|
رد: سوالف بنات منتدى الطرف فقط ..
مرحبا
اهلاً خيه سحاب حياش الباري عيني ومنوره الصفحه بمرورش آغاتي ولاتحرمينا من هذا الأسأله الطيبه وخلينا نتناقش فيها بدل السوالف والضحك نطلع بقائده على الأقل دمتي بعافيه عيني كينون |
رد: سوالف بنات منتدى الطرف فقط ..
لله يسلمك ويحيك اختي اسوار البقيع ...
ان شالله اول مايصير عندي شىء مفيد راح اكتبة عشان افيد الجميع ؟؟؟؟ |
رد: سوالف بنات منتدى الطرف فقط ..
مــــاأروعـــك...أســــوار
أعجبتني فكرة الموضوع أسمحيلي ..أسوار..أوجهه كلمة لـ..بنات الطرف... .وش فيكم زهور المنتدى !!؟ وين تفاعلكم ؟ هذي فرصة نسولف فيها مع بعض بحرية،،،، بجــــد ياحلوين ابي مشاركتكم...عندي موضوع ابي آخذ رأيكم فيه..؛؛ ((خلــــونــا نحــــش بالشبــــاب شـــوي)):24: س/هل المـرأة المـوظفة أصبحت حلم كل شاب..؟ وهل هذا من أحد أسباب عذولهم عن الزواج..؟ "اذا الخبر تسرب للشباب ...لاتزعلون..رأيهم الفـاصل....بس بعد رأيكـم..؛؛؛؛؛:( أختكم"صاحبة الدرب الحزين" |
رد: سوالف بنات منتدى الطرف فقط ..
اية ولله ياصاحبة الدرب الحزين ....المشاكل اكثرت في عذولت البنات ولله حرام ...
يعني انا من رئي البنت الي ماتشتغل افضل من البنت الي تشتغل ... لانو البنت الي تشتغل مثلا يكون شغلها فية اختلاط مع رجال وهذا حرام وعيب لا اذ كانت شغلتها يعني مافيها اختلاط هذا شىء ثاني ... واحب اوجه كلمة لشبابنا ...استر على غيرك لله يسترعليك دنيا واخرة ... يعني الحين مارح تسعدك الا البنت المشتغلة لا ولله هذا ما يعطي معنى بلعكس يمكن البنت الي مو مشتغلة افضل لك تربي عيالك وتقوم بواجب بيتها ...بس لوكانت تشتغل راح تهملك وتهمل عيالها وبيتها .... ومشكورة ياصاحبة الدرب الحزين على الموضوع الرئع .....تحياتي سحاب |
رد: سوالف بنات منتدى الطرف فقط ..
مرحبا
صاحبة الدرب الحزين // اقتباس:
أنا وحده احب السوالف فتحت هذا الموضوع فوق خمس مرات في كذا منتدى ولله الحمد كلهم نجحو <<< لأن سوالف ههههههه اقتباس:
هههههههههه ياكثر حشنا فيهم اقتباس:
وانا بصراحه ما الومهم .. العيشه صعبه ياخيه واذا الشاب فكر في وحده موظفه يقصد ان تساعده نوعاً ما في المصروف والظروف القاسيه وخصوصاً هذا الوقت ؟؟ و الحمد الله لا يوجد الكثير من شبابنا عنده هذا الفكره ما عدى القليل سحوبه // اقتباس:
حرام وعيب .. عذراً اوخيه لكن لماذا حرام وهل تعرفي ان قول الحرام في الأشياء التي ليست محرمه تأثمي عليها وبعدين اين العيب ان كانت ملتزمه بحجابها وعفافها والله مو عيب ولا فعلت خطأ وبالظافه نحن في حاجة ماسه لي العاملات السعوديات في كل مكان بدل المصريه والبنانيه والهنديه ووو ولا شو رايك خيتو شكراً لكم من الأعماق على هذا الحوار المميز دمتم بود أسوار البقيع |
رد: سوالف بنات منتدى الطرف فقط ..
أنا معك اختي اسوار العيب انها تكون مع رجال ومو محتشمه ومو محافظه على نفسها ومومحترمه نفسها واللي معاها يعني هني ينخاف عليها ولا تصلح انها تكون موظفه لأنها مو قدها بس إذا صارت محترمه ماينخاف عليها وانا ابقي اصير موظفه(مدرسه إنجليزي )اشرايكم؟ يقولون التوظيف صعب احين شسوي؟؟؟؟ |
رد: سوالف بنات منتدى الطرف فقط ..
مرحبا
كيفكم احوالكم اخباركم بنات أن شاء الله طيبات أقول بنات بما ان نقص في الشباب ابي اشوف رايكم في الي يربون شعرهم ويسون فيه حركااااااااااات والي يرصون عمرهم بالقميص ولا البنطلون ولا الثوب المخصر حيل وكأن ملابس نسائيه وشو رايكم فيهم .. وتعتقد هذا من الرجوله ولا كيف ؟؟؟ ولي رد بعد بس نشوف وشو رايكم قبل دمتم كينون |
رد: سوالف بنات منتدى الطرف فقط ..
