عند الرجآل وبالمجلس بالضبط .. على إنه كان كبير .. إلا إنه كان مليان حيل ..

مشعل " أقول تركي ."

لف تركي وناظره بإستحقار " خير ! "

مشعل بعد فترة وهو يناظرة " لا ولا شي ! "

طنشة وما أعطآه أي إهتمام .. من هو أصلا علشان يفكر فيه تركي الـ....؟؟

دخـل أحمد المجلس ومعه واحد أول مره يشوفونه .. وباين إنه كبير يعني بحدود الثلاثينيات ..

سلم على يلي يعرفهم وتوجه لمشعل يلي كان جالس بنص المجلس .." مبروك "

مشعل " الله يبارك فييك .. عقبالك ؟"

تركي بغيض " الله يعينها المقرودة يلي بتاخذه ."

أحمد بإستفزاز " أقل شي أنا لين ألحين عزوبي .. مو مثل بعض الناس "

تركي بسرعة " وس قصدك ؟ "

أحمد " يلي على راسه بطحة "

مشعل " ياجماعه صلوا ع النبي ."

تركي " إنت وش دخلك ؟ أنا وولد عمتي "

صحيح إن تركي يكره أحمد كره العمى .. لكن هو من أشد الناس يلي يمشون ع المثل [ أنا وأخوي على ولد عمي ،، وأنا وولد عمي ع الغريب ]

جاهم بسام " وش فيكم أصواتكم طالعه "

××

في بيت طلال ..!

:

ناظرها وهي تحط من الروج الفوشي وتأفف بطفش .

قالت بطريقة مو واضحة " وش فيك ؟ "

طلال "طفشاااان "

لفت ناظرت فيه وضحكت " ألحين بتروح وبتتونس ."

هز راسه بمعنى " لأ "

مها وهي عاقده حواجبها " وشو ؟ "

وقف وسند جسمة ع العكاز .. مشى وعلى شفايفة طيف إبتسامة إلى إن وصل لها وصار مقابلها ..

قال بهمس مُرْبِك " أناا وناستي معك !"

توردّت خدودها وحست بحرارة تحرقها .. بلعت ريقها " يو.وه طلال وش فيك ؟ "

هز كتوفة وقال ببساطة " غيراان ."

رفعت حواجبها " غيراان ؟؟"

إبتسم " كل الناس بتشوف الزيـن وبتشبع منه .. وأنا لأ "

عقدت حواجبها " الزيـن ؟ طلال وش قاعد تقول إنت ؟ "

طلال بضحكة بسيطة " وش فيك ؟"

ضحكت " إنت يلي وش فييك ؟ "

" أقول مهاتي وش رايك نسحب عليهم ونجلس أنا وإنتي بالحالنا هناا .. ونسوي لنا ملكة برووحنا ."

ولع وجهها " ياسلام ..! والناس وش تقوول عني ؟ "

طلال بتميلح " عااادي .. بيقولون تحب زوجها وجلست عنده ."

ضحكت بخجل وقالت وهي تمسح على كتفه " هم يدرون إني أحبك من غير لا أسوي هـ الحركاات .. [ سكتت شوي وناظرت فيه ] ما قلت لي وشلون شكلي ؟"

" قمــر .. تهبلييييييين والله .."

بخجل " شكرا ."

رمش بإستهبال " إحم وأنا ؟!"

إبتسمت " من غير لا أقول شي .. تجنن والله .."

مسك علبه العطر حقة وجلس يبخ ويقول بطريقة مضحكة يقلد بها الحريم " يختي أخااف أنخطب ولا شي ؟ "

مها " لا والله ..! بنت أمها يلي تقرب منك "

بنذاله " مو بيدها ياقلبي .. تشوف الجمال قدامها وماتسوي شي ؟ وهـ بس فديتني "

قالت تغايضة " أصلاً أنا يلي الله يستر وما أنخطب "

قال بإنفعال " يلي فيه خيير يجي يتقدم لك بس . "

مها وهي تحرك حواجبها " تغاار ! "

ناظر بالأرض . ثم رجع ناظرها " عندك شـك ! "

××

دارت حول نفسها بعصبية ،، وهي تحاول تسكر السحاب يلي مو راضي يتسكر .. أصلا هي تكره هـ الفستااان الغبي . بس وش تسوي ما أمداها تطلع وتشتري شي جديد ..

توجهت للباب وطلت براسها .. يوم ماشافت أحد بالصاله ركضت بسرعه وهي رافعه أطرفه لاتطيح وتنكسر .. دخلت غرفة روان وأخوها .. وشافتهم لابسين وجالسين قدام البلايستيشن .. سكرت الباب وراها وتسندت عليه .. وهي حاطة يدها على قلبها وتلهث ..

روان وهي تناظرها مستغربة " جوولي .!"

ناظرت فيهم .. وفكّرت شوي ..

قالت وهي تمشي بإتجاههم " أقول كروانه قومي أبيك بخدمة ."

روان وهي توقف " وش ؟ "

مسكتها من يدها وجرتها للسرير .. شالتها ووقفتها عليه .. وقالت وهي تأشر ع السحاب يلي على جنب " شفتي ذا ؟ "

روان وهي تهز راسها ببلاهه " إيه "

أشرت على فوق " إسحبيه لفووق .. فهمتي ! "

مسكت طرف السحاب وحاولت تسحبه بس ما قدرت ..

وقف ريان وطلع مكان إخته " أنا أحاول !"

نجلا بتحلطم " حسبي الله ونعم الوكيل عليه من فستان .. على آخر عمري صرت تجربه بيد البزرآن ..[ ناظرت ريان ] يلا حاول وش ورانا ؟ "

حاول يسحبة ما نفع .. رفعه بقوة ونفس الشي ما إرتفع ..

ضرب يدينه مع بعض بقوة " أوووف مو راضي "

جلست ع السرير بيأس " أففف طيب وش أسوي ؟ "

روان " إلبسي غيره ."

قالت وهي تعفس ملامحها مثل البزران " ومن قال لك ما فكرت فيها ؟ كنت بآلبس غيره بس خلاص سويت ميك أب ماينفع أبدل ومابقى وقت كثير ."

وقفت بيأس وطلعت متوجهه لغرفتها . ردفت الباب وراها وراحت للمرايا وحاولت فيه ينسحب بس أبد ..

فجئة إندق الباب ..

قالت وهي ترجع تحاول " إدخلي روان ."

ماسمعت غير صوت هزها " أنا ولييد ."

رفعت راسها بسرعة وناظرت فيه .. ويدها متسمرة ع السحاااب .. قالت برجفة " و..ووليد .؟"

ناظرها بإنبهار " خلصتي ؟ "

ركضت بسرعة وتخبت ورا الستارة " إنت وش تسوي هنا ؟؟ إطلـــع برا "

إبتسم بعناد .. والله لا أجييب راسك يانجلا والله ..

سكر الباب وحاول يكتم أنفاسه ..

إنتظرت شوي وقالت بعدم تصديق .. وهي ماتشوف غير قماس الستارة البيج " ولييد .."

.....

" وليييييد موجود ؟ "

........

يوم ماسمعت صوته .. حركت قماش الستاره من قدامها .. لكنها تفآجأت فيه واقف عند الباب ..

تخصرت بعصبية " لو سمحت ممكن تطلع .. أبي أبدل .!"

مشى متوجه لها .. وقف قدامها وقال وهو يخزها من فوق لتحت " بدلي !"

إعتدلت في وقفتها بإرتباك " نعم ! أبدل قدامك ؟ "

" إيه عادي وش فيهاا ؟ مو زووجك ؟"

رمشت أكثر من مره " وإذا زوجي يعني ؟ تجلس تناظرني زي ماتبي ؟ "

ضحك غصبا عنه .. فقالت بغيض " في شي يضحك إستاذ وليد ؟ "

سكت وإكتفى بإبتسامة .. مسكها من يدها ولفها بخفة وسهولة .. إلى إن صارت معطيته جنبها يلي من جهة السحاب .. حمروا خدودها بإحراج وهي تشوفة يناظر بجسمها بسبب السحاب المفتوح ..

قال وهو يحاول يرفعه " يعني لازم تسكتين ؟ كان جيتي وقلتي ."

نجلا بإحراج " آآ.."

تنفس بقوة " مدري وش بلاه مو راضي ينسحب "

قالت وهي تناظر بالأرض " الظاهر سمنت !"

" لا وش سمنتي يابنت الحلال ! جسمك مثل ماهو وش زينه .. بس الظاهر عالق أو شي من كذا .."

وش زينه ! إبتسمت على هـ الإطراء بداخلها .. وقالت بتردد " يعني وش السوات هـ ألحين ..؟"

إبتسم بخبث " ننام .."

ناظرت فيه بصدمة وهلع " وشووو ؟ "

ضحك على ملامحها " إفصخيه أصلحه لك وبعدين إرجعي إلبسية .."

هُلعت أكثر " خييييير !! وش قاعد تقول إنت ؟ "

تكتف " عندك حل ثاني ؟ "

حركت يدها " خلاص مب لازم أرووح ."

رفع حاجب " مو بكيفك .. الناس عازمينّا فشلة نردهم .."

حست نفسها بتصيح " يعني وش أسوووي ؟ "

رجع إبتسم " قلت لك إفصخية أصلحه لك وإرجعي إلبسية ."

نجلا " وأفصخ قدامك عسى ! "

كتم ضحكتة " براحتك .."

تنهدت بيأس " خلآلآص طيب لف وأعطيني ظهرك ،، [ ناظرت فيه بقوة وقالت بشراسه ] والله إن تسرقت النظر لا أدخل إصبعي في عينك "

رجع على ورا بتمثيل " يمـآآآهـ .."

إبتسمت غصب " يلا عاد لفْ .. ولا أقولك إطلع برا ببدل وبعطيك إياه .."

أعطاها ظهره " خلاص ألف أحسن .."

تأففت بينها وبين نفسها .. لولا الحاجة والوقت كان ورتّه شغلة ..

دخلت ورا الستارا وفصخت الفستان وهي تتنفس بقوة وإرتباك بسبب وجودة معها بنفس الغرفة ..

طلعت راسه ومدت الفستان بيد .. واليد الثانية ماسكة بها أطراف الستارة لا تتحرك وتنكشف " يلا بسسرعة خذ ."

وليد ببرود يقهرها " ألفْ ؟ "

بنرفزة " إييييييييييييه يلا بسسرعة ."

لف وناظر بشكلها وضحك .. أخذ الفستان ومسكة من جهة السحاب .. وإنتبة لقطعة القماش العالقة فيه .. شدهل بقوة فرجعت لوضعها العادي .. رجع مد لها الفستان وأعطاها ظهره ..

لبسته وطلعت من ورى الستاره ..

وليد وهو يلف ." لحظة أن اسكره لك .."

ماردّت حست بالحرووف كلها ضاعت .

قرب منها وسحب السحاب بسهولة .. وهو يسمع صوت تنفسها العالي ..

بجرآه .. لفها له وصارت قباله .. بلع ريقة وقال بربكة بسيطة " خ.خلصنا "

زادت سرعت تنفسها .. قالت بهمس "شش..ـكرا "

ما حس بنفسة غير وهو يطبع بوسة هادية على خدودها يلي توردّت على طول ..

قال بهمس " وين مخبية هـ الحلا عني ؟ "

ضاع الكلام .. تملت عيونها بالدموع وقالت برجفة " موجود .. بس إنت ماتشووف ."

إبتسم بدفآ " مجنوون ."

قالت بتهور " حلفتك بالله مين أحلى أنا ولا هي ؟ "

عقد حواجبة " هي ! مين تقصدين ؟ "

قالت بعد صمت شبة طويل وهي تناظر بعيونة " ش..شهلا "

شهـلا ؟!!!!!!!

إرتجفت أوصاله .. لكنه قال بصدق " إنتي طبعا ."

رمشت " صادق ؟!"

هز راسه وهو يبتسم " صآدق ."

ماتدري وش جآها ..؟ بس ماحست بنفسها إلا وهي تقرب منه .. تقــرب وهو يناظرها بهدوء .. واللحظة يلي ينتظرها من زمان على وشك الحدوث ..

قبل لا تسوي أو تقول شي .. إنفتح الباب ..

ودخل ريان بهبال " يلآآآآآآآ تأخرنا ."

بعدّت نجلا على طول وهي حاسه بوجهها مشتعل . على عكس وليد يلي لف لريان وقال بعصبية " إنت وش جابك ألحين ؟؟ "

ناظرهم ببراءه " الساعه تسع ونص ."

ضرب وليد الأرض رجله بعصبية وكأنه يفرغ شحنات الغضب .. لف ناظر بنجلا وقال " أول مرّه أكرهه هـ الولد وأحس إنه سخيييييييف .."

ضحكت وهي حاسه بإحراج من نفسها ومن وليد ومن ريان ومن الدنيا كلها ..

××

بعد كم ساعه .. تجمع الكل .. وإمتلت الصالات الواسعه بالمعازيم من الطبقآت الراقيه .. على إن مشعل طلب إن الحفلة تكون عائلية .. لكن أبو محمد رفض .

نزلت ليان من الدرج على صوت راشد الماجد .. وقلبها واصل لحلقها بخوف ..

حست الطريق لكرسيها بعييد .. وماصدقت إنها وصلت له إلا وتجلس على طوول ..

شويـآت بس وبدأو البنات يرقصون ..

-

[ عندهم !..

شرب كآس الماي الخامس تقريبا .. وهو حاس نفسه لين ألحين ماطفّى الحريقة يلي بداخلة .

مع إن كل شي بيده .. يقدر بكلمة وحده يفركش هـ الزواج وينهي كل شي .. بس معلييش.. معليش إصبر وخلينا نطبخ على نار هادية ..

ناظر بمشعل .. ويلي إبتسامتة مافارقت وجهه أبد .. إبتسم هـ الحين وإفرح .. وشوف وش بيصير بعدين يا ..! يـآدكتوور هـه !

سمع صوت طلال يلي كان يحاكية من زمان .. لف له أول ما إنتبه " هلا وش قلت! "

طلال " لااا إنت مو معي أبد .."

تركي بإعتذار " معلييش . وش كنت تقول ؟ "

طلال بإبتسامة " كنت أقول عقباالك .."

لمعت عيونة بقوة " إن شاءالله .. "

جاهم أبو محمد .. وناظر بعياله " هاا أشوفكم هنا ؟"

تركي وهو منقهر من أبوه " وين نروح يعني ؟ "

أبو محمد وهو يسفهه " إلا أقول طلال ."

إبتسم " آمر يبه "

" مايامر عليك ظالم .. هـ الحين وشلونها زوجتك ؟ "

" الحمدلله بخير ."

" مالها علاج ؟ "

إرتبك وناظر تركي .. ثم رجع ناظر أبوه " علاج حق وشو يبه ؟ "

" علاج حمل ! "

دق قلبه بعنف " هـ..هاه ؟ حمل ! لا يبه الله يصلحك إنت تعرف إنها خلاص صارت عق..عقيم ."

هز راسه " أجل جهز نفسك .. كلها كم يوم ونخطب لك .."

ومشى من عندهم ..

طلال وهو فاتح عيونة ع الأخير ." وش قاال ؟"

تركي " مو وقته طلال ."

××

رفعت أطراف عبايتها شوي .. وجلست ع الدباب وقالت بتحدي واضح " إنسحب أحسن لك .."

ناظرها فارس وإبتسم إبتسامه جننتها " معلييش نتحداك ونشوف .."

فيصل " أقول فروس أنا خايف على مشاعرك .. إنسحب وإسمع نصيحتها ترى فجيير داهيه بسوالف السواقه .."

فجر بفخر " سمعتْ ؟ "

ضحك " أقول تراه دباب .."

عبدالإله " أجل خلاص تستاهل يلي يجيك .."

عدّلت نقابها وتمسكت " أقول يلا بس عدّوا خلونا ننطلق ! "

1..2..3 ..

ومابـآن غير الغبار ..

كـآدي وهي تمسك بأطراف عباتها يلي طارت من الهوا " الله يستر ."

كانت متحمسه حدّها .. فرصه تسابق هـ الفارس يلي شغلها .. وإن فازت عليه تحلو أكثر ..

أما هو .. كان يسترق النظرات لها . من قدّه فجر معه هـ الحين ..

قالت بصوت عالي علشان يسمع " أبهزمك ترااا .."

ضحك " نشوووووووووف .."

لفت ناظرت فيه بتهور " إنسحب يالمغروو.."

وماأمداها تكمل إلا وهي طايحه من ع الدباب على ظهرها ..

رفست الدباب برجلها قبل لايطيح عليها ويشوهها .. وإرتمت براسها ع الأرض بألم ..

وقف دبابه بسرعه ونزل ركض .. وقف عندها ونزل بجسمه " بسم الله علييك .. تألمتي ؟ صار لك شي .؟"

إبتسمت وهي تحمد ربها إنها متنقبة وإنه ماشاف هـ الإبتسامه يلي بغت تشق حلقها ..

قال واللهفة والخوف باينين بصوته " فجر .. فجـــر وش فييك ردي ؟ "

رغم إنها متألمه وحاسه بضلوعها تكسرت . إلا إنها مستانسة إنه خايف عليها ..

قالت وهي تحاول تجلس " آآآآآي .. لاتخاف مافيني شي ."

قال بتأنيب " الله يهديك ليه ماتنتبهين ؟ "

ناظرت بعيونة وقالت بإرتباك صابها " خخخخخ .. خ..خلاص حصل خير .."

وقف ومد يدّه بدون قصد " حتى وإنتي متألمه مروقة "

ناظرت بيده يلي مادها يبي يوقفها فيها .. حاولت تقوم من نفسها بس ماقدرت .. كل عظمة فيها تصرخ من الألم ..

حرك يده الممدودة " يلا ولا ترى بمشي .."

ماتبي تلمسه .. تخاف تخربها وتخق زوود ..

ضغطت على نفسها ووقفت وهي تتأوه بتعب ..

إبتسم على غبآئه .. وكأنه ناسي من هي فجر .!

مشى لدبابة .. وقلبه واصل لحلقة " هاا تقدرين تمشين ؟ "

رفعت دبابها وقالت بتآوه " إيه شدعوه ؟ "

خلاها تمشي قدامه .. وهو وراها يمشي على أقل من مهله خايف لا يصير فيها شي مره ثانيه !

××

حطت الخيار ع القطآعه .. وجلست تقطعه قطع صغيرة وهي سرحآنه ..

وتفكر بمكالمات فؤاد الكثيرة هـ الأيام .. وبخالد يلي من يجلس معها تنهل عليه الإتصالات ..!

حست بألم في إصبعها .. ناظرت وإنتبهت لإنها جرحت نفسها دون لاتدري .

بدآ الجرح ينزف بقوة .. طلعت للصالة وهي تركض وإنتبه لها خالد يلي جلس على حيله ..

سحبت لها منديل ولفته على إصبعها وهي عابسة بقوة ..

قام لها وقال بخوف " وش فيك ؟ "

ناظرت فيه " إنت يلي وش فيك ؟ أنا مافيني شي "

ناظر بالمنديل يلي إنصبغ أحمر .. قال بسرعة وهو يروح للغرفة " يوه جرحتي نفسك .. لحظة شووي خليني أجيب بلاستر .."

في أقل من ثانية صار قدامها ..

قالت بضيق " ما يحتاج شوي ويوقف ."

طنشها وسحبها من يدها ..

قال وهو يجلسها ع الكنب ويجلس جنبها " كان قلتي إنك تعبانه ومو قادرة تركزين .. "

" والعشآ من يطبخة ؟ "

إبتسم " الله يخلي شوآية الخليج .."

مسك يدها يلي صارت ترجف .. رفع المنديل وشاف الجرح ييلي بإصبعها ينزف ..

قال وهو يلف البلاستر عليه " الله يهديك مره ثانية إنتبهي ."

شادن " ......."

رفع راسه وناظرها .. إنتبه للدموع بعيونها ..

قال بخوف " وش فييك بعد ؟ "

رمشت وقالت بعد فتره بهمس مرتجف " مشتاقه لك والله .."

إبتسم لها " أدري .! "

رجعت يدها لحضنها " طب ليش تسوي كذا ؟ خالد إنت ماتحبني ؟ "

تنهد " وش رايك إنتي ؟ واحد عنده وحده مثلك ممكن يحبها ولآ لأ ؟ "

شادن " ...... "

خالد " نرجع مثل قبل .. ممكن ! "

ماردّت .. لأن جواله دق .. شاله من ع الطاولة وناظرها بإرتباك ..

وقف " عن إذنك شوي .."

عضت الإصبع المجروح وقالت بقهر " مافي فااااااااااااااايده ."

××

طق الباب على إخته .. وهو توه يسمع صرخات أمه المستنجده من ضرب أبوه .. كان بيدخل بس الرجال يلي يتنآدى " بأبوه" مقفل الباب بالمفتاح ..

سألت بخوف من ورى الباب " ميين ؟ "

طارق بإبتسامة " هذا أنا طاارق .. إفتحي هنووفة .."

فتحته بشويش وبخوف .. ناظرت بأخوها " أمي وينها ؟"

دخل " عند أبوي .."

إرتجفت " يضربها صح ؟ "

حاول يهديها " حاولت أساعدها بس ماقدرت .."

صاحت " يممه .. أكييد هـ الحين بيجي ويضربني بعدهاا ."

راح لها وضمها " لاتخافين .. أنا هناا ."

××

ناظرها وهي جالسه بعيد عنه وضامة يدينها .. ياقلبي هي. يانااس مو مصدق أناا .. مو عاارف أنا بحلم ولا بعلم .. بوااقع ولا خيال ؟

أنا هـ اللحين صرت زوج ليان .. وزوجها يعني خلااص كل الجدران يلي كانت بيننا بدأت تنهد .. آآآآآآه يازين هـ الليلة ..

قال بعد مابارك لها " وش فيك بعيدة ؟ تعالي عندي ."

ضمت يدها يلي بحضنها اكثر وقالت بهمس " لا شكرا .. هنا مرتاحة ."

وقف " أجل أنا بجييك .. [ جلس جنبها ] تدرين وأنا بعيد عنك مو مرتااح أبد ."



××

نهاية الفصل العاشر ..

[.. الفصل الحـآدي عشـر ..!]

:

:



{.. و..\\ إبتـدت لحظـَة [ جِفـآ ..× وِ ،، إنتَّهت لحظـَّة || وصـآل .×..

