. خلج عاجل يبا كبرتي على هالسوالف شيخه .. وييه الحين بيقلوبنها علي .. اروح احسن في السيارة خالد وعزوز رادين البيت الريال اعجبته السيارة .. واتفقوا على سعر مناسب للطرفين .. وراح يستلمها باجر بعد مايضبط اوراقها كلها خالد : وشنو ناوي تاخذ ؟ عزوز : والله خاطري بالرنج اليديد .. حلو خالد : رنج مرة وحدة ؟ .. يه يه يه .. اكشخ يله نتسلفها منك عزوز : من الحين بطرها ويا ويهك .. ماتغلى عليك والله ههه خالد : ماله داعي تقول .. اصلا عزوز : ياعيني عالثقه . . لا خلاص هونت الصراحه مااحب احد ياخذ اغراضي خالد : شووف حبيبي مو على كيفك .. ولا ترى هاا اطلع الاكل اللي كليته امس من عيونك عزوز تذكر شيخه مرة ثانيه .. خلود قالها من غير قصد .. بس انا ليش مهتم بالموضوع وايد .. خير ياطير بنت وشفتها صدفه .. لو يدري خلود اني افكر باخته كل شوي شبيسوي فيني .. اووف .. اصلا انا شاغل روحي بموضوع ماله معنى .. برة بيت بوخالد صلاح يكلم رفيجه : يله انا بره محمد : كاني ياي ويا اخوي .. اطلع خمس دقايق واكون عند الباب صلاح : اوكي ناطرك .. بيباي سكر من محمد والتفت لسيارة قريب من بيت يرانهم .. شاف الاغاني حدها ومنزلين الجامات وكلها شباب وواحد منهم يطالع فوق .. التفت لوين ماكان يطالع الشاب .. وشاف درشيه مفتوحه .. عصب من قلب.. مهما يكون هذا بيت يرانهم .. وسمعتهم من سمعتنا .. اكيد مايدرون عن هذيله .. صج ناس ماتستحي تقرب شوي من السيارة .. صلاح : في شي اخوي ؟ الشباب بلهجه بايخه : لا .. انتا اللي في شي ؟ صلاح : عيل ممكن تحركون من هني احسن لكم الشاب : شكو .. واقف عند بيتكم انا ؟ صلاح وهو يأشر على البيت : هالبيت مثل بيتي .. تقدر تمشي قبل مايصير شي مو زين الشاب وهو يطالع فوق : دام اهل البيت راضين .. انتا مالك خص والتفت صلاح لوين ماكان يأشر الشاب .. وانصعق .. بنيه باين عليه صغيرها وبالثنوي .. مو متحجبه وتطالعهم بذهول واول ماشافت صلاح سكرت الدريشه بسرعه صلاح انحرج .. انا شللي خلاني ادخل بالموضوع .. صج انا شكو صلاح : والله لما يكون ريال هالبيت راضي ذيج الساعه اوقف كثر ماتبي الشاب شكله طفر وبعد البنت سكرت الدرشيه ماحب يطولها .. حرك وهو يطول زيادة على صوت الاغاني مبتعد عن المكان رجع صلاح نظره لللدريشه وهو حاس بالعار .. مايدري ليش احتقر هالبنت .. مستغله غياب اهلها بهالسوالف .. ولا تحشم اهلها ولا تحط احساب لسمعتهم وسمعتها .. بس يمكن اهي مالها شغل .. اوو سمعت حس ويت تشوف .. وعلى هالتفكير سمع حس هرن . . شاف محمد واخوه .. راحلهم وهو منزعج من الخاطر .. مايدري ليش في الطرف الثاني سكرت شهد الدريشه بسرعه وقلبها يدق بالقووووة .. امبييييي هذا صلاح يارناا .. ياويلي اكيد بيقول حق ابوي .. ياويلي شسوي الحين .. سمعت تلفونها يرن .شافت المتصل وكان غانم حست بان ويهها كله شب ضو ماتدري ليش .. انا ماعارضت يي ويشوفني واستغليت غياب اهلي عن البيت .. استاهل اللي ياني .. حطت تلفونها مغلق وهي بقرارة نفسها ماتدري ليش سوت جذي .. وصورة صلاح وهو يطالعها من الدريشه ونظرته اللي كلها اشمئزاز مافارقتها .. دخلت وتسبحت عقب اطلعت ونزلت تحت لوين ماكانو خواتها الصغار يطالعون كرتون مع الخدامه .. واول ماقعدت .. تذكرت اللي صار قبل شوي . . تتخيل لو صلاح قال لابوها .. شراح يسوي فيني .. يمكن .. يمكن يحرمني من الدراسه .. او يذبحني .. اكيد بيذبحني حست برجفه من هالفكرة .. قامت تسوي عشا لخواتها يمكن هالشي يشغلها عن التفكير .. الساعه 1و نص بسيارة اخو محمد عند باب بيت بوخالد محمد : سلم على خالد .. ولاتنسى موعدنا باجر بدوانيه حميد اوكيه صلاح : اوكي .. يله سلم .. فمان الله احمد طلع صلاح وسكر الباب .. وتحركت سيارة محمد بعييد .. التفت لاشعوريا لبيت يارهم .. تم يطالع الدريشه اللي فوق وبشعور الاستنفرار والكره والخوف .. مايدري ليش تم واقف مكانه وجنه يبي يحرس هالبيت .. عقب دقايق وصل خلود وعزوز .. التفت صلاح لسيارة خالد .. وتقرب منهم شوي عزوز : هاا توك واصل ؟ صلاح : ايه توني والله خلود : شلون البحر .. !! يسوى نروح باجر ؟ صلاح : اووووف اسكت البحر مسكت والله شنو جو .. عجييب عزوز : يبله والله .. شرايك خلود ؟ صلاح : انتوا شنو ماعندكم شغل ؟ خلود : هههه .. علييك نور .. مانحاتي امتحانات ولا رابعه ثانوي صلاح وهو يحوس بوزه وبنظرة : جنه الكلام حقي ؟ عزوز : ههههههههههه دومك تفهمها وهي طايرة صلاح : زيين دشوا يله .. بتمون واقفين يعني ! خلود : عزوز .. ادخل انتا مع صلاح .. انا بييب لنا عشا من المطعم واييكم عزوز : اوكيه لاتطول .. ودخلوا صلاح وعزيز البيت وراح خالد يبلهم عشا وهو في الطريج رن تلفونه خالد : هلا حبيبتي اسما : هلا خالد شلونك ؟ خالد : مشتاقلج اسما : هههه حتى انا .. انتا وينك ؟ خالد : انا رايح اييب عشا عندي ربعي بالدوانيه اسما : الله يبلي معاك .. خالد : من عيووني .. اسما : هههه تسلمي عيونك والله .. لا اضحك معاك خالد : ان شالله قريب ايبلج بس نملج ونصير لبعض اسما : ......... خالد : شفيج !! اسما تغير الموضوع : مم زين ترى كرتي بيخلص يله باي خالد : ههه الحين ادزلج عشر كروت مو واحد .. افااا عليج بس اسما بفرح : هههه زين يله باي خالد : باي سكر منها وهو يحس بنشوة .. ياحبي لهالبنت .. يله جم شهر بس تخلص فيهم المعهد اروح اخطبها .. في الدوانيه صلاح : عزوز دقايق بس اغير ملابسي واسبح واييك عزوز : خذ راحتك حبيبي .. صلاح : بعد البيت بيتك مافي داعي اقولك عزوز : اكيييد .. روح ماعليك الحين يي خلود راح صلاح وفتح عزوز التلفزيون كان فلم مصري .. قعد يطالع وهو مندمج شوي ولا يدخل صلاح وعقبه خلود .. تعشوا يميع عقب راح صلاح ينام لانه ياي من البحر منهد حيله وتم عزوز وخلود قاعدين بالديوانيه رن تلفون خلود على صوت مسج .. بسرعه قام وشاله توقع يكون من اسما بس خاب ظنه يوم عرف انه المسج من اخته شيخه تقوله ( لاتنسى تحجز لنا باجر السينما .. ترى العرض الساعه 7 بسينما بلازا ) عزيز يشوف ويهه وهو يقرى المسج .. الحمدلله والشكر .. هذا شفيه ! عزيز : هييييييييي .. منو ؟ خلود : شيوووخ يت بوقتها اقولها تسويلنا جاي . . كتب المسج وراح الحمام وتم عزوز مع تلفون خالد ففي الديوانيه يبي يقوم يشوفه بس خاف لا يطب عليه خالد .. مايدري شهالفضول اللي ياه فجأة يبي يقرى شكاتبه شيخه له في المسج .. اخيرا كسر فضوله وخذا التلفون وافتحه .. شاف المسج من ام لسان .. ضحك من قلب ..عقب وصل مسج ثاني منها وفتح المسج وقراه ( شوف انا مااشتغل عندك انتا وعزوز .. كل يوم والثاني سويلنا عشا .. حطيلنا جاي .. قلنا عاد عطله مو تستغلوني ) وفكر يلعب عليها شوي قام ودزلها ( شوفي ترى يقولون الفلم حلو ورومااااانسي .. بيطوفج .. ها شقلتي ؟) ردت دزتله ( تدري انك نذل ... جاي مانيب مسويه بشوف شلون مابتوديني باجر .. تراك وعدتني ووعد الحر دين ) خبله وربي هالبنت خبلة ( سوي الجاي وكملي جميلج .. وباجر بوديج السنما .. خلاص وعدتج انا ) عقب ردت ( حمااااااااار .. زيين اخر مرة وبنشوف تاليتها معاك وانتا وهاللزقه رفيجك ) عزيز انصدم .. بسم الله ههه قامت تسب بعد .. انا لزقه ياشيخو .. هيين دواج عندي قام ومسح كل المسجات .. حس انه اللي سواه غلط .. ومايتجرأ يقول حق خلود .. بس ان شالله مايدري الا اذا ام لسان قالتله .. اهم شي الجاي يوصل بس .. خلها تنكرف شوي .. قلعتها وضحك من داخله ضحكه شريرة هههه .. هالبنت خبله وشكلها فلم بعد اليوم الثاني مها : زين شنو بتلبسون ؟ شيخه : ممم شريتلي تنورة فيها قصاات مع توب اسود حلو والله ..ومنور خذتلها تنورة زيتيه مع توب اوف وايت مها : شيخو بس تعالوا مبجر ترى كلنا متيمعين بعد صلاة المغرب شيخه : بقول لامي تييبنا مبجر .. تعالي ماقتلي شنو مناسبه العزيمه ؟ مها : يعني ماتدرين ؟ شيخه : شعرفني انا . . قالولج ساحره ؟ مها : ههههههههههه حلوة شيخه : قولي زيين شنو مناسبتها ؟ مها بنبرة خبيثه : احم .. اخوي ناصر بييي من امريكا بعد يومين شيخه اللي فز قلبها من سمعت طاري ناصر .. : حلفييييي ؟ مها : هههههه شوي شوي لا تموتين علينا شيخه : وليش ماقلتلي ؟ مها : عبالي تدرين شيخه تتصنع الهدوء .. : ماادري محد قالي الصراحه مها : اهوا بييي وبيتم شهر عقب بيرد مرة ثانيه .. عاد ماباجي له شي ويخلص شيخه : شكثر باجيله ؟ مها : اتوقع كورس ان شالله شيخه من قلبها قالت : الله يوفقه مها : ههههههه امييييين شيخه .. هذي ليكون شاكه بشي : وليش تضحكين ؟ مها : هههه ولا شي .. بس كشخي لما بتيين بيتنا ..ترى اهوا دوم يسأل عنج لما يدق علينا شيخه اللي بتذوب خلاص : صج .!! مها : هههه ايه يقول ام لسان للحينها رأيستكم ماعقللت ههههههههههه شيخه انقهرت .. بس عقب استانست عالاقل سأل عنها : مالت عليج وعليه زيييين مها : زيين قوليلي حضرتي الفلم ؟ شيخه : اليوم حبيبتي العرض وغصبن على ويهه خلود بيوديني مها : ابيي ايي معاكم شيخووه شيخه : افااا عليج بس جذي من عيوني .. بعد اذا احد بيي قوليله العزيمه علي مها : هههه واثقه انه بيوديج ؟ شيخه : غصبن عليه ماعليج منه مها : مو رزة ويه يعني ؟ شيخه : اقولج شي .. !! جـــــــــــــــب مها : بل بل .. جب مرة وحده .. زين يله اذا بتروحون اكيد عطيني خبر عشان اقول لامي شيخه : اوكيه يله بيباي مها : باي سكرت شيخه من مها ونزلت تحت .. امها وابوها ومنيرة قاعدين شيخه : السلام عليكم الكل : وعليكم السلام ابو خالد : وينج يبا من زمان ماشفناج وقعدنا معاج .. تعالي يم ابوج شيخه تضحك وتقرب يم ابوها تهمز ريوله : يباا شرايك نسافر دبي جم يووم ؟ ابو خالد : وشتبين بدبي ؟ شيخه تشوف منيرة عشان تتكلم عقب قالت منيرة : يبا دبي فيه سوقه ومحلات ومجمعات .. ونااسه تراهي شيخه : الله يخليك يبا اسبوع بس ام خالد : وين تبون تروحون بهالحر .. دبي حرر الحين منيرة : ميخالف يماا .. احنا بنقعد بفندق محنا قاعدين بره يعني ابوخالد يضحك على منيرة : هاشقلتي ياامخالد .. نغير احنا جو بعد .. ام خالد : والله ماادري عنكم انتوا .. شوفو العيال وعقب اتفقوا منيرة بوناااسه تناقز وشيخه تبوس راس ابوها وركضوا فوق يخططون حق السفرة رايكم ؟؟ اجمل التحاياا سكونه ,, :) |
رد: رواية ناكر المعروف ,, مابيّن بعينك .. رواية روعه حياكم ..
قصـ جميلة ـة
سكوت الصمت لاتحرمنا من ابداعك |
رد: رواية ناكر المعروف ,, مابيّن بعينك .. رواية روعه حياكم ..
بصراحه اندمجت مع الاحداث بس انصدمت هاذي النهايه سكون الصمت بلا امر عليش اذا فيه اجزاء لها نزليها عشان انكمل الاحداث ونشوف نهايه خلود مع البنت اللي يكلمها وشيوخ مع عزوز احلى ثنائي بالقصه تسلم اناملك ويعطيك الف عافيه ماقصرتي بأنتظار الاجزاء الجديده تحياتي فارسوه.. |
رد: رواية ناكر المعروف ,, مابيّن بعينك .. رواية روعه حياكم ..
اقتباس:
مرورك الاجمل اخي .. مشكور وماتقصر ,, انا بنت مو ولد واسمي سكووووون الصمت مو سكووت عالعموم يعطيك ربي الف عافيه ,, اشكر لك متابعتك ,, عوااافي :) |
رد: رواية ناكر المعروف ,, مابيّن بعينك .. رواية روعه حياكم ..
اقتباس:
اكيد القصه لها اجزاااء ,, بس انتظرني بعد كم رد وانزل الجزء الثاني ,, عشان اعرف القصه مقبوله في المنتدى او لا ؟؟ اتمنى تواجدك باستمرار في صفحاتي ,, واشكر لك متابعتك ,, لك خالص تحياااتي :) |
رد: رواية ناكر المعروف ,, مابيّن بعينك .. رواية روعه حياكم ..
الجزء الثاني
المطبخ منيرة تسوي كيك .. وشيخه على الطاوله تشرب حليب كالعادة شيخه وهي تحوس كوبها : اقول منوور .. ترى الحجز اليوم لا تنسين .. مها بتيي معانا بعد منيرة : والله صج .. !! .. عاد خلود رضى ؟ شيخه : ايه كلمته اليوم الصبح وقالي اوكيه .. منيرة : وقلتيله انه مها بتيي معانا ؟ شيخه : لا لما نظمن انه احنا طلعنا من بيتنا بقوله لا يسويلي سالفه بعد مالي خلق منيرة : همم .. اوكيه .. يندق باب المطبخ اللي يطل على الباب الرئيسي للبيت منيرة تلبس شيلتها لان المطبخ ييطل على الشارع وهالحزة يكون السايق برى او احد يمر يبينون من برى منيرة : منو ؟ شهد تفتح الباب بابتسامه .. :السلام عليكم شيخه ومنيرة بابتسامه وترحيب : وعليكم السلام والرحمه .. منيرة : حياج شهد .. دشي ماكو احد شهد : مم امي مسويه خبز وتنقصنالكم منه شوي.. عسى ماييت بوقت مو مناسب.. قلت اسلم عليكم من زمان ماادري عنكم منيرة : حياج والله باي وقت .. زين انج ييتي ..قعدي شوي خليناا نسولف ماندري عنج من زمان شهد بحيا : لاتسلمين مابي اتاخر اكثر منيرة : لا قعدي وين رايحه .. قاعدة اسوي كيك نطري لماتخلص وخذيهامعاج شهد تحس بروحها مو مرغوبه عند شيخه مااتدري ليش ماتحبها : اخاف ازعجكم ! منيرة : لا مافيها ازعاج .. وقعدت معاهم تسولف وشيخه معطتها طاااااااف .. وتقول بقلبها مابقى غير شهد بعد .. انا من يومي ماااحبها ولا احب لبسها ماادري شلون منيرة تسولف معاها !! شهد : تسلمين منوورة .. بس لاتقصين بعد منيرة : هههه ترى انا مسويتها حطي اعلان بالجريدة .. مااطبخ الا بالسنه مرة بس .. شهد : هههههه .. زين مافي فروع اخرى منيرة : مافيه غيري والباجي كله تقليد هههههههههههه شهد : تسلمين حبيبتي .. يله سلمي عالوالده منيرة : يوصل وطلعت شهد وشيخه اطالعها من فوق لي تحت .. اووف مابغت منيرة : انتي شفيج ؟ شيخه : مااحبها .. ولا ابلعها منيرة : ماانكر ان لبسها وحياتها غير عنا .. بس ترى البنت ماشفنا منها شي يزعجنا شيخه : اووف .. زين انا بصعد فوق امي قايلتلي ماكو روحه اليوم قبل ماتشيلين كل كتبج اللي بالمكتبه منيرة باسف : وكيكتي ؟ شيخه :هههههه خليها باكلها عقب بمزاااج .. منيرة :ههه شنو اهيا سجاير ؟ شيخه :هههههه تعرفيني امووت على الكيك منيرة : اوكييييييه في الطرف الثاني كانت شهد توها طالعه من المطبخ وصلاح داش البيت .. اهيا انتبهت له زيين بس اهوا مارفع عيونه ولا انتبه شهد حست ويهها يحترق من الاحراج والفشله .. يالله ليش احس روحي ضغيرة يدامه .. صج اللي شافه ذاك اليوم يخليه يشوفني باحتقار اكييد اكيد محتقرني .. مرت من صوبه وتحس ان جسمها كله يرجف مااتدري ليش .. ياربي انا عمري ماخفت من نظرات الناس .. ولا عمره احد سوالي رعب مثلك ياصلاح ليييييش ... كانت تمشي وتحس انها بتدعم بشي من كثر مااعيونها نازله الارض مالها ويه ترفعهم .. وليش ترفعهم وبويه منو..!! صلااااااح في الطرف الثاني صلاح كان قاعد يكتب مسج بتلفونه حق محمد عن مدرس فيزيا يقولون ان شاطر واهوا ماانتبه اذا في شي يدامه ولا ولا .. مااحس الا بجتف يدعمه ... رفع عينه بسرعه وانتبهه عليهاااا .... شهد وهي تبي تنحاش من عيونه : اناااا .. اسفه ماشفتك وركضت حتى من غير ماتسمع رده عليها صلاح تم واقف بمكاانه ومحترق .. هذا شتبي يايه بيتنا ..!! ليكون رفيجة منورة ولا شيخووو .. والله والله ان دريت انها رفيجتم ليشوفون شي عمرهم ماشافوه بحياتهم ودش المطبخ معصب ..ِ. شاف منيرة قاعدة تسوي جاي وتصفف الكيك بالصحن صلاح وهو مفووووول : منووووووور !! منيرة رفعت راسها مخترعه : بسم الله .. نعم شفيك تصارخ ؟ صلاح هدا شوي .. وعقب قال : هذي شتسوي هني ؟؟ منيرة باستغراب من سؤاله : منو هذي ؟ صلاح متنرفز : هذييي .. البنت اللي توها طلعت منيرة : منو ... شهد بنت يارنا عماد ؟ صلاح : ماادري شنو اسمها .. شتسوي هنييي ؟ منيرة بخوف : عاادي .. يايبه لنــ ــ وقاطعها بصراخ : هالبنت مابيكم تصاحبونها سمعتيني ..!! منيرة : ليش شفيها ؟ صلاح مااعرف شيقول : بس جذي ولا تناقشيني .. وقولي حق شيووخ هالكلام .. مابي اشوفكم تكلمونها او تحتكون فيها منيرة تبي تهدي الوضع ولو انها ماتدري ليش اخوها الصغير يطلب منها هالطلب : زيين .. زين فكنا لاتصارخ صلاح طالع منيرة بنظرة جهلتها .. وعقب طلع من المطبخ وراح غرفته شفيني انا .. ليش قلت جذي .. !! يمكن البنت مظلومه ومالها شغل .. لا بس وقفتها كان لهما معنى .. اووف وانا شكو اعصب .. بس ماابي خواتي يتعرفون على هالاشكال اللي ماتستحي .. احسن .. قام وتسبح وصلى العصر عقب طلع بيروح لرفيجه محمد يبون يتفقون على المدرسين ويصورون اوراق المراجعه لان مابقى عالدوام الا شهر واحد بس الساعه 6 المغرب شيخه تطق على منيرة الباب وبيدينها التلفون تكلم مها شيخه : منووور فجي الباب شوي .. وتكلم مها : ايي ياينج الحين تزهبي بس نصلي ونلبس شيخه : منووووووووووووووووور منيرة تفتح الباب بثوب الصلاة .. : شفيج مااعرفت اصلي ركعه مثل الناس شيخه : اسفه .. زيين يله صلي ولبسي بروح اشوف خلود وينه اوكيه ؟ منيرة : زييين .. يله قلبي ويهج يالمزعجه راحت شيخه لغرفه خالد ولقتها فاضيه .. هذا وينه ؟ .. مم يمكن بالدواينه .. جحر الحمام .. ماكو غيره نزلت من الدري وشافت امها صاعده ام خالد : شوي شوي .. لاتطيحين شيخه : ييي يمااا ماراح اطيح بلحق على خلوود ام خالد : خلود بداره شيخه : لا مو بداره .. بس بطلعه ماعليج ركضت شيخه وام خالد تضحك عليها .. مينونه هالبنت وياهل ماادري متى بتكبر وصلت شيخه لباب الديوانيه وحطت اذنها شوي عشان تسمع اذا في حس رياييل ولا لا .. بس ماسمعت شي .. فتحت الباب شوي وطلت هدوووووووووووووء والمكيف صوته شغال والغرفه باردة .. ياسلاام ياخلووود ومسويلك جو بعد شافت واحد نايم عالكنب ومتلحف زيين ومغطي راسه ومن غير تفكير وقفت عند راسه وهي تهزه شيخه : خلووووود ..خلووووووووووود .. قووووووم يله بعد ساعه بيبدا الفلم يلا بسم الله شفيك .. كلهذا نوورم قربت شوي وسحبت الللحاف ومسكت اذنه تقرصه عشان يقووم شيخه : خلووووود .. يلااا زيين بعدين نــ ـــ ــ وسمعت صرخه خلتها تتيبس بمكانها الطرف الثاني عزوز : آآآآآآي ... عورتني ورفع راسه .. وكشته حايسه وويه كله نووم وعيونه نص مغمظه عزوز : اووووف انتي مرة ثانيه .. ليش ماطقين الباب ؟ شيخه وحاطه ايدينها على حلجها مصدومه : اااسفه عباااالي .. خالد عزوز اللي مو واعي على نفسه وقاعد ياخذ ويعطي معاها بالحجي ومبحلق عيونه فيها .. عباله يحلم : شيخوو من يومج مسببتلي ازعاج شيخه طلعت جنونها .. هذا شيخربط ..شدراه باسمي بعد .. ارتبكت يوم اسمعت صوت ياي قريب من الدوانيه .. مااتدري وين تروح .. ياويلي اذا خالد شافني هني شبيسوي فيني .. رجعت حطت عيونها بعيون عزوز .. وجنها تقوله انقذني .. وعزوز مو مستوعب للحينه نايم .. ماتدري شلون ركضت وراحت صوب الحمام اللي بره الديوانيه ودخلت فيه وتمت وهي ترجف .. ملقووووفه طول عمري ملقوفه قلعتي خالد يدخل الديوانيه ويشوف عزوز قاعد وويه كله نوووم بي كان يحكك بعيونه وجنه حلمان ويبي يصحى من الحلم خالد : هاا قعدت ؟ عزوز : بسم الله .. انتا من وين طلعت توها اخــ .. وانطم وسكت ماقدر يكمل لحظه لحظه انا كنت احلم ولا شنو .. اكييد احلم .. حلاتي بعد اقوله كنت احلم باختك .. عشان يكرني بمكاني ويذبحني عادي وماوعى الا على هزه من خالد خالد : هييييييي .. انتا صااحي ولا لا ؟ شفيك ؟ عزوز بقلبه اكييد حلم : لا انتا لابس على وييين ؟ خالد : بودي البنات السينما .. كمل نومتك هني وانطري ليمن ايي عزوز : يامعود نايم من زماان انا .. بروح استلم السيارة اليوم نسسيت .. اقول خالتي موجوده في البيت ؟ خالد : أي موجوده عزوز : زين انطري بغسل ويهي واصلي عقب بسلم عليها من زمان ماشفتها خالد : اوكيه قام عزوز ورفع عنه اللحاف وللحين يفكر بهالحلم الغريب . مسك اذونه وهو يتحسس مكانها .. ياااربي معقوله هذا حلم بعد .. فتح بااب الحمام وانصعق .. ورجع سكره .. هذا مو حلم يالغبي .... ياويلي الحين شسوي ؟؟ رجع ودخل الديوانيه ... خالد : مداك غسلت بسم الله ؟ عزوز : هاا .. لا بس خالد لو تقدر يعني بس .. اروح حمامك لان الماي هنيي حار ومااقدر اغسل فيه خالد : ايي افا عليك .. من عيوني .. بس اشوفلك طريج طلع خالد واتجهه عزوز للحمام بسرعه ومعاه اللحاف .. ومن ورى الباب .. عزيز : احم .. شيخه .. هذا اللحاف بخليه عند الباب طلعي لان خالد طلع يسويلي درب .. وراح الديوانيه متوتر وخايف .. لف صوب الدريشه وعطى ظهره لباب الحمام .. داخل الحمام .. اول مرة شيخه كانت تحس بالخوف جذي ومن غير ماتفكر بشي فتحت الباب وخذت اللحاف وتغطت فيه زيين وطيرااااااان عالمطبخ لان اقرب مكان تقدر تروحله وتظمن ما تشوف فيه خالد . ومن سمعت حس باب الدبيوانيه يتسكر ركضت على طوول غرفتها وقفلت الباب واركضت على سريرها وهي للحينها بلحاف عزوز .. دقايق مرت وهي ميته خوف .. تتوقع باي لحظة يدش عليها خلود ويزفها .. عقب افتحت علبه حليب متعودة تحطها يم سريرها وحاولت تشرب شوي شوي تخفف التوتر والرعشه اللي فيها وهي تقرب اللحاف من رقبتها يحسسسها بالدفا شوي ولا شعوريا شمت ريحه عزوز باللحاف .. دومه يتغطى فيه ومايرضى يتغطى بغيره من يومنه صغير .. حتى اللنجوم اللي عليه رايح لونها .. ماادري ليش يحبه .. اوووف عزوز .. عزوز .. كل المصايب تيني من تحت راسك .. الله ياخذك ونقزت شيوخ على صوت دق الباب منيرة : شيخوووه .. ماخلصتي ؟ شيخه سكتت وبسرعه قامت بخوف وفرت الحاف تحت السرير وعقب قالت : دقايق واطلع الطرف الثاني اول ماطلعت شيخووه من الديوانيه عزوز قط روحه على الكنبه وهو يتنهد .. الحمدلله انه ماصار شي .. اتخيل لو خلود شافها شبيسوي فيها وفيني .. لا اهيا مالها ذنب المسكينه .. وللحظة تذكر شلون اهيا كانت قريبه منه حيل وصوتها قريب من اذنه .. حس برعشه بجسمه كله ماعرف ليش .. ياربي هالبنت خبلت فيني .. اقوم اسبح احسن يمكن تطير هالافكار المينونه من راسي شوي ولا خالد داش .. بسم الله هذ وينه ؟ وراح للحمام يدق عليه : عزززوز .. انتا هني ؟ عزوز : هاا .. ايه خلص برد الماي شوي .. سوري سوينالك مشووار خالد : مالت عليك زيين .. يله لا تطول عزوز : اوكيييييييييك ربع ساعه وعزوز سبح وبدل وصلى المغرب عقب دش مع خلود الصاله يسلمون على ام خالد خالد بصوت عالي من على الدري : منووور .. نادي امي عزيز بيسلم عليها ولا تنزلون انتي وشيخه دقايق ولا ام خالد نازله وهي ترحب وتهلل بعزوز ام خالد : هلا يماا عزيز شلونك شخبارك ياوليدي ؟ عزوز بابتسامه جنان قرب وباس راسها لانها مثل امه : بخير عساج بخير فديتج انتي شلونج يما شخبارج ؟ ام خالد : انا بخير .. وينك جذي من اشوفك الا كل يومين او ثلاثه .. تعال يماا البيت بيتك وانا مثل امك عزوز اللي يناديها يماا لانها فعلا مثل امه : تسلمين يما .. وانا ترى دايما هني بس اكون بالديوانيه وخالد مايقصر خالد : لاتخافين عليه مظبط عمر هذا ام خالد : ويه . .اسم الله على وليدي .. هذا بيته وهو يدري ودايم احن عليه ينقل اغراضه ويسكن هني احسن من بيت ابوه ماادري شنو مستفيدين منه خالد يشوف أمه بنظره يعني مو وقته هالحجي بس عزوز كمل بابتسامه عزوز : هذا ابوي يما .. وبعد مااقدر اهده بروحه .. وانتي فيج الخير والبركه كفايه هالازعاج عليج .. وبعدين وهو يطالع خلود ويضحك مو كافي هم واحد على قلبج .. هالدور تبين هميين .. ههههه خالد يطق عزوز بجتفه : انتا بروحك هم وانا مبتلش فيك اسكت بس ام خالد : هههههه بعد قلبي والله .. كلكم عيالي بس عاد عزوز ولد الغاليه امينه الله يرحمها ويغمد روحها الينه خالد : شتقصدين يماا .. انا مو ولدج يعني .. بعد كل هالسنين يطلع هذا ولدج وانا وين رحت مابي مابي وقعد يسوي روحه يبجي وام خالد تضحك على خباله عزوز : وانتا شحارك .. ياربي على الغيرة .. يما زوجيه وفكينا منه خل يخلالنا الجو خالد : دا بعدك ياحبيبي .. قاعد على قلبك ماكو فجه عزوز وهو يحوس بوزه : اوووووف ام خالد : هههه وانتو دووم جذي نجره .. اقول خلود يما .. ترى البنات يبون يروحون دبي جم يوم .. ماقالك ابوك ؟ خالد : لا والله ماقالي .. متى ؟ ام خالد : يعني عالاسبوع الياي عزوز قلبه يطق مايدري ليش ..وتم ساكت من طرى اسم البناات .. خالد : ومنو يروح دبي بهالحر . . اساسا انا عندي دوام ومااقدر اخذ اجازة الحين ام خالد : شدعوه .. ماتقدر كلش .. تعال انتا وعزوز والله تستانسون خالد : مااقدر يماا .. وبعدين هذيلي بناتج دلوعات . . مابقى شي عالدوامات خليهم يجابلون دراستهم ام خالد : أي والله صدقت انا قلت جذي .. بس اكسروا خاطري خالد : اليوم بوديهم السنما بعد شيبون .. ام خالد : والله ماادري عنهم انتوا معاهم تنيازون .. شوفوا شبتسون وخبروني .. عزيز يما بقوم اسويلك جاي عزوز : لا يما والله ماتقومين .. خلج مستانسين بسوالفج .. وبعدين انا ماشي الحين عندي شغل ام خالد : ويين يماا . .قاعد .. اشربلك استكانه جاي عالاقل ويدش بوخالد ويسلم : السلام عليكم ورحمة الله وبركاته الشباب : وعليكم السلام ورحمه الله قام عزيز وسلم على بوخالد : شلونك عمي عساك طيب ابو خالد : هلا هلا يبا عزيز .. شلونك شخبارك ؟ .. ابوك شلونه ؟ عزوز : بخير الله يسلمك .. يسلم عليك والله بوخالد : الله يسلمه .. اقعد ياوليدي .. شفيك واقف ؟ عزوز : لا بمشي ولله وراي شغل خالد : زين امش اوصلك لين السيارة علما ينزلون البنات ابوخالد : وين بيروحون البنات ؟ خالد : واعدهم بطلعه سينما يبا وبوديهم ابوخالد : هاا .. زين انتا وياهم لاتخليهم هاا ؟ خالد : اكيد يبا يله تبي شي ؟ ابو خالد : سلامتك الله وياك ~~~~~~~~~~~~~~~ |
رد: رواية ناكر المعروف ,, مابيّن بعينك .. رواية روعه حياكم ..
طلعوا الشباب وحرك عزوز سيارته وراح يشوف الرنج اليديد
ونزلوا البنات وراحوا مع خلود ومها السنما .. رغم ان خالد عصب عليهم ليش ماقالوله من قبل بس بعدين رضى ونزلوا سلموا على خالتهم وراحوا وكان الفلم حلوو . والكل طلع متأثر الا خلوود طبعا بسيارة خالد البي ام خلود وهو يضحك : بس بس ترى الفلم خلص .. للحين تبجون ؟ شيخه ماسكه الكلينكس وتمش دموعها : وين نلاقي مثل شاروخ وفي !! منيرة : شفتيه يوم مات عند باب بيتها .. صج موقف يبجي اهي اهي شيخه : ايييييي .. خلاص انا بتزوج هندي احسن لي خلود : هههه مالت عليج كفوج عاد .. يسوالج والله كومار سايقنا شيخه وهي ترز ويهها بين منيرة وخلود يداام وتطقه على جتفه : هذا اللي ناقص بس خلوود وهو يشغل الرادوا وطلع برنامج عالمرينا حلو قعدوا يسمعون وكلشوي يعلق عليهم ويطنز على اشكالهم وهما يبجون وقبل لايوصولون البيت بشوي رن تلفون خلوود ..شاف المتصل اسما حطه صامت منيرة : اقول خلوود .. ماتدري متى بنسافر دبي ؟ خلوود : أي تعالوا صج .. شسالفه دبي بعد .. اكو احد يروح بهالحر ؟ شيخه : اوووف .. بدينا عاد .. شوف اذا ماتبي تيي لاتخرب علينا وتسويلنا سوالف بالغصب ابوي وامي رضوا خلود : صج انتي مو ويه نعمه .. الحين يقول مسكينه محبوسه بين اربع اطوف .. وبعدين تعالي وراج تسجيل بالجامعه ولا نسيتي ؟ شيخه : ادري ادري .. مظبطه كلشي انا .. التسجيل بيبدا يوم الاربعا .. يمدينا نروح اربعه تيام ونييي خلوود : يالخبله خلي السفرة بعطله الربيع تقعدون اكثر والجو حلو وفيه مهرجان .. ونقدر انا وعزوز نروح بعد شيخه : ايييييييييييييييه قوووووول جذي .. السالفه فيها عزوز .. لاتيون مو لازم .. خلوود لاتخرب علينا منيرة: والله صاج خلود .. شرايج شيخوووه .. والله السفررة تصير احلى .. الحين ماراح نستانس شيخه وهي تناقز ورى : مابي مابي .. ابي اسااااافر خلوود يضحك : ههههههههههههه ايي بعد بعد ناقزي خل يضحكون علينا العالم يقولون شاذيه اشوه انه سيارتي مغيمه منيرة تلتفت ورى : شفييج ؟ ههههههه شيخه بتبجي : يانحسكم .. وعقبها اسكتت .. تفكر بكلام خلود .. اهوا صاج جذي مراح نسافر .. بس عاد شيخه شلون تكسر كلامها.. ماتقدر تسافر يعني تسافر .. وصلوا البيت ولقوا ام خالد قاعده تقسم الرطب اللي يايبه ابو خالد من المزرعه وتوزعه على اهلها وجيرانها خالد : السلام عليكم ام خالد : وعليكم السلام .. هلا يما ييتوا ؟ شيخه : ايييي فديتج يينا .. ممم الله رطب من المزرعه ؟ ام خالد : اييه .. خذي يماا غسليلكم شوي .. منوور اخذي اللي بالصينيه ووزعيهم بعلب لان عقب باجر بنروح بيت خالتج ناديه وبوديه معاي منيرة فصخت عباتها وشيلتها وقربت يم امها : ان شالله مامي وشيوخ غسلت الرطب ويابته يم امها وخلوود وقعدوا ياكلون ام خالد : ها شتفقتوا عليه ؟ شيوخ برطمت : بنسافر يماا .. الله يخليج خلود : يالهبله .. ترى انتي الخسرانه منيرة : والله .. شيووخه انا مقتنعه .. وبعدين يمكن حصوه وريلها ييون معانا .. ونقول حق خالتي ناديه بعد .. شيخه من اسمعت اسم خالتها ناديه فز قلبها .. وقتها يكون ناصر خلص دراسه ويي معانا .. : زين خلاص .. بس مو تكشتون فيني ؟ ام خالد : شنو ماتبون تسافرون ؟ خلود : قاعد اقولهم اجلوا السفرة حق عطله الربيع . نقعد اكثر والجو يكون حلو ام خالد : والله كلامك عدل .. خلاص على شوركم شيخه للحينها حازة بخاطرها تكنسل السفرة .. بس يلله كلشي يهون عشانك ياناصر .. قربت من امها : يماا زين خلنا نروح البحر عيل ؟ ام خالد : خلاص اقول لخالتج يوم الخميس ونحدد لنا يوم .. بعد تامرين الشيخه شيخه ابتسمت شيووخ بونااااسه وباست امها على خدها وهي تقول : يعلني ماانحرم من هالويه .. محد يدللني كثرج ياحبي لج ولزقت شيخوو اكثر على امها وتحضنها من ورى وام خالد تقسم الرطب ام خالد : ههههه زيين .. قومي عني خليني اخلص شغلي شيخه وهي ترص اكثر : مابي مابي خلوود : وخري .. وخري هذي امي انا .. ام خالد مو ام شيخه شيخه وهي تدز اخوها بعيد بس ماتقدر عليه : اووووف .. انتا عندك عزووز .. هوا بابا وهو ماما وهوا كل حاااااااااجه الكل ضحك على شيووخ .. قالتها بالمصري بطريقه خبله ... ام خالد : فجووا عني انتوا الاثنين .. منورة .. قومي نكمل شغل بالمطبخ احسن منيرة : هههههههههه يله يله في بيت عماد ابو شهد شهد : يبا .. بغيت منك طلب عماد : هلا يبا امري شهد : ابييي .. مم .. بطاقه تلفون يديده عماد : وشفيها بطاقتج ؟ شهد : اا .. ضاعت .. ماادري وين عماد : هاا .. زين تبيني اطلعلج بدل فاقد !! شهد بنفعال وبسرعه : لاا .. اقصد ودي اغير رقمي بعد عماد : زين يبا خلص اليوم ايبلج بطاقه يديده .. بعد امريني شهد بابتسامه : تسلم يبا مايامر عليك عدوا وقامت من مكانها رايحه غرفتها عماد : وين يبا !! قعدي معانا شوي شهد وهي مالها نفس بشي : لا يباا .. معليه بروح انام شوي وطلعت من غير لاتسمع رااي احد . .شفيني انا . .شقاعد يصير فيني !! الحين ليش بغير بطاقتي والكل يعرف رقمي من رفيجاتي .. وليش ابي اقطع علاقتي بغانم مع اني كنت ميته عليه .. !! وليش نظرة صلاح ماتفارقني ..!! ياربي شنو هالحاله .. قامت تبي تفتح تلفونها .. بس شي منعها .. خليه مغلق احسن راحت صوب المنظرة اللي بغرفتها وشافت روحها .. ليش احتقرني .. ليش شافني بهالنظرة .. ويهي مو قبيح .. كل الشباب يتمون نظرة مني .. ليش حتى ماالتفت لي يوم كنت ببيتهم .. خنقتها العبرة .. شهد اول مرة تفكر بهالطريقه .. غطت ويهها بيدينها وقعدت تبجي بألم .. مابيه يشوفني جذي .. مااااااابي .. سمعت طق على باب غرفتها قامت بكسل تبي تفتح الباب .. وعيونها محمرة من كثر البجي شهد : هلا يماا ام شهد : وييه .. ياويل حالي .. ليش تبجين يما شفيج ؟ شهد : مافيني شي يماا .. ام شهد : امبلا فيج .. انتي من يومين مو طبيعه لاتاكلين معانا ولا تكلمين احد .. شفيج يماا قوليلي احد مضايقج شهد لا شعوريا تذكرت غانم .. شلون يه يم بيتهم ومااهتم لسمعتها .. ماهتم الا بوناسته .. تتخيل لو شافه ابوها او امها بعد هالثقه اللي عطوها ياها .. شبيسون فيني .. انا مااستاهل .كل اللي يسونه حقي .. شهد انفجرت تبجي بحضن امها وهي ماتدري ليش .. محد قالها شي .. محد مس شعره منها .. مافي شي .. غيرنظرة صلاح اللي ذبحتها .. ذبحتها من البجي ام شهد : لاا البنت مو طبيعيه .. بسم الله الرحمن الرحيم قوليلي يماا شفيج لاتخليني جذي احاتيج ! شهد هدت شوي وابتعدت عن امها .. : يما بنام شوي خليني بروحي ام شهد : خلص نامي وارتاحي .. وانا بسويلج ليمون يهدي روحج .. طلعت ام شهد من الغرفه .. وحطت شهد راسها على المخده ونااااامت على طول من التعب .. وجنها مانامت اسبوع يوم الخميس حصه : يلاااااا شتسووون ؟ شيوووووووخ ترى بنمشي ؟ شيخه من وهي تنزل من الدري مستعيله : بسم الله زيين ماادري وين شحاطتي السودا !! شفتيها حصه وهي تكتم الضحكه : احم .. انا لابستها شيخه وهي تنافخ : الحين صارلي ساعه ادورها تطلعين انتي لابستها حصه : هههه والله تلوق علي اكثر منج شيخوو .. شوفي انتي الفوشيا تلقو عليج شيخه : اووووف . .. مابي حصه وهي تمسك ايدين سلوم ولدها وتنحاش : لبسي مريوم جوتيها وتعالي كلنا ننطرج بالسيارة شيخه : حصوووووووووووووووووووه طلعت حصه وهي تضحك .. وشيووخ تتوعد فيها هييين ياحصووص .. ولبست الفوشيا وشالت مريوم وطيران بره لانهم تأخروا ومها عيزت وهي تدق عليها في بيت ناديه اخت ام خالد الكل كانت متيمع .. بيت بوخالد .. ام خالد وشيخه ومنيرة و حصه وصلاح وخالد وبيت الخالة العوده فاطمة وولدها الكبير جاسم ومرته ابتسام وبناتها رقيه وسميه وعيالهم .. وبيت ناديه خالتهم ومهاوي وخواتها بدريه ونورة وعيالهم وطبعا .. نااصر البنات كانوا قاعدين بالصاله الصغييرة يدام صاله الحريم .. اما الرياييل فكانوا بالديوانيه مها وهي تسلم على شيووخ : انتوا وينكم .. كلهذا طرييج !! شيخه : علما لبسنا وجهزنا .. ويت حصوه ويينا كلنا .. شلونج ؟ مها : احم .. انا !! شيخه تطقها على جتفها : جـــب مها : هههههههه فاهمتج زيين انا .. بخير تراهم .. ويسألون شيخه بقلبها بغت تمووت .. ياحبي لك يانصووور .. اتخيل بعد كل هالسنين شلون صرت .. اكيد احلى بواايد مها : شيخوووه هههههه شيخه نقزت على صوت مها : هااا مها : وين رحتي ؟ شيخه : كااني بعد وين ..!! مها : زيين تعالي نقعد مع الحريم راحوا الثنتين وقعدوا مع الحريم وسوالف وجاي وقهوة وحلو .. كان وناسه صج بس شيخه كان قلبها هنااك .. بالدويانيه .. شكلي اليوم مراح اشوفه .. مالت على حظي تعشى الجميع .. وعقب العشا .. دخل ناصر يسلم على خالاته وبنات خالاته مها : شيووخ .. لبسي حجابج ترى ناصر بيدش شيخه قلبها قام يدق : زين ولبسوا الحريم .. ودخل ناصر .. ياحلات ناصر بالدشداشه والغترة ناصر طويل وعريض اشقر .. وعنده شوارب بس .. كان شكله بالدشداشه يــــــــنن خلا شيخه تذوووب بمكانها ناصر : السلام عليكم .. شلونج خالتي فاطمه قرب وباس راسها وهو يبتسم لها خاله فاطمه : بخيير فديت هالطول انا . . شلونك يما شخبارك ؟؟ ناصر : انا بخير دامني اشوف هالويه .. والتفت لام خالد ناصر : خالتي شلونج .. ولهنا علييج والله ام خالد : يابعد قلبي .. شلونك انتا .. تعال يماا اقرب ماكو احد غريب كلهم اهلك اقترب ناصر وقعد يم خالته ام خالد .. وعقب التفت بسرعه لكل البنات واسلم خطااافي ام خالد : هاا يما متى بتخرج ان شالله .. ماعفت امريكا ؟ ناصر : قريب خالتي .. كلها شهر بس وبتمليين مني قالها وهو يضحك ام خالد : فديتك ماينمل منك .. ناصر : شلون عمي بوخالد .. ماشفناه ؟ ام خالد : ماقدر يي بس ان شالله بسير عليكم .. قريب ناصر : لا انا بمره ان شالله باجر واسلم عليه .. وعقب التفت للبنات اللي قاعدين وسأل عن احوالهم وقام وشيوووخ عينها عليه .. حده معطيها طااف ولا اسئل حتى .. ناصر قام يبي يمشي نادته مها مها : نصووور .. ناصر التفت لها : هلا واتسعت ابتسامته : هلا ببنت الخاله .. شيخه شلونج ؟ شيخه وعيونها متحطمه فيه : احم . انا بخير انتا شلونك ناصر ؟ ناصر بصوت واطي : ولهنا عليج .. شخبار الدراسه ؟ شيخه ماسمعت غير .. ولهنا علييج .. ياويل حالي قالي ولهنا عليج .. وين اروح انا .. ناصر وللحينه مبتسم : همم .. شيوخ ؟ شيخه : اا . انا .. خلصت ثنويه .. السنه اليايه ان شالله بكون بالجامعه ناصر : والله .. !! ماشالله ووين ناويه تدشين ؟ شيخه : ماادري .. انتا شرايك ؟ ناصر : هههههههههههههه شيخه وهي تطالعه وتبتسم .. يعلني ماانحرم من هالضحكه فديييييتهااا ناصر : انصحج .. حقووق هههههههه شيخه اختفت الابتسامه من ويهاا :.فهمت قصدك انا .. مالت على هالويه والتفتت تبي تقوم بس ناداها ناصر : هههه تعالي تعالي . اضحك معاج شيوووخ شيخه بقلبها .. خلاص طاح الحطب من سمعت اسمي على لسانك وابتسمت ورجعت قعدت ناصر قرب شوي منها وهو للحين يضحك .. ويكلم منيرة : شلونج منورة شخبارج ؟ منيرة : بخير الحمدلله .. وانتا شلون الدراسه ناصر : كلوو تمام والله .. يله انا ماشي الديوانيه .. وسلم على الجميع من بعيد ودخل الديوانيه شيخه كانت بعالم ثاني .. ياويلي .. قالي ولهت علييج .. صج وله علي ؟؟!! أأخخ يانصور .. متى تحس بس الساعه 12 ونص بليل الكل رجع البيت شيخه غيرت ملابسها وراحت المبطخ تصب لها كوب حليب عقب اصعدت غرفتها وقفلت الباب وانسدحت على الفرااش وبيدها حليبها تشرب منه وهي تذكر نصوور .. فديته متوله علي .. حتى انا متوله عليه فتحت درجها وطلعت دفتر صغير متعودة تكتب فيه كل شي يمر بخاطرها اكتبت التاريخ واليوم وعقب اكتبت احبـــــــــــــك ورجعت الدفتر مكانه وقامت من مكانها تطالع القمر اليوم .. كان مكتمل وهي تذكر يوم ناصر كاني هني قبل مايسافر شكثر كان يقعد معاهم وييهم ويسولف معاها .. نقزت على دق البااب خلوود : شيوووووخ .. انتي قاعده ؟ شييخه : اييييييه شتبي ؟ خلوود : فجي الباب شوي شيخه : لحظة راحت صوب الباب وفتحته : هاا ؟ خلوود : اقولج ماشفتي لحاف عزوز .. بونجوم وينه ؟ شيخه بلعت ريجها .. شقول الحين .. : هاا . ماادري ليش وينه ؟ خلوود : ماادري عيزت وانا ادوره عاد هذا ماينام الا فيه شيخه : خلاص روح انتا وانا ادوره خلوود : زيين .. لما تلقينه يبيه احنا بالديوانيه .. بس طقي الباب وروحي شيخه وهي سرحانه : هاا .. زين سكرت الباب وتنهدت وتسندت عليه عقب راحت تحت السرير وطلعت اللحاف ورتبته .. ماتدري ليش قربته منها .. احساس غريب ياها صوب هاللحاف . . بس وقفت بسرعه وطلت من غرفتها وراحت من صوب غرفه الغسيل وعطرته عشان مايشكون انه مغسول واتجهت للدوانيه طقت الباب خالد : لحظة قرب وفتح الباب : اوو وين لقيتيه ؟ شيخه : كان بغرفه الغسيل الخدامه مغسلته خالد : غريبه رحت انا ومالقيته وهو يكلم عزوز : لقيناااه بس بس لاتبجي ههههه خلود : يبيييه عطيني دخل وسكر الباب وهي ضحكت ماتدري ليش .. الله لايبلينا بس وسعدت غرفتها كملت حليبها وراحت عند منيرة بغرفتها قعدوا يسولفون شوي عزوز هالليه ماقدر ينام ماسك اللحاف ومتغطي فيه وكلشي يشوف الساعه .. تم الين الفير مو يايله نوم سمع كل كلمه قالتها شيخه وهي عند الباب .. كان قلبه يطق بقووووة .. هالبنت شقاعده تسوي فيني .. بسرعه فز من مكانه ودش الحمام توضا وصلى ركعتين .. عقبها رجع تلحف بلحافه وقعد على الكنبه فتح التلفزيون وقعد يطالع برنامج ثقافي وهو سرحااااااان .. يفكر باشيا وايده .. شيخه وابوه وحياته خذا بوكه وافتحه .. كان في صورة مصورها اهوا وخلوود يوم كانوا صغاار مع بعض قعد يتألمها وهو يضحك على اشكالهم .. انا بيتي هني .. وهذيله اهلي .. ماعندي غيرهم في الدنيا سكر بوكه وحط راسه على المخده وطرد صورة شيخه من باله .. لازم مايخون رفيجه حتى بمجرد انه يفكر فيها تلحف بلحافه وهو يبووووسه ويشمه وناااام ~~~~~~~~~~~~~~~~~ توقعاتكم ؟؟ رايكم يهمني ؟؟ اتمنى لكم قراءه ممتعه لكم خالص تحيااتي :) |
رد: رواية ناكر المعروف ,, مابيّن بعينك .. رواية روعه حياكم ..
ماراح اتوقع يمكن مايكون
توقعي بمكانه خل كلشي بوقت احلى ... ومازالنا نتابع ومتشوقين للأحداث ... عوااافي سكون الصمت اوفى التحايا فارسوه.. |
رد: رواية ناكر المعروف ,, مابيّن بعينك .. رواية روعه حياكم ..
