|
رد: ×>{ بطنــــــــــك تحت المجهــــــــر ! }<×
http://www.q8boy.com/images/rjfgdsbiqj811n54dtt2.jpg
بسم الله نبداء على بركة الله (1) كم وجبه تآكل بـ اليوم ! الوجبه الرئيسيه وحده اما الباقي على حسب الترويقه والمزاج يعني اشياء خفيفه طول اليوم (2) وش وجبتك المفضله [آللي مآ تقدر تستغنى عنهآ ] الكبسه ..~ يم يم عذااااااب والكبه اللبنانيه هذي على حسب مو كل وقت اكلها (3) أنت من النـآس آللي يتغلقون إذا جآعوا ؟ لا والله ولا افكر اذا ماشفت شي حمدت ربي وسكت (4) أول مآ تدخل السوبر مآركت أي قسـم تشوف بطنك يوديك له بدون شعور ! الجلكسي ..~ عذابي الوحيد ما اقاومه وحلاوة هولز اللي با الكرز (5) هل صحيح مقولة [ الطريق إلى قلب الرجل معدته ] ! لا طبعأ مو شرط اساسي يمكن تفرش الزوجه السفره بطولها وعرضها وهو مايستحقها والبعض الزوجه ماتعرف تسوي حتى البيض وماخذه قلبه وعقله << وياكثرهم ها الايام (6) مآ رأيك في قول [ إذآ بغيت الحرمه ترضى عليك ودهآ لـ المطعم ] ! اووووووه مطعم هذي ايام زمان الشفقه على المطعم هههههههههههه الحين صار المطعم هو اللي يجينا لمكانا والكلمه الطبيه والقلب الحنون هو السبيل لقلب المراه (7) إذآ دخلت البيت و أنت جوعآن مره ومآ لقيت الأكل جآهز وش ردة فعلك ؟ عادي انا مو كل همي الاكل اسوي لي شاهي واروق عليه وبـــــــــــس (8) وش الأفضل عندك أكل البيت أو أكل المطعم ؟! البيت طبعأ عاد اكل ماما يممممممممم يم احسن من الف مطعم وبعض الاحيان يجي على بالي بس في الشهر مره مرتين با الكثير (9)تحب تآكل لـ حآلك أو تآكل مع جمآعه مع ذكر السبب ؟؟ على حسب الاشخاص او المكان وقت الطلعه لا لازم الجمعه وبا الذات توام رووحي الثلاثه (10) إذآ كنت من النآس آللي يحبون الكبسه أي نوع من الكبسه تحب ؟! الاثنين كبسة الدجاج حلووه وقت الجوع القوي اما كبسة اللحم اذا فيه جمعة بنات وناأأأأأأأأأأأأأسه هههههههه علشان تحلى اكثر (11) لو كنت معزوم/ تحب تكون العزيمه مفطح ولآ بوفيه ؟ بوفيه بس في اعراسنأ ما افضله بصراحه لانهم للحين ماعندهم اتكيت هجوم على الاكل وفي الاخير ينرمي في الزباله اعزكم الله (12) أنت من النآس آللي يحب ياكل بين الوجبآت ؟! إذآ كآنت إجآبتك نعم وش تحب تآكل [ شوكلآتآت وَ لآ شيبسآت وَ لآ فوآكه وَ ركزوآ على فوآكه بالله ] ! اممممم مافيه شي معين اهم شي الحب عندي ههههههههه <حساويه اصليه (13) إذآ كآنت شهيتك مسدوده عن الأكل من تختآر من الاعضاء يآكل معك عشآن تنفتح شهيتك ؟ بصراحه اشراقه من غير مجامله احسها مثلي تحب السوالف والضحك ولايهونون الباقي (14) وش الطبخه آللي تضبطها و ودك تعزمنا عليهآ ؟ كثير اشياء مكرونه البشميل _ الدجاج با الخضار با صلصلة الصويا يم يم (15)تـحب تحط شطه بالاكل < هالسؤال مدري كيف انجاب ! اكيد في السندويشات والكبسه |..~ والحمدلله اخيرأ خلصت جولتي وحوستي في بطني تحياتي للجميع http://www.q8boy.com/images/rjfgdsbiqj811n54dtt2.jpg |