\

00



ناظرها وهي جالسه بعيد عنه وضامة يدينها .. ياقلبي هي. يانااس مو مصدق أناا .. مو عاارف أنا بحلم ولا بعلم .. بوااقع ولا خيال ؟

أنا هـ اللحين صرت زوج ليان .. وزوجها يعني خلااص كل الجدران يلي كانت بيننا بدأت تنهد .. آآآآآآه يازين هـ الليلة ..

قال بعد مابارك لها " وش فيك بعيدة ؟ تعالي عندي ."

ضمت يدها يلي بحضنها اكثر وقالت بهمس " لا شكرا .. هنا مرتاحة ."

وقف " أجل أنا بجييك .. [ جلس جنبها ] تدرين وأنا بعيد عنك مو مرتااح أبد ."



بعلت ريقها بإرتبآك .. وهي حاسته لازق جنبها .. ماتدري ليش هـ الحين بس وفي ذآ اللحظـة .. حسته إنسان غريب عنهاا .. دق قلبها بجنون .. وكل شي خطر في بآلها .. كل شي كل شي ..!

أشيااء لها داعي وأشياء مالها داعي ..

مشعل وهو يحط يده على يدها " لياان .. معي ! "

لفت ناظرت فيه وتوها تصحى من سرحانها .. سحبّت يدهآ بفزع قالت بتشتت " هلا ؟ "

مشعل بإبتسامة " يلي ماخذ عقلك ."

سكتت وماردت .. ماتدري ليش حست نفسها غلطت .. غلطت بإيش ماتدري ؟

يمكن لأنها وافقت على مشعل .؟ أو يمكن لأنهاحاسه نفسها تسرعت كذآ .. خطبة وملكة بسرعة ..!

كل شي هاجم خيالها .. وصور أهلها تمر في ذآكرتها ..

أمها ،، أبوها ،، و عبدالله !

وتركي يلي ماتدري وش طرآه على بالها ألحين ..

تجمعت الدموع بعيونها .. وماصحت إلا بهزآت مشعل الهاديه " ليان وش فيك ..؟"

شهقّت بدون وعي ،، وكإن الإدرآك وقف عندها .. ناظرت فيه بإستغراب وبدأت دموعها تسيل ..

خاف وبآنت اللهفة بصوتة " ردي علي وش فييك ؟ "

تكلمت بنبرة تقطع القلب " أبي أمي .."

عقد حواجبة بربكة " أمك ؟ "

بإنفعال إستغربة " إيه أمي .."

وغطت وجهها بكفوفها وبدأت تصيح بصوت عالي ..

لاحووووول ..! وش ذآ ؟ وش فيها ؟

حط يده على شعرها الأشقر المفتوح وقال بحنية وطولة بال " إذكري الله .. أمك الله يرحمها .."

ماردّت عليه .. تأفف بينه وبين نفسه .. وما درى وش يسوي ؟

وش جاب طاري أمها ألحيين ؟

طلع جواله من جيبه وهو يمسح على ظهرها ..

دوّر إسم ريتان و دق ..



...:::...



مهآ " والله أنا أوريه الدبْ .. أففف وحشني ."

نجلآ بضحكة " مع إن المفروض حنا من نشره علييك ؟ "

ضربت صدرها بخفة " هوو .. لييييش ؟ "

" ما تجين ،، ولا تسأليين ."

مها وهي قاطبة حواجبة بإعتذار " وربي أدري مقصرة معكم .. بس تدرين وش صار لي في الفترة الأخييرة .."

تنهدت " أنا من جهتي مقدره وربي .. بس ريآن آآآح يتوعد يقول مانشوفهاا ."

ضحكت " ياحبي له ريووني .. وربي مشتاقه له الخايس .."

جتها الضحكة أول ماتذكرت يلي صار لريان يوم دخل عليها هي ووليد .. والتهزيئات يلي جاته بالسيارة من وليد ..

آآآآخ ياولييد آآآخ بس .!

وعتْ على صوت مشاعل " مها ،، ترآ من جد الفستان ماخد منك حتّه .."

إبتسمت بخجل " يسلموو .."

نجلآ " من جد رووعه .. مشاءالله علييك من أحلى لأحلى ."

مها ووجهها أحمر " فديت قلبك والله ،، هذا ذووق طلال .."

مشاعل وهي تجلس " هههههههه دآم السآلفه فيها طلآل خلاص .."

نجلا " إلا صحيح وشلون طلال بعد الحادث ؟ "

إبتسمت بحب على هـ الطآري " الحمدلله .. خلآص مابقى شي ويفك الجبس ."

نجلآ " وربي هو طيب ويستاهل كل خير "

مشآعل " إلا تعالي نجلآ .."

نجلا " هلا ؟ "

بإبتسامة تخوف " صدق يلي صاار ؟ "

رمشتْ " ليه وش صاار ؟ "

مشاعل وهي تحرك حواجبها " ما رضى يتسكر السحااب ؟ "

إنصبغ وجهها على طول " نعم ؟! "

مشاعل " ههههههههه خلاص العلوم عندي .. أما عندكم بنت شي ! [ طقّت إصبع ] تكب العشا على طول .."

فتحت عيونها بكل قوة وقالت وهي تقوم بتوعد " روآآآنوووة .."

مها وهي تضحك ،، تكلمت بصوت عالي علشان صوت الأغاني " حرااااام علييك أحرجتيها .."

ردّت بصوت أعلى وهي تهز أسفل جسمها من الحماس " أحبْ ذي الإغنية ،، يلا قوومي بنرقص .."



...:::...



ريتآن بتنهيده يائسة وهي تنآظر ليان يلي لين ألحين تصيح " خلآص يابنت الحلال .. إهدي .. [ ناظرت أخوها ] إنت وش قلت لها ؟ "

قال بسرعة وهو يناظر ليان " وربي ماقلت شي .. هي فجئة كذا قامت تصييح .."

مسحت على ظهرها " بسم الله عليك ياقلبي .. أكييد عين من هـ الحريم .."

فتح عيونه على وسعهم " تهقينـه ."

ريتآن " كل شي جآيز .. أففف يآخي سوي شي تحرك ."

ناظر ليان بقل حيله .. وقال وهو يضمها بخفة " خلآص ليان .. خـلاص .."

ماحس غير بذراعها تلتف على خصرة وتشد بقوة ..

تنآفضت ضلوعـه ونآظر ريتآن بعيون حآيره ..

ريتان وهي تقرب راسها من وجه ليان المختفي بأحضان مشعل " لا تخآفيين .. وربي مآراح تلقين أحن من مشعل في هـ الدنيـآ .."

ناظرها بإمتنآن .. وهو يشوف فيها الإخت يلي ماجابتها أمه .. الحمدلله إنها رضعت معه وصآرت إخته بالرضاعه ..!

مشعل وهو يمسح على ظهرها بإرتجآف " تطمني .. ماراح أتركك أبد .."



مرتـآحه ؟ لآ !

حست بإحساس غريب .. أصلا الموضوع والوضع إثنينهم غريبيين عليها .. تحس نفسها تحلم والدنيا مثل الوردّه الذآبله ..

وش تبي ؟ سألت نفسها هـ السؤال وهي تشم ريحة عطر مشعل ..

غمضت عيونها بقوووة أكثر ..

يلي تبيه صآر .. صارت بأحضانه .. بأحضآن مشعل يلي شافت فيه النظرة الحنونة أول مافتحت عينها على هـ الدنيا ..

بعدّت عنه وهي حآسه بضيآع .. شتآت ونفس تآيهه .. هي نفسها ماتعرف ليش ..

إنتبهت لوجود ريتآن جنبها .. ومشعل يلي بللت جزء من ثوبة ..

حمر وجهها بإحراج وحسـت بسخآفتها وسخآفة هـ الدموع يلي مالها مُبرر

.. فقالت وهي تمسح دموعها براحت يدهآ " معلييش والله ! "

ريتآن بإبتسامة " أهم شي إنك هديتي ؟ "

مشعل " متضايقة من شي ؟ "

ناظرت فيه وحاولت تبتسم " سلآمتك .. [ ضحكت بخجل وهي تناظر ثوبة ] الظاهر نسيت نفسي .."

مشعل بضحكة " ياشييخة عااااادي .. "

ريتآن بشك " ليان إنتي مجبورة ؟ "

عقدت حواجبها وهي تتنفس بسرعه " مجبورة ؟ "

ريتآن وهي تناظر مشعل بإرتباك " ع الزواج أقصد .!"

ضحكت " لأ .. أنا مقتنعه فيه والحمدلله إستخرت وإرتحت كثيير .."

ريتان " الحمدلله .. بس يعني ..آآ يعني تصيحين ليلة ملكتك ؟ شي أول مرّه أسمع به "

ليان " غصب عني والله .. بس تذكرت أمي ،، و. وأهلي .."

" الله يرحمهم .."

ليان ومشعل " آميين .."

ريتآن بإبتسامه وهي تناظر مشعل " إن شاء الله حنا ماراح نقصر .. إعتبريني إختك .. وإمي أم مشعل أمك الثانية .. وإن شاءالله مشعل يقدر يسعدك .."

مشعل وهو يحك رقبته بإحراج " بإذن الله ،، أقول ريتآن ما ودكـ تتركينا بروحنا .؟ "

ريتآن تتصنع الصدمة " آآآ يالخـآين .. أول كنت ترتجيني أجلس معك .. وهـ الحين يوم شفت زوجتك تنكّرت ؟!"

قال بحب وهو يناظر ليان يلي يغلب على وجهها الحُمره " لا تلومني يآ إختي .. معي هـ الزين وتبيني أجلس مع غيرة ؟ "

ريتآن وهي تنآظر بوجه ليان " أعصاابك ع البنت .. [ وقفت ] يلآ أنا بطلع .. [ حركت حواجبها بمرح ] شوي وأرجع ومعي أمي تراا .."

إبتسم أول ما سكّرت الباب .. ونآظر بليآن يلي جنبه ..

همس " أحد ضايقك ؟ "

دق قلبها " لآ .."

مسك يدهآ وباسهآ " تأكدي ليآن .. عمري مارآح أتركك .."



...:::...



نآظر بأخوه يلي يتحقرص بمكآنه مو قآدر يقعد زين ..

تركي وهي يمسك طلال من كتوفه " طلال أربكتني ترا .. خلآص إهجد ."

طلال بإنفعال وهو يضغط ع العكآز بيدّه " إنت سآمع أبوك وش قآل صح ؟ هو صآدق ولا وش سآلفته ؟ "

تركي " يآخي لاتآخذ كلآمه صدّق .. يمكن قآل كذآ يختبرك ؟ "

بنرفزة " يختبر وشو ؟؟ إسمع ووصل له الكلام .. أنا غير المهـآ مآ أبي .. مـــــآأبي فاهمين .. حتى لو كان على حسآب إني أنحرم من العيال طوول العمر .. "

وقف بنرفزة ومشى .. طلّع برآ للحديقة الكبيرة يلي في بيتهم ..

وهو يتنفس بضييق ..

وش هـ الأبو يلي يفصل ويلبس عياله على كيفه ومزاجة ..؟!

حتى من غير لا يتأكد إذا هم راضيين عن إختيارة ولا لأ ؟

دآيم كذا .. طول عمره كذآ .. ما يتووووب عن قراراته المتسرعة .

ومآ يعتــرف بخطأه حتى وإن كآن غلطان ..

طلع جوآله ودق على أمه يلي ردّت بعد فتره ..

أم محمد وهي تبتعد عن الصاله يلي يصدح بها صوت الأغاني " هلا طلال .."

إبتسم .. وهو يشوف " منى " القديمة ترجع لهم ألحين ..

قال بهدوء " يمه ."

علّت صوتها يلي تنآقض مع الهدوء يلي هو عايشة " هلا .. وش بغييت ؟ "

طلال " أبيك يمه ..[ بضيقة غلفت صوته ] محتاجك والله .. أبي أشكي لك . محتااج أفضفض لك "

" خير إن شاءالله ..! وش صاير لك ؟ "

طلال " أبي أشوفك ! أقـدر؟"

بعد فتره " ألحين ما اأظن .. في حريم كثير ما أقدر حبيبي .."

تنهد " خلآص طيب ..[ قبل لا تقول شي ] مع السلامة ."

سكّر من قبل لا يسمع ردها ..

ناظر شاشة الجوال وهو مبتسم .. الظآهر حتى إنتي يمه مستحيل تتغيرين ..!

جلس على واحد من الكراسي الكثيرة ..

وبدآ يحرك العكاز بالأرض بملل .. بس لو يدري هو ليش ما توفق بالزواجه هذي ؟ مع إن مهـآ مافي أحسن منها .. تنحط ع الجرح ويبرى زي مايقولون ..

بس الظاهر الكل ضدّه مو بس أبوه ..!

خطر في بآله يكلمها .. بس وش يقول ؟؟ أبوي بيخطب لي ؟

مستحيييل ..

ما قـدر .. وراح يدور إسمها بالقآئمة .. تردد يضغط ع الإتصال أو لآ ؟

يضغط ؟ لآ !

زفر وهو يضغط ع الأحمر .. ويروح للرسآيل ..



أبيــك يآ مهـآ وربي أبيييييك ..



أرسل لهآ "



فيك الأمل / لا ضاقت الدنيا علي

وفيك الفرح " لازادت جروح الأيام"~





" وش تسوي يالرومنصي ؟ "

لف بإتجآه الصوت يلي كآن وراه وإنتبه لوجود وليد " هلا أبو ريان .."

لف حول الكرسي " أقدر أجلس معك ؟ "

بإبتسامة وهو يرجع الجوال بجيبة " أكييد حياااك .."

جلس " ما رديت علي .. وش جآلس تسوي هنا بروحك وسط الشجر ؟! "

ناظر بالشجر قدآمه " أبد ! ضآق صدري داخل فقلت أجي أشم هوآ هنا ..[ ناظره ] إنت يلي وش جآبك ؟ "

حك ذقنه " ولا شي .. جآني إتصال وطلعت أرد بالهدوء .. إلا صحيح مبروك لبنت عمك .. من جد زوجها باين علييه آدمي وولد حلال ."

إبتسم " الله يبارك فييك .."

وليد " مهآ داخل عند الحريم صح ؟ "

إرتبك " إيه .. ليه بغيتها بشي ؟"

وليد " لا .. بس ودي اسلم عليها .. من يوم ماطلعت من المستشفى ما قدرت أزورها [ سكّت شوي ].. حتى أهلي صح ؟!"

إبتسم بضيقة " أهلك من دخلت المستشفى ماجاو غير مره أو مرتين ..[ حط يده على كتف وليد ] لا تخاف تعودنـآ على طبآعهم .. "

وليد " والله أنا مو حآرق قلبي غير مهآ .. وربي ما تستآهل .."

طلال وهو يرجع ينآظر قدآمه " خليها على الله .."

وليد " ونعم بالله [ بإرتبااك ] طلال بقولك شي ! بس أوعدني تفهمني من غير لا تعصب "

أخذ نفس " وشو ؟ "

" أوعـدني أوول ."

غمض عيونة " بحاول ."

وليد وهو يآخذ نفس جامد " أمس كنت عند أهلي .."

نغره قلبه " إيه ! "

وليد " و. والله مدري شلون أقولها لك .."

إبتسم بألم " قول يآ أخي قول .. وش نآقصك إنت عنهم ؟ "

عقد حواجبة " عنهم ! "

طلال " ما عليك .. قول وش فيهم أهلك ؟"

وليد بعد فترة وهو يناظر وجه طلال " يبون الطلاق منك "

رفع حواجبة وهو يرمش " طلااق .!"

ناظر قدامه " يبونك تطلق مها "

تلامعت الدموع بعينه .. هنـآ بس تأكد إنه مستحيل يتهنى ..

أطلقهـا ؟! وهذآك يبيني أتزوج عليها ؟!

وش فيهم الناس علي ؟ وش معنى أنــا ؟

وليد " طلال لا تخاف .. أنا قلـ"

قاطعة وهو يوقف .. قآل بصوت مخنوق " شوفوا كلكم .. [ نآظرة ] إنت وأهلك وأبوي ومها حتى .. أنا مستحييييييل أتركها .. سآمع ! مستحيييييييييل ،، وإن فكّرت هي بذآ الشي وطلبته مني بنفسهآ .. مستعد أذبحها وأذبح نفسي بعدها .. "

تركه ومشى .. وما إهتم لندآء وليد له ..

جلس يمشي والدموع ماليه عيونة .. لا أحد يقول رجآل !

ولا أحد يقول دمعة الرجال غالية ولا طـآحت إنهان !

هو مستعد يتخلى عن الرجولـة وكل معانيها بس لأجل عيون مها !

مستعد يبكي بدل هـ الدمع دم .. بس ما يبتعد عنها ..

مستعد يسوي أي شي ..! بس هـ المهـآ تضل معه ..



...:::...



سألت بإستنكآر " وش يعني ؟ "

مرآم بنظرآت قآتله لأسيل " يعني ! أنا رجعه لسعوديـه مستحييل أرجع ."

رفعت حواجبها " وليش طيب ؟ "

مرآم بعد صمت " بس ! مقدر أرجع وبس "

أسيل وهي تقرب كرسيها بحماس " مآفي شي إسمه بس .؟ أعطيني سبب واحد أقتنع به "

مرآم وهي تزفر " أمممم وش أقول لك ؟ "

أسيل " كل شي .. كل شي كل شي ..! وأول شي أبي أعرفـه سالفتك بالضبط .. يعني .."

تنهدت " إحم .. يلي يشوفني وش يقوول ؟ "

أسيل " شلون ؟ "

" يعني وش يعطيني ؟ من أي دوله ؟ "

أسيل " بصراااحه .. ما يقول سعودية أبد .."

مرام وهي تلوي بوزها " وهذآ واحد من الأشياء يلي ممكن تعرفينها عني ..ويمكن يكون أهم شي بعد من يدري ! "

قالت بصوت عالي خلّت كل يلي بالمطعم ينتبهون " مو سعووودية ؟ "

مرام بفشلة وهي تناظر حولها " أشششش الله يفضحك "

أسيل بدون وعي " مو سعووودية .. إنتي ؟!"

مرا وهي تعفس ملامحها " سعودية ومو سعودية .. يعني نص ونص ! "

شربت العصير يلي قدامها دفعة وحدّه " أقول فهميني بدون ألغاز "

مرام وهي تآخذ نفس " أمي سوريـة .. وأبوي سعودي .. و.."

بترقب " و .؟"

مرام " وجيتي على هـ الدنيا غلط "

أسيل " مرام ! يا أخي تكلمي زي الأوآدم .. وضحي يعني "

مرام .." أبوي كـآن أ..."

قطع عليهم جيّت فهد وسآمي يلي بآين متهاوشين ..

سامي وهو يسحب الكرسي ويجلس " ترآهـ صرعني .."

أسيل وهي تناظر بمرام " منهوو ؟ "

سآمي وهو ينآظر فهد يلي واقف عند راسه " من غيرة ؟ أفففففف يطّفش "

فهد بنرفزة واضحة " تدري إنك ما تستحي ! تدري ولا لأ ؟ "

أسيل " يّـه وش قالبكم كذا ؟ توكم اليوم بالجامعه وش زينكم مع بعض "

سآمي بإنفعال " هـ الولد عقله غريييب .. ساعه رااايق وساعات معصب .. والمشكلة يعصب لأشياء أنا ما أعرفهاا ."

مرام وهي تناظر فهد بإرتباك " حياك فهد إجلس ليش واقف ؟ "

فهد " منب قليل ذوق مثل بعض الناس [ ناظر سامي بنص عين ] قلت يمكن وراكم سالفة ولا شي "

أسيل بضحكة " هو حقيقة كان فيه سالفة وقطعتوها .. بس معليش تكملها لي بعدين ."

فهد وهو يمسك سامي من بلوزتة ويشده " سمعـت .؟! يلا قوووووووم يالتـآفه "

سآمي بضيق وهو يحاول يفلت من يد فهد " فهداان وخرْ يدّك لو سمحت "

مرام وهي توقف " معليش أستأذن منكم "

سآمي " وش فيك إنتي بعد ؟ ليكون أزعجتكم صدق ؟ "

مرام وهي تبتسم بذبول " لا والله .. بس تعبانه شوي وبروح أرتااح .. [ ناظرت بأسيل وقالت بتهديد مُبطّن ] أسولة الكلام يلي ينقال لا أحد يعرفة فآهمة ؟!"

أسيل " شدعووة .. سرك في بير يختي ."

إبتسمت لها وراحت ..

أول ماطلعت من المطعم تنفست بعمق . وصآرت تآخذ شهييق بكميات كبيرة ..

ماتدري يلي سوته صح ولا غلط ؟ صح إنها تعترف وتقول جزء من حقيقتها لأسيل ؟

صح إنها تقول مآضيهآ لوحده غير نفسهآ ؟ صح تكشف عن " عآرهـآ " وماضيها المخزي ؟

بس لو تلقى أحد يجااوب .. كان إرتاحت من هـ الضيق يلي هي رامية نفسها فيه . كآن أقل شي حسّت إن في أحد يهتم لهاا .. ويتعب نفسه ويجاوب .

مو مثل أبوها وأمها " السوريّه "!



...:::...



في جدّه ..

:

تكلمّت زوجة الأب " شوف يآ عوآد .. أنا عيشة زي كدّآ مش حقدر أعيش ؟ إش دآ ما صآرت ؟ معيشنا برعب ع الفآضي "

أبو رؤى " إش تبغيني أعمل إن شاء الله .."

قالت بطريقة آمره " واحد من الأتنين .. يا إنك تسكر جوالك وما ترد على أخوك المزعج .. أو إنك تغير رقمك .. افف "

ناظرها على جنب " صوني لسانك يا حُرمَّه "

وقفت " قلتها ليك ومش حكررها .. لو سمحت إلقى لنا حل مع إتصالات أخوك المُزعجة .. ولا .... ولا بيت بابا موجوود .."

وإستحقرته ومشت ..

ضرب الطاولة بيده وهو معصب " يلعنك ويلعن أبووك يا شيخة "



...:::...



دخل البيت وهو مسكر جواله .. خلآص ميب حآله ذي .. إلى متى

وهو كل ماجآ بيحكي كلمتين مع شآدن يدق ويخرب الجو ؟

فتح الباب بمفتاحه ودخل للصاله .. إنتبه لها جالسه ع الكنب ومدده رجلها وحاطتهم ع الطاولة يلي قدامها . وبيدها صحن إندومي تآكل منّه ..

أول ما شآفته ناظرته نظرآت مايدري وشهي ؟ طنش وما إهتم ..

معليش خالد إنت رجال ولازم تصبر ..