اقتباس:
بالعكس اذا توقعت يكون افضل ,, واشكر لك متابعتك ,, الجزء الثالث بعد جم يوم سجلت مها بمعهد التجاري اما شيخه فسجلت رغباتها بالجامعه وحطت اول رغبه لها علوم اداريه وهي متاكده انهم راح يقبلونها لان نسبتها حلوة بالثنوي بعد اسبوع تقريبا الكل اتفق على طلعه البحر اللي بتكون باجر الاربعا والخالات الثالثه بيون مع عيالهم وبيطلعون حزة العصاري وبردون بلييل بعد العشا وكانوا حاجزين لهم يخت يطلعون فيه يميع وهو كبير فيه صاله كبيرة وصالة ثانيه ومطبخ صغير مع حمام .. كان روعه صج .. وكان لواحد من ربع عزوز مارضى بالاول ياخذ منه فلوس بس عزوز اصر .. يوم الثلثاء بليل الكل مرتبش ويجهز حق الطلعه باجر .. دقت مهااوي على شيووخ مها : شوفي انا باخذ معاي سوالف من مركز سلطان شبس وبيبسي وكاكاو وحلاوة وشغلات خفيفه .. شيخه : وانا بييب معاي الحلو والكيك والقهوة .. اقولج احم .. منو بييي ؟ مها : كلنا ان شالله .. حتى نااااااصر وقالتها بصوت عاااالي شيخه : ههههههههههههه .. زيييين يلا قلبي ويهج مها : ماتبين تعرفين شي زياده شيخه فز قلبها : شنو ؟ مها : ماني قايله شيخه : اووو مهااوي قولي عن المصاخه مها : ممم .. ترى اهوا قالي اوصلج شي شيخه ويهاا صبغ الوان : شنو هالشي قولي دخيلج ؟ مها : يقولج ... اختي تحبج وااااايد يالهبله شيخه سكتت شوي عقب صرخت : يالمااااااااااااااااااااااااااااااصخه .. باي مها كانت تضحك ويوم سكرت بويهها شيووخ ضحكت اكثر .. وهي عارفه بقرارة نفسها انه شيوخه تحب نااصر وتمووت فيه .. بس ماتدري عن ناصر .. مرات تحسه يحبها ومراات تحسه يعاملها عادي .. نصور طول عمره غامض .. يله كلشي يبين اول مايتخرج ويقيم بالكويت .. نفس اليوم بالليل شيووخه من وناااستها كانت مقررة انها تسوي العشا اليوم .. قامت كتبت المنيوو او قائمه الطعام مثل مايقولون وحطت يم كل طبخه سعر رمزي ولبست مريول الطبخ وطقت الباب على منيرة اول شي منيرة وهي تتحجى بالتلفون مع رفيجتها : منوو ؟ شيخه : احم .. هوووم ديليفرييي مطعم الشيووخ منيرة تضحك : ههههه .لحظة شوي وهي تكلم رفيجتها بالتلفون : اقولج خلاص سجلي هالمادة معاج شنسوي ماكو غيرها .. يلا انا اكلمج شوي بيباي منيرة قامت وافتحت الباب وضحكت من قلببببببببببب منيرة : ههههههههههههه .. شمسويه بروحج شيخه : بلييييز ذس از اور منيووو .. ولزقت الورقه على الباب اختاري اللي تبينه .. وترى كلشي بحسابه ومشت منيرة تضحك .. الحمدلله والشكر .. يله خنشوف مم يله نختار وجبه الشيوخ الله يستر شتطلع عااد شيوخ في طريجها لغرفه صلاح طقت الباب وحطتله الورقه وعقب غرفه امها وغرفه خلود بعد خمس دقايق راحت تاخذ الطلبات لقت منورة مختارها وجبه الشيووخ .. اووف يالبخل ارخص وجبه عااد ليشش .. مم يله اشوف صلاح ممم كاتبلها عن الخبااااال .. بس يله ماني رادج مع اني متعشي بس ابي محبوووس ديااي مع دقوس صبار ... والله حمااار انا مو كاتبه هالاكله بالمنيوو .. خل يولي حاله حال منوور ويوم راحت لغرفه خلوود لقته حاط .. صحنين معكرونه بالباشاميل حقي وحق عزوز .. وحاطلها العنوان .. بيتنا الكائن بالدوانيه وترى مراح ننسى البقشيش .. ههههااااااااي فيها بقشيش بعد .. راحت لغرفه امها مالقت شي على الورقه .. شكلها امها مو هني .. طقت الباب محد رد .. اكييد طالعه ولا رايحه الجمعيه حق عزيمة باجر نزلت المطبخ وسوت كل الطلبات وعقب حطتهم بالصينيه وشالتهم على جتفها جنها كرسووون .. ومتمرس بعد حلات هالجيينز اللي لابسته بعد وربطه صلووح مالت المدرسه وصت طلبااات صلوح ومنوورة .. طبعا صلاح ماعاطاها شي خذا الاكل وقفل باب غرفته وهي ترفس الباب عشان يفتح ومارد عليها بالاخير سبته كالعاده ومشت صوب الديوانيه وهي نازله الدري كان خلووود دااش خلوود : بسم الله توني اقول هذي وينها .. حشى غووزي مو باشميل شيووخ وهي ماده ايدها : اول الحسااب حبيبي وفوقه البقيييش .. وعقب خذ عشاكم خلوود : ههههه زين هااج مدت ايدها شيووخ وفقدت توازنها وطاحت اهيا والصينيه من الدري خلوود : ههههههههههههههههههههههههههههههههههههههههه بس مو قادر ايييي بطني ههههههههههههههههههههههههههه شيخووو تبجي : يحماااار لاتضحك تعال شيل الصينيه ترى مااقدر احرك ريولي خلوود وهو يضحك : لحظة لحظة .. بصورج تكفييييين هههههههههههههه شيووخه : يالخااااااااااااااااااااااايس يت منيرة وصلووح على صوت شيخوه وهي تصارخ منيرة : شفيكــــ ــ وماكملت كلمتها شافت شيخووه طايحه ضحكت لان شكلها كان صج يضحك وهي مبرطمه يت صوبها : قومييي ههههه شلون طحتي ؟ شيخه : كله من هالدب اخوج صلاح : ههههههههههههههههههههااااي .. قلعتج .. ردي فلوسنا يلله ولا ارفع شكوى عليج مو خوش مطعم شيخه : انتا جب خلوود : للحين يضحك وقعد عالدري وهو يضحك : ههههههههه طافكم طافكم والله ... يزاتج تبين بقشيش هاا شيخه تطالع منوور : امبيييييي .. طاحت الصينيه على زوليه امي الحرير .. بتذبحني منيرة تقرب : اشوووف ..!! وييييه .. تعالي تنمسح ماعليج .. روحي يبي صابون وماي وديتول .. وانا بمسحها قامت شيخوه وخالد للحينه يضحك وصلوح اكثر وهي تسب فيهم .. صج مو ويه واحد يرزهم .. انا استاهل والله حاولوا يمشونها بس ماراحت والبقعه صار لونها برتقاااالي من الزيت وزاادت بعد شيخه خلاص بتبجي .. تدري شكثر هالزوليه غاليه على امها : ياويييييلييي .. ماراحت ؟ منيرة بيأس : ممم روحي قولي حق خلود ييب القطعه اللي بالديوانيه . .الصغيرة خلينا نحطها فوقها قبل ماتشوفها امي شيخه ركضت صوب الديوانيه وطقت الباب خالد : هههه اهلا اهلا .. مانبي ناكل هونا خلاص شيخه : جب ويا ويهك .. ييب الزوليه اللي عند الباب نبي نغطي البقعه قبل لاتشوفها امي خالد : لحظة ... راح ويابها وعطاها شيوخ .. وسكر الباب وهو للحين يضحك عزوز : بسك عااااد .. خلاص خالد ناسي روحه : هههههه ماقدر ماقدر .. أأاخ شكلها يضحك عزوز ابتسم وبقلبه يقوول .. طاااااااااافني .. شكله كان مشهد محصلش خالد قرب وقعد يم عزوز يصبله جاي : اقوول عزوز .. مم ترى انا بخاطري اييب شي حق امي وخواتي بما انه احنا تونا نشتغل يعني .. تقدر تقول حلاوة الشغل عزوز سرح شوي بعييد .. كان يلعب بالاستكانه اللي يدامه وهو يفكر .. لو كانت امي عايشه جان يبتلها اغلى شي بالدنيا .. فرحتها وونستها .. حتى ابوي لو كان بوعيه ومايشرب جان ماقصرت وياه .. بس شنو الفايدة .. مايدري عن الدنيا ولا يدري عني حتى اذا اشتغل ولا لا .. حظي بالدنيا جذي .. شسوي خلوود : الووووو ... وين سرحت اكلم منو ؟ عزوز : هاا .. كاني .. ولا شي خلوود حز بخاطره وحس انه مالازم يقول هالكلام يدام عزوز .. اكيد انا ذكرته بامه من غير لاادري .. خلود : عزوز .. اسف والله ماكان قصــ ــ عزوز يقاطعه : لا تقول جذي .. بالعكس امك هي امي .. وخواتك تراهم اهلي .. ماحب يقول خواتك خواتي .. حس انها ثقيله الصراحه .. مايدري ليش خلوود يبتسم : زيين شنو تقترح علي ؟ عزوز : ممم والله ماادري خذ لامك شي معتبر ولخواتك شغلات بسيطه يعني .. خلوود :مم بروح السوق باجر الصبح وبشووف عزوز : زيين نزل معاشك بالاول ؟ خلوود : اييه نزل وصارله يوميين .. وانتا ؟ عزوز : ماادري ماجيكت والله .. بس اكييد نازل دامه نزل لك انتا بعد خلوود : زين اقوول .. حطلنا هالفلم ترى للحين مانعرض بالسنما يقولون عجييب خذته من جسووم امس عزوز : اوكييييييي وصلت ام خالد وشافت الزوليه اللي مكانها غلط .. ويوم قربت وشالتها شافت البقعه وعرفت السالفه ونزفت شيوووووخ زف ... وطبعا اصعدت غرفتها مبجر اليوم مع كوب حليبها .. لان كلما قعدت مع امها زفتها .. حطت الكوب على الكميدينا .. وتلحفت بلحافها وهي مبرطمه .. والله ماكان قصدي ليش امي تزفني جذي .. كل ماسويت شي ينقلب ضدي .. طلعت دفتر مذكراتها وكتبت في تاريخ اليوم محد يحبني بهالبيت .. الكل يزفني ويحط اللوم علي .. ماكان قصدي اخيس الزوليه يعني .. ليش امي تزفني جذي .. اليوم تعيس رغم اني كنت اشوفه حلوو .. حطت راسها على المخده وغطت بنوووووووووووم عميييق اليوم الثاني الساعه 2 الكل كان مرتبش ومتزهب .. ام خالد تطلع دلال الجاي والقهوة والحلو والاغراض اللي بيحتاجونها اليوم منيرة تغير لمريوم وسلوم عيال حصه وشيخه تساعد امها وهي للحين زعلانه عليها وحصه تحط ملابس السباحه لريلها وعيالها يمكن ينزلون البحر شوي قبل مايركبون اليخت ام خالد بالمطبخ وشيخه يمها شيخه بدلع : يمااااا ام خالد : ........ شيخه : يماا والله طحت انا مو قصدي اوصخها وحضنت امها من ورى وهي تبجي .. كلشي ولا امي .. الناس كلها تزعل علي ولا تزعل امي .. شيخه : بنظفها يماا والله ضحكت ام خالد : فديتج خلاص يما بوديها المصبغه وبينظفونها خلاص لاتبجين ماصار شي .. بس يووزي من هالشطانه صرتي مرة مو ياهل انتي شيخه تمش دموعها : هممم .. زيين عطيني عنج انا بحط الدلال بالسله ام خالد تبتسم وتناولها وهي بقلبها تدعي ربها يحفظها : خذي يماا حطيهم وقعدوا يتساعدون بالمطبخ عقب دشت مينرة تساعدهم وبعد دقايق دش خالد من الباب الخارجي للمطبخ ومخبي ايدينه ورى خلوود : احم احم السلام عليكم ام خالد : هلا يما وعليكم السلام .. اقرب فديتك خلوود : يما عزوز يبي يسلم عليج ام خالد : خله يدش بعد قلبي ليش مخليه واقف مو غريب اهو خلوود : شيوووخ ومنوورة طلعواا ام خالد : خلهم يساعدوني .. لابسين شايلهم ترى !! خلوود : زييين وينادي عزوز اللي دخل وبعد هو كان بيده جيسين عزوز : السلام عليكم ام خالد : وعليكم السلام هلا يماا اقرب شيخه وهي تعدل شيلتها وردت السلام بصوت واطي اهي ومنيرة ام خالد : يماا شيخه صبي جاي حق عزيز وخالد اخوج شيخه رفعت عيونها شوي وهي للحين طاااخه .. اللي يشوفها الحين مايصدق اهي شيخه امس طايحه من الدري عزوز لا شعوريا تذكر شعرها لونه كستنائي لين نص ظهرها يت بباله ذكرى يوم كانوا صغار .. كانت ام خالد تدهن شعر البنات وقالت لخلوود ييب لهم الزيت اللي بالمطبخ وطبعا اهما حطوا دهن القااري مال خلوود بالطاسه بدال الزيت وتدهنوا البنات عقب درت ام خااااالد وزفتهم زفف يومها البنات كلهم كانوا يبجون الا شيخوووو .. كانت تلحقهم تبي تغرق شعرهم بالزييت وماارتاحت لما انتقمت ذاك اليوم كاانو نايمين بالديوانيه ويابت فازليين وغرقت شعرهم اللي تم اسبوع مايطير عن شعرهم ... مجرمه هالبنت من يومها عزوز يبتسم من هالذكرى وتم ساااكت مو عادته شيخه تساسر منيرة بشويش : اقولج انا بطلع .. احس المكان صار ظيج منور طقها على ايدها بخفه وهي تضحك خالد حس بارتباك عزززوز وبادر اهوا : احم يماا الصراحه لو اقدملج أي شي مايي ربع قدرج فحبيت اشتريلج هالخاتم بما اني توني مستلم شغلي .. ام خالد دمعت عيونها يوم خالد باس راسها : يعلني افداك يااربيي .. انا مابي منكم شي يماا كفايه انكم مرتاحين هذا عندي بالدنيا عزوز : اسمحيلي يماا .. ادري لو اقدمج نجوم السما بعد مااردلج هالجميل .. هههه مااعرف اصف حجي ترى بس يمكن هالهديه تعبر .. وكان عزوز يايب لام خالد قلادة ذهب مكتوب عليها اسمها رضيه بطريقه حلوووة كان مسويها من قبل لايقترح خلوود هالاقتراح لكن مو عارف متى يهديها حقها ام خالد بجت .. يمكن تذكرت امينه رفيجة عمرها : يماا انتا وليدي بعد .. ومابيك تعبل على عمرك هذا واايد والله عزوز : ترى مانسينا العم بوخالد .. وهذي شي بسيط له وان شالله يعجبه خلوود يطالعه منبهر : هيييييي متى شريت كل هذا ... والله انك خااين عزوز : ههههههه .. شنو يعني مثل ماهي امك .. امي ترى منيرة تشوف كل هذا ومنبهرة .. ابستمت من داخل عزوزالتفت لمنيرة : هذا بعد شي بسيط لج ولشيخه وحصه .. وسامحونا على القصور منيرة ابستمت : تسلم عزيز .. ليش متعب روحك عزوز : شدعوه .. لا تعب ولا شي .. انتوا بعد خواتي منيرة تطالع خلوود وجنها تقوله تعللم عقب رد عليها خلوود : ادري .. ادري لاتخزيين مانسيتكم بس الوالده اول منيرة : ههههه .. ادري .. تكلم امها : يماا انا بشوف مريوم لبست ولا لا وطلعت من الطمبخ وطيراااااان الصاله منيرة : حصووووووووووه .. شيوووووخ تعاااالوا حصه : هاا . .شفيييج .. ؟ منيرة : شوفوا عزوز .. يايب لنا هدايا بمناسبة دوامه .. حتى خلود بس ماعطانياهم الحين يقول بعدين شيووخ مااهتمت وقعدت تصبغ اظافرها وهي تشوفهم من بعييد حصه خمطت الجيس من منيرة : يبي انا بشوف اول جيس باسم منيرة .. منوور .. قلاده ذهب حلوة على ورد .. منيرة : اشوووف وريني .. الله تهبل حصه : ووهذي باسمي .. شوفوا نفس قلادتج بس فيها وردتين .. حلوين والله شيخه وعينها على الجياس .. انا وين جيسي .. شنو فيه !! حصه : جيسج شيووخ وافتحت حصه الجيس .. وسكتت شوي عقب ضحكتتتتتتت من قلللللللللللب حصه : هههههههههههههههههههههههههههههههه منيرة : بسم الله شفيج .. شنو في الجيس ؟ شيخه قربت ذبحها الفضول .. ليش تضحك حصووه .. شنو فيه الجيس عااد : ليش تضحكين ورييني ؟ حصه بعدت ايدها فووق وهي للحين تضحك : مااقدر ههههههههههههههههه شيخه بصرااااخ : وريـــــــــــــــــــــني !! حصه : منووور .. تعالي شوفي .. الصراحه قويه عاد شيووخ من يقدر عليهااا .. يرت الجيس بقووة من حصه وشاااااافت صورتها اهي وعزوووز يوم كانوا صغار .. اهيا كانت ماسكه شعره وهو دايس على ريولها وهي تبجي واهوا يصارخ الصورة صج صج .. كانت تضحك .. منيرة غشت من الضحك اما شيخه كااااانت مفولة وفرت الجيس على الارض بغضب شيخه : سخييييييييييييف منيرة : لحظة لحظة .. ترى علبه بجيسج .. نطري وشيخه ككااانت مثل البركان الثاير .. ماتشوف غير سخافته .. هذا منو عباله روحه .. واحد سخييف .. شيفكني من طنازة حصوة ومنوور منيرة منبهرة : شيووخ .. شوفي قلادة باسمج .. وقامت وقفت : شمعنى يعني انتي غييرر!! شيخه قامت وشقت الصورة بقهر والبنات يضحكون شيخه : مااااافي شي يضحك ترى ... مالت عليكم منيرة : تعالي قلاتدج ..!! ماتبينها ؟ شيخه بقهر : اخذيها حقج وطلعت غرفتها مقهورة .. حصه : ههههههه بس حلوة الصورة .. من وين يايبها منيرة : شكله خلوود مايدري عنها .. والله جان تطنز على شيخووه لما يقول بس حصه : حراام بس شكلها شيووخ انحرجت منيرة : ماعليج منها شوي وتطخ حصه : زين قومي خلينا نتشكره .. يحليله .. وين اهما بالمطبخ ؟ منيرة : اعتقد دخلوا البنات وتشكروا عزيز بكلمات بسيطه عقب ادخلوا البيت ويمعوا اغراضهم لان خلاص لازم يمشون الحين خلوود يطق هررن : يماااا يله ترى بنتأخر ؟ ام خالد من دريشه المبطخ : حطيت كل الاغراض بالسيارة ؟ خلووود : ايييييه .. كلشي .. صلووح وينه ؟ ام خالد : راح مع السايق ييب خالتك فاطمه ويوديها بيت خالتك ناديه لان بناتها مايقدرون يوون خالد : يعني ماننطره ؟ ام خالد : لا بيينا هنااك خالد : اوكيييي ... يلاااااااا ام خالد : زين انتا اخذ البنات وانا وابوك بني وراكم عقب خلوود .: اووو وينهم بناتج سااعه علما يطلعون ؟ ام خالد : دقايق يما اناديهم شوي ولا سلطان وابوخالد وعزوز رادين من المسيد ابو خالد : صليت يبا ؟ خلوود : ايه صليت بالبيت .. يبا .. هذيلي ماخلصوا .. كلها جم ساعه وبنرد بيخمون البيت كله !! ابو خالد : ههه ها ماخلصوا ؟ سلطان : حصه تقول انهم خالصين ابو خالد : بجم سيارة بتطلعون ؟ خالد : سيارتي وسيارتك يبا سلطان : انا اقول اخذ انا عمي وعمتي وحصه بالسيارة والاغراض وانتا اخذ البنات معاك ابو خالد : أي والله خوش شور .. يله نادهم من داخل خلوود اللي شاف الحريم طالعين : كاهم وصلوا .. عزوز انتا بتركب معاي اوكيه عزوز بصوت واطي : خواتك وياك .. فشله !! خلوود : احسن ماتيي بسيارتك .. ماله داعي عزوز سكت .. راقتله الفكرة .. يله نشوف شيوخ الخبله .. ان شالله ماعصبت من الصورة ههههههه تحسفت اني عطيتها ياها . . محافظ عليها كل هالسنين .. بس يله خل تتذكر اجرامها الطفولي شويه ههههاي ركبت ام خالد وابو خالد مع سلطان وحصه وسلوووم قعد يبجي يبي ابوه بالاخير ركب معاهم اما مريوم ومنيرة ركبوا مع خلوود .. وعزوز طبعا قاعد يدام .. وشيخه وقفه عند باب السيارة ماتبي تدش منورة تكلمها بصوت واطي وتأشر لها : دشــــــــــــــــي !! شيخه بعصبيه : مابي .. بروح مع امي وابوي منورة : ماعندهم مكان بالسيارة كلها اغراض شفيج شيخه منقهرة .. هذا شكو قاعد ويا ويهه .. ليش مايروح بسيارته !! : اوووووف خلووود : شفييييكم ؟ منورة : ولا شي .. وتير شيخه داخل ويقعدون ثنتيناتهم بالسيت اللي ورى مريووم : خالتي شيخه شوفي عروستي ؟ شيخه من غير نفس : .. الله حلوة مريوووم بضيق : ماشفتيها !! شيخه .. مو ناقصتج انتي الثانيه : شفتها حلوة مريوووووم : خالي خالد .. شيخووووه مو حلوة شيخه شهقت .. شيخوووه بعد .. اصغر عياالج انا .. هيين : مريوووم!! عزوز ابتسم .. شكلها معصبه ومفووووله .. هههههه بعد شنو هذي الحقيقه المرة ياشيوووخ ولا نسيتي ماضيج الاسود ووتاريخج الحافل بالجرايم خلوود : هههههههههههههه مريووم عيب شيخه بنرفزة .. هذا اللي قدرت عليه .. يضحك وعقب يقول عييب منيرة : تعالي مريومه قعدي على ريوولي .. وريني لعبتج رن تلفون خالد .. شاف المتصل اسما ماقدر يمسك روحه ورد على التلفون خالد : الو اسما : هلا خالد خالد : هلا والله بوبدر .. شلونك ؟ اسما : عندك احد ؟ خالد : أي والله رايح مع الاهل مشوار اسما : ممم زيين عيل كلمني اول ماتوصل البيت ابيك ضوروري خالد : خلاص صار ولد عمي اسما : يله بيباي خالد مستغرب من اسلوبها : باي الله وياك اهم شي سمعت حسها .. فدييييتج عزوووز : منو بوبدر ؟ اعرفه ؟ خالد ارتبك لان اغلب ربعه يعرفهم عزوز : هاا لا .. واحد من اهل جسووم كان يبيني بشغله عزوز اللي مو مصدق السالفه : اها من ورى السييت مريوووم اللي شافت الدكان نقزت : خالي خااالد ابي عصيييير خلووود : الحين نوصل وامج تعطييج مريوووم تناقز : ابييييي الله يخليك خلوود :اووف زين لاتحنبين ووقف عند الدكان ونادى البياع خلوود : مم يبيلنا عصير كي دي دي مانجا واحد ووعصير الواحه وجلكسي ولف على منيرة : شنو تبين ؟ منيرة : مم بيبسي والتفت لشيخه .. وانتي ؟ شيخه ماانتبهت كانت سرحااانه وتطالع الدريشه خلوود : احسن ومنووورة تدزها وتكلمها بشويش : هيييي خلوود يكلمج شنو تبين من البقاله ؟ ونفس الوقت كان يسأل عزوز واثنينهم قالواا : كاكاو بــــــــــــو نجوووووووم منيرة ضحكت .. وشيووخ لاعت جبدها وسوت حركه بويهاا يبين انها منأرفه عقب قال عزوز : هههه خلاص هوناا مانبي خلووود : ههههه نييب اثنين لاحد يتهاوش شيخه .. منو قصدك .. اكيييد انا يعني ..اوووووف ياكل مثلي بعد . متى نوووصل !! |
رد: رواية ناكر المعروف ,, مابيّن بعينك .. رواية روعه حياكم ..
بعد نص ساعه وصل الجميع المكان المقرر انهم يلتقون فيه ام خالد وعيالها وام ناصر وبناتها والخاله العودة فاطمة بس بروحها لان بناتها مايقدرون يوون مع رياايلهم وولدها عنده شغل فيت مع اختها ناديه اول ماتلاقوا نزلوا البنات مع بعض والرياييل راحوا بعيد شوي يشوفون اليخت اذا زاهب ولا لا .. مها : اهلييييييييييييين .. شلونكم ؟؟ شفتوا الجو حلو اليوم حق البحر منيرة : واااااو البحر الصراحه يشوق .. شكلي بسبح انا شيخه : تصدقيين حتى انا .. عجيييب مها : شيووخ تعالي شسويتي على تسجيلج ؟ شيخه : ماادري .. ماردولي خبر للحين هاليومين يبين مها : تعااالوا يلله ينادونا .. راحوا الحريم كلهم واركبوا اليخت .. كان فعلا عجيييب ورااقي .. واول شي البنات ركضوا يحجزون لهم الصاله اللي بيتمون فيها مها : شيووووخ هذي احلى تعاالي شيخه : لا هذيج فيها بليااردو .. ونااسه نبي نلعب منيرة : ماراح يخلونكم .. اكيد الرياييل بياخذونها ام ناصر تناديهم : يابنات تعااالوا ... هذي الصاله حق الرياييل مها : هههههههه .. شفتي !! شيخه حاست بوزها : اوووف منيرة : حصوووه وينها ؟ شيخه : مع الحرييييم ... زين امشو نحط اغراضنا ونفصخ عبيينا وعقب نطلع بره مهاا : اوكييييييي قطوا البنات عبيهم وساعدوا الحريم بترتيب الاغراض وخذت لها كل وحده عصير وطلعوا فووق حصه : منووور .. خذوا مريوووم والبنات الصغار معاكم فوق .. بس حطوا بالكم عليهم منيرة : زييييييين طلعوا البناات فووق .. وتموا الحريم بالصاله قاعدين وسوالف وضحك ووناسه وقفوا على حافه اليخت .. كان الجو رووووعه والمنظر جنااان .. صج البحر يخلي الواحد يحلق في عالم ثاني .. عالم الاحلام مثل مايقولون .. صلووح : مساء الفل ياقطاقييط مها : اهلييييييين صلاح شلونك ؟ صلاح : هلا مهاا .. بخير شلونج انتي ؟ عسى ريا وسكينه مايننوج منيرة تضحك شيخه : ريا وسكينه بعيينك .. صلاح : بل بل بل .. كليتيني .. الله يعين اللي بياخذج على هاللسان مها تطالع شيخه بنظرة .. وشيخه تبتسم صلاح : مسكين والله .. امه داعيه عليه شيخه عصبت :صلوووح وويعه مينرة وهي تدز صلا ح بعييد من ورى ظهره : هههههه مو وقت هواش انتوا .. روح صلاح من بعييد : ههههههههه رايح خلاص مها تساسر شيخه : يا بخته !! شيخه تضحك : مهاااوي ترى يمدحون البحر اليوم .. تبين تجربين مهاا : لا دخيلج .. منيرة وهي يايه : شيووخ صج ماقلت لج شصار ذاك اليوم شيخه : شنو ؟ منيرة :تذكرين يوم يت شهد عندنا ؟ صلووح شافها طالعه من بيتنا .. وسوالي سالفه يقول مابي اشوفكم تكلمونها او تحتكون وياها مها : شهد يارتكم ؟ منيرة تهز راسها بايجاب : اييه شيخه وهي مبطله عيونها : ليييش !! منيرة : ماادري تصدقين .. انا نفسي استغربت شيخه بغت تتحجى وتقول اكييد شايف عليها شي .. بس عقبها اسكتت بعد مالازم نتحجى عن اعراض الناس : برايه .. احسن منيرة تطقها : عيييييييييب مها : عاد شهد حبوبه ماشالله . . منيرة : ماعلينا .. اقوول .. انتوا وراكم دوام بعد شهر .. ماتبون تشترون وتجهزون !! شيخه : ايييييييي والله قلتيها .. مهاااوي متى فاضيه ؟ مها : ممم هالاسبوع ماعندي شي .. شوفوا اليوم اللي يناسبكم .. وقولولي منيرة تشوف مريوم بنت حصه تبجي وراحت لها : مريوووووم شفيييج وبس ابتعدت منيرة شوي التفتت شيخه لمها : اقوووول .. اللي داخل الصاله متى بيردون امريكا ؟ مها : هههههههههههه .. يقولون يوم الاحد الياي ان شالله شيخه برطمت .. اهي حتى ماقعدت معاه ولا سولفت مثل اول .. مافي وقت كلش يلتقون فيه : بسرعه!! مها : قلتلج اهي شهر وعقب بتمليين منه هههههه شيخه تضحك وتدزها : امل من ويهج يالدبه مها : شيوووخ .. ممم تحبين ناصر ؟ شيخه حمر ويهاا .. ماعرفت شتقول .. اهي صج تحبه ولا لا .. : ........ مها : لاتقوليلي مستحيه .. ترى مااصدق ههههه شيخه وهي تدزها بعدييد : روووووووحي دااخل لحقي منيرة .. مامنج فايده مها : هههههههههه اضحك معااج شيخه : ادري .. زين قلبي ويهج مها : اوكيييه .. تعالي مو تتأخرين شيخه : يصير خير عمتي مها تروح وهي تضحك .. وصدت شيخه للبحر .. ودها لو تعرف حقيقه مشاعرها لناصر .. هي تحبه ولا لا .. ماتنكر ان قلبها يدق يوم تشوفه .. او يسولف معاها .. بس ماتدري اذا وصلت فيها للحب ولا لا .. ووعت على طقه على جتفها بخفه .. ارتعشت ولفت بسرعه ... وانقلبت ملامح ويهها وبااااااااانت الابتسامه اللي تذووب شيخه : نااااصر ..!! ناصر وهو يوقف يمها : ههه شفيج .. خرعتج !! شيخه تهز راسها بالنفي : لا .. بس كنت سرحاانه ناصر : احم فيني اكيييد شيخه .. شدراك .. !! وفي غيرك يالغبي : ههههه وايد واثق ناصر : شيووخ شيخه .. عيون شيووخ واهلها وطوايف بيتهم : هلا ناصر : تعرفين .. شلون نقدر نواجهه اهلنا بامر احنا مخبينه عنهم .. شبخه بدا قلبها يدق : مافهمت ! ناصر : شيووخ انتي اقرب وحده لي .. مااعرف يمكن منج استمد القوة ..وابتسم شييييخه ذااابت وكمل : صحيح احنا دايم نجرة وضحك .. وماتتوقعين بيوم تسمعين مني هالكلام .. بس انا محتار شيخه بابتسامه : بشنو ناصر ؟ ناصر : في موضوع من زماان بقلبي وودي اقوله .. بس خايف من المواجهه شيخه وهي فهمت عليه وحست ويهاا اشارة حمرا : هالموضوع عيب ولا حراام لاسمح الله ؟ ناصر : لا .. ابد شيخه عيل لاتخاف من شي .. الانسان يعيش مرة واحد بحياته ناصر . ولازم يعيشها مثل ماهو يبي ويتخذ القرار الصح .. دام الشي اللي بقلبك مو عيب ولا حراام .. عيل لاتحتار ناصر : يعني برايج ... اقول !! شيخه .. قول قول .. وانا انطرك تقوول : اكييد ناصر يناظرها وعيونه تلمع عقب قال : مادريت انج مثقفه وتقطين حكم ويا هالويه شيخه : ههههههههههههه .. اصدق روحي انا بعدين .. وابلشكم ناصر : ههههه .. زيين انا بدش داخل .. وبسج من الوقفه ترى بتحوشج ظربه شمس منو يعابل فييج !! شيخه .. خايف علي بعد .. لا اليوم بيصير فيني شي . .. شوي شوي علي ناصر : هههه زيين دخل ناصر داخل وشيخه الدنيا مو شايلتها من الونااسه .. ياربي كلهذا ياناصر بقلبك وانا ماادري .. ليش مخبيه وخايف ليييش ... وتنهدت بحب .. عقب صدت لورى تبي تدش داخل ولا تشووف عززوز واقف بعييد من فوق ويشوفها بنظرة مافهمتها عقب صد عيونه ناحيه البحر . . هذا شفيه بعد .. ليش يطالعني جذي .. شيخه ماقدرت تحط عيونها بعيونه ..ماتدري ليش تحس وجنه كهربا تسري فيها لما يشوفها جذي صدت منه وراحت داخل مع الحريم يكملون القعده مها من بعييد تشوف شيخه وتسوي لها مكان : شيووخ تعالي فريقنا قاعدين نلعب ترى شيخه بوادي ثاااااني .. يت وقعدت بهدووء مو بالعاده كانت يعالم ناصر وكلام ناصر .. ياحبي لك ياناااصر الطرف الثاني عزوز كان للحينه على وقفته ويطالع البحر .. وايد اشيا ملحبطه بمخه .. شنو بينها وبين ناصر !! .. وليش مستانسه جذي بشوفته .. وانا ليش متنرفز .. اهوا ولد خالتها اكييد بتسولف معاه وتقعد وتضحك .. لا بس وقفتها كانت غير .. ويها كان مرتااح .. خلوود : عزوووز .. عززوز .. شفيك !! عزوز : ها .. لا مافيني شي .. خلوود : سرحاان بمنو هاا ؟؟ قول قول يله عزوز .. انا نفسي ماادري سرحان بمنو .. قال وهو يطنز عليه : حبيييبتي خلووود وقف بعيييد وحط ايده على خصره : خنتني يالخاااااين .. وين العشره وين العيش والملح والخبز والجبن ..!! وين الحب ياآآآآسي !!! عزوز ماقدر يسكت : ههههههههههههههههههههههه ؟؟ الله ياخذك خلوود : صج صج عزوز .. بسألك سؤال !! عزوز : قول خلوود : مم ماعمرك حبيت !! وجنه السؤال يه بوقت كان نفسه عزوز مو عارف يجاوب عليه ..عمره ماهزته بنت .. ولا تتحركت مشاعره صوب احد .. لأا شيووخ .. أشوفها احس جسمي كله يتخربط ليييش ماادري .. يمكن لانها تذكرني بطفولتي .. او يمكن لان تعجبني شطانتها .. او ماادري خلوود قرب وحط ايده على جبهة عزوز عقب قال : لاااااه دنتا حالتك ماتسرش !! عزوز : هههه شتبيي توصله ويا ويهك ؟ خلوود : سؤال وجاوبني عليه ! عزوز : لا خلوود بعيون حالمه : يعني ماتعرف شلون الحب !! عزوز : أي داااه ياواد ... دنتا شكلك طحت ومحدش سم علييك .. شسالفه خلود : ههههههههههه تبي الصج اييه عزوز طلعت عيونه : احـــــــــلف !! خلود : والله عزوز : منو ؟ خلووود وهو يأشر بيدينه : مااقول عزوز : اعرفها ؟ خلوود : لا عزوز شاف خلوود بنظره عقب قال : بو بدر !!! خلود طلعت عيووونه وفج حلجه وتم مبحلق : ....... عزوز : هههههه شفيك !! خلوود : انا خابر شيخوه ساحره بهالبيت .. طلعتوا اثنين عزوز .. لاتييب طاري شيووخ ترى اتلخبط .. كافي وقفتها مع نصوور ودي اذبحها : شعبالك .. مايطوف علينا شي احنا السحرة .. خلوود سكت والتفت صوب البحر : بخطبها اول ماتخلص دراستها عزوز : خلوود .. انتا من صجك ؟ خلوود بجديه : اقص علييك انا !! عزوز : لا مو قصدي .. بس من وين عرفتها خلوود : شفتها وو كلمتها بالتلفون عزوز : يعني رقمتها !! خلود بسرعه مايبي يطول بهالموضوع : ايه .. المهم انا احبها عزوز : وعادي تتزوج وحده انتا مرقمها .. تظمن انها ماخذت ارقام من غيرك !! خلود : عزوز .. لاتخليني اندم اني قلتلك عزوز : شوف خالد .. انا اعرفقك ريال وقد قرارك .. وانتا ابخص بحياتك بعد .. بس قبل لاتسوي شي فكر بعقلك قبل قلبك .. ولا تتسرع بشي خلوود مااعجبه الكلام .. اهوا مايدري شنو اللي بيني وبين اسما .. الحب اللي بينا كبير .. صج الي مايحب ماحس باللي يحبون خلود : زيين يله امش ندخل عند الرياييل عزوز : يله الساعه 6 بدت الدنيا تظلم .. وقرر الكل يرد .. القعده كانت حلوة والجو صار احلى بعد هالحزة لكن ماحبوا يتأخرون زيادة رجع الجميع وطبعا من البحر والحوسه والحر الكل تسبح وتعشى وناام الا شيخه كانت تشرب حليبها ومتلحفه زييين وتبتسم .. تذكر ك لكلمه قالها لها ناصر اليوم .. شلون كان يشوفها وعيونه فيها كلااام واايد .. ولا شعوريا تذكرت نظرة عزوز لها .. عيونه فيها شي مخبى ولمعه غريبه .. جنه بتدمع ههه ذكرني بعيون شااروخ .. نفس النظرة الحين انا شلي بعزوز .. وشكو بنظراته .. خله يطالع مثل مايبي . . المهم نااصر .. ناااااصر وبس طلعت دفترها المعهوود وبتاريخ اليوم كتبت يرتجف إحساس قلبي يوم أشوفك .........وأنـتـظـر لـحظه..وأستسلم وأروح وأتـخيّل نظـرتـك وإحساس خـوفـك .......نـظـره الـولـهـان .. والـنـظـره جروح تعال خذني .. خبني بطيه كفوفك ........تستريح العين .. وهمومـي تـروح في حنايا الجوف..منقوشه وصوفك .....وفي حنايا القلب ..رسمك لي يلوح /////////////////////// أتمنى لكم قراءه ممتعه ,, لكم خالص تحياتي :) |
رد: رواية ناكر المعروف ,, مابيّن بعينك .. رواية روعه حياكم ..
بكل صراحة :
الرواية رائعة بكل ما تحمله الكلمة من معنى و لكن أتمنى أن تقصر من الجزء قليلاً و آسف عـ الإطالة |
رد: رواية ناكر المعروف ,, مابيّن بعينك .. رواية روعه حياكم ..
مازالنا نتابع اوفى التحايا فارس |
رد: رواية ناكر المعروف ,, مابيّن بعينك .. رواية روعه حياكم ..
اقتباس:
اشكرك اخي عاشق كاكا على المرور والمتابعه الطيّبه ,, اتمنى متابعتك الدائمه للروايه والحمدلله انها نالت على اعجابك وهذه الاجزاء لست انا من كتبها انما هي منقوله ,, ولكن هذا كبر الاجزاء لم انقص شيئا عليهم ولم ازيد يعطيك ربي الف عافيه تحياتي :) |
رد: رواية ناكر المعروف ,, مابيّن بعينك .. رواية روعه حياكم ..
مشكورة قصة حلوة مـــــــــره
الله يعطيك العافية تحيــ ورود الامل ـا تــــي |
رد: رواية ناكر المعروف ,, مابيّن بعينك .. رواية روعه حياكم ..
اقتباس:
اشكر لك متابعتك اخي ’’ انتظرني في الجزء الرابع عن قريب عوافي يارب :) |
رد: رواية ناكر المعروف ,, مابيّن بعينك .. رواية روعه حياكم ..
اقتباس:
مرورك الاحلى خيتو ورود الله يعافيك يارب اشكر لك مرورك واتمنى ان اراكِ من المتابعين لكِ ودّي :) |
رد: رواية ناكر المعروف ,, مابيّن بعينك .. رواية روعه حياكم ..
شكرا لك سكون الصمت سلمتي على هذه القصة الرائعة والجميلة والمجهود المبدع منك.
وفي إنتظار ما تبقى من هذه القصة الجميلة. |
رد: رواية ناكر المعروف ,, مابيّن بعينك .. رواية روعه حياكم ..
اقتباس:
العفو ولو ما سوينا غير الواجب ,, الله يسلمك ومشكور وماتقصر على المرور ,, اتمنى ان اراك من المتابعين دوماً ’’ لك شكري ,, الجزء الرابع حسيت بالحر .. منو طفى السنترال !!! يالله .. غفت عيني دقايق وصحييت على صرااخ سلووم بغرفتي خلاني اقووم مخترعه شيخه : بسم الله .. شصاير !! لقيت حصه قاعده على كرسي المستواليت وسلوم يصرخ على مريوم ماخذه كاكاوه قمت متنرفزة وكشتي حايسه : شنو هالازعاج من صباح الله خير .. يااختي مااعنج احساس ؟ حصه : قووووومي .. بسج نووم .. ماتشبعييين !! طالعت صوب الدريشه لقيت للحين السما منورة .. يريت تلفوني شفت الساعه كانت 3 العصر يووو طافتني صلاة الظهر .. قمت متعيزة عدلت فراشي ولميت شعري ورحت صوب الحمام حصه : شيوووخ .. متى شريتي هالكحل عجيييب .. اسود شحلاته شيخه : ........ حصه : هههههه مسطله انتي شنو ؟ شيخه للحينها دايخه .. كثر ماانام مااشبع : هاا .. ابسألج يعني مافيه غرفه بهالبيت تطلعين فيها مواهب عيالج الا هني حصه : شسوي . عيزنا ونقعد فيج .. ماكو غير هالطريقه احم احم .. غسلي وتعالي في لج مفاجأة شيخه .. مالها خلق تسأل .. دخلت الحمام وتغسلت وتوضت طلعت مالقت احد بغرفتها .. الحمدلله والشكر .. اشك انها وعيالها مسكونين هذيل صليت الظهر والعصر مع بعض .. عقب غيرت بجامتي ولبست دراعه وانا طالعه من غرفتي انتبهت لشي محطوط بجس على المستواليت مالي قربت لقيتها هديه ومكتوب عالكرت (( الساحرة شيخه .. هدية متواضعه من عمج خالد .. )) ضحكت .. مع انها ماتحب احد يناديها ساحره .. بس ظحكت عالاسلوب .. خلوود هذا مايكبر خذت الجيس وفتحت الهديه لقيتها ساعه حلوة من swach .. شيخه من يومها ماتلبس ساعه بيدينها مب متعودة .. بس يله مدام انها من خلوود خلنا نلبسها عشانه لبست الساعه وطلعت من غرفتها متجهه لغرفه خلوود دخلت ومالقت احد . نزلت تحت لقت الكل متيمع وانتبهت لحصه تقولها ان سلطان هني صعدت شيخه ولبست شيلتها السودا وعقب انزلت وسلمت وقعدت يم منيرة شيخه : خلوود وين ؟ منيرة : ممم طلع من ساعه .. شنو يايبلج وريني ؟ شيخه تبتسم : ساعه .. شوفيها وطلعها شوي توريها لمنيرة شيخه : وانتي ؟ منيرة : مجموعه عطوور من guss شيخه : شهالكرم اللي نازل عليه ؟ منيرة : حرااام عليج .. ههه بس تلقينه استحى من عزوز شيخه : الظاهر جذي منيرة : اقولج . ترى مابقى عالدوامات شي .. شرايج نروح السوق اليوم ؟ شيخه : ايييييييه يله .. بس منو يودينا عاد ؟؟ منيرة : مم نقول حق امي شيخه : اوو تعرفين امي ماتحب روحات السوق تمل .. وبعدين احنا بنروح مجمعات امي ماترتاح جذي منيرة : مم شرايج نقول لحصه ؟ شيخه : فكرة .. خلص كلميها .. وانا بكلم مهااوي بشوفه اذا في احد ييبها بيتنا ونروح يميع منيرة : حلو .. شلون نقول لحصه .. استحي فشله سلطان قاعد شيخه تفكر عقب قالت : دزيلها مسج ؟ منيرة تطقها على جتفها بشويش : على هالنوم المفروض تكونين مسطله شيخه : ههههه .. اعجبج مو هينه انا قاموا واكتبوا مسج من تلفون منيرة حق حصه اللي كانت قاعده يم ريلها بالكنبات المقابله لهم وصلاح يم امه وابوه حصه وصلها المسج ويوم افتحته ضحكت شيخه تساسر منور : اووووف اختج فضيحه حصه بصوت عالي : هههه يماا بناتج بيروحون السوق سلطان استأذن : يلا انا رايح عمي وعمتي تبون شي !! ابو خالد : قاعد يبا وين بتروح ؟ ام خالد : اقعد فديتك تو النالس سلطان : عندي جم شغله اخلصها وعقب برد .. والتفت لحصه : تبين شي حبيبتي ؟ حصه : لا سلامتك الله وياك شيخه وهي تأشر حق حصو من بعييد : هييين .. مو ويه اسرار انتي ام خالد : وين بتروحون يما شيخه ؟ شيخه : احم يما نبي نروح السوق يعني مابقى شي عالدوامات وانا ماجهزت حق الجامعه ام خالد : خلود وينه ؟ منيرة : خلوود رايح مع عزوز وربعه طلعه البحر .. يقول ماخذينا راحتنا معاكم بوخالد يكلم صلاح : قوم يبا صلاح ود خواتك السوق صلاح : يباااا دخيلك هذيل بناتك يلوعون الجبد بالسوق .. وانا مافيني صبر منيرة : حصووووه ودينا انتي !! حصه : ودي والله .. بس مريوم وسلوم منو بيشوفهم !! شيخه بنظرة : شنو قصدج .. فاهمتج انا !! ماييوووووووووون معانا حصه : هههههههههه .. زين عيل شوفو احد يوديكم شيخه : بدق على مها الحين ووبنشوف يمكن في احد يوديها نروح معاها صعدت شيخه فوق وخذت تلفونها ودقت على مها مها : هلااااايمااااا عمرج سلحافة شيخه : اسم الله على عمري .. عسى بالخير بس ... مع انه ويهج مايبشر بالخير مها : جب هههه شيخه : هههه نبي نروح السوق شرايج ؟ مها : حتى انا بروح بعد .. انتوا منو بيوديكم ؟ شيخه : حاليا .. ماكو احد راضي يودينا .. دقيت عليج اشوف مع منو بتروحين ! مها : ممم خل اشووووف ناااااااااااصر وقالتها وهي ترص على حروف اسمه وتضحك شيخه وقلبها بغى يوقف : هاا .. مم فشله مها : لحظة .. شيوخ وتكلم ناصر : بسم الله انتا من وين طلعتلي !! ناصر : اذوني ونت .. حسيت في احد قاعد يحش فيني .. وماشكيت الا فيج مها : هههههههه حرام عليك ناصر : شنو قاعده تسولفين عني عند رفيجتج ؟ مها بنص عين : هذي ... شيووخ ناصر : والله !! عطيني ناصر : الو .. قوة شيخه شيخه اللي كانت تسمع كلشي وقلبها يدق .. يااحلات حسك يانصووور !! شيخه : الو هلا ناصر ناصر :همم شعندكم تحشون فيني !!! شيخه : هاا .. لا بس نبي نروح السوق وقاعدين ندور احد يودينا ناصر : يه .. الشيوخ يبون يروحون السوق .. من عيوني مها : اوووف يييب التلفون هيييي ناصر يضحك : مهاا خلص انا بوديكم .. نص ساعه الكل يكون زاهب وطلع ومشى عنهم الطرفين ساكتين وفجأة طلعت ضحكه من مها مها : ههههههههههههههههههههههههههههههههاااااي شيخه وهي تنهد : الله ياخذج قولي امين مها : بس بس الله يخليج .. ياويلي لو عندي منظرة واشوف ويهج شلون صااار شيخه : سكتي مهاااوي ترى مالي خلق ملاقتج مها : ههه زين قومي لبسي يله .. شيخه : زيييين يله باي مها : باي سكرت شيخه من مها وللحينها ماسكه التلفون بيدينها .. مستانسه ان ناصر رضى يوديهم بس عشانها ياحبي لك يانصور .. شلون بروح معاه السوق والله قلبي بيوقف من الوناسه شوي ولا تدش عليها منيرة منيرة : شيووخ شصار ؟ نقزت شيخه مخترعه : بسم الله خرعتيني منيرة : ههه سرحانه بمنوا اعترفي شيخه وهي تتنهد : محد منيرة وهي ترفع بيدينها قلاده عزوز وتحطها يدام ويه شيخه : اكيييييد بصديق الطفوله هههههههههههههههه شيخه فجأة اعتفس ويهاا : وييييييييييييييع ... اقول خربتي مزاجي ولوعتي جبدي رجاءا هالانسان خلقه مااحبه منيرة : مو لازم تحبينه .. بس خذي قلادتج حرام الريال متعبل ويايبها لج شيخه : اوووف مو وقتج انتي يله لبسي بنروح مع مها منيرة : منو بيوديها ؟ شيخه : ناصر منيرة : نعم !! شيخه : شفيج ؟ منيرة : امي رضت ؟ شيخه : ماقلتلها بس اكيد بترضى .. عادي يعني منيرة : ماادري انا الصراحه استحي من الريال شيخه تشوفها بنص عين : شقصدج انا اللي مااستحي يعني منيرة : ههههههههههه ياربي من هالبنت بس تبي تهاوش .. مو قصدي جذي يعني بس من زمان ماطلعنا مع ناصر .. احس غير الحين عن اول شيخه ماتبي منيرة تخرب عليها : منوور عادي ناصر مو اول مرة نطلع معاه الله يخليج منيرة : وانتي شفيج متحمسه جذي ؟ شيخه ارتبكت : هاا .. عادي .. بس ابي اروووووح السوق منيرة : انا مالي شغل قولي حق امي واذا رضت عقبها يصير خير شيخه ... من عيوووووووووني طلعت منيرة من عندها وحطت قلادة عزوز على الكوميدينا .. لاحقتها عيون شيخه اللي خذت القلادة وحطتها بصندوق اكسسواراتها بعد ماتأملتها شوي .. تذكرت يوم كانوا صغار .. بيوم العيد كانت اهيا باولى متوسط وخالد وعزوز كانوا باولى ثانوي وطبعا هالعيد عياديها كانت وايد امها زادتها دينارين وخالاتها عطوها على 3دنانير والفرحه موشايلتها .. وبمعزل عن الحريم كانت قاعده تعد فلوسها اللي طمعوا فيها خالد وعزوز قربوا منها خالد : شيووخ .. الله شكثر حصلتي ؟؟ شيخه وتخش فلوسها : مالك شغل عزوز : شيخه .. عندي فكرة شرايج نستثمرهم لج انا وخلود شيخه ببلاهه : شنو يعني تستثمرهم ؟ عزوز : يعني نسويهم وااايد شيخه : شلون ؟ عزوز وهو يحط ايده بمخباته : سر المهنه ياماما .. عطينا ياهم وماعليج شيخه سكتت وعقب قالت : مابي انتوا تجذبون علي خلود : افااا شيووخ انا اخوج اجذب عليج .!! وبعدين كل خواتي استثمرنا فلوسهم عزوز : يله شيخه !! لاتحتارين بتصيرين غنيه شيخه والطمع لعب فيها : انزين بس ابيهم اليوم تثتسرمونهم عزوز : ههههههههههههههه قصدج نستثمرهم خلود : اييييي اليوم افاا عليج .. يله عزوز خل نشوف شغلنا خذوا الفلوس وطبعا راحوا فيها السينما وشروا وجبات وكلوا وخلصوا وعقب ردوا البيت وكانت شيخه تنطرهم عند الباب وبيدها جيس لانها بتفكيرها بتصير غنيه والفلوس مابتكفي جنطتها الصغيره عزوز : اووو شيخه هذي !! تعال ننخش بتفضحنا خلود : امش عادي انا عندي خطه ويو صوبها .. شيخه : يله عطوني فلوسي خلود : شيخه احنا حطيناهم بالبنك الحين بيصيرون وايد لازم ننطر لين باجر بس هني شيخو ماسكتت حست انها انطعنت من الظهر وقصوا عليها .. وبدأت بمسلسل بكائي محصلش ماخلت احد ماسمعته صوتها الحلو وهي تبجي والاهم السلطات العليا .. بوخالد وام خالد اللي زفوا الشباب وخذوا عياديهم وعطوها لشيخه وتموا حاقدين عليها مايكلمونها يومين .. وبفلوسهم شرت قلاده حلوة للحين محتفظة فيها تمت شيخه تشوف قلادة عزوز كل ما بغت تدخلها شي يخليها تفكر تلبسها طردت هالفكرة من بالها .. نزلت طيران عند امها وقالتلها وبالزووور رضت بعد ماوصتها بالثقل وتترك عنها الخبال واتفقوا يروحون عقب صلاة العصر الساعه 4 العصر مها : شيوووخ يله نزلي عااد بسرعه شيخه : انتوا وين عند الباب ؟ مها : ايه شيخه : اوكيه نازلين نزلت شيخه ومنيرة واركبوا بسيارة ناصر .. سلموا واقعدوا منيرة ورى مها وشيخه ورى ناصر مها : ها بنات وين تبون ؟ شيخه كانت بتموت من الاحراج مع انها مو بالعاده تستحي جذي .. بس يمكن مشاعر ناصر اتجاها خلتها تستحي وتمت ساكته منيرة : كيفكم وين ماتبون ناصر : عاد انا ماادل السوق هني .. محتاج خبرتكم .. ها الشيخه شيخه ماسمعنا صوتج ؟ شيخه : أأ احم .. ماادري على راحتك .. اقصد راحتكم وهي بقلبها تقول ... شيوخ قولي شي تحجي .. اخاف صدقتي روحج مستحيه .. قلنا ثقلي مو جذي عاد منيرة تطالعها مستغربه وتضحك مها : منوور انتي قولي يله قبل مانحرك منيرة : ممم اغلب المولات مسوين سيل الحين .. شرايكم نروح مارينا ناصر : وين صاير منيرة ؟ منيرة قعدت تدليه وتمت السوالف اغلبها بين ناصر ومها ومنيرة .. اما شيخه فتمت ساكته .. ودها تسولف بس شي كان يمنعها .. من قرارة نفسها كانت تدري انها مو حيا من ناصر .. بس شي خلاها ماتندمج معاهم .. كانت تطالع الطريج بره شوي وتشوف عيون ناصر من المنظرة شوي .. الين ماوصلوا المول ناصر : انا بصفط السيارة والحقكم وين بتروحون ؟ مها : ممم خلص انتا بس تدش المول دق علينا ناصر : اوكي .. حطوا بالكم مها : اوكيه ... يله بنات مها كانت تتسوق وعادي بس منيرة وشيخه مو متعودين يطلعون من غير ريال او مرة كبيرة معاهم .. وخاصه هالحزة السوق يكون زحمة وكله شباب منيرة تكلم شيخه بشويش : شفتي كله شباب .. شلون بنتسوق احنا شيخه : ماعلينا منهم . انتي بس خوافه منيرة : لا ياشجاعه مااقدر عليج انا مها : يله يالعيايز شفيكم شيخه : العيوز منيرة تخاف هههه مها : منور لاتخافين دحنا معانا بت قدعه وهي تأشر لى شيوخ وشيوخ تبتسم بثقه : ايوا كدا دخلوا وتشروا من جم محل عقب دق عليهم ناصر وواعدوه بمحل وكان يدامه محل اكسسوارات نسائيه مها تكلم شيخه : شيخووه .. ناصر شعنده داش هالمحل ؟ شيخه تلتفت لوين ماأشرت مها مستغربه : ماادري .. يمكن يبي يشتري شي حق خالتي مها : امي ماتلبس اكسسوارات .. شيخه : ممم شككتيني ؟ مها : هههههههههههههه .. لا عاد نصور مو مال هالسوالف الا اذا طلع اللي في بالي صج هذا شي ثاني شيخه : وشنو في بالج ؟ يرن تلفون مها ... مها : هلا ناصر .. ناصر : مهاوي .. شيخه يمج ؟ مها باستغراب : ايه ناصر : زين انا بالمحل اللي قبالكم .. قوليلها تيي مها : نعم !! ناصر : يله عاد لاتطولينها مها : زين وتلتفت لشيخه اللي كانت مع منيرة يقايسون توبات مها : شيوخ .. ناصر يقولج تعالي المحل اللي قبالنا شيخه : انا ؟ مها : ههه احم ايه شيخه وهي مستغربه .. فرحانه وخايفه .. يعني كذا شعور مختلط فيها مو عارفه تفسره صحيح اهيا تتمنى ان ناصر يكون يبادلها نفس المشاعر بس ماتدري ليش كانت خايفه مااعرفت تفسر شعورها طلعت من المحل واتجهت لوين ماكان ناصر واقف يشوف سوارات ذهبيه على طريقه سلاسل حلوة شيخه بصوت واطي ومترقب : هلا ناصر ناصر التفت لها واتسعت ابتسامته : هلا شيوخ .. تعالي ابي ذوقج شيخه بخجل : بشنو ؟ ناصر : ممم شرايج بهالاسوار .. حلو ؟ شيخه باستغراب : ايه .. راعي المحل : يعني لازم تاخد راي المدام .. والله مراح تلائيي متلون بالسوووق شيخه هني ويهاا قلب الوان واشكال .. ياويلي .. شهالاحراج الله ياخذ بليسك جانك ماتعرف تتحجى بس من داخلها استانست من كلام اللبناني ناصر بنبرة عاديه : لا هي مو مدامتي .. شيوخ يعني اخذها شيخه بقلبها .. شكله ماانتبه على كلام اللبناني .. ناصر : شيييييخه !! شيخه هني وصل فيها الفضول وماقدرت تسكت : ممكن اعرف لمنو ؟ ناصر بنظرة : صدقيني انتي اول وحده بتعرفين وانا وعدتج شيخه : شمعنا انا اول وحده ؟ ناصر بنفس النظرة : بعدين شيوخ يله نمشي شيخه وهي تطق ريولها بالارض : مابي ناصر شافها وعقب مااات من الضحك : هههههههههههههه .. هذي شيخه .. شيخه هني شوي وتمووت .. شنو يعني !! .. ياخذ هديه نسائيه وياخذ رايي فيها وعقب يقول بعدين تعرفين رجعت شيخه للبنات وهي مفوله .. وقالت لمها كلشي مها : يالهبله .. عبالج حق بنت !! شيخه اللي تكابر ولا تحب تبين انها تحبه : وانا شكو فيه بس قهرني اخوج .. ليش مايناديج انتي .. مها : احم .. يعني تستغبين شيوووخ !! شيخه ببلاهه مو فاهمه : لا والله مها : منو متخرج من الثانوي ويبي يدش علوم اداريه !!!! شيخه انصدمت : من صجج ؟ مها تضحك : والله اخوي حركااااااات شيخه كانت من داخلها تناقز ... دايما اظن فيك ظن السو ياناصر .. شسوي من زوود حبي ... ياناس احبه .. ذوق هالريال كله ذوق رجعوا البيت بعد ماتعبت ريولهم من الفرارة .. منيرة دخلت غرفتها تقايس ملابسها وتشوف اغراضها اما شيخه خلت اغراضها تحت وصعدت غرفتها تبي تعبر عن فرحتها اليوم .. صحيح الطلعه ماكانت مثل ماتبي .. بس الهديه غيرت مزاجها اميه وثمانين درجه .. ماتوقعت ناصر يتذكر هالشي .. دايما في بالها ان اهتمامها فيه بس من طرفها بعد اليوم .. تاكدت 90 % ان تعني شي لناصر نفس اليوم الساعه 6 المغرب خالد في حالة مايعلم فيها الا الله .. نفسيته زفت من اليوم يدق على اسما ولا ترد عليه .. خاف ليكون فيها شي دق عليها للمرة الالف وبعد عدة رنات اسما : ..... خالد : : الو .. اسما اسما : .. هلا خالد خالد بعصبيه : فيج شي ..!! تعبانه عسى ماشر من اليوم وانا ادق عليج اسما : ... خالد لو سمحت ماتدق على هالرقم مرة ثانيه خالد : ......... اسما : انا اسفه بس مااقدر اكلمك بعد اليوم خالد بصدمه مو قادر يرد بكلمه .. كان وده يسألها شصاير .. ليش ماكانت ترد .. بس صدمته فيها خلته ساكت يسمع نبرة صوتها الجامده اللي ماتعود ان يسمعها من أسما .. اللي حبها من قلبها يسمعها تتعذر باعذار واهيه ماتوقع بيوم تكون من اسما كانت كل لحظاته معاها تمر يدام عيونه كأنها شريط ينعرض بسرعه .. وعقب تقوله انه كان حلم .. وحلم كله وهم بوهم سكتت اسما شوي عقب قدر يجمع خالد بعض الحروف وقال خالد : ارخصتيني بهالسهوله !! اسما : خالد انــ ــ خالد هني صرخ وعصب وفقد اعصابه .. حس روحه انه ضعيف ..معقوله انا غبي لهالدرجه تقدر وحده مثل اسما تلعب بمشاعري وتخليني اعيش بدنيا الحب : انتي شنو .. انتي لاتنطقين بحرف اشرف لج .. تدرين لو قايلتلي أي سبب ثاني كنت عذرتج .. تدرين حسافه حتى الكلام معاج وسكر بويهاا الخط .. وهوا مفول .. حس روحه بيختنق اذا تم دقايق بعد .. خذا سويجه وتلفونه وطلع من البيت في الصاله صلاح : شيووووووخ قتلج ردي المباراة انا متابعها شيخه : اسفه انا يايه قبلك .. روح الديوانيه صلاح : مابي شيخه : صلوووووح مو على كيفك ... لو تموت ماراح احطها لك صلاح يصرخ : شيخووووه سمعي الكلام شيخه بدخلة خالد تستنجد : خلوووووود شوف صلاح اقوله روح الديوانيه مو راضي تعال زفه خالد اللي عيونه كانت محمرة طالعهم بنظرة عقب راح للباب يبي يطلع عم الهدوء شيخه وصلاح .. انصدموا من شكل خالد صلاح : بسم الله هذا شفيه ؟ شيخه : ماادري .. شفت ويهه .. جنه احد معطيه كف صلاح : والله انا اللي بعطيج كف اذا ما حطيتي المباراة شيخه : ههههههااااي .. ضحكتني والله منيرة وهي يايه من بره مع امها وعلى ويهم علامه استغراب ام خالد بخوف : شفيه خالد ..يما شصاير ؟ منيرة : شفيه خالد ؟ شيخه : ماادري طول اليوم كانت نفسيته زفت .. بس تم بالغرفه مده وعقب طلع وعيونه محمرة ولا رد علينا بولا كلمه ام خالد : يما وليدي ... شفيه صلاح ماتدري !! صلاح : والله ماادري .. انا وياكم قاعد شعرفني عن ولدج ام خالد اللي خافت صج : قووم صلاح روح الحق اخوك .. دق عليه سو أي شي دخيلك صلاح : شفيج يما .. هدي بالج مافيه الا العافيه تلقينه متاضيق من شي ام خالد : دق عليه زين وقربت التلفون من ولدها اللي دق على خالد بس مارد عليه صلاح : مايرد يمااا. .. ام خالد هني قعدت تبجي : ياويلي على ولدي شفيه .. الله يخليكم سوو شي .. دق على عزيز اكيد يعرف شي صلاح : شيوخ يبي تلفوني من فوق بسرعه وركضت شيخه تييب التلفون وقلبها بيوقف من الخوف .. صج اخوها ماكان على طبيعته .. شفيه يابت التلفون لصلاح اللي دق على عزيز وقاله بالللي صار عزيز : خلص لاتحاتي .. انا بدق عليه .. وان شالله مافيه الا العافيه طمن خالتي طلع عزيز بسرعه من الديوانيه ودق على خالد مرة ومرتين وثلاث بس مارد عليه فكر ودزله مسج (( خلود .. رد علي بس قولي اذا انتا بخير عشان اطمن امك ترى اهلك يحاتونك )) ونطر دقايق ولا رد عليه خالد ... حس ان الموضوع كبيير اكييد ورجع دق عليه لقى جهازه مغلق ...فكر شوي وعقب عرف وين بيلقى خالد .. خذا سويجه واستأذن من الشباب وطلع بسيارته بعد ساعه كانت سيارة عزوز صافطه يم سيارة خالد وهما الاثنين واقفين عند البحر وصارلهم عشر دقايق مادار بينهم حديث غير السلام خالد من النوع اللي يكبت بداخله ولا يطلع لاحد انه متاضيق بس لما يكون معصب مايحب يكلم احد الا لما يهدا شوي علشان جذي ماكان عزوز ناوي يفاتحه باي شي .. بس يبيه يرجع معاه البيت ويطمن اهله عليه عزوز قطع الصمت وقال : مابي اعرف شفيك .. بس ميخالف تيي معاي البيت نرتاح هناك وتنام مو زين اهلك وامك يحاتونك خالد : .............. عزوز : عشان امك خلوود .. يله حرام لو شايفها شلون خايفه عليك خالد كلشي ولا امه .. صج كان ماله خلق يروح مكان ويدري انه ان راح مع عزوز بيخرله كلشي لان مايقدر مايقوله عزوز وهويطالع البحر : خلود تعرف ...مراات نكون ضعاف بمواقف لازم نستمد القوة فيها .. الريال ياخالد مايهزه الا الشديد القوي مثل مايقولون .. لاتخلي شي يهزك الا اذا كان يسوى خالد يعرف ان مستحيل يقدر يخبي شي عن عزوز وان قدر فعيونه تفضحه .. اهوا الوحيد اللي يعرف شفيه حتى من غير مايتحجى خالد : احس روحي ضعيف عزوز .. مصدوم من الواقع ... مصدوم ونزلت دمعه من عيونه .. دمعه قهر وندم .. بس ابد ماكانت حسافه .. لان اللي مثل اسما مايستاهل الواحد يبجي عشانها .. بس كان مقهور من نفسه .. مقهور لانه حس انه ضعيف .. وهالشعور مايحبه أي ريال بالدنيا عزوز : خالد .. الواقع غير الاحلام .. الحلم حلو .. لكنه مو دايما يصير .. لازم نكون عايشين بحلم بس ضمن الواقع خالد التفت لعزيز وبعيونه كلام وايد .. بس موقادر يطلع شي .. او يمكن فعلا محتاج انه يقعد بروحه خالد : خلص عزوز .. خلني الحين وانا برد بروحي عزوز : سوري .. ريولي على ريولك .. الصراحه ماااظمنك خالد : الله يخليك عزوز .. خلص قلتك برد .. وعد والله .. بس ابي اتم بروحي شوي عزوز : مثل ماتبي .. بس على شر ط دق على امك وقولها انك بخير وبتنام عندي .. طمنها حرام عليك خالد : اوكيه عزوز بصوت آمر : الحين ... يله اشوف خالد ضحك غصبن عنه : اخاف انتا ابوي وانا ماادري عزوز : احم احم .. يله روح يب تلفونك راح خالد وياب تلفونه وحصل فيه فوق العشر مسكولات .. ومابقى احد مادق عليه ابتداءا بابوه وامه حتى شيخه داقه عليه خالد : هههههه مابقى احد مادق عليه .. ناقص بس خدامتنا تدق عزوز : والله انت ماعندك قلب .. يحاتونك خالد : حتى شيوووخ .. والله ماتوقعتها تدق عزوز بقلبه .. رجاءا هالاسم يلخبطني فوق تحت لا تطريه كلمهم خالد وطمنهم عليه وعقب خلاه عزوز ساعه بروحه ودق عليه عشان ينام عنده فالبيت في بيت عماد ابو شهد ام شهد وهي تحظن بنتها ودموعها على خدها : والله احلى خبر سمعته اليوم شهد ماتدري بشنو تحس غير انها مقتنعه باللي سوته .. صج كان شي بداخلها مستنكر الشي كونه يديد عليها وقرار سريع لكنها كانت تحس براحه كبيره ام شهد : الله يهديج يابنيتي ويكبر عقلج .. شهد : يمااا .. ميخالف اروح عند منيرة تعلمني شلون البسه ام شهد بابتسامه : روحي يما حبيبتي .. الله يوفقج ويحفظج ان شالله طلعت شهد من عند امها اللي قعدت تبجي مستانسه على قرار شهد اللي كانت تتمناه من زمان يكون منها وبقناعتها بغرفه شهد بعد مالبست وخلصت .. امسكت الشيله ولفتها على راسها .. اول مرة تغطي شعرها بحياتها .. شعور يديد ومنظر يديد بتطلع فيه .. تحس بالنشوه بالسعاده بشكل مايوصف .. ماتدري شنو مصدرها ماتدري ان قطعه القماش اللي على راسها مالها أي معنى ان ماكانت مقتنعه بالمبدأ وبخطوات خايفه ومترقبه راحت لبيت يرانهم بوخالد في الصاله منيرة قاعده وشيخه نايمه على ريولها يطالعون مسلسل يوم اخر ومندمجين شيخه : ايييي منور لاتلعبين بشعري ترى يعور منيرة : هههه موقاعده العب .. قاعده ادور القمل اللي بشعرج .. اووو فيه جيوش ههههههاي شيخه انقزت : حلفي !!!! منيرة تضحك عليها : هههه يالمينونه اضحك عليج .. ردي مكانج شيخه : يالخايسه خرعتيني والله عبالي صج .. كلش ولا شعري ههه وردت شيخه لمكانها شوي ولا صوت جرس الباب ونطت شيخه تفتحه وهذي عادتها .. يعني اللقافه شي اساسي بهالبنت شيخه : منو ؟ شهد : شهد شيخه فرت بوزها وعقب افتحت الباب وانصعقت باللي شافته : ....... شهد بابتسامه : السلام عليكم شيخه : شهد ..!!! تحجبتي !!!!!! شهد وهي تعدل شيلتها بايدها اللي باين انها ماتعرف تلفها زين : احم .. ايه شيخه وللحين تخزها ومبهوره وعيونها مفتوحه على الاخر شهد : هههه شفيج .. شكلي مو حلو !! شيخه بسرعه : لا بالعكس .. تهبلين .. اصلا الحجاب محليج .. بس قرار مفاجئ شهد : ممم بنسولف عند الباب يعني .. ماتبين تدخليني شيخه تضحك : ههههه لا حيااج البيت بيتج .. دخلت شهد اللي فاجئت منيرة بعد بهالقرار .. وقعدوا شوي يسولفون ومنيرة تعلمها شلون تلفها وتموا على سوالف وضحك .. نوعا ما حست شيخه بقبول لشهد .. خاصه بعد قرارها .. تحس ان البنت مسكينه لان ماعندها احد يعلمها والدليل انها فكرت تيينا على طول لان ماعندها احد ينصحها .. دخلت عليهم ام خالد اللي كانت ترتب غرفة خالد .. لان ماتحب احد يرتبها غيرها ام خالد : هلا يما شهد .. شهد قامت تسلم : هلا خالتي .. شلونج ام خالد : بخير عساج بخير .. شلون امج واخوانج والاهل ؟ شهد : كلهم بخير ويسلمون عليج .. ام خالد : وامج وينها ؟ .. ليش مايات معاج شهد : ماادري والله خالتي .. ام خالد : لا مايصير دقي عليها دامنا مجتمعيين خلها تييي من زمان عن سوالفها الغاليه شهد بابتسامه : ان شالله .. منيرة : يمااا .. شهوده تحجبت ام خالد : مبروك يابنيتي .. الله يثبتج على دينه .. والله زان ويهج بالهحجاب وزاد نور شهد استحت : مشكورة خالتي .. دقت شهد على امها تكلمها عشان تيي شيخه : يمااا .. يعني خلود مراح يي ؟ ام خالد : كلمني عزيز يقول بينام عندهم وهو كان متاضيق من الشغل .. والحين مافيه الا العافيه .. وعقب كلمته الحمدلله صوته زين .. خوفني عليه والله شيخه : مممم مااتوقع موضوع بالشغل يعفسه جذيه منيرة تطق شيخه بيدينها وبشويش : امي مو ناقصه تخرعينها شيخه تبي ترقع : احم .. اييييه اكيد موضوع بالشغل منيرة تضحك : لا والله ههه ام خالد : شهد عطيني اكلم امج وتكلمها ام شهد ويسلمون على بعض وتصر عليها تيي وتعشى عندهم صارت اليمعه احلى .. شهد وشيخه ومنيرة .. سوالف وضحك ووناسه .. وام شهد وام خالد .. اندمجوا مع بعض كالعاده .. شيخه : شهد .. تعالي بما انج اول يوم متحجبه انا بعطيج شيلات يديدة شاريتها للجامعه .. شهد باحراج : لا شيوخه عادي .. اشتري عقب شيخه : هههه بيني وبينج .. ناويه اروح السوق بعد .. فراح اشتريلي وانا عندي وايد يله قومي منيرة : زيين انتوا رحوا وانا بشوف العشا شسوت الخدامه فيه صعدت شيخه وشهد وقعدت توريها شيلاتها واعجبت شهد .. حست ان الدنيا موشايلتها من الوناسه .. مو عشان ان شيخه عطتها شيلاتها لا .. لان حست بطعم الخوات اللي فاقدته .. شهد عندها اخوان لكن كلهم صغار وماعندها خات تشكيلها او تسولف معاها مثل شيخه ومنيرة ... خذتها العبرة وحست ان دموعا بتنزل شيخه : شهوده .. ليش تبجيين !!! شهد : شيخه انا وايد احبكم .. انا صج كنت بالفترة الاخيرة ضايعه بس مافي احد يعلمني .. انا ودي اتحجب واصير زينه ... اقدر اصير زينه !!! شيخه تحظن شهد وهي بعد بتبجي : شهد .. تدرين انتي وايد تغيرتي .. واعتبريني انا ومنيرة خواتج اذا تضايقتي من شي لا يردج غير لسانج .. شهد وهي تمسح دموعها : اكييد شيخه : زين .. يله شرايج ننزل نساعد منور بالعشا .. ماادري شمسويتلنا .. شهد بابتسامه : يله وهم قايمين .. انفتح باب الغرفه وكان صلاح صلاح : شيخه ... منو عند امــ ــ وسكت ..... تم يتأمل البنت اللي مع شيخه وحس ان دخان يطلع من راسه شيخه : اووف اطلع انتا ماتعرف تطق الباب يعني صلاح وماتحرك من مكانه مايدري ان شهد تحجبت فما همه ان يشوفها كاشفه شعرها وقال : اعتقد ان كلامي لمنيرة وصلج شيووخ شيخه ارتبكت هالحمار بيفضحنا يدام البنت : خلص صلاح عقب كلمني اطلع الحين صلاح : سمعي شيوخ .. احتراما لانها داشه بيتنا ماراح اتحجى .. بس انا مااحب خواتي يصادقون بنات ... وسكت لما سمع صوت بنت تبجي ومغطيه ويها بيدينها خذت حجابها ولبسته وطلعت تركض رايحه بيتهم شيخه : صج ماتستحي على ويهك ..... واركضت تلحق شهد .............................. اتمنى لكم متابعه ممتعه لكم خالص تحياااتي سكونـــــــــــه :) |
رد: رواية ناكر المعروف ,, مابيّن بعينك .. رواية روعه حياكم ..