رد: ×>{ بطنــــــــــك تحت المجهــــــــر ! }<×
اقتباس:
فطور .. غدا .. عشا .. عــادة ..؟ وإلا ما تهتمين .. يعني إما فطور .. أو غدا أو عشا ..! . اقتباس:
يا زينك :) . اقتباس:
بس فيه نسبـة من الرجـال .. مو شويه .. ما تراضينهم إلا ببطنهم ;) . اقتباس:
ترى إن فكّر يوديك مطعم .. فأنتِ في نعمـة .. غيرك ما يعرف للمطعم طريق :) << كأن كلامك متناقض شروووقهـ .. >> لا مو كذا السـالفة .. السالفة إني خايفة الشباب السنعين اللي يفكرون يودون حريمهم المطعم ويدلعونهم .. بعد ما يشوفون إن المره ما تهمها روحة المطاعم .. يغضون النظر عن التودي والتجيّب :) . اقتباس:
وش يسوي لك الشاي يا حلوة ..؟ :( أحسـه يزيد من الجــوع .. ما يهبّط ..! بس أهم شي مع الشـاي .. اغمسي بسكويت الشاي .. أو بقصم أو بخصم ;) . اقتباس:
الناس يقولون .. مرة بالشهرين :P << هذي اللي بتطينهــا ..! . اقتباس:
أحس الناس هونوا ما ياكلون حب .. إلا في الجمعـات ..! :) عليك بالعافية حبيبتي الحب .. بس ما مره عزمتيني عليه ;) . اقتباس:
بس لا تقولين أنتِ بعد عندك كــاشف ;) ..! . اقتباس:
وربي أنك ذويقـــــة .. يللا يللا .. وين بيتكم شموخــهـ <<< ما صدقت خبـر ..! . حبيبتي .. أضيفي عندك هالسؤالين : ( 16 ) أنت من النوع اللي ينـام بعد الوجبـــة << خصوصاً الغدا ..؟ ( 17 ) تفضلين وجود المـاء مع الوجبــة ؟ . ما ادري يمكن بعد يطلع كم سؤال .. راح أضيفهم :) . رحلـــتك ممتعــة ورائعــة غاليتي [ شموخ امرأة ] ننتظر :) . . |
رد: ×>{ بطنــــــــــك تحت المجهــــــــر ! }<×
اقتباس:
وحتى لو صحيت الظهر مااكون رايقه للاكل يعني العشاء اهم وجبه عندي الوجبه وش تكون ياررربي ياااربي جني توهقت هههههههه مدري يعني مو من النوع اللي يتشرط انا عادي اي شي موجود اكله اقتباس:
عاد هو يتصرف يبي ياكل يدل المطبخ خخخخخخخ اقتباس:
ثانيه مثل المجمعات والبحر << اهم شي في حياتي والذكيه اللي بتخليه يوديها المطعم من غير زعل ولاتبرطم طول اليوم هههه:clap: اقتباس:
بخصم عاد تدرين يمكن من شهور ما مسكت البخصم خخخخخخخ عادي الجوع يجي ويروح بس اهم شي الاخلاق << مدري ليش جات هههههههه اقتباس:
هههههههههههههههه تتطنزين ياحلووه بصراحه صرت اخاف من المطاعم كل ساعه تسمم وحاله اقتباس:
خخخخخخخخخخخخخ والله مسلي وعلى الاقل احرك اسناني اشوي خخخخخخخخخخخخخ اهم شي الحب عندي اقتباس:
كل شي جايز :eek: فديتك اقتباس:
فديت قلبك خخخخخخخخخ يعني اعرف اطبخ << ها وش وراك :teeth_smi بيتنا امممممم امشي سيده وبعدين لفي يمين وبعدين يسار وبعدها راح تلقين صراف وقفي عنده هههههههههههه من كثر الصرافات اللي عندنا كنهم قطاوه كل واحد في مكان حياك البيت بيتك عزيزتي اقتباس:
ماشالله كل مالهم في زياده 16\ لا ما انام لاني ما بعد اصحى اصلا فكيف بنام هههههههههههه 17\ اي وجوده مهم على الوجبه او الشاهي << رجعنا على الشاهي هههههههه اقتباس:
فديت قلبك الاروع وجودك وحظورك الدائم ها كم مقاس بطني خخخخخخخخخخخ يعطيك العافيه سعدت بتواجدي معاكم |
رد: ×>{ بطنــــــــــك تحت المجهــــــــر ! }<×
اقتباس:
شكلك ما تشتهين تروحين المطبخ حزة الحزة ..! هي انت .. رح سو لك اللي تبي واكل وانت ساكت .. و اذا بتحسبني معك بعد يكون أفضل <<< ههههههه أتخيلك كذا ..! . اقتباس:
خلينا على المطعــم .. ولا خساير المجمعـــات :confused: ..! أمـا البحر .. يا عيني عليك .. أحسن مكــان :nocoment: . اقتباس:
بس الأحلى .. لو طلع هو شخصياً راعي هالحركـات .. حتى لو ما كنتِ أنتِ تبعهـا ;) . اقتباس:
بس مو أي بخصم .. [ بخصم الكريت ] ;) . اقتباس:
والأهم .. إن الأخلاق لا تجي وتروح .. خلها ثابتة وراسخـة .. وقابلة للتغيير للأفضل والأحسن :kashkha: . اقتباس:
صرت أكره المطـاعم .. بسبب عدم الأمانة في الشغــل .. ما يهمهم نظـافة الشغل .. عااادي عندهم .. ومو أي مطعم توثقين فيه .. فبلاها سالفة المطاعم من أساس :) . اقتباس:
الله يحييك ويبجيك << كلام عجايز :cool: تسلمين لي .. أدري انك راعية أصول و واجب وذوق .. بس مرة علي ومرة عليك <<< كلّش حلتهـا :kashkha: . اقتباس:
( 18 ) وجود ( العصير أو اللبن أو البيبسي ) على الوجبة شيء أساسي بالنسبة لك ؟ انتِ كلّش حليتيهـا .. وقلتِ الشاي :eek: . اقتباس:
. رائعة غاليتي .. بروحك وقلبك .. وطيبتك وكرمك .. والله يديمك ابتسامة دائمة .. . . |
رد: ×>{ بطنــــــــــك تحت المجهــــــــر ! }<×
اقتباس:
حلوه :) . سم يعنو سنتيمتر طيب سم 3 هذا تكعيب 2 هذا مربع :kashkha: . يعني الحين بطن شموخ 36 سم :c4: يعطيك العافيه شموخ :) اشراقه تراني حلمت يكون بطنك تحت المجهر :P لاتصدقون يا الله دورك ها المره جينا نرشحك بدل العكس ولا سجن مؤبد ترى :s118: ولا شتقولين شموخ ؟ . |
رد: ×>{ بطنــــــــــك تحت المجهــــــــر ! }<×
اقتباس:
36 كيلوبايت بعد مو سم هههههههههههههه << صارت ملف تحميل لا عاد مو 36 اممممم اكثر اشوي :p اميــــــــــــــــــن يارب ويديم عليك روحك الحلوه ونفسك الطيبه تحياتي |
رد: ×>{ بطنــــــــــك تحت المجهــــــــر ! }<×
اقتباس:
:cool: مو جنكم قمتو تتطنزون على بطني خخخخخخخخخخخخ اهم شي بطن ان شاءالله طول الصبع الدانه اسكتي لاالحين يحطون بلعومك تحت المجهر خخخخخخخخخخخخخخخ ايؤؤؤؤؤؤؤؤؤؤؤؤؤؤؤؤيا اشراقه يلا دورك << تبي تكشف مقاس بطنها :wavetowel:wavetowel |
رد: ×>{ بطنــــــــــك تحت المجهــــــــر ! }<×
ههههه
ضحكتيني شموخــهـ .. لي عودة للتعقيب .. واختيار عضــو :) . . |
رد: ×>{ بطنــــــــــك تحت المجهــــــــر ! }<×
لا تتعبي نفسك اشراقة
انا اللي راح أختار العضو .. وانت عليك اللي بعده أختار أول الغيث |
رد: ×>{ بطنــــــــــك تحت المجهــــــــر ! }<×
للأسف عطر المســاء ..