توجه لها " مسآ الخير ."

ناظرت فيه .. ورجعت ناظرت التلفزيون " أهليين .."

خالد وهو يجلس جنبها " أقدر أحكي معك ؟"

شآدن بعد فتره " تفضل "

خالد وهو يآخذ نفس " عاجبك وضعنا الحيين ؟ "

رفعت حاجب ببرود " وش فييه وضعنا ؟ "

حآول يخفي تنرفزة من إسلوبها " قولي وش مآفيه ! شادن إنتي عاجبتك العيشة يلي حنّآ عايشينها ؟ متزوجين ومو متزوجين ؟ وربـي صرت ما أطيق أدخل البيت لأنـ."

قاطعته بتسرع " لأني فيه صح ! "

زفر " من قاله ؟ شـآدن العنـآد والمكـآبر خليهم على جنب وإصحي .. شوفي وين كنّآ وشلون صرنا.. والسبب غيرتك يلي مالها معنى .."

قالت بإنفعال وهي تعتدل بجلستها " أنا غيرتي يلي مالها معنى ؟ ولا إنت يلي تصرفاتك تخلي الواحد يشك غصب ..؟! إنت تعرف وش معنى الحرمة تغار ؟ تعرف ولا لأ ؟ [ بقوة ] معناها تشك بكل يلي حولها .. تشك من نفسها حتى .. تطعن بأنوثتها وكل شي فيهاا .. تهدم حياتها وزوجها .. وتضحي عن كل شي .."

خالد " دامك عارفة معناها ليش تسوينها معي ! ناوية تهدمين بيتك ؟ "

شادن وصوتها يعلى " منك ؟! كل شي صــآر لي منك ؟ أغاار علييييييييييك لأنك إنت يلي نمّيت هـ الشي فيني ..! "

أشر على نفسه بإستنكار " أنا !"

شادن " إيه إنــت ! قتلتني مرتيــن .. وألحين عايشة برعب أنتظر تقتلني مره ثالثة .."

مسكها من كتوفها " شـآدن إنتي وش جالسه تقولين ؟ مستحيل يصير يلي إنتي تفكرين فيه "

نزلت راسها .. وطآحت دمعه مثل السهم على خدها .. قالت بصوت خآفت " خـلآص خآلد .. حآسه فيك .. وربي حاسه ..! إذا تبي تطلق طلق عادي .. خلاص ما عدت أتأثر .. [ شهقت ] لا تخليني أتعلق فيك مثل قبل وتطلقني في الليلة يلي بعدهاا .. أبي أروح من عندك وأنا أحبك .. شـآيلة المحبة شوي وذكريآتنا الحلوة ..

ما أبي أروح لبيت جدتي وأنا اكرهك وحـآقده علييك .. [ نآظرت فيه وإبتسمت ] أبي أكمل باقي عمري ولك معي شي أذكره .."

لمعت عيونة .. وقال بإرتباك " آآ.. شـادن بيدك كل شي .. إنتي يلي تقدرين تنهين كل شي إذا بغيتي .. أو ترجعين وتحطين يدك بيدي ونبدآ من جديد مثل قبل .."

إبتسمت بخيبة .. وقآلت وهي تمسح دموعها براحة يدها " بيدي ..! هـه يا حسرة ..

أنا لو كان الموضوع بيدي زي ماتقول كان ريحت عمري من هـ الإتصالات يلي تجييك .. [ ناظرت فيه بشك ] خآلد إنت تعرف وحده غيري ؟ "



...:::...



لمى وهي تتنهد بتعب " شذى وربي طفشتيني .. قلت لك مافيني شي خلاص ."

شذى وهي تجلس ع الكنب " مو مصدقتك .. مستحييييل ..! وين لمى حق أول ؟ وش صار لك يا إختي ؟ "

حست بالصيحة " ما صار لي شي وش بيصير يعني ؟ "

شذى بشك " متأكده ؟ "

لمى : إيه .. [ قال تنهي النقاش يلي صار له ربع ساعة ] أقول ليان لين ألحين عند مشعل داخل ..؟ "

إبتسمت " إيه .."

لمى " والمصورة عندهم ؟ "

شذى وهي تهز راسها " خلصت من زماان "





وقفت " يلا أستأذن أنا .."

وقف وناظرها برجآء " لا تكفيين زيدي خمس دقايق بعد .."

ضحكت " صار لي أكثر من ساعه جالسه معك هناا .. والله فشلة وش بتقول الناس ؟ "

ناظر بالسقف " بتقول عنده وحده قمر ما قدر يشيل عيونة من عليها .."

حمر وجهها " صدق مشعل أنا حلوة ؟ "

بهيآم " حلوة وبس ! إلا قمــر ."

تنهدت " تسلم .."

" تعالي صحيح بتبدأين دوام بالجامعة صح ؟ "

إبتسمت " إيه .. على بداية الترم الثاني إن شاء الله .."

حرك حواجبة بمرح " ودخلتي طب صح ؟ "

ماتت في مكانها .. فقالت وهي تمشي للباب " يلا عن إذنكـ .."

سمعته يقول " ترآآ بيننا ألووو لا تنسييين .."

ضحكت من قلب .. الحمدلله يارب ..

مو مصدقة إنها الحين صارت زوجته .. مو مصدقـة أبد ..

طلعت من عنده وعلى طول طلعت لغرفتها .. ماتبي تشوف أحد .

شوفتها لمشعل أغنتها عن الناس آجمع ..




...:::...

{ تس‘ـلم |[ آلبحـ‘هـ, ]| ويس‘ـلم لي آلصـ‘وت ! } ..



××





قآلت بنرفزة وهي تنزل سمآعآت الآيبود من إذنها " أفففففف .. أزعجنا ولدك ترا "

سآره بطفش وهي تناظر فجر " يختي وش أسووي ؟؟ ولد أخووك دلوع ."

وقفت وراحت لها " وش يبي يصيح ؟"

سآرة وهي تشيل " سعيد " الصغير ويلي تمدد ع الأرض يصييح " يبي يطلع برا "

فجر ببساطة " خليه يطلع .. الشآليه آمن ."

سارة " لا ياشيخة .. أششش ماما خلاص إسكت .. [ ناظرت فجر ] وإفرضي راح للبحر ولا طب بالمسبح ؟ أنا وش أسوي ساعتها .."

تأففت " طيب صياحة مزعج .. أزعجني .."

سارة بقلة حيلة " أجل أنا وش أقوول ؟ "

فجر بعد فترة وهي تحط يدينها على راسها " آآآآآآآآه راسي .. أفففف سعدونتي خلاص إسكت .. ودية عند أبووة "

سارة وهي تهز سعيد " بالله ! ماتعرفين أخوك ! أخاف تاخذه السوالف ويطلع الولد ."

فجر بتحلطم " عليك أعذاار .. [ سكتت تفكر ] خلاص هاتيه بطلعه وآمري لله "

كادي خاشة عرض " لا سارونة إنتبهي .. أخآف تحط حرتها فيه "

فجر " خيير وش شايفتني ؟ [ شالته من سارة بقوة ] هاتيييييه بنتبه له "

سارة " أكييييد .."

فجر وهي تمشي " أكيدين وش شايفتني ؟ "

نزلته ع الأرض وصارت تمشي جنبه وهي ماسكة يده ..

سعيد يلي مابعد يكمل 5 سنوات " عمتوو .. نبي مسبخ "

خزّته وهي تفتح باب المبنى بتنزل " مسبخ بعينك ! بنروح للبحر وأشووفك تهايط ."

وقف بإعتراض " بخر لأ .. مسبخ إيــه "

بعصبية وهي تسحبة مع يده بقوة " أقول ولد حمييد لا تصرعني ! ترى برجعك عند أمك .."

برطم وهو يمشي معها بإنصيآع " أنا ما أخبس .."

ضحكت " عسى عمرك ما خبيتني ..، صدق ورعآن آخر زمن .."

سعيد وهو إلى الآن يكمل مسيرة الشتآيم الطفولية " إنتي مو خلوة ..،، بقول لعمي فيصل علييس .."

ضحكت أكثر وهي تسمعه شلون يتكلم بالقصيمي يلي ما يعرفة ..

سعيد بصراخ ونرفزة " وعمتي فرخ .."

وقفت ونزلت لمستواة .. ضحكت بهبال " عمتك فرخ ! من وين ذي ؟ "

سعيد وهو يناظرها ويناظر بشعرها المفتوح " أنتف شعرس ترا .."

حركته بغرور تبي تستفزة " أتحدااك .."

جا بيمد يده لكن مسكتها على طول ..

قالت وهي تضمة وتقلد طريقته بالحكي " خبيبي إنت .. "

رجعت وقفت ومشت معه للبحر .. قالت وهي توقف قدامه وتآخذ نفس " الله يازين المكان .."

ترك يدها وجلس ع الأرض بإعتراض " أنا ما أخبه .. أبي مسبخ .."

فجر وعيونها تلمع بقوة " سعدونتي إسكت .."

عم الهدوء المكان .. ومآبقى غير صوت الموج .. ولمعة البحر بذآ الظلمة !

صـآرت الأفكار تدور برآسها .. وبين كل فكرة وفكرة يطلع لها فارس .

هي ما حطت في بالها بيصير معها كذا ..

ماتدري إن مشاعرها بتصير بذآ التشتت ! مبهمة ماتدري وش

بهـآ !

ماتدري إذآ تحب ..! ولا .. ولا تميل !

ما تنكر إن فآرس أخذ مكانه بقلبها .. بس وش كُبر هـ المساحة ماتدري ؟!

ممكن تستغني عنه ..! ماتدري بعد !

يلي تدرية شي واحد بس !

إنها إن ماشافته باليوم مرّه ع الأقل ..

تحس نفسها ماعاشت يومهـآ صح !

بالله هذا وش يسمى ؟

إبتسمت وهي تتخيل شكلها بالفستان الأبيض .. وفارس جنبها ..!

صدق تخيُل مجنون .. بس حلووو !

قطبت حواجبها بخوف .. وهي تتوقع إن فارس ممكن بيوم ترجع له ذآكرته ..

ويرجع لأهله .. ويتركهـم !

صدق بتنهبل ..

لفت بسرعة أول ما إنتبهت إن سعيد مو جنبها ..

وشهقت بصوت عالي أول ما شآفت فآرس واقف بمسافه بسيطة

ورآها وبحضنة سعيد ..

وعلى شفآيفه إبتسآمه هآديه ..

وقف تنفسهآ وهي مرتبكة مو عارفة وش تسوي ؟

حتى الحركة ما قدرت تتحركها ..

قالت بصوت متقطع " إنت .. إنت من .. آآآ وش جآبك ؟ "

نزل سعيد ع الأرض وقآل ببحّه مميزة " ولد أخوك ناداني "

ناظرت سعيد بشراسه وهو قام يضحك .." أخب فآرس ."

بغضب " حبتك القرادة يالزفـت .. [ تذكرت إنها بدون عباءه وماعليها غير برمودآ وبلوزة نص كم ،، وشهقت ] يووه لا تنـآظر "

فآرس وهو يمشي بضحكة " لا تجلسين بذآ المكان بروحك ..! مو زين بالليل "

تجمدت نظراتها عليه وهو يمشي ومعطيها ظهره ..

وش يعني ؟

خـايف علي ؟!

إلا والله إنــــــه خايف علي ..

ناظرت بسعيد يلي نزل بجسمة يلعب بالرمل .. راحت له ورفعته وصارت تدورة بالهوآ " خااااااااايف علي .. خاااااااااااااااااااااااااااااااااايف عـلــي .."

سعيد وهو يضحك " ههه.. آآآ...ههههههههه عمتوو "

نزلته ونزلت لمستواة .. قالت وعيونها تلمع " أخبك ياولد أخووي .."

عقد حواجبة " بس أنا ما أخبك .."

فجر وهي تضمة بقوة " فديت أُمن جآبتك والله "



...:::...



بالليل .. على حدود الساعه 2 ..

:

رجعوا للبيت .. وهي ملآحضة التغير في وجه طلال يلي من ركبت معه السيارة

ماتكم بحررف واحد !

فصخت عبايتها ورمتها ع الكنب .. ومسكت يد طلال قبل لا يروح للغرفة ..

لف ناظرها وهو يسأل بعيونة ..

قالت بشك " طلال فيك شي ؟ متألم ! "

نآظر بالارض وكأنه يتهرب من النظر لعيونها " لأ "

تركته وهو سحب يده .. طلع الدرج ببطئ .. وعكازة يتقدمة ..

جلست ع الكنب فوق عباتها المرميه .. وحطت يدينها تحت ذقنها تفكر ..

فيه شي؟ طلال مو من عوايده يسكت كذا !

هو من النوعية يلي تتكلم كثير .. مو " ثرثرة " لأ ..

والغريب أكثر إنه ما علق !

حتى لمى سألته عن المسج الغريب يلي جآها منه .. مارد !

رفعت راسها لفوق وهي تآخذ نفس ..

الظـآهر خلآص يا مها .. مابقالك شي معه ..

مل مني ؟

ترددت هـ الحروف داخلها بعنف .. وصدّآهـآ فجر قلبها .

معقولة ملْ ؟ معقولة إشتهى يكون عنده ولد أو بنت ..؟

حنْ يكون له فرحة بآخر عمره يوم يسلم بنته لرجآلها ؟

ولآ يوم يستلم شهآدة تخرج ولدّه من أكبر جآمعه ؟!

معقوووولة ؟

غطت وجهها بكفوفها .. وكأنها تمنع دموعها تطيح ..

لاتضعفين يامها .. إن ضعفتي ألحين بأول الطريق وشلون بتكملين باقي حياتك ؟

هو رجآل .. ومن حقّه يصير له ولد يتنآدى بإسمه ..!

وهي بعد ..! هي بعد مرّه وتبي تتنآدى بأم فلان ..!

اللهم لا إعتراض ! اللهم لا إعتراض ..

كررتها بنفسها أكثر من مرّه .. ربي كآتب هـ الشي ..

وكآن بيصير برضآي أو بدونة ..

" يـآرب سخر زوجي لي .. يــآرب سخر طلال لي ياااااارب "

وقفت وهي تردد هـ الدعوة بقلبها ..

هي ماتبي شي ، ماتبي لا ولد ولا بنت ولا تبي أحد !

ماتبي غير طلال .. هو ولدها وبنتها وأخوها وإختها وكل شي ..

إن توفر لها ،،، مستعدّه تترك العالم كلهم ..

تركت عبآتها وشنطتهآ .. وهي حآسه بالدمعة ودها تطيح .. وإنها ممكن تصيح

بأي لحظة ..

طلعت الدرج بتثآقل .. وكل فكرة " سودآوية " خطرت في بالها .!

فتحت بآب غرفتها ودخلت ..

شافت طلال جالس ع السرير وإلى الآن بثوبة وشمآغة ..

لا الرجال أكييد به شي .. !

رفع راسه ونآظرها ،، قال وهو يتأمل شكلها " الجذاب " طولتي !؟"

تنهدت وقآلت بتصريفة مفبركة " إيه رحت أشوف إذا فوزية نامت ولا لأ ؟"

إبتسم بتعب " تلاقينها نامت من زمااان المسكينة "

مآردت وراحت لدولابها تطلع لها شي تلبسة ..

تبي تنام وتريح أعصآبها التلفآنه ..

كآفي التفكيير يلي تفكرة كل يوم وبكل دقيقة وإنها " عقيم " ..!

وإنها ماراح تقدر تسعد طلال بطفل .!

طلعت لها أول بجامة شافتها قدامها .. ودخلت تبدل ..

نزلت وهي ترفع شعرها وتتوجه للتسريحة تدور لها على شباصة ..

طلال وهو يتمدد ع السرير " شلون الملكة ؟ "

مهآ وهي تآخذ منديل جونسون " حلوة .."

" وليآن شلونها ؟ أكييد فرحآنه !"

هزت راسها وبدأت تمسح المكياج من عيونها " إيه .. الله يوفقها تستاهل الخير والله .."

سكت ومارد .. وجلس يتأملها من المرايه حق التسريحة وهي معطيته ظهرها ..

أول ما خلصت لفت على فجئة .. شافته سرحان ويناظر ..

مها " طلال وش فيك مو على بعضك ؟ "

إنته " هلا ؟ وش قلتي ؟ "

مشت متوجهه للسرير " أحد ضايقك اليوم ولا شي ؟ "

تبعها بعيونة .. إلى إن جلست جنبه " أممممم مها !"

رمشت " عيونها .. تكلم قول لا تخااف بسمعك لنهاية .."

تنهد " وش رايك نسافر ؟ "

رفعت حواجبها بتقوس " نسافر ؟ "

طلال " إيه .. نروح أي مكان .. نغير جو شووي ونرتب أوضآعنا [ تنهد ] محتاجين لذي السفرة كثييير .."

جلست وهي ترفع اللحاف وتتغطى " أنا قلت فيك شي ..! بس ماصدقت و كذبت إحساسي .. [ نآظرتة ] مليييت ! "

رفع حاجب " مليييت ؟؟ وش قصدك ؟ "

مها وهي تناظر قدام " لا تسوي نفسك ماتدري .!"

طلال " وربي مها مدري عن شي .. تكلمي وش تقصديين ؟ "

أعطته ظهرها وهي تتمدد .. غطت وجهها باللحاف وقالت بصوت يرتجف " تصبح على خير ! "



...:::...



هـَذَّآ الحَّنـآنْ إليْ لَه القَلبْ {.. محتَّـآج ..!

أرجوٍكـْ \\ زِيـدْ بِآلـعـطَّـآ [.. و ,, إحتـِوينيْ .

. }~ وإنْ كَّـآنْ شِفـتْ في َّ وِصآليِّ لّكـ × إحْرَّآجْ ×

فِي صمْت أَحِبكـْ بِيّن {.. قَلْـبِي وَّ بِيـ’ــنِّي ..}~

:



قبلهـآ بوقت ..



وصلهم قدام باب البيت ..

فتحت الباب وهي دايخة تدور ع السرير تبي تنام ..

لكنه قال" نجلا ."

دنقت براسها لداخل السيارة " نعم ؟"

إبتسم " لا تناميين .. أبيك بسالفه "

" سالفة ؟ "

ناظر قدام " بوقف السيارة وبجييك .. "

هزت راسها وسكرت الباب ..

ومسكت بيد روان وريان يلي يتصادمون في بعض من كثر النعس ..

ودخلوا لداخل ..

ودتهم لغرفتهم وهي لين ألحين بعبايتها ولافه طرحتها على شعرها ..

حطت روان وغطتها ،، قالت وهي تحب راسها " عسى الله لا يحرمني منكم .. لا إنتي ولا أخووك و.. ولا [ بهمس خجول ] ولييد "

نزلت من عندهم بعد ماقفلت الأنوار وردفت الباب وخلت جزء بسيط منه مفتوح ..

نزلت للصالة وجلست ع الكنب بترقب . وقلبها يدق تبي تعرف وش السالفة ..



..♥ نجـلآ ♥..

عضيت سبابتي بحيرة .. وينه هذا طول ؟

هزيت رجلي بتوتر .. وكإني أنتظر نتيجة شي ..

أو خآيفـة من خبر !

وش السالفة ؟ أموت وأعرف ..

خخخخ صدق حرييم !

رفعت عيوني للصورة يلي معلقة بوسط الجدار .. ويلي

كآنت كبيرة نوعا ما ..

دققت في ملآمح الإنسآنه يلي فيها ،، وقويت من العض على سبابتي يلي راح نص المنآكير الموفي منه وصآر بفمي ..

وععععع أدري !

جلست أتنفس بصعوبة وأنا إلى الآن معلقة عيوني بملامح إختي ..

أو ... ممممم نقدر نسميها ضرتي ولا لأ ؟

صحيح ماتت ! بس إلى الآن أحسها موجودة معي .. في كل مكان بالبييت ..

أشوفها بريان وروان يلي يشبهون لها .

أشوفها بـ.. بقلب ولييد !

وليييييييد زوجي يلي مو قآدر ينسآهآ . إلى الآن أشوف لمعة الحزن بعيونة .

وإنه تندم إنه أخذ وحدّه تقرب لـ " شهلآ " الله يرحمها ..

أحسه أحيان بينآديني بشهلا .. بس ينقذ نفسه قبل لا ينطق الـ "ش"

وربي صرت أغار تخيلوا !!

أغـآر من وحدّهـ تحت التراب ..!

بس معي حق ولا لأ؟ تكفون جاوبوني معي حق ولا لأ ؟

" في وشو ؟ "

رفعت راسي لصوت وليد يلي واقف قدامي ومدري من وين طلع ..

ناظرني بإستغراب " تحاكيين نفسك ؟ "

تفشلت وحمّر وجهي ،، مادريت إني أفكر بصوت عالي " آآ.. ليه تأخرت ؟ "

جلس جنبي " ليه طفشتي ؟ "

هزيت راسي " جآني النوم .. يلا وش السالفة ؟ "

سكت شوي وهو ينآظرني وأنا مو فاهمة من نظراته شي ،، ثمن قال " أول ليه بعباتك ؟ "

ناظرت نفسي ومسكت الضحكة .. لا الظاهر من زود اللقافة حتى عباتي مافصختها ..

قلت أرقع " بس كذآ .. من اليوم ورايح بمشي بالبيت بعبآيه ."

رفع حاجب " لييه مُسْتَخْدَّمة جديدة ؟ "

ناظرتة بنظرة حقد مصطنعة " منب رااده .."

ضحك " ياحبي لك نجـلآ .."

تصنمت بمكآني ..!

هو وش قآل ؟

ناظرني " وش بلآك ؟ "

رمشت وقلت بصدمة " وش قلت ؟ "

" ماودّك تعرفين السالفة .؟"

طييييييب يا أخ وليد .. نشوف وش آخرتها معك !

حطيت رجل على رجل .. وقلت " هاا وشي ؟ "

ناظرني من فوق لتحت " أشووفك أول ؟ "

ضحكت " وإنت وش جالس تسوي ألحين ؟ "

قال وليد بإبتسامة [ ملتويه ] < أهم شي خخ " أنا ما أقصدك وإنتي لابسة ذآ الخيمة ؟ أبي أشوف يلي تحتها .."

حمّر وجهي بإحراااج .. وش ذا الكلام ؟

قلت أبي أستفزة " أستغفر الله تدعو إلى العُري ؟!!"

قال وهو يهز كتوفة ببساطة " عاادي ! زوجتي وما احد يقدر يقولي شي حتى لو شفتك بدون .."