الله يعطيك العافية سكون الصمت في انتظار ما تبقى:)
|
رد: رواية ناكر المعروف ,, مابيّن بعينك .. رواية روعه حياكم ..
اقتباس:
الله يعافيك ,, مشكور وماتقصر على متابعتك ,, اتمنى متابعتك دائما واتمنى ان ارى تعليقاتك على الشخصيات ,, ’’ تحياتي ,, ................................. الجزء الخامس شيخه كانت تركض ورى شهد اللي انزلت وراحت بيتهم : شهد .... شهد !!!! ام خالد وام شهد : شصاير .. شفيكم ؟؟ شيخه : مافي شي لاتحاتون ام شهد : ماادري هالبنت شفيها صارلها مدة مو طبيعيه .. اكلمها تبجي وكله حابسه روحها بالغرفه روحي لها شيخه .. شوفوها وقعدت تبجي ام خالد : لاتبجين ياخيتي .. روحي يما شيخه شوفي اختج .. شيخه كانت مية شي وشي براسها .. شفيه صلاح على البنت .. مهما تكون هذي ببيتهم .. وليش ام شهد تقول انها من مدة حالتها مو طبيعيه .. البست شيخه شيلتها وعباتها وراحت بيت شهد اما ام خالد فتمت تهدي ام شهد الين ماقدرت فعلا .. فوق وتحديدا في غرفة صلاح صلاح كان حاط يده على على سكسوكته ( لحيته ويقال عنها قفل بالخليجي ) ويطالع الدريشه برى شافها شلون تبجي وطالعه من البيت عقب شاف اخته رايحه صوب بيتهم استحى من روحه .. مايدري ليش تصرف هالتصرف .. حس انه اللي سواه غلط بس صورتها وهي واقفه والشباب عند بيتهم ماتفارقه كلش .. حس انه مو بس يكرهها الا يكره حتى خواته يكلمونها .. ومع هالمشاعر يحس انه يبي يحميها من عقب ذيج السالفه كان دايم يي الليل مبجر بس عشان يراقب بيتهم مسك راسه بعصبيه وجنه يبي يطلع هالبنت من تفكيره .. اهيا عندها ام وابوا .. اهما متكفلين بتربيتها .. انا ليش ادخل روحي .. بس مابي خواتي يعرفون هالاشكال وللحظة فكر صلاح انه يمكن يكون ظلم البنت .. يمكن اهيا مالها شغل بكل هذا غمض عيونه وهو يتذكر شكلها وهي تشوفه يتكلم بنظرة ازدراء واحتقار .. شلون كانت عيونها مليانه دموع وويهها كان احمر من الاحراج .. خذا تلفونه بعد ماتعب من التفكير وطلع من البيت ماله خلق ربشه شيوخ .. اكيد تبي تعرف السالفه واهوا مو ناوي يقول لها شي لانها كونا وبتفضحه بالبيت طلع من غرفته وراح للمطبخ وطلع من باب المطبخ الخارجي منيرة اللي كانت تسوي عصير برتقال : صلاح ؟ صلاح وقف من غير لايلتفت لمنيرة : شتبين ؟ منيرة : بسم الله .. شفيك متنرفز ؟ صلاح : اووو ترى مالي خلقج وطلع وخلاها منيرة : شفيهم هذيل كل من يزعل ويعصب بروحه .. ناس مو صاحيه وتكلم الخدامه : شوفي الفرن مو تنسين انا بشوف شيخه تساعدني بالسفرة وطلعت منيرة من المطبخ ولقت امها وام شهد قاعدين منيرة : عيل وين البنات ؟ ام خالد : طلعت شيخه مع شهد بيتهم منيرة باستغراب : متى محد قالي ؟ ام شهد : روحيلهم يما .. مانتي غريبه البيت مافيه احد ترى منيرة : مم خل ادق عليهم .. عندج رقم شهد خالتي ؟ ام شهد : أي يما . هذا رقمها اليديد .. ودقت عليه منيرة وردت عليها شهد الطرف الثاني شيخه : شهد .. اذا بتمين تبجين ماراح اقدر اكلمج جذي ولا افهم منج شي شهد وهي للحين تبجي : معذور اخوج يقول هالكلام .. معذور شيخه : يخسي ... اذا انتي عادي عندج انا لا .. سمعي شهد انا ادري انج متضايقه والله لو انا مكانج جان تضايقت بس دخيلج ترى صلاح طيووب وايد .. يمكن كان يتغشمر .. او ... شهد : لاتكملين شيخه .. ماكان يتغشمر .. شيووخ ابي اقولج كلشي لاني احس ابي افضفض حق احد وماعندي غيرج اثق فيه شيخه بابتسامه : وهذا اللي ابيه ويدق تلفون شهد .. شهد : هذي امي .. هلا يما منيرة : يالخاينه انتي وياها وين رحتوا ؟ شهد تضحك وتمش دموعها : هههه بعد قلبي الله .. احنا بالبيت تعالي شيخه بصوت عالي : منوور لاتييين فيه اسرار الصراحه .. انتي خلج بطباخج ولما نخلص بنيي شهد : لا انا ماني يايه ..مراح ادش البيت مرة ثانيه شيخه : مو على كيفج .. منور احنا يايين الحين شهد : شيخه الله يخليج لاتحرجيني اكثر شيخه تكلم منيرة : اقولج صلاح هني ولا طلع ؟ منيرة : لاطلع توه شيخه : انزين عيل الحين بنيي وسكرت التلفون شهد : ماااااني رايحه يعني مانييي رايحه لاتحاولين شيخه : صلاح طلع .. وانا مستحيل احطج بنفس الموقف شهوده .. تعالي نتعشى واوعدج نرد مبجر بعد شتبين شهد تتنهد : زين .. شيخه : اول قوليلي شسالفه ؟ شهد : بعدين .. امشي الحين نروح لمنيرة وعقب اذا صار وقت بقولج شيخه تبتسم : اوكيه راحوا البنات وتعشوا كلهم يميع .. وكانت القعده ماتتفوت .. ضحك ووناسه ..حاولوا البنات يطلعون شهد من جو الحزن اللي اهيا فيه .. قعدوا يسولفون عن شغلات وايده الين ماحست شهد ان الوقت تاخر ويمكن صلاح يوصل فماحبت تطول عقب العشى على طول ردت البيت عشان ماتصادف صلاح مرة ثانيه بهاليوم .. شهد ماكانت تقدر تنام ...طول الليل كانت تبجي .. تبجي حسرة وندم على اللي سوته بحياتها .. قامت ولبست ثوبها وصلت لربها ركعتين .. وقعدت تدعي الله يثبتها ويهديها ويدليها على طريج الصح كانت تدعي ربها بكل قلبها .. وتبجي ايام ضيعتها بمعصية الله وصورة صلاح ماغابت عن بالها وهو محتقرها .. ياربي هذي توبه لوجهك يارب .. ساعدني وثبتني يارب ونامت عقب ماتخذت قرار انها خلص بتبدى حياة يديدة .. بس هالمرة حياة قريبه من ربها وعبادته وبعيده عن أي شي يغضبه بس شي واحد ماقدرت تشيله من بالها .. صلاح .. نامت ونظراته لها كانت كفيله بدموع بللت قلبها وجروحها الساعه 2ونص بليل في بيت عزوز الاثنين نايمين بالديوانيه عزوز وخالد خالد قدر ينام بعد ماخبر عزوز بكل شي طبعا اما عزوز ماقدر يناام كان شايل هم خلود .. مايحب يشوفه مجروح ومايقدر يسويله شي .. تكلم معاه وفهمه ان اسما بدالها الف بنت ودام اهيا باعته بريال ثاني .. اهوا لازم بعد يبيعها ويرخصها .. اهم شي انه مايعطي لموضوع مثل هذا أي اهميه .. بس بعد الجرح يظل جرح .. خالد وفي لقلبه وصاق لمشاعره لاسما .. بس الظاهر هالوقت مافيه احد يحب بصدق .. عشان جذيه لازم مانتعلق باحد .. يت صورة امه في باله .. شلون كانت حياته حلوة يوم كانت عايشه .. صحيح كانت تنهان وايد من ابوه بس بعد كان يحس بطعم العايله ولو كانت مهشمه بعض الشي امينه ام عزيز كانت صبورة حييل وتحب ريلها .. فكانت تتحمل كل الاهانه والطق والاهم اهوا عزوز بحياتها ابتسم لانه عالاقل عاش لحظات حلوة بحياته .. تذكر شكثر العايله حلوة .. وده لو يعيش هالشعور ولو مرة وحده بحياته التفت لخالد لقاه نايم وتلفونه يرن خذا التلفون شاف اسم صلاح فيه عزوز : هلا صلاح صلاح : هلا عزيز .. ها خلود نايم ؟ عزوز : ايه نام قبل ساعه جذيه صلاح : زين الحمدلله لان امي تحاتيه ترى للحين مانامت هاك كلمها تبي تكلمك ام خالد : هلا يما عزيز عزيز : هلا الغاليه .. لاتحاتين ولدج كاهو نايم على الكنب ومخليني انا عالارض ام خالد تبتسم : طمني ياوليدي .. شفيه ؟ عزيز : والله شقولج .. مشكله خلود انج مدلعته واايد .. يعني شوي تضايق مع واحد من الربع والسالفه عدت على خير صدقيني .. وباجر بتشوفينه عندج وتلوع جبدج منه ام خالد : ويي يعلني ماانحرم منكم واشوف عيالكم وازوجكم بيوم واحد قول اميين عزيز يضحك : لااااااا ويين .. انا خليني .. ابي يحلالي الجو ماتدلعنا مثل هالدب ام خالد : ههههه ياعلني فداك .. الا انتا الدلال كله لك .. يله يما اخليك الحين ترتاح وحطوا بالكم عزيز : ان شالله الغاليه تصبحين على خير ام خالد : وانتا من اهله مع السلامه بوخالد اللي قاعد يمها : ارتحتي الحين .. نقدر ننام ؟ ام خالد : ايه الحمدلله يوم الخميس .. كان تلفون شيخه يرن للمرة الالف بصعوبه مدت ايدها ورفعت التفون وشافت المتصل وكانت مها وردت بصوت كله نعاااااااس : الووووووووو مها بعصبيه : الووووو ياخياس النوم انتي وينج ؟ شيخه : الله ياخذ اليوم اللي صرت فيه بنت خالتج .. يااختي ماعندج احساس بالناس .. تقومين من فير الله مع الدياي .. خلي العالم تنااام حرام عليكم مها وفيها الضحكه : قوومي ... ترى ناصر ياييكم الحين بيسلم على امج لان طيارته بعد ساعتين شيخه وجنه احد صب عليها ماي بارد نقزت بسرعه : منو وووو!!! مها تصرخ متعمده : نااااااااااااااااااااااااصر شيخه : حلفي !! مها : والله .. يله ترى تلقينه قريييب شيخه : اوكي يله باي سكرت منها مها وميته ضحك .. شيخه فضحت روحها من غير لاتحس اما شيخه وجنه بيروح عنها الباص ايام المدرسه .. سبحت ولبست بربع ساعه وانزلت تحت ولا تشوف الكل قاعد ياسلام وانا اخر من يعلم يعني شيخه : صباح الخير منيرة وام خالد وبوخالد : صباح النور ام خالد : شيووخ قاعدة مبجر اليوم .. جعله دووم يارب منيرة وهي فاجه حلجها وعيونها وتطالع ساعتها : مااصدق روحي ياربي انا اكييد بحلم .. شيوخ قاعده من الصبح سجلوها بالتاريخ العرببي والميلادي شيخه : هي هي هي سخيفه وتقعد بين امها وابوها وتصب لروحها جاي شيخه : هاا شيابنا شلونكم .. عيل وين الشعب ؟ ام خالد : عزوز وخالد بالطريج وصلاح بغرفته بعد ماقعد روحي قعديه الريال بيي الحين فشله شيخه بقلبها الحين انا سألت عن اخواني .. شكو عزوز !! وتشجعت تسأل وايدها على قلبها تبي تتأكد : أي ريال ؟ ام خالد : ناصر ولد خالتج بيي يسلم علينا اليوم طيارته شيخه : لا انا مابي اقعد صلووح .. لاني ان شفت شيفته بقلب الدنيا عليه منور روحي انتي الله يخليج منيرة : ليش ؟ شيخه بشويش : اقولج بعدين منيرة : هاا .. سالفه امس ؟ شيخه : شدراج ؟ منيرة : كلمني صلاح شيخه : اهااا .. عيل روحي قعديه عقب تعالي قوليلي السالفه منيرة قامت تقعد صلاح وشيخه قربت يم ابوها وهي حاظنه ايده شيخه : يباااا . احم يعني ممكن اطلب منك طلب صغيييررررون ابوخالد : احنا مانخلص من طلباتج .. آآمري شيخه : يعني احم .. انا كملت ال18 شرايك يعني لو .. ابوخالد : لاتكملين سواقه مافيه شيخه كانت عارفه انه ابوه بيرفض .. مايحب بناته يسوقون بس توقعت عالاقل يعطيها مجال تقنعه : ليششش !! ابوخالد : شيوخ فيه سايق يوديكم وييبكم لاتعلييني شيخه تشوف امها عشان تتكلم ام خالد : هذا ابوج تعرفينه ...انا مالي خص شيخه فرت بوزها ... مافي حرية بهالبيت .. ياربييي الحين شنو فيها اذا سقت كل البنات يسوقون وبعدين منور خوافه انا عادي اسوق .. شبيصير يعني .. شوي ويوصلون عزوز وخلود وقعدوا بالديوانيه وصلاح لحقهم خلود : يمااا .. فيه شي ناكله نبي ريوق ام خالد : قومي يما شيخه سوي لاخوانج ريوق شيخه ماتبي تعتفس كشختها وحبيب القلب في وصول : منور قومي انتي الله يخليج منيرة : سوري .. هزي طولج شوي ودش المطبخ مو كلشي على راسي شيخه : يالخايسه ماتقدرين الظروف منيرة : ههه أي ظروف تعالي !! وانحاشت شيوخ المطبخ وودها تكسر المواعين .. اووف مو وقته منيرة : شيووخ .. انتي شسالفتج ؟ شيخه ارتبكت : أي سالفه ؟ منيرة : امس مع شهد ؟ شصار ؟ شيخه تنهدت وجنه ردت لها الحياة عبالها بتقولها ناصر .. ماتدري ليش تحس روحها مفضوحه: شنو قالج صلاح ؟ منيرة وهي تساعدها : قالي ان دخل عليكم وهو مايدري قولي لشيخه تعتذر من البنت اللي معاها لاني ماشفتها شيخه طلعت عيونها : بس !! منيرة : أيه شيخه : معقوله ماقالج انها شهد منيرة : لا .. انا مامشت علي السالفه بس اهوا كان مرتبك ومو عارف شيقول شيخه : شوفي .. اخوج قليل الذوق طرد شهد من بيتنا منيرة تشهق : حلفي !! شيخه : مو طردها بالمعنى الصريح ... بس قط عليها كلام منيرة : امووت واعرف ليش هالنظرة لشهد ؟ شيخه : البنت بجت مسكينه وراحت بيتهم وانا لحقتها .. تبين الصراحه كسرت خاطري صج انا ماكنت متقبلتها في البدايه بس حسيت اني ظلمتها .. ماعندها احد يعلمها واللي ونسني قرار حجابها حسيت انها تبي تتغير بس مو عارفه شلون وتبي احد يساعدها منيرة وهي تطقها على جتفها : عشان ماتحكمين على الناس من الظاهر شيووخ شيخه : ويوم رحت عنها البيت تخيلي كانت تقولي معذور اخوج بالكلام اللي قاله بيني وبينج استغربت لو انا مكانها جان سبيته وماخليت شي ماقلته عليه منيرة : وماسألتيها السبب شيخه : سألتها وكانت بتقولي بس انتي دقيتي وقالت بقولج عقب منيرة : الله يهديه صلوح .. فشلنا مع البنت .. بس تهقين صلاح ليش يسوي جذي شيخه : ماادري .. خل يولي الصراحه بط جبدي بس حلوة سالفه الاعتذر شكله افتشل من تصرفه منيرة : ايييه وتلتفت لين الدريشه .. شكله ناصر وصل شيخه ركضت بسرعه : اشوووف كان ناصر واقف يم سيارته والشباب واقفين يمه ويسولفون ويضحكون شيخه كانت تشوفه بنظرة حالمه ... ولا شعوريا عيونها تنتقل لعزيز من بين النظرات بس تجبر عيونها على حبيب القلب و تشوفه شلون يضحك ويسولف اليوم مخفف لحيته ولابس كاب وجينز وتي شيرت ابيض وباينه عضلاته وشكله صج صج كان كووول منيرة : يله شيوخ كلهذا تشوفين .. ترى البيض بيحترق شيخه : ييي .. زين زين .. والقت نظرة تفحصيه على ناصر عالسريع ورجعت تشوف كل شي زاهب تريقوا الشباب عقب دخلوا عند ام خالد وبوخالد خالد : سولنا درب ..!! طلعت منيرة وشيخه .. وهي بوزها شبرين :.. ليش نطلع لازم اللزقه يدش معاهم يعني !! منيرة : ههههه حبيبتي .. اهوا فرد من العايبله حاله حالج شيخه : اخاف صج !!! .. بالصاله سلموا الشباب على ابو خالد وام خالد ام خالد : هلا وغلا بعيالي .. حياك ناصر تفضل ناصر يسلم على خالته ويبوس راسها : زاد فضلج خالتي .. ماقصرتوا والله .. جذي بتأخروني ترى بتطير عني الطيارة .. انا ياي اسلم .. خليتوها ريوق وجاي .. جذي نهون ترى خالد : اقعد شوراك طيارتك تو الناس عليها ابو خالد : ها ياولدي .. شكثر بتم هناك ؟ ناصر : شهر علما اخلص اوراق التخرج وبييكم .. ان شالله ابو خالد : الله يسهل ان شالله .. ويوفقكم ام خالد : عاد مايبيله .. بس تطب الكويت .. بنلقالك ذيج البنت السنعه ونزوجكم ثلاثتكم بيوم واحد ناصر : لا عاد انا زوجتي زاهبه ومنقيها على ذوقي عزوز يشوفه بنظرة .. شقصده هذا اخاف حاط عينه على شيخه بس ... ام خالد : ويييه انتا بس تعال ورد بالسلامه ومن ثاني يوم اخطبها لك عزوز : يما وبطريجج .. اذا لقيتي وحده عانس ميته عالزواج .. زوجي ولدج خالد خلنا نفتك من هالدلع يمكن يلاقي وحده تدلعه وتفكنا خالد : لا خلص .. عفنا الجنس الناعم احنا ناصر : واحد يعاف الجنس الناعم ويا ويهك .. اقول خالتي وين البنات خلني اسلم عليهم لاني ماشي خلص ام خالد : قوم يما صلاح ناد خواتك قولهم يلبسون ويون صلاح قام ومو بخاطره يروح بيشوف شيخه وهو ماله خلق اسئلتها : ان شالله قام صلاح ونادا البنات بسرعه ونزل شيخه كانت تمشي شوي وتحاول تخبي دموعها .. ياويلي الحين بجي انا راح انفضح .. شيوخ ثقلي الريال ماهو طاير شهر وبيرد منيرة كانت عاديه .. نزلت اهيا وشيخه اللي من الارتباك والخوف ... كانت تفكر ان اليوم ناصر يايب لها هديتها .. شلون بتاخذها شنو بتقوله وشنو بيقولها .. شلون بتقدر تسيطر على روحها يدام اخوانها اول ماوصلوا الصاله ارتفعت عيون شيخه مع ابتسامه تهبل لناصر وجنها ماشافت غير ناصر .. سلموا وقعدوا ناصر : ها شيخه ومنيرة .. ماتوصونا على شي من امريكا منيرة : بالسلامه ان شالله .. شيخه : سلامتك ناصر عزوز بقلبه : قومي قعدي بحظنه بعد .. عزوز وعينه عليها من اول مادخلت كان وده يقوم يكفخها على هالابتسامه .. ماتحترم اخوانها وابوها اللي قاعد ويتغازلون جدامنا .. شكلها تحبه .. اكييييد تحبه .. من عيونها يبين كان يطالعها ولا هامه احد ... سلامتك ناصر ..!!! هيين ياشيوخ نزل عيونه وحاول يلهي عمره باي شي لان مايحب يهتم في هالبنت يحاول كثر مايقدر ان مايفكر فيها ولا شعوريا يلقى كل اهتمامه اهيا .. ويرد يكرر بقلبه .. انت مالك شغل شيخه مثل اختك وبس .. ناصر : شيوخ .. على وعدنا ... موتنسين شيخه ماعرفت أي وعد يقصد بس ماحبت ترد ابتسامته اللي تذوب : اكيييد منيرة تطقها : أي وعد ؟ شيخه بشويش : بعدين اقولج هني قام ناصر وسلم على الكل وطلع .. واللي قهر عزوز نظرات شيوخ له وهو يقول بقلبه .. شناطره بعد روحي لحقيه.. وده ييرها من ايدها ويصعدها فوق .. بس طلع مع الشباب وسلموا على ناصر وتم اهوا بالديوانيه قاعد مع خالد في الصاله منيرة : شسالفه الوعد ماقلتليلي ؟ شيخه : ششش لايسمعج ابوي .. قومي فوق وصعدوا الصاله وقعدوا وقالت لها شيخه عن السالفه اللي صارت باليخت والسوق منيرة : ممم شيووخ ليكون اللي ببالي صج ؟ شيخه ابتسمت : ماادري ..!! منيرة : ولو ان ناصر احسه غامض بس فاجأني شعوره .. ماتوقعت ان بيحب يوم من الايام ومنو .. شيووخ !! شيخه : فضحيني انتي بعد .. لاتطلعين اشاعات .. مجرد احساس بس منيرة : زين عيل ليش ماعطاج الهديه ؟ شيخه : ماادري .. منيرة بابتسامه : يله كلشي يبين بعد شهر شيخه : صح قامت شيوخ تدق على مها وتعطيها اخر الاخبر وهي تحاجيها مها : ياااااااااي اخوي رومانسي وحركااات .. ماستحى من اخوانج والله شيخه : هههه .. ماادري ويهي قلب الوان .. حسيت كل الانظار علي تخيلي مها : ياعيني عالحب .. شيخه : اقوووول جب مها : هههههههههه لا تدارين مشاعرج . .الحب مو عيب شيخه : اقول مهاوي .. شرايج ازوجج عزوز .. ونفتك من شركم انتوا الاثنين مها : اخخخ ياليت .. وفي احد يلاقي مثل عزوز ويرفض .. ياختي يوم شفناه بطلعه البحر هالريال شكله جنتل وفوق هذا حلو مراح اقول لا ترى شيخه : بلل .. البنت ميته عالزواج .. ماصدقتي مها : والله اذا ياني واحد مثل عزوز .. طبيبعي بموت عالزواج شيخه : صج الطيور على اشكالها تقع .. الله لا يبلينا بس مها : ههههههه .. اموت واعرف انتي ليش تكرهيه شيخه : وانا كل ماكلمت وحده قلتولي ليش تكرهينه .. يعني ولا عمره سوالي شي زين عشان اذكره مها : بس بعد مااذاج بشي ترى .. الصج ينقال شيخه : جذي كره من الله مها : الحمدلله والشكر عقد طفوله هذي شيخه : انا قايله يوم برتكب جريمه يافيج يافيه مها : هههههه اقول ترى انا قريبا بصير اخت ريلج احشميني شيخه : ههههههه فضحيني بعد بالسي ان ان .. لاتروجين اشاعات الله يخليج مها : زين زين .. يله بسكر واكلمج بعدين مامي تناديني شيخه : ياشين السرج عالبقر .. اوكيه يله باي مها : بطوفها لج بس لانج مرت اخوي ... باي شيخه : يالخــــ ـــــ ومداها تكمل الا سكرت التلفون مها بويهاا اضحكت على هالتفكير .. الله متى بيي هاليوم بس متى نفس اليوم بليل .. كانت ماسكه كوب حليبها كالعاده وكل لحظة حلوة جمعتها مع ناصر كانت يدام عيونها تتخيل شنو الكلام اللي بيقوله لها وبيوفي بوعده لها ولا لا .. امسكت دفترها وكتبت فيه عيونك اخر آمالي وليلي اطول من اليم كيف القى كلام عذب يوصف دافي احساسي عشقتك قبل مااشوفك وشفتك صرت كلي حلم ابي رمشك يغطيني وابيك اقرب من انفاسي انا من كثر مااحبك ابيك كثر رمل اليم وابيك فوق الناس وابي ماينحني راسي مر شهر على الاحداث السابقه شيخه ومها داوموا كل وحده مرتبشه بكليتها والدوام اليديد واتصالاتهم صارت عالسريع منيرة ماخذه مواد وايد هالكورس لان كورس تخرج ولاهيه بدراستها شهد مع بدايه سنه رابعه ثانوي .. كانت مفاجأة البنات فيها وبحجابها وتغيرها غير متوقعه .. رفيجاتها انتقدوها بس عدد حلو من البنات والمدرسات شجعها ووقف معاها وهالشي رفع معنوياتها وايد علاقتها بمنيرة وشيخه كل مالها وتصير للاحسن .. حتى مها صارت من اعز صدقياتها صلاح بعد مابدت السنه ماعاد ينشاف .. يبي يب نسبه ويدش هندسه طيران ويدرس بره وهذا كان طموحه من يومنه صغير خلود نسى تقريبا اسما وبدى يعيش حياته من يديد بمساعده عزوز طبعا اللي كان يبين عليه الراحه ولكنه من الداخل ناقصته اشيا كثيرة واولها اهي الراحه اللي مالقاها في بيتهم ويحس انها في بيت خلود رفيجه لكن مو عارف مصدرها اليوم كانت يمعه الاهل في بيت الخالة العوده فاطمه حصه قاعده يم امها على اليسار وفي بدايته اشهرها الاولى للحمل ونفسيتها زفت كانت يايه بس عشان امها ولا هي مالها خلق شي خاله ناديه : الله يعينج ياام خالد على حصوص عاد .. الحين ماتتحاجى حصه : والله مو مني ياخالتي خاله فاطمه : معذوووره ياابنيتي .. الله يلوم اللي يلومج كلنا مرينا مثلج ام خالد : بس عاد حصوص تتدلع شوي حصه : ماادلع حسوا فيني .. بدريه اخت مها : هههههه حاسين فيج لا تقلبينها مناحه الحين في الجانب الاخر كانوا البنات كلهم متيمعين مها ومنيرة وشيخه وبنات عم مها .. هدى وليلى .. هدى عمرها 14 سنه وليلى بعمر منيرة مها : بناااات .. عندي لكم خبر احم احم منيرة : شعندج ؟ قولي ام الاخبار مها وعينها على شيخه : الدكتور ناصر بيوصل باجر .. محد من اللي قاعدين كانت متلهف غير ثنتين ليلى وشيخه وثنتينهم نطقوا بوقت واحد : صج !!!! مها : ههههههههههههه شفيكم ؟ شيخه اتفاجءت بليلى .. هذي شتبي .. يماما ناصر حقي مو لج انتي بعد مابقى غير عيوز النار ليلى : يحيليه .. واخيرااا بتنور الكويت والله شيخه .. هذي مصختها : اكييد بتنور لانها هاليومين ظلمه خرمس .. ماادري منو مظلم علينا مها تطالعها بنص عين وعقب ضحكت ومنيرة تقرصها عشان تسكت شيخه : انا بروح عند الحريم احسن راحت شيخه وهي بتموت .. مابقى غير ليلى بعد .. وانتهت القعده على سوالف ووناسه كالعاده ... اليوم المنتظر كانت العايله الكريمه كلها تنطر الدكتور ناصر يوصل الكل كان بالمطار يترقب وصوله ... واثنين كان قلبهم يدق ليلى .. وشيخه شيخه كانت تنطر هاليوم من زمااان .. شلون بتشوفه .. وشنو بتقوله !! تحس الحجي بيضيع اذا شافه بنظرته اللي تموت عليها وابتسامته اللي تذوب .. بعد مااعلنوا ان الطيارة وصت ... كانت الانظار كلها صوب البوابه وفرحه الاهل كلها تترقب بس دخول ناصر دقايق مرت ولا ناصر كان داش يير عربانه الشنط وعلى وييه ابتسامه تيين الحريم كانوا يببون والبجي والدموع .. صج سنين دراسه تستاهل هالفرحه كلها شيخه خنقتها العبره .. لكنها كانت واقفه بعيد شوي يم امها وخواتها والشباب كانوا طايرين بناصر .. الجو كان ربشه فعلا .. والتهاني من كل صوب سلم على الكل ورجع الجميع بيت الخاله ناديه اللي كانت مسويه عزيمه عشا كبيرة عشان ولدها بعد اسبوع الساعه 11 الجامعه منيرة كانت تيمع كتبها بعد ماخلصت محاضرتها وماحست الا بواحد يناديها فيصل : احم .. صباح الخير منيرة !! منيرة استغربت منو اللي يعرف اسمها رفعت راسها : نعم !! فيصل : ممكن .. نتكلم ! منيرة خزته وعقب قالت : فيه شي يخص المقرر ؟ فيصل : لا .. يعني ممكن نقعد شوي وو منيرة قاطعته : اسفه وشالت اغراضها وطلعت واهيا بتمووت من الخوف .. اول مرة واحد يتجرأ يكلمها وبهالطريقه حست برجفه بجسمها كله ..لا وعارف اسمي بعد .. طلعت بسرعه وراحت الكافتيريا وين ماالبنات متيمعين وقعدت معاهم في الطرف الثاني بعد ماطلعت منيرة من القاعه قعد فيصل على الكرسي يتنهد علي : انا مو قلتلك البنت باين عليها مو راعيه سوالف .. ليش تكلمها فيصل : اووف .. ماقدرت امسك روحي الصراحه من شهر واهيا معاي بالمحاضرة .. عاجبتني .. تعرف يعني شنو عاجبتني !! علي : بس اهيا مو من البنات اللي تعرفهم .. يعني وخر عنها احسن فيصل : مااقدر علي .. والله حاولت .. علي : هههه اقول .. لايكون مسوي فيها حب وغراميات فيصل : ماادري .. بس هالبنت ابيها ابيها .. علي : امش عن الينون .. واعقل ولا تسوي شي تندم عليه يالغبي فيصل : قوم خلنا نطلع نشرب لنا شي احسن وقاموا الاثنين وفيصل بعالم ثاني .. فيصل طالب كورس تخرج وطبعا اهوا متاخر بالجامعه سنه بسبب اهماله الدراسي وركضه ورى البنات .. ريال ولد ناس وعايله لكن عايش حياته بالطول والعرض ومافي بنت الا مرقمها ومغازلها .. واللي يساعده شكله الرجولي .. ونظراته وكلامه اللي يعرف شلون يخلي البنت تطيح فشباكه مثل مايقولون .. يعني راعي سوالف ومو هين شاف منيرة لاول مرة معاه بهالمقرر .. عجبه فيها ويهها البريئ وجمالها الهادي .. ماعمره سمعها تضحك ولا تعلق وعيونها دايما في الارض لدرجه انه كانت تيله ايام يقضي طول المحاضرة يطالع عيونها يبيها ترفعهم صوب الشباب لكن ماشافها ابد وهالشي خلاه يتعلق فيها زيادة .. استغرب منها معقوله ولا مرة ياها الفضول انها تشوف منو وياها بالقاعه .. عرف طبعا انها بنت ناس ومؤدبه ومو راعيه سوالف بس اهوا يبيها ..يحس يبي يكون يمها او يكلمها انتابه شعور من الاعجاب يخالطه شويه ضيج .. معقوله فيه بنت ماتبيك يافيصل ولا تنتبه لك نفس اليوم كانت شيخه تعابل بالهوم وورك اللي معطيهم ياه الدكتور وراح تتأخر الين الساعه اربع بالجامعه .. عشان جذيه ردت منيرة مع السايق واييها عقب .. شوي ولا تدق عليها مها مها : صباح الورد شيخه : صباح النوير .. هلا مهاوي مها : شكلج مشغوله .. !! شيخه : أي والله عندي هوم وورك وابي اخلصه مها : ممم اهاا .. متى بتخلصين عيل ؟ شيخه : على الاربع جذيه مها : صج ؟؟ زين عيل شرايج تردين معااي ؟ شيخه : لا السايق بيمرني انا .. شرايج انتي تردين معاي ؟ مها : مم والله فكرة .. زيين ادق على نصور واكلمج اوكيه شيخه فز قلبها : ناصر بياخذج ؟ مها : ايه شيخه : انزين يله دق وانا ناطرتج بلغيني مها : اوكيه بيباي شيخه : باي سكرت شيخه من مها وقلبها يدق بالقوة .. ولهت عليك وينك فيه اسبوع اشفتك .. من عقب المطار وانا ماشفتك .. وقطع عليها تفكيرها رنه موبايلها شيخه : هلا مها ؟ مها وهي تضحك : ممم .. اقول شيخه : الحمدلله والشكر .. شفيج .. !! مها : ناصر يقول انا بمرج انتي وشيخه شيخه طلعت عيونها : منووو !! مها : ههههههههههه رجااءا لاتموتين .. تزوجي اخوي عقب موتي شيخه : ياحماااارة .. تحجي عدل .. شنو تقولين ؟ مها : قلت لنصور اني برد معاج لاتمرني .. قالي شيخه بتطلع معاج ..قلته ايه قالي خلاص انا بمركم قوليلهم لاني بغيت شغله من خلود شيخه : بذمتج مهااوي ؟. مها تبتسم : ايييه شيخه : زين يمكن امي ماترضى ؟ مها : جب ... نصور حسبت اخووووج قالتها وهي تضحك شيخه : يالخايسه والله مااروح معاكم ترى .. تحجي عدل مها : احم .. اسفه اخوج في الاسلام شيخه :زين قبل لاتوصولن بخمس دقايق دقي انزين مها : اوكيك .. يله باي شيخه : باي في السيارة ركبت شيخه ورى ومها كانت يدام يم ناصر .. اللي من وصلت سيارته عند باب الجامعه وعيون البنات عليه .. كان لابس بدله الدوام ونظارة شمسيه وباللكزس .. وشكله حده حلو شيخه : السلام عليكم مها وناصر : وعليكم السلام والرحمه ناصر : هلا ببنت الخاله .. نورت السيارة قالها وهو يبتسم مها تلف على شيخه من ورى : اقولج .. دقيتي على امج وقلتيلها احنا بنمرج شيخه : ايه ناصر : انا متعمد اليوم امرج لاني ابي اكلمج بموضوع .. مها : موضوع شنو .. ياسلام ماقلتلي يعني ناصر : لما انا والشيوخ نتحجى . .لاترزين الويه رجاءا مها هني دزلت لشيخه مسج ((( الله يعينج عالاحراج اليوم ))) شيخه ماقدرت ترد على مها .. لان قلبها كان بيوقف خلاص .. اشيا وايد في بالها وكلام ناصر اليوم كان غييير .. خلها تعيش بدنيا الاحلام خاصه الاغنيه اللي حاطها ناصر انسان اكثر لعبد المجيد.. وتمت ساكته الين ماوصلوا البيت .. هني وطى ناصر على صوت المسجل وعقب قال .. مها نزلي شوي بكلم شيخه بموضوع مها : تطالع اخوها بنص عين .. : مردني بعرف اسراركم انتي وياه شيخه اضحكت على خفيف ناصر : شيخه تعالي قعدي يدام شوي فتحت شيخه الباب وكل مافيها يرجف من الخوف والحب والاحراج وقعدت يدام ناصر : شيخه .. انا الصراحه مالقيت احد يفهمني فهالعايله غيرج .. احس اني لازم اقولج كلشي قبل الكل ..مااعرف صح اللي سويته ولا لا .. بس انا محتاجلج كل هالكلام وشيخه تسمع .. قول يابعد طوايف شيخه قووول بعد عشر دقايق كانت شيخه بره السيارة تمشي بهدوء الين مادخلت بيتهم .. شافت خالد قاعد قالته شيخه : خالد ... ناصر يبيك بالديوانيه وصعدت غرفتها بنفس الهدوء .................................... أتمنى لكم متابعه ممتعه ,, بانتظار تعليقاتكم ,, لكم خالص شكري ,, اختكم في الله سكونـــــــــــــــــــــه :) .. |
رد: رواية ناكر المعروف ,, مابيّن بعينك .. رواية روعه حياكم ..
الجزء السادس
غرفة منيرة مها كانت منسدحه على السرير ومنيرة قاعدة على المستواليت ومجابله مها مها قاعدة تقلد اخوها وهو يكلم شيخه : احم .. شيخه تعالي قعدي يدام ههههههههههههههههههاااي منيرة : ههههههه .. بس انتي لاحد يسمعنا .. مها : يحليلهم .. امووت واعرف شقاعدين يقولون شوي ولا تدخل شيخه انقزت مها من قعدتها وتربعت على السرير مها : اهلا اهلا بالعشاق ... بسررررعه تقوليلي شنو قالج ناصر بالحرف منيرة تبتسم شيخه من غير أي تعابير تيي وتقعد يم البنات : عادي .. موضوع كلمني فيه ويبيني اساعده مها : قولي زين شنو ؟ منيرة باستنكار تشوف تعابير شيخه اللي تدل على ان الموضوع كبير بس شيخه تحاول تكون طبيعيه : شصاير شيخه شيخه تعدل قعدتها وتستجمع باجي القوة اللي عندها : ناصر .. متزوج مها شهقت ومنيرة حطت ايدهه على حلجها بمعنى الاستغراب وكلهم باين على ويوهم الدهشه والصدمه شيخه تشوف مها بنظرة وجنها تستحقر اخوها : ناصر متزوج من زيملته الامريكيه وعنده منها ولد قالت هالجمله وقامت ابتعدت عنهم وراحت صوب الدريشه تحس روحها بتطلع مع كل كلمه قالتها .. تحاول انها تصمد وتكون مثل الجبل اللي مايأثر عليه شي .. بس غصبن عليها انزلت منها دمعه امسحتها قبل لا يشوفونها البنات مها قربت من شيخه : انتي شتقولين شيوخ .. من صجج ولا تغشمرين ؟ منيرة كانت هامتها اختها اكثر من أي شي بالدينا وتعرف ان شيخه تميل لناصر فحست شكثر شيخه تحاول تبين ان الموضوع عادي عندها بس كلشي مكشوف بويهها كان شكلها اشبهه باللي معطينه كف .. ملامح مصدومه وتعابير مشتته منيرة : وليش يقولج انتي ؟ شيخه : يبيني افاتح امي بالموضوع عشان تقول للخالتي ناديه لان مو عارف شلون يقولها مها كانت ساكته .. موضوع زواج ناصر ماخطر ببالها ابد وماتوقعت ان بيي اليوم ويتزوج اخوها بهالطريقه عم الهدوء المكان من غير دموع شيخه اللي ماقدرت انها تحبسهم اكثر .. كانت تبجي بصمت وهي لافه صوب الدريشه .. تحس انها كانت عايشه بوهم .. بحلم سخيف وبايخ .. حست بالخيانه للنفسها لانها اعشقت شخص مايدري عنها منيرة قربت يم شيخه وحطت ايدها ورى ظهرها واحضنتها : مافي دعاي للبجي شيوخ .. اللي مايفكر فيج لاتفكرين فيه اهني شيخه لاشعوريا بجت وبجت ... حضنت منيرة وبحت .. قهر على روحها وعلى مشاعرها الطفوليه .. مها قربت منها وحضنتها : شيوخ حبيبتي لاتبجين الله يخليج .. والله ناصر الزفت مايستاهل ظفرج .. خليه بهالمصيبه اللي يابها له ولنا .. شيخه امسحت دموعها : من قالكم انا ابجي عليه .. انا ابجي لاني ضعفت في وقت المفروض مااضعف فيه .. لانصور لاغيره يبجيني .. منيرة تعرف شيوخ انها قويه بهالمواقف .. بس يمكن لانهارسمت حلم زايف وعاشت فيه خلا الصدمه عليها قويه شوي مها : شيخه .. انا اللي بقول لامي .. ماله داعي تبلغين خالتي شيخه : لا مها ..لاتقولين لامج شي معليه امي يمكن تعرف شلون تبلغ خاتي ناديه .. احسن منا منيرة : زين انا عيل بقول لامي .. شيخه باصرار : لا ... انا ببلغها وطلعت شيخه بعد ماامسحت دموعها .. مو شيخه اللي تبجي علشان واحد مثل ناصر .. مو شيخه اللي تخسر ياناصر .. والله والله .. ان انتا اكبر خسران .. والايام بتثبتلك مها : منور .. انتي مصدقه اللي سمعناه !! منيرة سكتت ماعرفت شترد .. الخبر مفاجأ للكل ..مابين على ناصر انه مخبي شي .. حتى بسوالفه وكلامه مها : منوووووور لاتسكتين .. ترى انا احس اني بنفجر منيرة : شقول مهاوي .. الصراحه مصدومه مها : الله يعينج ياشيوخ .. عورني قلبي عليها احس انها مكسورة بس تحاول انها ماتبين هالشي منيرة : ماعليج من شيخه .. صح ان المضوع اثر فيها بس شيخه قويه وباجر بتلقين الموضوع مو هامها ونزلت شيخه عند امها وبلغتها اللي انصدمت بالخبر وقعدت تبجي .. وشيخه بهدوء تام .. سمعوا الصوت مها ومنيرة وصلاح والكل تيمع ودرى بالخبر الكل كانت له ردة فعل مختلفه .. الا شيخه مشاعر غضب وحزن وكبرياء مختلطه مو عارفه ترتبها .. صعدت غرفتها الليل وتلحفت بلحافها .. تفكر شلون قدر يغلبني .. شلون كان يرسم لشي وانا افكر بشي ثاني .. ليش ماانتبهت . ليش انجرفت ورى احاسيس واهيه كانت تحس بالقهر .. منو يغلب شيخه ...ناصر !! لازم ابين للكل ان انا الكسبانه وه والخسران .. خله يعيش مع بنت الاجانب وبنشوف السعاده اللي بيعيشها امسكت دفترها وودعت اخر محطات حبها مع ناصر .. ناصر اللي باعها برخيص .. انا لامن دمعي طاح من عيني على مخلوق فلابد هالمخلوق معه يطيح من عيني ولو الدمع لطاح لتحت يرجع ويرقا لفوق فلا يرجع معه يرقا لعيني من يبكيني سكرت دفترها وحطته بالدرج عقب حاولت تنام لكنها مااقدر بالاخير فكرت تطلع شوي تصب لها حليب عقب قالت بقلبها : مم خل اشوف منيرة يمكن قاعده اسولف معها شوي طقت الباب عليها ولكن لا جواب ... شكلها بسابع نومه هالكسلانه يعني مافي الا اسهر مع روحي .. نزلت وراحت صوب المطبخ وصبت لها حليب وقعدت على الطاوله تشرب .. شوي ولا ينفتح باب المطبخ بقوة وكان اللي داخل اهوا .... عزوووووز شيخه اول ماشافته مااستوعبت انه اهوا لان ليت المطبخ كان مسكر ومفتوح الليت الصغير .. اوقفت وتمت بمكانها تتأمل هالريال اللي دخل وفتح الدرج بسرعه وهو يدور شي شيخه تنرفزت ... هذا اخاف قاعد ببيتهم يدخل علينا جذي .. صج مايستحي : ممكن مرة ثانيه تطق الباب قبل لاتدش لكن عزوز رد عليها بصراخ خلاها تنقز من مكانها : بسرعه شيخه ابي فوطه وثلج ومااااي الله يخليج شيخه اخترعت : شصاير ؟؟؟؟؟؟ عزوز : خالد ... خالد قاعد ينزف بسرررررررعه شيخه شهقت وبسرعه راحت الثلاجه وطلعت ثلج ويابت فوطه وماي بارد وعطتهم عزوز اللي طلع من المطبخ بسرعه وراح للدوانيه اما شيخه راحت يابت جنطة الاسعافات وركضت صوب الديوانيه وايدها على قلبها .. حست انها بنفقد اخوها .. احساس انها مراح تشوف خالد بعد اليوم اول مادخلت الدوانيه لاشعوريا طاحت الجنطه من ايدينها وهي تبجي وتنادي :... خااااااااااالد !!!! خالد كان راسه ينزف دم وويه منفوخ ووارم وعيونه مفتوحه نص وشكله فقد الوعي عزوز اللي كانت عيونه مليانه دموع : شيخه دقي على الاسعاف بسررررعه بس شيخه افقدت أي احساس حوالينها وماقامت تسمع غير صدى كلمات مو مفهومه وظلمت الدنيا بعيونها اليوم الثاني شيخه كانت قاعده بمكان عاااااالي وفجأة حست ان المكان صار كله ماااي وهي قاعده تغرق .. تنادي بس محد سامعها شافت عزوز واقف قريب منها والماي وصل الى حد راسها .. قامت تصارخ ياناس راح اغرق لحقوني وصرخت بصوت عالي : عزوووووووووووووووز مها : بسم الله عليج شيوخ شفيج .. شيخه فتحت عيونها .. انا شايبني هني .. شنو صار ..!! وليش خلاتي كلهم هني .. احس بصداع وراسي يفتر ومسكت راسها بالم : آآي خاله فاطمه : اسم الله عليج يابنيتي الحمدلله على سلامتج .. ارتاحي يما نامي شوي شيخه بتبجي : وين امي ؟ البنات قاموا يطالعون بعض عقب قربت خاله فاطمه : انتي لاتعبين روحج امج شوي وبتيي الحين ان شالله شيخه : وين منيرة وحصه وخالـ ــ ــ شيخه وعيونها تدمع من غير لاتحس : خالتي .. انا حلمانه ان خالد قاعد ينزف .. وحوالينه دم واااايد وين خالد ؟ خاله فاطمه : ... خالد تعبان شوي يما .. بس توه ابوج كلمنا وقال مافيه الا العافيه وكاهو ياي بالطريج شيخه انصدمت : .. ابي اشوف خالد الله يخليكم .. وين امي .. وين منيرة ولاشعوريا ماحسيت بروحي الا وانا اصارخ ... خااااااااااالد ... ابي اشوف خاللللد ورفعت اللحاف ابي اقوم اوقف بس حسيت ان غرفتي كلها قاعده تدور ... ورجعت قعدت وعقبها تميت ابجي .. لان فعلا ماكنت قادرة اسوي شي .. كانت خالتي فقاطمه تقرى المعوذات والقرأن وانا ابجي ومها تمسح على راسي وماحست الا وانا غاطة بنوم عمييق بنفس الوقت المستشفى وابوخالد وصلاح وناصر وسلطان واقفين بالممر وام خالد تبجي ومنيرة وحصه يحاولون يهدونها عزوز وجاسم عند الدكتور الطبيب : والله مش عاير اخبي عليكو بحاقه .. اصابة خالد مش سهله ابدا .. والنزيف كان كتيير ..علشان كده يبقى تحت الملاحضة لمدة يومين نطمن عليه كويس .. وبعديها تقدروا تشوفوه عزيز غمض عيونه وهو تعباان من امس مانام .. تمنى يسمع كلام يطمنه عن اخوه وروحه .. كلام يقوله ان خالد مافيه شي .. وبيطلع معاهم .. الطبيب : بس فيه اجراءات عايزين نعملها .. بالنسبه للضربه اللي اصيب فيها خالد .. حنضظر نبلغ التحقيقات في الموضوع جاسم يكلم عزيز : شللي صار عزيز .. قولي بالتفصيل عزوز فتح عيونهوهو يمسك راسه و يحاول يستثكر اللي صار وجنه صارله سنه وعقب قال : ماادري انا كنت بيتنا .. دق علي خالد ورديت عليه .. قالي الحقني عزوز راح اموت .. قلته شفيك مارد علي كان يشهق بقوة .. قلتله وينك قالي انا صوب البحر .. وانا اعرف هالمكان دايم يروحله خالد .. رحت ولقيته ينزف .. خذيته البيت بس غشى عليه ونقلته المستشفى بسرعه الطبيب . كل حاقه حتبان بس يصحى خالد ان شالله .. انتوا ماتشلوش هم .. والشرطه مجوده حنعرف اللي حصل بالضبط جاسم يهمس لعزيز : عسى خالد مو متورط بشي !! عزوز : مااعتقد .. خلود من هالنوع جاسم .. تطمن طلعوا من عند الطبيب واتجهوا لوين ماكان بوخالد والحريم قاعدين جاسم راح يطمن خالته والبنات اما عزيز راح يطمن الشباب وبوخالد عزيز : عمي ترى وقفتك هني مالها داعي .. انا اقول تاخذ امي والبنات وتردون البيت واحنا بنتم هني بس يقعد خالد بنبلغكم بوخالد ماكان بيروح بس رضيه كانت تعبانه ولازم يكلمها ترد وياه البيت من امس مانامت وراح صوب البنات ابو خالد : يله ياام خالد .. الطبيب يقول ان خالد ان شالله بيقوم بالسلامه واحنا ماله داعي نقعد هني لازم نرد البيت .. والشباب هني رضيه وهي تمسح دموعها : مابي .. ابي اشوف ولدي .. طمنوني على خالد الله يخليكم .. كانت ام خالد شكلها يقطع القلب .. كانت تبجي بحرقه .. خلود ولدها الغالي شلون تشوفه طايح بالمستشفى ولا تقدر تسويله شي ابو خالد : يابنت الحلال ماراح ينفع البجي .. قومي ادعيله وان شالله الله بيقومه بالسلامه رضيه وهي تمسح دموعها : نادولي عزيز ... ابي اكلمه قامت حصه وراحت صوب ريلها وقالتلها ينادي عزيز امها تبيه ويوم قرب عزيز ماقدر يمسك روحه حس انه منهار .. اول ماشاف ام خالد ارتمى بحضنها وقعد يبجي مثل الطفل اللي فقد اعز ماعنده .. مثل الانسان الضايع رضيه رفعت راسه شوي : وقالتله : عزيز .. خالد بيعيش .. !!! عزوز : ادعيه يمه .. الله يقومه بالسلامه قرب بوخالد وسلطان وناصر من عزوز حاولوا يهدونه شوي .. واقنع ام خالد تر دالبيت اهيا والبنات وبوخالد اما الشباب فتموا بالمستشفى الين ماييهم خبر يطمنهم عن خالد في البيت كان الكل قاعد بغرفه شيخه اللي رجعت نامت وويها مبلل بدموعها .. وام خالد تبجي من صوب ومنيرة تبجي اختها واخوها .. كان الكل في حالة حزن مو طبيعيه في المستشفى بعد ساعتين جاسم وناصر وسلطان راحوا يصلون الظهر .. اما عزيز وصلاح تموا قاعدين يمكن خالد يقوم عالاقل فيه احد موجود عزيز كان قاعد على الكرسي يم صلاح اللي كان اقوى منه بمليون مرة سند راسه على الطوفه .. وغمض عيونه .. تذكر شكل خالد وهو ينزف ..وهو يشاهق ويقول بمووت ... لحقوني بمووت .. تذكر شيخه .. ولاشعوريا بسرعه طلع منه هالسؤال عزيز : صلاح شلون شيخه ؟. صلاح سكر القرأن اللي كان يقرى فيه : ماادري قبل شوي دقيت على منيرة تقول قعدت وقامت تصارخ تنادي على خلود ... ورجعت نامت عزيز سكت متألم .. شكلها كان يعور القلب يوم كانت طايحه ماقدر يسوي شي .. قعد صلاح من النوم واهوا خذا خالد وطار فيه المستشفى .. شلون هانت عليه طايحه وماسوى لها شي .. عزيز : صلوح .. دق تطمن على شيخه صلاح : لاتخاف بتقوم ان شالله .. لاتحاتي .. شوي ولا الشباب يوون .. قاموا عزيزوصلاح يصلون .. ويدعون ربهم يفرج عنهم هالمصايب بعد يومين استقرت حالة خالد ونقلوه لغرفه عاديه وشيخه على طول راحت له مع انها كانت تعبانه وماتقدر تتحرك التحقيقات اسألوا خالد عن اللي صار وخبرهم ان ريال مايعرفه طقه باله حاده ووصف لهم مواصفات هالريال والقضيه مستمرة في الغرفه خالد : الله لو ادري اني عزيز وغالي جذي جان كفخت روحي بنفسي ههههه ام خالد : ويي اسمله عليك الرحمن الرحيم ... عدوينك اللي يكرهونك صلاح : ههه الحين بتييكم شيووخ عاااد مسكينه ترى بسبتك البنت اغشي عليها خالد بصدمه : شيخه ..!!! ليش شفيها صلاح : اختك الرقيقه ماتحب مناظر الدم تعرف .. بسكوته مو بنت خالد : بعد قلبي والله شيوخ .. صج ان لسانها اطول منها بس مافي احن من قلبها ام خالد : يله يما خلود .. هالفواكه كلها تاكلها .. يله خالد : بس يماا .. ناويه تطلعيني درااام يعني .. راح امتن انا مو زين ام خالد : اكل يماا فديتك .. ضعفان انتا اكل صلاح : انا ابي بعد شدعوه عطوني ويه خالد : انتا متغدي .. مو باجي الا تاكلني ام خالد : قل اعوذ برب الفلق .. هو شفيكم انتوا اليوم صلاح : مابي مابي .. شنو كله تدلعين ولدج .. انا ولد البطه السوده يعني !! خالد : ههههه يمااا .. يعني انتي البطه السوده ام خالد : صلووووح ماتستحي انتا صلاح : اووو .. الحين بتقلبونها علي .. ادري انا الحين مالي رب .. ولدها مكسر وماتشوف غيره .. اطلع انا احسن لي .. يمكن الاقي سيلانيه تعطف علي خالد بضحك : كفوك ههه وهو طالع صلاح طلع بويهه عزيز : اكملت .. كنت بواحد صرت باثنين .. يمااا دلوعج الثاني وصل .. روح روح عزيزيضحك وهو يضحك : ههههههههه شفيه هذا ؟ خالد : ماعليك منه الغيره .بعد شنو !! عزيز : يحقله يغار .. دلال من كل صوب شتبي بعد ويقرب ويبوس راس ام خالد : شلونج يما اليوم ؟ ام خالد : بخير فديتك .. تعال اقعد عزوز : لا انا بقعد يم خلود حبيبي .. سولي مكان لوسمحت ويدني خالد وينسدح عزوز يمه بالفراش خالد : اييي عورتني .. يااخي شالهدفاشه عزيز : عيب عليك ريال طول بعرض تقووول ايييي شخليت حق البنات هااا !! ام خالد تضحك : هاك فديت قلبك عزيز .. خذ تفاح خالد : اشوف خذيت الجو .. قووووم اطلع يله قوووم عزيز : هههاااااي تحلم .. حبيبي انا مو نايم والصراحه سريرهم مريح ويمسك اللحاف ويتغطى فيه آآآآآه ياسلام من زمان مو نايم .. فيني فقر نوم وراحه خالد : قوم ولا ترى اشكتي عند الرسبشن اخليهم ييرونك بره عزوز يقوم : صج انك مو ويه واحد يسويلك شي .. الفضل لله ثم لي انك عايش و يطقه على ايده المفوفه خالد : أأأأأأأأأأأأأأأأأي عزوز : هههههه اسف اسف .. ام خالد : شفيكم انتوا ركدوا شوي ... شوي ولا يدخل ابوخالد ومنيرة وشيخه ابوخالد : سلامات .. سلامات يالغالي اجر وعافيه ياولدي ماتشوف شر منيرة تدش ورى ابوها بابتسامه وتحمد لخوها ووراها شيخه عزوز عدل قعدته ووخر شوي عن خالد ووده يرفع عيونه صوب شيخه .. يبي يشوف ويهها أي تعابير بوييها يبي يطمن عليها بنفسه بس مستحي يرفع عيونه عليها يدام ابوها وامها واخوانها الين ماقربت شيخه تسلم على خالد هني ماقدر الا يرفع عيونه ويشوفها شيخه : ماتشوف شر عمي خالد .. هذي الشطانه وماتسوي خالد : هلا وغلا الشر مايييج .. وانتي بعد الحمدلله على السلامه هههه شيخه انحرجت : كله منك .. انتكست انا بسبتك ههه وعلى ابتسامتها سمعت صوت ماسمعته من يومين .. صوت ذكرها بدم خالد ومشهد تتمنى تنساه طول عمرها عزيز : الحمدلله على سلامة خالد ياعمي .. مايشوف شر لاشعوريا التفتت له وعقب شاحت بعيونها صوب اخوها وهي تبتسم منيرة : خلوود .. تبي قهوة ؟ خالد : اييه ماعليج امر وصبي لعزيز بعد خذت منيرة القهوة وصبت لاخوها ولعزيز ولابوها وامها ام خالد : شيخه يما وزعي الحلو قامت شيخه بهدوء وخذت صحن الحلو وعطت ابوها بوخالد : لاهنتي يابنيتي .. لاعدمناج ان شالله شيخه تبتسم .. ماتتصورون فرحتي لما ابوي يقولي هالكلام .. احس اني غير عن الكل .. مع انه هالحجي يقوله لنا كلنا .. بس والله احس بشي مااعرف شلون اوصفه لكم .. مثل الماي البارد يعني ايام الهده بالمدرسه عقب قربت شوي ومدت ايدي بالصحن لعزيز وعيوني على الحلو : تفضل عزيز : زاد فضلج تسلمين .. ورفع عينه بعينها مجرد ان يحط عينه بعينها حس انه تطمن عليها ولو انه باين عليها التعب شوي وعقب قالها : الحمدلله على سلامتج شيخه .. ماتشوفين شر شيخه اضطربت .. تبي تبعد عيونها من عيون عزيز السوودة ونظراته اللي فيها كلام وايد .. بس ماقدرت عقب قالت وهي تمشي بعيد : الله يسلمك عزيز بقلبه : ضحك .. ماايدري ليش لما يشوف هالشيخه ييله احساس بالاجرام .. بالنشوه وبكل شي حلو قام من مكانه وقال : يله انا ماشي .. اييك ان شالله بالليل .. شيخه تنقز منيرة : شكو احنا بنتم مع اخونا الين الليل مانبي عذال منيرة : هههه سكتي عزوز يناظرها على السريع ويبتسم لخالد : وبناااااام عندك !! لاتعشى مع احد بيب عشى لاشعوريا شيخه قالت : لا احنا بنتعشى مع خالد عزيز وهو طالع : بدق عليك وقولي شتبي تاكل عشان اييبه اهني شيخه طلعت عيونها ... مايسمع هالغبي .. قلنا بنعشى مااخونا اهوا شكو رزة ويه اووووف طلع عزوز وهو ميت من الضحك : احسن ياشيووخ .. قلعتج عشان تبطلين هاللقافه .. خذا تلفونه ودق على واحد من ربعه بالدوام عشان يروح معاه ياخذون اجازة لخالد وعقبها بيرد البيت ينااام الين الليل بعد اسبوع طلع خالد من المسشفى وسوت ام خالد عشا ببيتها بمناسبه طلعت خالد بالسلامه وبنفس الوقت تبلغ اختها بزواج ناصر وشلون بتقدر تفهمها السالفه الكل كان مجتمع وكاشخ والربشه كانت من كل صوب منيرة وشيخه بالطبخ يزهبون العصير والحلو لان العشا طالبينه من برى شيخه كانت لابسه بلوزة اوف وايت مفتوحه من صوب الايدين ومربوطه بزاير مع تنورة بيجيه فيه قصات حلوة اما منيرة كانت لابسه بلوزة سيلفر مع تنورة سودة اوركانزا جنان .. حصه لابسه اهيا ومريومه بنتها نفس الشي اما مها رغم انها كانت مستانسه بطلعت خالد الا ان زواج ناصر عكر عليها مزاجها .. للحين ماصادفته ولا كلمته وخايفه من ردت فعل امها .. وتدعي الله يمشي هالموضوع على خير المطبخ حصه : شيووخ ماخلصتوا ..!! .. يله ترى فيه حريم ييوو بعد شيخه : وين بنخلص ومريوم بنتج مثل القطو تحوس هني .. طلعيها رجاءا حصه : مسكينه تبي تساعدكم .. شيخه : مو وقته ترى .. بعدين بنتج قليله ادب .. اقولها طلعي تقولي مالج شغل مريومه تبجي .. وحصه تلمها حصه : شيووخ لاتصيرين نحيسه كسرتي بخاطرها ماتعرفين تكلمينها شوي شوي ترى مالي خلق صراخها اووف منيرة : تعالي مريووم حبيبتي .. شيخه : محد مدلعها غيرج منور .. تدش مها : مساااااااااااااء الورد يابنات الخاله العزيزات حصه : هلا مهاوي تعالي ساعديهم لان بعض الناس بينفجرون بعد شوي شيخه : اووووف .. انا مشكلتي اني طيبه وماارد عليكم حصه : ههههههههههه .. ياطيبه انتي .. تعالي مريومه حبيبتي .. خلصوا العصير ويبوه بسرعه منيرة : ان شالله عمتي شيخه : واذا خاطبهم الجاهلون قالوا سلاما مها : ههههههههههاي حلوة شيوخ .. اقولكم تبون Any Help !! !! منيرة : اتعب على الانكليش ههههه مها : احم احم .. اعجبج شيخه : مهااوي حبيبتي انتي صبي عصير الفراوله بالقلاسات اللي هناك مها : من عنوني .. اقولكم يابنات .. انا الصرراحه خايفه اليوم اذا درت امي بزواج ناصر منيرة تغمز لمها عشان تسكت وشافتهم شيخه سكتت شوي عقب ضحكت : ههههههههه .. شفكيم انتوا مها تقرب يم شيخه : شيوخ .. الصراحه انا ماا .ـــ ــ ـ قاطعتها شيخه : مها .. عن الينون .. اخوج مثل اخوي اصلا ماعمري حبيته بس تعرفيني انا انفعلت من الموضعوع لان قالي ياه انا منيرة طلعت عيونها ومها اكثر مها : شنو تتوقعون ردة فعل امي ؟ منيرة : مم اتوقع خالتي بتعصب بس بعدين بترضى بالامر الواقع مها : حتى انا .. شرايج شيوخ ؟ شيخه : والله كل تصرف يطلع من خالتي معذورة فيه .. اللي يسوي سوات اخوج خسران .. وبيندم عليه مها بضيق : ادري .. بس شنسوي منيرة : كششششششخه .. مها مرت اخوج امريكيه هههههههه مها : عاد شلون اكلمها انا .. بروحي قوطي بالانجليزي شيخه : ههههه بالاشارة ياماما ههههههههههاي وقعدوا البنات على ضحك ووناسه .. شيخه نست او تناست موضوع ناصر .. تحاول انها تسوي روحها عادي رغم انها متألمه من داخل مب الم الحب ولكن الم الخسارة .. شيخه ماتحب هالشعور تحب تكون دايما اهيا الربحانه الساعه 11 بيت بوخالد اغلب المعازيم راحوا ومابقى غير الاهل .. خاله فاطمه ام جاسم وخاله ناديه ام ناصر والبنات كهم .. شيخه قاعده يم مها وتاكل مشويات اهيا معاها بنفس الصحن لانهم ماكلوا بسبب ربشه الناس والحوسه شيخه : ممم ياااي يماا كل مرة طلبوا من هالمطعم .. لذييذه مشوياته مها : الله .. والله عجيييب .. شيوخ ابي بعد كباب فيه !! منيرة وهي تشيل باجي القلاسات والصحون من الطاوله : فيه مهاوي .. قومي شيخه يبيلها حصه : شيووخ يبي معاج سلطه جرجير بدريه اخت مها : ومعاج انا ماعليج امر شيخه .. اووف .. كلشي على راسي انا : ان شالله .. اوامر ثانيه !! مها : ههههه جنهم بيتعشون مرة ثانيه شيخه : اقوول .. نييب لكم الثلاجه بكبرها شرايكم !! ام خالد : روحي شيووخ بلا طواله حجي .. وقولي للخدامه تييب الجاي وتوديه غرفه الاستقبال مها تطالع شيخه ومنيرة وقفت .. شكلها ام خالد الحين بتقول لخالتي ناديه عن موضوع ناصر .. الله يستر شيخه : من عيوووني ياام خالد ام خالد : استحي يابنت شيخه : هههههههههههه مها : قااااامت لنا خالتي .. انحاااشي شيخه وهي تركض : حلفي ههههههه توبه يماا مااقووووولها مرة ثانيه راحوا مها وشيخه المطبخ وهناك قعدوا يزهبون الصحون وحطوها بصينيه كبيرة شوي وقالت للخدامه تسوي جاي مها : شيووخ والله انا خايفه الله يستر شيخه : ماعليج امي قدها ونص .. ان شالله مايصير الا الخير مها سكتت وهي تشوف شيخه .. عقب قالت : شيووخ .. انتي صج حبيتي ناصر ؟ شيخه رفعت راسها وهي تبتسم :شوفي مهاوي .. انا ماحبيت اخوج وحتى لو حبيته صدقيني بعد اللي صار ماقام يهمني .. مها : عيل ليش يقولون اللي يحب مايقدر يكره ؟ شيخه : ههههههههه .. باي مسلسل مصري سامعتها ؟ مها : ههههههه مالت عليج زين .. صج صج شيووخ .. ماعمرج حبيتي غير اخوي شيخه : مهاااااوي جـــــــــــــــب مها : هههههههه .. خلاص يبا ماعاد نييب طاري هالناصر .. ماعمرج حبيتي احد مثلا ؟ شيخه : ههه من وييين يعني ؟ مها تشوف شيخه بنص عييين ... شيخه ... هذي شفيها : شفييج تطالعيني جذي؟ مها : اخاف اقول تكفخيني !! شيخه : قولي ماراح اكفخج حييل ... على خفيف من غير اصابات مبرحه مها وهي تغطي روحها بالصحن : عزوووز مثلا شيخه : ماااالت عليج وعلى عزووز فوقج .. وخري عني لااكسر الصحن على راسج مها :هههههههههههه اضحك معااااج خلاص شيخه : انزين انطمي مها : شيووووخ اضحك معاااج .اسفه والله شيخه : سامحتج .. خلاص بس انا اللي بسألج الحين مها : شنو ؟ شيخه : تقوليلي انتي شسالفتج على هالسؤال ؟ مها : مااكو .. بس جذي شيخه تلتفت لها : وانتي ؟ مها : ماعمري حبيت .. ولا افكر احب .. الصراحه انا مع ان الحب يي بعد الزواج وهذا الحب اللي بيكون وراه سعاده وحياة حلوة اما غيره ماييب الا الحزن والدموع شيخه : انا مع الحب ان كان قبل او بعد .. شرط انه يكون هالحب صادق .. شوي ولا يندق باب المطبخ مها : بسم الله .. منو !! .. ليكون ناصر سمعني بينحرني هنيي !! شيخه : لحظة وراحت صوب الباب وكان خالد : هلا خالد خالد : احم .. منو عندج ؟ شيخه باستغراب : لييش !! خالد : بس مايصير اسأل يعني !! شيخه وايدها على خصرها : مها .. اخلص شبغييت خلوود خالد : زين يعني يصير ادش .. شيخه : اوووف البنت مو لابسه حجابها .. لحظة وشيوخ تصرخ : مهاااوي لبسي شيلتج خلود بيدخل مها انصدمت .. ياوليلي لوسمع كلامي فشله شبيقول عني .. وبسرعه لبست شيلتها وعدلتها .. شيوخ وهي تاكل شبس : ادخل خلوود .. خالد : احم .. السلام عليكم مها : وعليكم السلام .. خالد : هلاا مهااوي عندنا .. شلونج ؟ مها تبتسم : بخير الحمدلله .. انتا شلونك ؟ خالد : بخير دامج بخير وللحينه مبتسم شيخه ... يسوي روحه ماييدري ان مهاوي هني .. شكو يسأل يماااا منك خلوود .. بس بس لا يشق حلجك من هالابتسامه .. شيخه : يله مهاوي .. وتكلم مااري .. : سوي جاي ووديه غرفه الاستقبال انزين خالد فتح الثلاجه وسكرها .. اصلا انا ليش دخلت ماادري .. الصراحه عجبني كلام مها يحليلها .. عفيه هذي البنت مو شيووخ .. هذيج دواها بعدين .. شيخه : خلوود اسمع .. امي الحين بتكلم خالتي ناديه بموضوع ناصر اهوا هني .. ؟ خالد اخذله كوب عصير من الثلاجه وقعد : ايييه ... الصراحه ماودي اقعد الحين هالحريم بيسونها مناحه وصراخ واحنا مالنا خلق شيخه : بعد تبيهم مايسوون له سالفه انا لو مكانه ماااوري احد ويهي من الفشله مها : يله شيخه انا بروح .. يبي الصينينه معاج شيخه : لحظه لحظه .. تعاااالي هنيي .. مها : هلا ؟ شيخه وهي تفكر بخطه : لحظة بحط شغله وايي رجعت مها وهي تعدل شيلتها ووقفت يم الصينيه شيخه وهي تنحاش : بيباااااااااااااي يبي الصينيه وتعاااالي بسرعه مها : شيووووووووووووووووخ يحماااااارة تعاااااالي بس ماوصل صوت مها لشيخه ورفعت عينها اللي شافت خالد مبتسم ويشرب العصير خالد : مالي شغل ماراح اشيل شي لا تبلشوني .. بروحي مكسر مها : ههه خلاص مانبي منك شي يبا .. انا بشيلها حاولت تشيلها مها وكانت ثقييله حييل وماانتبهت لايد خالد المحطوطه على الطاوله ونزلت الصينيه حيييل مما أدى الى صرخه الم مدويه خالد : آآآآآآآآآآآي مها ارتبكت وشوي وتبجي : امبيييي اسفه !! خالد بالم : شيلي الصينيه بسرعه ... يالخبللللله مها .. صج اني خبله بسوي روحي بطله يعني .. وبسرعه بعدت الصينيه من ايده وقعدت تشوفها خالد وهو مغمض عيونه : آآح .. تبين تنتقمين من شيوخ فيني يعني مها بخووف وبراءة اكثر : لا والله .. اسفه ماشفتك تعورك ؟ خالد صج اني تعورت بس الصراحه مستانس انها خايفه وعجبني الشعور : اييييي وااايد والله مها : ياربييي .. شسوي ورني شوي !! خالد وفيه الضحكه بس ماسك روحه .. اخاف دكتوره بس : شتشوفين الالم داخلي مها باستغراب : شلون يعني ؟ خالد ... هذي شقولها بعد : يعني غير ملموس يالخبله مها وهي تمسح دموعها : لاتقول خبله رجاءا خالد : اسف مها : انا بعد اسفه .. بنادي خالتي خالد : لا خلاص عادي مايحتاي شوي وتخف مها : زين .. شنو اقدر اسويلك !! خالد وهو عاجبه هالخوف وعيونه بعيونها : ولا شي .. سلامتج مها : تبي انادي شيووخ !! خالد : لا لا كلش ولا شيوخ الفضيحه .. مافيني شي خلاص مها قامت بارتباك بتشيل الصينيه بس بعدين فكرت تقول لماري تشيلها وراحت الصاله وهي مفوووووووله من شيوووخ وبنفس الوقت مفتشله من روحها 8 8 8 8 |
رد: رواية ناكر المعروف ,, مابيّن بعينك .. رواية روعه حياكم ..