هلا اسوار البقيع ...لا تفهميني خطء
انا قصدي المرء الي تشتغل مثلا في مكتب وجالس معها كذا واحد وان كانت محجبة نعم تعتبر اختلاط وانا الي اعرفة انو في الشرع حرام لانو يعتبر اختلاط او تشتغل ممرضة في مستشفى عام يعني فية رجال هي لازم تضطر تكلمة وهذا حرام لانة صوت المرءة عورة ......طبعا هذا رئي بس اذ كانت شغلاتها مدرسة او شغلة مافيها اختلاط مع رجال بلعكس انا من المؤيدين .... ورد على موضوعك ..... عن لبس الرجال لبس غير يليق بية كرجل نعم الحين صارت موضة انة يخصر الثوب وطبعا شكلة يصير كئنها مرءة لابسه فستان ... صحيح شباب هل ايام غير شباب زمان اول ... مشكورة اسوار على موضوعك ....تحياتي سحاب |
رد: سوالف بنات منتدى الطرف فقط ..
والله أموت ضحك إذا شفت واحد مسوي بعمره كذا
ما ادري اشلون مصدقين روحهم انهم حلوين وشحلات الرجال المحترم اللي يلبس ثوب مو يلبس شورت ويحط جل في شعره وحالته حاله كأن احنا في امريكا واللي يفتح قميصه واللي بنطلونه طايح و........و.........ألخ الله يهديهمـــ......... باي بنات ادعولي أخذ زين بكره بالإختبار |
رد: سوالف بنات منتدى الطرف فقط ..
مرحبا حبابه
سحاب // رد على كلامش // اقتباس:
حبابه الأن اصبح الكثير من البنات تشتغل ممرضات وعاملات في المستشفى وصحيح صوت المرأة عورى لكن هذا يقال لما تغني وتنعم صوتها قال صوت المراة عوره لكن تتكلم بحتشام و ادب بالغ وين الحرام ارجو تنتبهي مره ثانيه يا خيه للحرام ولي الحلال وشكراً لي الرد على سؤالي ام رد على خيتو ورة الاحلام هههههههههههه مره كانت في جده وشفت لش واحد نص ملابس الداخليه طالعه انا على وجهي شفته وسديت عيني قلت استغفر الله هذا مسكين طالع الهاف ومايدري نسيبي رد وقال الا سكين هذا حركه يع وش الحركه نص السروال نازل تحت الملابس الداخليه صج قلة حياء والله بس وربي ماقدرت امسك نفسي من الضحك هباله زايده فيهم كينون |
رد: سوالف بنات منتدى الطرف فقط ..
صبــــــــــاح الخيـــــــــــــــر..زهــــور المنتـــــدى.
"سعـــادتي لاتـــوصف بإستمــــرار هـــــــذا الــتواصـــل " بالنسبة لسؤالك عزيزتي "أسوار" للأسف فعلاً كثرت مثل هذه التصرفات وأصبح بعض الشباب يركضون وراء الموضة أكثر من البنات وأعتقد هذا التصرف يعتمد على ضعف الوازع الديني لذا الشاب.. وعلى البيئة التي نشأ فيها ولا أخص الأسرة فقط في ذلك... بل الأصدقاء والمقربين والمجتمع المحيط به،ومدى التمسك بالعادات والتقاليد..ولاتنسون هوس التشبه بالغرب.. هدى، الله شبابنا،للخير والصلاح ،فهم غـداة المستقبل.. ؛؛ ودمتـــــــــْم بـــودِ الرحْمــََّـن ؛؛ |
رد: سوالف بنات منتدى الطرف فقط ..
طيب جيبوا سالفه جديدة نتكلم فيها (نبقي حش في الشباب)
|
رد: سوالف بنات منتدى الطرف فقط ..
اقتباس:
انتمو ماقصرتو .. كفيتو ووفيتو اقتباس:
الحلم العربي ... بالعكس ا نا مع ان الشاب يطمح انو يرتبط بموظفهـ ليه لا ؟ اعتقد انهااا فرصه لفتاة وللرجل ايضاااا .. حيكون بينهم تعاون ع مصاعب الحياه .. وتكون يد منتجه في الاسره .. بشرط ما يكون ع حسابهاااا يعني شغل بالبيت وبره البيت ... ويستغل الزوج ذلك لصالحهـ .. ومن قال انو الزوجه العامله مهمله .. في بيتها او اولادها او نفسهاااا .. لا تعممو ... في كثير من الموظفااات يتمتعن بذكاء و حسن تصرف ... وقادرات ع التوفيق بين العمل والاسره ... برآيي : هيدا الحلم لصاللح الفتاه مو ضدهاااااااااااااا كانو قبل كم سنه الكل ينتقد عمل المرأة والان الكثير يرغب فيهـ .. سحاااب عزيزتي يعني عاجبتكـ جلسة البيت ؟؟ موووت بطيء .... وخنقه وضيقة خلق ... !!؟؟ طرح راقي غاليتي صاحبة الدرب الحزين .. |
رد: سوالف بنات منتدى الطرف فقط ..