شهقت أقاطعه وأنا مستحييييييييه " خييييير وش تقول إنت ؟ "

رفع حواجبة ببراءة " لا تفهمين غلط .. كنت بقول بدون عبآه .."

وش بقى ؟؟ وجهي خلاص شوي وينفجر ..! وبعد

التفشيلة ذي أبشركم الظاهر كلي بنفجر !

وليد " حدْ قالك طالعه قمر اليوم ؟ "

رمَشتْ " هاا؟"

ضحك " وش فيه مخك مسكر كذاا ؟"

قربت منه وقلت بطريقة " التحقيق " لا وش قلت قبل شوي ؟؟ "

إبتسم ووجهه قريب مني .. ونظراته على عيوني " طآلعه قمر اليووم !"

رجعت راسي لورى بسرعة .. وأنا توني أحس وش كثر كنت لاصقة فيه

فتحت الطرحة وأنا أحس بحرارة فظيعة ..

وبدأت أحرك شعري بيدي أخفف هـ النيران ..

قال بتنهيدة " يابنت .. نآآآوية علي ؟!"

بلعت ريقي وقلت ببلاهه " وليد وش فيك تقول كلام مو مفهوم اليوم ؟ "

هـ المرّه هو يلي سحَب جسمه وقرب مني " أنا يلي أقول كلام مو مفهوم ولا إنتي يلي مو راضية تفهمين ؟ "

عقدت حواجبي بربكَه " وش تقصد ؟"

مسك يديني المثلجَه يلي تنآقضت مع دفآ يدّه " تحبيني ؟ "

هاا !

قلت بفهآوه " نـ..ـ،، آآ وش قل.قلت ؟"

شد على يدي " تحبيني ؟ "

وش أقوول ؟

رفعت حاجب أخفي ربكتي " لازم أجاوب ؟ "

سكّت من جديد .. أفف أكّرهه يوم يسكّت ..

نآظرني .. وكأنها نظرات ممممم ! مدري وش

أسميها صراحه ..

قال بهمس خلآني أرتجف " ودي أعرف شي واحد بس .."

لمعّت عيوني بقوة " وشو ؟ "

كمّل " هذا ؟"

وأشر بإصبعه على قلبي ..

ناظرت إصبعه بخوف .. ورفعت عيوني أنآظرة " ف...فـي أشيااء مآ..مآنقدر ننـ..نقدر نقولها .... بعض الأحيآن !"

تلامعت عيونة " بس الشي يلي أنا أبيه تقدرين تقولينه بسهولة .. نجلآ أنا ما أطلب منك شي مستحييل .. أبي أعرف بس .. أعــرف إذا لي مكانه بقلبك ولا لأ ؟"

سكّت بدون لا أرد ..

كمل وهو يتنهد " مو حـآله يلي حنّآ عايشينها .. مآودّك نجيب أخ ولا إخت لريان وروان ؟ [ برومنسية ] ما ودك تصيرين " نجـلآ الوليـد " ؟ مآودك تصيرين ..؟ حرمتي ؟ "

حسيت ..! حسيت بدموعي على خدّي لسبب أجهله للأسـف .!

نجلا الوليـــد !!

الله يآ محلاه من إسم ..

كمّل وليد وهو يمسح دموعي بأصآبعه " نجـلآ .. خلآص .. يكفي جفآ ويكفي عنآد ..! إلى متى وحنّآ كذا ؟ سنتين مع بعض وماعمرنا إجتمعنا سوى ؟! .. العمر يمشي بدون لانحس .. "

العمر يمشي بدون لانحس !

تابع كلامه وهو ينآظر في أمآكن متفرقة من وجهي " أنا ما طلبتك شي إنتي ماتقدرين عليه ! شي بيدك قبل لايكون بيدي يانجلآ ..! ما أبي غيرك في هـ الدنيآ .."

تحركت شفايفي بدون لا أحس " وشهلآ يـآوليد ؟"

عقد حواجبة بإستفسآر " شهلا ؟ "

هزيت راسي ودموعي زادوا " إيه شهلا ..! وش مكآنتها بقلبك ؟ "

سكّت شوي .. ثم قال بإبتسامة " شهلآ إختك قبل لاتكون زوجتي .. رآحـت وماتجوز عليها غير الرحمة .."

قلت بإنهيار " دامك عارف كل هذا لييش تتعمد تذكرها قدامي ؟ ليييييش ؟ "

أشر على نفسه بإستنكار " أناا ؟ "

" إيه إنت ! بين كل كلمة والثانية تدخل إسم شهلا .. ما يمديني أنسى إلا وترجع تذكرني .. تذكرني شكثر أنا حقييييرة إني رضيت بزوج إختي .. رضيييي"

قاطعني وهو يمسك يديني يلي صرت أضربهم على خدّي بقوة " وش هـ الكلام .؟ شهلاا ماضي .. ماااضي وإنتهى ! صفحة وطويتها بدون لا أرجع لها .. إنتي ألحين مستقبلي وحاضري وكل شي .. إنتي يآنجلآ يلي أبي أكمل حياتي معك .. وأبيك تساعديني أربي عيالي .."

هزّتني كلماته من جوآ .. مستقبلي وحآضري ..!

ناظرته " وعــد .؟!"

بآس خدودي يلي ولعوا " وعد .. وعـــد لييوم الدين .."

مسحت دموعي بذرآعي مثل الطفلة ..

وإستغربت منه يوم وقف .. ووقفني معه ..

ناظر فيني وإبتسم " أبيــك لي الليلة يا نجـلآ .. لي أنا وبس !"

ناظرته بعتب " الليلـه بس !؟"

وسعت إبتسامته وهو يضمني " الليلــه وكل ليله ..! والعمر كله إن شاء الله "

:



[ أول الفـرح ضحكّـه ،، بس آخـرّه ؟؟؟]



...:::...



بعـد كم يوم ..



نآظرت بشاشة جوالها يلي يرّن وإنتبهت لأسم المتصل ..

ردّت بخجل " هلا .."

" يـآزين هـ الهلا منك ...! [ بمرح ] تدرين ..! توني أحس بحلآ ذآ الكلمة .."

ضحكت بعذوبة " شدعوة مشعل ..! تراك تباالغ ."

مشعل بهيام " آآآه بس .. مشكلتك ماتصدقيني .."

" هههه بالعكس .. والله إنك أصدق إنسان شفته بحياتي هههههههه "

بنبرة زعولة " تتريقيين ؟ "

ضحكّت أكثر " لا والله .. ليش إنت تعرف عن نفسك غير هـ الكلام ؟ "

مشعل " تدرين لو إنك جنبي وش بسووي ؟"

ببرآءة " وشو ؟"

قلّد نبرة صوتها الناعمه " أمسكك .. و ..آخ بس خلين ساكت أحسسن .."

بزعل " يووه شعوولي أهون علييك ؟ "

خق " يآبعد قلب شعولي إنتي لا ماتهونين .. إسعمي لياني .."

" ههه لياني ! "

بعناد طفولي " إيه ليااني .. ما أبي أحد يقولك هـ الإسم غيري .."

رفعت حاجب " وليش إن شاء الله ؟ "

مشعل بضحكة " لأنك حقي مقي لحالي وبس .."

" هههههههههه خلاص أبششر ."

" بعدي والله .. إسمعي عمري ربع ساعه وتكونين عند الباب "

" لييش ؟"

" بنطلع مشوااار .."

ليـآن " مشوواااار ؟ أهااا !"

مشعل برجـآ " لا تجلسيين تتعذرين زي الأيام يلي فاتت .. ترا عمك مواافق دقييت عليه وسألته .."

ليان " خيررر مخطط من وراي ؟ "

مشعل " نعم نعم ! ويلا ألحين يادكتورة ليان نفذي الأوامر .."

وقفت " بس مو فششلة نطلع ..؟ يعني الناس وش بتقول ؟ "

بنفآذ صبر " ياليييل ..! وش علينا من الناس يختي ؟ وبعدين إنتي زوجتي على سنه الله ورسولة وأقدر أطلع معك زي ما أبي .. يلا عااااد تراني بالطرييق ."

ليان " خلاص تم ! "

وطلعت من الصاله متوجهه للجناح ..

ما إنتبهت لوجود تركي يلي كان عند باب جناحه ويسمع كل كلمة ..

ونآر تغلي وتنطبخ دآخلة .. حلووو حلوو والله وبديتي تلعبيين ياليـآن ..

نشووف من بيكسبك في النهاية !



نزل وتوجه للصاله يلي تحت .. وهو كاشخ ع الأخيير ..

إنتبه لوجود دلوعته " لمى " يلي جالسه قدام التلفزيون وسرحآنه ..

صحيح عيونها ع الشآشه ،، بس باين إنها مو معه أبــد .




..♥ لمّى ♥..

تددروون وش معنى صابني الهمْ ؟

.. لدرجة إني صرت الهم بذآته ..

مو حاله .. خلآلآص حيـآتي إنقلبت فوق تحت مابقى شي ما سوّد بعيوني ..

حسبي الله ونعم الوكيل في يلي كان السبب .. شي يجيب الضغط

وربـي ..!



حسيت بأحد يبوس خدي .. رفعت راسي للشخص يلي واقف

قدامي وإنتبهت لوجود تركي ..

إبتسم وهو ينآظرني " يآبخت من تفكريين فييه والله .."

إبتسمت " لا وعععع .. قول الله يآخذ يلي أفكر فيه "

جلس جنبي " أفاا .. لييش ؟ ليكون أنا بس !"

ضحكت ..

مممممممم .. بقولكم شي يمكن ماتعرفونة عن تركي ..

صحيح إنه يسوي حركات تنرفز .. وإنسان طايش ومتهور

وأناني في بعض الأوقات ..

لكنّه حنون بشكل مو طبيعي .. فيه حناان الدنيا كلّه ..

مستعده أحلف لكم إنه لو وزع هـ الحنان ع الناس كلها بيكفيهم وزيادة ..

قال وهو يرفع حواجبة " يّـه .! قآيل شي يضحك لاسمح الله "

دفيته مع كتفة " يوووه تركي عن المصآله "

سوى نفسه تأثر .. حط يده على كتفه وقال يتصنع الألم " آآآآه يامقررمة ."

" هههههههههههه أقولك شي .."

ناظرني بإستغراب على يلي قلته فجئة " قولي ."

إبتسمت " أحبك .."

حمّر وجهه على غفلة ..

مسكت ضحكتي فقال هو وأظن إنه يصرف " ماجبتي شي جديد .. [ مسَح على شعرة بغرور ] كل الناس تحبني .."

كشيت عليه " بالعداااااال عااد .."

إبتسم " أصلا أنا لو أمر من جنب وحده بس .. تطيح ماتتكلم شهر .."

قلت بنذاله " من ريحتك ؟!"

حوّس شعري " زفتــــــه !! أصلا إنتي وش يدريك ؟"

ريَحت جسمي ع الكنب وأنا مستمتعه بالحوار معه " أدري .."

تكلم بسرعة " على طاري أدري وما أدري ..! أموت أعرف وش فييك ؟ "

إرتبكت وبآن هـ الشي بصوتي " وش فيني ؟ وش ... وش تقصد ؟ "

تركي " لمى ! إعترفي "

ترددت إذا أقول له ولا لأ ؟

بس خفتْ " مافيني شي .. وش بيكون فيني مثلا .؟"

قال وكإنه كاشفني " لمـى ! "

ترددت أكثر .. أخـآف إن قلت له يصير فيه شي .!

فقلت " وحدّه من صديقااتي .."

رفع حاجب " وش فيهاا ؟ "

قلت بسرعة أول شي جا في بالي " أمهاا .. توفت "

خخخخخ من هـ المسكينة يلي لزقت التهمة في أمها ..

قال بتشكيك " أكييييييد .."

هزيـت راسي " أكيييد أجل !"

وقف وبنظراته عدم تصديق للي قلته [ قلته لكم أخوي وأعرفة ] " أجل الله يرحمهاا !"



...:::...



بعـد كم رنّه ..

بصوت خشن " هلا والله .."

......" حي ذآ الصووت .. هاا شخبارك ؟ "

" بخيييير وإنت ؟ "

......." عايش ! هاا وش صار على موضوعنا ؟ "

" لمى قصدك ! "

......" إيه .. ليه هو في غيرها ذبحني ؟ "

" لا تطمن البنت راحت فيها !! إنتظر كم شهر زياده وبتصيير كرت في جيبك "

......" كفوو والله ! قول وفعل .."



...:::...



مَعْقُوٍلَه كِلْمَهْ .. /

....تِغَيّرٍ حَآلِيْ مَعَآكْ ..!

....تِشَكّكْ بِيْ وٍَبِـ غَلَاْكْ ...!

وِآنْت آلـرُوْحْ فِيْ قَلْبِيْ وَِ وٍرِيْدَهْ ،،،

تِقُوْلْ آِنْسَى .. خَلَاصْ .. آلكِلْ مِنّآ لِهْ طِرٍيْق

........مَعْقُوٍْلَهْ هَذِيْ آلنِّهَآيَهْ .!؟

:





بعض النـآس تقول .. قلب المرأه دليلها ..

وهـ الحيين .. قلب شـآدن وأحآسيسها ..

هي الدليل القـآطع لها .!



..♥ شآدنْ ♥..



نـآظرت بصورت خالد يلي بين يديني للمّره الأخيرة ..

مسحت دموعي بيدي يلي ترجف .. وحآسه بمُر كِذبه ينهشني ..

من ذآك اليوم يوم سألته إذا يعرف غيري وقآل لأ ..

إكتشفت إنه يكذب يوم قال لأ ...وإنه يعرف بدل الوحده عشر !

خـآلد يعرف غيري ؟ ليييه ؟

مآ أدري العيب مني ولا منه ..!

بس خلآص .. يكفيني .. وربي يكفيني يلي عشتَّه ..

هـ السنين يلي عشتها معه .. يوميييين أفرح وعشرين أتنكد ..

مو منه .. من نفسي الزفت ..!

والشيطااان يلي يبدآ يوسوس بي !

خبيت الصورة تحت المخده يلي جنبي ..

يوم حسيت في باب البيت ينفتح ..

وخالد يدخل للصاله عندي ..

ونآظرته بنفس اللحظة يلي هو جلس ينآظرني فيها ..!

مدري كم طال بي الوقت ..

بس يلي أعرفه إني لو جلست أنااظرة العمر كلّه ماراح أخلص وأشبع من بحر عيونة ..!

نآظرني بعيون حمرآ .. وقرب مني بعصبية إستغربتهآ ..

وقف قدآمي .. ورفعني من شعري يلي متأكده إنه تقطع بين يدينه ..

قال بنبرة مررعبة وهو يصر على أسنانه " رجعتي يا شااادن !! "

حطيت يدي على يدّه يلي تشد شعري بقوة .. وقلت بألم وأنا أغمض عيوني بقوة مو فاهمة شي " آآآآآ يآآآخـآآآآلد ... آآآآآآي يألم .."

شد أكثر وكإنه يعاند " يألم ! تستاهلييييييييييييييين ..! "

طاحوا دموعي وقلت بترجي وصراخ " آآآآه خآلد الله يخليك إتركني .. الله يخلييك يعووووور .. [ شهقت ] خاااااااالد حراااااام عليييييييييييييك أنا وش سووويت لك ؟ "

رمآني ع الكنبة يلي كنت جآلسه عليها ..

نآظرني بغييض " ليييييش سويتي كذا ياشادن ليييش ؟ "

قلت وأنا أصييح .." وش سوويت ؟؟ وربي مدري وش تقوول ؟ "

جلس على ركبة قدامي وقال وهو يهمس بعصبيه تخررع " لا تسوين نفسك ماتدريييين ..! "

ناظرت عيونة المشتعله ويلي ودها تفجر فيني ..

والخوف ضَرَب عندي مليووون ..

قلت بخوف وأنا أضم يديني أغطي بها وجهي " والله ما أدري .. والله العظييييم مدري ؟ "

صرخ هـ المره " فؤااااااااااااااااااااااااااااااااد .. وش رجعك له ؟؟ "

فؤااد ؟! وربي كنت عارفة إن المصاايب كلها بتجي من ورى راسه هـ الحقييييير ..

صرَخ بصوت عالي وهو يعطيني كف قوي " إنطقي يـ الحـيـ::::..! وش رجعك له ؟ "

صرخت بوجهه " الله يآآآآآآخذ هـ الفؤااااااااد يلي ماجآنا من وراه غير المشااااااااكل .. وإنت بكل ثقة تصدقة ؟!! إنــت ما تتوب ؟ ماتتعلم من غلطتك ؟

هذي ثاني مره تصدقة ياخاااااااالد ! "

قال والصراخ مستمر " رجعتي تكلمينة صح ؟ رجعتي تحـــآكينة صح ولا لأ ؟ [ ضربني بقهر ] ردي علي صح ولاااا لأ ؟"

دفيته بعيد عني .. وأنا أعرف خالد لا عصب مايعرف لا أم ولا إخت ولا حتى نفسه " يالمجنوووووون .. إصحى من يلي إنت فييه ..! إصحى وشوف من يلي ناوي يخرب بيني وبينك .. هذااا فؤاد يا خاااااااالد فؤاد .."

طلع جواله من جيبه .. ومدري وش سوى وبعدها قال وهو يستحقرني " هاا يلا إسمعي .. شووووووووفي وش سوى يلي ماتبيني أصدق كلامة .."

جلست أسمع والدمعة صارت دمعتيين .. وش هذا ؟ هذا صوتي

وصوت .!. صوت فؤااااااااد ..!

جلست أسمع كلام ما أذكر إني قلته ..

أصلا متى كلمت فؤاد أناا ؟؟

سكّر جواله ورماه عند رجلي بقوة .. وتكسر ألفييين قطعه من قوة

الضربـة ..!

قلت بسرعة وأنا أمسح دموعي " وربي كذااب ياخاالد .. كذاااااااااااب لا تصدقة .. أنا ماعمري كلمتـ.."

قآطعني وهو يصرخ .. وصوته يرررجف بقوة " وش كذااااااااااااااااااااااااااااب ؟؟ لا تقعدين تبررين غلطتك ..! أجل ،، أجــل أنا غبي وبتمشيين علي كم كذبه وبتسافرين معه ؟ [ ترآخى صوته ] أنا كذا يا شادن ؟ أنا كذا بنظرك ؟ "

وقفت ورحت له بسرعة " خاالد تكفى إصحى ! لا تخلييه يضحك علييييك تكفى .. وربي كذاب هذي مو أنا .. مو أنا .."

لمعت عيونة وقال بتنهيدة " مين مثلا ؟ الصوت صوتك ! ولا وحده تشبهلك مثلا ؟ "

لا وفيه حييل يتريق بعد ..

شفت شي يلمع بين رموشة .. مادريت وشو .؟

قلت بصياااح " خا.."

قآطعني وهو يناظر الأرض " ما أبي أشوفك دقيقة وحدّه هناا .."

تجمدّت مكاني " و..ش تـ،،ـتقصد ؟ "

قال بعد فترة وهو يغمض عيونة بقوة ودمعتين طآحوا " إنتي طــآلق .."



...:::...





00



× نهـآية الفصل الحآدي عشـر ×





00

[.. الفَصل الثـآلث ع ـشـَرْ ..]
:
.× يـَّآضَيـآع أصوآتِنـا في المَدىّ وِ الـرِيْحْ !؟!~
00

ضمَّت إخوها لها أكثر ,, ودموعها يلي مو رآضيه توقف بإزدياد ..
تركي وهو يبوس راسها " خلآص لمى تكفيين هدّي .. فهميني وش صااير ؟ [ نآظر شذى ] وش السالفة ؟ "
قآلت بقهر وهي تعض إصبعها " مدري ؟ من جآت وأنا أحاول معها ميب راضية تحكي !!"
أم محمد من الجهه الثانية " إنتوا شوفوا شلون مضروبة ..! مدري أخآف صآر لها شي .."
تنرفز " وينه أبوووي ..؟ درى ولا لسى !"
تكلمّت لمى أخيرا .. " لا تكلمونة .. لا يدري الله يخلييك .."
بعدها عنه شوي " طيب تكلمي .. وش صارلك ؟ من سوآ فييك كذآ .؟ قوولي وربي لا أروح وأشرب من دمّه"
إعتدلت بجلستهاا .. ومسحت دموعها " وح..وحده معي بالصف ... ـف .. ض..ضربتني و.."
" ضربتك لييش ؟"
لفت ناظرت بشذى يلي قالت جملتها بإنفعاال " هـ..ي .. هي من أول متـرصده لي .. وتسوي حركآت و."
عقد حوآجبة بخوف " وإيش .؟ كملي ! "
إنفَجرت " وأحمـد ولد عمتي يخليهاا ترسل لي رسآيل تهديد .."
حمّر وجهه من العصبيه " أحمــــــد !! وش دخله بالسالفه ذا الكلب ؟ "
صآحت بخووف " والله مدري ؟ والله العظييم مدري .؟"
وقف وهو ينفث نيران الغضب .. جآ بيطلع لكن مسكته شذى ..
برجآ هز صوتها " تكفى تركي لا تتهور الله يخليييييييك .."
دفها بقوة وهو مايشووف قدآمه " والله لا اربييييييييييييه قليل الخآتمه .."
وطلع ..

وهو يمشي متوجه لسيارته .. صدم كتفه بشي .. لف نآظر بعصبية وإنتبة لـ ليان يلي توهآ جآيه ..
قآل بنرفزة " توك تجين إنتي ؟"
بخوف من صراخه " خيير وش تبي ؟ "
أعطآها نظرة أرعبتهاا " لياااااااااااااااااان .. يـالهايته توك ترجعيين ؟"
بعدت خطووااات " كـ..كـنت مع مشعل ."
مشى وهو يصرخ " والله ما رآح يضيعك غير هـ المشعل .. وقولي تركي مآقـآلها .."
وركب سيارته وشخط .. بسرعه .. لدرجة إن التراب تطآير قدآم عيونها ..!

...:::...