في الصاله شيخه تضحك ومنخشه ورى امها : هههههههه يمااا لحقيني مها بتبدا حرب البسوس ام خالد : قعدي شيووخ خلني اعرف اكلم خالتج شفيج مها وهي تحط الصينيه : والله مراح اخلييييييييييج تعااااااااااااالي شيخه : يمااااااااااااااااا لحقوووني مها : اذا انتي قدعه .. نزلي اشوووف شيخه : مهاااوي سوري .. بللللييييييز تووووبه مااعييدها والبنات يضحكون هالبنتين مياانين من يوم يومهم مها تقرص شيخه بقوووووه على جتفها : علشااان مرة ثانيه ماتعيدينها ناقصتج انا انتي واخوج شيخه : آآآآآي عورتيني ... شسوى خلوود بعد مها : ماسوى شي بس انا طيحت الصينيه على ايده من غير قصد شيخه شهقت : عوقتي اخووووي !!!!!! مها : جـــــــــب شيخه : ههههههههههه شيخه : تصدقين حاسه بشي مو طبيعي بخلود مها : شحسيتي ؟؟ شيخه : مااقول مها وتطقها على راسها : ويييييعه زييين شيخه : هههههههههه .. بس بس .. طحتي فيني طق وانا ساكته بس عشان العيش والملح اللي بينا لا تزيدينها عاد ترى انفجر الحين حصه : اشششششششش انتوا الثنتين .. شفيكم ينيتواا ام خالد : قومي ناديه .. بغيتج بكلمه خاله ناديه : شصاير ؟ عسى خير ان شالله ام خالد : كل خير يارب .. يله فاطمه قما قاموا الخلات وراحوا غرفه الاستقبال والبنات مستغربين محد يعرف بموضوع زواج ناصر غير حصه ومنيرة وشيخه ومها بس حصه : الله يستر .. بدريه : شصاير حصوص ؟ حصه : بدوره .. ماتدرين عن اخوج يعني ؟ بدريه : اخوي .. ناصر !!! شفيه ؟ حصه : متزوج !!! الكل انصدم وكان له ردت فعل .. بدريه انصدمت .. معقوله اخوي انا ..!!! بدريه: متى ومنو وشلون ..!! وانتاو شدراكم ؟ حصه : السالفه صارلها اسبوع يمكن .. ومحد يدري غيرنا بدريه : ومنو اللي ماخذها مسود الويه نصووور !! حصه ترددت وعقب قالت : زميلته امريكيه بالجامعه بدريه شهقت وحطت ايدها على حلجها : حسبي الله عليك يانصور .. حسبي الله على ابليسك جانك بتييب الجلطه حق امي .. الله يستر يارب .. حصه : هدي شوي بدريه .. ان شالله مايصير الا كل خير .. غلط الريال .. وتزوج شبتسون الحين بدريه : والله من الاول قلت لابوي لايسافر بره .. ماورى السفر غير البلاوي حصه : لاتقولين جذي .. امج وابوج ماغلطوا .. ياما شباب درسوا بره وردوا وماتأثروا بشي .. بس الظاهر بنت بليس لعبت بمخه نورة كانت مصدومه .. معقوله اخوها سوى كل هذا : وعنده منها عيالها حصه سكتت : ولد عمره سنتين نورة : حسبي الله ونعم الوكيل فيك يانصور .. وانا اقول الريال شفيه مايينا بالاجازات .. اثاري يقعد مع هالبلوة الخايسه .. وكل شوي يقول طرشولي فلوس .. ماعندي فلوس .. وهو يصرف على بنت بليس قربوا رقيه وسميه وابتسام يهدونهم .. شيخه تمت ساكته .. ياربي شلون حبيت هالانسان .. مسكينه خالتي ناديه والله ماتستاهل اللي سواه نصور فيها .. هذا اللي نعرفه .. الله يستر من اللي مانعرفه في الدوانيه النسايب قاعدين وسلطان وعزيز وخالد وناصر وجاسم وبوخالد وبوناصر دقت الباب ام خالد وقالت لخالد ينادي ابوه وريل خالته وناصر ويروحون غرفه الاستقبال راحوا الرياييل كلهم وبوخالد وخالد بس اللي عندهم علم بالموضوع اما بوناصر ماكان يدي .. الكل خايف من رده الفعل بس ام خالد حكيمه وتعرف شلون تتصرف ام خالد : والله مااعرف شلون ابدى .. هذا ولدي ناصر مثل ماهو ولدكم .. والانسان مو معصوم من الغلط وان شالله اهو ماغلط .. بس ابيكم تفهونه وتقدرون ظروفه ابو ناصر : شصاير ياام خالد .. ناصر شفيه ام خالد : ناصر .. شسالفه ؟ ام خالد : مافيه الا العافيه .. بس ..! ناصر .. متزوج وعنده ولد .. ام ناصر شهقت وبوناصر وقف : شنو !! ناصر خاف الصراحه اكثر من ردة فعل ابوه .. ماتوقع ان الموضوع بيكون بهالصعوبه .. حس فعلا ان اللي سواه غلط بس ماكوا شي الحين غير انه ينقذ المضوع ام خالد : صلوا على النبي ياجماعه الخير .. الولد ماغلط ولا سوى شي يعيبكم .. خلونا نقعد ونتفاهم بالهدوء بوناصر راح صوب ولده وامسكه من دشداشته : حسبي الله عليك .. جذي تتصرف من غير شورنا ياناصر .. ليش احنا حارمينك من الزواج يعني !! ام ناصر كانت بس تبجي .. تبجي وتنوووح على فرحتها الللي ضاعت بولدها ابو خالد : اهدى يابوناصر .. شفيك .. صل على النبي .. مو طريقه نتفاهم فيها هذي !! ابوناصر : المله صلى وسلم عليك يانبي .. ومن ويين طحت عليها بعد .. من بنته ومن وين شفتها !! ام خالد حست ان هالشي اصب من أي كلام بتقوله : زميلته بالجامعه .. امريكيه بوناصر : شنهووووووو !! بوخالد : خالد يبا اخذ ناصر واطلع .. طلعوا خالد وناصر بره وقعدوا بسيارة ناصر ناصر تم ساكت ومسند راسه على السكان وخالد راد راسه على السييت الكل بحالة صمت .. قطعها سؤال خالد خالد : كلشي بينحل لاتخاف ناصر رفع راسه : وين بينحل خلود .. ماتشوف ابوي شيقول .. وامي شلون تبجي !! خالد : اسمع نصور .. الموضوع لاتتوقع بينحل بهالسهوله االلي انتا متصورها .. هذا زواج ياناصر .. تعرف يعني شنو زواج .. ومو بس جذي . اخذت وحده اجنبيه .. شتبيهم يسولك ..!! ياخذونك بالاحضان يعني !! ناصر : ادري .. ادري ان الموضوع صعب .. بس ماتقولي شفيها !! خالد سكت شوي وعقب قال : ياناصر انتا فكرت بعواقب هالزواج .. فكرت انه بينجح ولا لا .. ولا بس مشيت ورى قلبك !! مو دايما لازم نطيع مشاعرنا .. احيانا نحتاج ان نحكم عقلنا قبل .. صدقني انا مريت بتجربه مشابهه لك .. لك ربي انقذني من غلطه كنت راح اندم عليها طول عمري ناصر : بس انا ماغلطت ..!! خالد : غلطت بالاختيار ياناصر .. مووقت العتب الحين .. اذا انات مقتنع باللي سويته عيل تحمل اللي بييك . . . اتمنى لكم ماتبعه ممتعه لكم خالص شكري اختكم في الله سكونـــــــــــــه :) , , , |
رد: رواية ناكر المعروف ,, مابيّن بعينك .. رواية روعه حياكم ..
متــــــــابع .. :)
والله ولي التوفيق |
رد: رواية ناكر المعروف ,, مابيّن بعينك .. رواية روعه حياكم ..
اشكرك اخي على المتابعه ’’ كن بالقرب دوماً فهناك المزيد :) ........................................... الجزء السابع مرت الايام سريعه .. والاحداث اسرع .. بوناصر وام ناصر رضوا باللي صار بس بوناصر للحين مايكلم ولده اللي قرر ان تكون زوجته عنده بعد اسبوع خالد ماوصله أي معلومات من الشرطه عن الشخص اللي تعرضه بالضرب وهالشي مخليه يفكر منو اللي يسوى هالشي ومن غير لا يعرفه الدوانيه الساعه 1 ونص بليل عزوز متلحف بلحافه المعتاد ونايم خالد يقلب بالقنوات .. عقب قام وسكر التلفزيون وقعد يم عزيز خالد : عزوووووز ... !! عزيز بنعس : هممممم خالد : تتوقع منو ورى سالفه الطق هذي !! عزيز : ماادري خالد : ويهه كان يديد علي ماشفته من قبل .. تهقى احد مطرشه لي ؟ عزيز :ماادري خالد : اووووف .. قوووم شوي ترى بروحي متملل عزيز : مالي خلق وفيني النوم شتبي خالد : ابي اتزوج عزيز بطل عيوووووونه وقعد على حيله وفر عنه اللحاف : هاااااااااا خالد : هههه شفيك .. !! عزيز : من صجك يالخاييين !! خالد : هههه شنو غرت مني !! عزيز : جب .. قول متى قررت يعني ؟ خالد : تبي الصج .. هالمضوع كنت افكر فيه من فترة .. الحمدلله احنا نشتغل وموناقصنا شي .. واللي خلاني اقرر اني لقيت البنت اللي ابيها عزيز : بعد .. قررت من ورااي !!! .. متى صار كلهذا ؟ خالد :ههههههههههه حشى مو رفيجي زوجتي انتا !!! عزيز : خلووود عن الملاقه .. منو هذي ؟ خالد : بنت خالتي نادية .. مها !! عزيز سكت عقب ضحك من قلللبه : هههههههههههههههههههههههه خالد : وليش تضحك قايل نكته انا ويا ويهك عزيز : قول كلام يتصدق .. رجاااءا خالد : وليش اجذب عليك انا عزيز عدل قعدته : انت من صجك تتكلم ؟ خالد : أي والله عزيز .. البنت اعرفها وبنت خالتي وماعليها كلام .. مؤدبه ومتربيه وفوق هذا حلوة وعاجبتني .. واهم من هذا كله اخلاقها حلوة واحس اني راح ارتاح معاها .. وحتى انتا .. لازم اقول لامي تدورلك وتزوج عزيز : والله ياخلود بتزوج وتهدني يالخاايس ... خالد : وانتا ليش ماتزوج !! عزيز رجع انسدح وتغطى بلحافه : ومنو بترضى فيني خلود .. ريال ابوه اربعه وعشرين ساعه فاقد وعمته مطلقه ثلاث مراات ولابيت ولا اهل .. خالد : بس انتا الحمدلله موظف وراتبك عالي تقدر تفتح بييت ووايد بنات يرضون بنفس حالتك .. الحمدلله اخلاقك الكل يشهد فيها لا عندك خرابيط ولاشي .. مزيوووون وطيووب وقلبك عسل والف بنت اتمناك .. شيبون البنات اكثر عزيز يناظره بنظرة : تطنز ويا هالويه !! خالد : والله من صجي اتحجى .. شنو يعيبك !! ماتذكر قبل لما نمشي بالسوق .. عيون البنات كلها عليك .. عاد انا ماارضى اطلع معاك والسبه هالشي .. يااخي تخطف معجباتي عزيز : خلود لاتكبر الفكرة برااسي .. خالد : انا مالي شغل فيك بكلم امي عن مها .. وبقولها تدورلك وانتا مالك خص عزيز : سوهاا وشوف شسوي فيك خالد : ههههههههه .. ناام نااام بس تصبح على خير قام خالد وطفى الليت وانسدح يم عزيز وهو يفكر بقراره اللي راضي عنه كل الرضى .. يارب .. صج كلشي له حكمه بهالدنيا .. الله فكني من اسما .. وان شالله يكون اختياري بمحله عزيز اللي كان النوم مسيطر عليه .. ماقدر ينام انا اتزوج ...!! مافكرت ولا يوم بهالشي .. منو بترضى فيني ..!! آآآآه .. شيخه .. شيخه مثلا لو خطبتها بترضى فيني !! مااظن .. لحظة .. وليش افكر بشيخه .. لازم اشيلها من بالي .. لازم سكر عيونه وحاول ينام بعد معاناه ان يشيل خيال هالبنت اللي مايدري ليش دايم يكون بباله السبت الكليه الساعه 10 ديمه : اوووف طول هالدكتور اليوم شفيه منيرة : أي الله صدقتي .. يله نمشي ديمه : اقول منور نطريني لاتطلعين من القاعه .. بروح اشتري كرت تعبئه لتلفوني وايي اوكيه منيرة : اوكيه وتمت منيرة قاعده بالقاعه بعد ماالكل طلع منها وهي تلعب بتلفونها والباب مسكر ماحست الا برده باب خلتها ترفع عيونها فيصل : صباح الخير منيرة ارتبكت .. هذا شيبي .. قامت وشالت كتبها باضطراب تبي تطلع من القاعه فيصل حط ايده على الباب يمنعها من الطلعه : ممكن اول شي اقولج هابي فلانتاين داي يااحلى ورده بالكليه وهالورد للورد ياقمر منيرة هني قامت ترجف بس حاولت تتماسك وماتبين له شي : ممن توخر عن الباب بطلع فيصل : ممكن ليش لا ..بس بالاول قوليلي ليش هالتغلي !! منيرة : ترى مو شجاعه اللي قاعد تسويه وخر عن طريجي احسن لك ولا ترى بصرخ باعلى صوتي فيصل بضحكه : ههههههههههههه .. مينرة خلنا نختصر كلشي .. انتي عاجبتني وترى مو كل يوم بتلقين واحد مثلي يعجب فيج ..!! منيرة هني ماتدري من ويين يتها الشجاعه ووخرت ايده بقوة وطلعت بره القاعه وهي ترجف الحقير ... شيبي فيني .. ليش مايخليني بحالي .. ولاشعوريا اصدمت بديمه .. ديمه : بسم الله .. منور شفيج ! منيرة وهي تمسح دموعها : واحد حقير خرعني .. دخل علي بالقاعه دميه : عيل وييين جنطتج !! منيرة شهقت : امبييييه اكييد نسيتها بالقاعه .. ياويلي وركضت للقاعه مرة ثانيه ومالقت فيها احد ولقت جنطتها مفتوحه ديمه : منور شصاير منيرة : نطري بشوف شغله فتحت تلفونها وشافت اخر الارقام المتصله ولقته رقم غريب هالحقير .. سواها ديمه : شسوى .!! منيرة : تعرفين فيصل اللي معانا بالقاعه ؟ ديمه : ايه شفيه ..!! منيرة : سجل رقمه بتلفوني .. عباله انا وحده من اللي يكلمهم ديمه : صج مايستحي !! وبنفس الوقت وصل مسج لمنيرة (( هذا رقمي حبيبتي منيرة .. سيفيه عندج .. هابي فلانتاين داااي ماي سوويت )) ديمه : اشوووف منوور منيرة قعدت تبجي : شسوي فيه .. انا مااعرف اتصرف !! ديمه : ماعليج منه .. حقريه لما يشوفج ماتردين عليه بيمل ويعرف انج مو من البنات اللي بباله .. لاتبجين منور .. ولاتبينيله انج ضعيفه .. قووووومي يله نروح عند البناااات منيرة تمسح دموعها : زيين قامت ديمه ومنيرة وقعدوا مع البنات الكل كان يسولف ويضحك ويتغدا غير منيرة .. كانت ساكته وهاديه .. تفكر بهالبلوة اللي ابتلت فيها ..ياربي .. ياربي ساعدني .. شسوي فيه .. !! ليش انا .. وايد بنات من النوع اللي يبيهم بكل مكان .. ليييش !! وقطع تفكيرها .. صوت وحده من البنات تناديها مشاعل : منوور .. شفيج ماتغديتي ..!! تعبانه ؟ منيرة رفعت راسها بابتسامه : لا سلامتج .. بس مصدعه من الصبح وانا بهالجامعه مشاعل : تبين اييبلج شي ..!! منيرة : لا حبيبتي مشكورة .. انا الحين ماشيه بس انطر شيخه اختي تخلص محاضرتها ونمشي يميع ديمه وهي تساسر منيرة : ياويليج ان كنتي متاضيقه من هالسخييف التافهه منيرة وهي ترد عليها بشويش : غصبن عني ديووم .. بذمتج مو شي يخوف .. ديمه : والله انتي ماعندج سالفه .. تركي عنج هالاشكال مايمشي معاها غير الحقران مشاعل : اووو في اسرار من وراانا ..!! شسالفه !! ديمه : ولا شي .. بنات قومو خل نتمشى شوي بره مشاعل : خوش فكرة خاصه بعد هالغدا والله مااقدر اتحرك .. قوموا بناات قام الجميع والسوالف ماخذتهم يتمشون بحديقه الكليه بره ويوم قربوا صوب المكتبه همست وحده من البنات .. بناات شفتوا هذا الريال اللي يدامنه !! .. معانا بنت بالكلاس ميته عليه .. تلحقه من مكان ليمكان .. ههه والله هالبنات ميانين مشاعل : صج ماعندها سالفه هههه بس تبين صج مزيووون ديمه : بس قليل ادب وراعي بنات وسوالف ديمه ارفعت عيونها ولاشعوريا نغزت منيرة بيدينها ويوم رفعت منيرة عيونها وطاحت بعيون فيصل وهو يشوفها بنظرة اعجاب وابتسامه وجنه يقولها انتي اللي ييتي مو انا .. ارتبكت ووقفت بمكانها كان ودها تقوم تكفخه على هالنظرة الخايسه .. منو شايف روحه .. ومنو اهاو اصلا ..!! ديمه : منوور .. امشي شفيج منيرة بارتباك : انا بمشي مع السلامه طلعت منيرة منهم وهي ميته من الخوف .. خايفه ليكون هالفيصل يسوي شي يدام رفيجاتها ويفضحها .. الله ياخذ هاليوم اللي شفتك فيه خذت تلفونها ودقت على شيخه منيرة : الو شيخه : هلا منور .. عمرج طوويل توني كنت بدق عليج .. يله مريني ترى خلصت منيرة : اوكي يله يايتج .. شيخه : اوكيك بيباي سكرت منيرة وعلى طول وصلها مسج من رقم غريب افتحته (( والله احلى عيون مروا علي بحياتي .. الظاهر هاليوم من اوله حلو من تصبحت بويهج )) منيرة التلفون بيدينها قام يرجف من رجفه ايديها .. معقوله وصلت فيه الحقارة يدزلي مسج .. مسحت المسج على طول وسكرت تلفونها واركبت السيارة مع السايق وراحت تاخذ شيخه من الكليه نفس اليوم بيت بوخالد خالد يلعب مع سلوم جنجفه .. ومنيرة تمشط شعر مريوم وشيخه تشوف مسلسل دمعه عمر بالتلفزيون ام خالد وحصه يسولفون عن عزيمه وحده من الحريم اما صلاح فهو حبيس الغرفه عنده امتحان فيزيا باجر ومحتاس فيه عدل خالد : هاااا .. غلبتك خلاص سلوم : لا لا خالي خالد .. الله يخليك خل نلعب مرة ثانيه خالد : اووف سلووم ترى مليت وزهقتني .. يله قوم خمس مرات عدنا اللعبه سلوم برطم وخذا الجنجفه وراح لشيخه : خالتي شيخه تلعبين معااي !! شيخه من غير لاتلف عليه : لا سلوم : الله يخليج شيخه : اوووف وخر انتا الثاني ماتشوفني متابعه المسلسل فاضيتلك انا !! سلوم زعل وخذا جنجفته وراح بعيد يلعب بروحه الصراحه عور قلبي .. صج انا ماعندي احساس .. حرام من اليوم يلعب بروحه شكلي كسرت بخاطره قربت شيوخ منه : ممم يله وزع خل نلعب سلوم وهو يضحك ويناقز : هياااااااااا قعدت تلعب وعيونها شوي معاه وشوي مع المسلسل .. يله يعيدونه اليوم الساعه 11 بليل اشوفه على راحتي خالد يقرب يم امه ويكلمها : احم ام خالد .. بغيناج بكلمة راس ام خالد : هلا يماا خير ان شالله قوول شيخه ارفعت راسها ومنيرة عيونها معاهم وحصه تنطره يتحجى خالد : ههههههههه بسم الله ساحرات انتوا .. قلت ابي امي بكلمه فتحتولي عيونكم واذونكم صج حرييم شيخه : احم احم .. انا جني شميت ريحه الموضوع قبل لاتقوله منيرة : شنو شيووخ !! حصه : قول خلوود يله نسمعك خالد : اعوذ بالله .. انا قلت ام خالد .. كلكم ام خالد البنات : ايييييييييييييييه ام خالد : هههه بس سكتوا .. قول يماا شبغيت خالد وهو مبتسم : والله انا يا حلوة اللبن .. نويت اتزوج وبغيتج تخطبيلي ام خالد : وييييه هذي الساعه المباركه .. يابعد قلبي ياوليدي .. والله فرحتني شيخه تناقز : هيااااااااااا .. بصير عندنا عرررس حصه : والله ياخلود لنخطبلك احسن بنت بالدنيا كلها .. انت بس اشر منيرة : هههه .. هااا اختار عدل عااد ترى هذي فرصه العمر شيخه : احم .. والله انا شاكه بس بعرف اللي ببالي صح ولا لا ... خالد : هههه وشنو ببالج يالساحرة شيخه : ههههه لا هذي عرفتها من فنجان قهوتك .. اقرى فناجين انا منيرة : ههههههههههههه حلوة شيووخ ام خالد : لا يماا من باجر بندورلك ولو اني حاطه بالي بجم بنيه بدق على امهاتهم ان شالله خالد : لا لا لا .. لاتدقين ولا شي .. احم .. الصراحه انا حاط عيني على وحده شيخه : خلوووووود .. والله شكي وصل 99 بالميه خالد : هههاي .. زين قولي يله واذا يبتيها بعطيج عشر دنانير شيخه : هههههههه حلو حلو ... اقوووول!!!!! الكل : قوولي شيخه : احم .. مها بنت خالتي خالد : بل بل ... انا يوم قلت انج ساحرة ماجذبت .. يمااا بنت تمارس الشعوذه من وراج مسكيها لا يطيحون عليها الشرطه البنات : ههههههههههههههه شيخه : جـــــــــــب يله عشرتي وينها !! خالد : اول قوليلي رايكم !! يما ماسمعت رايج ؟ ام خالد : وهذي بعد يبيلها راااي !! .. خير مااخترت يماا ويازين اليوم اللي ولدي بياخذ بنت اختي .. تبيني اكلمهم باجر !! خالد سكت عقب قال : لا .. اول خلي البنات يسألونها واذا موافقه كلمي خالتي ام خالد : على خير ان شالله خالد : شيووخ و منور .. هللله هلله فيني .. ترى انا اخوكم هااا .. شيخه : اوووووف ياني بذلك على هالشي والعب باعصابك ههههههههه خالد : بل بل .. شهالنحاسه عااد .. منور حبيبتي لاتخيبين ظني فيج هاا منيرة : ههههه انا مالي شغل .. شيخوو مااقدر عليها خالد : يمااا صج نسيت اقولج .. احم .. بعد ابيج تدورين بنيه حق عزوز .. ام خالد : وييه يابعد قلبي .. والله لادورله احسن بنت بالكو يت كلها اهوا بس خل يعزم حصه : يحليله عزوز بعد بيتزوج .. والله كبرتوا !! خالد : تبين الصج حصوص .. اهوا قالي ياويلك ان قلت لامي ... يقول منو اللي بتقبل فيني وتزوجني شيخه : وهو صاااج .. منو هذي اللي بايعه عمرها بتاخذ عزوز حصه : الا الله راضي عنها اللي بتكون من نصيبه .. عزيز خوش ريال وماينعاب خالد : انتي ام لسان .. والله شكلي بزوجج عزوز محد يسنعج غيره شيخه : ويييييييييييييييييييييييييع .. الله لا يقوله ان شالله .. ام خالد : شيووخ .. عيب يماا .. قومو يلله اذن المغرب على الصلاه .. خالد يما .. اقول حق عزوز يمرنا اليوم على العشا .. قوله بنتعشى يميع من زماان ماشفته نظر عيني .. حصوص دقي على سلطان اليوم يتعشى معانا حصه : ان شالله يماا ام خالد : شيوووووخ .. ماتسمعين الاذان يعني شيخه انقزت : آآآمري ام خالد .. انتي تامرين وحانا نقول سمي شيخه وهي صاعده فوق ... ياااااااي ونااسه .. احلى خبر سمعته اليوم .. مها تصير زوجه عزوز الله و تيي وتسكن عندنا بالبييت .. ياسلام ياني بلعب باعصابهم هالاثنين . . هههههههههه صعدت غرفتي وصليت المغرب وتميت قاعده على السياده بثوبي الوردي .. تبون الصج كنت حابه اقعد مع روحي شوي .. مااعرف احس اني متضايقه ماادري من شنو .. ولو ان الخبر اللي سمعناه من خلوود كان حلو .. بس شي بداخلي ينقزني .. عزوز بعد بيتزوج ... يله احسن عشان يفكنا .. صج اني تعودت على وجوده مثل وجود خلود وصلوح وخواتي .. يظل الفراق مو حلو .. ولو كان هالشخص مايعنيلي .. لحظة انا شوصلني لعزوز ... شفيني انا صاحيه ..!! .. مو انا اللي كنت اتمنى فراقه اليوم قبل باجر .. مااعرف ليش اكرهه .. يمكن لانه اهوا الوحيد اللي دايما يوقف بويهي ويناشبني بكل شي من يوم كنا صغار .. ماادري .. ماعندي مبرر .. ويمكن مااكرهه .. اوووووف .... حسبي الله عليك ياعزوز ... ان شالله يتزوج اليوم قبل باجر ويفكنا ..!! وفجأة انطق باب غرفتي شيخه : منو !! صلاح : شيووخ .. فاضيه !! شيخه : أي صلاح .. دش بغيت شي ؟ صلاح : حبيبتي اختي .. ترى مو فاهم درس المنحيات هذا .. اذا ماعليج امر تفهميني شسالفه سكت شوي ..عقب ضحكت من قلبي : هههههههههههههه صلاح : ماهقيت في شي بالدرس يضحك يالهبله شيخه : ههههه يسبني بغرفتي ولا .. يبيني ادرسه بعد .. رجااءا اقضب الباب صلاح : لا يبا خلاص اسفين مانعيدها .. شيخه : هههه والله شككلك يضحك .. وانتا محتاس يابابا هالمسأله مافيها شي .. انا عطيتك تلخيصاتي ادرس منها صلاح شافني بنظرة عقب قال : تلخيصاتج مامنها فايده اصلا كلها حش بابلتكم وسوالف مع اللي يمج ... وبعدين خطج الفرعوني ماافهم له .. شرحيلي بالكلام .. يله شيوخ ذليتيني شيخه : اووف .. زين خلاص .. انزل تحت الحين ايي الجانب الثاني شهد بغرفتها وحايسه بالاوراق .. الله ياخذ الفيزيا واللي اخترع الفيزيا بذمتكم هذي ماده احد يدرسها .. مافهمت ولا كلمه من الدرس ممم خل ادق على شيخه .. اذا فاضيه تي تشرحلي شي ودقت شهد على شيخه اللي كانت توها بتنزل حق صلاح تحت شهد : الو ! شيخه : هلا وغلا ... انتي وينج شهالغيبه شهد : شيووخ .. سكتي محتاسه ومو عارفه احك راسي من الامتحانات شيخه : وييييه .. انتي بصوب وصلوح بصوب .. الله يعينكم شهد سكتت .. تعرفون حست مثل الكهربا تمشي بجسمي من سمعت اسم صلاح .. صرت اخاف حتى من اسمه والله شيخه : الو ..!! وين رحتي ! شهد : هاا لا كاني .. زين عندج وقت تشرحيلي درس المنحنيات .. مو فاهمته شيخه : هههههههههههههههههههااااااااااااااااااي شهد : وااي بسم الله شفيج .. احد قارصج ؟ شيخه : ههههههههههههههههههههههااا ي أي بطني مااقدر شهد : شيخووو عن الملاقه شللي يضحك ؟ شيخه : ولا شي .. اقول تعالي يله الحين اشرحلج ياه شهد : سوري حبيبتي .. انتي تعالي .. تعرفين عقدتي من بيتكم .. الصراحه مابي انحرج ولا احرج احد شيخه : شهد انتي من صجج .. !! . شهد : شيخه الله يخليج لاتحرجيني .. بيتكم ماعاد اطبه شيخه : شوفي انا فاهمتج والله يلوم اللي يلومج .. معذوره .. بس الانسان اذا ماكان غلطان ماله داعي الخوف والاحراج صح !! شهد سكت .. شقولج ياشيخه .. اقولج اني انا غلطانه من راسي الين ريلي .. اقولج ان اخوج شافني بنظر مو قادره اواجه فيه نفسي .. شيخه : خلص ماراح اضغط عليج .. عطيني نص ساعه .. واييج شهد : اوكيه شيخه : ايي . سوي جاي .. راسي مصدع وانا بييب معاي فطاير خابزتهم امي معاي اوكيه !! شهد : مشكورة شيوخ ماادري شلون اجازيج شيخه : العفو .. احنا لبعض شهد . .افا عليج شهد : انطرج مع السلامه شيخه : مع السلامه سكرت من شهد التلفون .. وفي بالي اميه شي وشي .. احس اليوم مخي مو معاي ماادري ليش .. اروح اسأل صلوح ليش سوا بالبنت جذي .. ولا انسى الموضوع ..!! ماادري .. نزلت ودرست صلاح وعقب استأذنت من امي ورحت بيت شهد .. صعدت غرفتها لقيتها تصلي العشا قعدت على السرير .. اشوفها .. ياترى شللي غير هالبنت وقلب حالها .. احس انها بنت ثانيه غير شهد اللي انعرفها ونعرف اخلاقها .. ماادري شلون اوضح لكم .. بس اكييد فيه شي تغير فيها رفعت عيوني صوب الباب ولقيتها معلقه عبايه .. مادريت انها لبست عبايه .. سلمت شهد وعقب قالت : هلا شيووخ .. سورري نطرتج !! شيخه بابتسامه : عادي .. شهد .. لبستي عباة ؟؟ شهد : اييييييييه .. هذي امي شرتها لي قبل جم يوم .. وصرت البسها .. حتى بالمدرسه شيخه : شللي غيرج شهد !! شهد : اقولج بس ماتقولين لاحد شيخه باهتمام : اكييد شهد سكتت وعقب قالت : اخوج صلاح بس لاتسأليني شلون صدمتني الاجابه .. اصلا ماتوقعت صلوح اخوي له يد بشي .. عشان جذي سكت ومارديت عليها بكلمه شهد : هههه خذتنا السوالف .. مم الله شنو يايبه ريحة الفطاير صكت راسي شيخه : هههههه .. عاد هذي فطاير الوالده .. شي عجيييب شهد : بس بس لاتشوقيني .. خل اييب الجاي ونبدا ماعندي وقت كلش شيخه : ههههه بعيد الكلام كله اللي قلته لصلاح لج بس عاد مو تسكريلي مخج هاا شهد ابتسمت غصبن عنها بس من داخلها كان ودها هالاسم ماينذكر يدامها كلش : اوكيك نفس اليوم بليل حزة العشا بوخالد وسلطان وعزيز وخالد وصلاح بالديوانيه والبنات بالصاله بين سوالف وتوقعات لرد مها وحياة ناصر اليديده ومواضيع مختلفه تصدقون اقولكم شي .. الحين من ينذكر اسم ناصر احس بالخجل من نفسي .. شلون حبيت واحد مثل ناصر .. مستهتر وضايع ومايتحمل مسؤوليه وفوق هذا خان ثقه اهله فيه .. صج ماكنت بوعيي .. ام خالد : يما منيرة شوفي كلشي زاهب !! منيرة : ان شالله .. ام خالد : حطي سفرة وحده بالصاله العوده .. مافي احد غريب منيرة : يماا .. فشله عزوز هني !! ام خالد : عزوز مثل اخوكم يما .. بعد لاتحسسونه انه غريب .. والله اني اعده واحد من اعيالي .. وانا تعمدت انتعشى يميع لاني ابي احسسه انه واحد منا وفينا منيرة : مثل ماتشوفين ...ياست الحبابيب حصه : مافي منج يا يمه .. منو بهالزمن يسوي مثل اللي سويتيه لعزيز ام خالد : اشهد اني مقصرة بحقه ولد الغاليه .. انتوا ماتعرفون احساس يتيم الام ..وعزيز تراه يتيم الام والابو بنفس الوقت .. ابو موجود وجنه ميت للاسف .. كافي انه من ريحه الغاليه .. ومافي شي يضيع عند رب العالمين تبون الصج .. امي كبرت بعيني كثر ماااهيا كبيرة .. حسيت بالفخر انها امي ... رغم اني مااحس انه يستاهل كل هالتضحيه .. اهوا ريال مو بنيه عشان تخاف امي عليه .. منيرة : قومي شيووخ ساعديني شيخه : اوكيييي .. قمنا وجهزنا العشا .. وكلشي كان اوكيه وعقب رحنا اناومنيرة نلبس دراعات واسعه مع شيله سوادا .. ماادري ليش فكرت البس دراعتي الكرزيه .. ماالبسها الا حق المناسبات لان لونها شوي يلفت .. ولما قلت لمنيرة قالتي حلوة .. يله لازم الواحد يكون شكله حلو ومرتب نزلنا انا ومنيرة وضبطنا السفرة زيين وعقب قلت لصلاح ينادي الرياييل كلهم قعدنا انا وامي وخواتي بصوب من السفرة والصوب الثاني كانوا الرياييل قاعدين فيه الجانب الثاني صلاح : يلله حياكم العشا زاهب ابو خالد : يله ياعيال .. تفضلوا البيت بيتكم بعد قمت وانا الحق خلود ومااقص عليكم ولا على روحي .. كنت متلهف اشوف شيخه .. ماادري ليش .. لاتسألوني شنو السبب .. احس اني محتاج اشوف وييها بس .. عشان جذي ياني شعور انها ماراح تنزل على العشا .. فاول مادخلت الصاله كانت عيوني تدور بين الويووه اللي قاعده ويوم شفتها ارتحت .. تعشينا وكان العشا حلو وخفيف .. والقعده كانت احلى بعد .. تبون الصج لو بيدي كنت انتميت لهالعايله باي طريقه .. كان ودي لو كنت فرد من افرادها ولا واحد من عيالهم .. ماادري اذا انتوا فاهميني .. فاهمين لما الانسان يكون وحيد طول عمره لا اخت ولا اخو ولا ام ولا ابو ولا اهل بعد .. وبس يحصل عايله تحتويه وتحبه وتهتم فيه وده يتعلق فيهم ويكون صج واحد منهم كنت سرحان بويه امي رضيه .. ام خالد .. شكثر احب هالويه .. مااخبي طول فترة العشا وهي تحط يدامي وتسولف معاي وتضحك .. صج الام غاليه وفقدانها صعب قمنا من العشا وغسلنا وقعدنا نشرب جاي .. قعدوا البنات بالجهه المقابله لنا بس شوي بعيد واحنا بالجهه الثانيه .. كنت سرحان باشيا وايده وماانتبهت ان طول الوقت كانت عيوني على شيخه ومانزلتهم لما خالد هزني بجتفي خالد : الووو ...وين رحت عزوز بارتباك : هاا .. احم ولا مكان كنت افكر خالد : ساعه وانا ماد ايدي باستكانه الجاي اخذت الاستكانه من خلود وانا منحرج ويهي صار طماطه ... بس والله موقصدي سرحت فجأة خالد : احم يمااا .. هذا هو عزوز يدامج .. قنعيه بالمضوع اللي كلمتج فيه عزوز : أي موضوع شمهبب انت ؟ ابوخالد : الله ييب هاليوم اللي نفرح فيه فيكم انتوا الاثنين سلطان : تعالوا سمعنا انكم معزمين تتزوجون !! .. عالبركه خالد بوناسه : الله يبارك فيك .. انا واحد مستانس وقول للي يمي جنه بنذبحه مو بنزوجه عزوز : يااخي خلني افكر بالموضوع بالاول خالد : السكوت علامة الرضا ههههههه ام خالد : ياوليدي خلونا نشوف عيالكم قبل ماالله ياخذ امانته .. مابقى من العمر كثر مامضى .. خلونا نفرح فيكم عزوز : الله يعطيج طولة العمر يايمه .. ام خالد : بس عيل خلاص .. انتا قولي تم وانا من باجر ادورلك احلى عروس لاشعوريا ارتفت عيوني صوب شيخه .. تعرفون ماقدرت امنع روحي صوبها .. ماادري شلون اوضحلكم بس انا نفسي مو عارف شعوري هذا ليش .. وتصرفاتي هذي شنو تبريرها خالد : جنج كشتي فيني يماااا .. احم احم نحن هناااا ام خالد : ويييييه انتا الثاني .. عزوز بعد ولدي .. وبعدين انتا عروستك زاهبه وخالصه عزوز : يااخي ليش الغيرة .. ليمتى يعني بتغار مني .. خلني اشووف روحي الكل : ههههههههههههه عزوز : والله اذا بتخطبيلي اهم شي تكون حلوة .. ابيها طويله وبيضا وعيونها زرق .. ابيها تعرف اربع لغات وتعرب تسوي كلشي بالبيت .. واهم شي لساااانها قصير قلت هالكلمه ولمحت شيخه نظرة سريعه كنت اشوف الشرار يتاطير من عيونها .. ههههه زييين فهمت علي خالد : حشى منزل اعلان وظيفة انتا .. هههههه قامت شيخه ومنيرة وصعدوا فوق بعد ربع ساعه .. وراحت حصه مع يعيالها وسلطان وعزوز تم مع خالد وابوخالد وام خالد اما صلاح فصعد ينام بدري عشان الدوام باجر ام خالد : قرب عزيز ياوليدي عزيز يقرب ويقعد يم ام خالد : آمري يمه ام خالد وهي تطلع ورقه بيدها : اسمعني ياوليدي .. هذا حسابك بالبنك فتحته انا لك اول ماتوفت امك وتعرف انا عندي عمارة ورث ابوي مأجرتها وكل شهر اخذ من الاجار 200 دينار واحطهم لك بحسابك .. واخشهم لك للزمن ويه الوقت اللي بتزوج فيه وتعرس وانا حابه اني اعطيك هدية زواجك قبل ماتعرس .. ادري اني مقصرة بس هذا اللي قدرت عليه وعمك بعد حطلك فيه مبلغ وسامحنا على القصور ياوليدي تعرفون لما تنزل دموعكم مراات من غير ماتقدرون تسيطرون عليها .. احساس الفرحه ان في احد بهالدنيا فعلا يحبكم ويخاف عليكم من انتوا صغار .. ماادري شلون كنت راح ابين شكري لهالانسانه .. مو عشان الفلوس .. بس مشاعرها هذي .. كلمة وليدي عزيز .. تسوى عندي الدنيا ومافيها نسيت اني ريال عمري 24 سنه .. نسيت كلشي .. ماحسيت الا وانا بحظن امي ..مثل ماكنت اسوي وانا صغير لميتها وبست راسها ودموعي تهطل .. ماقدرت اسيطر على روحي ام خالد وهي تمسح دموعها : ياوليدي .. لاتبجيني معاك الحين ابتعدت وحاولت اسيطر على دموعي شوي : والله يايمه ماله داعي كل اللي سويتيه .. والعيال اولى مني بالفلوس .. كفايه علي قربي منكم والله هالشي يخليني احمد ربي كل يوم الف مرة ام خالد : شوف ياوليدي .. اذا تبيني ارضى عليك خذها ولا تردني .. اصلا الحساب بسمك يعني لك انتا .. التفت صوب خالد شفته يبتسم : ترى كل شهر امي تذكرني احطهم لك .. تذكرهم اكثر ماتتذكر أي شي ثاني عزوز : انتا تدري خالد ؟ خالد بابتسامه : ايه عزوز : بس انا ماقدر اخذهم .. هذيل وايد يما ام خالد : مافيه شي وايد عليك ياوليدي .. ويله الحين قومو ناموا باجر وراكم دوامات رحت الديوانيه وانا صج منحرج .. ماادري شسوي .. ماودي اخذ الفلوس بس فكرت بفكرة ثانيه يمكن اقدر اردهم لها بطريقه ثانيه .. حسيت بالرضى عنها .. ونمت بعد ماحمدت ربي الف مرة انه عوضني بام ثانيه وهي امي رضيه الساعه 11 ونص بليل غرفه شيخه تلحفت بلحافي وبيديني كوب الحليب اقرى كتاب ممل .. ماعجبني بس مادام اني بديت فيه لازم اكمله .. قاعده اقى ومخي بعييد .. ليش خزني عزوز اليوم جذي .. صج مايستحي .. عشتوا يبي طويله وشقرا وعيونها زرق .. يحمد ربه ان في وحده بترضى فيه .. لا ولساانه قصير ... اقص ايدي ان ماكان يبي يغثني بهالكلمه .. شقصده يعني انا لساني طويل ومااستحي مم .. وانتي ياشيخه .. شلون تبين فارس احلامج يكون .. ههههه .. مااتخيل بيكون لي فارس احلام كل الرياييل ماعندهم مشاعر واحاسيس .. ليش احلم بشي ماراح يتحقق مم اقوم اشوف منور اذا قاعده .. اهذر وياها شوي طلعت من غرفتي رايحه لغرفه منيرة وطقيت الباب منيرة : دشي شيووخ شيخه : احم شدراج اني انا منيرة : ههه محد يطق الباب جذي غيرج انتي .. حشى طبل مو باب شيخه : هههههه شسوي .. يااختي ملل مو طبيعي قلت اهذر وياج شوي منيرة ابتسمت عقب قالت : شيووخ تهقين مها بتوافق ؟ شيخه : مهااوي .. اكييييييييد .. اقاا عليج خليها علي بس منيرة : ونااسه .. الصراحه عجبني خلود .. اختيار موفق ههههه شيخه : أي والله رن تلفون منيرة على صوت مسج فتحت وكانت رساله من فيصل (( مشتاااااااااااقلج ياقمر .. لاتأخرين باجر .. تصبحين على خير )) منيرة ارتبكت .. شيخه : شفيج قلبتي جذيه من منو؟ منيرة : ماادري رقم مااعرفه شيخه : اوكييه يله تصبحين على خير اروح انام باجر ورانا قعده من الصبح منيرة : وانتي من اهله .. سكري الباب وراج اتمنى لكم متابعه ممتعه ,, لكم وافر شكري :) , , , |
رد: رواية ناكر المعروف ,, مابيّن بعينك .. رواية روعه حياكم ..
لازلنـا متـابعيـن ..
|
رد: رواية ناكر المعروف ,, مابيّن بعينك .. رواية روعه حياكم ..