مرحبا
مشاء الله مشاء الله صار كلام حلو ونقاش جيد لا بأس فيه احسنتم خواتي وه>ا القصد من الموضوع اقول مادري وش فيها لوحة المفاتيح حقتي ماتكتب حر ال>ال الي يجي بعد حرف الدال وش قصته هههههههههه الشاطر يقول وش تتوقع فيه يلا وننتظر سؤال ثاني ونقاش حلو وطيب مثل الي قبل دمتم بعافيه كينون |
رد: سوالف بنات منتدى الطرف فقط ..
السلام عليكم ورحمة الله وبركاته
كيف حالكم بنات والله اشتقت لكم بس الضروف منعتني عن المواصله اتوقع حرف الجيم مايكتب عندك يمكن داخله تحتها فلفاصة حب انا مره صارت عندي ويام كشفت عنها صارت متقنقصه فلفاصه تحت وشلتها ورجعت انا عندي تعليق بسيط على السالفه اللي قبل انا الشاب يبحث عن امراءة موظفه او غيره انا من راي موشرط تكون موظفه في مستشفى مثلا او مدرسه او او الحين طلعت شغلات وتقدر تسويها في البيت وتاخذ عليه راتب يمكن اكثر من راتب الموظفه قصدي تدخل دورات تجميل اوخياطه او رياضه وتستفيد من مهنتها هذي وتكون في بيتها ومقابله اعيالها وزوجها وترتاح وانا شخصيا مو مؤيده توظيف البنات لان الزوج في بعض الاحين يزهق من كثر ماتكون زوجته في الدوام او مالى بس اذا شافها جمبها خلاص ماعليه اخذ راحتك في شغلك اهم شي انتي في البيت مو بعيده عني ولا عن العيال اذا بعض الشباب يكونون كذا اما البعض تطلع زوجته ولايسأل عنها متى جات ومتى راحت عاطيها على كيفها وبعدين الوقعه تصير من سبب الاهمال وانا اتكلم عن الشباب بصفه عامه لو تعب على نفسه من البدايه مستحيل انه بيحتاج حق راتب زوجته ولاريال ياخذ منها الحين الشباب نادر ماتشوفينه يتعب في دراسته ومطنش الاولي والتالي وبعدين اذا يتزوج تعالي عاد شوفي وشو اختياره في الزوجه يبقيها على كيفه ناسي انه موتاعب على نفسه والمره العدله تبقي رجال تاعب على نفسه مولاهي مع ربعه في الشوارع وبعدين يقول ياليت وياليت لاخذ المره سمعو يالشباب الزوجه تبقي من الزوج كل شي تعبو على نفسكم ذا الحين عشان ترتاحون بعدين خلو اللعبه في الشوارع وانتبهو حق انفسكم طبعا مو كل الشباب نفس الحكايه بعضهم ماشاء الله بس نتكلم عن اللي مو منتبهين حق نفسهم والله المعين على كل حال ولكم تحياتي سمحو ا اذا طولت عليكم في الموضوع :thumbup1: |
رد: سوالف بنات منتدى الطرف فقط ..
هلا اختي اسوار البقيع ....طبعا كل وحدة لها رئي خاص فيها وانا احترام وجه نضرك ...
بس حبيت ارد على كلام قلب طفلة ... خيتو اقلب طفلة انا لما تكلمت عن شغل المرءة حددت في كلامي بلعكس ادري انا جلسة البيت مملة وانا من مؤيدين الشغل المرءة بس في حدود مثلا تشتغل مدرسة او في مشغل تزين يعني اقصد عموما الاشغل الي مايكون فيها اختلاط الرجل بلمرءة ...... |
رد: سوالف بنات منتدى الطرف فقط ..
هلا خواتي حواركم حلو
بس غيروا السالفه هاذي سبق وان تحدثنا فيه اختي اسوار اتوقع ان الحرف اللي ما ينكتب عندش حرف الذال حتى انا كان عندي مشكله بحرف الذال بس فجأة تعدل ادعولي بكره عندي مادتين اشوفكم على خير |
رد: سوالف بنات منتدى الطرف فقط ..
مرحبا
ايه صح خيتو وردة الأحلام زهقني وفشلني ربي يفشله مادري وش فيه ولا فيه شيء لا حب ولا فلفاص بحاول واشوف وش العله يكتب رموز الحرف نفسه مايكتبه ربي يهديه ويرجع في عقله ^_^ أسوار البقيع |
رد: سوالف بنات منتدى الطرف فقط ..
الله يهدي الكل ههههههههه
|
رد: سوالف بنات منتدى الطرف فقط ..
يمسع منش ياخيه
موفقه في الاختبار عيني كينون |
| الساعة الآن 07:38 AM |
Powered by vBulletin® Copyright ©2000 - 2026, Jelsoft Enterprises Ltd. TranZ By
Almuhajir
ما ينشر في منتديات الطرف لا يمثل الرأي الرسمي للمنتدى ومالكها المادي
بل هي آراء للأعضاء ويتحملون آرائهم وتقع عليهم وحدهم مسؤولية الدفاع عن أفكارهم وكلماتهم
رحم الله من قرأ الفاتحة إلى روح أبي جواد