× نـآس ضـآيعـه ×

إندق الجرس دقاااات متووااااصلة .. لدرجة إن الناس النايمة يلي دآخل إنزعجَت ..
أحمد وهو يصرخ ومتوجه للباب " طيييييييييب طييييييييب .. أففففففف جييت زيين .."
فتح الباب وهو يحك شعر رآسه بكسل ..
شوي وإستوعب يلي قدامه " أووه حآمد .. يآهلا وغلاااا .."
دفّته ودخلت برجوله أكثر من أحمد الرجآل نفسه " نآيمييين يالخيآس ؟"
سكّر باب الشقة يلي هي تبع فؤاد ولحقها " وش رآيك إنت ؟ "
جلست على كرسي يتيم موجود بالممر ." فؤاااد وينه ؟ "
سند ظهره ع الجدار " نآيــم .. غريبــه جآي ! "
حآمده وهي تنآظر ملآمح أحمد " عندي لك أخبااار .. شي خطيير .."
جلس ع الأرض وتثآوب بكسل " هاا وشو ؟ "
لمعت عيونها " لمى .."
وقف على حيله بحماس " وش فيهاا ؟"
" تهآوشنا أنا وياها .. وقلت لها عنك .."
فتح عيونه بقوة وصدمة .. فاار الدم بعروقة وتوجه لها بسرعه ..
مسكها من عبايتها ورفعها .. وقآل بعصبيية " وشووووووو ؟؟ وش قلتي ؟؟ "
دفتّه .." يآ أخي إبعد عني .. أففف ماقدرت أمسك نفسي وقلت لهاا .."
صرَّخ " يالغبييييييييه ليييش ؟ مو أنا مفهمك ماتدري ؟ قآيلك أناا ولا لأ ؟"
حآمده " عااد صار يلي صار .."
صرخ بصوت هز البيت " غبيييييييييييه .."
طلع فؤاد من غرفته ..
وقآل بعصبية وعيونه نصها نوم " خييير خيييير وش ذآ الصرااخ ؟ وين [ إنتبه لحآمدهـ ] أووه حامد هنا ..!"
حركت يدها بمعنى " سلآم " هلا فؤااد .."
فؤاد ببرود " أهليين .. [ نآظر بأحمد يلي يغلي من العصبيه ] خير إنت وش فييك تصاارخ ؟ "
أحمد وهو يصرخ بوجهه " الغبيه خويتك ذي .. ماتفهم ..! راااااااااحت وقآلت لـ لمى إني انا من أهددها .."
رفع حاوجبة ببرود أكبر " وخيير ياطير ! وش فيها يعني ؟ مايسوى علييك هـ الزعييق كله ."
أحمد وهو يضرب الأرض برجله " قاايلك حااااامده ماتنفع ماااااااتنفع بس إنت .."
قآطعته حآمده بعصبية وهي ملآحظته " يأنثها " كثيير " : هيييه إنت خيير ؟ وش فيييك تصاارخ كذا ؟ إحترم نفسك عااد ! "
فؤاد بتريقـه " ههه يوه هدّوا ياجمااعه .. مايصير كذا إنتوا أصدقآء .."
أحمد " أقووول إنت فاارق .."
" أحمدوووه إلزم حدّك أحسن لك .. مايسوى علييك محبتك لذآ البزر .."
عصب أكثر " بزر بعيينك ..! خلك إنت بشادن حقتك يلي طلقتها من زوجها وفكّنا وتزوجهاا "
حآمده " أنا مدري وش حببك فيهاا ؟ أفففففف كريهه .."
نآظرها بعيون حمرآ " إنتي مالك دخل ساااامعه .."
وطلع من البيت وصفق الباب ورآه بقوة ..
فؤاد " وربي خبل .. ههههههههههههههه "

...:::...

نآظرت بالبلوزة بتمعن .. وقآلت بتفكير وهي تنآظر بـ وجه سجى البارد " إيش رآيك سجوو ؟ "
" مآ أدري ؟ مو حلووة .. ما عجبتني ! "
رجعت نآظرت بالبلوزة يلي بين يدينها " والمستورة " بأكمامها الطويلة .." أكييد مش حتعجبك ."
رفعت حاجب " نعم ؟!"
رجعتها مكآنها " سلآمتـك .."
مشوآ وكل وحده سآكته .. مرت شلّه عرفتهاا سجى على طول ..
قآلت وهي تأشر بصوت شبه عاالي " أيهــم ،، رااااااامي .. يآهووو إنتآ وهواا .."
نآظروا فيهاا وكان عددهم تقريبا 5 ..
ولاء " مين دولآ ؟"
سحبتها من يدها وتوجهت لهم " إمشي معاايا .."
رامي " اهلييين سجوو .. فيينك ياوحشـآ من زمان ماشُفتِك ؟"
ضحكت بدلع " معلييش بس واللهِ إنشَغلت شويتين كدا .. آآه صحيح أعرفكم دي ولآء صحبتي .."
نآظروها " أهلين ."
ولآء بخجل " هلا .. [ نآظرت سجى وقآلت بهمس ] لو سمحتي ممكن أعرف من دولا ؟ "
سجى " يآبنت لا تخجلي .. هدولآ كُلهم صُوحآبي ولزوزين مرآ .."

...:::...

كـآن مآشي بسرعه جنونيـه .. لا عند إشآرة وقف .. و ولا عند تقآطع هدّآ ..!
يمشي وعيونة بتطلع من مكآنها من الغضب .. كل شي و ولا أخوآتــه ..
ولمى بالذاات .. إلا لمى لا أحد يقرب منها ..
وصَل قدام بيت عمته " المصونة " ..
وقف السيارة يلي طلعت صوت قوي بسبب الإحتكاك يلي صار يوم وقفها بقوة ..
نزل والدنياا حمرآ بعيونة ..
دق الباب الكبير نوعا ما بكل قوته .. وهو يصرخ بصوت عالي ..
فتحت له الخدامة يلي صارت تسأل بخوف .. دفها من طريقة وهو نآوي على شيئين ..
إما يذبح أحمد أو يذبحه .. وغير كذآ ماعنده ..
وقف بنص الصاله وصرخ بصوت عااالي هز المكان على وسعه " عمتـــــــــــي .. عمتتتتتتتي ... صيتتتتتتتتتتتتتتتتتته تعااااااااااالي .."
نزلت ركض من الدرج ووراها زوجها " علي " يلي على نيآته وطييب على عكس حرمته ..
أول ماشافت تركي " خيييييييير إنت وش فيييك تصااارخ ؟ قليل أدب .."
توجه لها .. وهو مو مهتم بـ " الحيطه " يلي واقف وراها ..
صرخ بوجهها " وش سوووووينـآ لولدك حنااا ؟؟ وش سووووينا له هاااه ؟ [ صرخ بقوة ] فهميني ؟ "
إرتاعت .. بس ماحبت تبين " أقوووول ياولد الـ..... ،، إهجد ولا تصرخ على يلي أكبر منك سآمع ."
تكلم علي " خيير ياولدي و.."
دفْ عمته يلي تعترض طريقه وراح لزوجها " لا تقووول ولدي .. ما أتشرف بواااحد مثلك ساامع .."
ضربته على ظهره بقوة " تريييييك يالـ......،، ترااك في بيتي "
لف لعمته .. وش يسوي ؟ يذبحهاا ؟؟ والله الذبح حلال فيهاا ..
في هـ اللحظة دخل أحمد .. يلي حآله مآكان أحسن حال من تركي ..
أول ماشاف تركي إنسحب اللون من وجهه ..
إبتسم بحقد وتكتف " هلاا والله بولد العمه المحترم .. يلي يخاف على عرضة هلا والله هلاا .."
نآظر أحمد بأهله بخووف . ثم رجع ناظر بتركي .. وقال وهو يبلع ريقة " تـ..ـركي .. إنت إنـ.. ،، حسبي الله عليك ياحامده الزفت .. إنت وش جابك ؟ "
مشى له بهدووء .. وهدووء .. وهدووء ..
إلى إن صار قدامه ..
فجئة .. لكمَّه بكل قووته وهو يفرغ شحنات الغضب فييه ..
أحمد وهو يحاول يتوازن بعد الضربة يلي جاته من تركي " وش فييك إنت ؟ "
مسكه من ياقة بلوزتة .. ورجعه على ورى ولزقة بالباب ..
رفعه لفوووق وصرخ " وش سوتلك لمــى ؟؟ وش سوت لك ؟ [ بعده شوي عن الباب ،، ثم رجع لزقة فيه بقووة آلمت ظهر أحمد ] يالحقييييييير إنطق .."
صيته وهي تحاول تفكهم " إترك ولدي يالمجنووون .. إتــركه لا أتصل ع الشرطة ألحين .."
نآظر عمته بقهر " ما أبي أغلط عليييك .. [ نآظر ولدهاا ] بيني وبين ولدك " الشهم " حسااب ولازم نصفيية .. ولا يا أحمد ؟!"
أحمد " مابيني وبينك شي .. "
هنا خلاص .. تنآقزت الشياطين كلها بوجه تركي ..
مسكه وحذفه ع الرخام بقوة ..
ونزل لمستواه وهو وده لو ينهشه ويذبحه ..
شد أحمد من شعره بقوة " وش سوويت بإختي يالحقيييير ؟ تكلم وش سووويت ؟"
أحمد " آآخ .. يبــه تعاال إلحق علي .."
أبو أحمد " يا عيال إستهدو بالرحمن وش فييكـ.."
صيته وهي تصرخ " ولدك بيموت يالباارد .. تعااااااال فكه من يدين ذآ المجنوون .."
تركي وهو يضرب براس أحمد الأرض والدم بكل مكان " تكلم .. وش سوويت بـ لمــى .؟ إنطــق جعلك المووت "
أحمد " آآي .. ماسويت شي .. إبعد عني .."
" شلوون ماسوويت شي ؟ شلوووون ؟؟ الله ياخذك ويآخذ من جاابك يالكلب .."
تركه ووقف .. نآظر بأبو أحمد وقآل بتهديد يخوف " شوف إنت وهـ الزباله يلي مربيهاا .. بييييتنا يتعذركم .. ولو شفت واحد فيكم قداامي .. وربي لا أذبحــه بيديني ساامعيين ..؟"
وقف أحمد وراح ورى أمه " إنت مالك دخل .. أنا احب لمى وبتزوجهاا .."
رمش أكثر من مره يبي يستوعب يلي قاله ذا المختل ..
راح له وحاول يطلعه من ورى أمه يلي كانت واقفه بينهم وتستنجد ..
تركي " يالكلب .. يالـ........ ،، وربي إن قربت من لمى ماتلووم إلا نفسك ساامع ؟؟ والله وهذانــي حلفت يا أحمد ."
دفته صيته بقوة خلته يرجع خطوااات لورى " أفففف .. إنت ياللي ما تستحي .. جااي بيتي وتتهجم على ولدي ..! ضف وجهك أشوووف ومن اليوم إنسى إن لك عمه .."
بقهر وضح بصوته " هـه .. جاات منك أصلا .. ومن قاال إني أتششرف فيييك ؟؟"
مسكته من ثوبة وصارت تدفه لبرى " إطلع أشوووف إطلع .. لا أبوك لا أبو من ربآك يالكلب .."
صرخ أحمد " والله لا اتزوجها يا تركي والله .."

...:::...

نطيير لبطل من أبطآلنا كان منسي شوي .. أو ،،
خلونا نقول كنّـآ مخبيينه وهـ ألحين جآ وقت ظهوره ..
[ مشـآري ] .. مثله مثل غيره من شباب هـ اليومين .. لكّن يختلف عنهم بميزاات كثيرة ..
إنسان خلووق لأبعد حد .. عنده في الدنيا "مشاعل ثم مشاعل ثم مشاعل" ..
يشتغل بالخطوط السعودية كـآبتن .. نآدر ما يجلس بالسعودية كثيير ..
أغلب أوقآته معلق بين السمـآ والأرض ..
لكـن قلبه .. موجود بالممكلة
و
ممتلكاته ثنتين ..
" مشااعل .. و .. ولمـى "

حسْ بضييقة فظيعة في قلبه .. تنفس أكثر من مره وبسرعه وهو يحاول يهدي قلبه يلي يدق بعنف ..
نـآظر بالنآس الكثيرة بمطـآر " برلين " ويلي تستعد للرجله الجآيه ..
ذكر ربه أكثر من مره .. وهو يحاول يفسر هـ الضيقة الغريبه ..
طلع جواله ودّق على مشآعل يلي ردت من ثآني رنه " هلااااا مشااري .."
إبتسم يوم تأكد إن مابها شي " أهليين شعولتي .. شخباارك ياقلبي ؟ "
بفرحه " الحمدلله بخيير يوم سمعت صوتتك .. إنت شخباارك ؟ "
تنهد " الحمدلله .. شلون الأهل ؟ "
" بخيير .. متى بتجي ترا والله البيت بدونك مو حلو ؟ "
بضحكة بسيطة " ياقلبي إنتي .. خلآص إنتظري كم سااعه وأنا جايك .."
" أمااااااااانه !"
" والله .. يعني إصبري لين يجي الصبح ويخلص هههه .."
" يووه مشااري من جد .."
" هههههه والله .. يمكن بكرة الظهر أوصل .."
تنهدت " توصل بالسلامة إن شاء الله .."
" الله يسلمك [ بضيقة ] مشااعل فيكم شي إنتوا ؟ "
" كيف ؟! "
إرتبك " لا يعني .. آآ .. أقصد أحد منكم صار له شي ؟ "
" لا الحمدلله كلنا بخير .. إنت وش صاير لك ؟ وش فيه صوتك كذا ؟ "
" هاا .. لا أبد سلامتك .. يلا مشاعل لازم أسكر .. توصيني شي من المطار .. تراه كشخة هههههه "
" ههههههههههههه لا سلامتك أهم شي .."
" الله يسلمك . فمان الله ."

...:::...

قآلت مها وهي تحرك حوآجبها " وليدوو .. عآرفة عندك سالفة تكلم .."
ضحك " أفاا ألحين هذا ضنك فيني ؟ جزااي جاي مشتاق لك ؟ "
نآظرت بنجلا يلي من جلست وهي تضحك " نجييل .. وش عندك إنتي والأطخم أخوي ؟ "
نجلآ وهي مستمرة بالضحك " ماعندنا شي .."
مها " تلعبوون علي إنتوا ؟ "
وليد " يابنت الحلال وش فييك ؟ يعني علشان جيناك زيارة كذاا تشكين فينا ورانا شي ؟"
مها " هههههههههه والله مو القصد .. بس يعني آآ.. [ ترقع ] وبعديين تعالوا يالدوبيين .. وين راني ورواني ؟ ليه ماجبتوهم ؟ "
نجلآ " بالبييت .. كنا بنجيبهم بس ناموا صراحة .."
بخبث " ناموا ولا قررتي إنتي وسي وليد تطلعون مشوار شخصي ؟ "
حمر وجه نجلآ " لا وربي ناموا .."
وليد " أقوول مهيو .. إبعدي عن زوجتي أحسن لك .."
مها تتصنع الصدمة " أشووفكم إجتمعتوا علي يـآ آل وليد ؟ وينه طلال يجي يفزع لي ؟ "
وليد بضحكة " والله ولا جاب خبرك .. وش عنده ناايم ؟ "
مها بإبتسامة " فديته هو .. مواصل وتوه هـ الحين غفى .. مدري وش فيه صآير مآينآم إلا الظهـر ؟ "
وليد على غفله " تعالي وراكم شي ذآ الأياام ؟ "
مها " أيوآ أيوآ ،، أنا قلت والله إن في سآلفه .."
وليد " هههههه يختي إنتي ليه تحبين الهرج الواجد ؟ أسألك عندكم شي ولا لأ ؟ "
مها " غير توقيع الأسهم .. وصفقاتنا مع كوندليزا رايس لأ .."
رفع حاجب " تتريقين ؟ "
ضحكت هي ونجلآ ..
مهآ " أجل .. يا أخي كلامك مدري وش يبي ؟ يعني بالله وش بيكون عندناا ..؟"
وليد وهو يريح جسمة ع الكنب " أجل خلاص .. من بكره الصبح بجييب روان وريان عندكم .."
عقدت حواجبها " عندنا ؟ "
ضحك " إذا مافيها كلافة .."
إبتسمت " أفاا علييك أكيد مافيها كلافة .. بس وش المناسبة ؟ [ وناظرت بنجلآ بخبث ] "
نجلآ وهي ميته خجل " لا وربي أنا ماالي دخل بالسالفة .."
وليد " ههههههه بنسافر أنا وياها كذا شهر زمان لتركيا .."
" تُركياا !! أيــوآ ياحركاات .. والله وجبتي راس أخوي يانجلآ .."
نجلآ شوي وتصييح " هيييييييييييه مهاا .."
مها بضحكة " هههه خلآص بسكت بسكت .. [ نآظرت وليد ] وإنت مع ذآ الخشه مالقيت غير تركيا ؟ "
تنهد " وش فيها تركياا .؟ "
مهآ بنذاله وهي تنآظر نجلآ " وعع مافيها غير الشيوون .."
نجلآ وهي تتخوصر بطريقة مضحكة " لا والله ! وش يبي بالمزايين هو ؟ "
وليد وهو يلف ذرآعه على كتوف نجلآ ويقول بحآلميه " إيه والله وهي صآدقه .. نجلآ عندي بملييون بنت في الدنيياا ."
مها " وأنا وش مجلسني عندكم يالكناري ؟ [ وقَفـَت ] أقوم لطلال أحسن قبل لا تصيبني الحرّه .."

...:::...

دخَّل بيت أهلـه .. وهو حآس بالضيق يلي سكن قلبّه ..
هـ ألحين شلون بيقدر يرتآح ؟
شآف أمه جآلسه بالصآله وتتقهوى .. ومعها عروب ..
أول مآشآفت ولدها .. ضربت على صدرهاا بقوة وشهقت " خــــآلد !! وش سوى فيك كذا يمه ؟ "
لفت عروب وفتحت عيونها ع الأخير من منظر خآلد المبهذل ..!
مشى وجلس جنب أمه .. باس راسها وحط رآسه في حضنهاا ..
نآظرت بنتها وبعيونها الخوف .. أول مره تشوف خآلد كذاا .!
مسحت على شعره " بسم الله عليك يمه وش فييك ؟ "
غمض عيونة بقوة لا يصيح ويضعف قدام أهله .. وقال بصوت مكتوم " تعبان يمه ..!"
" سلآمتك ياقلب إميمتك .. وش صآر لك ؟ ليه شكلك قآيل كذآ .؟"
خآلد " ......."
عروب " خلوود وش فييك ؟ وين شـآدن ؟ "
إسمهاا بس حرّك هـ المشـآعر كلها داخله ..
خلآص الدمعه بطرف رمشه .. والعبرة خآنقته بقوة ..
أمه والخوف بدآ يستوطن قلبها " خـآلد ..! ليكوون آآ..."
خآلد " ........."
عروب بشهقه " طلقتها !!! "
هز راسه وهو إلى الآن بنفس وضعه ..
قآلت أمه والدمعه طآحت غصب " يآ قلبي علييك يمه .. لييش هي وش سوت المسيكينه ؟ "
مآرد .. وإكتفى بشهقة بسيطة خلت عروب تطلع من الصآله ..
خآيفه تشوف الضعف بعيون خآلد وتضعف ..
طلعت فوق ورآحت لزيآد يلي كآن نآيم ومآيدري عن يلي حوله !
دقت الباب ودخلت وكـ العآده كش جلدها من الغرفة المثلجة ..
مشت بسرعة وهي تتحلطم وسكرت المكيف ..
" أفففف ما تموت برد إنت! "
مشت له وسحبت الغطى " زيااااااااد ... زيوودد قووم .."
فتح عين وحده " إقلبي وجهك يالـزفت .."
" قووم إلحق شوف وش صـآر بخالد .. قوووم .."
" خالد ! خيير وش صار ؟ "
جلست ع السرير وقآلت والصيحه بصوتها " طلق شـآدن ! "
ثوآني إلى إن إستوعب .. فز من مكـآنه " طلقهــا ! "

...:::...

بـ أسبانياا ..

نزلت من شقتهاا بعد صعوبة من أسيل يلي مآرضت لمرام إنها تطلع بـ لحالها ..
لكن مع إصرار مراام قدرت تجيب يلي تبي ..!
أخذت لها أول تآكسي شآفته قدآمها .. وخلته يمشي لحديقة بعيده عن هـ الحي يلي هي سآكنته ..
ورآهـا .. بسيارة ثانية .. تكلم مع السآيق بـ اللغة الأسبانية بطلاقه .. وخلآه يلحقهاا ..

...:::...
[ من بكـرة ]
:
نزلت من فصلهاا وهي حآسه بنظرات الكل عليها ..
وأنوااع التعليقات " الغير " لائقـة تنقال في حقها ..
راحت للمقصف وإنتبهت لوجود عروب يلي ماتحآكيها من أمس ..
لمى بتعب والبلاستر مالي وجهها " سلآم .."
سفهتها عروب وكلمت العاملة يلي تبيع " إيه يكفي بس كذا .. [ أخذت باقي فلوسها ] مشكوورة .."
لمى " عرووب عن السخافه .."
مشت ،، ولحقتها لمى " أناا سخيفة ياخي عندي لك شي ؟ "
لمى " ياربييه عروب ترا والله يلي فيني مكفيني .."
لفت وتكتفت بسخرية " ليه وش فييك يا قلبي ؟"
تنرفزت " من جدي أتكلم ترا .."
عروب بقوة " لمى .. ألحين بالله كل هذاك الشي يصير لك وفي النهاية أنا آخر من يعلم ؟! "
تنهدت " طيب وش أسوي بالله ! والله خفت عليك إن علمتك يصير بك شي .."
مشت " وش بيصير يعني ؟ شوفي وش صار فيك لأنك سكتي .."
" يووه عربوة عاااااد يلاا .. أفف غلطنا ومنك السماح .."
لفت لها " بعد وشو ؟ "
لمى " عروووب عن التغلي ياإختي .. وبعدين من جد مو عارفة وش أقول لك عن فزعتك لي أمس .."
بغرور " إحم .. ماسوينا غير الواجب ولو .!"
ضحكت والدمعه بوسط عيونها وقالت على فجئة " أمس تركي جآ .. ومارضى يقولي شي من يلي صار بينه وبين أحمد .. [ شهقت ] هذي آخر مره أشووفك فيهاا عرووب .."
عقدت حواجبها بخووف .. جلست ع الأرض وسحبت لمى من يدها وجلستها جنبها " آخر مره ! لييه ؟ "
لمى بإبتسامة " تركي قال بينقلني مدرسة ثانية .. شذى بتجي آخر الدوام وبتسحب ملفي .."
شهقت بصدمة " الله ! لييش طيب ؟ "
مسحت دموعها " يقولون ما يسوى علي الضرب والتهزئ .. وغير كذا مدرسات هـ المدرسة مامنهم أمان ..! "
عروب بعدم تصديق " لمى تكفين قولي أمزح .. الله يخلييييك تكفين .."
لمى " ياليت .. المشكلة إني مدري وش أسوي ..؟ حنا على آخر الترم يعني إن رحت مدرسة ثانية بضييع .. وإن جلست هناا بضيع بعد ..! وربي مو قادرة أستوعب وش دخل أحمد فيني ؟.. وش عرفه بـ حامدة ؟ "
عروب " إنتي تعرفين حامده .. شلون بنت ناس كبآريه وأكيد تعرف كل كبيير وصغير في البلد .."
ضغطت على راسها" طيب أنا وأحمد ! وش علآقتنا في بعض ؟ أموت وأعــرف وش يبغى مني ؟!"