اقتباس:
اشكرك لهذه المتابعه الطيبه ,, انتظرني بعد قليل ,, :) الجزء الثامن اليوم الثاني الصبح الساعه 10 .. غرفة عزيز فتحت عيوني شوي شوي .. حاولت اخذ تلفوني بشوف الساعه جم .. بس ماقدرت احس جسمي كله يعورني والحرارة تطلع منه مثل الدخان عرفت اني مسخن والظاهر راحت علي نومه ومارحت الدوام .. مسكت راسي بالم .. حسيته بينفجر .. بحاول ارفعه بس ماقدرت .. ولا بعد قدرت انادي أي احد .. تعرفون كنت ببجي كنت ابي امي .. ابوي أي احد .. دقايق من الالم .. رن تلفوني .. وكنت عارف انه خلود يبي يعرف ليش ماداومت .. وبعد ثواني حاولت امسك التلفون لكنه سكت .. حطيته على صدري اللي يزفر بقوة .. وغفت عيني الجانب الثاني الدوام .. خالد : جسوم .. تعرف يعني صارلي 3 ساعات ادق عليه ولا يرد .. عزوز عمره ماسواها فيني جاسم : والله ماادري خلود خوفتني .. يمكن راحت عليه نومه خالد واللي خلاص ماقدر يصبر اكثر : انا باستأذن نص ساعه بشوفه عزيز وبيك .. جاسم : اوكيه .. وطمني عليه الله يخليك طلع خالد من الدوام وباله مشغول بعزوز .. ياترى هذا وينه .. معقوله فيه شي ..!! لا اسمله عليه الله لا يقول ان شالله يمكن نايم .. اكيد نايم .. وصلت بيت بو عزيز بعد ربع ساعه .. تدرون .. ولامرة دخلت هالبيت .. ادري انكم ماراح تصدقوني .. عزيز مايخليني ايي بيتهم الا نادرا .. واذا دخلت ادخل الديوانيه على طول .. ماشفت ابوه من سنين طوويله .. من بعد ماتوفت المرحومه خالتي امينه .. كنت اعرف ان سبب منع عزيز لدخولي بيتهم .. اهوا ابوه .. مايبيني اشوف ابوه بحالة سكر .. هالشي بيخليه يصغر بعيني ويحس بالعار .. او يمكن يعتقد اني بتشمت فيه .. او بعيب عليه هالشي مع اني مافكرت بهالطريقه كلش .. مرات احس ان عزيز في حياته اشيا وايد مااعرفها .. رغم انه حياته كلها معاي.. وطول وقتنا ضحك ووناسه . الا انه في جانب في هالولد مظلم من ينذكر له طاري اهله او طاري ابوه .. سميت باسم لله ودخلت البيت .. طقيت الباب وافتحت لي الخدامه خالد : بابا عزيز هني !! الخدامه : نايم خالد : زين منو اكو في البيت ؟ الخدامه : بابا كبير نايم .. وماما سارة اكو دوام خالد : زين وين غرفه بابا عزيز ؟ صعدت مع الخدامه لغرفه عزوز .. الهدوء كان يعم البيت .. مالاحظت شي ابدا لان تركيزي كان منصب على عزوز .. واول ماوصلنا الغرفة طقت الخدامه الباب مرة ومرين وثلاث بس محد يرد عليها عقب قلتلها : وخري انا بطق الباب صرت اطق بقوة اكبر .. واكثر .. حسيت ان الباب بينكسر من كثر ماطقيته .. معقوله كل هذا نايم .. مستحيل .. عزوز فيه شي رجعت عن الباب شوي .. وبقوة حطيت جتفي عليه الين مانكسر القفل وانفتح الباب بقوة اكثر ركضت صوب سرير عزوز اللي كان مدد عليه جنه ميت صرت اناديه بصوت عالي بس مارد عليي .. كان يتأوه ويون بشكل يعور القلب حطيت ايدي على راسه وحسيت بالحرارة راح تخترق ايدي .. كان يزفر بقوة اللي يخليه مب قادر يتكلم .. وبسرعه اكثر شلته .. عزيز كان جثه ميته .. حسيت وجنه هالشخص ماله احد .. رغم وجوده بيته .. حسيت انه متشرد .. يتيم .. وحيد .. عورني هالشعور .. آلمتني وحده عزوز .. طول الطريج كنت اسمع عزيز يأن .. قلبي يعورني اكثر واكثر على هالريال .. يارب هونها يارب نفس اليوم الجامعه منيرة : شيوووووخ يالنحيسه .. اقعد ساعه كامله ما عندي محاضرة .. !! شيخه : منور حرام عليج اتم ساعه ونص وارد مع باص الجامعه .. نطريني محاضرتي ماتطول ونرد البيت يميع مع السايق منيرة : اوووف الحين شسوي .. كل البنات مو فاضين هالحزة شيخه : اممم .. تعالي الكلية عندي عندي بحث طلعيلي ياه من المكتبه منيرة : زين يله بعد ماكو حل .. شيخه : يابعد عمري يااختي الله لايحرمني منج منيرة : بس بس يالنصابه شيخه : ههههه بتيين مع باص الجامعه؟ منيرة : اييه شيخه : اوكيه يلا باي يه الدكتور منيرة : باي سكرت التلفون من شيوخ وانا صج زهقانه .. ساعه شسوي فيها !! رحت صوب الباصات وركبت الباص اللي يودي لكليه شيوخ طبعا ماتبعد عني كليتي الا عشر دقايق كان الباص فاضي .. قعدت يدام وحطيت كتبي يمي وفتحت تلفوني العب فيه .. رفعت راسي على صوت سمعته صوب الباب وكان مصدره ... فيصل ارتبكت وانزعجت .. خذت كتبي كنت ناويه اقوم .. ماودي اقعد معاه بنفس المكان ويسوي لي حركاته السخيفه وقفت عند الباب بس حط ايده على الباب يمنعني من الطلعه فيصل : منيرة .. ابي اكلمج بمضوع منيرة : وخر عن الباب .. بطلع التفت على صوت واحد واقف يم الباص يقول للبنات اللي يبون يركبون الباص ان مليان انا هني مت من الخوف .. عرفت ان هالشخص من طرف فيصل .. فيصل وهو يكلم السايق : سكر الباب وحرك الباص يلا السايق : مايصير بابا .. لازم باص يصير مليان وطلع فيصل من بوكه عشر دنانير وعطاهم السايق اللي هز راسه وابتسم وحرك وانا كنت اشوف كل هذا وماقدرت انطق بحرف .. يمكن صدمتي باللي صار خلتني اعجز عن الكلام .. يمكن الخوف .. ماادري .. ماقدرت اسوي شي .. مااقدرت الا اقعد بمكاني وكلشي فيني يرجف فيصل قعد بالمقعد اللي وراي وراسه مقربه صوبي وهو يتكلم فيصل : منيرة .. خلينا بالجد .. ممكن نتكلم مثل اثنين واعيين!! منيرة واللي كانت تبجي من غير ماتحس وعيونها على الدريشه : مابي فيصل : شوفي منيرة .. انا لو ااشر على أي بنت بالجامعه .. اقدر احصل عليها .. بس انا ابيج انتي .. مم خلينا نكون اصدقاء .. اذا تبين او حبايب بعد اذا تبين .. بس المهم نكون قراب فيصل : منيرة .. بلييز خلينا نجرب منيرة .. تدرون انا ماكنت اسمع ولا كلمه من اللي يقوله .. كانت عيوني على الطريج كنت ابي اتأكد اني مو رايحه مكان ثاني .. كنت ابي اتأكد ان هذا الطريج الصح بس فيصل : انتظر منج جواب .. بس تأكدي انج محظوظه لاني اخترتج من بين الكل منيرة .. لاشيخ .. سخيف ودمك ثقيل وفوق هذا مغرور بعد : ..... وقف الباص ونزل فيصل وانا تميت بمكاني .. منصدمه .. فيصل ليش يسوي فيني جذيه !! .. ليش انا .. طيب بنات وايد على قولته يبونه .. يروح لهم .. ويتركني بحالي تبون الصج عكر مزاجي فوق ماهو متعكر .. نزلت من الباص .. ورحت صوب المكتبه ادور بحث شيوخ .. واقضي وقتي يمكن انسى هالفيصل اللي طالعلي بكل مكان الساعه وحده ونص . بيت بوخالد ردينا البيت انا ومنيرة .. منور كانت طول الطريج هاديه وسرحانه.. ماادري شفيها مو عادتها سألتها كذا مرة وماردت علي دشينا البيت كان هدووء مو العاده شفنا صلاح ياي من صوب الديوانيه صلاح : وصلتوا !! شيخه : لا بعد عشر دقايق صلاح : كعكعكعكع .. سخيفه شيخه : ههاااي انتا اسخف .. وين امي منيرة : انا بروح غرفتي صلاح : امي بالديوانيه شيخه باستغراب : ليش !! .. منو عندنا ؟ صلاح : الله يسلمج عزوز مريض .. شيخه : و منو قاله ان بيتنا مستشفى ؟ صلاح : حرام شيوخ لو تشوفين شكله شلون .. خلود يقول الدكتور قاله حرارته وايد مرتفعه ويحتاج اسبوع راحه شيخه : زين وابوي وينه !! صلاح : ابوي راح المزرعه .. تدرين ابوي حياته كلها هناك شيخه : وانتا شمقعدك .. يلا على غرفتك ادرس بتبدى الامتحانات صلاح : بس بس لاتذكريني بروحي ابي انسى شيخه : ممم صلووح .. وين ناوي تدش ؟ صلاح : ودي هندسه طيران .. بس عاد لازم اييب نسبه ادعيلي شيوخ بصلاتج شيخه : مم افكر صلاح : عاد الحين يقول شاقه السيادة من كثر ماتصلين شيخه : جــــــــــب مالك شغل صلاح : عيب عيب .. تسبين اخوج الطيار .. ماكو احترام بهالبيت شيخه : صلوح .. مم شرايك توديني بيت خاتي ناديه ؟ صلاح : شعندج ؟ شيخه : موضوع مايخصك .. بلييييز صلاح : مايخصني .. وقبل شوي تقوليلي جب .. انسي شيخه : اووووف .. ياربي مااحب اذل روحي حقكم .. بدق على ابوي يوديني ولا منتك يالدب صلاح : هههههههاي .. روحي قوليليه اشوف صعدت غرفتي ودقيت على ابوي .. وبعد السلامات والمجاملات الحارة .. شيخه : يبا متى بترد البيت ؟ ابو خالد : بعد صلاة المغرب ليش يبا ؟ شيخه : ممم بغيتك توديني بيت خالتي ناديه ابوخالد : ليش وين اخوانج ؟ شيخه : خلود بيقعد مع عزوز لانه مريض وصلوح نحيس مايوديني ابوخالد : حاضر جم شيوخ احنا عندنا .. اصلي المغرب واطلع من المزرعه يعني على الساعه 6 تكونين جاهزة زين شيخه :يا بعد قلبي يبا .. مشكور .. ابوخالد : يلا يبا .. تبين شي ؟ شيخه : لا سلامتك .. مع السلامه ابو خالد : مع السلامه سكرت من ابوي وانا ابوس التلفون .. .امووووووت عليك يابوخالد .. دايم تعزني الله لا يحرمنا منك ياااارب خذت التلفون ودقيت على مها مها : هلا بالطيب الغالي شيخه : وحشتيييييني موووووووووووت هههههههه مها : ههههههه وانتي بعد وينج يالخايسه ليش ماتدقين شيخه : اقولج باختصار .. دشي المطبخ وسويلي قهوة مضبوطه بعد صلاة المغرب بيي وبرز ويهي عندكم مها : حلللللللللللللفي !! شيخه : والله .. يله روحي لبسي وكشخي رجاءا .. لاتقعدين لي بالبجامه مها : ههههههه زين يله لاتأخرين شيخه : اوكي .. يله بيباي مها : بيباي دشيت الحمام وخذتلي دش سريع وصليت الظهر وعقب غيرت ملابسي ونزلت تحت لقيت حصه وعيالها هني .. استانست لاني من زمان ماشفتها .. وحصوص طبعا صايرة جنها عيوز .. طول القعده تقولج اخبار العايله كلها .. يعني سوالف ووناسه .. منورة مو طبيعيه .. يمكن متضايقه من مادة مو مسويه فيها زين .. مم لازم اشوفها اليوم بليل واقعد معاها تغدينا يميع وعقب صليت العصر واخذتلي قيلوله صغيرة وبعدها قمت ونزلت المطبخ لان منور بتسويلي كيكه باخذها معاي بيت خالتي ناديه شيخه : زيدي الكاكاو منور احلى منيرة : زييين حصه : منور .. سويلنا احنا بعد ..حدي مشتهيتها منيرة : عاد احنا مانرد لج طلب .. اخاف يطلع في البيبي حصه : ايييييييي ذكرتيني .. منور ..ابيج تين وياي .. بروح مع سلطان محل بجهز منه جم شغله بحتاجها .. منيرة : ممم مالي خلق حصه اخذي شيخه شيوخ اللي قاعده تلحس في ماعون الكيك : سوري .. مااقدر بروح بيت مهاوي حصه : بتقولين لها عن موضوع خالد ؟ شيخه : يس يس .. حصه : زين عطينا الاخبار اول باول شيخه : افاااا عليج .. لاتوصين هههه حصه : ماتدرون شصار على موضوع ناصر ؟ منيرة : شصار ؟ حصه : يوم الخميس الياي بييب زوجته الامريكيه منيرة وشيخه : صج !! حصه : اييه .. واليمعه زوارتنا ببيت خالتي فاطمه .. بنشوف اختيار هالناصر شيخه : الله يعينهم على هالمصيبه تمينا شوي على سوالف الين ماخلصت كيكتي صعدت الغرفه لبست وكشخت .. كنت ابي احر قلب ناصر باي شكل من الاشكال .. لبست تنورة ملونه شرايط مع توب اسود واكسسوارت .. تكحلت كحل خفيف مع غلوس .. ولبست شيلتي .. كان ابوي ينطرني تحت .. ماطولنا شوي ومشينا على طول الديوانيه ام خالد : يما ياحبيبي بس هالشوربه اشربها كلها وان شالله بتصير احسن ! عزيز : مااقدر يما .. مالي نفس والله ام خالد : لاتزعلني عااد .. انا مسويتها لك بيديني والله .. شوف خفيفه يله عشان ترد لك صحتك خالد اللي ياي من برة : ها .. قعدت يادلوعه امك عزيز : وين رحت انت !! خالد : اييب ادويتك من الصيديليه عزيز : احس اني دايخ .. على كثر مانمت والله ام خالد : فديتك هذا من الصخونه وكلها يومين وتقوم بالسلامه ان شالله عزيز : تعبتج معاي والله .. ام خالد بابتسامه : تعبك راحه .. يلة لاتضيع السالفه بروح اسويلك شويه ليمون والقى صحن الشوربه هذا كله خالص خالد : يه يه يه .. شتبي بعد اكثر من هالدلع يوم طحت بالمستشفى مادلعوني كثرك عزيز : ههههه بل حتى بالمرض تغار !! لا لا لازم تعالج تفسك .. هذا يسمونه ادمان الغيرة خالد : ههههههه منو فينا اللي بيعالج انا ولا انت . .شوف كلمه ثانيه ادويتك كلها بالزباله عزيز : لا الله يخليك انا على الله وعلى هالادويه خالد : زين انا بغير ملابسي واييك .. مو تنام عزيز بابتسامه : اوكي روح بس وسكر الليت معاك خالد : اسف عشان ماتنام عزيز : زين اقلب ويهك خالد : ههه اوكي شوي ولا يرن تلفون عزيز وكانت المتصله سارة عمته عزيز : هلا عمتي سارة : وينك انت ؟ عزيز : ببيت خالد سارة : ابوك يسأل عنك تقول الخدامه انك كنت تعبان عزيز .. توه يذكر ابوي .. : لا مافيني شي .. سارة : زين .. يله باي وتسكر الخط .. يعني حتى ماكلفت روحا تسأل عني .. يارب معقوله هالناس ماعندها احاسيس ولله لو قطو جان حسوا فيني .. يله شنسوي بعد .. حظنا بهالدنيا غرفة خالد سبحت عالسريع وغيرت ملابسي ونزلت قلت للخدامه تسويلنا جاي ورحت الديوانيه اخذت اغراض عزيز وحطيتهم بغرفة الضيوف لان امي حالفة مايطلع من عندنا الا واهوا متعافي .. وعقب رحت اقعد مع عزوز شوي بالغرفه واونسه .. بس كان دايخ حييل فحبيت اخليه يرتاح وطلعت غرفتي طلعتلي دشداشه يديده لبستها .. تعطرت لان الشباب بيون بعد شوي .. رن تلفوني وصدمني الرقم اللي طالع بالشاشه هذا رقم اسما .. ترددت ارد ولا لا .. مااعرف شللي خلاني اخذ التلفون وارد ماكان شوق او حب لها .. يمكن فضول او ماادري خالد : نعم ! اسما : الو .. خالد خالد : خير !! اسما : ماعرفتني خالد : عرفتج .. خير !! اسما : .... خالد .. خالد انا ماقدرت اعيش من غيرك خالد : لا والله !! اسما : بليز خالد افهمني .. انا احبك خالد : وبعدين ؟ اسما : وماقدرت اعيش مع ريال ثاني غيرك ! خالد : اولا عيب عليج انتي وحده متزوجه تدقين على الريايل وثاني شي .. انتي ماتعرفين الحب .. شلون يايه الحين تقولين احبك ؟ اسما : خالد .. انا هالانسان ماقدر اعيش معاه .. شكاك . ذبحني تخيل بكل شي يشك فيني انا بطللق منه خالد : تدرين احس اني اكرهج اكثر واكثر كلما تحجيتي .. باي وسكرت الخط بويهاا .. دقت مرة ثانيه بس مارديت عليها .. دزلت لي مسجات عتب وشوق وانا كنت اقرى واضحك من غير اهتمام قعدت افكر ياربي انا هالبنت شلون حبيتها ... خذت تلفوني ونزلت الديوانيه وانا احمد ربي انها هي اللي قطعتني بيت خالة ناديه عند الباب وقفت سيارة ابوي الفورد قربت من ابوي وبسته على خده .. هالعاده مااقطعها دايم ابوسه على خده وانا اضحك .. ابوي يستانس يوم ابوسه وامي دايم تزفني تقولي متى بتكبرين على هالحركات .. بس ياربي ابوي واحبه مايصير يعني !! شيخه : مشكوووووور يبااااا ادق عليك لما اخلص ابوخالد : ههه زين سلمي عليهم .. مااوصيج بالثقل بنت ابوج شيخه : افاا عليك .. لاتوصيني .. اوامر تانيه يااستاذ بابا !! ابو خالد : ههههه سلامتج يله مع السلامه شيخه : ههههه مع السلامه نزلت ودقيت على مها عشان يفتحولي الباب وماطولت دقايق ولا هي ناطه من ورى الباب مها : هلا هلا بالطش والرش .. حياج البيت بيتج شيخه : ههههه ادري ماله داعي تقولين ..هلا فيج مهاوي هانم .. دشينا وقعدنا بالصاله .. الصراحه كنت ابي اقعد معاها بغرفتها احسن .. تدرون مواضيع مثل هذي مااقدر اقولها وانا بالصاله مها : شيووخ نطري اييب الجاي والقهوة وايج شيخه : في احد ببيتكم ؟ مها : لا مافيه قطي عباتج شيخه : زين نطريني بيي معاج المطبخ .. خالتي ناديه وينها ؟ مها : رايحه عند يارتنا شيخه : اهاا .. يعني ماكو احد ببيتكم مهاوي !! مها : ههه نو اخذي راحتج قطيت عباتي وشيلتي وبعد المديح بلبسي وشكلي رحنا المطبخ نسوي جاي وقهوة .. وقعدنا نسولف باشيا مختلفه .. كنت ناويه افتح لها موضوع خلود اخوي بس ماادري شلون .. الصراحه حسيتها اصعب من اللي تخيلته .. واخيرا قررت افتح الموضوع بشكل غير مباشر شيخه : مهااوي .. ماقلتلج نبي نخطب لخلود اخوي مها : ههه واخيييييييرااا شيخه بنظرة : ليش قاعد على قلبج !! مها : لا والله .. بس نبي عرس من زمان ماكشخنا ولبسنا ورقصنا شيخه : واخوج نصور وين راح !! مها : من صجج ناقصين الناس اتشمت فينا .. سكتي بس سكتي شيخه : ممم اقولج شي مها : قولي شيخه : خلوود حاط في باله بنت معينه .. مها : حلفي !! .. منو اعرفها ؟ شيخه : صج لاقالوا عنج ملقوفه مااجذبوا مها : جب شيخه : ههههه ماتعرفيها للاسف .. الصراحه انا ماشجعته عليها بس اهوا مصر وقال مابي اتزوج غيرها .. يااهيا ولا مابي أي بنت بالكويت مها : ليش شفيها البنت !!! شيخه : لسانها طويل وماتحترم احد .. يعني ماتنفع زواج .. بس شنسوي اهوا يبيها مها : خالتي رضيه مو مجبورة تخطبها له .. خلود الف بنت تتمناه .. حرام تزوجونه بنت مثلها شيخه : شنسوي يقول يحبها !! مها : ماعليج الرياييل يحبون في اليوم اربعه وعشرين بنت شيخه : مهاوي .. مو راضي يقتنع .. عاد اهوا قالي سألوها اول وعقب اذا وافقت بخطبها رسمي مها : عشتو .. خايف ينرد .. احسن خل ترده يارب ترده شيخه : هههههههههههه .. وانتي شفيج معصبه مها قامت وهي تحط استكانته الجاي على الطاوله بقوة : وشكو اعصب شيخه : الحين شقول لخلوود!! مها باستغراب : عن شنو ؟ شيخه بابتسامه مكر : موافقه ! مها : مافهت .. على شنو ؟ شيخه : انتي تعيسه الحظ المقروده اللي مختارها خلوود مها تمت تطالع فيني وهي ساكته .. تقولون احد معطيها كف .. فاتحه حلجها ومبلمه بويهي قمت بايديني رفعت حنجها وانا ميته من الضحك : شفيج !! .. الله يخليج لايصير فيج شي تزوجي اخوي عقب كيفكم لاتبلشوني مها امسكت الكوشايه اللي يمها وقعدت تكفخ فيني .. انا كنت ميته من الضحك . تبون الصج شكل مها كان نكته .. ويهها كااااان مولع مثل الاشارة .. تحاول تخفي هالاحراج اللي باين عليها بالطق .. مها : يحمااااااااااارة .. مرة ثانيه تحجي عدل .. انا لساني طويل ومااحترم احد هااا شيخه : آآآآآآآآآآآي بس خلاص اسفه مرت اخوي ....... بس عورتيني هههههههه مها : لاتقولين مرت اخوج اوووف شيخه : زيــــــ ـــ ــ رفعت عيوني فجأة اول مادعمت بشي يدامي وانا اركض ومها كانت وراي .. كان ناصر مبحلق فينا وهو مبتسم .. انا ماعرفت وين اروح .. خذت الكوشايه من مهاوي وغطيت فيها شعري .. مها : نصووووور .. اطلع من الصاله البنت مو لابسه شيلتها ناصر : شنو يعني .. عادي .. صح شيوخ !! تبون الصج .. انا ولعت بغيت امووت .. شنو عادي !! .. ليش شنوشايفني ويا ويه !! اخاف ماعندي اهل ولا عباله اطلع يدام الريايل عادي مثل اللي ماخذها ماندري من وين يايبها قلت بنبرة حاده : لا مو عادي .. مهاوي عطيني شيلتي مها بدفعه قويه حق ناصر من ورى ظهره يطلع من الصاله : اطلللللللع يااخي خل البنت تلبس ناصر : ههههه زين زيين .. والله دنيا شيوخ قامت تستحي لاشعوريا بعدت الكوشايه عن ويهي وحذفتها صوبه .. ماادري ليش سويت جذي بس قهرني لو كان يدامي جان طقيته .. قليل الادب والحيا هذا خذت شيلتي وطلعت فوق غرفة مها وانا كل مافيني متوتر متنرفز .. لو احد قالي همسه بس راح انفجر بويهه مها : شيووخ تعرفين ملاقة نصور مالج شغل فيه شيخه : ملاقته مو على شيخه .. قوليله هالحجي .. اخوج ليش صاير دمه ثقيل .. ماكان اول جذيه مها : اووف خلينا من نصور .. بروح اييب قهوتنا ونقعد فوق شيخه : زين طلعت مها ودقايق يت معاها القهوة قعدنا نشرب ونسولف وكلما يبت لها طاري خلود سكتتني شيخه : اووف .. الحين شقول للريال مها : شيوخ لاتصيرين مليقة انتي الثانيه .. شيخه : مهاوي .. انت ماتبين خلود ومستحيه تقوليلي !! مها : ...... شيخه : خلص بقوله انج مو موافقه وانتهينا مها بتردد : لا شيخه : هههههههههههه ... جكيتج يالعيارة مها : شيووخ .. اووف فهميني شيخه بابتسامه : قولي محد بيفهمج غيري مها : ماادري .. انا مااحمل مشاعر لخالد .. بس احس انه احسن من الريايل .. وخوش واحد بس مااحس اني احبه ولا اكرهه .. عادي يعني شيخه : تبين تفكرين وتعطيني خبر بعد وقت !! مها : انتي شرايج ؟ شيخه : انا براي .. فكري .. خالد ولد خالتج .. وصدقيني مو عشان انه اخوي .. خلود وايد زين وبيحبج ويحطج بعيونه .. شوفي مها .. خالد مااختارج انتي الا لانه يبيج .. وماحب يتحجى بالموضوع الا لما يسمع رايج انتي .. مايبي أي احد يضغط عليج او على رايج .. اخذي كل الوقت ومتى ماحستي انج تبين تردين علي .. قوليلي مها : اوكي الساعه 10 ونص بليل وصلت البيت .. لقيت امي وسلوم ومريوم قاعدين معاها .. شيخه : مسا الخير ياام خالد ام خالد : وصلتي يما .. تبين عشا ؟ قربت وانا اصبلي استكانه جاي : نو تعشيت بيت خالتي ناديه ام خالد : جم مرة اقولج بطلي نو هذي .. قولي لا تحجي مثل البنات شيخه : سوري يما .. مااقولها ام خالد بنبرة : شيوووخ شيخه : هههههههه .. يما شنسوي جذي صار حجينا كل البنات يتحجون .. يا يما ماعادوا بنات اول مثل الحين ام خالد : الله على بنات اول .. حجيهم سنع ومسنع .. قطيت عباني وشيلتي بعد ماخلصت استكانة الجاي وحطيت راسي على ريول امي : يما وين اهل الدار !! ام خالد : منور راحت مع حصه يتشرون اغراض .. وصلاح عنده مدرس .. وخلود طرشته الجمعيه نقزت مريوم على بطني : خالتي شيخه لعبينا لعبه !! نقزت : آآآي عورتيني مريووم وخري سلوم : الله يخليج خالتي شيخه .. نبي نلعب الصراحه كنت زهقانه وحايشني الملل واهم بعد كسروا خاطري : يلا قوموا ام خالد : خل اروح اصلي دامج ييتي .. شوف اليهال الين مايوون خواتج مريووم وسلووم : هياااااااا قمت اخذت شيلتي ولفيتها على عيوني : يله انحاشوا وانا بدوركم بعد من واحد الين العشرة اوكيييييييه !! سلوم ومريووم : زيييييييييييييين قعدت اعد وانا اضحك .. ياااي من زمان مالعبت غميضه .هاللعبه كانت المفضله عندي .. كنا دايم نلعبها انا وخلود وصلوح وعزوز ومنيرة .. ودايما عزوز كان يخسر لانه كان متين ومايقدر يركض بسرعه وينحاش .. صح بقولكم شي عني ماتعرفونه انا احب طفولتي واايد .. احب ايام ماكنا انا ومنور نخش مصروفنا عشان نشتري فيه بيت باربي الكبير .. احب ذكرياتنا واحنا نلعب بملافع يديتي وعباة امي .. الطفوله كانت غير بحياتي صرخت بصوت عااااالي : خلااااااااص مريوم وسلوم : اييييييييييييه تحركت والشيلة مغطيه عيوني .. كنت اسمعهم يضحكون وينحاشون .. وكانت امشي ماادري وين اتجاهي الطرف الثاني غرفة عزوز في بيت ابوخالد كنت قاعد عالسرير .. وحايشني الملل .. اووف خلود قال بعد عشر دقايق بيكون هني .. ابي اطلع بس امي مو مخليتني .. انا بعد مالي خلق اتحرك .. صج اني طفشت من نومه السرير .. بس احس جسمي مافي قوة اقوم واتحرك قعدت عالسرير وفكرت لو اخذ لي دوش يصحصحني شوي .. وينشطني من هالكسل والخمول .. دخلت الحمام وفتحت الماي وخليته ينزل على ويهي وشعري باستسلام .. كان الماي بارد بس من سخونه جسمي ماكنت احس برودته .. توضيت مرة وحده وطلعت كنت حاط الفوطه على راسي انشف ويهي وشعري .. سمعت فجأة صوت الباب يندز بشويش .. وبنت شوي شوي تقرب مني .. بسم الله .. اخاف هذا من الصخونه قمت اتخيل اشيا غريبة شيخه وهي مغمضه عيونها للحين : سلووووم مريوووم وينكم !! تبون الصج ماادري ان كان اللي كنت اشوفه صج ولا لا .. بس اتوقع لو فيني ذرة سخونه ولا انفنونزا اتوقع انها راحت مع طلة هالشيخه .. لاشعوريا اتسعت ابتسامتي .. وتنحنحت .. عشان تحس بوجودي ..شكلها تلعب مع اليهال .. الحمدلله الشكر اخاف عبالها للحينها شيخه الصغيرة الشيطانه .. هههه لا وعايشه الجو بعد ههههااااي الجانب الثاني كنت انادي بصوتي وانا اضحك : مريوووووم .. سلووم وينكم !!! تعرفون حسيت روحي رديت صغيرة على هاللعبه .. كنت مستمتعه وانا العب والله .. شيخه : ويييييييييينكم انتوا .. ترى تعبت !! تقدمت خطوات بسيطه وانا اتحسس بيديني المكان .. فجأة سمعت صوت ريال .. قلت هذا اكيد خلود وصل خل استعبط عليه شوي شيخه : ايوا ياخوخه .. انتا جيييييت !!! عزوز بقلبه : ..... ينت البنت .. خوخه بعد ياسلام .. اخر عمرك ياخلود تصير خوخه شيخه وهي ترفع الشيله عن عيونها : انتا متى يــ ــ ــ شهقت بسرعه وانا مخترعه : بســـــــــــــم الله !!! انتا من وين طلعت رديت غطيت عيوني بيديني .. وماعرفت شسوي .. عزوز : انا .. اسف غلطتي الباب كان مردود وماسكرته ركضت من غير لااحس وطلعت غرفتي .. ماادري سلوم ومريوم حتى وينهم .. دايما انحط بمواقف باخيه .. بس والله مو ذنبي . . ماادري من وين طلع هذا وشايبه غرفة الضيوف .. اووووف .. بكل مكان طالعلي هالعزوز .. ولحظة بس . تذكرت شكله شلون كان .. شعره الاسود كان يقطر ماي ولحيته اللي طلعت شوي شكلها كان حلو .. عيونه النعسانه كان باين فيها شويه تعب .. ابتسامته .. لحظة شكله كان يضحك علي قمت ووقفت عند المنظرة اشوف شكلي شلون كان ... امبيييي الكحل شويه سايح .. وشكلي حايس شوي شيوووخ شفيج .. هذا عزوز .. لاتنسين .. ولايروح بالج بعيد غيرت ملابسي ورنزلت تحت على اصوات منيرة وحصه اللي ردوا من السوق وينادون علي .. الجانب الثاني طلعت شيخه وانا غمضت عيني وطلعت مني زفرة قويه .. ماكنت ابيها تفارقني ولا لحظة ..تعرفون ماادري شنو افسر هالشعور .. مااعرف هالبنت شقاعده تسوي فيني وليش انا مهتم فيها .. تمنيت اني مااعرفتها بحياتي .. تمنيت ان احنا تمينا صغار وماكبرنا .. تشدني طفوليتها وعفويتها .. تشدني نظرتها احس اني انسى الحجي كله من نظرتها عزوز ... عزوز شفيك .. اكيد هذا كله من السخونه .. شيخه اختك وبس .... لازم تفهم هالشي زيين .. مستحيل بتكون شي غير جذي .. لاتتعدى حدودك عشان ماتخسر العايلة اللي احتوتك من وانت صغير .. اتمنى لكم متابعه ممتعه ,, في انتظار توقعاتكم ,, لكم خالص تحياتي ,, اختكم في الله سكـــــــــــــــــــــــــونه :) |
رد: رواية ناكر المعروف ,, مابيّن بعينك .. رواية روعه حياكم ..
لم انسى متابعه الروايه
ومازالت اتابع من فتره لاخرى ومتشوق للنهايه .. يعطيش الف الف عافيه اختي سكون الصمت |
رد: رواية ناكر المعروف ,, مابيّن بعينك .. رواية روعه حياكم ..
اقتباس:
اشكرك اخي فارس اتمنى ان تكون الروايه قد نالت اعجابك ,, وهذا الجزء التاسع ,, الجزء التاسع : يوم الخميس الساعه 10 ونص صباحا غرفة شيخه مها : قووووووووووووووومي يالكسلانه ماشبعتي نووووم شيخه تير اللحاف عن مها اللي سحبتها منها بقوة : اووووووووف خلوني انام طول الليل سهرانه انا مها : محد قالج تسهرين .. عنبوه .. ماتصدقين ايي الويكند على طول قلبتي نومج فتحت عين وحده والثانيه مسكرتها لاني حدي مالي خلق اقوم ... بس كنت بتأكد هذا صوت الخبلة مهاوي ولا احلم !! شيخه : انتي متى ييتي !! مها تضحك وتنام يمها : الله والله فراشج يشهي حق النوم شيووخ قمت شوي وانا اعدل شعري : مهاوي .. ليش ماقلتيلي انج بتيين عشان اقفل الباب مها : ههههههههههههههه يحمارة .. انا قلت حرام تبي تستقبلني بالاحضان شيخه : مالت عليج .. سؤال انتي شنو خفاش ماتنامين .. ياختي يوم عطله يايتني من صبح الله لييييييييش !! مها اللي قامت وفصخت عباتها وشيلتها وعقب قربت من شيخه اللي دايخه حددددهاا وسحبتها من ايدها .. : قووومي يالله غسلي ومشطي شعرج وكشخي يله بلا حجي فاضي .. وبعدين الساعه جم الحين .. وانتي للحين نايمه سألت بسرعه لان الاجابه كانت تهمني : منو يايبج ؟ مها : ييت مع امي .. نتريق معاكم قومي شيووخ يلله قمت وانا اير ريولي يرر : زييييييييين دخلت الحمام وخذتلي شاور عالسريع .. لبست الروب وطلعت وانا لافة شعري بفوطه ورديه طقم مع روب السباحه .. كانت امي شاريته لي واسمي مطرز عليه بالانجليزي بشكل حلو .. شيخه تسوي روحها توها تشوف مها : .. اووو مها هني .. متى ييتي !! .. ياهلا وياغلا بالحلا كله ... مها : ههههههههههه نصااااابه .. من شوي بتقومين تقطيني من الدريشه شيخه : لا الين بقطج من الباب .. رجاءا يعني بلبس ؟ مها وهي تقرا مجله محطوطه عالكوميدينيا . وهي نايمه على فراش شيوخ وحاطه ريل على ريل : ووين اروح يعني !! شيخه بخبث : عند خلووووود!! مها حذفتها بالمجله : شيوووووووووووخ ... فضحيني بعد شخه : هههههه .. شتبين بعد .. حمدي ربج ان خلود فكر فيج ولا منو بيفكر بقرادة مثلج مها قامت وهي تلاحقها بتكفخها وشيووووخ تضحك وتركب عالسرير شيخه : مهاااااوي اعقلي لابسه روب انا .. ههههههههههههههههه مها : عشاااان توووبييين ! شيخه : خلاص تووووووبه ... مااعيديها والله ههههههههه مها وهي طالعه وناسيه انها من غير شيله وعباة : خلاص سامحتج .. لاتطولين .. ترى موعروس شيخه وهي تسكر الباب : خلينا العرس حقج هههههههههههااي مها : يالخاااااااااااااااايــــ وسكرت الباب شيخه ومها تتوعد فيها وهي تطق عالباب بازعاج عشان تأذيها .. نفس اللحظة طلع خلود من غرفته وهو ويهه كله نوم .. تنرفز من الازعاج اللي بره وهو نص مغمض وماايدري من اللي واقف بره ومعطيه ظهره طاحت عيونه على وحده شعرها اسود وفيه بريق احمر رووووعه .. لابسه جينز وتوب اسود قصته من فوق عاريه شوي مع كموم شفافه تبان ايدها منها .. لاشعوريا حس روحه واقف وماقدر يبعد عيونه عن شعرها .. تنحنح شوي .. وده يشوف ويه منو هذا !! التفتت مها وهي مخترعه وماعرفت شتسوي .. ركضت بسرعه وهي تطق باب غرفة شيووخ بقوة .. : شيوووووخ فتحيي الباب بسررررررررعهه ... خالد رجع غرفته وعيونه وقلبه وروحه هنااك : استغرب هالتعلق بمهاوي مع انه مو اول مرة يشوفها .. يمكن اول مرة يشوفها كاشخه ومن غير حجاب .. معقوله قبل ماكنت اشوفها بسبب اسما .. معقوله هالجمال كله كنت غافل عنه .. صج اني حماار وتنهد تنهيده طالعه من قلبه : آآآآآآآآآه ياليت توافق بس .. الجانب الثاني مها : شيوووخ والله بذبحج فجي البااااااااااب يالخايسه شيخه اللي عبالها شيخه للحين تتغشمر : زيين زيين ماتبيني اكشخ لج يعني مها : شقالولج ريلج انا .. خلصي اخوج خلود بره >>> بتبجي وهي تقولها شيخه افطنت اخير وبقلها ميته من الضحك .. مسكينه مهاوي شكلها قلب ويهاا ستعش لووون هههههه .. والله مو هين ياخلود افتحت لها الباب ومها دشت مثل اللي لاحقها شي : هييييييييييييييين اوريج شيخه ماقدرت طاحت عالسرير تضحك : هههههههههههههههههههههههههههههههه بس بس ماقدر مها تخزه بحقد : اقول جب شيخه : ياويل قلبك يااخوي .. شاف هالجمال اكيد بيوقف قلبه من الصدمه مها : اسمله عليه .. هيييي انتي لاتقولين جذي تعرفون انا طلعت عيوني يدام من الصدمه .. : اسمله علييييييييه !!!!!!! ياعيني عالحب .. ماتقولين موافقه وتريحينه طيب مها : تدرين .. انا يزاتي اللي يايتلج ومقابله ويهج انزل عند منور احسن لي شيخه : هههههههه .. خلاص خلاص يالدبه .. امشي اشوووف نزلوا البنات تحت بعد ماخلصت شيخه لبسها .. وكانت لابسه فستان قصير موف من غير كموم ونشفت شعرها وخلته ينزل على جتوفها بحريته ونعومنه اللي تجنن .. تكحلت وحطت غلوس خفيف مع ماسكارا في الصاله كانت ام ناصر وام خالد .. كلهم متيمعين عالسفرة المحطوطه ويتريقون يميع ... واول مادخلوا البنات استلموهم الحريم يالتعليقات : ام خالد : حشى مو نوم يااشيووووخ ... !!! شيخه اللي سلمت على خالتها وقعدت يم امها : فديتج ياام خالد .. النوم سلطان ام خالد : خلص وقت الريوق توكم تنزلون مها : شسوي ياخالتي .. العروس شيخه سنه عالماتلبس وتتجهز شيخه : احم انا العروووس ياام لسان !! مها انحرجت وويها قلب الوان .. قرصت شيخه على ريولها بقووووووووة : أأأأأأأأأأأأأأأأأأأأأأأييييييييي ام خالد : ياويلي شفيكم انتوا مها وهي تبتسم مصطنع : ماكو شي خالتي .. هذي بنتج يبيلها تأديب شوي ام خالد ابتسمت واللي فهمت : ايييي .. الله يقدم اللي فيه الخير وانا يوم السعد اللي اشوف هالعروس تنور بيتنا قالت هالكلام وهي تشوف مها بابتسامه مريييييحه مها سكتت ونزلت راسها والحريم يتضاحكون وشيوخ ومنور كلشوي يلعبون باعصابها وكانت صج قعده حلوة .. بيت عماد بو شهد ام شهد : شهوده يما .. انا رايحه بيت يارتنا ام خالد بتين معاي ؟ شهد كان حده ضايق خلقها وملااااانه من هالامتحانات ودها تطلع تغير جو وقبل جم يوم كلمت شيخه وقالت لها انهم مشتاقين لها .. فكرت شوي عقب قالت : مم ماادري يما .. اخاف نايمين البنات ام شهد اللي عاجبتها علاقة بنتها ببنات ام خالد اللي صج مافي منهم : شوفي انتي تعالي ان كانوا قاعدين تمي وان كانوا نايمين ردي البيت شهد اللي راقتها الفكرة : اوكي .. عشر دقايق اغير ملابسي وايي وبعد عشر دقايق كانت شهد لابسه عباة وشيله ملفوفه بشكل متقن وباين ويهها الدائري الللي يهييييبل .. صج الحين بان جمالها اكثر من قبل ... ونزلت وراحت مع امها بيت ام خالد بيت ام خالد ام شهد : السلام عليكم ام خالد : هلا وغلا .. ياام شهد حياج الله ... دخلت شهد بعد تردد .. خايفة ليكون صلاح هني ويحرجها .. مع انها قررت انها تكون ثابته وواثقه من روحها .. الانسان يغلط ومافي احد معصوب من الغلط والحمدلله اني فطنت على روحي ولحقت عليها .. اهم شي رضى ربي واهلي عليه ... واهواااا ماعليه منه .. نغزني قلبي من هالكلمه .. ماعلي منه !! .. صلاح اللي ماغاب عن بالي لحظة .. ماعلي منه !! بغيت اصييييييح من هالشعور .. بس لازم اقوي قلبي واشيله من بالي شيوخ ومنور ومهاوي : ياااااااااااااااهلااااااااااااااا. ... تونا بطارييييييج شهد وهي تضحك : هههههههههه .. شفتوا القلوب عند بعضها .. يااختي جني حسيت انكم متيمعين من وراي وطحت عليكم مها اللي منعجبه من تغير شهد الملحوظ في لبسها : عندج شيووخ .. قلنالها قومي دقي على شهد تينا .. قالت لنا وعععععع ... منو .. الينه شهد !!! شهد طلعت عيونها على غشمرة وحطت يدها على خصرها : انا شيوووووووخ شييينه !!! شيخه : ههههههههههههههههههههههههه جذااابه ماعلج منها .. الا اهي حاطه حرته فيني لان مساع احرجتها يدام العيايز مها : ههههااي عبالج نسيتها لج .. ماني بنت ابوي ان مارديتها لج نطري علي وقعدوا البنات على سوالف الين وقت الغدا .. استأذنت ام شهد وشهد وعقب ام ناصر بس شيوخ اصرت مها تقعد معاهم للغدا والعصر تروح ام ناصر : ومنو بييبج مهاوي .. ناصر تراه سافر ييب عروسة الغفلة ضحكت شيخه ومها بشويش وعقب قالتلها : يما طرشي السايق ولا ابوي الله يخليييييييييييج .. مامدانا نسولف ام خالد : خليها ياناديه .. هذا بيتها بعد قالت هالكلمه وهي تبتسم ولللللللللللع ويه مها من الاحراج .. ماتدري ليش تنحرج .. ماتدري ليش شعور بداخلها بالرضى عن خالد .. جنها قامت تحس انها بتوافق بعد جم يوم .. الصاله الساعه 11 ونص بليل منيرة : والله انكم مو هينات انتوا الثنيتن مها تتذكر شلون اقنعت امها تنام بيت خالتها : ههههههه .. شفيج خلينا نعيد امجاد الماضي .. ماتذكرين قبل يوم كنا صغار انا ببيتكم اكثر من بيتنا شيخه : ههههههههههههه .. وناويه تنامين يوم ولا طول العمر ؟؟؟ مها : شيوووووووووووووووخ ويهد !! منيرة : ههههههههههه . زين زين لاتهاوشون .. ممم بروح اييب لنا نفيش وحب وجاي .. بيحطون فلم السهرة بعد شوي .. بس شنو يقولج فلم رعم مو طبيعي مها : هيااااااااااا شيخه بتخوف شوي : الفلم دموي !! نسيت اقولكم شي يديد عن شيخه ماتعرفونه ... هالبنت ماتتحمل مناظر الدم والقتل .. بسرعه تلوع جبدها وتدوخ .. والدليل يوم طاحت اول ماشافت خلود الدم مغطي ويه ذاك اليوم منيرة : لا اتوقع اكشن راحت منيرة المطبخ وتمت مها وشيخه على سوالف .. شوي ولايدق تلفون خالد شيخه : هلا هلا خوخه افندم خالد : خوخه بعيج .. ريال طول بعرض تقوليلي خوخه !! شيخه : ههههه طيب نعتذر عمي السيد خالد .. شتبي !! خالد : احم .. مها يمج !! شيخه وهي تناظر مها وهي تغمز لها : اييييه خير ؟ خالد : صج بتنام بيتنا ؟ شيخه : ههههه بتنام بيتنا وانتا شكو مستانس .. قالولك بتنام بغرفتك ؟ خالد : اقول جب وعن الطنازة .. ماردت عليج بشي ؟ شيخه : لا والله .. هذي هي يمي تبي تكلمها مها تسوي حركات انها بتتوعد فيها وتأشر تقول لا وشيوخ تضحك خالد : ياليييييييييييييييييييييييت .. اوووف .. شيخه : ههههههههههههههه .. تدري شنو احلى شي بالدنيا .. اني انا بيديني كلشي الحين .. أأأأخ ياحلاة المذله خالد : يله بنطوفها لج ياالشيخه عشان خاطر الحلو اللي يمج واذا صار اللي ببالي بردها لج شيخه : ههههههاااي .. مو انت اللي تردها .. انا الشيخه ياخلود خالد بقهر : والنعم .. زيين ابي منج طلب شيخه : شنو ..؟ خالد : احم الصراحه مشتهيين سلطه فواكه انا وعزوز ...ياليت يعني لو تسوين لنا ! شيخه : ههههههههههههههه .. ياحرام والله احلامك كبيرة خالد : تبين الصج ..كنت حاس انج بتنيحسين .. بس قلت بحاول يمكن ينزل عليج وحي من السما شيخه : تبون HELP YOUR SELF خالد : اقول مالت على هالشيفه .. سويلي طريج بروح المطبخ شيخه اللي فاهمه ان خلود يبي يشوف مها باي طريقه وقالت له : خلاص انا بييبلك كلشي تبونه وانتوا سووها بالمطبخ التحضيري اللي بره خالد بقهر : نحيييييييييييييييسه شيخه : هههههههههه .. فاهمتك انا يله باي خالد : باي مها اللي نطت : شنو قالج ؟ شيخه : احم .. يوالف بين الاخوان لاتدخلين روحج .. من الحين يامهاوي بتسوي فيها غيره .. هههههه مها : انطمي وقوليلي شنو قالج ؟ شيخه بعيون حالمه : والله وطاح اخوي بحبج وهو مايدري .. لو تشوفين لهفته ووناسته يوم درى انج نايمه ببيتنا وردت خدود مها من الحيا .. وتراها شعور بالسعاده : مممم شيوخ .. شوفي انا بقولج اني موافقه قامت شيخه تيبب : كلوولولولولولوووووووش واخييرا مها تسكته : يالفضيحه سكتييييييييي .. شيخه : هههههههههههههه عادي يااختي .. شفيج خلج ايزي مها : بس لاتقوليله اني موافقه خله يتعذب الين باجر .. اذا رديت البيت قوليله شيخه : والله طلعتي مو هينه يامهاوي مها وهي تغمز : احم احم .. اعجبج >> تربيتك ياهانم ههههههههه شيخه : انا اشهد ههههههههههههه يات منيرة ومعاها النفيش والحب والجاي وباجي الشغلات وراحت شيوخ المطبخ وحطت الاشيا اللي بيحتاجها خالد حق سلطه الفواكه وودتها المطبخ التحضيري بره اللي يم الديوانيه .. طبعا هالمطبخ واجهته كلها زجاج من النوع اللي ماتقدر تشوف اللي داخل بس اللي داخل المطبخ يشوفون اللي بره لكن بالليل يبين منو داخل المطبخ حطت شيوخ الفواكه وهي تندن وتغني حبيبي اسف ازعجتك حلو صوتك قبل لاتنام سمعته واشتعل دمعي وكني شفته بعيني الطرف الثاني خالد كان يكلم بالتلفون صاحبه بالدوام اما عزيز فكان يشوف مباراة الدوري ومتابع لاخر درجه .. فجأة لفت عينه ليت المطبخ المقابل لدريشه الدوانيه مفتوح .. وبنت لابسه بجامه ليمونيه تهبل ورافعه شعرها بشكل فوضوي ونازله منه خصل ... عرف انها شيخه .. ولو يحطونها بين الف بنت يقدر يطلعها من بين هالالف .. خلاص ايقن شعوره اتجاه هالشيخه .. وعرف ان حبه لها اكبر من انه يصفه .. اشاح بعيونه من المطبخ وغصب قعد يطالع المبارة اللي ماعادت تشد انتباهه .. اكييييد من يشوف القمر وش له بالنجووووم !!!!! الساعه 2 ونص مها وشيوخ فارشيلهم على الارض بغرفة منيرة ونايمين .. لان الفلم طلع يخوف وخافوا ينامون بروحهم .. ومنيرة نامت بفراشها .. كانت منيرة توها بتغفي عينها ولا يوصل لها مسج انتظرتك .. عمري كله .. وانتي حلم ومرت الايام والله .. وانتي حلم.. ليه تأخرتي علي .. توهي مره واسالي .. كوني في غير الزمان .. والا في غير المكان كوني عمري .. عمري كله.. اللي باقي .. واللي كان.. انتظرتك عمري كله .. وانتي حلم .. كل نجمه شعشعت والقلب عتمه .. كانت انتي .. كل حرفٍ حرك شفاهي بكلمه .. عنك انتي .. وكل حبي اللي مضى والحب قسمه .. منك انتي .. كانوا الاحباب ظلك .. بعض احساسك ونورك .. ما عرفتك يوم كلك .. ياللي في غيابك حضورك .. انتظرتك عمري كله .. وانتي حلم .. هذا إنتي .. قولي والله إنه إنتي .. وين غبتي ؟! .. عني هذا الوقت كله .. وين كنتي ؟! .. شيبت عيني طيوفك .. وما أصدق إني أشوفك .. ياللي قلبي في كفوفك .. نقش حنا .. وفي جديلك عطر ورد .. آتمنى .. لو تكوني في فراغ اعيوني وعنى وفي سموم ضلوعي برد .. ليه تأخرتي علي .. وما طرى لك تسألي .. ليه نأخرتي علي .. وما طرى لك تسألي .. إنتظرتك عمري كله عمري كله .. وانتي حلم انصدمت منيرة من هالمسج .. كان واصلها عن طريق الوسائط .. شللي يخليك يافيصل ماتمل من المحاوله .. سكرت تلفونها وحطت راسها ونامت في الجانب الثاني كان فيصل موقادر ينام .. حاول لكنه ماقدر .. حس هالبنت قلبت كيانه فوق تحت .. نظراتها البريئة ضحكاتها اللي ترد الروح .. غمازاتها اللي تخلي عيونك ماتنشال عن ويهها القمري .. وفوق هذا وذاك كله ... اخلاقها وحياها .. هالشي يمكن اللي مخليني اتعلق فيها .. صارلنا قريب الست اشهر .. ومنيرة ما مالت مجرد ميل لي .. لازم افكر بشي .. لازم هالبنت تكون لي باي حال من الاحوال اليوم الثاني الجمعه مها مرها السايق الصبح وردت بيتهم اما شيوخ ومنور ماقاموا الا متأخر .. صلوا الظهر وتغدا وعقب كل وحده راحت تجهز روحها حق عزيمة اليوم .. اللي بتكون مفاجأة للجميع .. بيشوفون زوجة ناصر اللي وصلت امس الفير .. اختيار ناصر شللون بيكون وشنو ردة فعل كل شخص بالعايلة !!! بيت الخاله فاطمه طبعا احنا اخر ناس وصلنا لان حصه هانم تعبت شوي علينا وسوت لنا فلم هندي ويوم ودينهاها المستشفى الدكتور قال مافيهاش حاقه دي بتتدلع عليكم عموما .. كنا رايحين بسارتين .. انا ومنيرة وخلود وصلوح ومريوم وسلوم مع بعض وامي وابوي وسلطان وحصه بسيارة سلطان وطول الدرب وكل شخص يتوقع شلون بتكون صدمه اللقاء .. وكل واحد قام ينتكت ويضحك ويعلق .. الا انا تعرفون حسيت بالغيرة .. لاتفهموني غلط .. ابد مو غيرة حب ... بس غيرة شهره .. يعني كل العايله ماعنده سالفه غير زوجه ناصر ... وشنو يعني امريكيه .. والله والله ان ظفر البنت العربيه يسوى طوايفها .. ماتهم العين الزرقا والخضرا ولا الشعر الاشقر .. كل هذا مايهم لانها مجرد مظاهر وخرابيط .. المهم اللي داخل هالقلب تنهدت وطلعت منه تنهدية قويه ... وتمنيت من قلبي ان ربي يرزقني شخص احبه ويموت اهوا فيني >>> هذا الدعاء بعد دعيته العام يوم رحنا العمرة .. احم احم وصلنا بيت خالتي .. ونزلوا الشباب الديوانيه اما احنا الحريم فاتجهنا الى صاله الاستقبال الكبيرة في بيت خالتي .. واللي طبعا مأثثه بمستوى راقي حييل وجذاب .. قطينا عبينا في الرسبشن عقب دخلنا .. وبدينا بالسلامات الحارة .. بس انا كانت عيوني تدور على ... ممم قالتلي مها ان اسمها جيني جعل ربي يجننها ان شالله .... باين اني ماراح احبها ولا راح استسيغها بس مجرد فضول بس ابي اشفيه واعرف ذوق هالناصر في الاختيار وطاحت عيوني على وحده طوووووويله وعررررريضه واقف يم خالتي ناديه وتبتسم ببلاهه شلكها ماتدري وين الله قاطها .. شعرها اشقر قصير وعيونها مثل ماتوقعت خضرا .. بس مافيه ولانتفه جمال .. شكلها اجنبي بحت بس قاعد يمها ولد جناااااااااااااااااااااااان شكله هذا جراح ولد ناصر ... ياملحه طالع على ناصر اكيد مو على الشينه زوجته صج صج ناصر ماعنده ذوق .... معقوله يصوم يصوم ويفطر على بصله .. عالاقل ياخذ وحده ششمحوطه وحلوة .. بس تبون الصج .. رجعت لي الثقه بنفسي .. انا احلى منها باميه وثمانين درجه .. اصلا مافي وجهه مقارنه ام خالد وهي تسلم على ناديه وتساسرها باذنها : هذي مرت ناصر !! خاله ناديه : اييه سكتي بس لايرتفع ضغطي ! جراح يكلم امه : MAME CAN I GO OUTE SIDE TO PLAY ! تبون الصراحه بس هالجمله فهمتها .. وباجي الحجي اللي هذر فيه مع امه مافهمت منه ولا كلمه .. ماادري أي لغه يتحجى هالبرز .. اشك انها انجليزي .. ماشالله انجليزيته واااايد زينه هههه الحمدلله والشكر صج اني خبله .. يعني اجنبي شتبينه يتكلم ياشيوخ هندي !!! هههه مها تدز شيخخه من جتفها : هيييييييييييي .. وين رحتي شيخه : للحين مارحت مكان .. بس بعد شوي بروح المطبخ اصبلي عصير او ماي .. لان احس بختنق مها بخبث : كلهذا عشان جيني هني !! شيخه : وووووووووووع .. صج ان ماعندج سالفه مها : قولي قولي تغارين وللحين تحبينه قوووولي شيخه تنرفزت ... اخر شي تفكر فيه انهاا للحين تحب ناصر .. اصلا تشك اذا في يوم حبته : اقووول فكيني انتي واخوج والينيه زوجته .. تين معاي !! مها : قومي يله تمتوا الحريم قاعدين على سوالف وضحك ولو ان الكل متضايق من هالجيني ومو عارفين يتعاملون معاها اخر شي عطوها طاف .. وهي شكلها مو متأقلمه كلش معاهم الساعه 11 ونص بلليل غرفة ناصر ناصر يكلم جيني : hmm …how do you see my family ? جيني : cute hony , ناصر اللي حس من لهجتها البارده والغير مهتمه انهم ماعجبوها بس قال : I know you are not comfortable .. but I promise you will love them جيني من غير نفس : I hope سكرت الكتاب اللي كانت تقرا فيه ونامت .. نفس الوقت غرفة شيخه قعدت متلحفه بلحافي وبيدي دفتري وكوب حليبي على الكميدينا .. حاولت اكتب شي بس مالي نفس .. وتذكرت اني ماقلت لخالد ان مها وي وافقت .. استغليت الفرصه وقمت ورحت غرفته لقيت الباب مفتوح وخلود قاعد يزهب بدلته العسكريه اللي تواه يايبها من المصبغه شيخه : مسا الخير ياخووووخه خالد بعصبيه : قوليلها مرة ثانيه اشق حلجج شيخه : ههههههههههه وااي شهالاجرام .. وان شقيت حلجي شلون بتعرف الخبر اللي يايبته لك ؟ خالد وقف شوي وعقب التفت لها بحنيه ماتوصف : يانظر عيني وقلبي وروحي ياشيخه ... قولي انها موافقه لقيت نظرات الامل كلها بعين خالد .. معقوله يبحها هالاكثر .. تستاهل مهاوي والله : اييييييييييييييييييييه قرب خلود وبهبال حضني واهوا يتشكرني وانا اقوله و ادزه بعييد : اووووف خلاص يبا هذيك مها روح احظنها خلني انا خلود : يابعد قلبي يااختي ههههههه ربي ماانحرم ن هالويه ضحكت على خلود ...: يارب دوم هالسعاده يالدب .. مبروووووك خالد : الله يبارك فيج .. شيخه : متى بتخطبها رسمي ؟ خالد : باجر بكلم ابوي عشان نخطبها رسمي .. امي درت ؟ شيخه : مااعتقدر مااقتلها انا .. بس شكلها حاسه خالد بارتياح : الحمدلله .. شيوخ !! شيخه : هاا .. خالد : ممم شرايج يعني تعطيني رقمها !! مايصير اكلمها ؟ شيخه طلعت عيونها : نعـــــــــــــم !! اقول لاتاخذ راحتك وايد ها .. اشوف كلكم صرتوا مثل ناصر لامبادئ ولا عادات خالد : هههههه بل بل .. كليتيني . وناصر هذا طيح روحه بمشكله والله يعين شلون بيطلع منها سكت .. ماعرفت شنو ارد .. شلت روحي وطلعت من غير نفس .. وحطيت راسي عالمخده وماحسيت بروحي الا وانا ناااااااااااااااااااايمه بعمق الجزء العاشر الساعه عشر ونص الجامعه كلية منيرة منيرة : شيوووخ .. وبعدين مو حاله هذي .. اخر مرة ايج ترى .. مرة ثانيه بخلي السايق عندي زيين ! شيخه : هههههههههههههه زين زين بل كليتينا .. يله تعالي منيرة بتأفف : زين منيرة اللي طفرت من روحه الباص اصلا اهي خايفه تروح عشان ماتبي تشوف فيصل اللي من مده صار يراقب حركاتها ويياتها كلها .. وبدو البنات يتحجون عن هالشي بشكل ملححوظ .. حتى مرة مسكتها رفيجتها ديمه وقالتلها اذا بينها وبينه علاقه لان الكل ملاحظ هالشي .. يومها بجت منيرة وحست ان هالشخص ناوي يفسد لها حياتها كلها .. كنت سرحانه وانا امشي .. وعيوني مشتته مابين ويوه البنات اللي يشوفوني بنظرة غريبه .. وبين خوفي ان يكون فيصل لاحقي كالعاده .. ياليت عندي شجاعه شيووخ .. واوقفه عند حده .. بس اخاف .. ديمه اللي كانت يايه صوبي : مرحبا ياحلو ؟ منيرة بابتسامه بارده : هلا ديمه ديمه قربت شوي وبابتسامه حيا : للحين زعلانه مني ؟ منيرة : ديمه انتي اكثر وحده تعرفني .. المفروض انتي بالذات ماتسأليني هالسؤال البايخ ديمه : والله اسفه منور .. انا قاعده انقلج البنات شيتحجون فيه .. انا اعرفج مثل مااعرف روحي .. منيرة اللي خنقتها العبره ..: ديمه شسوي .. قوليلي ؟ ديمه اللي عورها قلبها على منور .. تعرف شكثر هالببنت مسكينه ومالها حس : تبيني انا ازفه ؟ منيره : من صجج انتي .. تبين تفضحينا ..!! . امشي معاي بروح كليه شيوخ اختي عندها امتحان وتطلع بعد شوي ديمه : بتروحين مع الباص ؟ منيرة : ايه .. تعالي معاي .. اخاف اشوفه .. ويسوي سوالفه البايخه ديمه : ودي .. بس بتبدى محاضرتي الحين .. منور روحي وخلج قويه ولا تخافين منيرة بانكسار : ان شالله .. يلا باي ديمه : باي كملت طريجي صوب الباصات وبخطوات سريعه لان الجو بدى يمطر .. واول مانزلت من الدري لقيته بويهي تعوذت من بليس .. وكملت بخطوات اسرع واول ماوصلت الباص مسكت الباب عشان اركب .... طلع هالشبح بويهي مرة ثانيه .. طلع هالواقع المخيف اللي يلاحقني من مكان الى مكان مثل ظلي .. ماحسيت بروحي وريلي تخطي العتبه واطيح على الارض بهالمطر والطين والغيله ماادري .. شلون اوصف لكم هالموقف .. حسيت شياطين الانس والجن كلها طلعت يدام عيوني .. تميت قاعده مكاني وابجي .. ابجي بقهر .. وسبيته وماخليت كلمه ماقلتها له فيصل : أ أ نــ ـ ا اســـــف منيرة ببجي : اسف على شنو ... خلص ماعاد اتحملك ليش تسوي جذيه ليش .. خلني بحالي .. انا مب زي البنات اللي ببالك .. خلني بحاااااااااااااااااالي تفهم فيصل بصدمه شلته عن الحركه وبخطوات بسيطه قرب من منيرة وحاول يسمك ايدها ويقومها : قومي الحين عن المطر لا تزكمين .. قولي اللي تبين انا استاهل .. بس لاتبجين منيرة بنبرة مصرة : وخر ايدك عني حاولت اقوم بروحي .. استندت على الباص شوي شوي وعيوني تمطر دموع قهر اكثر من امطار السما .. ناظرته بعين احتقار .. ودخلت الباص وانا في وضع مايعلم فيه الا الله الجانب الثاني فيصل تعرفون .. حسيت روحي مشلول عن الحركه .. حتى ماركبت الباص .. نظرتها هذي ذبحتني .. مثل الصفعه اللي توعي النايم .. غمضت عيوني اول ماشفت الباص يتحرك وانا ولا حرف ولا كلمه ... فيصل شفيك .. شصاير لك .. البنت ماتبيك .. الف بنت غيرها .. بنت غيرها !! وفي بنات عقبج يامنيرة ... !! طلعت تنهيدة قويه مني .. احس ودي اطلع معاها كل حب او اعجباب او حتى شوق لهالبنت .. بس وين ..!! ياليت اقدر على هالشي .. وانزعها من قلبي نزع ... خذت التلفون ودقيت على علي فيصل وهو يمسح ايده على ويهه وسكسوكته السودا بالم : الو علي : هلا وغلا .. عاش من سمع هالصوت .. يااخي اشتقنالك وينك انت ؟ فيصل بضيق : وينك علي ؟ علي حس فيه : بسكوير الاداب .. شفيك ؟ فيصل : ضااايق حدي .. علي : لاتقولي نفس السبب فيصل بتنهيده : اهو ماكو غيره علي : لا حول الله .. فيصل اللي سمعته عند البنات كلها .. لو يأشر على بنت تييله ركض يصير فيه جذيه !! فيصل : علي يرحم والديك مالي خلق طنازة .. اللي فيني كافيني وزود علي : زيين تعال السكوير وغير جو .. بين هالبنات الحلوين فيصل : مالي خلق اشوف احد .. تعال انت الكفتيريا انطرك علي : اوكيه .. يله باي فيصل : باي نفس الوقت شيخه : شوفي .. ماراح اتحرك من مكاني ان ماقلتيلي شفيج ؟ منيرة وهي تمسح باجي دموعها وتخبي بجيها وويها المنتفخ بيدها : مافيني شي شيخه : انتي شايفه روحج بالمنظرة ولا لا ... في احد من البنات مزعلج ؟ .. في احد مضايقج قوليلي وانا اغسل شراعه الصراحه يتني الضحكه .. خبله شيوخ دايم بتهاوش ولا تحب احد يدوس لها او لاحد تحبه بطرف : هههههه شيخه بابستامه : منور .. قولي يله شفيج ؟ منيرة : واحد مأذيني .. ولحقني الين الباص .. شيخه : وبعدين ؟ منيرة : من الربكه طحت .. وبجيت شيخه سكتت لكن عقب انفجرت من الضحك : هههههههههههههههههههههههههههههههههههههههههههههه منيرة باستغراب : شللي يضحك مالت عليج ؟ شيخه : اتخيل شكلج وانتي طايحه هههههههههههههههههههههههههه منيرة : اقول ... جب وامشي شيخه : ههه والله عبالي عندج سالفه مهمه تبجين عليها .. طحتي خير ياطير .. بيحطونج بالاخبار يعني ؟ منيرة : ماابجي لاني طحت .. ابجي لاني خفت منه شيخه : ماعندج سالفه لو رديتي عليه ووقفتي عند حده مالحقج للباص منير : اخاف .. ماعندي جرأ ة شيخه : والله ماادري منو الكبيرة انا ولا انتي .. منيرة : انا بعد .. بتأكد من شهاده الميلاد شبيخه : ههههههههههه .. اقول .. عسى ماصوروج بلوتوث ؟ منيرة : ههههههههههههههه جب شيخه من داخلها مرتاحه ان منيرة ضحكت .. صح الموضوع فيه شويه احراج لها .. بس لازم تتعود انها توقف هالاشكال عند حدها .. منيرة واعرفها تخاف من ظلها .. ركبنا السيارة وردينا البيت وانا حطيت راسي ونمت على طول لاني كنت حدي تعبانه ومواصله من امس |
رد: رواية ناكر المعروف ,, مابيّن بعينك .. رواية روعه حياكم ..
ربي يعطيش العافيه على القصه الرائعه اختى سكونه بس متى بتكملين الاجزاء ننتظرك على احر من الجمر نبي الباقى ردي
تحيييييييييييييييييييييييييييييييييييييييييييييييي يييياتى |
رد: رواية ناكر المعروف ,, مابيّن بعينك .. رواية روعه حياكم ..
هلا فيج حبيبتي رمايل الشوق ان شاء الله بنزل لج ثلاث اجزاء مره وحده عن قريب ,,
اشكر لكي متابعتك الطيبه ,, لكي مني ارق التحاياا |
رد: رواية ناكر المعروف ,, مابيّن بعينك .. رواية روعه حياكم ..