الظاهر إنك انتِ اللي تعبتِ نفسج .. لأن العضو المختــار .. اللي هو آية الله .. سماحة السيد العلامـة [ أول الغيث ] <<< عاد الحين لا تصدقون إنه آية الله وما ادري ايش .. بس نرزه شوي :P مشغول حاليــاً .. ويعتذر عن الحضــور إلى وقت آخـــر .. أضطر معـه إلى تغيير العضـــو .. إلى حين ما الله يفرجها على أول الغيث ويفضى لنـا <<< دعواتكم :) . سأختـــار بدلاً عنـــــــــه .. :) [ عزف الدمـــوع ] . تفضل أخي مشكوراً .. و افتح لنـا بطنك ;) . . |
رد: ×>{ بطنــــــــــك تحت المجهــــــــر ! }<×
السلام عليكم ورحمة الله وبركاته ...
الشكر موصول للعقول وللأيدي والكوادر العظيمة >>>>>>>>>>> بلا هذرة أخلص بس :p المعذرة ع التأخير ... بس عطوني مهلة يوم أو يومين وان شاء الله التقرير يكون بين أيديكم تحياتي للجميع |
رد: ×>{ بطنــــــــــك تحت المجهــــــــر ! }<×
وعليكم السلام ورحمة الله وبركــاته ..,
. الحمد لله على سلامتك أخي [ عزف الدموع ] .. بطيت علينـا حيل .. حتى ظنيت إنك ما بتجي .. بس الحمد لله إنك رجعت بالسلامـــة .. وما فشلتني في اختيارك :) . اللي خلانــا ننتظر ونصبر أسبوع .. يخلينـا ننتظر يومين .. . إلى حين عودتك .. تقبل تحياتنـا .. . . |
رد: ×>{ بطنــــــــــك تحت المجهــــــــر ! }<×
ننتظر بطن عــزف الابتسامات...
*_* |
رد: ×>{ بطنــــــــــك تحت المجهــــــــر ! }<×
http://www.q8boy.com/images/rjfgdsbiqj811n54dtt2.jpg
اللهم صلِ على محمد وآل محمد \ \ (1) كم وجبه تآكل بـ اليوم ! طبعاً 3 وجبات رئيسية وأحياناً يصيرون 2 بالأضافة الى 2أو 3 زيادة >>>>>>>>> صلوا ع النبي عااااااد :p (2) وش وجبتك المفضله [آللي مآ تقدر تستغنى عنهآ ] أكيد الكبسة و الصلونـــة باللحم ... يم يم (3) أنت من النـآس آللي يتغلقون إذا جآعوا ؟ لا .... أحياناً يمكن!! حتى أحياناً أنام وأنا جايع ,, على حسب يعني (4) أول مآ تدخل السوبر مآركت أي قسـم تشوف بطنك يوديك له بدون شعور ! أكيد وأنا مغمض بروح ..............> جانب الشوكولاتات والآيس كريمات :teeth_smi (5) هل صحيح مقولة [ الطريق إلى قلب الرجل معدته ] ! من وجهة نظري ... غير سليمة 100% فهناك قسم من الرجال .. لاتكون الطريق الى قلبه هي معدته ,, تتعدد السبل والطرق ..بعضهم قلبه وبعضهم الطيبة والعفاف وبعضهم الكلام الحلو والترزز يرضيه وبعضهم الجمال ...والخ (6) مآ رأيك في قول [ إذآ بغيت الحرمه ترضى عليك ودهآ لـ المطعم ] ! مو كلهم ههههههه ,,, الكلمة الحلوة والتعامل الطيب والهدية برأيي هي اللي تخليها ترضى عنك أكثر ,,, أما المطاعم مو شرط " خلها آخر شي " (7) إذآ دخلت البيت و أنت جوعآن مره ومآ لقيت الأكل جآهز وش ردة فعلك ؟ لا بد بتنرفز شوووي ... يعني الواحد يجي تعبان ومكروف حيله ومايلقى حتى لقمة ياكلها :confused: بس لابد بسأل ,,, ها عسى ماشر وشفيكم ماطبختوا ؟؟؟ يجوز البنيه تعبانه لاسمح الله أوشي ؟ صح مووو ;) (8) وش الأفضل عندك أكل البيت أو أكل المطعم ؟! أكيد أكل البيت فديييتها أمي ماكوا احلى من أكلها ,,, (9) تحب تآكل لـ حآلك أو تآكل مع جمآعه مع ذكر السبب عادي بالنسبة لي .. بس حبذا يكون أحد معي ع الأقل نتشاطر اللقمة والسوالف :cool_peace: (10) إذآ كنت من النآس آللي يحبون الكبسه أي نوع من الكبسه تحب ؟! كبسة لحــــــــــــــم بالتأكيد :rolleyes: (11) لو كنت معزوم/ تحب تكون العزيمه مفطح ولآ بوفيه ؟ أكيد مفطــح .. تدرون ليش ؟؟ لاني ماعمري كلت مفطح أسمع فيه ماشوووفه :hahah: (12) أنت من النآس آللي يحب ياكل بين الوجبآت ؟! إذآ كآنت إجآبتك نعم وش تحب تآكل [ شوكلآتآت وَ لآ شيبسآت وَ لآ فوآكه وَ ركزوآ على فوآكه بالله ] ! أيه عادي .. أممم ,,, أحب الأشياء الخفيفة بساكيت شيبسات شوكولاتات ,, بس فواكه صراحة قليل آكل :G8: (13) إذآ كآنت شهيتك مسدوده عن الأكل من تختآر من الاعضاء يآكل معك عشآن تنفتح شهيتك ؟ أختار ... أممم المشاكس فديييييته :rolleyes: (14) وش الطبخه آللي تضبطها و ودك تعزمنا عليهآ ؟ هآاااآ شسمه شمعرفني :( شدراني ماعرف أطبخ :G15: (15) تـحب تحط شطه بالاكل < هالسؤال مدري كيف انجاب ! لالالالالالالالالالالالالالا ماحبها كللللللللش ... صج شــ هالسؤال غيروووه مامنه فايدة :10: ( إشراقة أمل ) كانت جولة رائعة وأسئلة أروع ,, نتمنى أننا طرحنا الجميل والمفيد الف شكر على أستضافتك الجميلة أختي إشراقة أمل وسامحيني ع التأخير الأضطراري واقوول يلا أطبخي لي شي جوعتيني وأنتي تحوسين من مساع فبطني :p http://www.q8boy.com/images/rjfgdsbiqj811n54dtt2.jpg |
رد: ×>{ بطنــــــــــك تحت المجهــــــــر ! }<×
اقتباس:
اللهم صلِ على محمد وآل محمد وعجل فرجهم .. عادي ترى غيرك ياكلوا اكثر .. عليك بالعافيه .. اقتباس:
يااااي شهيتني بصراحه .. عاد انا اليوم خاطري في شي دسم .. اقتباس:
اهاااا .. مثلي يعني .. اقتباس:
صدقت والله .. مو شرط المطعم .. مثل انا بس كلمة آسفه ترضيني << على نياتي .. :nocoment: اقتباس:
:eek: عزوووووووووووف انت متزووووج .. بصراحه ما اصدق كلش مو مبين عليك ..<< ليش تعرفه الاخت ,, اقتباس:
والله احترنا معاك ساعه ام العيال ساعه امي فديتها .. حدد وحده مايصير .. اقتباس:
يؤ مسكين .. خلاص تعال اخلي اخوي يعلمك .. اقتباس:
هههههههههههههههههه ,,, مثلي انت أكره شي عندي الشطه والكتشب .. عزووووف أمتعتنا في جولة بطنك .. عليك بالعافيه .. سلاااااام :) \ / \ |