...:::...

بعد كم يوم ..

دخل طلال للبيت .. وهو فآكـ الجبس كله .. وبيده كيسين ..
دخل للصاله وإنتبه لوجود مهاا يلي جآلسه ع الكنب وسرحآنة .. و وريان وروان يلي متمددين ع الأرض وعيونهم بالتلفزيون ..
قال بصوت عالي وبطريقة طفوليه علشان ينتبهون له " أناااا جيييييييييت ..!"
نآظروه إثنينهم .. ورآحوا له ركض ..
رفع الكيسين فوق " خيير وش عندكم يا عيـآل وليد ؟..!"
ريان وهو ينآقز يبي يوصل ليده " أبغـى .. أبغــى .."
طلآل وهو يحرك الكيس بنذاله " مافييه .. أول شي أعطي عموو بوسه .."
روان " أنا .. اانااا .."
نزل بجسمة لمستواها " يلا يـآبطله .."
قربت بتسلم عليه .. لكن شدها ريان من شعرها القصير ..
ريان يقاله معصب " عيييييب .."
نآظره طلال .. وحآول يسحب روان يلي بدأت تصيح " خيرر عمي رياان ..! إترك إختك ياورع .."
ريـآن " لأ .. عييييييب تسلم علييك إنت رجاال .."
سحبها من يدينة وشالها " لا بالله قل قسم ! "
ريان وهو يبرطم " إن جا بابا وذولي والله أعلمهم علييك .. [ نآظره بحقد طفولي ] وأقولهم طلال يعلم روان قلة أدب .."
تصنع الصدمة " أناا ! حراااااااااااااام علييييك أنــا ! "
ريان تكتف " إيه .. وبقوله بعد إشترى حلآو و أعطى روان وما أعطااني .."
نزل لمستواة وروان إلى الآن بحضنة تشاهق" قل إن خاطرك بالحلآو .."
ريآن " لآ ."
طلآل " إلآ .."
ريآن " لآ .."
طلال " إلا .."
بدآ يصيح " لأ .."
طلال " إلاااااا .."
إرتمى ع الأرض بدلع وقآم يصيح ..
شاله من بلوزته ورفعه فووق وهو يوقف " إنت رجاال والرجال ما يصيح صح ! "
ريآن وهو يغطي عيونة بيدينة " ما أحبك .."
نَزلهم ع الأرض ونزل لمستواهم وهو ناسي إنه المفروض مايبذل مجهود .. نآظرهم وعيونة تلمع " بس أنا أحبكم !"
روآن على فجئة " إنت مثل بابا طيب و .. [ بخجل ] وحلو .."
ضحك بقوة " أنـا حلوو ! "
روان وهي تصّر ع الحروف " مرّه .."
سلم على راسها " عيونك الحلوة حبيبتي .. [ أعطى كل واحد منهم كيس ] يلا يا " بطليين " إنت وياها خذوا وكلوا .."
وقف وهو مبتسم على أشكالهم يوم رجعوا تمددوا قدام التلفزيون ..
إنتبه إن مها ما شآركتهم الحوار .. وإنهاا إلى الآن سرحاانه حتى بعد الإزعاج يلي صار
بين روان وريان ..
جلس جنبها وسلم على جبينها ..
إنتبهت له وإرتبكت " ط.ططلال .."
إبتسم " إيه طلال ..! وين وصلتي ؟ "
نزلت عيونها يلي تلمع للأرض " أبــد .."
" في مين تفكرين ؟ "
سكتت بدون لا ترد ..
طلال وهو يرفع راسها " مها فيك شي ؟ [ إنتبه للدموع المتجمعه بعيونها ] وش فييك تصيحين ؟ "
إبتسمت بإرتباك وهي تحاول ما تخوفة " مافيني شي ..[ إنسابت دموعها بهدوء على خدها غصبا عنها ] شوية صداع وبيروح .."
عقد حواجبة " الصداع مايسوي كذا .! إنتي فيك شي ممكن أعرفه ؟ "
بضيق " طلال الله يخليي."
قاطعها بهمس " مهاا .. أبي أعرف وش فييك ،، ممكن ؟ "
بعد فترة مو طويلة وهي تناظر بعيونة " عمي اليوم كلمني .."
عقد حواجبة " عمك ! "
نزلت راسها " إيه .. أبـ..أبووك .."
بلع ريقه بخوف .. ورجع رفع راسها بيده " إرفعي راسك لا جيتي تحكين معي .. أبي أشووف عيونك الحلوة ..!"
مها " ......"
طلال بتنهيدة " وش يبي طيب ؟! "
بألم " الموضوع يلي توقعت يصير بيوم هذا هو صار ألحيين .."
زاد معدل ضرباات قلبه .. وقال وهو يتنفس بسرعة " موضوع ؟! أي موضوع ؟ "
صاحت " أبوك يبي يزوجك ياطلال .. بيزووجك وحده تجيب لك عيااال .."
رمش أكثر من مره وهو مو مصدق " يزوجني ! شلون يعني مافهمت ؟ متى قال ذا الكلام ؟"
مسحت دموعها .. ورجعت طاحت دموع جديدة بدالها " اليوم كلمني وقال إنه لقى لك عرووس .. تخيل ..! بـ السرعــة ذي بتتزوج !؟ والله كنت عارفة إني بخسرك .. بس ماتوقعت بالسرعه ذي .. [ بهمس قاتل ] ما توقعت ..!"
وقفت ورآحت فوق وهي تركض والشهقات تسبقها ،،
وتركته مصدوم بمكانه مو قادر يتحرك ..
حس بضرب خفيف على فخذه .. نزل راسه وإنتبه لوجود روان يلي تضربة بيديننها وتصيح " إنت وعع .. لييه خلييت عمتوو تصييح لييييه ؟ "
رفعها وجلسها بحضنة وقآل بقهر " إيه إضربيني يمكن أستوعب يلي أنا فييه وأصحى من هـ الكـآبووس "

المـ ... ـشْـكِلَةْ ،،
لا صِـرْتْ تِـقْبِـل / و يـقْـفُــوْن ..!
كَـنّــكْ [ بَـقَـايَـا ذَنْـب ] مَـا كَـنّـكْ " إنْـسَـــانْ " ..!

:

نزلوا من التآكسي بعد ماحاسبه .. شال الشنطة حقتها وحطها قدام باب العماره وقال بإبتسامه " بعرفك عليهم لا تستعجليين .."
نآظرت العماره بذهول " هـ الحيين إنت ساكن هناا ؟"
فهد وهو ينآظر معها " إيه .."
نآظرت فيه " معك أحد .؟"
إبتسم وهو إلى الآن يناظر عمارته " معي واحد إسمه ساامي .. مرره أخلااق .."
تخوصرت " وأنا وين بسكن أجل ؟"
لف ناظرها وضحك " قدام شقتي في بنتين ساكنات أعرفهم .. بحطك معهم .."
طارت عيونها " خييير بتجلسني عند بنات ما أعرفهم ؟ "
ضحك " لاتخاافين قلت لك أنا أعرفهم كوويس .."

شال شنطتها المتوسطة الحجم وطلعوا .
أول ماصار قدام شقته دق الباب وفتح سامي ..
بنبرة إستغرااب " فهد !!"
فهد وهو يأشر عليه " هذا سامي يلي حكيت لك عنه ."
الهنوف بإبتسامة " هلا تشرفناا .."
سامي وهو عاقد حواجبة " هلا فييك .. [ ناظر فهد ] وش الساالفه ؟ "
مشى متوجه لشقة مرام وأسيل .. دق الباب ولف يناظر سامي " ويت ثواني بس "

طلعت أسيل وبعد فترة طلعت مرام يلي من شآفها فهد إستحقرها ..
أسيل وهي تعدل الحجاب على شعرها " أووه فهد .."
إبتسم " جاي أعرفكم على وحده [ ناظر الهنووف ] هذي أسيل .. [ وبعد فترة ،، أشر على مرام ] وهذي مرام .."
الهنوف بإبتسامة " هلاا والله .. أنا الهنوف .."
أسيل وهي تصافحها " تشرفناا .."
سامي بإلحااح - ولقاافه - " فهد من ذي ياخي ؟"
إرتبك ما عرف وش يقول .. خطط لكل شي إلا هـ السؤال ..
أسيل " فهد !! عرفنا ع الحلوة يلي معك .."

فهد " آآآ.. هذي الهنـوف .. أأ.."
الهنوف وهي تمسك يده " الهنــوف إخته .."
لف نآظرها بصدمة وعيوونة تلمع بقوة ..
إبتسمت له تطمنه إن السر يلي هو مخبيه بيضل مخبى إلى
إن يقرر يصرح به هوو ..
سآمي " آهاا .. وأنا أقول وش فيك مشتط أثاري إختك جاايه ؟؟"
فهد بترقيعه وهو يبلع ريقه " هههههه شفت شلوون .."
أسيل " ياحليلكم ما تتشابهوون .."
فهد يصرف " الهنوف أحلى .."
الهنوف " هههه شكـرن ع المجاملة .."
فهد وهو يناظر أسيل " أسيييل طالبك .."
أسيل " أبشر وش بغيت .؟"
فهد " الهنوف بتسكن عندكم طول ماهي هناا .. أماانه عليك تنتبهين عليهاا .."
أسيل وهي تضرب على صدرها " ما طلبت .. نحطها بعيوننا أنــا ومروماا ..[ لفت ناظرت بمرام يلي مانطقت بحرف ] صح ؟"
فهد بسرعه قبل لا تنطق مرام " لأ .. أبيك إنتي بـ لحالك تنتبهيين عليهاا .. إنتي بـ لحاالك سامعه .."
تجمعت الدموع بعين مرام وهي صدق كـآرهه هـ الفهد يلي قدآمها ..
ويلي جـآالس يحسسها إنها ولا شي.. إنها قذرة وإرتكبت ذنب ..
إستحقرته ودخلت لداخل الشقه وهي تمنع شهقاتهاا ..

نآظرت أسيل سآمي وهي تسأله بعيونها .. بس شآفت نفس النظرة بعيونة ..
فهد " هاا أسييل أقدر أعتمد علييك ؟"
أسيل بحيرة وهي تنآظر الهنوف " خلآص إعتمــد .."

...:::...

من بُكـره ..

صحب الصباح من بدري وهي حآسه بألم بسيط في بطنهاا ..
جـآت بتدخل الحمام – تكرمون – لكن جوالها دق ..
رجعت وهي تسحب رجيلها لـ التسريحه وردّت على طول من غير لاتنتبه للرقم ..
" ألووو .."
وصلها صوت تكرهه " صباح الورد لأحلى شادن بـ الدنياا .."
كش شعر جسمها كلّه وقآلت بقهر " وإنت لك عين تتصل ؟!!!!"
ببراءه ماتليق عليه " ليه أنا وش سوويت ..؟"
شادن بصراخ " فؤاااد ورب النعمه إن دقيييت مره ثانية ماتلوم إلا نفسك ساامع .!"
سكّرت السماعه بوجهه وحطت الجوال بكل قوتها ع التسريحـه ..!
نزلت تحت تركض ،، وكـ العاده لقت جدتها جالسه ..
صرخت وهي ترجف " ولله يمّه إن ما قلتي لخاالي يلم الزباله ولد زوجته .. وربـي بيكون لي تصرف ثااني معاه .."
...:::...

في الليل ..،‘

نزلوا من السيارة ،، وكل واحد منهم في حالة صمت ..
طلعوا للشقه يلي تعودوا الأيـام يلي فاتت إنهم يكونون فيهاا ..
دقوا الجرس وإنتظروا شووي ثم فتح لهم شـآيب كبير شوي بـ السنْ ..

وهو عاقد حواجبه " هلاا وغلاا .."
دفه فؤاد ودخل " هلا ضويري .."
سفهه وناظر بأحمد يلي ساكت ووجهه مايتفسر " شلونك أحمد ؟ "
أحمد " بخيير .. [ سكت شوي ] أشووف أبو طارق عندك ..!"
ضاري " أبو طارق وأبو عاصم ! الشله كلها موجودة حيااكم .."

...:::...

نـآظر بـ المقلى حق البيض بوجه عابس .. هذا شلون يقلبوونة ؟!
تلفت حووله يدور أي شي ممكن يرفع به البيض يلي سواه ..
فآرس وهو يركض لجهة الدروج " بصرعه بصرعه يافاارس تحرك .."
فتح الدرج وحاسه كله ومالقى شي ..!
رجع للفرن وناظر بالبيض يلي بدآ يحترق ..
رفعه من الماسك .. وقرر يتفنن شوي ..
فارس وهو يحرك المقلى بخفه فوق وتحت " يلا 1 2 3 أوووب .."
رفع المقلى بقوة ظننا منه إن البيض بيطير وبينقلب من نفسه مثل الطباخين ..
لكن يلي صدمه إنه طااح على أطراف الفرن ..
حط المقلى وقآل بإحبااط " وين أيـآمك ياأم حمــد ؟!"
...:::...
مرْ إسبوعين الإمتحانات ببطء .. ومثل مابدى بماده .. إنتهى بماده ..

مر إسبوع ثاني .. وتجددت الفرحه بعيون بطل من أبطالنا ..

..::.. يوم زواج فـرح وسلطـان ..::..

في بيـت أبو محمد يلي أرسلت لهم فجر ثلاث كروت ..
واحد لشذى أكيد ،، والثاني لـ ليان يلي ماتعرفها .. والثالث لـ لمى ..!

عـلى حدود السـاعه 8ونص ..
في بيت أبـو محمـد ..

خلصت شذى آخر لمسات الميك أب حقهاا ..
نآظرت شكلها بـ المرآيه وإبتسمت ..
لفت لـ ليان يلي جالسه جنبها وإلى الآن تحط من الشدو " هاا ليان شلون شكلي ؟"
لفت ليان نآظرتها .. وإبتسمت " مشاءالله .. قمـر .."
حمروا خدودها " ثنكيوو .."
ليان " هههههههه فديــت الخجوليين أناا .. طيب انا ألحيين أنواع الحوسة ناظري شلون شكلي .."
شذى وهي تمسك علبة الشدو منها وتوقف قدامها " غمضي أنا بسوي لك .."
غمضت عيونها وسندت جسمها ع الكرسي " أقوول تدرين وين لمى ؟"
شذى بإندماج " مممممممم بغرفتهاا ."
ليـان " متحمسه لزواج إخت صديقتك مدري لييش ؟"
شذى بضحكة " ههههه الله يستر من حمـآسك .."

...:::...

ِاحترت من زود الغلا وين اوديك
يبيك قلبي مير عـيني شحوحه
عيّت عليك اللي نظرها يراعـيك
دايم معك في كل جيه و روحه
وقلبي لو ان الود وده يخاويك
مير الظُلوع العوج تكبْح جُموحـه
:

نـآظر بملامح فيصل المُرتجيـه .." يلا عااد فروس طلبتك .."
فارس " فيصل إهجــد وش يوديني والله شكلي غلط .."
فيصل " لا غلط ولاشي .. إنت مثل أخووها مافيها شي .. والله لو إني فاضي كـآن رحت وجبتها بس إنت شايف .."
فآرس " ماعلييك أنا بمسك مكانك .."
فيصل " فاارس أبوي ماراح يرضى يكرفك .. تكفى رووح وربي صار لها فترة من دّقت
والله لاتعصب .."

تأفف وهو ينآظر حوله .. ودّه يروح بس فشله ..
فيصل " فاارس يا أخي مابقى إلا أبووس رجلينك .. يلا عااد والله لو إن السواق فاضي كان خليته يجيبها "
فارس وهو يناظرة " فيصل ياخي إفهم وربي شكلي غلط وأنا رايح أجييب إختك .."

جاهم صوت يصاارخ " فيييييييصل ، تعاال يلا شييل ذا الأشيااء .."
فيصل " طيب يبــه .. [ لف ناظر فارس وبرجآ ] يلا عااد إنت شايف .."
" أفف منك خلاص طييب .."
إبتسم " بعدي والله .."
فارس " يلا دق عليها قل لها بجي .."
فيصل " جوالها مغلق الظاهر مابوه شحن .. "
حط يده على خصرة بطفش " لا والله ..! والحين شلون تعرف إني جيتهاا ؟ "
فيصل وهو يطلع مفتاح سيارته من جيبه " إنت خذ المفتاح وأكييد إن شافت سيارتي بتعرفها وبتجيك .."
فارس وهو ياخذ المفتاح " وربي مستصعب الفكرة .."
فيصل " فاارس لو تعزني رح أبوي بيذبحني تأخرت علييه .. تعرف المشغل ؟ "
فارس " إيـه إيه مو إسمه " ...."؟"
فيصل " إيــه .. معليش إعذرني أدري المفروض ما أرسلك لها بس إنت شايف الوضع شلوون .. شيل سعيد معك لاهنت .."

فارس وهو يمشي متوجه لباب القـآعه " خلاص طيب .."
نزل ودور لولد حمد بعيونة إلى إن لقاه ..

وبـ إصرار البزآرين ركب ورى ..
شغل السيارة ومشى وأخذ حوالي ربع سآعه إلى إن وصل للمشغل ..
وقف قريب الباب بسيارة فيصل ..

وجلس ينتظر .. شوي بس وشاف بنت راميه الطرحة تقرب من السياارة ..
وبما إن السيارة مضلله ما إنتبهت للي داخلها ..
فتحت الباب يلي جنب السآيق ودخلت بسرعه ..
شآلت الطرحة ولزقت وجهها بـ المكيف وبنبرة معصبة " أفففففف فييصل ساعه لين تجي ؟؟ أففف منك صدق سااح المكيااج .."
"........"
قربت وجهها منه وقآلت وهي عاقده حواجبها " وش فييييـ..."
وما أمداها تنتبه للوجه يلي قدامها إلا وهي برا السياارة ..
أعطت الباب ظهرها وهي ترجع تغطي وجهها .. وقلبها طاايح ويدق بقوة ..!
هذا مين ؟ هذاا مو فيصل !!

أما هو .. رجع جسمه على ورى ووجهه محمر ..
حسبي الله على عدوك يافيصل ..! كله منك !
لف ناظر بـ الشارع وقلبه بيطلع قدامه وهو يذكر الملامح يلي كانت
قريبه منه ..
لف ناظر بسعيد يلي من ركب ماتكلم وشهق يوم شافه نايم ..!!
شاف إنها طولت برى ..
دنق بجسمه وفتح الشباك يلي جهتهاا " معلييش والله بس فيصل مشغول وقآل أجييك .."
فجر " .......... " < تتنافض
فارس " إركبي خليني أوديك .."
فجـر " ....... "
حك خده " طيب تبغين تكلمين فيصل ؟ "
فجر والصيحه بصوتها " إيـ إيه .."
إبتسم وإعتدل .. دخل يده بجيبه وطلع جواله
ثم رجع دنق بجسمه ومد يده على طولها ..
لفت ناظرت وشافت جزء بسيط من الجووال ..
مدت يدها يلي ترتجف ومسكت الجوال وأطراف أصابع فارس ..
سحبّته بقوة وقلبها ماقدر يتحمل أكثر من كذا فـ إنفجرت صياح ..
دقت الأرقام بأصابع مرتجفه وإنتظرته يرد ..

أما هو .. وكإن كهرب سرا بجسمه .. رجع لوضعيته وفتح أول زرين من ثووبة ..
وجلس يتنفس بصعووبة ..

فيصل " هلا فروس .."
بصياح " ألوو فيصل .."
بخووف " مين ؟ فجــر !! خير وشفيك تصيحين ؟ "
فجر بعصبيه ممزوجه بدموع " إنت ماتستحي راسل لي الولد ؟!! لييه ماجيييت ؟؟!"
فيصل " ليه وش صار ؟ "
فجر " ماصاار شي .. بس لييه راسله ؟ "
فيصل بضحكة " معليش بس والله مشغوول .. إركبي معه خليه يجيبك ماياكل هو .."
فجر " لا والله .!؟"
فيصل " وش فييك ؟ فارس حسبت أخووك ماراح يسوي فيك شي .. إركبي معه لاتلطعين الرجال .."

وسكّر .. ناظرت سماعة الجوال بقهر .. ماااااالت عليك من أخ ..
لفت للسيارة .. نزلت بجسمها وحطت الجوال بـ الكرسي يلي قدامها خايفه يصير لها الموقف يلي قبل شوي مره ثانيه ..
لف راسه وناظرها " ها وش قال ؟ "
" قال تعاالي معك !"
مسك ضحكته " يلا إركبي .."
ركبت ورى وإنهبلت يوم شافت سعيد نايم ..
مشى بهدووء .. وهو يحاول يختصر الربع ساعه في 10 دقايق ..!


وصلها قدام المدخل الخاص يلي يودي على غرفة فرح على طول ..
فتحت الباب " شكـرن "
إبتسم لها من المرآيـآ " العفوو .. ومبرووك لأختك ."
بتوتر " الله ... الله يبارك فيك .."
جات بتسكر الباب بس شدّتها كلمته " عقبالك ..!"
إرتجفت فوق رجفتها وقفلته بقوة بدون لاتحس ..

طلعت الدرج بسرعه ودخلـت للغرفـه حق فرح ..
شالت الطرحه وهي تلهث ووجههاا أحمــر ..!
لفت ناظرتها فرح " أووه فجووره أخيرا جيتي .!"
فجر ويدها على قلبها وتلهث " يمـ..ـه قلبي .."
فرح بإستغراب " خيير شفيك ؟ "
رفعت راسها وناظرت بالكوافير اللبنانية .. وإبتسمت بتودد ..!