وهذي الاجزاء اللي وعدتج بها يارمايل الشوق ,,
نفس اليوم الساعه وحده مدرسه شهد تأخر الوقت وللحين محد خذاني .. رحت لغرف الاخصائيه وطلبت منها التفون ادق على امي .. وبعد رنتين شالته شهد : هلا يما .. وين السايق ترى انا ذبت بالشمس ام شهد : قاعده ادق على ابوج مايرد .. شهد : شلون يما ؟؟ ارد بروحي ؟ ام شهد بالتلفون : أي يما السياره خربانه وابوج بيتأخر .. ردي البيت ترى المدرسه يمنا كلها خطوتين شهد اللي متعوده مرات ترد البيت مشي لان السايق يكون مشغول او ابوها يتأخر : زين طلعت من غرفه الاخصائية البارده .. واخذت جنطتي اللي كنت مخليتها بره وطلعت بره المدرسه .. كنت امشي وانا اشوف الناس كلها راده من دواماتهم .. اللي يضحك واللي يسولف بالتلفون واللي يلاعب ولده .. ابتسمت ابتسامه صغيرة .. وانا اطلع شهاده تقدير كرمتني فيها المدرسه اليوم لافضل طالبه حسنه السلوك .. طبعا غير شهايد التفوق في اغلب موادي الدراسيه .. ماهمتني غير هالشهاده .. ماتتصورون فرحتي فيها شكثر .. حسنه السلوك .. يالله شكثر هالكلمه حلو ة .. تخليني امشي بين البنات وانا راسي فوووووووق .. ماانسى كلمات الناظرة يوم سلمتني الشهادة وهي تقول .. ونعم الاخلاق يابنيتي .. تغيرتي للافضل .. خلج قدوة تعرفون حسيت العالم كله وقف عند هالكلمه .. كل يوم بقلبي .. اشكر صلاح لانه سبب هدايتي طلعني من سرحاني صوت هرنات وضحك رفعت راسي وانصدمت عيوني بعيونه .... غاااااااااااااااااانم !!!!!!!!!!!! حسيت كل مافيني يرجف .. صرت امشي بخطوات سريعه .. أبي اوصل البيت .. ابي انحاش .. مابييييييه غانم اللي معلي على صوت المسجل : يااااااهلااااااااااا .. ولهنا عليك ياقمر .. وانا ولا كلمه .. كنت احاول اني ماارتبك .. بس شي غصبن علي .. كنت اقول بنفسي .. شهد لاتضعفين .. لا تبينين له انج مهمته .. اهوا ولا شي ... غانم : شدعوه شهوده .. نسيتنيا بهالسهوله ..تتخلين عنا !! شهد : لوسمحت وخر من هني لاحد يشوفك وتفضح نفسك غانم بضحكه رجت كل عصب ينبض فيني : هههههههههههههههه كانت ضحكه استخفاف وعدم اهتمام .. ماادري شلون اوصفها لكم .. بس خوفتني .. خوفتني واييد تميت مركزة على الطريج .. بيتنا بالشارع الثاني .. تحملي ياشهـــ ــــ ــــ فجأ ة سمعت صوت شاب يقول : انت وبعدين معاك ... صج ماتستحي !! غانم : اووو طلع الفارس الملثم ... سؤال انتي جم حبيب عندج ماهمني منو اللي تحجى .. ولا همني من الشاب اللي رد على غانم .. ماهمتني الا كلمة هالحقير .. جم حبيب عندج ..!! حسيتها مثل الزلزال .. وقفت شوي .. حسيت اني راح افقد توازني .. الشاب : شهد .... روحي بيتكم .. انا هالاشكال اعرف شلون اتعامل معاها ركضت البيت ودموعي تتطاير قبلي .. دخلت على طول حتى ماسلمت على احد وسييييييده دخلت غرفتي .. قعدت ابجي وابجي ... ابجي على روحي .. وعلى الذنب اللي بيتم يلاحقني طول عمري .. ابجي ندم على حياتي وعللى ياي ... يارب خلك معاي يارب الجانب الثاني صلاح يعني لو تم شوي كنت ارتكبت فيه جريمه عااادي ... قليله ادب ؟؟ هالبنت مو متربيه .. هيييي انت شكوو .. لي متى بتم جذي تدخل روحك بشي مالك فيه .. بس ماقدرت اسكت والله ماقدرت .. تبون الصج شكلها اهيا كانت بحالها .. بس مستحيل الواحد يقدر يصدق هالاشكال .. لا ومسويه فيه ملتزمه وعباة .. تبي تغطي على فعايلها ... وللحظة تذكرت دموعها .. شي بقلبي يقول انه صاجه .. بس مو قادر اصدق .. يله اهم شي بردت قلبي .. وحتى لو كانت مواعدته .. جذي بخرب عليهم نحااااااسه بس بيت بوخالد بعد يومين ام خالد تكلم ناديه التلفون : عيل نخلي الملجه الاسبوع الياي .. شرايج ؟ ناديه : مثل ماتبون .. بعد انتوا مو غرب .. بس اسبوع البنت تزهب روحها كافي ام خالد : على قولتج .. يله انا بدق على فاطمه وابلغها .. وانتي بلغي باجي الحريم .. يعني نبي نسوي حفله صغيرة محفوفه بين الاهل بس .والعرس بعدين ... شرايج ؟ ناديه : اللي تبينه يارضيه .. يله سلمي عليهم ام خالد : وصل حبيبتي .. يله مع السلامه ناديه : مع السلامه شيخه ومنيرة وحصه اللي قاعدين بالصاله .. اللي تييبب واللي ترقص واللي تعلق على خلود اللي من فرحته قاعد جنه ملك ومتشقق من الوناسه شيخه : ههههه اقول لا ينشق حلجك من الابتسامات .. مو قاعدين نصور ترى خالد : ههههههه والله انا كيفي مستانس بتزوج وباخذ اللي ابيها شحارج .. اذا انتي مالقيتي المقرود اللي بياخذج هذي مشكلتج منيرة : هههههههههههههههههههههه حلوة ام خالد : كلش ولا وليدي عاد لحد يعلق عليه هذا المعرس خالد وهو يسوي حركه بيده يعني يحر شيخه : احم .. سمعتي جب حصه : اوووووف بسكم انتوا .. تعالوا يابنات نخطط حق الخميس .. شيخه قامت : اسمحولي .. اول بدق على العروس ابارك لها رسميا .. قمت من الصاله وطيران غرفتي .. خذت التلفون ودقيت على مها اللي ردت عقب جم رنه شيخه : الف الصلا والسلام عليك ياحبيب الله محمد كلكلكلكوولولولولولولولولووووووووووووووششششش مها : صج صج .. انج مو صاحيه شيخه : بذمتج بذمتج ماكنتي ترقصين من الوناسه ؟ مها : هههههههههه ليش اخاف اخوج توم كروز وانا ماادري شيخه : هههههههه احلى احلى .. هذا خلود شيخ الشاب .. فتنه البنات ماتدرين مها : ههههه اقول شيخه : قولي امري عروستنا مها : شيووخ .. خايفه .. متأكده اخوج مسالم شيخه : هههههه لا تخافين مايعظ .. دفش ودمه ثقيل شوي تحملي عاد مها : هههههههههه لا تقولين دمه ثقيل . شيخه : اوووو بدت الحين .. يماما للحين ماخذتيه .. خفي علينا مها : ههههههه .. شيخه : زين قوليلي .. شنو مخططاتج للحفله ماعندج غير اسبوع مها : سكتي توها امي قالتلي .. ماادري احس مايمدي شيخه : لا ان شالله يمدي .. اذا تبين من باجر بنروح .. لا صح باجر مانقدر ؟ مها : ليش ؟ شيخه : مااتدرين .. عروس وكله اخر من يعلم الحمدلله والشكر مها : اووف قولي شنو فيه ؟ شيخه : باجر امي وابوي وخلود وخوات المعرس اللي اهما حنا احم احم .. بني ومعانا الدزة مها ولعت . حست الموضوع صار جد خلاص : شيووخ خاااايفه شيخه بلطف : لاتخافين .. اكو احد يخاف انه بيتزوج مها : هههههههههههه عيل متى نخاف ؟ شيخه : ههههههههههههههههه أي والله .. بخفف عنج شدراني مها : شيوخ امي تناديني .. اكملج بعدين اوكي شيخه : اوكيييي .. يله سلمي عليهم .. باي مها : باي سكرت من مها وانا طاااايرة من الوناسه وعقب نزلت عند منيرة وحصه نفكر بالامور الثانيه .. الديوانيه عزيز : سوييييتها !!!!!!!!!!!! يالخاين خلود : ههههههههههههه .. ليش زوجتي انت وانا ماادري عزيز : وانا بتم بروحي .. يهون عليك خلود بغشمرة ومن غير مايحس : تزوج شيوووخ ههههه تعرفون حسيت مثل الكهربا تمشي بدمي .. تميت فاتح عيوني واشوف خالد بنظرات مستغربه .. جني اقول عيد الكلمه مرة ثانيه .. ياااااليت .. ياليت خالد : هههههههه بس بس وصل ردك ماله داعي .. انت وشيوخ .. خخخخ حدكم ماتنفعون لبعض كنت بقوله موافق .. واذا تبي اتزوجها اليوم .. ماعندي مشكله بس كلمته الاخيرة هذي حبطتني .. وخلتني افقد الامل .. وتراجعت عن أي كلام كنت بقوله له عزيز : زيين يله انا بمشي تبي شي يالمعرس ؟ خالد : وين !! ؟ عزيز : عندي جم شغله بخلصها ؟ خالد : شنو ؟ عزيز : هههه تحقيق اهو .. شغله صغيرة بس تخلص بقولك عنها اوكي ؟ خالد يدري ان عزوز مايخش شي عليه وابتسم له وعقب قال : زين .. الله وياك طلع عزوز من الدوانيه وانسدح خالد على الكنب وهو حاط ايده ورى ظهره وبارتياح .. تذكر شكل مها يوم شافها اخر مرة ببيتهم .. كانت غير .. غير عن كل مرة وغير عن كل البنات اللي شافهم بحياته .. اخخخ متى يي يوم الخميس وتصيرين لي .. لي انا وبس قطع هالتفكير الحلو صوت مسج واصله وكان من اسما كالعاده الناس قالوا مـن تغلـى يخلـى وانته تغلى بـس والله ماأخليـك خلك علـى كيفـك تدلـل تغلـى مأحلي تدلـك ومأحلـي تغليـك مأقدر على فرقاك حاشـا وكـلا وأكبر دليل إني على نفسي أغليك قريت المسج وعقب دزتهلها بقرار صارم (( وفري مسجاتج وحافظي على بيتج اللي هدمتيه بايدج .. رجاءا لا تزعجيني زيادة )) ودزيتلها المسج وانا ابي افتك منها باي طريقه كانت ... بس اصدمتني بكلماتها يوم وصلتني رساله منها (( الله يخليك ياخالد .. ريلي درى بعلاقتي معاك .. وترى اهوا متهور وبيسوي أي شي عشان يبرد حرته .. انا ماابيه .. ابيك انت .. افهمني ياخالد )) تعرفون حسيت وجنه ماي بارد وانكت على ويهي ... لا يكون الريال اللي تهاوشت معاه ذاك اليوم اهوا ريلها !!! .. حسبي الله ونعم الوكيل .. انايبت هالمصايب لروحي ... كله مني ... كله مني (( مافي علاقه بيني وبينج عشان يدري عنها ريلج .. انا ساكت وماني بملغ عنه انه اهوا اللي تعرض لي ومراح اوصل هالشي للشرطه .. لكن قسما يااسما .. وهذا انا احلف .. ان ماوقفتي عن هالمسجات .. راح اروح لريلج واقوله عن كلشي وخلي اهوا يتصرف معاج )) اتوقع عقب هالمسج .. ماتفكر مها تدز ولا حرف .. ابي اعرف ليش الناس ماتقدر الشي يوم يكون عندها وبس تفقده يصير غالي عليها !! ناس غريبه .!! يوم الملجه الخميس الصبح بيت ام ناصر شيخه كانت عندهم من الصبح وبتروح مع مها الصالون اما منيرة وحصه بيروحون صالون ثاني وخوات مها بيونها عقب الغدا شيخه : يله مها شتسوين ؟ مها اللي تاخذ باجي الاشيا اللي بتحتاجها بالصالون وتحطها بالجيس : ذكريني مانسيت شي ؟ شيخه : اوووف لا .. يله خمستعش مرة تشيكين على الاغراض مها اللي صج محتاسه : تلفوني وينه ؟ شيخه : معاي .. خواتج متى بيون الصالون ؟ مها : على الساعه 2 الظهر .. بيتغدون وييون شيخه : اوكي .. يله السايق ينطرنا مها : زيين زين لاتربشيني بروحي حايسه نزلوا البنات تحت وكانت ام ناصر قاعده مع جراح ولد ناصر ام ناصر : ها يما رايحيين ؟ مها : أي يما .. مع سايق خالتي رضية ام ناصر : الله وياكم حبيبتي .. حطوا بالكم مها : الا جيني وينها ؟ ام ناصر اللي اعتفس ويهها : ماادري عنها يمكن بجناحهم فوق .. قعدوا شوي تريقوا عقب روحوا مها : لا لا احنا متأخرين يما مانقدر نطول شيخه : رجاءا تحجي عن روحج انا يوعانه وقربت شيخه يم خالتي اللي تحط يدامها بيض وخبز وتصبلها جاي مها بعصبيه : شيوووووووووووخ ... خلصينا مو وقتج انتي ؟ شيخه وهي تشرب جايها : الله ... تسلم ايد خدامتكم خووش جااي امممم مها تطقها على راسها بخفه : قوووومي شيخه تمسك راسها : آآآآآآي ... خالتي شوفيها بتوديني وانا ميته يووع ام ناصر : قعدي يما اكلي شوي .. مو زين لكم تروحون على لحم بطنكم .. مها : مالي نفس يما وبعدين احس اني محتاسه وهذي مبسطه مافيها ذره احساس شيخه تقرب من مها وتبوسها : فديييييييتج... شوي بس يووعااانه مها تقعد يم جراح اللي ياكل كورن فليكس ويشوف توم وجيري : good morning 7abebe ? جراح بابتسامه : good morning ant ام ناصر تكلم البنات وتشوف جراح بحب : فدييييته محد يقعد معاي الصبح غيره .. صج انه يهرج ماادري شيقول بس تعودت عليه شيخه بابتسامه تشوفه .. صج كله ناصر .. بس شعره حيل اشقر على امه .. بس ملامحه ناصر وهو صغير .. مها : هيييي .. وين رحت ياحلو ؟. شيخه : مااشاللله يشبه نصور اخوج وايد مها بغمزة : رجاءا اخوي متزوج .. صج انه مرته طقه ونص .. بس لاتغازلينه يدامي ههههههههههه شيخه بنظرة : اقوووووول انطمي ولا برد بيتنا واخليج تروحين بروحج مها : لاااااااااا دخيلج ههههههه وحنا نسولف ونضحك ونعلق شوي على مهاوي ... نزلت جيني ... زوجة نصور الشقرا البرصا ... بس عينكم لاتشوفها شنو لابسه ..... والله انا لو مكان خاتلي ناديه جان قمت نحرتها عادي ام ناصر وايدها على قلبها : واخزيااااااااااااه ... انتي شلابسه مها وقفت وحاطه ايدها على حلجها تكتم الضحكه ام ناصر بعصبيه : روحيييي اتستري حسبي الله على الساعه اللي شفناج فيها وهالجيني ماتدرين شسالفه : what wrong ? عروس الغلفه ماتدري انها مايصير تطلع بشورت وعلاق في الكويت ... تبي فضيحتنا تصير بجلاجل مثل مايقولون ويحطونا بالجرايد ... فضيحه ههههه مها : شيووخ ترجمي .. الصراحه مااعرف اترجم الزفة صعبه شوي ههههه شيخه : بس جذي افا عليج احم ... hee .. go change your clothes and were some thing sutable for our clther >> it is not allawd to were like this in our country ))) هيي .. روحي غيري ملابسج ولبسي شي ساتر ... الستر زين وانا اختج وحنا ترى مو بمريكا احنا عايشين بديرة محاافظة >> اترجم على كيفي ههه )) جيني اللي مو عاجبها كلامي وتطالعني ببرود : I told naser before he go شيخه : خالتي تقولج اهي قايله لنصور قبل مايروح ام ناصر : قوليلها تذلف فوق لا الحين اقوم اقلب الدنيا فوق راسها مها : هههه صعبه هذي شلون بترجمينها شيووخ شيخه : احم (( she said to you .. go chnge otherwise she will kill you like mouse )) مها : ههههههههههههههههه شيخه شهالترجمه الدايخه جيني بعصبيه طلعت غرفتها وهي تتحلطم بمصطلحات انا مافهمتها الظاهر قاعده تسب .. احسن زين تسوي فيها خالتي ... قلعتها .. احنا وين قاعدين اخاف عبالها ريايلهم مثل ريايلنا لااحساس ولا حشيمه .. استغفر الله يخلون الواحد يطلع من طوره .. لا ونصور راضي .. .اقول مالت عليج وعلى نصور فوقج مها : يله مشينا شيووخ شبخه : يله الساعه 7 ملجوا الرياييل في بيت بوناصر .. واليباب تارس البيت كله .. كانوا اثينين بين هالناس يحسون ان حياتهم بتغيير .. وكل واحد منهم خايف وبنفس الوقت مرتاح خالد صج ماكانت فرحته سايعه شي .. شكله كان جنااااااااااان صج .. كان مرتب سكسوكته السودا والغترة والدشداشه والبخور اللي يهبل .. غير كل هذا كانت الفرحه مخليته جذااب واللمعه بعيونه باينه قربوا الريايل وسلموا على خالد وابوخالد وابوناصر .. عزوز : الف مبروك يالغالي .. الله يوفقك ان شالله .. خالد : تسلم اخوي .. الفال لك .. عزوز بتعفيسه ويه : الله لا يقول يامعود خالد : ان شالله واكون انا الشاهد بعد ههه عزوز : بل بل ..هههههه خالد : عزوز .. احم ابي اكلمها عزوز بنظرة ماكرة : ماعندي رقمها جان عطيتك ياه خالد : جب .. هذا اللي ناقص بعد عزوز : دق على ... شيخه وقولها تعطيك رقمها تعرفون .. حسيت بغصه وانا اقول اسم هالشبخه ... لاشعوريا ضغطت على مسباحي بقوة .. خالد : ماتعرف شيخه انتا .. بتذبل ريجي وتلوع جبدي على ماتخليني اكلمها ضحكت هههه .. زين تسوي فيه لازم نصك عليهم شوي .. عزوز : احسن .. زين تسوي فيكم شيخه مااعرف ليش احس بالنشوه لما انطق باسمها .. ادري انكم بتضحكون علي . حتى انا اضحك على روحي .. شعور يديد .. يديد ماحسسيت فيه من قبل .. ماادري شنو اهوا .. خالد : هههه عزوز .. شوي شوي .. بتقطع مسباحك عزوز بارتباك : هاا ههه .. رن تلفون خالد : هلا شيوخ شيخه : خالد انتا وينك ؟ خالد : اول قولي مبروك ... منك المال ومنها العيال .. الله يوفقكم .. أي شي شدعوه ؟ شيخه : خلوود .. الكل رجع من الصالون الا انا ترى ... لاني ماخلصت .. ابي احد ياخذني خالد : صلوح ومايسوق وانا معرس مو فاضيلج ... الحين اقول لناصر ييج شيخه بانفعال : لاااااااا خالد : عيل نقعي بالصالون .. شيخه : خاااااااالد ... !!! خالد : شيوخ موفاضيلج انا بروح اسلم على الرياييل يله شيخه : شسوي الحين ؟ خالد بمكر : ممم .. خلص باخذج انا بس على شرط شيخه : شنو ؟ خالد : عطيني رقم مهاوي بكلمها .. شيخه : اسفه مااستأذنت منها خالد : عيل تمي بالصالون احسن لج .. باي شيخه بعصبيه : خلااااااااص .. بعطيك ياه وامري لله ... الله يعيني على الزف خالد بضحكه مكر : يله صيري خوش بنيه .. شيخه : _ _ _ _ _ _ _ هذا الرقم مو تتأخر خالد : افا عليج .. من عيوني سكر خلود من شيخه وهو بقمه وناااسته .... خذا الرقم وراح بعيد عن الريايل شوي بره الديوانيه ودق علي مها الجانب الثاني الحفلة كانت محفوفه بس مايمنع انها تكون راقيه ومرتبه .. في قاعه الضيوف الكبيرة كانت الحفلة والمعازيم اللي كانوا اغلبهم من الاهل ومايتعدى عددهم الميه والدي جي والكوشه البسيطه بالوانها وقعدتها الكلاسيك يغطيها كرستالات معلقه بالسقف شكلها جنها سما وطالعه وااو .. ونفس الكرستالات تغطي حواف الدرج اللولبي اللي يفتح على الصاله الكبيرة واللي راح تنزل منه مها عروس تلفت الانظار غرفة مها مها : منور وين شيخه ماخلصت ؟ منيرة : بلى خلصت ... توني داقه عليها وتقول الحين خلود بياخذها مها : زين شوفي مو جنه مكياج عيوي وايد ؟ منيرة : حرام عليج .. شكلج يهبل .. ماشالله .. طالعه قمر والله نسيت اقولكم ان فستان مها كان لونه سكري فااااااتح ومرصع بالكرستال من صوب الصدر والظهر .. وله ذيل متوسط الطول .. وعاري من فوق معاه شال طايح على ايدينها ومملسا شعرها مثل نانسي .. مع بف خفيف معطيها لمحه نااااااااااااااااااعمه صج تاخذ القلب ... مكياجها كان كيووت بس مها مو متعوده تحط مكياج عشان جذيه تحس شكلها شوي غير اما منيرة فكان فستانها تركوااز قصير وفيه قصه صدر من فوق ... حرير وطالعه فيه تهبل .. رافعه شعرها ومنزله منه شوي ومكياجها كان لبناني ناعم .. رن تلفون مها : منور رقم غريب يمكن شيخه هذي ؟ منيرة : ردي مها : الو خالد : الو .. مسا الخير مها بارتباك ... عرفت صوت خالد .. حست ان الدم كله تجمع بوييها وصار طمااااااطه : مسا النور خالد : الف مبروك حبيبتي مها ... حبيبتي بعد .. ياويل قلبي : الله يبارك فيك خالد : ماتدري شكثر مستانس ان حياتي ارتبطت واخيرا باللي احبها مها ... احبها .. يحبني !! ... : ....... خالد : حبيبتي ..!! مها : هـ هلا .! خالد : ابدق عليج بالليل اليوم .. ممكن ؟ مها : كيفك خالد بابتسامه : فديتج .. وفديت هالصوت .. يله اسمحيلي بسكر الحين واروح عند الرياييل مها : اوكي خالد حاس فيها مرتبكه وحب يختصر لانه حس انه مصخها شوي : يله مع السلامه مها : مه السلامه سكرته مها من هني ومنور طاحت تضحك من هني مها : جب منور بروحي خاااايفه منيرة : شوفي ويهج شلون قلب لونه ههههه مها : ماادري من وين خذا رقمي ... منيرة : يمكن شيووخ عطته مها : هيين لااشوف ويهاا بذبحها الجانب الثاني خالد : ناصر .. تقدر تييب شيوخ من الصالون الحين ؟ ناصر : ودي بس توه داقين علي المستشفى وبروح بسرعه عندي عمليه لازم امشي خالد : خلاص ولا يهمك .. ناصر : يله حبيبي مبروك مرة ثانيه وربي يوفقك خالد : تسلم حبيبي .. الله وياك التفت خالد حق عزوز اللي قاعد يسولف مع واحد من الشباب وبصوت واطي : عزوز تروح تييب شيوخ من الصالون ؟ عزوز مو مستوعب : هاا ؟. خالد : يله مسكينه ناقعه هناك ومحد راح خذاها .. بتفضحني عزوز : زين .. أي صالون اهيا ؟ خالد : هذا اللي يم النادي الصحي بالسالميه عرفته ؟ عزوز : اييه .. خلص ولا يهمك .. بس اروح بروحي ؟ خالد : ايييه عادي انتا مثل اخوها .. وولا اقولك .. اخذ جراح معاك ماتدرون هالكلمه شسوت فينني .. الجمتني عن أي كلمه او حرف كنت بقوله ... مسكت مسباحي اللي كان بيتقطع بيدي من كثر ماضغطت عليه ومشيت وانا ابتسم بضيق .. بعد مااخذت جراح ولد ناصر معاي وركبت السيارة رايح للشيخه البنات الصالون خالد : هلا شيخه ... يله طلعي عزوز بره شيخه : هاا .. أي عزوز ؟ شيخه : عزوز .. بعد منو ...!! يله ماقدرت اخذج انا ... الريال ينطرج ؟ شيخه باستغراب اكثر : يينيت انتا ؟ خالد : خلصي لاتسوين سوالف منو ياخذج يعني ؟ شيخه : ليش مايه ناصر ؟ خالد : دقوا عليه المستشفى .. عند عمليه ضروريه .. طلعي سكت .. تبون الصج كان ودي اطلع من التلفون واكفخ هالاخوا اللي ماعنده احساس .. اركب مع واحد غريب علي .. شهالثقه فيه !! خالد : هيين ياخلود .. خلني اوصل بس وانا اوريك شغل الله الجانب الثاني سيارة عزوز الرنج .. كان قاعد وكاشخ والسكسوكه والنسفه صج شكله كان جناااااااااان خاصه وان ملامح عزيز الرجوليه زادت جماله العربي .. اللي يجذب صج طلعت شيخه بعباتها اللي باين عليها انها غاليه شوي .. ومطرزة على الاكمام بشكل ناعم وحلو ومغطي ويهها بشيلتها بشكل خفيف عشان المكياج الخليجي اللي حاطتها واللي ياي بشكل مناسب وحلو لفستانها الفضي المرصع بالشوارفيسكسي بشكل رووووعه .. وخاتم وتراجي تلمع خذتهم لها حصه يوم راحوا السوق .. مع ان الخاتم شوي كان كبير واحس اني مب متعوده عليه بس كلهم قالولي حلو .. وقررت البسه شيخه فتحت الباب ورى وقعدت .. وصكت راسي ريحه البخور اللي تيين .. الصراحه ماانكر انه ذوقه حلو بالبخور .. بغيت اسأله شنو النوع اللي يسخدمه لاني مهووسه بالبخور والعطور بشكل مايوصل شيخه : السلام عليكم عزيز : وعليكم السلام والرحمه .. هلا شيخه تميت دقيقه واستغربت انه ماحرك السيارة للحين .. شفيه هذا !! عزيز : احم .. جراح نايم ابي اييبه ورى ممكن !! شيخه : جراح معاك ؟ عزيز : ايه شيخه : اوكي ييبه السيت اللي ورى فتح بابه وطلع متجهه لسيت جراح وشاله بيدينه وفتح الباب اللي بالصوب الثاني من مكاني وحطه شوي شوي وطبعا كل هذا وانا عيوني كانت مشتته بين ويه جراح وويه عزيز .. شكله كان غير اليوم .. ممم اعترف انه مزيون وهو كاشخ .. لا حرام حتى بالجينز حلو .. بس ملييق .. يااخي مليق جذي مااحبه ... عزيز : ماعليج امر بس رجعي المسند ورى قمت وحاولت ارجع المسند ورى وعقب مارجعته رفعت عيوني ولقيت عزوز يطالعني بنظرة غريبه وعلى طول رفع عيونه عني وابتعد .. بس شي خلانا مانبتعد .. تعلق خاتمي ببزمات كم دشداشته .. لاتشوف ويهي شصار فيه ... كنت ابي اوخر ايدي وماقدرت .. عضيت على شفايفي وانا اتحسب على حصوه ... لازم البسه يعني .. شوفي شصار ...!! عزيز اول مادخلت شيخه تميت دقايق اهدي من ضربات قلبي ...واجمع بعض الهدوء بنبره صوتي واكلمها .. خاصه بعد مالفحتني ريحة عطرها وصوتها الناعم اللي مستحيل انساه وهي تسلم وبعد مااخذت جراح ونومته على السيت ورى .. كانت قاعدة تنزل المسند ولاشعوريا رفعت عيني على ويهها .. كنت اشوف ملاك .. ملاك يخليك ماتقدر توخر عيونك عنه ... حسيت روحي متسمر مكاني ومااقدر اتحرك .. بس تعوذت من ابليس ونزلت عيوني بسرعه وانا احاول ابتعد عنها بسرعه ...لكن وييييين .. لابسه خاتم كبر راسها وعلق ببزماتي .. حاولت افتحه بس ماادري شلون متعلق فيه .. حسيت فيها متوتره وانا كنت اكثر منها .. لاني كنت مضطر اقرب راسي واحاول افجه .. كنت احاول اركز على الخاتم واتجاهل اصابع ايدها .. بس ماقدرت .. عزيز : اكو احد يلبس خاتم هالكبر ؟ شيخه فتحت عينها على الاخر : ماك خص !! عزيز بابتسامه : ترى مو حلو .. شيخه : جذااااااب عزيز : فتحي زيين .. ترى عيزت !! شيخه فصخت الخاتم بقوة من صبعها : انت افتحها كيفك ... وممكن تحرك الحين عزيز ماقدر يمنع روحه من الضحك : زيين .. اسفين اخرناج ركب السيارة وفتح بزماته وطلع الخاتم وحطه يمه وحرك السيارة بعد ماعم الهدوء الا من غير انفاس جراح النايم وضربات قلب عزوز ونرفزة شيييخه عزيز اول ماوصلنا البيت .. نزلت شيخه متنرفزة وانا اضحك على خبالها .. ماتصدقون .. خاتمها بيدي .. نسيت اعطيها ولا تبون الصج تناسيت .. كنت ابي شي منها احتفظ فيه .. وعجبني الخاتم .. بعدين بعطيه حق خالد اخذت جراح ونزلته معاي ودخلت الديوانيه وانا متشقق من الووناااسه |
رد: رواية ناكر المعروف ,, مابيّن بعينك .. رواية روعه حياكم ..
الجزء الحادي عشر
بيت بو خالد يوم الجمعه كانت امي اليوم مسويه عزيمه حق خلود ومها .. خالاتي واهلنا القراب كلهم بيون على الغدا فكنا انا ومنور قاعدين من الصبح نساعدها .. امي تحب اكل البيت عشان جذيه مافكرت تطلب الغدا من بره .. وطبعا ام خالد معروفه بطبخها اللذيذ .. وكانت الجدور والخدم والحوسه كلها بالمطبخ .. منور كانت مستلمه الحلو .. لانها شاطره بالكيك وهالسوالف .. وحصه بعد قالت بتييب كيك وحلا قهوة .. ومهاوي يعني بتصير مرة وبتسويلها كيكه ... مهاوي اشطر مني بالمطبخ .. انا اطقطق فيه بس ماابدع مثل منيرة .. فاحسن شي فكرت اني ارتب السفرة واجهز الصحون والجاي والقهوة مع الخدم .. صحيح الحمدلله الخدم موجودين بس امي عودتنا احنا نسوي كلشي ..حتى لو كانو الخدم تارسين البيت .. عشان جذيه حصه ومنيرة ماشالله عليهم يعرفون شغل البيت كله .. وانا بما اني دلوعه البيت فكنت انحاش من المطبخ مااحب هالسوالف .. بس يعني لو ضاقت فيني واضطريت .. احم ابدع هههه صعدنا انا ومنور الساعه 11 ونص جذيه وسبحنا وغيرنا ملابسنا .. منور لبست جينز غامج مع توب بيجي وصوب الكموم تزينه زرارات ذهبيه ولبست معه قلبه على شكل سلاسل نازله بشكل روعه وحزام زهبي .. ولمت شعرها بكلبس صغير ..ومكياج صباحي ناااااعم كان شكلها صج واو .. وجنها حاسه ان ام بدر اليوم بتييي .. وقاعده تتزين لها اما انا ..فلبست فستان قصير بيج ومعاه حزام عريض تحت الصدر لونه بني ولبست معاه شحاطه مع شرايط تنربط الين فوق .. وتراجي الالماس اللي شرتهم لي حصه يوم تخرجت من الثانوي .. قعدت على الكوميدينا اتمكيج بشكل خفيف وغلوس زهري ناعم مع بودره زهريه ولميت شعري بشكل فوضوي وطلعت منه خصل بشكل عفوي حلو .. ومن غير مااحس .. فتحت صندوقي الخشبي وطلعت قلبه عزوز ولبستها لاتطالعوني جذيه .. تلوق على بدلتي وعلى التراجي .. لبستها وكانت صج وااااو ناعمه وفصوصها تلمع بس لاخر لحظة فصختها .. اخاف مها ولا منيرة ولا حصه تشوفني ويحطون علي ويعلقون مالي خلقهم نزلنا تحت وبدوا الناس شوي شوي ييون .. مهاوي كانت تهبل .. جنها ممثله وهي فاتحه شعرها اللي نازل على ظهرها بعفويه وجمال .. كانت لابسه بلوزة لونها احمر طويلة وفيها قصات من غير اكمام .. مفصصه بشكل ناعم مع حزام لو ويست تحت الخصر وجينز برمودا غامج ومع مكياج جريئ شوي .. كانت تهبل صج .. والبقيه كاشخين ببدل صباحيه او دراعات تناسب عزيمة الغدا حصه اللي مابقى على ولادتها غير شهرين بس حدها هالمرة تعبانه : شيووخ فديت قلبج روحي قولي للخدامات يودون العصير الدوانيه خلود يقول الكل رجع من صلاة اليمعه واغلبهم وصلوا شيخه : اوكي ... منو وثل من الحريم ؟ حصه : كلهم .. باقي بس بيت ام اسامه شيخه بطلت عيونها لاخر : منو !!! حصه : بسم الله شفيج ؟ شيخه : ومنو عزمهم هذوله بعد ؟ حصه : امي يعني منو .. شيخه : اوووف .. الله يعينا على ملاقة ليلوو حصه : زيين روحي المطبخ بلا مصاخه يله عيب نتأخر على الرياييل شيخه بنرفزة : زييين رحت المطبخ وانا لايعه جبدي .. هذي شتبي بعد ..مليييقه هالبنت .. ناصر وتزوج .. تبي تخطط عل منو بعد .. اووف شوي ولا تدخل مها وبيدها التلفون تحاجي خالد : زين حبيبي الحين بنيب العصير .. تبي شي !! .. لا سلامتك .. الله وياك شيخه : عشتووو .. وشفيه قيس معصب علينا وشوي ويكفخنا وبس يكلمج يذوووووب مها : جـــــــــب اقول .. سوي اللي يقولج عليه خلود يله هههههه شيخه : مهاوي ؟ مها : هلا شيخه : بيت عمج وصلوا ؟ مها : لا للحينهم بالطريج شيخه اللي سوت روحها مو هامها : اهااا مها : اشوف عيونج ... ههههههههههه شيخه : هههه شتبين ؟ مها : ادري انج تكرهين ليلى بس والله اهيا حبوبه .. شيخه : ومن قالج اني اكرهاا مها : مش عليا ياماما ههههه شيخه : انا مااكره احد .. بس عذرا يعني احم .. احسها مصلحجيه مها : شيوخ اقولج شي بيفرحج .. شيخه وهي تحط القلاسات بالصينيه وتعطيهم للخدامه : هاج ودي هذا عند بابا ديوانيه شيخه وهي تلتفت لمها : قوولي !! مها : امج قالت لي نعزم البنات . ليلى وهدى لانها تبي عزوز حق ليلى ماتدرون صدمة الخبر شسوت فيني ... حسيت وجنه قلاسات العصير البارده كلها صبوها فوق راسي .. اختفى لون ويهي وبان هالشي : ليلى حق عزوز ؟؟؟ مها بابتسامه : اييه شرايج ... على قولتج اثنينهم ماينبلعون .. اكيد بيناسبون بعض هههههه تصنعت الابتسامه غصب : ههههه يله نفتك منهم اثنينهم .. ممم بس مااعتقد بتعجب عزوز ؟ مها : ليش ؟ شيخه : ماادري .. اهوا يبي مواصفات معينه .. مو موجوده بليلى مها وهي ترتب السلطات : ماعليج منهم هالريايل .. اذا دشت بخاطره بينسى كل شروطه شيخه ... هذي شفيها ماتفهم ... ماراح تعجبه غصب ... وبعدين ليلى سمرة وقصيرة ودمعها ثقيل ... مااشوفها مناسبه الصراحه .. : ..... مها : ماعلقتي ؟ شيخه : كيفكم مها : شيووخ ... اخاف يمكن بس !!!! شيخه : مهااوي .. تذلفين عن ويهي الحين ولا شلووون !!! مها : هههههههههههه بل ليش تنرفزتي جذيه ؟ شيخه : اوووف مافيني شي .. روحي يمكن .. ليلى حبيبة قيس تشرف مها باسلوب تغث فيه شيوخ : ايييي صح يله بااااي ههههههههههههههه شيخه : يالخاااااااااااااااااايسه مها طلعت وهي تضحك على خبال هالبنت ... بنفس الوقت مستغربه من شيووخ ماتحب عزوز .. بس تبي تحكم في البنت اللي بنزوجه ياه .. لو كانت ماتواطنه جان تمنت الفكه منه اليوم قبل باجر .. يمكن شيوخ ماتحب ليلى عشان جذيه حسيت انها متاضيقه خصوصا انها كانت الند الاول لشيوخ يوم حبت نصور اخوي ... الجانب الثاني المطبخ كنت اغرف السلاطات بغضب واحطهم بالصحون وانا مفووووووووووووووله .... ليلى مرة ثانيه .. هذي شبي .. اول ناصر والحين عزوز .... لحظة ..شيوخ انتي ماتحبين عزوز ليش متاضيقه السالفه مو سالفه حب .. محد قادر يفهمني .. السالفة انها ماتناسبه وخلاص .. وبعدين بتكون لازقه بييتنا اربع وعشرين ساعه .. وانا ماافتكيت من الاول عشان تيني هذي بعد .. اوووووف شوي ولا تدش منور وبدريه نورة وحصه ..ويساعدوني في التحصيرات وتزهيب الغدا والكل يضحك ويسولف ومستانس وانا قاعده على السفرة واخز ليلى بحقد .. باطه جبدي .. وجنها تدري كااااشخه ومترسه ويهها مكيااج لا وفاتحه شعرها عشتو .. وامي كل شوي تكلم خالتي ناديه ويتساسرون عنها ويبتسمون لها بيحوشني ضغط من هالبنت اووووف .. راح امووت بعد الغدا . . يه وقت الحلو والكيك والجاي والقهوة .. انا ومنور كنا واقفين مثل النواطير ننطل حضرات العيايز يامرونا ونصب لهم قهوة .. وعاد تمي شهر على ما تهز لج فنجانها ... كنت احس ظهري بينكسر من كثر الوقفه ومهاوي كل شوي خلود مناديها ربشنا ... جنه محد تزوج غيره هالدب ... ماخلا البنت تقعد على حيلها المسكينه شوي ولا نسمع احد يطق باب الصاله الخارجي ...... كنت ادري مليون بالميه انه خلود .. رحت بعجز شيخه : شتبي ؟ خالد : نادي مها رجاءا شيخه : اسفه .. البنت قاعده تشرب جاي .. مو كل شوي ناط علينا يااخي روح اقعد عند الرياييل .. ماهي منحاشه البنت خالد : جب وعن الهذرة الزايدة وروحي ناديها شيخه : اووف .. زين .. اوقف بعيد فيه ناس عيونها زايغه مو ناقصين ... رحت ناديت مها وانا كملت شغل النواطير .. وتميت واقفه اصب حق ام بدر اللي سرحانه بمنور اختي وناسيه روحها وعيونها ماشالتها عنها المسكينه .. عاد قلنا خزي البنت وتفحصيها مو جذي بس ... كلتها بعيونها .. منور المسكنينه ويهها ولع من الاحرااااج ههههه الله لا يبلينا صج عيايز الجانب الثاني خالد : انتي وينج ادق عليج ماتردين ؟ مها : اسفه حبيبي تلفوني ماكان معاي ماسمعته والله خالد وهو يتسند على الباب ويبتسم ابتسامه تذوووب : ولهت عليج مها ولعت من كلمته : مو وقتك خالد .. روح لحد يشوفك بس خالد : شنو يعني زوجتي وكيفي .. محد له عندي شي مها بابتسامه حيا : .... خالد يرفع ويهاا صوبه بحب : صح حبيبتي ؟ مها تهز راسها بحيا : ايه خالد : فديييييت المستحيه انا ههههه مها : زيين الحين رووح ههههه خالد : لا سويلي طريج بروح اغير دشداشتي بنورح صلاه العصر جراح ولد ناصر دمرني بالكيك مها : لحظة اشوي ... وراحت مها تسوي طريج لخلود ... وصعدت وياه فوق |
رد: رواية ناكر المعروف ,, مابيّن بعينك .. رواية روعه حياكم ..
تابع الجزء الحادي عشر ..
غرفة خالد دخل خلود الحمام يتوضى .. ومها خذت دشداشته وطلعت منها بوكه وسويجه وتلفونه وحطتها على جنب عشان تغسلها وطلعتله دشداشه يديده .. لفت نظرها صوت مسج من تلفون خلود .. نادت خلود من ورى الباب : خلوووود ... وصلك مسج !! يصير افتحه ؟ خالد بابتسامه : يصير ونص .... اخذت التلفون بوناسه .. حبيت شعور اني اشارك خلود بكل شي .. حتى بمسجاته بس هالفرحه تلاشت يوم قريت هالمسج (( خالد .. انا حياتي انتهت بعدك ... مابقالي غيرك حبيببي )) حسيت ان كل عرج فيني وقف .. كل نبضه بقلبي وقفت ... حتى من الصدمه ماقدرت ابجي ولا اصرخ ولا اسوي شي .. مسحت المسج بسرعه قبل مايطلع خلود ورجعت التلفون مكانه وقعدت على السرير مثل المصدومه .. طلع خالد من الحمام بابتسامه وهو يمسح ايدينه وويه بفوطه .. ومثل كل مرة قرب صوبي وقعد يمي خالد : من منو المسج ؟ مها : 999 66 خدمه الاغاني خالد : اهاا .. كنت انا ساكته لاتسألوني ليش .. المفروض كنت اثور .. ابجي .. اسوي أي شي .. بس ماقدرت حسيت اني مشلوله عن الحركه خالد بحب وهو يناظرني : تدرين اني احبج اكثر من هالدنيا كلها تصنعت الابتسامه : .......... خالد : زيين قومي الحين لاني مراح اقام هالجمال وبيروحون عن الريايل المسيد ههههه قمت على طول .. وفتحت الباب ونزلت معاه وانا ساكته وهوي يغني ويبتسم .. وانا جنه احد معطيني كف من بعد هالمسج الساعه 5 ونص اغلب الحريم راحوا ..ومابقى غير ليى العله وامها .. وامي كل شوي رايحه وراده ... وتكلم خالد وتحاجي حصوص .. حسيت انه في شي ينطبخ من وراي ... قطيت اذوني بس ماسمعت شي اخيرا تجرأت وسألت منور شيخه : منور شفيها امي رايحه راده على الديوانيه منور بصوت واطي : ام اسامه وبناتها بيمشون الحين وامي قاعده تقول حق خلود يدش اهوا وعزوز يعني انه بيسلم عليها ويشوف البنت شيخه ... أي شي ... من صجهم هذول : وعزوز يدري ؟ منور : اتوقع .. خلود قايله من القهر .. قعدت يدام باب الصاله ابي اشوف كلشي يصير .. منور والبنات دشوا وانا تميت قاعده .. امي عطتني خزة عشان ادخل داخل بس مااهتميت .. قاعده على قلبج يا ليلووو وبنشووف شلون بتاخذين هالعله الجانب الثاني عزوز الصراحه يوم قالي خلود .. اول شي كنت برفض .. مالي خلق سوالف الزواج الحين .. وتبون الصج يت في بالي شيووخ على طول .. بس بعدين فكرت .. شيوخ ماتناسبني ومراح اقدر انساها الا اذا فكرت بوحده غيرها .. يله نشوف البنت يمكن ارتاح لها .. والله يكتب لنا النصيب معاها دشيت وراى خلود .. وانا مرتبك .. رفعت عيني لقيت امي رضيه مستانسه وتسلم علي وهي مبتسمه .. حسيت فيها صج ودها تسعدني وتشوفني متزوج مستقر .. جنها تقولي وافق على البنت وفرحني .. كنت وقتها اتمنى بس الدقايق واللحظات كلها توقف بس اشوف ضحكتها الغاليه رفعت عيني صوب الحريم اللي قاعدين لقيت مرة كبيرة بالعمر ويمها بنتين .. وحده فيهم باين عليها صغيرة والثانيه .. زينه .. حلوة .. بس وايد ويهها متروس مكياج .. الغريب انها كانت تخزني وتبتسم .. وانا انزل راسي .. ههه جنه تبادلنا الادوار .. تبون الصج ماحسيت اني مهتم لها .. ولا حسيت بشعور هذا اللي يسمونه ينط قلبك من مكانه يوم تشوفها هههه ادري اني ابالغ شوي بس ماادري .. مااحس بشي .. جنها بنت عاديه مثل اللي اشوفهم بكل مكان تدرون شللي خلاني فجأة ابتسم ابتساااااااااااااااااامه عرييييييييضه ..... شيووووخ الخبله قاعده .. شكوو !!! لو تشوفونها شوي وتنفجر .. شيوخ واعرفها تلقون احد زافها ولا غاسل شراعه .. وحبيت ازيد عليها شوي وخرت عيني عنها وانا اسوي روحي اخز بالبنت ام مكيااج .. وابتسم لها واسوي حركاااات .. كنت احس بعيون شيوووخ بتطلع من القهر ... وانا مستاااااااااااااااااانس انها مقهوووررة .. مثل ماسوت فيني انا عارف شلون ابط جبدج يالمغرورة ... ادري مو حبا فيني . بس شيوخ من يومها تحب تكون محط اهتمام الكل .. وكون امها الحين مهتمه فيني .. هالشي يقهرها ... والله اعرفها زييين اخخخ مووووتي قهر ههههههاااي ياحلو شعور الانتقااااااااااام شيخه بذبحه ... لا بذبحها .. بذبحهم اثنينهم .. مسويلي فيها غراميات والله .. اقول مالت عليك .. اخاف بس اعجبته .. وييها كله مكياااج .. اوووف اقوووم احسن لي __________________ غرفة شيخه الساعه 2ونص ليلا الجمعه كان يوم طويل ومتعب والله .. بس راحوا خالاتي .. سبحت وحطيت راسي على المخده وانا ابووووووسها .. صج ياحلات النوم عقب التعب .. بس صورة هالعله ليلو ماتفارقني .. صدقوني احاول اني اشيلها من بالي بس مو قادره .. صج انقهرت .. مافي بنات بالكويت غير ليلى .. ماغير يلزقونها كل شوي بواحد .. لا وكلش ولا عزوز .. مصدق روحه الحمدلله والشكر .. وو بعدين انا عندي احساس انها مو عاجبته .. والله انا احلى منها ... لحظة انا شكو ... كيفه شيووخ .. فكري زيين .. انتي ماتبين تفتكين منه ..!! خلاص خليه يتزوج ويفكج . لا .. الا ليلى .. يتزوج أي وحده غير هالبنت .. مااحبها وخلااااااااص .. اوووف مو قادرة انام .. اروح عند منور احسن لي قمت وانا الم شعري بيديني واربطه ذيل حصان .. ورحت المطبخ صبيتلي كوب حليب وعقب رحت غرفة منور اختي شيخه : هاااااااي منيرة اللي كانت سرحانه : بسم الله .. خرعتيني شيخه : هههه شدعوه .. سرحانه منو هاا .؟؟ اعترفي منيرة : اخخ سكتي بس .. اليوم سمعت ام بدر تكلم امي .. شيخه باهتمام وهي ماسكه كوبها : اييييه !!! منيرة : شنو اييييه !! ؟ شيخه : شقالت لها ؟ منيرة : ماادري .. بس امي قبل شوي يت وقالتلي انها خطبتني حق ولدها بدر شيخه وهي تحط كوبها على الكوميدينا وتناقز على سرير منور : هيااااااااااااااااااا منيرة : هييي يالخبلة لا يسمعج ابوي يحش ريوولج ينيتي ؟؟؟؟ شيخه وهي تترقص : مستانسه منيرة : ليش يماا .. قاعده على قلبج انا ؟ شيخه : احم .. لا بس ابي عرس فيني رقص منيرة بنرفزة تحذفها بالمخده : يحماااارة شيخه : منووووووور تكفيين واافقي ؟ منيرة : ماادري شيوخ .. ماحس اني مهتمه ..!! احس عاادي ماني مستانسه شيخه : ممم شوفي انا اذكر مرة شفته يوم كنت مع خالد بالجمعيه يه سلم عليه .. كان حليو والله .. طول وجمال وشكله تكانه يعني .. وكفايه انه دكتور منيرة : وشفيكم كل ماكلمت احد قالي كفايه انه دكتور ... شنو يعني ؟ شيخه : يعني بيعيشج مثل العز اللي انتي عايشه فيه .. منور .. اهله حالتهم الماديه مثلنا واحسن .. يعني مراح تحسن بفرق كلش. .. وبعدين شنو اللي يخليج مو مرتاحه ؟ منيرة : اكبر مني بعشر سنين شيخه : مو عذر ترى .. سلطان اكبر من حصه بتسع سنين منيرة : بتسعه .. مب بعشر ! شيخه : هههههههههه انتي بس تدورين لج عذر ... منور مو عاجبج ؟ منيرة : مو جذيه ؟ شيخه : .. في بالج احد ؟ منيرة بتردد : اكييد لا شيخه : عيل تبين شوري .. شوفيه واذا ساعتها مارتحتي .. قولي لا منيرة : على قولتج .. يله ذلفي خليني انام شيخه : زين عطيني كوبي اشوف ... بطل على خلود اذا قاعد بغثه شوي .. منيرة : وانتي لازم تسوين دوريه وتمرين على الكل قبل النوم يعني ؟ شيخه : شسوي فيكم .. كلشي قاطينه على راسي .. حلالة مشاكل انا منيرة : هههههه طلعي ياالاخصائيه الاجتماعيه وسكري الباب وراج طلعت شيوخ وسكرت الباب وانا حطيت راسي على السرير بثقل ... اقص عليكم ان قلتلكم اني مافقدت مسجاته.. ماادري ليش الفترة الاخيرة حسيت انه كان يتكم صج .. ادري بتقولون مينونه .. بس منور .. انتي اكييد ينيتي ... لاتتعلقين بوهم .. شوفي بدر ويمكن ترتاحين له والله يوفقج .. فيصل مجرد شخص عادي حسسج بالاهتمام وانتي كنتي محتاجتله .. هذا كل شي ... حاولت اقنع روحي بهالفكرة .. الين مانعست ونمت غرفة خالد شيخه : احم اخش خوخه ؟ خالد من غير نفس : دشي شيخه : اووو .. العاده تغسل شراعي لما اقولك خوخه .. جرى ايه يااخويا ؟ خالد : مالي خلقج شيوخ .. شتبين ؟ شيخه : بسم الله شفيك ؟ .. احد زافك ؟ خالد : مها .. ادق عليها من اليوم ماترد عقب جان تدزلي مسج تقولي بنام .. اول مرة تسويها شيخه باستغراب : مهاوي ؟ خالد : ايه شيخه : يمكن تعبانه تدري اليوم شكثر تعبنا وارتبشنا خالد : اقولج ماتسويها شيوخ .. كنت عارفة ان مها مو طبيعيه .. فجأة جذيه حسيتها ساكته وماتسولف .. قلت يمكن بينها وبين خلود شي .. ومافضلت اني ادخل .. بس الظاهر البنت صج فيها شي خالد : شيوخ .. تدقين عليها تكلمينها ؟ شيخه : الحين ..!! متأخر الوقت خالد .. يمكن نايمه خالد : اذا نايمه مراح ترد عليج .. تكفين ماقدر انام جذيه تبون الصج .. عور قلبي خلود .. فقررت اني ادق وامري لله شيخه : زيين الحين بدق واقولك طلعت من غرفته وانا متجهه لغرفتي .. قلت يابنت دامج طليتي على الكل .. نشوف دوده الكتب صلوح شقاعد يسوي .. طليت لقيت ليت الابجورة مفتوح .. والاوراق مطشرة كل مكان والحبيب ناااااايم ولا يدري عن الدنيا .. ذكرني بروحي ايام الثانوي .. كنت امووت لو مايبت نسبه .. بس عاد انا طموحاتي على قدي وراضيه بالنتيجه .. صلوح يبي طيران .. يعني معناه نسبه عاااليه .. وفوق هذا لازم يشد حييله لان الدراسه بتكون بالخارج واول كورساته بتكون على حساب ابوي .. يعني كلشي معتمد عليه .. يله الله يوفقه حرام .. احسه يدرس من قلب ذكرني بشهووده .. اهي بعد تبي نسبه حلوة .. وابوها واعدها تكمل هندسه تصميم داخلي بلندن مع خالها اذا كانت نسبتها مرتفعه ومن يومها البنت ماتهد الكتاب .. هالاثنين وايد فيهم اشيا متشابهه .. ومختلفه بنفس الوقت سكرت الابجورة وشلت بنطلون الجينز اللي طايح على الارض ودلاغاته .. وعععع دلاغه اسود وينه رايح هذا ماشي حاافي ..!!!! وحطيتهم بغرفه الغسيل ورحت غرفتي .. اخذت تلفوني ودقيت على مهاوي .. بس ماردت علي .. توقعت تكون نايمه قلت لخالد اللي حسته بضبيقه وجنه مو مطمن .. وحطيت راسي ونمت نفس الوقت غرفة عزوز كنت منسدح وافكر باشيا كثيرة .. صارلي اسبوع مانمت بيت خلود .. وانا اللي كنت قبل ارجع بيتنا بس بالويك اند .. عورني قلبي ان في اشيا وايده راح تتغير من يتزوج عزوز او حتى انا ..ولللحظة بس حسيت بالنشوه يوم تذكرت شيووخ .. احسها كانت بركاااان ثاااااير هههههههه .. لحظة .. الحين انا ادخل علشان اشوف البنت افكر بشيووخ .. صج ماعندي سالفه .. تولي .. هذي اصلا ماتستحي لا اهي ولا نصور الخايس هيين يالمغرورة .. ان ماخليت امي رضيه ماتدري عن هوى داارج ماكون عزوز .. هيين طلعت خاتمها وانا ابتسم بخبث .. يعجبني شكلها وهي معصبه ياااااااالله ... شي ههههه ولا شعوريا قربت الخاتم مني .. وشميته ..حسيت ريحه اصابيعها الناعمه عالقه فيه .. غمضت عيوني وانا اتذكر شيخه ام 7 سنين .. يوم القرقيعان .. كانت امي الله يرحمها وامي رضيه موصينا على البنات وطلعنا كلنا نقرقع بالفريج .. كلهم كانوا مستانسين الا شيووخ .. كانت تبجي ليش جيسها فيه شويه حلاو .. حطينالها من اجياسنا بس ماسكتت وقعدت عند الدكاان تبجي .. وخلود مل منها ومشى مع الباجي .. وبما ان امهاتي وصوني عليها .. كنت احس بالمسؤليه وقتها .. وحبيت شعور اني كبير .. مسكتها من ايدها وانا افرغ جيسي كله بجيسها .. ومشينا صوب اليهال كانت مستانسه وتضحك .. وانا كنت بسكتها باي طريقه وابيها تمشي معانا .. وبنفس الوقت ضاق خلقي على حلاوي.. طبعا لا يروح بالكم بعيد وعبالكم اني كريم معاها .. لا .. بس وصلنا البيت خذيتها منها بالطيب والقوة ههههههه اااااخ .. اياام للحين لمسة ايدها الصغيرة عالقة بيديني .. للحين ودي امسك ايدينها مثل ماكنا نسوي واحنا صغار .. اووف .. مشكلتي اني احبج .. بعد يومين مابقى على الكورس الثاني غير ثلاث ايام انا كنت محتاسه بجدولي .. مو ضابطه معاي المواد ودوامي حده بيكون مو شي .. ومنور خلص هذا اخر كورس لها وتخلص .. فكانت مرتاحه من ناحيه التسجيل .. مهاوي ماادري عنها من ذاك اليوم .. ولا دقت ولا دزت مسج .. وخلود بعد ماله حس .. الله يستر شصاير كنت قاعده انا ومنور وحصوص ياية عندنا تعبانه بالصاله امي كانت حاطه على برنامج ثقافي وابوي قاعد وانا مجابلته وانظف له نظارته .. فجأة دخل خلود علينا وويه معتفس وسحبني من ايدي شيخه : شفيك ؟ خالد : تعالي بكلمج دخلنا انا وياه المطبخ والكل مستغرب منه .. وانا اكثرهم شيخه : شصاير خرعتني ؟ خالد : دقي على هالمينونه شفته باستغراب اكثر وجني ابي اقرى هالغضب اللي بويهه : منو ؟ خالد والشرر يطاير من عيونه .. ويطق ايده بايدينه بغضب انا خفت منه : مها شيخه : ليش شصاير ؟؟؟ خالد بنبرة فيها استغراب وبصراخ : تبي تطلق ...!!! انصدمت .. تعرفون يعني شنو انصدمت .. اصلا مااستوعبت خلود شنو قال : هااااا خالد : موراضيه تشوفني ادق عليها جهازها مغلق .. رحت بيتهم نصور الزفت يقول ماتبي تشوفني .. شسالفه ماادري شيخه : انت من صجك تتحجى ؟ خالد : روحي لبسي الحين بوديج هناك ... بس لاتدري امي.. طلعت بخطوات سريعه وصعدت غرفتي ولبست عباتي والف سؤال وسؤال يدور بمخي .. شسالفه .. شللي صار اللي خلا مها تسوي جذي .. مهاوي واعرفها ماتجرأت وسوت اللي سوته الا اذا كان الموضوع جايد وكبير ... كنت البس ومخي بوادي ثاني .. نزلت بسرعه وطبعا مستحيل اطوف من غير ماتسألني امي وين رايحه ونظرات الاستغراب بويههم وانا ماادري شقول .. ام خالد : على وين لابسه يما ؟ شيخه بنظرات مشتته : هاا .. امم مهاوي تعبانه شوي وتو خلود قالي .. بروح لها مابطول ان شالله ام خالد : عيل نطريني بيي معاكم شيخه : ها .. لا يما لاتتعنين وتين .. مهاوي وتدلع .. باجر ان شالله كلنا نروح لها الصبح .. قلت لامي جذيه وانا اغمز لمنور.. ابيها تفهمني وتكمل علي الباجي منيرة اللي حست بشيوخ وان في موضوع كبير صاير : ايه يما احسن عشان بني معاج احنا سلوم اللي قضب عباتي : بروح معاج خالتي شيخه شيخه : اوووف .. منور شوفي شغلج ترى موناقصته هذا طلعت وانا معصبه صج .. وخلود كان ينطرني بالسيارة .. اسمع صوت سلوم يبجي .. حرام عور قلبي .. بس موضوع مها خلاني مو بس متنرفزة .. الا خايفه وايدي على قلبي ... الله يستر بس ركبت السيارة اللي احس انها بتنفجر من شحنات الغضب اللي باينه بويه خلود .. كنت اشوفه ماسك روحه بالمووووت .... ترددت اكلمه بشي بس لازم اعرف عالاقل منه : شسالفه خالد ... شصاير ؟ خالد : ماادري ... شوفي ابيج تعرفين شسالفه .. قوليلها ان الزواج مو لعبه بيدينها .. متى ماتبي تتزوج ومتى ماتبي تتطلق .. وترى انا ماسك روحي بس عشانها بنت خالتي ولا جان ماسكت .. لو عندها أي شي تي تحاجيني وانا مستعد اطلقها من اليوم .. خلود كان يتحجى والزفير اللي يطلع منه يمكن يطيري وياه .. كانت عيونه حمر وتنثف غضب .. وماسك السكان اللي شوي وينكسر بيده وخرت عيوني عنه وماقدرت انطق بحرف .. وقعدت اشوف الشارع برى .. اشوف هالناس اللي حواليني .. ياترى كل الناس عندها مشاكل مثلنا .. __________________ وصلنا بيت خالتي ناديه وانا اول مرة اخاف ادش هالبيت .. بعد ماكنت ادخله وجنه بيتنا الثاني .. كنت خايفه من اللي بيصير .. عندي احساس ان السالفه كبيرة ولها خص بيوم العزيمه .. الله يستر بيت الخاله ناديه ام ناصر : هلا يما شيخه .. خلا خالد .. حياكم دخلت وانا اسلم على خالتي واحب راسها وعيني تدور ظل هالمها .. شيخه : هلا خالتي .. عسى ماشر .. شفيها مها ؟ ام ناصر بضيق : والله شوفة عينج من يوم العزيمه اللي ببيتكم وهي حابسه روحها بهالغرفه لا راضيه تطلع ولا راضيه تقولنا شفيها .. ماغير تبجي وتقول ... بتطلق حسيت بخلود اللي قبض ايده بقووة .. حسيت بنبضات قلبه اللي بيطلع من مكانه .. صج الكلمه حييل كانت قويه عليه وعلي .. مااتخيل بيوم ان مهاوي بتنفصل عن خلود .. بعد مااستانسنا فيهم والله لايقين على بعض شيخه : خالتي بروح اشوفها .. اهي وين بغرفتها ؟ ام ناصر : ياليييت يمكن تعقلينا .. روحي يما صعدت فوق وعلى طول طقيت الباب ..بس ماردت علي .. طقيت اكثر وانا اقول : شوفي ان مافتحتي الباب يامهاوي قسم بالله بخلي خلود يكسر الباب >>> كنت اتكلم بثقه .. لانها بطاه جبدي صج .. ينت وقعدت نطرت ثواني بره وعقبها افتحتلي .. بس صراحه انا اخترعت ... شكلها كانت تبجي .. وتبجي حييل بعد لو تشوفون وييها شلون متوهج وعيونها شون منفخه من البجي .. واللي كملته بعد اول ماشافتني .. ولمتني حيييل ... حسيت روحي مشلوله عن الحركه اول مرة اشوف مهاوي بهالوضع .. مها دايما ماخذه الامور بسهاله حتى ايام المدرسه ماكانت تبجي على درجاتها ولا على شي .. يعني مايأثر فيها الا الشديد القوي مثل مايقولون .. عشان جذيه ايقنت ان اللي فيها ابد مو شويه شيخه : اهدي زيين .. وقوليلي شسالفه مها اللي للحين تبجي وتمسح دموعها وتشاهق اخذتها من ايدينها وسكرت باب الغرفه وقعدنا على السرير .. مها :شيوخ شيخه : هلا مها : ليش تزوجني خلود .. ليش ؟ شيخه : لانه يحبج .. وانتي تدرين مها وبحروف متقطعه : خلود .. ما .. يحبني ... وغطت ايدها بويهها .. وقااااامت تبجي بصوت عالي .. اللي انا اخترعت .. قعدت مجابلتها ووخرت ايدها عن ويهها بقوة : شفيج .. شللي يخليج تقولين هالكلام .. تحجي مها مها بصوت مبحوح : ابي اطلق فتحت عيوني عالاخر : ينيتي ؟؟؟ مها قامت بعصبيه : اكون مينونه اذا تميت معاه .. اكون مينونه صج .. اذا قعدت مع واحد .. ماخذني بس ...!! شيخه : كملي ..!! ؟؟ مها وويها صوب الدريشه : قوليله اني ابي اطلق .. خليه يطلقني .. قمت بعصبيه ورحت صوبها : انتي جذيه تظلمينه مها بنظرات : واهوا يعني ماظلمني ؟؟؟ كلمتها بنبرة حاده شوي : مها .. بطلي دلع .. انتي تدرين شقاعده تسوين ... قاعده تقولين كلام انتي مو واعيتله .. اذا بينج وبين خلود مشكله حليها بالتفاهم ..ماهقيت عقلج صغير .. ماهقيتج متسرعه وتحكمين على الناس بسرعه .. مها .. ايا كانت المشكله .. كلشي بالتفاهم ينحل .. وكاهو خلود ياي يبي يعرف شللي مزعلج ومستعد ينفذ اللي تبين .. بعد آمري مها بنظرة تعور القلب : أي شي ابيه ؟ شيخه بثقه : اكيييد مها : قوليله اني ابي اكلمه وانا ماصدقت خبر .. خذيت التلفون ودقيت عليه وقلتله يصعد فوق وثواني كان خلود فوق عندنا خلود كانت متوتر وبنفس الوقت متنرفز .. ومها كانت لافه صوب الدريشه وانا قاعده عالسرير شيخه : هذا هو خالد عندج .. قوليله اللي بقلبج .. وقمت بمشي ولا مهاوي تمسكني بايديني : لاتروحين قعدي .. حسيت بخلود مسك اعصابه بشكل ماتوقعونه وجنه مها ماتأمن تقعد معاه بروحها .. شللي تغير .. شللي قلب حالها ماادري قعدت وانا ملتزمه الصمت .. خايفه يصير شي واهما اثنينهم حالتهم النفسيه زقت خالد : ممكن اعرف شفيج .. شصاير ؟؟ مها : خالد .. بدون مقدمات ووجع راس ... طلقني خلود قام متنرفز فجأة وصرخ : ينيتي انتي ؟؟؟ مها حسيت فيها خافت .. لان خالد لما بعصب صج يبين عليه : ............. خالد يكت شوي .. ينطر منها أي تبرير للينون اللي قاعده تقوله حسيت اني لازم ادخل : مها .. قولي شفيج .. شصاير ؟؟ شفتي شي خلاج تقولين هالحجي ..!! مها : .......... خالد غمض عيونه بتعب واضح وتعوذ من ابليس وعقب قالي : شيوخ طلعي شوي بكلم مها وانا كنت انطر هاللحظة .. طلعت بسرعه وسكرت الباب وايدي على قلبي .. ماكنت حابه اشوف اعز اثنين بهالحاله .. غرفة مها خالد قرب شوي وحط ايده على جتفها وهي لافه عنه : مهاوي .. تدرين اني احبج .. وتدرين اني امووت فيج ولا اقدر اعيش من غيـــ ــ وقاطعته بصراااااااخ : طلــــــــــقني !!!!! كشيت منها .. لهالدرجه ماتبيني .. ليش وافقت بالاساس عيل .. كلمتها بنبرة جامده : انتي احد غصبج تاخذيني ..!! مها : ...... خالد : ردي علي .. وانا مستعد اسوي اللي تبين مها : لا خالد : عيل شصار ؟؟؟ مها ماكانت تقدر تتحمل اكثر وقعدت على الارض تبجي .. تبجي من قلب .. مامداها تتهنى بشخص اخذته وهي مقتنعه فيه اميه بالاميه .. شخص حلمت تعيش معاه احلى ايامها وهي اللي كانت تقول الحب ييي عد الزواج .. اثاري هالريايل يتزوجون وكل واحد يكلم عشر بنات .. وانا .. ليش تسوي فيني جذيه ياخالد لييييش !!! والله ... احبك خالد قبله عورة .. كلش ولا مها .. كان شكلها يقطع القلب .. نزل قعد يمها وخذاها بحضنه وحط راسها علة صدره وهي تبجييييييييييي خالد : حبيبتي ..!! مها بغصه : لاتقول حبيبتك .. خالد يرص على ايدينها اكثر : حبيبتي ونص .. وماعندي بهالدنيا وحده احبها مثل مااحبج مها : بلى عندك ..!! خالد وخر شوي عنها ورفع راسها : شصاير مها .. قولي مها وخرت عنه ويابت تلفونها وبهدووووء فتحته وورته رقم : هذي بعد حبيببتك !! خالد شاف الرقم وعرف منو تقصد .. تبون الصج ماعرفت شقول .. ماادري شلون وصلت لها اسما .. ولا شللي صار .. اخذت ايدينها ورفعتا وقعدتها على السرير وقعدت انا مجابلها وانا ماسك ايديها ومقرر اني اقولها كلشي عن هالبنت علشان نبدى صح .. خالد : انا بقولج كلشي .. وابيج تسمعيني للاخر .. ومها كانت بس تشوف بعيونه وجنها تبي أي شي يقولها ان خالد صج يحبج خالد : شوفي مها .. هالبنت كانت مجرد نزوة وغلطه بحياتي .. وانا صلحتها يوم تزوجتج .. بس اهي الظاهر ماتبي تفهم هالشي ومناشبتني ولا راضيه تهدني .. مابيج تقولين اني اقص على بنات الناس ولا العب فيهم .. بس انا كنت في وقت من الاوقات كنت جاد معاها لكن اهي كانت ماخذه هالشي لعب وبعدها تركتها يوم قالت انها بتزوج ..والظاهر ان ريلها ماطلع خوش واحد قامت واستغلتني عشان تتطلق منه .. وكل اللي قاعد تسويه علشان يطلقها ريلها .. تذكرين الحادثه اللي صارتلي .. يوم طقني واحد مااعرفه وبلغنا عنه الشرطه .. هذا كان ريلها انا عرفت بالصدفه لكن مابلغت عنه لان مابي اسبب لها مشاكل اكثر من اللي اهي مسببته لروحها .. مهاوي ... والله .. ان هالبنت ماتعنينلي شي .. كل اللي يعنيلي بهالدنيا اهوا انتي .. لو ماحبيتج مافكرت اخطبج مها طول الوقت كانت ساكته وتسمع .. ونفسيتها هدت من بدى خالد يتحجى .. وجنه هالصوت هو الراحه بالنسبه له خالد رفع ويها بيدينها شوي شوي وقرب منها : والله احبج .. ومستحيل افرط فيج مها لاشعوريا رمت نفسها بحظنه وكملت بجيهاا وبصوت مبحوح : وانا احبك |
رد: رواية ناكر المعروف ,, مابيّن بعينك .. رواية روعه حياكم ..