رد: ×>{ بطنــــــــــك تحت المجهــــــــر ! }<×
اقتباس:
ههههههههههههه مو متزوج توا الناس علي :p اقتباس:
هذاني حددت ,,, قصدي أمي ... وبالنسبة لأم العيال أقصد أني لو كنت متزوج ,, هذا تعاملي مع مثل هيك وضع >>>>> حليله يخطط لعرسه من احين :teeth_smi اقتباس:
لالا ويييه فشيلة .. بعدين يقول أعيال الطرف مايعرفون يطبخون :confused: خيتوو سكون الصمت تسلمين أختي سُررت بتواجدكـ يعطيكِ مليون عافية :) |
رد: ×>{ بطنــــــــــك تحت المجهــــــــر ! }<×
عزووووووووف أول شي كيف حالك إن شاء الله بخير؟ شو هالغيبة
ثاني شي استمتعت كتير في الجولة الحلوووة اقتباس:
اقتباس:
اقتباس:
اقتباس:
تحية طيبة لقلبك الطيب خيوووووو يلا ارجع للمنتدى حاااااااالاً |
رد: ×>{ بطنــــــــــك تحت المجهــــــــر ! }<×
اقتباس:
الله يعافيك مشكور وماتقصر ,, سلام :) |
رد: ×>{ بطنــــــــــك تحت المجهــــــــر ! }<×
شكراً لك ولتلبيتك دعوتنـا أخي
عزف الدموع .. وطبعاً الأخوات ما قصروا في ضيافتك .. ما يحتاج أوريك في فن الكرم موهبتي ..! <<< شوفوا اللي تدخل ذا في ذاك .! . ضيفتنـا القــادمـــة .. الغاليــــــــــة .. ][ زينـــب ][ تفضلي غاليتي .. وضعي بطنك تحت المجهر .. ولا تنسي إضـافة هذه الأسئلــة / ( 16 ) أنت من النوع اللي ينـام بعد الوجبـــة << خصوصاً الغدا ..؟ ( 17 ) تفضلين وجود المـاء مع الوجبــة ؟ ( 18 ) وجود ( العصير أو اللبن أو البيبسي ) على الوجبة شيء أساسي بالنسبة لك ؟ . في الانتظـار |
رد: ×>{ بطنــــــــــك تحت المجهــــــــر ! }<×
http://www.q8boy.com/images/rjfgdsbiqj811n54dtt2.jpg
السلام عليكم ورحمة الله وبركاته .. عذرا أخوتي عالتأخير .. والشكر لأختي " إشراقة أمل " للإستضافة الرائعة .. كم وجبه تآكل بـ اليوم ! الوجبات الثلاث الأساسية .. وأحياناً بعض الوجبات الخفيفة وقت العصرية (2) وش وجبتك المفضله [آللي مآ تقدر تستغنى عنهآ ] امممممم .. ما في شي محدد :cool: (3) أنت من النـآس آللي يتغلقون إذا جآعوا ؟ ما فهمت شنو يعني " يتغلقون " :confused: (4) أول مآ تدخل السوبر مآركت أي قسـم تشوف بطنك يوديك له بدون شعور ! الله يسلمك .. اول أخلص اللي جايه عشانه وبعدين أطلطل على ثلاجة العصيرات " باااااااااارد " :s134: (5) هل صحيح مقولة [ الطريق إلى قلب الرجل معدته ] ! أبداً .. قد تحمل جزء من الصحة .. لكن ككل ليست صحيحة !:s43: (6) مآ رأيك في قول [ إذآ بغيت الحرمه ترضى عليك ودهآ لـ المطعم ] ! حرام عليكم .. ممكن يكون المطعم وسيلة من الوسائل للوصول لحل أو رضى الطرفين " ركزوا تراني أقول الطرفين " لكن ليس هو الغاية المبتغاة حتماً ليكون هو ما يرضي المرأه ! (7) إذآ دخلت البيت و أنت جوعآن مره ومآ لقيت الأكل جآهز وش ردة فعلك ؟ سهلة .. أول شي .. ودي اصيح :no:.. بعدين شسوي .. ؟ مالي غير الخبز والجبن ههه:s40: (8) وش الأفضل عندك أكل البيت أو أكل المطعم ؟! أكيييييييييييييييييد طبخ الماما .. نفسها غير .. نادر أكل من المطاعم :clap: (9) تحب تآكل لـ حآلك أو تآكل مع جمآعه مع ذكر السبب طبعاً مع جماعه .. لوحدي تنسد نفسي أنا لو تنقص وحدة من خواتي او اخواني من السفرة أحس ما اتهنى بلقمتي ^_^:s18::s71: (10) إذآ كنت من النآس آللي يحبون الكبسه أي نوع من الكبسه تحب ؟! أهم شي تكون كبسة أمي .. وبس بتكون لذيذة :kashkha: (11) لو كنت معزوم/ تحب تكون العزيمه مفطح ولآ بوفيه ؟ اممم علة حسب العزيمة صراحة ومناسبتها (12) أنت من النآس آللي يحب ياكل بين الوجبآت ؟! إذآ كآنت إجآبتك نعم وش تحب تآكل [ شوكلآتآت وَ لآ شيبسآت وَ لآ فوآكه وَ ركزوآ على فوآكه بالله ] ! الصراحة يعني .. أحيانا فاكهة مثل / تفاحة خضراء حامضة >>> شوفوا الشروط أو عنب أخضر يفتح النفس .. أو سلطة ( فتوش أو تبوله ) إذا توفر أحياناً أقلي لي حبتين سمبوسة >>>>تحبها بقوة :clap: الشبسات وهالاشياء .. إذا كنت لمة مع خواتي نفتح لنا ونتجمع مثل ايام ابتدائب ويا الربع ههههه .. ونسميها أنا وخواتي " حفله " خخخخخ;) (13) إذآ كآنت شهيتك مسدوده عن الأكل من تختآر من الاعضاء يآكل معك عشآن تنفتح شهيتك ؟ أنتِ .. هو أعرف غيرك يالغالية (14) وش الطبخه آللي تضبطها و ودك تعزمنا عليهآ ؟ اش كثر ... بس أعزمكم .. على معكرونة بالباشميل .. أو حلى باسكن روبنز ( الاسم من عندي ):teeth_smi (15) تـحب تحط شطه بالاكل < هالسؤال مدري كيف انجاب ! لا بس في سندويش الفلافل .. أحط قليل :cool: ( 16 ) أنت من النوع اللي ينـام بعد الوجبـــة << خصوصاً الغدا ..؟ لا .. ما احب أنام الظهر إلا في حالات الارهاق الشديد .. ( 17 ) تفضلين وجود المـاء مع الوجبــة ؟ نعم ( 18 ) وجود ( العصير أو اللبن أو البيبسي ) على الوجبة شيء أساسي بالنسبة لك ؟ لا .. اللبن مع زجبة الغداء والعشاء احيانا .. لكن المشروبات الغازية ما تقرب بس ههه . تقبلوا خالص تحياتي .. ها " شروووق " عسى بيضنا الوجه :p http://www.q8boy.com/images/rjfgdsbiqj811n54dtt2.jpg |
| الساعة الآن 08:29 AM |
Powered by vBulletin® Copyright ©2000 - 2025, Jelsoft Enterprises Ltd. TranZ By
Almuhajir
ما ينشر في منتديات الطرف لا يمثل الرأي الرسمي للمنتدى ومالكها المادي
بل هي آراء للأعضاء ويتحملون آرائهم وتقع عليهم وحدهم مسؤولية الدفاع عن أفكارهم وكلماتهم
رحم الله من قرأ الفاتحة إلى روح أبي جواد