الكوافير " لك شو هيدا ماشاءالله .."
فجر وهي تمشي للمرايا الطويله وتتنافض " هههه ..هه ،، مو لذآ الدرجـه ."
فرح وهي تغمض عيونها للكوافير " لو سمحتي إستعجلي ،، [ تكلمـ فجر ] وإنتي وراه تأخرتي ؟"
شالت عباتها وعيونها ع المرايا " أبد .. بـ الله شلون شكلي مرتب ؟"

دخلت على هـ السؤال أمهاا " فجر !! كآن نمتي فيذآك موب أصرف لتس .."
ضحكت " يووه ماماتي وش أسوي في ولدك يومه سنه ."
نآظرتها بتفحص " بس شغلهم مرتب ولآ ؟"
إبتسمت إبتسامه عريضـه " مدري وش رايك ؟ "
ردت الإبتسامه لبنتها " مشاالله مره حلوو .. إقري على نفسك .."
بتريقه " ماله دااعي يمه في أحلى .."
" وش ماله داعي أقولتس إقري على نفستس العين حق يمه .."
فرح وهي إلى الآن مغمضه عيونها " أبشرك فجيير بتنخطبين اليوم .."
أمها بتأييد " وأنا أشهــد .."
فجر بحمق وهي تمد بوزها " قبل كل زواج أحضره تقولون كذا وما أشوف خطـآب ولا هم يحزنـو.. [ وحطت يدها على فمها أول ما إنتبهت للي قالته ..] "
فرح وأمها " هههههههههههههههههههه .."
أم حمد " مستعجله ع العرس ؟"
فجر تصرف " يمه من تحت ؟ كادي جاات ؟؟!"
توجهت للباب بتطلع " لا لسى .. يلا إنزل مابوه غير جماعتناا .."

...:::...
بعد سـآعه ونص ..

نزل من غرفته .. وإنتبه لخواته جالسين بـ الصاله ويلبسون عباياتهم ..!
عقد حواجبه " على وين العزم .؟"
شذى وهي تتحجب " بنروح زواج إخت صديقتي .."
نآظر بـ لمى " من بيوديكم ؟"
شذى " السواق مالنا غيره .."
إبتسم " وإذا طلع لك أخ على غفله وقاال بوديكم وش بيكون رايك ؟ "
شذى " ههههههه بيكون أحسن أخ بـ الدنياا .. [ بتساؤل ] تودينا ؟"
تركي وهو يتوجه للدرج " خمس دقاايق وتكونون تحت .."
شذى " طيران .. لمى نادي ليان بسرعه .."
إبتسم ،، حلو يعني ليان بتكون معناا !!

إنتظرهم بـ السياره إلى إن طلعوا ..

" السلام عليكم .."

عدل المرايه عليهاا .. وقال يكلم شذى " وعليكم السلام ،، وش إسمها القـاعه ؟ "
شذى وهي تمد له الكروكي " شوف الوصف .."
مسكه وجلس يشوف المخطط .. حطه بحضنها وإبتسم وهو يحرك السيارة " يلا مشيناا أجل .."


طول ما هُم بـ الطريق وعيونه ع المرآيه ينآظرها .. وهي سافطته وتنآظر برا ..
تركي يحاول يشيل عيونة من عليها " أقوول لمى .."
لمى " هلا .."
إبتسم " هاا متى النتيجه ؟ "
لمى بضيق " لييه تذكرني ؟"
تركي " ههههههههه أفا .. هذا وأنا قـآيل بتجيب كامل .."
لمى " مع بداية الترم الثاني الله يستر .."
تركي " أهاا ..! وإنتي شذى ؟ "
شذى " لسى مابعد تطلع .."
هز راسه " الله يوفقكم .. [ بتردد ] وإنتي ليان بتبدأين دوام صح ؟"
لفت ناظرت فيه وإلتقت عيونهم بالمرايه " إيـه .."

وصلهم للقصـر .. تركي وهو يناظر شذى يلي نزلت من السيارة " إن خلصتوا دقوا علي بجي آخذكم .."
شذى " أوكي .."

وسكّرت الباب ..

دخلوا القـآعه يلي كانت مليانه شووي ..
إستقبلتهم فجر بترحييب حار ..
فجر وهي تنآظر ليان " ياربي شاايفتك من قبل أنا ؟"
ليان وهي تآخذ رقم عبايتها من الحرمه " هههههههههه لأ .."
فجر " هههههههههههه بس شايفه ملامحك والله ."

ع الساعه وحده .. قالوا إن فرح بتنزف ..
وإن فيه تصوير فيديو يعني يلي تبغى تتغطى تتغطى ..

قامت شذى ويلي معها وراحوا مكان ماحطوا عباياتهم ..
أخذوها ورجعوا .. ليان وهي تجلس تلفتت حولها " ياربيييه .."
لفت لها لمى " وش فييك ؟"
ليان " شنطتي نسيتها هناك .. تكفين لمى قومي جيبيها .."
لمى وهي ترفع حاجب " خير أشتغل عندك أنا .؟"
برجآ " تكفيين وربي مافيني حيل أقووم الكعب كسر رجلي .."
لمى " منيب .."

تأففت " ماالت عليك بنت عم ع الفاضي .. [ ومشت متوجهه للمكـآن يلي تركت به شنطتها ]"
لمى بصوت عالي علشان تسمعها ليان " بسسرعه قبل لايدخل العريس .."

في قـآعة الرجال ..
دق جوال فـآرس .. وقف ومسكه فيصل " وين ؟ "
فارس يناظر الشاشه ويبتسم " بروح أرد ورااجع .."

مشى يدور مكان هاادي .. طلع من القاعه وتوجه للباب المقفل ويلي يفصل قاعة الرجال عن قاعة الحريم ..
حط يده ع الباب ورد ..

<<

لياان " إيه شنطـة لونها وردي ماشفتيهاا ؟"
سمعت صوت رجال يضحك والصوت واضح خصوصا إن هـ المنطقة هاديه .. دق قلبها بقوة وخوف ولفت ناظرت الحرمه " بسرعه الله يخليك .."
نزلت بجسمه وطلعت أكثر من شنطه .. رصتهم ع الطاولة " أيهم حقتك ؟"
جلست تناظر بسرعه .. ولفت تناظر الباب يلي جاي منه الصووت ..
أخذت شنطتها وبعدت بسرعه " هذي هي .. شكرا .."

وطيران لقاعـة الحريم .. جلست ع الكرسي وهي تلقط أنفاسها ..
لمى " لقيتيها ؟"
ليان ويدها على قلبها " إيــه "

إنزفت فرح ومعها سلطاان .. تصوروا شوي وبعدها طلعوا ..

شذى وهي تلبس عبايتها " يلا الوقت تأخر .. مابقى شي ويجي تركي .. [ لفت ناظرت لمى ] وينها ليان ؟ "
لمى بضحكة " تكلم روميوو .."
ضحكت " الله يرجك .. [ تكلم فجر ] مشاءالله العرس خيال .."
فجر وهي تضمها " تسلميين ياقلبي .. وربي ما صار حلو إلا لمّى جيتوا .."
شذى " ههههههههه شكـرن ،، مبروك لفرح الله يسعدها وعقباالك .."
فجر وهي ترفع يدينها للسمـآ " آميــــن .."

جآتهم ليان وهي مبتسمه ووجهها أحمر ..
فجر " وربي شايفتك قبل بس وين ؟"
ليان " هههههههه يخلق من الشبه 40 يختـي .."
شذى " وهي صادقه خخخ .. ها يلا إنتي إلبسي تركي جاي بـ الطريق .."
بإحراج " لا معلييش مشعل بيمرني .."
لمى بإستهبال " لا لا ياحلووة .. جيتي معنا ترجعين معناا .."
ليان " يوه عاد والله قلت له هـ الكلام بس هو مو راضي .."
شذى وهي تحرك حواجبها " وين بتروحون آخر الليل ؟"
فجر وهي تضربها على كتفها بخفه وتناظر ملامح ليان يلي ذابت " إتركوا البنيّـه بحالهاا .. وبعدين إنتوا بدري ع الرووحه .."
شذى " وين بدري ناظري القااعه ما بها أحد غيرنا .."
فجر " تكفيين إجلسي بوريك فارس .."
ضحكت " ههههههههه لا معليش الجايات أكثر .. أخاف يعجبني ولا شي .."
دفتها " أجل رووحي موب لازم تشوفينه .."
دق جوالها وردت " هلا تركي . خلاص ثواني بس .."
تكلم لمى " يلا تروك براا .. وين ليان راحت ؟"
لمى وهي تتنقب " إنحاشت خخخ .."

سلموا على فجر وباركوا لها ..
وطلعوا .
ركبوا وجلسوا شوي ساكتين ..
لمى " ماودك تمشي ؟"
تركي وهي يناظر ورى " ناقصكم وحده .."
شذى " لا لياان مهب جايه .."
طارت عيونه " شلوون ؟ "
شذى " هههههه زوجها دق عليها وقال بيمرها .."
حمر وجهه من العصبيه وقال بغضب وهو يضرب الدركسون بقبضة يده " مشعــل !!!"
لمى " إيه مشعل وش فييك ؟ يلا عاد إمش فيني نووم .."
بقهر " ومن سمح لها ترووح ؟ ولا الدنيا ساايبه يعني ؟!"
شذى بإستغراب " يه تركي ؟!!! زوجها تراه مو غريب .."

شخط بسياارته بسرعه .. وأكبر إستفهام على راس خوااته ..

..× لا يِغَّركـْ كِـثير الصمْت وْ {.. سِكـَّآتِـي ..!
خَّـلْ المِـشَّآعر تقول ‘ الآآهـ وإسألهَّـآ ..!~
:

وصلوا البيت .. وإلى الآن تركي يغلي من العصبيه ..
شذى وهي تتثاوب " ماودك تنام ؟"
تركي وهو يجلس ع الكنب وينآظرها بإبتسامه " لأ .. بجلس شوي وبعدين بطلع .."
طلعت الدرج " أجل تصبح على خير .."
ناظر قدامه " وإنتي من أهله .."

سند ظهره ع الكنب براحه .. وحط ذراعه على راسه بتفكير ..
وأحداث الأيام يلي مرت في الأسابيع يلي فاتت إلى الآن في باله ..
تذكر يوم سمع صوت عبدالله .. وتذكر بعد يوم راح للمخفر وبلّغ وفي النهاية ما أحد أعطااه وجه .
لأنه وعلى قول الضابط .. هذا صوت ومافي أي دلاله تثبت إنه ولد عمه ..
وغير كذا السالفه تنقاس بـ العقل .. يعني إن كان عبدالله كان بيكلمة ..
يعني مستحيل يشوفه ويسفهه ..

نآظر سااعته وهو عاقد حواجبه .. الساعه بتصك 2 ونص وحظـرت المدام ما شرفت ..
تثااوب بكسل .. غمض عيونة شوي وبعدها فتحها على طوول ..
ماراح ينام إلا لمن يصفي الحساب يلي بينهم !

مرت ثلث ساعه .. وبعدها إنفتح باب البيت ..
وقف على حيله والإرتباك كاسي ملامحه .. لكنه على قد مايقدر يحاول يتظـآهر إنه طبيعي ..

وقفت شوي تستوعب نظرات تركي ..!
وعلى رآسها أكبر علامة إستفهام بـ الدنياا ..

تركي بإبتسامة " حمدلله ع السلامة .."
ليان " .... "
تكتف " شايفه الساعه كم إنتي ؟"
ليان " كنت مع مشعل .."

بقهر " وألحين هذا حالك كل ماجيت أسألك ؟ كنت مع مشعل وكنت مع مشعل !"
ليان " تركي قول يلي عندك وخلصني لو سمحت .. بروح أناام .."

أخذ نفس .." تنـآميين ؟ [ بإستغراب ] من متى وصـآر البروود فيك ؟ "
ليان بنرفزة " تـر.."
قآطعها " أشووفك تغيرتي من تملكتي على هـ المشعل ..!! وين لياان القديمــه ؟ وين ليـان بنت عمي يلي أعرفها أناا ووين ..؟"

ليان وأخلاقها قآفله " تركي فييك شي ؟ إنـ..إنت شارب شي ؟ "

تركي " كلامي مافيه شي غريب علشان تضنين هـ الضنوون .. "
ليان وهي ترمش أكثر من مره " مـ.ـمو فآههمه ..؟"

تركي وهو يأشر عليها " ناظري نفسك وبتفهميين .. شووفي كيف كنتي وشلون صرتي ..! ليااان وش صاار لك ؟ [ بإنفعاال ] لييه صرتي كذاا ؟؟ أول كنتي غيير .. غيررر ..! أما هـ الحين ،، ألحيــن صرتي ماتفكرين غير بنفسك .. أنانيــه .. نآظري حولك وشوفي بيتنا شلوون صاير .. شووفي حياتنا شلوون صارت .. كل شخص منّا جالس يموت ببطئ .. وإنتي مو مهتمه ..
همّك بس مشعل .. "
لياان "......"
تركي " إنطقي قولي شي لاتسكتيين كذاا .."
صرخت فيه وهي ترجف من كلامه " وش تبغآني أقوول ؟ وش بيدي أسويـه وما سويتـّه ؟"

صرخ مثلها بدون وعي " تحركي .. سوي أي شي .. حآولي تنقذين طلال ومهاا .. طلال إخووي يلي أبووي يلعب به .. ولا لمـى وتهديدات أحمد .. أحمــد بيضيع إختي بيضيعهاا ..
ولا شذى .. شذى يلي نسيتيهاا وهي أكثر وحده محتاجتك .. خسرت عبدالله وهـ ألحيين خسرتك وإنتي قدامها .. [ ترآخى صوته ] ما بقى أحد غيري وآقف في هـ البيت .. ومن يدري ممكن بأي لحظـة أطييح ..
[ صرخ فيها ] وإنتي مو مهتمه غير لطلعااتك وإتصالات مشعل في كل دقيقة ! خلك كذاا نايمه ولا ضعنا كلنا ومآبقى فينا روح إصحــي .."


تركها ورااح .. طلع الدرج بسرعه جنونية ..
وهو ندمان على كل كلمه قآلها لها ..

طاحت الشنطة من يدها .. وعيونهاا إمتلت دمووع ..
شفْ مَنْ يطلب العون مِنْ مَنْ ؟!!!
تركي الصَلبْ القوي القـآسي جآي يشكي لها ..
يبيها تسـآعده ..

شآلت نقابها و شهقـت .. ودموعها بدت تنزل بغزارة ..
وخط الكحل يلي إرتسم على خدها يحكي وش كثر هي محتآجته أكثر ..
محتـآجه لهم كلهم .. حـآسه بضيـآع ..
ضيــآع يقتل كل خليه فيهاا ..
يبيهـآ تسـآعده وهي غرقـآنه وهم ينآظرونها
وماأحد راضي يمد ديه لهاا ويساعدهاا ..!
...:::...



...**... نهـآية الفصل الخامس عشر ...**...

نآظرت بـ الطبيبة يلي قدامها .. وإبتسمت بإحراج وهي تقدم لها فنجال القهوه " معلييش والله أدري المفروض انا يلي أجييك بس تدرين بعدني إلى الآن في العده وماأقدر أطلع .."
إبتسمت وهي تآخذ الفنجال " تسلمين .. [ شربت شوي ] شدعووه شـآدن مابيننا هـ الشكليات .. ههههه معليش أناديك شـآدن حااف ..؟"
ضحكت " هههههههههههه طبعـا عاادي .. أنا أصلا من يومي ما أحب الرسمياات .."
حطت الفنجال ع الطاولة الصغيرة يلي قدامها " ههههههه يعني حلوو جات هـ المبادرة مني ..!"
" ههههههه تقدرين تقولين كذا .."
نآظرت بطن شآدن واشرت براسها " كم شهر مشاءالله ؟"
شادن بحب وهي تحط يدها على بطنها " توني مخلصه الرابع داخلة بـ الخامس .."
إبتسمت " مشاءالله شكلك مايعطي أبد .. حتى بطنك ماكبر .."
شـآدن " ههههههههههههههههههههههههه الكل ملاحظ .."
ضحكت " طيب أبوه يدري ؟"
بسرعه " أكييد .."
جلست تحوس بشنطتهاا " حلوو .. [ ناظرت شادن ] شووي بس أعطيني دقايق أطلع مستلزمات الجلسه ونبدآ .."
سندت ظهرها عل الكنب برااحه " خذي راحتك .."

نآظرت بشكل دكتورة الطب النفسي [ هديل راجح الـ.........]
وإبتسمت .. على آخر عمرك ياشادن صرتي تروحين عند أطبآء نفسيين .؟!!
أو عفوا هم يلي يجونك ههههههههههههههههههه ..
د\هديل وهي تطلع الدفتر والقلم " أففف أخيرا مابغوا هههههه .. يلا تمددي علشان نبدآ .."
تمددت ع الكنب وهي عابسه بقوة .. وحاسه برفس الجنين بيذبحهاا ..
الدكتورة " ماعرفتي وش هو ولد ولا بنـت ؟"
شآدن " لأ .. أبيها مُفآجئـه "
الدكتورة وهي تعقد حواجبها " بس يمكن أبوه يبي يعرف .."
بهجوم بسيط " وأبوه وش دخله ؟!! في بطن مين هو بطني ولا بطنه ؟"
هديل " لا لا لا كذا مايصيير .. شلون وش دخله مو ولده ؟"
بغصّه " ولده .. بس شكك فييه .."
الدكتورة هديل " لاا دام السـآلفه كذاا خلينا نبدأ من جديد .. بس ترا يكون في علمك إن الولد لاكمّل السبع سنين يُخير بين أمه وأبووه .."
شـآدن وهي تنآظر السقف بدمووع متجمعه " ويمكن تكون بنت .."

تحـت بـ الصاله .. ع التليفون ..

الجده " والله الحمدلله يمه كلنا بخيير ماينقصنا غير شوفتك .."
خآلـد ع الطرف الثآني " دوم يمه .. "
الجده " تسلم أبووي .. هااه بشرني عنك شلون الأهل ؟"
خالد " والله كلهم بخير الحمدلله .."
الجده " وإختك رعووب مدري وش إسمها وش سوت بـ إمتحاناتها ؟"
ضحك " عرووب يمه عروب ."
الجده " هههه وأنا وش يدريني ياوليدي ؟ همآه إسم إختك غرريب الغلط منكم مو مني .."
خالد " ههههههههههههههههههههههه ياحبي لك يمه والله فقدت جلساتي معك تدرين ؟"
الجده بنغزة " والله ياوليـدي البيت وتدل طريقه حيـآك الله .."
خـآلد " إيه والله معك حق أنا مقصر بحقك بس العـذر والسمووحه .. "
الجده " أنا عني مسـآمحتك يمه .. بس ولدك وأمه ماظنتي .."
خـآلد وصوته إهتز " ولــدي ؟ إنتوا عرفتوا وش يلي ببطنها ؟"
الجده " لأ .. مهيب راضيـه تسوي أشعه .."
خـآلد بتردد " و.وهي شخبآرهـآ صحيح ؟"
الجده " الله يخلف على حـآلها بس .. آخرتها بتستخف .."
بسرعـه وخووف " لييش ؟"
الجده بتنهيده " من عمآيلك إنت وولد أبلييس فيها .. وربي مابقـى فيها حيل تتحمل .."
خـآلد والخوف إلى الى الآن بصوته " يممه تكفين تكلمي وش فيهاا ؟"
" أبد هذاهي فوق عند دكتورة الطب النفسي .."
خـآلد بصدمة " دكتورة نفسيـه ..! ليييييييه ؟"
الجده بإنفعال " وليييه يعني ؟ إنت شايف وش سويتوا فيهااا ؟ وربي البنت ماعآدت مثل أول .."
خـآلد " وأنا وش بيدي أسوي ياجدّه ؟ حتى وإن سألتيها لو طلب يرجع لك بتوافقيين ؟ مارااح ترضى "
الجده بهجوم " ولييه أسألها ؟ الدنيا مهيب لعبه بيدك ..! وبعديين وش حادها ترجع لك وإنت أهنتها أكثر من مره ؟؟!! تبيها تصيير مُربيه لولدك وإنت ع الطالعه والنآزله تهزئ فيهاا ؟ [ رجف صوتها ] وربي يمه خالد أنا احبك وأعـزك أكثر من عيالي حتى ،، بسبب محبّـة ذآ الضعيفه لك .. بس بعد يلي سويته فيها إنت وفؤاد وربي مـ..."
وبدأت تشهق ..
خـآلد بضيقـه " يمه كله ولادموعك .. يعني تحسبين هـآن علي أطلق شـآدن كذا ؟ وربي
يلي شفته مآ خلا فيني عقـل .. "
الجده " كمـ مره قالت لك لاتعصب بس إنت إنت ماتسمـع للكلام .."
خـآلد وضيقته تزيــد " يمه تبغين شي ؟ بسكـر .."
الجده وهي تمسح دموعها " لا سلامتك .. بس لاتنسـى لك أمانـه عندنـا إسأل عنهاا .."

...:::...

وقف سيـآرته قدام بيتهم .. وهو يزفـر بطفش ..
والله لولا إصرار مها كـآن ماجـآ ولاطب هـ المكاان . بس وش يسوي
حلفتـه ..!
غريبه ذيك الحرمة تسوي حركـآت مدري وش تبي ؟
أول مره يشوف وحده زيها تدآري المرأه يلي بتصيير ضرتهـا .!!!!

سحب المفتاح ونزل .. وهو يدعي ربه إنه مايتعلـق فيهاا .. ويشوفهاا عاديه جداا
لأن بعيونة مهـا تغنية عن الكل ..

دخل للمجلـس يلي قلطـه فيه الحآرس ..
جلس ع الكنب وقآل بطفش " وين بابا كبيير ؟"
هز رآسه " جوآ هزّآ بييت .."
أشر بيده " رح ناده بسرعه .."

إنتظر حول العشر دقآيق وبعدها جآ أبو بآسمه ومعه بآسمه يلي بيدينها صينية ..
" السلآم عليكم .."
رد السلام بإرتبـآك و حآول يلين ملامحه على قد مايقـدر ويخفي توتره من شكلهـآ ..

مدت له الصينيه " تفضـل .."
رفع عيونة لها .. ومد ديه وأخذ العصير " زآد فضلك .."
شرب شوي ونآظر بأبوها " شلونك عمي ؟"
إبتسم " الحمدلله بخيير إنت وش مسوي ؟"
رديت هل الإبتسامه " الحمدلله تمام .. [ نآظرها وهي تجلس جنب أبوها ومنزلة راسها ] و.وإنتي بآسمه شخبآرك ؟"
إبتسمت بخجل وهي تفرك يدينها ببعض " الحمدلله .."

رجع نآظر بأبوها وتوسعت إبتسامته تلقآئي .. سبحـآن الله فرق بينه وبين أبو مها العسر ..!
ويلي أزعجـه بـ الإتصالات يبيه يطلق مها بس هو معطيه أكبر طااف بـ الحياة ..