الجزء الثاني عشر شيخه قاعدة امووووووووووووت من الحرة .. في واحد قاعد يتملق على راسنا .. اليوم امي عازمة عزوز المليق ومها وخلود وحصه اختي على الغدا .. طبعا انا ماكنت ابي انزل اتغدى .. لان بتلوع جبدي من مجابل ويهه .. بس امي زفتني وقالتي هذ اخوج .. وياويلج ان شفتج تتحجين عنه جذيه .. انقهرت .. ليش وايد حاطلته اعتبار .. والحمارة مهاوي تضحك اهي ومنور علي .. هييين كنت قاعده وانا اكل مجبوس دياي .. مااحب المجبوس. . بس لان عزوز باشا يحبه امي سوته له على الغدا .. وانا بالطقاق اللي يطقني ان شالله مااكل ... كنت اغرف لي وجني بكسر الصحن .. اشوف منور ومها يطالعوني كل شوي ويضحكون .. حصوص كلت بسرعه وقامت مالها خلق .. وانا نشبت فيني مريوم اوكلها رفعت عيوني وانا اشوف هالبطه شلون ياكل .. وعقب نزلتها بسرعه .. عشتوا من متى ياكل بشوكه وقفشه .. خبري فيه ياكل بيده وريوله قبل .. لاشوريا ابتسمت وانا اتذكر شكله وهو ياكل يوم كنا صغار .. اووو كان يتهاوش مع الاكل ماياكل .. حتى لما يقوم تشوفون العيش مطشر كل مكاان ..ههههههه مااقدر على الذرابه انا خخخ مصدق روحه والله رفعت عيوني فجأة يوم تحجى خلود اخوي خالد : هااا يما اعزم عزوز واعزم عزوز .. ذبحتيتي يلله كلميه ام خالد : فدييته يعني مايصير يتغدى معانا ..الود ودي كل يوم يي عزوز وهو يبعد صحنه : لاعاد كل يوم بخلص ماجلتة البيت .. وبعدين كل مرة بتسويلي مجبوس .. مراح ادش من الباب من المتن خالد وهو يطلقه لى بطنه : انتا متنان شوي .. يبيلك مشي عزوز يتصنع : ايييي ام خالد : خلوووود ... قول ماشالله لااله الا الله .. وين متنان انا مااشوفه الا كل ماله ويضعف زود عزوز ضحك اللي خلا كل عرج فيني ينط : ههههههههه يما عاد قلنا قصي علي بس مو جذيه ام خالد وهي تزييد له العيش : زين حبيبي .. ماقلتلي شرايك بالبنت ؟ انا هني قطيت اذني ورفعت عيني ومالي شغل باحد .. كنت ابي اشوف قيس شيقول .. يمكن كنت ابي اقرى عيونه اكثر .. لان احساسي وعيونه مايجذبون عزوز بابتسامه ونبرة غريبه مافهمتها : اخخخ يما ضربتي على الوتر الحساس سلطان : ههههههههه عشق الولد خلاص خالد : لا شكله غرقان لشوشته ههههههههه عزوز وهو يبتسم ورفع عيونه صوبي بخطفه ووخر : لاتطلعون اشاعات .. الحين امي تروح تخطبها ام خالد : وهذي الساعه المبار كه .. يوم السعد اللي تعجبك البنت .. وترى اهيا خوش وحده ومن الاهل .. ويابختها يوم ترضى انتا فيها لا والله .. اخاف الملكه بلقيس وانا ماادري .. تدورن ياني شعور شنو ... ودي اكسر هالصحون كله على راسه .. سكت بس ماتحملت اكثر .. اقوم اقعد مع حصوص احسن لي الجانب الثاني عزوز ماتدرون .. انا من داخل بنفجر من الضحك ... ههههههههههههااااااااي ... احس بنشوه مو طبيعيه .. شيوخ مو بتنفجر وبس .. الا بتنتحر .. ههههه صج اني بلشت روحي .. بس لاتخافون بطلع منها .. اهم شي الانتصار عليج يالمغرورة رفعت عيني يوم شفتها قامت .. ومنيرة ومها قاعدين يضحكون ..الله ياحلات الشماته .. بيني وبينكم .. قلبي عورني شوي .. يعني .. يمكن اهي تحبني .. !! هااا .. .عزوز .. ينيت اكييد .. شيووووخ تحبك !!!! لو العالم كله يحبك .. اخر وحده تفكر بهالشي شيووخ وعيت على صوت امي ام خالد : هاا شقلت .. اكلمهم خلاص ؟ عزوز : اووف طحت فيها ... خلود انقذني سلطان : انتا بلشت روحك وتحمل ههههه خالد يكلم امه : توكلي على الله الغاليه .. وانا من الحين بنادي الملاج عزوز وهو يخز خلود بقهر : انتا جب .. لاتزيد رجاءا سلطان : انت مو تقول عاجبتك عزوز يبتسم : اضحك انتوا عاد ماتصدقون خبر .. لا يبا انا مابي اتزوج .. خلوني الحين احقق طموحاتي خالد : يابو طموحات انتا ههههههههه ام خالد اللي ضاق خلقها : ليش ياوليدي .. اذا مو عاجبتك ادور لك غيرها عزوز : فديييتج صدقيني انا يوم اني افكر بهالشي .. بيي اقولج ولا تزعلين ام خالد : على راحتك حبيبي .. خالد : يما ابوي وصلاح وينهم ؟ ام خالد : ابوك بالمزرعه .. وصلوح معزوم عند رفيجه على الغدا وعقب بييهم مدرس نفس الوقت غرفة شيخه كنت مسكرة على روحي الباب وابجي .. لاتسألوني ليش .. ماادري .. كنت مضايقه وبس .. ودي اعرف السبب .. كنت احس اني مخنوقه .. وللحظة بس .. كان ودي ناصر يكون هني .. بس لايروح بالكم بعييد .. ناصر الصغير .. ناصر يوم كان عمري 10 سنين .. كان اهوا الوحيد اللي كنت اسنانس معاه .. حتى قبل لا يسافر .. يوم كان بالثنوي .. كنت بالساعات اقعد معاه ونسولف ونلعب .. طلعت مذكرتي وكتبت بتاريخ اليوم مشتاقة لناصر .. اهوا الوحيد اللي يفهمني .. كتبت هالكلمتين .. وتوضيت وصليت العصر لانه توه اذن .. وقعدت على سيادتي افكر .. شللي مضايقج شيووخ .. الله وياه يتزوج اللي يبي .. انا مومتاضيه علشان جذيه .. اكيد مو هالسبب .. بس شنو ماادري .. اخذت قرأني .. وفتحته وقعدت اقرى .. ماادري شكثر .. ماحسيت بطقه باب غرفتي سكرت القرأن وفتحته ولا الاقي منور ومها واقفين وبيدينهم صحن كيك ... قلتلهم بانشراح : الله كيكة تمر ؟ مها : اييييييه عجيييبة شيووخ تعالي اكلي ؟ شيخه : منو يايبها ؟ مها تطالع منيرة ووفيها الضحكه عقب قالت : عزيز لاشعوريا اعتفس ويهي .. بس بعدين فكرت بداخلي اني مالي شغل فيه خير شر من اليوم ورايح : زين يله افصخ ثوب صلاتي واييكم فصخت الثوب ولبست التوينز الاحمر ولفيت شيلتي ونزلت تحت .. استانست ان الريايل راحوا الديوانيه وهالشي عطاني راحه مو طبيعيه .. قعدنا ناكل ونسولف على كيييفنا بعد اسبوع غرفة منيرة حصه : يله منور .. ينطرونج تحت !! منيرة بخوف : مابي حصه خاايفه حصه : من شنو ..!! .. المرة مراح تاكلج .. وبعدين مراح تقعدين مع بدر بروحكم .. خلود وابوي معاكم يله عن الدلع منيرة : زيين شكلي اوكيه ؟ شيخه : شوي ه تلوعين الجبد بس يمشي حالج منيرة : اووف شيوووووخ يحماااارة .. لاتخليني اهون الحين شيخه : ههههههه حصه : شيوخ ويعه .. تهبلين منور .. يله نزلت وانا ايدي على قلبي .. خايفة .. اليوم بشوف ام بدر واللي اصرت ان ولدها يشوفني مرة وحده .. عشان ماتطول السالفه لان الدكتور عنده دورة بمريكا وبيسافر بعد يومين نزلت وانا ميته خوف وارتباك .. وحصوص نزلت وراي .. كنت اتمنى الارض تنشق وتبلعني من الفشلة .. قعدت يم امي بعد ماسلمت على ام بدر اللي هللت ورحبت فيني .. شكلها من حريم اول اللي تخز البنت من شباصتها الين دلاغها مكرم السامع .. وماتعطيج فرصه ترفعين عيونج .. تخيلوا طول الوقت راسي كان تحت .. حتى اني قمت اعط خيوط الزوليه من الملل .. وماوعيت الا على حصوص تناديني حصه بابتسامه : منيرة .. يله لبسي ابوي يقولج .. عشان بتدشين الدوانيه رفعت عيوني وجني استنجد بحصوص وبصوت واطي : بروحي !! وام بدر تضحك مستانسه : أي يما بروحج .. ترى وليدي ماياكل مسالم هههههه وع وع .. سخييفة .. وليش مستانسه واايد يعني ... اوف صعدت ولفيت شيلتي السودا ونزلت تحت ووقفت عند باب الدوانيه طقيت الباب وطلعلي خالد خالد بابتسامه : حيااج دخلت واحس الجو كله متكهرب .. ابي ارفع راسي اشوف الدكتور اللي خابيني عليه والكل يتمناه بس مااقدرت .. تقولين هالريال عمره ماشاف بنت .. يعني ادبا نزل عيونك شوي . خلني اخذ راحتي خالد : منيرة رفعت عيوني صويه : هلا خالد : هذا هو بدر .. اللي بقلبج قوليه .. تبين تسألينه شي ؟ عقبها تكلم الدكتور : منيرة شلونج ؟ منيرة : بخير الحمدلله الدكتور : شكثر باجيليج وتخلصين ؟ منيرة : اخر كورس عندي الكورس الياي الدكتور : وناويه تشتغلين ؟ منيرة باستغراب : ايه الدكتور : ممم بس انا ماافضل المرة تشتغل ؟ استغربت اكثر : بس انا بشتغل .. الدكتور وجنه حب الدور وصدق روحه : ماعلينا من هالاشياء نتفق عليها عقب .. انتي جم عمرج ؟ منيرة من غري نفس .. اللهم طولج ياروح .. يخطب ومايدري جم عمري : 21 الدكتور : اها .. عيل ليش قاوليلي 18 ؟؟ منيرة .. بقلبها .. الحمدلله والشكر : لا الدكتور : زين انتي تعرفين اني دكتور منيرة بقلبها : لا ياشيخ .. صج والله ؟؟ توني ادري .. بلا غرور الدكتور : ودوامي شلون فيه سفر واجتماعات .. يعني ابيج تكوين داريه بالاشيا كلها منيرة .. ترى ملييت ودي امشي تخيلوا قع ربع ساعه بس يسولف عن روحه وعن رساله الدكتوراه اللي يبي يقدمها وعن الطب .. الظاهر غلطان بالعنوان .. هني مو منظمة الصحه العالميه ابو خالد : ها منيرة .. يبا في خاطرج شي تقولينه ؟ ابتسمت غصب : لا .. يبا بمشي !! خالد : يله منيرة قومي قمت مع خلود وانا لاااايعه جبدي .. قالوله ابي اتزوج كتاب علمي انا .. اووف صعدت فوق وخلود يتحرش فيني وانا مالي خلقة ... حدي لايعه جبدي واول مادخلت غرفتي شيوووخ كانت لي بالمرصااد شيخه : هاااا بشري .. شلون العرييس ؟؟ منيرة: اووف سكتي بس .. ملييق وتافه واربع وعشرين ساعه يتحجى عن الطب شيخه بتعفيسه ويه : يعني مو موافقه منيرة : ماادري شيوخ .. طلعي مالي خلقج ترى شيخه : انتي ماينوخذ منج حق .. اروح حق خلود وحصوص احسن نزلت بعد ماسمعت ان ام بدر راحت وطيراااان على الصاله .. ابي اعرف اخر التطورات حصه : والله المرة ماعليها كلام .. ام خالد : شكلها منور مو مرتاحه انا حاسه جذيه ابو خالد : لاحد يأثر عليها خلوها بكيفها تقرر خالد : والله انا اشوفه خوش ريال .. ماادري مافيه شي يعيبه .. ام خالد : خوها تفكر جم يوم وعقب حصوص كلميها وعرفي رايها بالموضوع غرفة منيرة الساعه 2 ونص كنت منسدحه على فراشي افكر .. ماادري هالريال كرييه .. تعرفون .. طول عمري احلم بريال رومانسي وشكله هذا مايعرف شكل الرومانسيه عالاقل .. يكون عنده اسلوب بالكلام .. يعني اهوا ياي يخطب مب ياي يدور وظيفه قاعد يعرفنا على سيرته الذاتيه وجنه مو مصدق انه دكتور .. لا ومن اسلوبه تحسون انه يتمنن علينا .. يعني تحمدون ربكم ان خاطب بنتكم اووف .. انا ليش حظي جذي .. ياليت ييني واحد نفس سلطان ريل حصوص .. يحبها ويحطها بعيونه .. وعمرنا ماسمعنا حصوص اختي تشتكي منه بشي .. قطع تفكيري صوت مسج ... استغربت حزته .. منو بيدزلي هالحزة .. فتحته وكان من رقم غاب عني شهور .. لكنه ماغاب عن خيالي ابد (( منيرة .. اسف على الازعاج .. انا صح وعدتج اني ماازعجج .. بس سؤال واحد .. انتي مرتبطه ؟؟؟)) هذا شيبي الحين .. ناقصتك انا .. مسحت المسج .. وحطيت التلفون بالدرج مالي خلق شي .. حاولت انام .. تقلبت يمين ويسار .. بس ماياني النوم .. لاشعوريا فتحت الدرج وطلعت تلفوني .. كنت مفكرة ارد عليه واقوله لا .. بس اكتشفت اني ماسحه المسج .. وماعرف الرقم عدل .. قلت بقلبي احسن .. وتوني كنت بحطه بالدرج ولا يوصلي مسج (( بليز .. بس ابي اعرف هالشي .. واوعدج ماازعجج بعد )) رديت عليه (( لا )) وسكرت التلفون وحطيت راسي ونمــــــــــــــــــــــــــتتتت __________________ بعد اسبوع طبعا بدت الدوامات وصلوح ماينشاف .. مسكيين خايف ومرتبك .. وان شالله تعبه مايروح بلاش .. اما منيرة فهي اكثر وحده فينا مرتاحه .. لان عندها ثلاث مواد بس .. صح ماقلتلكم .. تم رفض الدكتور بدر من قبل السيدة منيرة .. ولاسباب مجهوله هههه خبله منووور .. اكو احد يررفض دكتور .. بس بيني بينكم بعد الواحد مايقدر يعيش مع انسان مليق .. مم مثل عزوز مثلا هههه دايما هالريال في بالي .. اضرب فيه امثله خخخ المهم .. انا الحين بروح الجامعه وادعولي عندي امتحاان الساعه 9ونص كلية منيرة كنت امشي مع ديمه طالعه من مبنى علم النفس .. وهالمبنى فيه ثلاث بيبان وكل باب بينه وبين الباب الثاني ممر .. يعني حوسه .. المهم .. سلمت على ديوم لان عندها محاضرة في هالمبنى .. ومشت واول ماقربت من الباب بفتحه .. لقيت فيصل يركض ويفتحلي الباب وبابتسامه .. الصراحه تضحك .. طلعت وانا رافعه راسي فوق وماسكه ضحكتي ومخبيتها ببتسامه غرور .. بالضبط مثل ماتسوي شيووخ هههه نتعلم منها ويوم قربت من الباب الثاني .. هم فتحه لي فيصل .. رفعت عيني وطالته باستغراب .. وهو يبتسم .. هههه مو صاحي هالريال .. ويوم قربت من الباب الثالث .. سرعت شوي وحطيت ايدي على ايده من غير لااحس .. طالعني وهو يضحك .. ورفع ايده فوق وانا انحرجتتتتتتتت حدي ... انق ويهي الصراحه .. فتحت الباب بمشي ولا اهوا يناديني فيصل : منيرة ؟ وقفت من غير ماالتفت : نعم ؟ فيصل : اذا خطبتج .. بتوافقين ؟؟؟؟؟ الساعه 4ونص العصر نفس اليوم امي وابوي وشيوخ بالمستشفى ... حصوص دخلوها العلميات بعد مافضحتنا بالبيت .. وكلنا ناطرينها تولد .. انا اضطيرت اتم في البيت لان سلوم ومريومه عندي .. مهاوي كل شوي تدق تسأل وخلود عقب مارد من الدوام لبس وطلع يلحقهم وانا تميت في البيت .. افكر بس بكلام فيصل .. يا الله .. كش شعر يمي وهو يقول هالكلمه .. احرجني .. ومن كثر ماكنت مرتبكه .. مشيت عنه ابي اوصل بس أي مكان اتم فيه بروحي .. منور .. اذا خطبج بتوافقين ..!! .. لا ليش لا ؟؟ ... هذا واحد راعي بنات شبي فيه ؟؟ .. أي صح لاتنسين منور .. لاتنسين قطعت تفكيري بفيصل بقوة .. وقعدت مع مريوم وسلوم بالصاله اهما يشوفون توم وجيري وانا احس جنه انا وفيصل .. يطاردني بكل مكاان .. يه في بالي اكلم ديوم واقولها .. اخذت تلفوني ودقيت عليها ديمه : اهلا اهلا .. لاتقولين لي ماسويتي البحث منيرة :لا والله ماسويته اختي حصوص بالمستشفى تولد وقاعده احاتيها ديمه : صج ؟ الله يقومها بالسلامه ان شالله .. يله هاانت منيرة : على قولتج ديمه : منور ..!! في قلبج شي .. قولي قولي ادري ترى ؟ منيرة : هههههه دايما جاكتني ديمه : شفتي شلون ههههه منيرة سكتت تاخذ نفس عشان تنطق بهالاسم وعقب قالت : فيصل ديمه باهتمام : شفيه بعد ؟ منيرة : اليوم بعد ماطلعتي مني .. قالي اذا بخطبج توافقين ؟؟ دميه بصراخ : هااااااااااا !! قولي والله منيرة : والله العظيم ديمه : وانتي شقلتيله ؟ منيرة : ماقلت شي .. انا زين قدرت امشي عقب كلمته .. احرجني ديمه : وانتي شرايج ؟ منيرة : مايبيلها راي ديوم .. اكيد لا ديمه : ليش ؟ منيرة : تبيني اتزوج واحد راعي بنات .. مابقى بنت بالجامعه ماكلمها .. ينيتي ؟ ديمه : منور .. اقولج شي .. لاتستعيلين بالرد .. فيصل من هذاك الكورس اللي شافج فيه واهوا متغير .. كل البنات يقولون .. حتى لاحظي انتي هالشي .. دايما قبل كنا نشوفه منزرع بالسكويرات حوالينه بنات الجامعه .. والحين مانشوفه غير داش محاضرته ولا طالع منها .. او ... يلاحقج من غير ماتحسين منيرة : بس هذا مايمنع انه يسوي هالشي بس عشان يكسب رضاي .. ويمكن بعدين يرد لطبيعته ديمه : مااقدر اجاوبج على هالشي .. لان مالي علم فيه .. انتي بروحج تقدرين تعرفين اذا يحبج ولا لا .. اذ اهوا صج يبيج ولا بس شي يحصل عليه وانتهينا منيرة : مالت عليج .. خليتيني اشك اكثر ههههه ديمه : ههههه منور .. لاتستعيلين وفكري زين .. منيرة : ان شالله .. يله هذي شيوخ خط ثاني .. اكيد حصوص ولدت .. اشوفج باجر اوكيه ديمه : اوكيي حبيبتي .. يله باي منيرة : باي شيخه : منو تحااجين صارلج ساعه منيرة : بسم الله توج داقه .. ساعه شنو ؟ شيخه : هههه زين اتغشمر معاج يالخوافه .. يله قولي مبروك ؟ منيرة بفرح : ولدت ؟ شيخه : ايه وياابت ولد يهبل .. وبيسمونه يوسف منيرة : صج .. وناااااااااااااسه باركيلها عفيه عني .. شيخه : اوكي .. والله وزادت همومج هم .. وياج ياهل بتسهرين معاه الليل والنهار ههههههه منيرة : ليش وانتي شمهنتج مو خالته بعد ؟ شيخه : لا يماما .. انا الياهل عدوي اللدود .. ههههههههه منيرة : اقول مالت بس .. يله متى بتييون ؟ شيخه : انا برد مع خلود وامي بتم شوي .. اقولج حطي اغراص حصوه بجنطه عشان انتي دورج الحين تروحين منيرة :اوكيه .. يله باي شيخه : باي بعد اسبوع بيت ام خالد الزحمه كل يوم .. حريم داشين وناس طالعين .. غير رفيجات حصوص يباركولها ورفيجات امي واهلنا وييرانا اوووو واهل سلطان .. بيتنا صاير ازعاج مو طبيعي .. والبشارة الاحلى .. ان مريوم وسلوم بينامون عندنا شهر كااااااامل .. ياحبيبي .. مو ناقصه ازعاج ولا لوعه جبد .. بس صج صج .. يوسف طالع كله انا .. يههههبل .. فديييته ابيضاني وعيونه فاتحه علي احم .. وكلمن شافه قال عنه حلو .. لاتقولون مغرورة . .بس ياربي الصج ينقال هههه الخميس خالاتي كلهم كانو هني .. وعيالهم وحريم عيالهم والاحفاد .. باختصار .. كان بيتنا زلزال الا .. والبنات قاعدين برغفة حصوص اللي تطل على الصاله .. وطبعا الجاي والقهوو والحلو .. ولازم نكشخ ونلبس وانتمكيج وننرز معاهم .. انا ومهاوي وشهد ومنيرة كنا بالمطبخ .. نسخن القهوة .. لان ناس مااعرفهم رفجات امي يايين شهد : بنااااااات ادعولي مابقى شي على الفاينل منيرة : يماا منج باجي شهر وشوي .. مها : خليها مسكينه .. النسبة وماتسوي .. شيخه : هههه حرام طلع فطر براسكم انتي وصلوح من الدراسه شهد : اقول جب بس الجميع : ههههههههههههههههههههههههه خالد اللي دش من غير ماينتبه على شهد : مهااوي ..!! شهد بسرعه نزلت تحت الطاوله وانخشت .. ومها تكلم خالد : اطلع خالد . فيه بنات خالد للحين واقف : ماكو احد وين ؟ مها :شهد هني .. اطلع خالد اللي كان مسطل : هاا .. اسف ورجع ورى عند الباب .. وكمل : تعالي زين بكلمج مها راحتله وهي تطلقه على جتفه : لاتدش مرة ثانيه من غير لاتطق الباب خالد : ماادريت والله .. مها : لا والله .. شايف عندنا حريم ؟؟ خالد بخبث : تغااارين ؟ مها قلب ويهها الوان : انا ...!! اغار عليك ؟؟ خالد : ايه وتموتين فيني .. وتحبيني وتعشقيني هههههههههه مها : ههههههه لاتصدق روحك بس .. خالد : يعني ماتحبيني ؟ مها وهي تنزل راسها : لا خالد يرفعه : بس انا احبج .. واموت فيج .. واعشقج ياامغمازات مها : هههههههههه .. حاط دوبك ودوب غمازاتي انتا .. خالد : ههه شسوي .. قاهريني .. ودي اقرص فيهم بس اخاف انطق ههههه مها : زين روح يله البنات ينادوني خالد : زين بروح .. اقولج .. توه واحد داق علي .. يعرفني بنفسه يقول اسمه فيصل ..و يبيني بموضوع خاص .. ويوم سألته قالي يبي يناسبنا .. عاد انا فهمت منه انه يبي منور اختي .. مها : صج .. من ولده ؟ خالد : والله ولد ناس وعايله زينه .. ولد الــ ....... مها : ماشالله .. زين وشنو قلتله ؟ خالد : قلتله خل الاهل يدقون ويصير خير .. مها : وبعدين ؟ خالد : عطيته رقم بيتنا .. ابيج تقوليلي اذا دقوا وسألي منور من غير لاتلاحظ .. عن اسمه .. شكله وياها بالجامعه مها : هاااا .. يعني حب من اول نظرة .. والله منور تنحب .. هههههه خالد : اقول جب بس عن هالسوالف .. ماعندنا بنات يتزوجون عن حب مها : وااااي بسم الله .. كليتني هههه حمش الريال خالد بنبرة : اييه شعبالج . يله دشي داخل لاحد يشوفج .. بسرعه مها تضحك : زييييييين ههههههه الساعه 6 ونص اغلب الحريم راحوا ومابقى احد .. غير مهاوي وخالتي ناديه كان ويهها معتفس طول القعده ماانددري شفيها .. شكلها متاضيقه بس ماادري شنو .. امي قعدت يمها وبصوت واطي : شفيج ناديه عسى ماشر ؟ ناديه : الا الشر بعينه وعلمه ياام خالد ام خالد : يخسى الشر .. قومي نقعد بالاستقبال وقولي السالفه طلعت امي وخالتي ناديه وادخلوا دخل وانا مهاوي ومنيرة قاطين عيونا وواذونا وموفاهمين شي .. شيخه : مهاوي شفيها خالتي عسى ماشر ؟ مهاوي : والله ماادري .. بس على مااظن .. زواج نصور منيرة بتملل : مرة ثانيه .. هالناصر مايابلكم الا الهم مهاوي : ماادري اقول يمكن .. لان مااشوفه ينام في البيت .. بيني وبينكم شكله متهاوش ويها زوجته شيخه : وشنو السبب ؟ مهاوي : ماادري. . بس مثل هالزواج تزقعي انه مراح يستمر .. الله يستر .. والله محد كاسر خاطري غير جرااح ضايع بينهم .. شيخه : مسكين هالولد يعور القلب مهاوي : أي والله منيرة : وشنو الحل الحين ؟ مهاوي : والله علمي علمكم .. اصلا مو قاعدين نشوف نصور عشان نكلمه بالموضوع .. ونعرف شسالفه سكت .. ليش نصور تسوي جذيه ليش .. ليش ماتفكر قبل لاتسوي أي شي بحياتك .. ليش تبهدل امك وابوك وولدك بالهطريقه .. تبون الصج . .قهرني .. وقهرني زياده برودة وعدم مبالاته .. مو هذي اللي يحبها ويبيها .. ليش قاعد يتهرب الحين لييش ؟؟!!! دش علينا خلود فجأة : منور .. امي هني ؟ منيرة : امي تسولف مع خالتي .. بالاستقبال .. ليش ؟ خالد : عزوز يبي يبارك لها عن حصوص .. منيرة : شكلهم العيايز عنده موضوع مهم شيخه بقلبها .. مسوي روحه سنع ومسنع .. خالد : زين سلطان وينه ؟ شيخه : داخل عند حصوص بالغرفه راح خالد صوب غرفة حصوص وطق الباب ودش قعد شوي وعقب طلع دقايق ولا يقولنا خلود : بنات دشوا داخل .. عزوز بيدش يله طلعت وانا فارة بوزي كالعاده .. وقعدنا بالصاله الكبيرة .. ننطر عزوز يطلع ربع ساعه ولا يصرخ خلود : طلعوا افرااااج .. ويبولنا جاي بالديوانيه يله منيرة :مهاوي جنه ريج اليوم وايد ماخذ راحته مهاوي : هههه زايد حبتييين شيخه : انا بقوم اروح عند حصوص تعالوا مهاوي امسكت منور من ايدها : لا انا بروح ويا منور نسوي جااي ونلحقج شيخه : اوكي رحت عند حصوص واسولف معاها شوي واول مادخلت قالتلي حصه : تعالي شيوخ اوريج شنو يايب عزوز حق يوسف حاشني الفضول عاد .. ابي اعرف شنو يايب بس سويت روحي مو مهتمه وقعدت عند سرير يوسف الاعبه حصه : فاتحله حساب باسمه فدييته وحاطله فيه 500 دينار بطلت عيوني : من وين له ؟ حصه : قالي سلطان انه يتاجر بالاسهم .. وماشالله الفلوس اللي عطته ياهم امي استثمرهم عدل .. من يومه يفكر ويعرف يستثمر كل شي بحياته .. والدليل انه عرف يستثمر امي .. وياخذ منها .. سكت ووقعد ت اسولف مع حصوص شوي واقولها عن نصور وامي وخالتي الجانب الثاني مها : منور .. تعرفيه ؟ منيرة ارتبكت : أي وياي بالجامعه .. بس مو تقولين حق خلود مها : ليش ؟ .. منيرة : اخاف يفهمني غلط .. مهاوي والله مااكلمه ولا عمري قربت صوبه .. اهوا !! مها : اهوا .. مستلطفج ؟ منيرة : ماادري مها بابتسامه : منور .. اهوا الظاهر ياي يخطبج .. يعني انتي شايفته وتعرفينه ..اذا موافقه مبدئيا اقول لخالتي تقولهم ييون .. شرايج ؟ منيرة : ماادري مها : خلص فكري على راحتج .. وعطيني خبر .. منيرة سكتت وهي تصف الستكانات بالصينيه مها : منووووور .. قصص حب من ورانا هههههههه منيرة : جب ههههه طلعي اشاعات ناقصه انا في صاله الاستقبال ام خالد : ولا تحطين ببالج ياوخيتي .. كلشي بيتصلح .. انتي كلمي نصور وقوليله خالتك تبيك باجر وخل يمرني وانا اشوف شسالفته ام ناصر ببيأس : مااظنتي هالولد بيتسنع . الله يستربس رن التلفون ام خالد : الو ام أحمد : الو السلام عليكم ام خالد : وعليكم السلام والرحمه .. هلا والله ام احمد : ام خالد موجوده ؟ ام خالد : معاج ؟ ام احمد : والله ياوخيتي انتي ماتعرفني .. انا ام احمد ناس دلونا عليكم .. وحابين نتعرف عليكم زيادة ام خالد : الساعه المباركه ..ياام احمد .. تشرفنا فيج ام احمد : مابي اطول في الكلام وازيد .. انا الصراحه يشرفنا انه نناسبكم ..ونخطب بنتكم منيرة لولدنا فيصل .. ام خالد باستغراب : حياكم الله الغاليه .. بس من بيته انتو ؟ ام احمد : الصراحه انا عمته اخت ابوه .. فيصل امه متوفيه واحنا بيت الـ ,,,,,,,,,,, ام خالد : والنعم والله .. ماعليكم كلام .. بس الولد يشتغل وجم عمره ؟ ام احمد : هذا اخر كورس له بالجامعه .. واعمره 23 .. واحنا شارينكم ونتمى قربكم والله ام خالد : ماعليج شرهه ياام احمد .. انتوا عطونا فرصه نسأل عن الريال ونرد لكم خبر ام احمد : صار يااوخيتي .. انا بدق عقب يومين جذيه .. ام خالد تضحك : ههه يومين مايمدي ..!! ام احمد : بيني وبينج نخاف البنت تطير من ايدنا والولد يبيها ام خالد : خير ان شالله دقي بعد يومين ونعطيج الخبر الخميس الساعه 8و45 دقيقة صباحا رن تلفون الصاله في بيت بوخالد .. بس طبعا الكل نايم .. ولا احد رد .. ودق مرة ومرتين وثلاثه ام خالد وهي تقوم مخترعه من نومها : بسم الله اللهم اجعله خير يارب .. بوخالد : هذا التلفون يرن .!! ام خالد : ايييه .. خير ان شالله من بيدق هالحزة ..!! قام بوخالد من نومه والحقته ام خالد ونزلوا تحت الصاله بوخالد : الو .. .. منو ؟؟ .. هلا والله .. شلون ؟؟ لاتقولين .. حسبي الله ونعم الوكيل .. ايه قاعده لحظة ام خالد : خرعتني .. شصاير .. عسى ماشر ؟ بوخالد وهو يعطيها التلفون : هذي ام ناصر تبيج .. كلميها خذت التلفون منه وهي ميته من الخوف .. ناديه ماتدق هالحزة الا اذا صاير شي جايد الله يستر : ها ناديه .. عسى ماشر شصاير ؟ ان ناصر : شينة الحلايا . بنت الاجانب سافرت يارضيه ؟ ام خالد : منو ؟!!!! ام ناصر : مرت ناصر .. ماخذه كل اغراضها من البيت وطالعه ونصور حاول يتصل عليها مااحصلها .. كاتبتله ورقه تقول فيها انه يطلقها وماتبي تعيش معاه .. عسى ربي لا يوفقها قلبت مستقبل الولد فوق تحت ام خالد اللي حست بضيق .. وطول عمرها شايله هم عيالها وعيال خواتها كلهم .. صح اهي مو الكبيرة بس اهي اللي قايمه في العايله كلها .. اهي اللي تجمعهم ووتصلح بينهم .. وحز بخاطرها اللي صار بناصر .. : لاحول ولا قوة الا بالله .. زين لاتبجين مو زين ياناديه البجي مايسوي شي ... وناصر وينه ؟ ام ناصر وهي تمش دموعها بطرف ملفعها : طلع من الصبح ماادري عنه .. شفتي يااوخيتي .. شفتي شقاعد يصير بوليدي وحيدي .. عين ماصلت على النبي .. وابوناصر متحلف مايبي يشوف ويهه بالبيت .. سود ويوهنا هالولد .. ماغير ياب هالجراح اللي مايدري عنه خير شر .. ام خالد : خلص .. دقي عليه وانا يايتكم الحين .. قوليله خالتك بتكلمك .. فاطمه درت ؟ ام ناصر : لا والله ماقلتلها تدرين اختج ماتحمل .. وخفت يرتفع السكر عندها وتتعب ام خالد : زين تسوين .. يله شوي واكون عندكم ان شالله طلعت ام خالد مع بوخالد وراحوا بي ناديه .. ينطرون ناصر يي من بره .. والكل اعصابه متوتره . وام ناصر ماغير تلم جراح وتبجي على حظ ولدها بهالاجنبيه اللي هدته وراحت ام خالد : تعوذي من بليس ياناديه .. مايصير جذيه البجي مابيرد شي بوناصر : علميها ياام خالد .. وياليت اللي قاعده تبجي عليه يستاهل .. ذيحنا هالناصر ماادري شنسوي فيه .. قلنا الله رزقنا بولد يشيل اسمي ويشيهل هالحمل عني .. طلع اردى من البنات لا يتحمل مسؤوليه ولا يتحمل شي .. والله ان بناتي يسوونه ويسوون طوايفه هالهيس ابوخالد : تعوذ من بليس يابوناصر .. هذا مهما يكون ودلك والظفر مايطلع من اللحم .. وترى ناصر للحينه طايش ومايعرف مصلحته وموعيب الواحد يغلط .. انتوا بس اقفوا معاه ولاتلومونه وان شالله كلشي بيتصلح ربع ساعه ولا ناصر داش .. ووويهه كان صج تعبان وماله خلق ناصر : السلام عليكم بوناصر : وعليكم السلام .. هاا وصلت الاميرة المطار ؟ ناصر رفع عينه بعين ابوه وعقب نزلهم ماله خلق هواش ام خالد : ناصر ؟ ناصر : هلا خالتي ..! ام خالد : تعال ابيك شوي .. بكلمك ناصر : ان شالله ام خالد : لا موهني .. قوم ودي ريقني بمطعم جذيه انا وامك .. ونتحجى على راحتنا ناصر اللي صج ماله خلق .. بس عاد مايقدر يرد خالته رضيه .. كلشي ولاخالته .. وعالاقل يفتك من معاير ابوه له طلعوا الثلاثه بعد ماوصت ام خالد ناديه ماتقول شي .. ولاتبجي عشان يعرفون يتفاهمون مع ناصر وبعد ماوصلوا مطعم حلو جذيه كان على البحر .. وهادي ومافيه احد .. قعدوا الثلاثه على الطاوله ام خالد : الله شهالمطعم الحلو .. عاد ياويلدي .. احنا جنه قلنالك يواعه ومو متريقين .. مانبي نشوف المطعم بس .. نبي ناكل .. يعني ماني خابرتك بخييل ناصر ماقدر يمسك روحه : ههههههههههههههههههههه من عيوني ياخالتي .. امروا ..!! ام خالد : والله احنا مانعرف .. اطلب لنا على ذوقك .. بس هالله هالله بالجباتي والبيض والبلاليط والاكل الزين ناصر بارتياح .. شكثر يحب خالته : خالتي .. ترى احنا بمطعم راقي مو بقهوة شعبيه ام خالد : ههههههه .. زين يايما اطلب لنا على ذوقك من اكل هالانجليز اللي ماينبغى اللهم زيد النعمه هني ام ناصر ماقدرت تمسك روحها : لاتييبين طاري الانجليز الله ياخذهم ام خالد وناصر : هههههههههههههههههههههههههههه وبعد ماكلوا وخلصوا وسولفوا ... حتى ان ناصر نسى بلوته مع جيني وامه كانت تضحك ومستانسه ام خالد : شوف ياوليدي .. انا بقولك كلمه .. انتا تزوجت وحده على كيفك بارادتك .. وكنت تبيها .. ومحد فينا عارضك ولا وقف بطريجك .. قلنا هذا اختياره .. والحين بعد ماتركتك وسافرت ديرتها وطلبت الطلاق .. بعد محنا غاصبينك ولا بنلومك على شي .. بس ابيك تعرف شي واحد ياناصر .. عمرك لاتكون اناني وتفكر بروحك .. وقبل لاتتصرف أي تصرف .. شاور غيرك وادرس الموضوع زززين .. وشوف باجر شنو بتكون نتايجه وتوكل على الله .. هالمرة اعتبرها تجربه فاشله وعدت على خير .. وانت العمر يدامك وتوك صغير والف بنت تتمناك .. ناصر كان يسمع خالته بهدووء .. وارتياح عقب قال :فديتج ياخالتي محد يفهمني غيرج ام خالد : وامك ترى ماتبي تشوفك الا مرتاح ومستانس بحياتك .. ترى امك ماتنام الليل ولا النهار اذا كان مزعجك شي .. ياناصر فكر بهالام والابو .. قبل لاتسوي أي شي .. طالت الجسله مع كلام ام خالد اللي مثل العسل .. حتى نصور الخربان يحبها ويحب القعده معاها .. تريح الاعصاب وتهدي النفوس .. وبعدها قاموا اهما الثلاثه وكلن رجع بنفسية احلى |
رد: رواية ناكر المعروف ,, مابيّن بعينك .. رواية روعه حياكم ..
العصر الساعه 5 ونص غرفة حصه بيت بوخالد شيخه : احلف ؟؟ خالد : والله العظيم .. هذا اللي صار حصه : والحين شسوا ؟ طلقها ؟ خالد : اعتقد .. منيرة : هالريال متى بيعقل ... والله كبر على هالسوالف خالد : الله يهدي الجميع صلاح يدش : مرحبا يااخواني الكرام شيخه : احم .. اقووول .. شمطلعك من الكهف ؟ خالد : لا قولي شمطلع الحيه من وكرها اليوم ..!!! منيرة : كح كح كح .. غبااااااااار يطلع منك صلووووح هههههههههههه صلاح بكسرة خاطر : سكتوواا .. احس اني مو شايف الدنيا قروون هههههههه حصه وهي تضحك : تعال بس شييل يوسف شوي ترى ماشافته زيين صلاح وهو ياخذ يوسف من حصه ويضحك : فديييييييييييييييته شبييه خاله ويعطيه بوسه قوويه على راسه شيخه قامت وتخصرت على راسه : اووف لاتبوسه جذيه تقززه بلحيتك حراام .. وبعدين يايماما هذا شبيه خالته لاتلزق روحك رجاءا صلاح يوخر يوسف عن ويهه ويأشر على التلفزيون اللي كان مطلع برنامج عالم الحيوان ويأشر عليه : شوووفي هذا شبييهج .. لاتتلزقين في بني البشر .. حدج شواذي خالد وحصه ومنيرة ماقدروا يسكتون وضحكوا : هههههههههههههههههههه شيوخ قامت تركض ورى صلاح وهذاك الثاني ينحاش وهو شايل يوسف ويركض حصه : حسبي الله عليكم .. يييبو ولدي انتوا الاثنين .. شفيكم ينيتواا !! منيرة : شششش بس سكتوا شنو هذا .. اقول خلود .. وشنو بيسون عشان جراح ؟ خالد مو قادر يسمع من صراخهم : هااا !! حصه : شيووووووووووخ بس قعدي عن الخبال شيوخ وهي معصبه : شمعنى تزفوني انا .. خلود زف صلاح !!! خالد : صلوح عن الينون .. اعقل لاتحط عقلك بعقلها !! شيخه شهقت : لييييش .. قالولك عني مينونه ؟؟ خالد بضحكه مكتومه : ولييييي .. شيفكنا الحيين .. لاحبيبتي منو قال .. قص لسانه اللي يقول عنج ميونه .. محشومه يالشيخه ههه شيخه بنرفزة : تطنز هاا .. اييه كلنا انا اللي انزف .. وبالاخير صلوح يطلع الصح .. انا اقعد بغرفتي وايد ابرك صلاح : كلولولولولوش .. من زماان جان رحتي وفكيتينا هههههه حصه : اتوقع هالاجنبيه لو هامها ولدها جان عالاقل خذته معاها ولا طالبت فيه .. اصلا هذيل الاجانب مايهمهم عيالهم .. منيرة : صح .. الله يعينه هالولد .. يكسر الخاطر طلعت من غرفة حصوه . .وانا ميته قهر .. ليش كل الزف يصير على راسي انا .. اوووووووف طلعت بويهي مريووم بنت حصوه وهي تمسح عيونها شكلها توها قاعده من النوم مريوم : خالتي شيخه وين امي ؟ شيخه وهي تأشر : هناك روحي مريوم اللي قاعده تبجي شكلها تعسرت : ابييييييييييييييييييييي اميييييييييييييييي شيخه : اشششششششش بس بس صفارة انتي .. يبا بيتنا كله دورين مراح تضيعين لاتخافين .. روحي هناك امج بالغرفة من بيبوقها .. مريوم اللي اذا افتحت حلجها شيسكره : واااااااااااااااااااااااااااااع شيخه بقلبها .. ياحبيبي .. شهر بتمون هني .. ياسلااااااااام على الهدوء اللي بنعيش فيه .. اقول ذلفي عن ويهي مالي خلقج وصعدت فوق غرفتي وانا لااايعه جبدي من كل شي .. مم من بدا هالدوام وانا مالي خلقه .. على كثر مااستانست بالجامعه اول مادشيت على كثر مااحس بالملل وضيقة الخلق الحين ... طلعت دفتري وفكرت اكتب شي حق شخص .. أي شخص بخيالي .. يعني اتكلم فيه معاه بحريه ادري بتقولون مينونه بس شسوي .. ملل كتبت بتاريخ اليوم : الى من اهوى .. اليك حبيب قلبي .. ومالك احاسيسي .. انني احتاجك .. واحتاج لقربك .. اتعلم كم اشتاق لك حتى وانت معي ..!! اتعلم كم اسعد حين ترفرف بكلماتك حول اذناي .. كم اتمنى قربك جنبي .. ارجوك لاتغب ضحكت بعد ماكتبت هالكلمتين .. الصراحه احس اني مينونه رسمي .. لاحد يققراهم بس يصدق .. سكرت الدفتر وفكرت اكسر الروتين .. رحت غرفة منور اختي واخذت منها جم بلوزة وجيينز ولبستهم وتمكيجت وسويت شعري .. وشغلت تلفوني على الفيديوا وقعدت اقلد اصاله باغنيتها اليديده اكتر من اللي انا بحلم بيه . . هههه لاتشوفون شكلي ..يموت من الضحك .. حالوت اقلد بنرة صوتها بس والله صعبه .. نسيت اقولكم ترى انا بعد صوتي حلو .. مرات وايد امي تقولي تعالي غنيلي قومي ارفعي البوشيه ولا الاغاني القديمه حق ام كلثوم .. امي الوحيده اللي تحب تسمعلي وحصوص اختي .. والباجي يطفروني يقولون صوتج نشاز .. مع ان الكل يقول صوتي حلو .. ماعلي منهم .. اعرف ان صوتي حلو .. مم بعدين رحت اخذت دشداشه وغترة من غرفة صلوح .. ولبستهم ورسمتلي شنب مثل راشد الماجد وقعدت اغني المسافر راح .. هههههههه صج صج شكلي كاااااااااان نكته ماحصلش .. عقب رن تلفوني وكانت امل رفيجيتي امل : مساااااااؤؤؤؤؤ ياحلوة شيخه : هلا والله اموول .. شلونج ؟ امل : بخير الحمدلله .. اقولج سويتي الهوم ورك مال الادارة .. ترى مافهمته !! تذكرت اني ناسيه الهوم ورك بكبره : امبييييييييي توني اتذكر ماسويت فيه شي ... متى تسليمه باجر ؟ امل : اييييه .. انتي وينج نايمه بالكلاس .؟ شيخه : وييي .. مايمديني الحين لازم اسهر عليه امل : زين تعالي باجر مبجر عشان نتناقش فيه .. مو فاهمه شلون نحسب القيمه اخر شي ؟ شيخه : اوكي اوكي .. يله باي سكرته من امل وانا محتاسه .. وديت دشداشه صلوح وغترته قبل لايطيح علي ويفضحني .. ومسحت ويهي وجابلت النت قعدت احل بالهوم ورك يمكن ثلاث ساعات .. ظهري تكسر اووف ارف هالماده نفس الوقت غرفة عزوز احس عندي شغل وااايد وماعندي وقت حق كل هذا .. كانت الاوراق منثرة يدامي .. الشركه افتتاحها باجر .. لازم ابلغ خلود اني خليته شريك معاي .. ماقتلكم .. بالفلوس اللي عطتني ياهم امي رضيه .. استثمرتهم بالاسهم والحمدلله ربي وفقني .. ويمعت مبلغ حلو .. طبعا بتقولون اول مرة ادخل البورصه وتربح شلون .. !! الله يسلمكم ابوي كان يشتغل بالبورصه قبل .. يعني على ايام امي وبعد ماتوفت الوالده الله يرحمها تم سنتين جذيه وعقب طاح بهالمشروب اللي خلاه مايدري عن حلاله اضيع فلوسه كلها عليه .. فاول مادشيت كنت اعرف بعض ربع ابوي القدامى .. ويوم دروا اني ولده وشافوا اني جاد بالموضوع وشاطر فيه ومتحمس ساعدوني .. وعلموني شوي عن الاسهم والبورصه .. والحمدلله مشت الامور .. وسالفه الشركه هذي .. اهي شركه جرافيكس واعلانات .. انا من زمان كانت تستهويني هالشغله وجم مرة دشيت انا وخلود دورات وعندي خلفيه حلوة عنها .. وباجر افتتاحها واللي بتكون صج مفاجأة حلوة حق خالد لان مايدري شي عنها .. واول شي مانسيته هالورقة .. هذي ورقة فيها بيانات عن مدرسه في باكستان سويتها باسم امي رضيه وعلى نفقتها .. سبيل وان شالله احتسب اجرها لها عند الله .. تبون الصج .. اول مرة احس اني ريال .. اقصد عندي حياتي الخاصه .. صار عندي حساب ومبلغ حلو بالبنك .. وماهديت البورصه بس بكون حذر اكثر وبتفرغ للشركه .. كلكم تدرون اني عسكري .. علشان جذيه خليت الشركه باسم ابوي والرخص وكلشي باسمه .. وان شالله يمشي الشغل مثل ماانا مخطط له احس هالشهرين تعبت فيهم واايد .. محتاج لرااحه او سفرة يومين اغير فيها جو .. بس مافي مجال كلش .. هديت الاوراق اللي حوالي .. وحطيت راسي على المخده وانا افكر .. ياترى بعد ماتتحسن حالتي الماديه .. اقدر .. اخطب شيووخ !! لا لا .. عزوز لاتفكر جذيه انت ينيت !! .. وبعدين لاتنسى علاقتها بنصور .. حسيت اني اكره روحي .. اكره روحي حييل .. لاني للحين احبها حتى بعد ماشفتها مع هالخايس .. ودي اذبحه جليل الاصل مسكت راسي بضيق وانا احاول اشيلها من بالي ماقدرت .. تدرون .. مشتاق لها .. من زمان ماشفت عيونها .. اخخ ياعيونها .. توديني بداهيه ههههه ماادري ليش يت على بالي ذكرى يوم كنت انا باولى متوسط واهي كانت بثانيه ابتدائي والمدرسه كانت تعطيهم كاكاو بنجوم وانا كنت احبه .. وشيوخ النحيسه تقعد تاكله بروحها ويدامي .. كنت امووت من الحره .. فمرة كانت رايحه المطبخ تييب لها عصير وبيدها الكاكاو .. ركضت صوبها جني ماشفتها لما طاح الكاكو من ايدها .. شيخه : ااااااااااي يالبطه ماتشووف !! ونزلت بتاخذ كاكاوها .. عزوز : لااااا شيووخ لاتاخذينه !! شيخه ببلاهه : لييش ؟ عزوز : لحسه الشيطان ماشفتيه !! وووع شيخه بخوف : ماشفت ويينه .. اصلا مافي شيطان انتا تجذب علي عزوز : امبلا .. انتي عشان بنيه ماتقدرين تشوفينه بس الصبيان يشووفنه .. كيفج بتاكلين كاكاوج ترى لحسه الشيطان واذا كليتيه بتصيرين شيطانه ويطلعلج قرون براسج شيخه خافت وقامت تبجي : وااااااااااااااااااااااااع مابي اصير شيطااانه عزوز : خلاص لاتبجين .. عطيني الكاكو انا بقطه بالزباله وانتي باجر اشتريلج واحد بس لايطيح منج على الارض ترى بعدين ماتقدرين تاكلينه شيخه تهز راسها وجنها تسمع الدرس وتحفظه زين : هممم عزوز بمكر : لاتبجين يله روحي الصاله وانا بروح اقطه واول ماطلعت شيوخ قعدت اكل وانا ارقص .. يمممممم .. تصدقون اشتهيت الحين كاكاو بونجوم ههههههههه وعلى هالتفكير دق تلفوني وكان خلود خالد : لا يبا ... هالريال نسانا بالمرة .. شوف حبيبي .. اليوم السهره عندنا احسب حسابك بجامتك معاك .. ولا اقولك مب لازم تعال بالمكسر والفنيله عزوز : ههههههههههههههه تصدق عاد مشتاق لنومه دوانيتكم .. اوووف وطباخ امي بعد خالد : خلاص يله عيل تعال .. شعدنك عزوز : بيي بيي .. بس اول عندي لك خبر خالد : قول .. بشر ؟ عزوز : احم .. انا فتحت شركه اعلانات وجرافيكس .. وانتا شريكي ومدير الاعمال خالد بصدمه : هاااا .. عزوز : هههههه شنو هاا .. لازم تكون لبق انتا الحين مدير شركه المركز الامريكي خلك راقي خالد : اقول .. عن الغشمرة البايبخه بس وتعال خلصني .. عزوز : هههههه صج مو كفو نعمه ... خلاص بيب الاوراق وبيي ؟ خالد : من صجك تتحجى ؟ عزوز : اتغشمر معاك عيل ..!! .. خالد : انت قلتلي انك ماشي زين بالبورصه .. شللي خلاك تفتح شركه عزوز : قلت اضمن الفلوس اللي يمعتها من الاسهم .. ماابي اضيعها وفكرت بهالفكرة .. خاصه احنا عندنا خلفيه بالجرافيكس .. وهالنوع من البزنس رائج الحين وتحتاجه الشركات الكبيرة ومايحتاج راس مال كبير .. خالد : الصراحه .. عفيه عليك .. خوش فكره وانا اايدك .. عدل مو نفس اخوك طرق المعاش ههههه عزوز : قلتك دش معاي بالاسهم مارضيت تقول تخاف خالد : انا مااعرف شي بالاسهم .. انتا عندك خبره وبعدين دامك ناجح جني انا اللي ناجح عزوز برضا : تهقى بنمشي زيين ؟ خالد : اكييد .. فكره ممتازة .. المهم جم راتبي ..؟؟ عزوز : ههههه هذا اللي يهمك بس ..اسمعني انتا راح تداوم العصر معاي .. واتفقت مع مهندسين من بره ومن هني وان شالله يمشي الشغل خالد : طالع على ابوك التجارة تمشي بدمك ههههه اقووول شغل الرنج وتعالي مع اوراقك خل نطلع على مشاريعك ياسيد عزيز عزوز : هههههههههههه يله يايك سكرت من خلود وغيرت ملابسي وبلست جينز مع تي شيرت اصفر واخذت باجي الاوراق وركبت الرنج كنت مستانس ماادري ليش .. فكرة ان خلود اييدني بالشغل ونستني .. او يمكن لان حسيت ان اوضاعي بدت تستقر شوي شوي .. او يمكن لان .. بروح بيت الغاليه وانا اتوقع السبب الاخير اقرب شي لسعادتي .ههه لاتطالعوني جذيه .. صحيح تبط جبدي .. وتقهرني بسوالفها .. بس احبها .. والحب مو بيدي شغلت الرادوا وطلعت اغنيه عبد المجيد .. فوق هذا الحب ومشيت وانا بافكاري توديني يمين ويسار نفس الحزة الساعه 8 ونص غرفة شيخه كنت بغرفتي اكمل الهوم ورك وراسي بينفجر مو فاهمه شلون ينحل .. كله مسائل رياضيات .. فكرت اروح عند خلود يساعدني بهالسوالف اخذت لابتوبي ورحت غرفته ولقيته منسدح على فراشه ويكلم مها شيخه : خلود ممكن تسكر شوي وتبطل مغازل وتساعدني خالد يكلم مها : ها مهاوي .. شرايج اساعدها ام لسان قربت واخذت التلفون منه : مهاوي .. بس بس اربع وعشرين ساعه تحاجينه شدعوه براد بيت بس .. قرب عرسكم وخروا شوي عن بعض خالد يسحب التلفون منها بقوة وهو يتحلطم : الله لا يقوله ذلفي بس .. شيشيها علي عاد اهي تسمع كل شي تقولينه لو تقولين لها قطي روحج بالنار بتقط روحها مها للحين تضحك على خبالهم شيخه : كيفنا انتا شحارك .. محتر هاا .. ياحرام ماتحبك .. هههههههه لاتبجي خلاص .. هذا نصيبك خخخخخ خالد يسوي روحه بيبجي : مها .. تحبيني ؟؟ ويحطه سبيكر ومها وهي تضحك : لاااااااااا ههههههههههههههه خالد : الله ياخذ بليسج فشلتيني روحي زين مو كفو واحد يكلمج مها : لا خلص اضحك ..هههههه خالد :ه ههههه زين اشوف ام لسان شتبي وارد ادق عليج وهو يكلم شيخه : هااااااا !! شيخه : عشتو .. الحين مها تقولها آمري .. وانا تقولي هاااا خالد : سؤال انتي على منو طالعه هذرتج وايده .. الله يعينه اللي بياخذج .. والله امه داعيه عليه ههههه شيخه : يبوس ايده ويه وظهر اني بارضى فيه اصلا ... اقول شوف هالمسأله مااعرفت احلها انتا شاطر بالرياضيات يله خالد : زين ودي اللابتوب بالدوانيه ويايج .. ولاتبسطين عزوز بيي الحين .. اغير ملابسي واييج شيخه : زيييييييييين نزلت تحت ورحت الدوانيه وحطيت لابتوبي وعدلت الصاله شوي .. حسيتها حايسه .. ويبت معاي فراش عزوز من غرفة الغسيل وحطيته على صوب وطلعت رحت المطبخ الخارجي اللي يطل على الدوانيه وجهزت العصير والجاي والحب وباجي السوالف .. ماادري ليش كنت اسوي جذيه .. بس حسيتها فشله الريال بيي والمطبخ مافيه شي .. وامي مو هني يعني محد بيضيفه .. بيني وبينكم مرات يكسر خاطري .. يعني اتخيل روحي من غير امي .. امووت والله مااقدر اعيش .. بس يااخي يقهر .. تصرفاته ودمه ولزقة اربع وعشرين ساعه .. بس من تزوج خلود ماصرت اشوفه واايد .. ياني فضول اطل من المطبخ واشوف وبعد ماخصت حوستي بالمطبخ سمعت صوت سيار برة وباب الدوانيه ينفتح .. على طول قربت صوب الدريشه وطليت من تحت عيوني .. يعني ودي اشوف بس ماودي .. ماادري شلون شفته لابس تي شيرت اصفر .. وجينز ومخفف شعره مثل براد بيت ولحيه خفيفه ديرتي .. حسافه على شعره ليش مخففه .. شعره اسود حلو خخخخخ .. المهم اني وخرت عيوني وطلعت بعد ماتأكدت انه دش الدوانيه ورحت اقعد مع حصوص وحماتها ومنوربالغرفه الجانب الثاني اول مادخلت الدوانيه لفت نظري لاب توب محطوط على الطاوله .. وفراشي بونجوم الازرق مسفط ...ضحكت الصراحه لان اول مرة خلود يسويها .. العاده ينقد علي وسبه هالسالفه دقيت عليه وقالي دقايق وبينزل .. ومامرت دقيقه الا ونزل ..وهو يتحجى بالتلفون خالد : منور يبولنا جاي بالدوانيه ... اووو حلفي ؟؟ .. شهالسنع .. لا .. خلص اوكيه .. يله باي عزوز : هااا اشوف فراشي مسفط اليوم موعادتك هههههه خالد شاف الفراش واستغرب : ههههه مو انا ترى هذي شيوخ بتمصلح عندي عندها هوم ورك وتبيني احله لها ..لا ومسويتلنا جاي بعد هههههههه خلبه هالبنت عزوز بابتسامه وسعاده ماتوصف .. حتى لو ماكانت مسويه هالشي حقي .. بس على الاقل تذكرتني .. كان خلود يحاجيني وانا عيني على اللحاف .. ودي اخذه واشم ريحه اصابيعها فيه .. خلود : اقولك .. شوف هوم وركها هذا .. يمكن تعرف تحله .. يااخي ماادري هالدكاترة شلون يفكرون .. بروح اييب لنا جاي من المطبخ .. زهب اوراقك عزيز :اوكي اخذت اللاب توب وشفت المسألة صح كانت صعبه شوي .. بس بالاخير حليتها لها .. وكان خلود يشوف اوراق الشركه ولاهي فيهم .. وانا فتحت سكرت لها الصفحه لفت نظري ملف باللاب توب اسمه الشيخه .. ياني فضول اني افتحه .. وقلت بقلبي اذا كان صور لها ماني شايف شي .. بس ان كان شي ثاني بشوف فتحته وانا ضميري يأنبني شلون افتح شي مو لي .. بس ماقدرت امنع روحي وانا في هالحاله والترقب .. تدرون شنو طلع لي .. الملف فيه رقم سري .. انقهرت .. وزاد فضولي اني اعرف شفيه .. وليش فيه رقم سري .. سكرت اللاب توب وانا ودي اكسره .. حاولت اشيل هالتفكير من بالي واركز مع خلود واشرحله باجي الاشياء عن الشركه بس حسيت روحي مشتت وعقلي وروحي كله بهالفايل .. |
رد: رواية ناكر المعروف ,, مابيّن بعينك .. رواية روعه حياكم ..
وهذا الجزء هديه مني لج .. الجزء الثالث عشر عيادة الامل الجديد السالمية الدكتور : ياحاج .. اسمع كلامي دنتا حالتك بتتحسن وان رجعت البيت حترجع للمشروب تاني .. بوعزيز : لا يادكتور .. انا مستشفيات بعد مااقعد .. لاعت جبدي .. عزيز : يبا عشان خاطري هالاسبوع بس .. انتا الحمدلله حالتك الحين احسن .. وردة البيت ماهي نافعتك .. وانا ادري انك لو رحت بترد لهالمشروب مرة ثانيه بوعزيز اللي معند ومصر على رايه : عزوز .. انا هني مابتم كيفك .. بتطلعني ولا اخذ تكسي وارد البيت عزيز بيأس .. بس اصرار عجيب انه يخلص ابوه من المرض اللي عايش فيه : مثل ماتبي .. الدكتور : يعني مفيش امل ياحاج ..!! عزيز : خلاص دكتور .. انا بحاول اييبه ان شالله كل يومين تطمن على الاوضاع .. مانقدر نجبره على شي .. الدكتور : مجهود رائع جدا منك يااستاز عبدالعزيز .. انا حكتبله على شويه ادويه تهدي الاعصاب وبعض الارشادات لازم تبذلها معاه .. ومتخلهوش لوحدو . اوكيه عزيز : ابشر ... يله يبا نمشي طلعنا من العيادة وانا احس براحه عجييييبه لتحسن ابوي .. تدرون ان طول الطريج كنت افكر ان ابوي تعافى خلاص ويضحك ويقولي عزيز لاتسوي جذيه .. عزيز .. بيع الحين .. بجم السهم ؟ نزل ولا صعد .. يا الله .. كنت بس احلم بهالشي يصير وابتسامتي مافارقت ويهي .. عشان جذيه لازم ابذل مجهود اكثر معاه .. يارب خلك معاي يارب التفت صوب الوالد وانا اشوف عيونه فيها شي يديد .. ماادري شنو .. شي اول مرة اشوفه في ابوي .. كان يطالع الشارع وجنه ماطلع من عشر سنين .. عقب قال : عزوز ... ودني شوي دوانيه المحيسن بشوف الربع ماتتصورون شكثر كنت مستانس .. يمكن لو قدرت جان طلعت من سيارتي وطرت من الوناسه : افاا عليك بو عزيز .. انتا بس تاااامر ورجعت بابتسامه اكثر : يبا .. ماقلتلك .. ترى انا الحين اشتغل مع بوحسين رفيجك وبوقتاده بالاسهم التفت بوعزيز بذهول : من متى ؟. عزيز : صارلي تقدر تقول مده مو قصيرة .. بس الشهاده لله ماقصروا معاي ابد سكت بوعزيز فتره عقب قال : انا بسنه 92 كانوا يسموني داهيه السوق .. كانت كل الصفقات ترسي علي .. وفي نكسه المناخ اللي صارت قبل الغزو .. انا وعدد قليل اللي ماخسرنا شي .. وحاشنا خير منها انا كنت اطالع ابوي بذهول وجني اول مرة اسمعه .. كنت ادري ان كنا نملك خير قبل ماتتوفى امي .. واذكر اسم ابوي كان له هيبته بالسوق .. بس ماتوقعت لهالدرجه التفت بوعزيز صوب دريشه السيارة وهو يأشر : شفت هالارض هذي .. ! كنت في يوم بايعها بنص مليون دينار .. مع اني شريتها من عمك برخص التراب .. ااااااخ .. ايااام راحت عزيز : بشنو تنصحني يبا .. انا محتاج شورك ! .. بوعزيز : التجارة مثل السياسة ياولدي .. الشاطر اللي يعرف شلون ياخذ اللي يبي من غير مايخسر شي .. اهم شي الحذر .. تمنيا تقريبا ثلث ساعه انا وابوي نسولف عن البورصه والاسهم وايام اول والحين .. اقص عليكم ان قلتلكم اني كنت مصدق اللي قاعد يصير حواليني .. كنت بين كل فترة اقرص روحي ابي اعرف ان اللي قاعد يصير حلم ولا علم وحقيقه ... عارف انكم بتضحكون لو قلتلكم حتى تلفوني حطيته مغلق .. ماابي احد يضيع علي كلمه من كلام ابوي .. حتى لو ماكان له معنى .. كان أي شي يقوله يهمني .. ماعمره ابوي كلمني مثل اليوم .... ماسواها بحياته نفس اليوم الساعه 4ونص ام خالد قاعده بالصاله وتتكلم بالتلفون .. وخلود ومها قاعدين مع شيوخ ومنور وحصه وسلطان واليهال بالصاله ام خالد : هلا والله الغاليه .. ايه بس ماعطيتينا غير يومين ... ام احمد : والله الولد مستعيل يااوخيتي .. عسى بس سألتوا عنه .. ترى مو عشان انه ولد اخوي بمدحه لج .. بس فيصل حبوب وبيحطها بعيونه .. ام خالد : والله العيال سألوا عنه وانتو بعد ماعليكم كلام .. والشهاده لله مراح نلقى احسن منكم .. بس الراي راي البنت .. ام احمد : عدل كلامج .. الشور شورها .. عيل احنا حابين نزوركم الخميس الياي شرايج ؟ منور استحت وطلعت غرفتها وحصوص وشيوخ قاطين اذونهم بس مايسمعون شي لان الوالده تتحجى بالالغاز عبالها مامحد يدري .. ماتدري ان اهي اخر من يعلم حصه : شيووخ سوي روحج تصيب جاي حق امي وقطي اذونج شيخه اللي فضولها واصل السما : اوووووف ماتشوفينها لما اقرب منها تسكت .. امج عليها حركات بعد موهينه مها : لاتعوبن اعماركم .. السالفه كلها اعرفها تعالوا اقولكم خالد : اقول سلطان .. قوم بس هالحريم ماعندهم غير الحش والسوالف اللي مالها معنى .. خلنا نروح الدوانيه احسن سلطان وهو يكلم حصه : حصوص .. يبي يوسف باخذه .. يمكن اروح بعد شوي عند حسين هاا .. واييج الليل اوكيه ؟ حصه اللي مب مهتمه : اوكي اوكي ... كملي مهاوي خالد يضحك : هههههه .. مااقولك حريم سلطان : هههههه وانتا صاج .. قامت تحقرني بعد .. بل سكرت ام خالد التلفون حصه : هاا يما .. نقول مبروك ! ام خالد : بسم الله بهالبيت ماينخش شي ابد !!! شيخه : يمااااااااا .. التفاصيل بسرعه يله .. كلنا نعرف الموجز ام خالد : والله اهما خوش ناس وماعليهم كلام وابوج مبدئيا موافق .. باجي منور بس .. اذا لها نيه اخليهم ييون الخميس حصه : تبيني اكلمها لج ؟ ام خالد : لا ناديها انا بكلمها .. حصه : شيوخ .. يله شوفي شغلج شيخه : افااا عليج بهالسوالف عند ويهج تراني شقرديه ام خالد : لعنبو .. عيب عليج انتي ماتستحين ماتخيلين !! شيخه : ليش استحي .. لا حياء في الدين مها: ههههههههههههه شكو شيووخ شيخه : هههههه هاا ماادري .. ام خالد : الله يعيني عليج يوم بزوجج بس .. روحي روحي فكيني شيخه : وبترقصين بعرسي سااااااامري ياسلاااااااام ام خالد : شيخووه استحي لا بالفنيان يله شيخه : هههههههه .. زييين مافي حريه بهالبيت ... صعدت وانا مستااااانسه حدي ... دشيت غرفة منور وهي واقفه صوب الدريشه وشكلها سرحاااااانه شيخه : سرحاان بمين ياحلو !! ؟ منور : بسم الله .. خرعتيني شيخه تقلدها : خرعتييييييني !!!!! هههههههههه نزلي ماماتي تبيج منور : مابي اتزوج شيخه باحباط : لييييييييييييش ! منور : شيوووخ .. تدرين منو هذا ؟ شيخه : منو ؟ منور : هذا اللي ... كان يلحقني بالجامعه ؟ شيخه بذهول : حلللللفي !!!!!! منور : والله شيخه : ياااااااااااااااي .. رومااانسي .. حظج منور : اقول جب بس شيخه بنظرة حالمه وهي تحط ايدهل على جتف منور : ياسلاااام .. جنكم فلم هندي .. حب من النظرة الاولى .. اعجب فيج .. حبج .. ماقدر يفارقج .. واخطبج .. شنو احلى من جذيه بعد منور : شيوووخ يالسخييفه ذلفي ماني ناقصتج شيخه : منور من صجج انتي .. اذا بترفضينه لانه كان يلاحقج .. اسمحيلي ماعندج سالفه منور : مو جذيه شيخه : عيل شنو ؟ منور : ماادري شيخه : زين عيل روحي قولي حق امي هالكلام انا مالي شغل وطلعت من الغرفه .. بطت جبدي هالمنور .. وارفعت ضغطي ... احد يحصل حب شريف عفيف هالايام ويرفض .. !! وينه بس هالحب .. ويينه وانا مستعده امسك فيه بريولي وايديني ههههههههه >>> تبون الصج بس كلام لو صار الموضوع جد بصير جبانه اكثر من منور .. نزلت تحت واسألتني امي ام خالد : كل هذا تنادين منور !!! شيخه : شكلها ماتبي تنزل .. خليها تفكر هاليومين وعقب سألوها ام خالد : ميصير ابي اعطي كلمه للحرمه شيخه : اذا بتكلمينها الحين ترى بترفض .. خليها تفكر زين حصه : صح كلام شيوخ يما .. خليها اليوم الثاني كان اخر امتحان حق صلاح وشهد .. صلوح ماشفناه من اول مايه من المدرسه .. حط راسه ونااام وقال لحد يقعدني بنام قرن .. وشهوده دقيت عليها عطيتني مغلق .. مسكينه تعبانه الله يعينهم ومايضيع تعبهم ان شالله حصوص قالتلي اغير ملابسي واساعدها بتروح تودي اغراض في بيتهم وترتب شوي .. من ضيقه الخلق رحت معاها .. اما منور ماشفناها من امس .. طول الوقت في غرفتها الجانب الثاني غرفة منيرة كنت منسدحه على فراشي ابي انام .. مليت من التفكير وراسي مو قاعد يتحمل .. انا دام اني برفضه ليش مكتأبه ... منور خلج عقلانيه شوي .. الريال يبيج وشاريج ...!!! لا لا .. فيصل لعوووب .. مابيه .. اخاف يي وقت ويمل مني .. ويرجع لعادته القديمه اووووف زهقت ومليت .. انزل تحت شوي ابرك لي من هالتفكير وتوني كنت بنزل .. ولا يرن تلفوني على صوت مسج ..... تدرون منو وو!!!! .. اكيد عرفتووه فيصل ... ايه اهوا اخذت التلوفن بلهفه وانا اقرى شنو كاتب بالحرف (( منيرة .. انا ابيج .. يارب يكون جوابج موافقه )) لاشعوريا حسيت باصابعي تكتب الحروف من غير مااحس (( مستحيل اوافق على واحد مابقى بنت بالكليه ماكلمها )) رجع كتبلي (( ممكن اكلمج .. ثواني .. مراح اطول فيهم )) كتبت له (( اسفه .. ماتعودت اكلم ريال غريب علي بالتلفون)) فيصل (( دقايق .. بقولج شي .. وانا راضي بعدين باي رد يطلع منج )) سكت .. ياني فضول اني اعرف شبيقول .. وبنفس الوقت ماعندي الجرأة اني اكلمها ثواني ولا تلفوني يرن على اغنيه عبدالمجيد انسان اكثر كنت اشوف الرقم اللي حفظته بقلبي قبل عيني .. وانا ماسكه التلفون مو عارفه شسوي .. واخيرا ردييت بس بصمت منيرة : ............. فيصل : الو منيرة : هلا فيصل في شي !! فيصل بقلبه : شلونج ؟ منيرة بجفا : بخير فيصل : مراح اطول عليج .. ولا راح اتفلسف وايد بالحجي .. انتي تعرفيني يمكن .. وتعرفين ان كانت لي علاقات وايد مع البنات واعرف البنت اكثر من نفسها .. لكن في شي انتي ماتعرفينه شي مالاحظتيه .. ولو كان بيدي كنت شلت قلبي من مكانه ووريتج منو فيه ... تدرين منو ؟ منيرة ساكته : ............. فيصل : منيرة .. انتي .. انتي وبس .. ادري بتقولين جذاب وقال هالكلام لغيري .. عندج حق ماتصدقيني .. وعنج حق لو ترفضيني .. لكن ابيج تتأكدين مليون بالميه .. اني حبيتج انتي الوحيده . .اللي حبيتها بحياتي وابيها .. ابيها تكون لي واعيش معاها باجي حياتي .. مب ضوروري توافقين علي .. لكن كان ضروري تعرفين فيصل هالانسان اللي علاقاته ملت الدنيا .. ماحب غير منيرة .. ولو بيده يعيش طول عمره يحبها ولا يبي منها شي منيرة كانت ساكته وتسمع .. ومرة تتعاطف معاه ومرة تحس انها مخدوعه .. ايقنت انها تعزه .. وله معزة بقلبها واهتمام .. بس للحين خايفه منه فيصل : مابي اطول عليج .. كل اللي اتمناه انج تكونين شريكة حياتي .. وتعطيني فرصه .. وان ماصار هالشي .. تأكدي اني اتمنالج كل خير منيرة : مشكور فيصل : محظوظ اللي بتكونين من نصيبه .. اسف اذا ازعجتج .. مع السلامه سكر فيصل الخط وانا للحين حاطه السماعه على اذني .. كنت ابيه يقول اكثر .. يزيل كل هالشك اللي بقلبي صوبه .. غمضت عيوني بااستسلام .. وسكرت التلفون وانا خلاص عرفت ان ماكو فايده .. ولازم اقول لامي عن قراري .. __________________ اليوم الثاني في بيت ام ناصر مها تكلم شيخه بالتلفون : وينج ؟ شيخه : انا ببيت حصوص قاعده اساعدها ليش ؟ مها : ابي اروح السوق .. شيوخ عندي اغراض الدنيا ابيهم والحين اغلب المولات مسوين سيل .. بستغل الفرصه شيخه : زين روحي يما مرخوصه هههههه مها : شيووخ عن الملاقه ابيج تين وياي شيخه : ليش حبيبتي احد قالكم اني مرسال .. كل شوي وحده زاختني وكارفتني شغل مها : فدييييييييتج ياعلني اشوفج عروس قولي امييييين شيخه : امييييييييين ههههههههههه مها : يله يالماصخه لاتقولين لا شيخه : زين يله .. اقول حق حصوص تيبني عندج .. متى بتروحين ؟ مها : بنصلي المغرب ونمشي .. شرايج شيخه : اوكيه .. يله باي مها : باي سكرت من مهاوي وانا صج احس روحي ابي ارتاح .. مابقى شي على الصيفي ويخلص .. رحت عند حصوص بالغرفه اكمل باجي الشغل معاها واحط اغراض البيبي بالكبت ولقيتها تتحجى بالتلفون حصه وهي تبعد عنها التلفون : شيووخ .. حطي على القناه الاولى يقولون مطلعين اسامي الناجحين بالثنويه شيخه : صج !! .. منو قالج ؟ حصه : توه سلطان قالي .. صلاح وينه ؟؟ شيخه : ماادري خل ادق عليه يمكن يدري اخذت تلفوني ودقيت بسرعه ومن اول رنه شاله شيخه : الو .. صلوح .. ها بشر ؟ صلاح بضيق : ماطلع شي ! شيخه : يقولون حاطين الاسامي بالتلفزيون .! صلاح : هذا انا فاتح التلفزيون والنت والجرايد كلها عندي .. ماكو شي شيخه : وييييه عيل متى بتطلع نتايجكم ؟ صلاح : اتوقع اليوم الفير .. بتنزل بالجرايد شيخه : زين .. اذا طلع شي قولنا صلاح : اوكي شيخه : باي حصه : هااااا ماكو شي ؟ شيخه : يقول للحين ماطلع شي .. يتوقع عالفير ان شالله حصه : يااخوفي يفشلنا بعد كل هالدراسه شيخه : المشكله انا عندي نفس الاحساس ههههه حصه : ان شالله مايضيع تعبه بلاش شيخه : صح نسيت اقولج .. بس نخلص وديني بيت خالتي ناديه .. بروح معاها السوق تبي اغراض .. حصه : اوكي .. هاج حطي هالسله هناك اخذت السله من حصوص وحطيتها وييت انسدحت على فراش سلوم بتعب .. : اخخخ يااختي عضلات ريولي قامت تعورني .. تعبت تراني حصه : مشكورة فديييتج اختي عزيزتي .. نخدمج بعرسج شيخه : وين اصرفها مشكورة هذي بعد .. وعرسي تو الناس عليه .. ابي مكافئه الحين حصه : شنو تبين ياام لسان شيخه : اولا هالكلمه انا كلللللش ماااحبها .. ليش تتعمدون تغثوني فيها يعني .. وبعدين انا قنوعه .. ابي من برجر كنج وجبه دبل دبل واااابر .. حصه : هههههههههه يحليلج صج قنوعه .. يله طلبي وعلينا الدفع شيخه : لحظة وابي هيرشز كيك .. وووو ممم حصه : بس عنبو .. بتاكليني شيخه : ههه خليني اتهنى بمكافئتي واحللها عدل .. حصه : زين يله علشان مااتأخرين على مهاوي بعد ساعه بياذن المغرب مايمديج تاكلين شيخه : اوكيييي طلعت من عند حصوص وسيييييييييده على تلفون الصاله .. طلبت لي وجبتي .. ممم شكثر احب برجر كنج وخصوصا هيرشز كيك ... امووت عليها يااااي ميته يووع عقب اخذت شيلتي ولفيتها أي شي وطلعت الحديقه .. ماكو ريايل هناك بس سبحان الله يمكن احد يدش ولا الزراع ييي .. صج كان الجو حار .. بس احب الحديقه واايد .. وكنت قاعده على الديرفه .. ورافعه ريولي عن الارض والعب بتلفوني ... وماحسيت الا بالجلب ينبح .. معناه في احد عند الباب .. او بيدش اختي من داخل البيت وفاتحه الدريشه حصه : شفيه شارون ينبح !!!! شيخه : ماادري يمكن ريلج ولا الزراع يه ! حصه : ماقالي سلطان انه بيي البيت الحين ! .. شوي ولا سلطان ومعاه ريال ثاني داشين البيت انا ماانتبهت الا على سلطان ريل حصوص .. فعدلت شيلتي .. ونزلت بلوزتي البيجيه شوي على البنطلون الابيض بفشيله .. ودخلت شعري الطالع من اللفه .. وقعدت عدل سلطان : اهلااا شيخه .. شلونج ؟ شيخه : الحمدلله بخير .. الله يسلمك .. سلطان : نورتي البيت والله .. حصوص وينها ؟ شيخه : حصه داخل .. ترتب باجي الاغراض وقمت بفشيله ودخلت داخل وانا للحين مو منتبه على الريال اللي مع سلطان ريل حصه .. كنت بس مفتشله من شكلي وهيئتي .. حصه : منو بره .. سلطان ؟ شيخه : ايه .. انا بدش المطبخ حصه : هههه تعالي ليش تروحين المطبخ .. روحي غرفه مريوم شيخه : زيين سلطان من ورى الباب : درب .. خذت حصوص شيلتها ولفتها عالسريع وقالت : تفضل دخل سلطان وكان اللي معاه .. عزوز حصه : هلا عزيز شلونك !! عزوز بدشداشه وغترة وشكله كااااااااااان حد السكبه .. لدرجه ان شيوخ اللي تعرف عزوز عدل ماعرفته عزوز وهو يفصخ النظارة : هلا والله انا بخير انتي شلونج ؟. حصه : بخير عساك بخير .. زين والله نورت بيتنا من زمان ماييت عزوز : والله انا قلت لسلطان ماله داعي نيي .. نكلم شغلنا بره .. بس هو اصر .. ماحبينا نثقل عليكم حصه : صج راح ازعل منك ان قلت جذيه .. حياكم .. تفضلوا دش سلطان وراه عزوز وقعدوا بالصاله ... لان الدوانيه قاعدين يبنونها بره وماخلصت وغير ان عزوز مو غريب .. فكانت قعدته بالصاله شبه عاديه دخلت حصوص غرفه مريوم وشافت شيوخ مبطله عيونها على الاخر شيخه : الريال اللي مع ريلج هذا ...... عزوووووووز !!!!!! حصه : اييه عزووووز .. قومي خل نسوي شي فشله الريال مو ياي بيتنا من زمان شيخه للحين مو مستوعبه .. والله ماعرفته .. متغير علي .. صاير ... جنه ملوت الدعايات عشتووو !! حق منو كل هالكشخه .. اخاف بيخطب بس هههههه حصه : هيييييي شيخوو اكلمج انا قومي شيخه : سوري قولي حق الخدامه حصه : الخدامه عندنها شغل الدنيا بره .. وانتي ليش ماتقومين شيخه : اول شي الحين انا طالبه وباكل مو فاضيه اسوي جاي حق عمي عزوز .. وبعدين كافي اخدمه ببيتنا تبيني اخدمه هني بعد !! .. سوري حصه وهي تير شيوخ من ايدها :قومي خلصيني عن المصاخه شيخه وجنها بتبجي : اوووف كلشي بالغصب بهالدنيا .. كله شقا وتعب .. وبعدين شوفي شنو لابسه .. استحي اطلع جذيه حصه : مافي احد غريب .. كلهم خوانج شيخه بتأفف وهي تنزل بلوزتها اكثر وتعدل شيلتها : زيين طلعت مع حصوص وانا مستحيه من شكلي ومن روحي .. اكثر من اني مابي اسوي شي حق عزوز .. ماادري ليش احيانا احس اني مابي اسويله شي .. انه قاهرني .. ليش جذي كاشخ الحمدلله والشكر .. وين بيروح !! وحق منو ؟ ماانكر ان فيني فضول كبير ومرات احس ان عقلي صغير وافكر باشيا تافهه .. بس غصبن علي .. هالريال مطفرني بحياتي .. شكو ياي سؤال .. !! خلود مو هني علشان ينزرع بكل مكان يدامي شلون باكل وجبتي ... أااااخ يالقهر بس الجانب الثاني عزوز اول مادخلت بيت حصه كنت مستحي .. حسيتها فشله ادش بيت العالم واهما مايدرون اني ياي .. يعني يمكن اثقل عليهم ولا اسبب لهم ازعاج .. رغم يقيني ان حصوص بترحب فيني .. مثل كل مرة ايي فيها هني .. لكن قبل كنت انا وخلود نيي ونسهر مع سلطان على مباريات ولا افلام .. بس هالمرة خلود مو معاي .. خليته بالشركه .. فاحس الوضع غريب علي اول مادخلت فضلت اني اتم بالنظارة الشمسيه السودا .. واول ماشفت احد قاعد عالديرفه ولابس لفه .. نزلت عيوني بالقاع .. وحسيت ان وضعي محرج لكن تلاشى كل شي يدامي .. كل احراج وملل وضيق واي شعور مو حلو .. كله تلاشى بس سمعت سلطان يقول .. شلونج شيخه !!! تدرون شنو حسيت صج !! .. حسيت اني راح افضح روحي وابتسم بويهها واقولها ولهت عليييج رفعت عيوني وانا للحين لابس النطارة وقعدت اتأملها وهي منحرجه وتنزل عيونها وبلوزتها .. صوتها كان مثل صوتها يوم اهي صغيرة .. بالضبط نفس النعومه والبحه والشقاوة المخفيه فيه .. عيونها العسليه المترقبه والمستحيه والخايفه بوقت واحد .. كل شي نفسه .. اول مرة اتامل شيوخ عن قرب جذيه .. ماادري يمكن لانها ماالتفت لي للحين او يمكن لاني شفتها بعفويه اكثر .. ماادري .. اللي اعرفه انها ...... لحظة ليش لابسه بنطلون يداد الريال .. ماتستحي هذي .. !! هيين دخلت هي وااحنا دخلنا وراها وماشفتها الا عقب عشر دقايق طالعه من غرفه وداشه المطبخ ... وبعد نص ساعه تقريبا من شغلنا انا وسلطان .. كنت اوريه بعض الاوراق خاصه ان سلطان عنده خلفيه بالتجارة وابيه يساعدني بعض الامور .. رن جرس الباب .. وقام سلطان يفتح الباب .. انا تميت قاعد بالصاله ولفت نظري صوب المرايه المحطوطه قريب الباب صورة .. يوم قربت شفتها صورة تظمني انا وخلود وصلوح وشيخه وحصه ومنيرة .. يوم كنا صغار هالصورة كانت بالامارات .. كنا في حتا .. ومصورين فوق الجبل .. كانت صج صورة نكته .. انصدمت لاني اول مرة اشوفها ببيت حصه .. دققت النظر اكثر .. ضحكت على شكل خلود هههه شكله كان من غير لحيه وشوارب وكان ضعييف وقزم .. ولا شكلي انا بطه ومدحدح وابيض جني من العيال اللي امهاتهم يدعسون كلشي بحلجهم .. وصلوح كان صغير شكله توه يمشي ... طاحت عيوني على شيخه .. تدرون وين كانت قاعده .. بيني وبين خلود ..تدرون شلون كان شكلها ... كانت تبجي وفاتجه حلجها على الاخر .. هههههههههه مسكينه .. ماكو غيري اكيد انا دققت اكثر بشعرها الفاتح .. وبعيونها .. وبكل شي فيها .. حسيت بالحنين لهالايام .. بالحينين لكلشي قبل ماتتوفى امي .. سلطان وهو يحط ايده على جتفي : شفتوا اشكالكم !! ؟؟هههههههه عزوز : يرحم والديك .. حصه من وين يايبتها هالصورة من أي كهف .. قولها لاتطلعينا فضايح سلطان : صالها مده والله .. لقتها بالالبومات القديمه وخاصه انها تظمكم انتوا اخوانها كلهم .. فحطتها تدرون شللي خلاني اسكت فجأة .. يوم قال سلطان خوانها ... انتوا اخوانها .. انا واحد منهم .. يالله هالشعور خلاني مو بس اطير من الوناسه الا اتشقق .. عزوز : وينها حصه خلني ازفها مافي احلى من هذي يعني .. شوف اشكالنا جنه بملجأ ههههههه سلطان ينادي حصه : حصووووص .. تعالي اخوج بيزفج .. وبعدين صح منو طالب مطعم .. اكيد شيوخ .. عزوز بقلبه .. اهلا .. اهلا حدي يوعاااان .. اخخ بس لو اقدر اكل وجببتها امووت واعرف شتسوي حصه اللي دخلت وهي تبتسم : اذا فيها زف ماني يايه ههههه .. عطني هذي شيوخ طالبه سلطان وهو يفتح الجيس وبصوت عالي : شييييخه .. باكل الهيرشز مالتج اوكي !!! حصه بشويش : سلطان لاتطفرها حرام عليك سلطان وهو يضحك يعرف شيوخ كلشي ولا اكلها : وينها منزرعه بالمطبخ ! حصه : خل اناديها وراحت حصه صوب المطبخ : شيوخ تعالي .. طلبج وصل شيخه : حصووووووه قولي حق ريلج لايقرب يم اكلي ترى امصع رقبة مريوووم حصه : ههههههههههههه .. دخيلج انتي وياه مالي خلقكم ترى وطلعوا عيالي من السالفه .. تبين اكلج كاهو بالصاله روحي اخذيه انا بروح ارضع يوسف قاعد يبجي صج صج بطت جبدي حصووه شهالحركااات بعد .. مالي خلق ادش الصاله واشوف شين الحلايا مبسط .. ابي وجبتي ماااااااابي اهي اهي اهي وبعد صراااع مع نفسي قررت اخوض المعركه واتحمل ثقاله الدم وادش اول مادشيت لقيت سلطان ماسك الهيرشز ويسوي روحه توه ماكله ومخلص : الحمدلله والشكر يااارب ديمها نعمه شيخه وهي تشهق : كليت كيكتي !!!!!! سطان : ههه مو انا .. هذا عزوز شيخه اللي نست روحها وهي ميانه مع ريل حصه عاادي : منو اذن لكم ان شالله !!! عزوز اللي حب السالفه : رجاءا لاتبلشني شفكني عاد من لسانها !! شيخه طلعت عيونها : ليش شجايفني ان شالله !! .. عزوز : والله كل واحد عارف نفسه .. هذي وراثه من الطفوله ياعزيزتي شيخه وهي تربع ايدينها وتوقف على جنب : لاتييب طاري الطفوله لانك اكثر مجرم بالدنيا عزوز : وانتي ام لسان شيخه بنرفزة : لاتقول ام لسان عزوز : هههه مشكله انج ماتبين تعترفين .. يابابا هذي الحقيقه المرة .. عيل في وحده تاكلني جذي بلسانها .. بل ترى ماكلينا كيكتج كاهي كل هذا وسلطان ماسك روحه من الضحك .. ورافع ايدينه : انا مالي شغل .. انتوا اخوان وتنيازون شيخه : احنا مو اخوان ... ومرة ثانيه لاتقول ام لسان ياعزوز سمعت !!!!! طلعت وانا ابجي .. كنت ميته غييييض بط جبدي .. قهرني .. ماادري ليش يسوي جذيه .. وليش كل ماشافني استلمني .. اكررررررهههههه ... اكررررههههك دخلت عن حصوص وحالتي حاله حصه : شفيييج بسم الله !!! شيخه : هذا عززوووز الزفت !! حصه بتملل .. تعرف شيوخ واسطوانتها المعتاده : يقولي ام لساااان تخيلي .. قليل ادب حصه سكتت شوي وعقب بطتها ضحك : هههههههههههههههههههههههههههههههههههههههههههههه شيخه :كانت مو متحمله : ليش تضحكين ؟؟؟ حصه : شيووخ انتوا ماتكبرون سؤال !!! .. وبعدين وياكم .. يعني ريال بيصك الخمس وعشرين وبنيه صكت العشرين وجنكم يهال بوعشر سنين ... شيخه : اهوا اللي بدى .. شكو يتحرش .. قومي وديني عند مهاوي يله حصه اللي نومت يوسف ولبست عباتها : زيين زين كليتيني .. قومي يله رحت غرفة مريوم ولبست عباتي ولفيت شيلتي عدل وطلعت وانا مبرطمه سلطان وهو يضحك : شيووخ .. شيخه .. تعالي اخذي اكلج ترى ماحد كلاه كنا بنطرفرج بس شيخه : مابي شبعت وطلعت بره الصاله وانا مفووووووله ... والخايس الثاني لاف شماغه على ويهه ويضحك جنه بيموت .. فيني شي يضحك علشان يكركر جذيه .. الحمدلله والشكر .. ناس مو صاحيه طلعت حصه اللي حسيتها ماسكه روحها بتضحك .. شكله سلطان قالها كل شي ومرت برجر كنج وطلبتلي .. اول شي سويت روحي زعلانه .. بس بعدين طلبت لاني كنت ميته يوووع وطول الطريج كنت اهز ريولي .. ولا اتذكر هالمليق شلون كلمني .. انا ام لسااان يالبطه .. هييين .. هييين ياعزوز الجانب الثاني عزوز تعرفون اول ماطلعت شيوخ ندمت ... بس والله موبيدي .. مااقدر امسك روحي .. مااقدر اشوفها ومااطفرها .. احبها لما تعصب .. احبها لما تثور .. امووووت على لسانها .. بس يوم شفت عيونها وهي طالعه .. حسيت انها باجيه .. حسيت بتأنيب الظمير .. بس مااقدر امنع روحي من الضحك .. يااخي هالبنت فلم .. فلم وقررت اني اراضيها بطريقتي .. وعلى هوااي J وصلنا بين خالتي ناديه ودشيت لقيت عمي بو ناصر توه بيطلع المسيد حث صلاه المغرب وخالتي قاعده تشرب جاي سلمت على عمي وعلى خالتي اللي استرخصتني تروح تصلي وانا رحت غرفه مهاوي وصليت يوم شفتها على سيادتها .. قلت استغل الوقت واصلي علشان يمدينا نروح ونرد مبجر وبعد ماصلينا ..قعدنا ناكل انا ومهاوي عالسريع .. ونزلت بعدين بالصاله انطرها تخلص .. وشفت جراح توه قاعد من النوم شيخه : هااااااااااي جراااح .. توك قاعد حبيبي ؟؟ جراح : yes, anti …. شيخه : زين هممم شرايك تي معانا السوق ؟؟ في المول اكو too much games جراح : relly , please tell my baba ابي اروح شيخه : وين ابوك ؟ جراح : there ! واشر على غرفه المكتب دخلت ولقيت ناصر عند اللابتوب وشكله مشغول بشي .. الظاهر شغله ولا بحث من بحوثه شيخه : مسا الخير ناصر ناصر اول ماشافني جان يفز من مكانه وابتسم ابتسامه عرييضه خفت منها : هلاااااااااااا وغلااااا .. انا اقول هالنور من ويين !! شيخه اللي متعوده على ناصر وكلامه من زمان .. بس ماتدري ان قصده قبل اختلف عن قصده الحين : خل جراح يي معانا السوق انا ومهاوي ناصر وخر من الكرسي وقرب مني وبابتسامه ونظرة جهلتها : بس !! شيخه ببلاهه : ايه ناصر : ماتبين ابوه يي معاكم ؟ شيخه بعفويه : اكيييد .. حياك الله بو جراح تورنها هههههه ناصر قرب اكثر : تبيني أي معاكم صج ! تبون الصج .. خفت منه واستغربت هذا شفيه وتذكرت يوم ملجه خلود شسوى بالمطبخ وعلى طول قمت : ها ناخذ جراح معانا ولا لا ؟ ناصر : خلينا من جراح .. شيوخ .. ما ولهت علي ؟ انا فتحت عيوني على الاخر .. هذا شفيه .. ليش جذيه قاعد يتحجى !!! ... حسيت اني انأرفت منه ماادري ليش .. طلعت من غرفه المكتب وصعدت غرفه مهاوي بسرعه مها : شفيج ؟ شيخه : انتي متأكده ان اخوج رجع من امريكا وعقله كله معاه ! مها : ليش ههه شسوى ؟ شيخه : ماادري تصرفاته غريبه ..!! مها : هذا ضريبة الدراسه بالخارج .. قومي بس خل نطلع واول ماطلعنا شفنا جراحوو يبجي يبي يي معانا .. الصراحه كسر خاطري .. لبسته جيوتيه وقلت امش ماعلينا من هالمينون ابوك .. ...... أتمنى لكم متابعه ممتعه ,, انتظروني قريبا ,, مع اجزاء جديده ,, لكم مني جزيل الشكر ,, اختكم في الله سكونــــــــه :) |
رد: رواية ناكر المعروف ,, مابيّن بعينك .. رواية روعه حياكم ..
اشكرش حبيبت قلبي سكونه ويعطيش العافيه قصه ممتعه في انتظار المزيد
تحياتى رمايل شوق |
رد: رواية ناكر المعروف ,, مابيّن بعينك .. رواية روعه حياكم ..
اقتباس:
العفو خيتوو ولو ماسوينا شي ,, انتي اللي مشكوره وماتقصري على المتابعه ,, يعطيك ربي الف عافيه ... كوني بالقرب دوماً ,.,. لكي ودي ,, :) |
رد: رواية ناكر المعروف ,, مابيّن بعينك .. رواية روعه حياكم ..
مشكوره حبيبت قلبي سكونه ويعطيش ربي الف عافيه مازلت متابعه ومتشوقه للمزيد
|
رد: رواية ناكر المعروف ,, مابيّن بعينك .. رواية روعه حياكم ..
اقتباس:
الجزء الرابع عشر : بيت بوعبد العزيز دخلت البيت وانا كل شوي اتذكر خلود واضحك عليه .. شلون كان متحمس للشغل ويزف هذا ويعلم ذاك ويصمم ويشرح ههههه .. حسيته مختب بالشغل ومستانس .. صحيح احنا باول اسبوع من افتتاح الشركه .. بس اذا تمينا بهالحماس اتوقع راح نمشي زين .. ولازم نجدد افكارنا على طول .. ونشوف اللي يحتاجه السوق حاليا .. الدعاية مهمه حييل .. واذا صار اللي ببالي . . راح اقدر افتح مطبعه وبيكون هذا حلم حيااتي. .. كله بفضل الله وبفضلج يااغلى ام بالدينا .. بركاتج هي سبب كل شي انا فيه الغاليه دخلت بيتنا وانا في قمة وناسته وسعادتي .. الصاحه كنت تعبان حدي .. وراسي مفتر من الصبح وهذي قعدتي ابي ارتاح بس .. لكني تذكرت اني هالاسبوع كنت مشغول عن ابوي شوي .. وماشفته .. يارب يكون نايم ولايكون اللي ببالي .. انا وصيت عمتي وان شالله تكون حطت بالها عليه وماخلته يشرب رحت صوب الدوانيه .. لقيت بابها مقفول .. اتجهت لغرفة ابوي .. واول مابطلته .. طلع احساسي صح .. توقعي بمحله .. رجع للشرب والسكر والدنيا الثانيه .. مصر انه يكون بعدين عني .. حسيت باليأس .. حسيت ان كلشي حلو بهالدنيا اختفى فجأة .. ابوي كا ن فاقد الوعي ونايم وبيدينه قلاس الخمر .. والغرفة حايسه فوق تحت والتلفزيون مبطل .. ماقدرت اخطي ولا خطوة صوبه .. حسيت روحي مشلول عن الحركه .. حسيت تعب هالشهرين لكه قاعد ينهدم يدام عيوني .. تسندت على الباب ولميت ريولي بيدي وخبيت راسي وقعدت ابجي .. اول مرة ابجي ....... تعبت .انا محتاج احد يوقف وياي .. وينج يايمه وييينج .. ولدج خلاص .. مو قادر يتحمل اكثر !! تميت على هالحاله دقايق لما سمعت صوب باب البيت ينفتح .. كانت عمتي . .اكيد كانت بره كالعاده ولا تدري عن هوا دارنا ولا جنه هالمقطوط بالسرير هذا اخوها من امها وابوها .. شفتها بنظرات استغراب .. استنكار ..كان ودي اسألها اذا اهيا صج عمتي ولا ضيفة تيي تنام وتطلع ولا لها شغل بأحد .. وقفت على حيلي وانا ارمقها بنظرة كره .. اخذت قلاسات الخمر وكسرتها كالعاده وغطيت ابوي وسكرت الباب ورحت انا لغرفتي .. اتهرب من هالواقع اللي انا فيه .. من واقع كل مااحاول اني اعدله .. مصر انه يخرب لي حياتي .. ودي نكون عايله زينه .. ودي عمتي تحبنا .. ودي ابوي يتعالج .. ودي احس بالعايله .. هالشي وايد علي !!! حطيت راسي على المخده .. وياني شعور بالحنين لشيخه فجأة .. ادري بتستغربون وتقولون هذا مينون مو صاحي .. هالبنت احس معاها بالامان .. بالراحه ..انسى اني متاضيق او زعلان .. تذكرت اني زعلتها قبل جم يوم .. قعدت افكر برضوه حلوة لهالشيخه .. ومالقيت غير شي واحد .. واااحد بس الجانب الثاني خالد يكلم مها بالتلفون الساعه 2 ونص خالد : مهاوي .. عطيني سبب واحد بس يخليج تاجلين العرس ! مها : ماادري خالد .. بس احس مبجر خالد : مو مبجر .. صارلنا مالجين قريب 5 اشهر وزود .. واحان نعرف بعض مو محتاجين اكثر .. مها : ............. خالد : مهاوي .. في سبب ثاني ! مها : .......... خالد : خلص .. مثل ماتبين .. بس لازم تعرفين شي .. ترى امي تبيني اتزوج اليوم قبل باجر .. وهي اكثر وحده تحن علي .. ماتشوفني اللهفه والوناسه اللي بعيونها .. شلون تتمنى انها تشوف عرسي .. اليوم لما كلمتني حسيت فيها مهاوي .. انا انا مابي اضغط عليج .. كيفج .. تصبحين على خير مها : خلود .. لاتزعل زيين .. خلص مثل ماتبي ؟ خالد : لا ... مابي شي بالغصب .. اذا تبين نأجله بعد .. كيفج على راحتج مها : خالد .. انا بس .. خايفة خالد بابتسامه : هذا السبب بس !! مها : ايه خالد : عيل باجر بنتزوج مها : خاااااااااااااااااالد !!!! خالد : هههههههههههههه فدييييت المستحيه انا .. لاتخافين دام انا معاج لاتخافين مها سكتت وماتقدر عير الا انها توافق وفجأة انفتح باب غرفة خلود بقوة صلاح : خلوووووووووووود .. بااركلي باركلي خالد : هااااا بشر !!! النسبه صلاح وهو ينااقز : 88 بالميه .. خالد نط من فراشه .. مبروووووووووووووك يابوقلييب .. عدل يبتها هاا .. النسبه اللي تبيها .. يله مبروك تستاهل صلاح : الله يبارك فيك . .اسكت من الوناسه ماادري شسوي .. احسي اني بناقز .. بصرخ .. بغني ماادري خالد : زين وربعك شسوو ؟؟ صلاح : يعني .. بعضهم نصبهم حلوة .. والبعض نزلوا حييل .. تعرف ثنويه عامه مالها امان خالد : ويييه .. عيل منو وياك من ربعك صلاح : بلى .. محمد ونادر .. نسبهم بالثمانينات .. محمد وياي ان شالله بالبعثه بس ماادري عن نادر خالد : يله عالبركه .. دقيقه بس اقول مهاوي .. بشري امج ترى صلوح نجح وياب 88 .. قولي ماشالله هاا مها : هههههههه مبرووك .. زين .. ترى عيوني مو حارة هييي خالد : بعد اخوي اخاف عليه .. تعلميني فيج .. ماادري ذاك اليوم شلون وقفت سيارتي يوم كنت بروح لربعي وقلتيلي لاتروح مها : احسن .. ذاك اليوم كنت بتروح شاليه ماادري منو .. قلعتك خالد : بل ... زين يله روحي ولا ترى باجر العرس مها : هههههههههه لا الله يخليك .. يله باي خالد : باي يكلم صلاح . خالد : علمت احد ؟ قلت لامي وابوي صلاح : ودي .. بس نايميمن .. مسكينه امي تحاتي من امس خالد : قول حق البنات زين .. تلقاهم قاعدين صلاح : اوكي .. قوم معاي رحت انا وصلوح عند منور وكانت قاعده ترتب كبتها ودارها عفسه وقلنالها واستانست وقامت تيببو ترقص وطلعت ورقة اكتبت فيها الاشيا اللي تبيهم من لندن ... ياحب البنات للسوق بعدها رحنا عند الشيوخ الكسلانه .. وبالمووووت قعدت ويوم قلنالها تغطت باللحاف وردت نامت بعد ماطردتنا بره .. كنت اشوف صلاح شلون يعافرها وهو يضحك ومستانس .. كنت احس الفرحه بعيونه .. الضحكة مافارقته كلش .. صج اللي يبي شي يسوي المستحيل عشان ياخذه .. ويحس بقيمته بالاخر .. بس تدرون كل هذا مانساني نظرة امي اليوم .. اول مرة بحياتي اشوفها بهالويه .. ماكنت مقرر سالفه الزواج الحين .. بس من شفتها مصرة .. قلت اونسها فدييتها .. هي اللي تستاهل .. امي حياتها كلها كانت لنا .. ماتستاهل نفرحها بشي واحد ! لاشعوريا رحت لغرفتها بعد ماراح صلاح ودخلت شوي شوي .. شفتها نايمه اهي وابوي .. قربت منها وبست راسها وطلعت .. غرفة منييرة طلع خلود وصلاح من غرفتي وانا طايرة من الوناسه كنت اكتب واشطب واضحك على روحي .. احاول انسى موضوعي والرد اللي رديته لامي .. تدرون .. مع اني كنت مواقفه من داخلي .. بس ماادري ليش قلت لامي اني مو موافقه .. حسيت بالندم .. بس خلاص مافي فايده الحين .. حاولت انام بعد ماخلصت ترتيب كبتي بس مااقدرت .. كنت ابي اكلم شيووخ شوي .. بس الحمارة نامت وخلتني .. طفيت الليت وانا اطالع السقف فوقي .. وفكري مشتت وعلى هالحال وصلني مسج وكان من خدمة الاغاني .. كان من رقم فيصل .. اعرفه زين كانت اغنيه (( انا ناطر .. نبيل شعيل )) قعدت اسمعها .. وانا افكر .. ان هذا اخر شي مسج راح يوصلني منه ... انا ناطر حبيبي .. ترجعلي ياحبيبي .. انا ناطر حبيبي انا ناطر ماتخيل انا راح اتحمل بعدك عني مهما طول وقلبك لما عني يرحل ينساني وانساه ماتخيل انسى ايامي حزني فرحتي والامي شوقي ضحكتي واحلامي كل اللي عشناه ماتخيل اني راح اقدر اصبر واتحمل اكثر حتى لو جروحي تكبر لا حبيبي لا لا لا لا وانا ناطر حبيبي ترجع لي ياحبيبي وانا ناطر حبيبي وانا ناطر مهما حاولت اداري لهفة روحي وناري مهما طال انتظاري انا ناطر حرام تظلم احبابك بغيابك وبعدك والله حرام ياحبيبي حرام يصير الحب في لحظه كلام الله مايرضى ياظالم لكن لاه انتا اطيب ومايرضيك اني اتعب تبعد ولا تقرب ببقى ناطر يلا تعال لحناني لوتدري كم اعاني ماتخليني ثواني ماظن هانت عليك تهدم حبنا بديك وقلبي ناطر حبيبه وانا ناطر يلا حبيبي كفايه طالت هذي الحكايه انا محتاجك معايه ياحبيبي وانا ناطر حبيبي ترجع لي ياحبيبي وانا ناطر حبيبي انا ناطر وانا ناطر حبيبي ترجع لي ياحبيبي وانا ناطر حبيبي انا ناطر وانا ناطر حبيبي ترجع لي ياحبيبي وانا ناطر حبيبي انا ناطر اليوم الثاني الصبح الساعه 9 ونص شيخه : يمااااا ... يماااااقووومي بقولج خبر ام خالد : بسم الله شفيج شصاير ؟ شيخه : صلووح يماا .. طلعت نتيجته .. ام خاالد : ها بشري .. عسى نجح !! شيخه : اكييد بينجح هالمصري .. قولي بس جم نسبته ام خالد اللي فزت من فراشها : قولي جم ؟ شيخه : اول فيها حلاوة !! ام خالد : اووو شيووخ قولي خلصيني ترى بتنطقين شيخه : 88 بالميه ام خالد : زينه .. تدخله الكليه اللي يبيها ؟؟ شيخه : من صجج يما .. كل مكان تدخله ام خالد : ويه الحمدلله .. الحمدلله والشكر لك يارب .. وقعدت تبجي وتمش دموعها .. شبخه : يماا .. ليش تبجين حبيبتي ..!! هالحين واحد المفروض يستانس ويفرح مو يبجي ام خالد : ابي اشوف صلوح مأمن مستقبله .. ابي اشوفكم مرتاحين .. انا خلاص .. مابقى من عمري شي شيوخ .. قربت من امي وانا حسيت اني راح ابجي زود عنها .. مااحب امي تتكلم عن الموت وهالسوالف .. كلشي بيد الله .. وامي من يصير شي يابت لنا هالطاري : الله يحفظج ويخليج لاتقولين جذيه يما .. وهذا صلوح فرحج . وخالد بعد زواجه بعد اسبوع .. شللي مزعلج ام خالد : اختج .. منور .. رفضت اللي متقدم لها من غير سبب شيخه بدهشه : فبصل ؟؟ ام خالد :أيه .. شوي ولا داشه منيرة : يماا .. فدييتج بلاها هالدموع . . انا موافقه .. الصراحه فكرت امس ووو .. وحست اني ماعندي سالفه شيخه : هيااااااااااااااااااا .. لا لا اليوم يوم المفاجأت .. خل اروح اشوف شهوده ونتيجتها منيرة : يما لاتبجين .. ان بجيتي بهون ترى ام خالد وهي تمش دموعها : فديييتج .. انا شنو اللي ابيه غير سعادكم واني اشوفكم مرتاحين .. وخذت منور بحظنها ولمتها بقوة .. حتى ان منور لاحظت هالشي .. وجنه ام خالد مستانسه ومرتاحه لان بتشوف منور عرووس .. يارب انك تسعدهم وتوفقهم بحياتهم .. واشوفهم مرتاحين الطرف الثاني شيخه تكلم شهد بالتلفون : هااا بشري شسويتي ؟؟!!! شهد : نجحت الحمدلله ونسبتي 90 شيخه : حللللللللللللفييييي !!! شهد : هههههههههههه والله ... شيخه : ماشالله عليكم انتي وصلوح .. وانا شفينيي اكسلكم يعني .. ونسبتي مثل ويهي شهد بفضول : جم ياب صلاح ؟ شيخه : هاا !! شهد : اخوج !! جم نسبته شيخه تستعبط : أي اخو ؟؟ شهد : اخوج بعد منو غيره شبخه : ايييييه .. أللي ماتواطنينه بعيشه الله ..!! ممم ياب 88 شهد : همم .. ماشالله .. يله الله يوفقه شيخه بنبرة ماكره : الله يوفقكم شهد حست ان شيخه بتبدى الحين : اقووول .. جب بس .. تعالي يله ساعديني بيوون خالاتي يباركون لي شيخه : هههههه زييين بس مراح اطول .. بروح السوق مع حصوص نتشرى حق عرس خالد وملجه منور شهد : منووووووور !!! شيخه : هههههههههه هذا الله يسلمج خبر فريش ... يعني انا بروحي فررت اشتري .. هههه شهد : متى وشلون ومنو ؟ شيخه : التفاصيل لاحقا حبيببتي .. خل ابدل واييج شهد : اوكي .. بسرعه .. وييبي معاج عصير فيمتو شيخه : اوكيه .. باي شهد : باي سيارة عزوز الرنج كنت حاط الرادوا على البي بي سي .. ومب مركز مع شي غير الشارع الطويل .. افكر بحل للوالد .. شلون يرجعله وعيه من جديد .. شلون افكه من هالمشروب .. لكن مو قاعد اركز بشي .. الدوام بصوب .. عندي دورة بلندن بعد ثلاث اشهر .. والشركه توها على ريولها مااقدر اسافر .. وخالد مايقدر بروحه ... صح نسيت .. لازم اوصل هدية شيووخ اليوم .. بس موعارف شلون اووف .. راسي بينفجر رن تلوفني وكان المتصل خالد خالد : انتا وينك ؟ عزيز : كاني قريب من الشركه .. ليش ؟ خالد : المهندس علي يقول ان التصميم الاول متقن اكثر من اللي قدمناه لشركه الفاضل مالت المعلبات ! مسكت راسي احاول اركز مع خلود بس مو قادر .. احس بدوار وصداع مو طبيعي : زين شوي وايي خالد حس بصوت عزوز مو طبيعي : عزوز شفيك ؟ عزيز : مافيني شي .. شويه صداع بس خالد : زين وقف السيارة وانا الحين اييك كنت دايخ صج فعلى طول رديت عليه : زين .. انا يم وكاله الغانم خالد : اوكي .. حط بالك باي عزيز : باي سكرت من خلود .. وسندت راسي على السيت وغمضت عيوني .. يمكن كنت محتاج للراحه .. امس مانمت غير ساعتين بس واليوم طالع من فير الله الدوام .. والحين الشركه . حسيت اني قاعد اضغط على روحي حييل .. كل هذا عشان شنو عزوز ..!!؟؟ .. كنت تقدر تعيش مثل باجي الناس على المعاش وانتا مرتاح .. انتا سويت اللي عليك عشان ابوك .. وماتقدر تسوي اكثر .. انتا قاعد تسوي كل هذا حق منو ؟؟ حقي .. لا موحقي .. حق شيخه .. انتا تبي تكون كفؤ لها اذا تقدمت لها .. شيخه عايشه بمستوى معين وانتا ماتبي تحسسها بالنقص .. ماتبي يكون ابوك السكران شي يفشلك ويحرجك يدام شيخه .. او حتى سبب لرفضك .. لحظة انا شقاعد اخربط .. ومنو قال اني راح اتقدم لها ؟؟ .. منو قال اني راح اتزوجها .. اصحى ياعزوز .. اصحى !! رفعت راسي صوب الدريشه يوم سمعت طق عليها ونزلت الجام عزيز : هلا خالد خالد : انزل اركب معاي وخل سيارتك عقب ناخذها نزلت من غير ماانطق بشي .. ماادري ليش حسيت اني مااستحي .. افكر باخت رفيجي واخوي صديق عمري .. بس انا ماقلت شي .. اوووف .. تعبت خالد : ترى بوديك الطبيب عزيز : لا لا يامعود .. ماتستاهل السالفه .. شويه ارهاق وتعب بس .. خالد : تحس بضغط عليك صح ؟ عزيز : تخيل .. ماصار عندي وقت انام فيه ؟ .. طول الوقت يابالدوام او بالشركه او بالبنوك ولا البورصه .. احس بتعب خالد : زين شرايك تاخذ اجازة ؟ عزيز : من صجك انت ..!! .. اذا خذيت اجازة الحين بتطير مني الدورة وانا بامس الحاجه لها . فيها ترقيه خالد : عزوز .. انتا قاعد تجهد روحك زيادة على اللزوم .. عزيز : ماعليك . .باجر ان شالله الشركه بتوقف على ريولها ومراح نحاتيها .. والبورصه بكلم رفيج ابوي بو عبدالمحسن يشوف حصتي ويتاجر فيها .. والدوام مقدور عليه خالد : زين .. وشنو صار على الشعار .. !! ترى فكرته حلوة بس نبي شي مميز نسيت اقولكم ان احنا قاعدين ندور شعار حلو حق الشركه يكون مميز وشي ملفت يعني ويناسب شركه اعلانات وجرافيكس .. عزيز : عطني هالويك اند بفكر بشي .. وشوف الشباب .. راح نلتقي السبت وكل واحد يورينا افكاره وتصاميمه خالد : حلو .. يله الحين خل احرك اوديك البيت .. تريح لك شوي .. وبعدين نرد الشركه ماعارضت خلود لاني كنت صج محتاج ارتاح .. سندت راسي على سيت السيارة وغمضت عيوني وانا مفضي مخي ماابي افكر بشي غير النوم بعد ربع ساعه خالد : عزوز .. عزوز .. قوم وصلنا شنو انت نمت ؟ قمت وانا افتح عيوني بصعوبه .. : وين وصلنا ؟ خالد : ههههه لا شكلك نمت صج .. وصلنا المدرسه .. وين يعني البيت ابتسمت على طنازة خلود .. تذكرت ايام المدرسه من اركب السيارة وانا نايم الين مانوصل .. كنت اروح مع سايق امي رضيه لان يومها كان بيتنا بفريجهم ..وانا وخلود بنفس المدرسه والصف فكنت اقعد يدام يم السايق مرة وخلود مرة .. كنا نتهاوش من يقعد جدام يعني اهوا الكبير ..والريال نزلت من السيارة ورجعت اشوف خلود عزيز : هذا بيتكم مو بيتنا ؟. خالد شافني بنظرة عقب قال : هذا بيتك .. شنو نسيت ؟ عزيز : مو قصدي .. بس انت قلت بوديك بيتك خالد قرب مني وقال : انتا صاير تستحي تدش بيتنا .. ولا موحاب تدش بيتنا الصراحه .. صدمني سؤال خلود .. مايه على بالي انه بيسألني بيوم هالسؤال وجاوبته بسرعه عزيز : خلوود ينيت انتا ..!! .. تدري ان هالبيت هو اللي تربيت فيه وعشت فيه .. بس الحين الوضع تغير خالد : ليش ؟ عزيز : انتا الاسبوع الياي بتزوج .. يعني لازم اعود روحي اني ماايي هالبيت مثل اول .. خالد : وانت كنت تيي عشاني .. عزوز .. وامك اللي تتمنى تشوفك اليوم قبل باجر عندها ؟!! عزوز .. هذا بيتك قبل لااكون انا فيه .. لاتخليني اوسوس امي عليك الحين واخليك تعرف شغل الله عدل ابتسمت براحه : لا الله يخليك .. كلش ولا ام خالد عاد .. خالد : ايه عبالي .. يدامي يله .. امش ماادري كلام خلود ردلي سعادتي وثقتي وابتسامتي مرة ثانيه .. كل خوفي اني يمكن اسبب ازعاج او يملون مني ويقوون هذا شيبي راز ويهه كل يوم هني .. دخلنا من الباب الرئيسي يعني مو من الديوانيه .. وهالشي فرحني حييل .. يمكن اشوف المغرورة ام لسان .. ولهان عليها .. اوووف هدية شيووخ .. انا شلون نسيت عزوز : خلود .. عطني تلفونك شوي .. خالد : ليش !! عزوز : دقيقه بسوي مكالمه ضروريه خالد : احم .. جم تعطيني ! عزوز : اووف مو وقت ملاقتك ييب اخذت التلفون ووخرت شوي بعيد وخلود دخل داخل يسويلي طريج ودقيت على الخباز اشوف الهدية وابلغهم يوصلونها الحين على عنوان بيت خلود .. وسكرت التلفون اول مادخلت كانت امي وابوخالد وحصه وعيالها قاعدين وصلاح قاعد بس شكله مشغول باوراق وحوسه يدامه .. ام خالد : هلا وغلا بهالطله .. اقرب فدييييت هالزول انا يعلني ماانحرم منه قربت وبست راسها وانا اقول : هلا فيج النور نورج يما .. شلونج ؟ ام خالد : بخير عساك بخير .. وقربت صوب عمي بوخالد اللي كان يرحب فيني اكثر : هلا باوليدي حياك الله .. جذي مانشوفك ولا تيينا !! .. عزوز وهو يبوس راسه : سامحني ياعمي .. بس شوفه عينك الشغل من صوب والشركه من صوب ثاني .. وابوي وعمتي .. والله ماعندي وقت كلش .. والتفت صوب حصه ووصلاح : السلام عليكم .. شلونج حصه .. اخبارك يالخرييج !! حصه : بخيير الحمدلله انتا شلونك .. هه الخريج حايس باوراقه من اليوم صلاح : هلا عزوز .. انا بخير روجع الى اوراقه وحوسته عزيز : متى السفر ان شالله !! صلاح : للحين الاسبوع الياي لازم ارح اشوف التسجيل بجامعه اكسفورد وعقبها برد الكويت الين ماتبدى الدوامات عزيز : يله بالتوفيق ام خالد : والله شكله عزيز عافنا ونسانا حتى غدا صارله اسبوع وزود ماتغدى معانا .. ولا يمكن غداي ماصار يعجبه !! قعدت يم امي وانا اضحك على زعلها : فديييتج لاتاخذين بخاطرج ترى عاد مطابخ الدنيا كلها مايعرفون يسوون مجبوس دياي مثل اللي تسوينه .. ادوووخ منه انا ههههه خالد : لاتحاول .. ماراح اعزمك باجر على الغدا ام خالد : وليش تعزمه .. اهوا يعزم روحه بروحه ... عزوز وهو ينغز خالد : احم .. سمعت !! ... لاتدخل روحك مرة ثانيه بين الام وولدها خالد : أي صح يماا. ترى عزوز كان دايخ ومصدع وهو يسوق .. بالصدفه كلمته وحسيت ان صوته متغير فقلته يوقف وانا رحت اخذته من هناك ابوخالد : صج ياوليدي .. حطوا بالكم على روحكم .. وعلى صحتكم ام خالد وقفت : وحسرتي .. شفيك عزوز .. تعال اشوف ؟ عزوز يضحك : يبا هذا يبااالغ ماعليكم منه خالد : لا لا مابالغ صج صج .. حتى كان مغمى عليه هههه عزوز : جب جب .. الف من عقللك بعد جذذاب هههههه ام خالد : جم مرة اقولك اكل زيين ونام زيين .. شوف ويهك بالمنظرة شلون صار ضعييف .. انا الحين بقوم ايبلك بندوله وعصير برتقال وعشا خفيف .. وراحت ام خالد المطبخ والحقتها حصه تساعدها .. ام خالد: روحي يما نادي البنات يساعدوني حصه : ان شالله .. اقول يما .. دقيتي على عمة فيصل تبلغينها برد منور ام خالد بابتسامه : اييه هههه يلحليها والله باين عليهم خوش ناس .. تقول اهما بيوم الخميس هذا يخطبون رسمي ويبون الملجه الاثنين .. عاد انا قلت لها مبجر البنت ماتقدر تجهز بيومين.. قالتلي والله الولد يننا . لو يدري اني اجلت الملجة الين الاثنين بيسويلي سالفه وقصه ... حصه : يحليلهم .. باين عليهم خوش ناس والله .. منور تدري ؟؟! ام خالد وهي تطلع الدياي من الفريزر : قلت لها اليوم وسوتلي سالفه .. تقول مايمديها تجهز شي حصه : عيل خل انادي البنات ونشوف شنو بنسوي .. ترى عقب باجر الخميس .. ومحد مهتم صدعدت حصوص فوق ولقت شيخه ومنيرة قاعدين يشوفون فلم بريف هارت وكل وحده حوالينها كاكاو وشبس وعصير ونفيش وحالتهم حاله حصه : شنو هذا .. داشه بيت عزوبيه انا .. قومي انتي وياها يله امي تبيكم تحت شيخه بلقافه : ليش !! حصه : تساعدونها بالمطبخ .. لبسوا حجاباتكم .. عزوز بيتعشى معانا اليوم شيخه بنرفزة غريبه : شكوووووو !!!! حصه : شيوووووخ شقلنا وبعدين !! منور مسكت روحها وهي تضحك : خايفه يعلق عليها هالمرة ويفشلها هههه شيخه : انتي جب .. .. مالي شغل خلوه يتعشى بالدوانيه .. انا وحده مالي خلق اتعشى معاه حصه وهي تلتفت صوب الدري : مو لازم تتعشين .. بس نزلي ساعدي امي بالمطبخ .. منور لبسي بسرعه وتعالي ابيج بموضوع شيخه : اوووووووف .. مو حاله هذي منيرة : ههههه شيوخ يالمينونه .. عيب ترى الصوت يسري شيخه : عسى ان شالله يسمع ويفكنا .. مليق قمت وانا معصبه .. ليش ياي شين الحلايا مو كافي اللي سواه وقاله ببيت حصوص .. الحين ياي يكملها بعد لبست دراعه ليمونيه ولبست شيلتي وشفت روحي عالسريع بالمنظرة .. ماعجبني شكلي .. كان باين على ويهي اثار السهر .. اخذت كحل وتكحلت عالسريع وحطيت شويه بودره ونزلت المطبخ وحتى ماالقيت نظرة على الصاله ولا سلمت عكس منور اللي دخلت وسلمت وعقب يتنا المطبخ المطبخ كنت اساعد امي وحصوص .. امي ناوه تسوي مجبوس دياي حق العشا تخيلو .. وحق منو !! حق البطه اللي راز ويهه بالصاله اااااااخ يالقهر بموووووووت من الحرة دخلت منور معصبه منيرة : يماا .. ترى بنتج وحده ماتسحي على فكرة رفعت راسي وانا مبققه عيوني هذي شفيها تسب : نعم !! منيرة وهي توجهه الكلام حقي : عيب عليج تدرعمين من غير ماتسلمين .. عيييب امي شافتني بنطرة عتاب خفت منها : شيووخ !!! منيرة : يما ترى مو اول مرة تسويها .. هالبنت يبيلها تربيه من يد ويديد شيخه : ليش شافيتني مو متربيه ام خالد : شيوووخ .. كملي شغلج وانا لي حجي ثاني معاج بعدين حصه: خلونا من هالموضوع .. منور .. شنو بتلبسين حق الخميس !! شفتوا ابرد من حصوص بحياتكم .. ياللله هالبنت ماهمها غير اللبس والكشخه والبوفيه والرزة .. وانا توني منزفه .. ياناس محد يقدر .. قاعده اشب ضو .. شكو منور !! .. اهيا شعليها اسلم ولا لا .. ياويلي من امي .. شكلي بنزف عدل ياااربي .. دايما المصايب تيني من تحت راسك ام خالد : شيخه .. هاج هذي بندوله وكوب عصير وديه لعزيز يله اشوف فتحت عيوني على الاخر بس مااتجرأت اتكلم لاني ادري شبيصير خذيت الكوب ورحت الصاله وانا مفووله على الاخر رفعت عيوني علشان اشوف هالدب وين قاعد .. ونزلتهم بسرعه وقربت منه وانا اسلم بصوت واطي شيخه : السلام .. تفضل لاشعوريا رفعت عيني يوم شفته يطالعني .. ماادري شحسيت فيه .. مثل الكهربا تسري بجسمي .. مااجذب عليكم لو قلتلكم اني ماقدرت اشيل عيوني من عيونه .. حسيت في حجي بيقوله .. حسيت فيه شي نظرته هذي فيها سحر .. وعلى طول تذكرت اللي سواه فيني في بيت حصوص ونزلت عيوني وقربت له العصير وطيرااان المطبخ حطينا العشا في الصاله الثانيه وهالصاله ماتطل على الصاله الرئيسيه دخلت خصه الشعر اللي كانت طالعه من الشيله بسرعه ونزلت كموم دراعتي وامي تدزتني الصاله عشان اناديهم للعشا .. ادري ان امي متعمده تسوي جذيه بس والله بسوي روحي مو شايفته وبدش مثل الغرب دخلت الصاله مرة ثانيه وعيني بعين ابوي .. شيخه : يله يبا العشا زاهب ابو خالد اللي مقعد مريوم بحضنه : يله ياشباب حياكم فريت ويهي وكملت طريجي بصعد غرفتي ولا امي تناديني ام خالد : شيخه ! تبون صج كنت ارجف : نعم يما ! ام خالد بنظرة : تعالي تعشي ! اضطريت انجب وايي اقعد ولا انطق بحرف وانا اشوف حصوص تضحك الخايسه هيين ابوخالد : يبا حصه وين سلطان ريلج ؟ حصه : واحد من ربعه راد علاج من السفر ورايح يسلم عليه .. يقول تعشوا اهوا عقب بييي ام خالد : يله يما اكل حبيبي .. عزوز وهو مندمج بالاكل .. رغم الدوار البسيط اللي خف عليه عقب البندول او بالاصح عقب شوفه الشيخه .. لكن مايقدر يمنع روحه من التلذذ بعشا الغاليه خلصنا العشا وانجبرت بعد اني اقعد واصب جاي حق صاحب السيادة .. وجنه مافي غيري بهالبيت شفت عزوز يطلع من الصاله وينادي حصه .. استغربت .. شفيه هذا !!! ورجع عزوز بس حصه ماشفتها الجانب الثاني عزيز بيني وبينكم كنت مستحي .. ماادري شلون قلت لحصه ان هالكيكه رضوة شيخه لاني كليت وجبتها ببيتكم وزعلت .. كانت الكيكه على شكل هديه وفي دالخلها وصيت المحل يحطون فيها صندوق صغير .. فيه كاكاو بونجوم وملفوف بورقه فيها اشتراك سنوي انا دفعت سعره مسبق مع مطعم برجر كنج يوصلون لها أي وجبه تبيها ببلاش الصراحه الفكره اعجبتني .. في البدايه كنت ناوي اييبلها شي معتبر بس خفت خلود يحس ويشك بشي .. عشان جذيه كلمت حصه .. وخلها اهي توصل الهديه بعد ماامشي عزيز : يله يما انا ماشي ام خالد : ويين .. ماشربت غير بياله وحده .. اقعد شوي عزيز : ودي .. بس الحين بنروح انا وخلود عندنا جم شغله نخلصها وان شالله بنام اهني خالد : منو قال .. ماعزمتك ام خالد : خلوود وويعه .. خالد : ههههه بسه دلع هذا .. ترى مو ناقص عزيز : ههههههههه انا اقول الريال ليش منفس .. اثاريك تغاااار !! خالد : لا مااغار .. امش خلصني هههه عزيز : هههه يله مشينا وانا بااالي براي شيوخ .. ياترى راح تعجبها الهديه ولا لا !! |
| الساعة الآن 05:31 AM |
Powered by vBulletin® Copyright ©2000 - 2025, Jelsoft Enterprises Ltd. TranZ By
Almuhajir
ما ينشر في منتديات الطرف لا يمثل الرأي الرسمي للمنتدى ومالكها المادي
بل هي آراء للأعضاء ويتحملون آرائهم وتقع عليهم وحدهم مسؤولية الدفاع عن أفكارهم وكلماتهم
رحم الله من قرأ الفاتحة إلى روح أبي جواد