إنتبه لأبو بآسمه يستأذن منه ويطلع .. يممه تركنا بروحنا وااااي هههههههههه ..
قال وهو يناظرها شلون مرتبكه " جهزتي للعرس .؟"
بلكنّه غريبه " إيه .."
عقد حواجبه " وش فيك تقولينها من غير نفس ؟"
نآظرته وطآحووا دمعتين مايدري لييش " لأنك مو مهتم فيني ونآسيني .."
فتح عيونه بقوة " اناا ؟"
هزت راسها " إيه ،، شووف كم صار لنا متملكين ومآشفتك غير ذآك اليوم .. حتى مكالمات
تتصل فيها علي علشان تطمن ماعمرك دقييت "
طلال " ..... "
كمّلت " هذا وحنا مابعد تزوجنا وسويت كذا إهئ .."
طلال وهو يرفع حاجب " ألحين من جدك إنتي زعلانه ؟"
بآسمه " وش رايك إنت إهئ إهئ .."
اللهم طولك يآرووح " طيب وش أسوي لك علشان ترضين ؟"
بآسمه " .... "
طلال " لاحوول مهـ..آآ أقصد بآسمه ،، غلطنا ومنك السمآح يآشييخه .."
نآظرته بغموض ،، ثم قآلت بتردد " " لو تبغاني أرضى صدق .. أعطيني بيتهاا "
طآرت عيونها " وشوو ؟ مهبوولة إنتي ؟"
صآحت زود " إيه قول إنك بتآخذني وبترميني في بيت برووحي إهـئ .."

جلس معها حول ربع ساعه وبعدها طلع من عندها وهموم الدنيا فوق صدره ..
نزلت من المجلس ووقفت عند إمها يلي تنتظرها عند الباب " هاا بشري ؟"
بآسمه بفرح " وااافق وااااااافق يييمه .."
مسكتها من كتوفها وبفرحه " بيطردهاا ؟!!"
بآسمه " لأ .."
دفتها بخفة " مالت وأنا أقول جايبه الزين .!"
بآسمه " يممه مو كل شي يجي في نفس الوقت ! هو ألحين قآل بيسكّني معهم بنفس الفلّـه وشوي شووي إلى إن يطردهاا .."

...:::...

أسيل وهي تضم منار بنت إختها ودااد " فديتهاااااااااااااااااااااااا الدوبييه أناا .."
سآمي وهو يضحك " حراام كسرتي ضلوعها المسكينه .."
شدّتها من خدها بقوة " لبـى قلببب هـ الخدووود .."
وداد وهي تشيل بنتها " أفف ذبحتيها تـرا .."
أسيل وهي تكش عليها " من زينهاا عاااد مالت ..! تحمد ربها إنها معي [ نآظرت أبو منار ] ولا يآ عآدل وش رايك ؟"
ضحك " هههههههههه خليها بـ القلب .."
أسيل " أفاا .. [ وهي تنآظر مرام يلي جالسه بعيد عنهم ] مرامووة إفزعي لي .."
إبتسمت لها ببرود من غير لاتعلق ! بالها مشغوول بكلام مساعد اليووم .!
إنتبهت لها الهنوف وقـآلت بهمس " مرام فيك شي ؟"
نآظرتها .. ثم نآظرت فهد يلي خز إخته " لأ .."
سـآمي " مشاءالله كم بقآلك وتخلص كورسك ؟"
عآدل بإبتسامه " يعني سنه ونص تقريبـا .."
فتح عيونة بقوة " كثيييير .."
" عااد وش نسوي تعودناا ،، يلا مابقـى شي رااح كثير خلينا نصبر ع القلييل .."
وداد " وبعدين تعودنـا على أسبانياا وجوهـا والله .."
أسيل بنغزة " لا بـ الله إنك تعودتي تشوفين ذآ المزين بكل مكاان .. [ ونآظرت عادل وصارت تحرك حواجبها بسرعه ] "
عـآدل " يقآلك تردينها يعني ؟ "
أسيل " هههههههههه 1-1 .."

وقفت وداد " يلا بناات معليش بكرفكم خخ .. تعآلوا معي نجهز العشـآ "
وقفوا ثلاثتهم وراحوا للمطبخ ..

سآمي " وش فييك أبو الفهد سـآكت ؟"
فهد ببرود " مافيني شي .."
عآدل بتودد " إلا مآقلت لي فهد كم بتجلس هناا ؟"
فهد بنفس البرود " والله مدري .؟ على حسب الكورس يعني .."
هز راسه وهو يسمك يد منار ويلعبهـآ " الله يعين .."

وداد " هههههههههههههه والله مالك داعي أحرجتيني قدام الرجال .."
أسيل بإندماج وهي تعصر الليمون ع السلطة " ههههههه يختي وش قآيله انا ؟ ماقلت غير الحق .."
وداد تغير السالفه " إيه إيه صكري الموضوع بس .. [ نآظرت الهنوف يلي تنزل الصحون ] إلا الهنـوف بسألك كمـ الفرق بينك وبين فهد ؟"
نآظرتها وإبتسمت " خمس سنوات تقريبا .. ليش ؟"
وداد " مشاءالله مايعطي أبد .. علاقتكم حيل قوية مع بعض .."
الهنوف بحب " والله وش أقول لك ؟! فهـد كلشِ بحياتي أمي وأبوي وأخوي وصديقتي وكلشِ .. وربي شوفته بس تحسسني بـ الأمان .."
مرام يلي شدها الموضوع أول مابدأت تتكلم عن فهد .. ولييه أنا ماشفت هـ الآماان ؟ لييه ماحسييت به مثلك ليه ؟
وداد " الله لايغير عليكم .."
الهنوف تكمل " صحيح هو مزااجي شوي .. بس وربي قلبـه طيييب ينحط ع الجرح يبرا وربي .."
أسيل " ههههههههه والله ماطلع النخل براس سامي غير مزآجيـة أخوك .."
" هههههههههههههههههههههههه "
وداد وهي تخز إختها ع الجنب " وإنتي مع ذآ السـآمي .. أشووفك قـآطه الميـآنه مـع الولــد ..!"
حمرت خدودها " وإنتي وش علييك ؟ أنا وصديقي نصلـح .."
رفعت حواجبها " بعـد ..! وربي وجه بن فهره ماتستحيين .."
أسيل بدجـه " رآضعين أنا ويـآه سواا .."
مرام إنفجرت بدون وعي .. ههههههههههههههه ..
أسيل بإستغراب من الإزعاج يلي كان يسبقه هدوء " سكنهم مسآكنهـم يارب .."
مرام " هههههههههههههههههههههههههههه .."
وداد " الله يجبر بخـآطرك زي مـآجبرتي بخـاطر إختي وضحكتي على سخـآفتها .."
أسيـل وهي تشمر كم بلوزتها الصوف بإستهبال " ودادووة إعقلي لا أوريـك شغلـك .. حنيتي لأيـآم تنتيف الشعر ..؟"
" وداد حبيبتي .."

أسيل وهي تنـآظر بـ عادل يلي واقف عند الباب وشآيل منار يلي تصيح " هيييه وش حبيبتي إنت ؟ البيوت لهـآ حريمها ههه .."
عـآدل " لاحوول .. الحمدلله زوجتـي مآطلعت مثلك .."
أسيل وهي تتخوصر " لابـ الله !! أصلا زوجتكـ تمووت وتصير مثلي .."
وداد وهي تشيل منار من حضن زوجهـآ " ياشييخه ..!! وش فيك زود عني علشـان اتمنى أصير مثلك ماالت .."
أسيل وهي تعد بأصـآبعها " جمـآلي ودلالي ودلعي وظرافتـي و خفـة دمي .."
وداد " هههههههههههه مدّآح نفسه يسلم علييك .."
أسيل بهبال وهي تجلس ع الكراسي " الله يسلمة فقدته الدووب .."
عـآدل " لا بـالله منتيب صـآحيه .! بعقلك شي إنتي ؟"
وداد " هههههههه خليك منها طويلـة اللسـآن ذي .. يلا العشآ جآهز قلهم يجون .."

أسيل وهي تبّوز " أورييك .."

تجمعوا ع الطـآوله .. والبنات بحجآباتهم ولبآس سـآتر كـ العاده ..
عآدل " ههههههههه معلييش إعذرونا مو قد المقـآم .."
سآمي " وش دعووه أبو مناار مابيننا هـ الأشيـآء .."
بدأو يآكلون بصمت .. مآغير أصصوات الملاعق والصحون ..
وداد تخز أسيل يلي جالسه قدامها " في نـآس يصيرون شيون لازعلوا .."
الهنـوف " ومشكلة زعلهم صرااحة مايرضون بسرعه .."
سآمي بـ لقافته المعهودة " أفا من زعلان ..[ وبكوع من فهد خلآه يتألم ] آآي يـآخي كتفي أبييه .."
فهد " يا أخي ياحبك لتليقـف .."
سآمي يسفهه " من زعلااان ؟"
وداد " وحدّه حلوة وأموورة ودمها خفيف ههه .."
وضربتها برجلها من تحت الطاولة ..
أسيل وهي تحك مكان الضرب " آآي يالدفششه يألم ترا .."
عآدل " أفاا .. الأخلاق تجـآريه .."
أسيل بإستهبال " لا بعد وتخفيضاات 75%.."
" هههههههههههههههههههههههههههههههههههههههههههههههه "
وداد " أدري فييك وخيتي تهبببلييين ماتزعليين مني صح .!"
أسيل ترسل لها بوسة بالهوا " طبعـآ .."
مرآم حست نفسها بتختنق .. هي مو حقودة أو غيورة ..
بس علاقـة أسيل بإختها وزوجها يلي مثل أخوها تشعل نيران دآخلهـا ..
تحسسها إنها وحيده في هـ الدنيا .. وهذا هو الصح !
هي وحيده مالها احد .. وقفت وصحنها مليان ماأكلت منه شي ..
وداد " أفاا مرام على وين ..؟"
مرام وصوتها مخنوق " شبعت الحمدلله .."
وطلعت من المطبخ ..

نفس الحال كان مع فهـد .. غص بـ اللقمة أكثر من مره ..
وعيونة كل ساعه تجي ع الهنـوف يلي تناظرهم وتضحك .. الظـآهر كذب
الكذبه وصدقهاا .. صدق إن الهنوف إخته وطـآر فيهاا ..!
وقف ..
عـآدل " أفاا وش فيكم تتسحبون واحد ورى الثاني ؟ ليكون الأكل ماعجبكم ؟"
فهد بإبتسامه باردة " لا والله الأكل ماعليه كلام .. بس أنا شبعـآن ومو مشتهي .."
وطلع من نفس الباب يلي طلعت منه مرام ..

شآفها جالسه ع الكنب ومغطيه وجهه بكفوفها ..
قآل بصوت واطي لا أحد يسمعه " أشوفك جـآلسه بروحك !!"
رفعت راسها ونآظرت فيه بقهر .. من جد حس بنظراتها تطعنه في شي هو يجهله ..
إنتبه لعيونها وخشمها يلي قالبين أحمر .. وعرف إنها تحس بنفس شعورة ..
نفس الوحده ونفس القهـر ..
حتى طعم الذل يلي هو يحسه هي تحسه ..
نفس التهميش يلي حسّه هو هي تحسّه ،، ونفس نتآيج الغلط يلي
دفعه هو هي جآلسه تدفعه ..!
مرآم بصوت يرجف " فهد يرحم والديك فكني من غثاك .."
يرحم والديني !.. هزّته هـ الكلمه من جوآ ..
قآل وهو يجلس بعيد عنها بمسافه " وين رحتي اليوم ؟"
نآظرته بنظرات مافهمهـآ .. ثم قآلت بعد صمت " وش يهمك ؟ أطلع وأروح مكان ما ابي [ بصوت كنه طالع من بير ] مـآعندي أبو يلومني ولا ام تدلني .."

مآيدري شلون طلعت نظرت الإستحقار منه " وفرحآنه بخيبة أهلك ؟"
زفرت بتعب " تدري ،، الشرهه ميب علييك علي أنا يلي عديتك رجـآل وقلت لك .. قلت يمكن تسآعدني طلعت أبد لاتهش ولاتنش .."
رفع حاجب ببرود مصطنع ،، وهو من داخل بينفجر من الغيض " وبصفتي وشو أهش وأنش علييك ؟"
وقفت " الغلط مو منك .. مني انا يلي جالسـه معك .."

وتركته ودخلت للمطبخ .. اففف وش ذآ الرجـآل ..؟

...:::...

بعد كم يوم ..

لمى بحماس وهي تتنقب " الله والله لا أفـل أبوها اليوووم .."
شذى " ههههههههه الله يرجك وربي أشكالنا غلط .."
لمى " لاغلط ولاشي بـ العكس حمااااااااااس .. أهم شي جبتي الفسآتين يلي لبسناها في زواج إخت فجر ؟"
شذى وهي تنآظر ليان يلي تنزل الدرج ومعها كيس كبير " توها توصل .."
رمت الكيس بقوة عند رجل لمى " أفف مايسوى علي تكسرت كراعيني .."
لمى " خخخخخخخ من حقي أدلع اليوم ولا ؟"
ليآن وهي تتحجب " ههههههههههههههههههه وربي مالنا داعي .."
شالت شنطتها من ع الكنب .." أقول إنتي وياها بلا حكي زايد وبسرعه ،، مشاعل والبنات ينتظرونا .."

طلعوا مع السـآيق وراحوا لبيت أبو مشاري ..
إستقبلتهم مشاعل وهي كآشخـه مثل الإتفاق ..
لمى وهي تصفر " واااااااو شو هـ الحلآ ؟"
مشآعل " ههههههه ميغسي قلبوو .. يلا حيآكم .."
مسكت لمى وطيران على فووق ..
لمى وهي تهمس بإذن مشاعل وتكمل طريقها بـ الدرج " بـ الله متأكده مابوه حدآ هون ؟"
مشآعل وهي تفتح باب غرفتها " نوو .. ميشوو مسآفر فديته وأمي وأبوي موب هناا .."
من سمعت طاري مشاري بغى قلبها يووقف ..
مشآعل " خذي رآحتك بعد نص ساعه جآيتك أووكي .."
لمى وهي تطلع الأغراض من الكيس " أووتسي .."

أم مشعـل " هههههههه فديتك يمه تصبري مابقـآلك شي .. "
ريتآن بحمـآس وهي توصف بيدينها " يمه تخيلي سوينا سونآر ياربييه لو شفتي شلوون صغنووون .."
أم مشعل " ههههههههه الله يتمم لك عـ..."

تررن ترررررن تــرن ..
قطع عليها صوت التليفون .. وقفت وتوجهت له ..
رفعت السمآعه " ألوو .."
صوت غريب " الو السلام علييكم .."
عقدت حواجبها " وعليكم السلام ."
" هذا بيت مشعل الـ...؟"
" إيه هذا بيته .. من معي ؟"
.." إنتي أمه ؟!"
خآفت " خير يآخوي وش السآلفه ؟"
" ولدك مملك على وحده إسمها ليـآن مآجد الـ..... !"
أم مشعل بحيرة " ممكن أفهم السـآلفـه ؟ وبعدين من إنت ؟"
" إعتبرينـي وآحد يبي الخير لولدك .. يا إختي زوجـة ولدك كآنت .."
أم مشعل بخوف " كـآنت وشو تكلم !"
" عميـآء .."
شهقت بصوت عالي " عميــآء ؟؟!! وإنت وش درآك ؟ "
جآتها ريتآن بخوف " خيير يمي وش صآير ؟"
أم مشعل يلي جلست على أقرب كرسي " ياوليدي متأكد من يلي تقولـه ؟ تكفى "
" إيه متأكــد ،، وإذا مو مصدقتني سإلي ولدك .."
" طيب شلوون ؟ هي ألحين تشووف .."
" ولدك ياخـآله سوآ لها العمليه .. صدقيني هي عميـآء وتعآلجت .."

سكّرت منه ،، ونـآظرت بريتآن يلي بدآ وجهها يشحب ..
ريتآن " خير يممه تكلمي وشو ؟"
أم مشعل وهي بالموت تلقط أنفاسها " ليـآن ؟"
" وش فيهاا ؟"

عندّه ..<<
سكر السمـآعه وهو مبتسم .. مو إبتسامة النصر مثل ماتوقع !
إبتسم إبتساامة قهر من يلي سوآه .. حس بحـقآرته .. حس إنه صدق حقيير
وخرب بيت نـآس .. بس وش يسوي ؟ وش يسوي لاصـآرت الغيرة تنهشه ؟
تقتلـه .؟ هذا أنسب حل .. أقل شي من وجهـة نظـره ..

ريتـآن بشهقه " وشو يمه ؟ متأكده ..؟"
أم مشعل وهي تشرب المويه " هو يقوول .."
ريتآن " طيب عادي وش فيهاا ؟"
فتحت عيونها بقوة " شلون وش فيها إنهبلتي إنتي ؟ تبغين ولـدي يآخذ وحده كـآنت عميـآء ؟!!!!!"
ريتآن " يمه هذاك قلتيها كانت .. حرام عليك والله إن مشعل فرحـآن فيها حرام تخربين عليهم .."
أم مشعل " أقول الخلا بس .. دقي عليه خليه يجي بسرعه .. لا ويكذب علي بعــد !!"

...:::...

شموخ " وشلونك مع مشعل ؟ عساكم مرتاحيين ؟"
ليـآن بإبتسامه " والله الحمدلله .. من زمـآن ماكلمته دآريه ..؟"
عقدت حواجبها " لييه ؟"
ليان وهي تحرك كتوفها ببرود " مدري والله .."

فوق في غرفة مشاعل ..
لمى وهي ترفع قذلـة من شعرها وتلبس الطرحـة البيضآ " بسرعه مشاعل هاتي الكحل والمسكرآ .."
مشاعل وهي تعدل الروج حقها " طيب ياعروسـة خخخ .."
سوت لها مكيآج وضبطته حيل ..
لمى وهي تناظر نفسها بـ المرايه " وه فديتني حتى وأنا أستهبـل أهببل .."
مشاعل " ياوااثق خخخخخ .."
لمى " يلا ياحرمة خذي لي طريق .."

نزلتها من الدرج الخلفي وخلتها توقف عند باب المدخل ..
مشآعل " لحظـة إنتظـري شوي أضبـط الوضع داخل .."

دخلت للصاله وتركتها ..
نآظرت شكلها بـ المرايه وضحكت على شكلها بـ الفستـآن الأبيض والطرحه البيضآ ..
والمسكه والمكيآج يلي مكبرها سنين قدآم ..
أرسلت لنفسها بوسه وهي مآخذه راحتها بما إن البيت فآضي " فدييتك لموو تجننين ههههههههه .."

جلست ترفع حآجب وتنزل حآجب .. وسآعه ترفعهم إثنينهم بعبط ..
حست بزي الظل ورآها ..
لفت وقآلت برجه " هاا ميشو جـآ وقت الزفه ؟"

إنتبهت للي قدآمها .. شخص لابس بلوزة بيضآ على كتفه زي النجوم الذهبيه ..
وبنطلون كحلي .. شآيل شنطة سفر صغيرة على كتفه وينآظرها بإستغراب ..
رمشـت أكثر من مرّه .. ويوم إستوعبت إن هذا مو مشاعل صرخت وطيران على داخل ..
صدمت بمشاعل يلي كآنت نآزلة لها و سألت بإستغراب " خيير وش فييك ؟"
دفتها ودخلت " تقوليين مافي أحد يـآتبنــه !!!"
عقدت حواجبها بقوة . وش فيها ذي أول مره أشوفها مستحيه خخخ ..
راحت مكان ماتركت لمى .. وشهقت " ميشووووو ..!"
مشاري يلي إنتبه " هههه عيون ميشوو .."
راحت له بسرعه وسلمت عليه " متى جيييييت ؟"
ضمها " أفاا بدل ماتقولين الحمدلله ع السلامه .."
بعدت عنه وهي تضحك " هههههههه يابعد أهلي والله . حمدلله على السلامه نورت الششرقيه .."
قرص خدها " منورة فيك يالحلوة .."
ضحكت " لييه ماقلت إنك بتجي ؟"
نآظرها ورفع حاجب " إنتي يلي ليه ماقلتي عندنا عرس .؟"
نآظرت شكلها .. ثم تذكرت شكل لمى وماتت ضحك ..
مشاري وهو يضحك " ههههههه وش فيك يالمجنوونة .؟"
مشاعل وهي تحاول تكتم ضحكتها " هههههههههه ياويلي علييك يالمى هههههههههههههههه .."
دق قلبه ،، " لمى ..! وش دخل لمى بـالسالفه ؟"
مشاعل " ههههههههههههههههههههههههههههههههه ياربييه بمووت .. ههههههه فكرتها وطاحت فيهاا .. ههههههههههههههههه .."
سكت وهو يشوف مشاعل تمسح دموع الضحك .. إبتسم على منظرها ..
شوي بس وشهق " ليكوون هي أم أبيض ؟"
مشاعل " ههههههههههههههه إيه .."
ماقدر يمسك نفسه ومات ضحك .. تذكر شكلها وهي تمدح نفسها وترسل بوسات ولاأحد حولهاا ..
وضحك أكثر وهو يشوف مشاعل كاشخه بالفستان وفاتحه شعرها ومتمكيجه ..
مشاري " هههههههههه ألحين ألحين تفهميني السالفـه .."
مشاعل " ههههههههه آه ياقلبي بموت ههههههههه ،، هذا الله يسلمك هههه لمى تقول ملّت من روتينها اليومي وقررت ههههههههههههه قررت تسوي عرس وتكون هي العرووس ،، هههههههههه ومسكينه تكشخت مادرت إنك موجوود .."
ضحك ،، لبييه يالمى بس .. إلى الآن وإنتي على شقـآوتك ماتغيرتي ..!
مشاعل " هههههههه تخيل عروس بدون عريس ههههههههههه .."
ضحك " وإنتوا معها بهبالها ؟!!"
مشـآعل " ههههههههه والله الفكرة غريبه وعجبتنا ،، وبعدين حلو نغير شووي هههههههه وغير كذا لمى كان نفسها تشوف شكلها بالفستان الأبيض .ههههههههه "
مشاري إبتسم " ومن وين جبتووة ؟"
هفّت على وجهها يلي حمر " مدري عنها جنيه ذآ البنت قآلت أنا بتصرف وتصرفت ههه .."
لمعت عيونة " إلى الآن ماعقلت .. نفس خبـآلها ورجتهاا ههههه .."
مشاعل " والله إنها هي الوحيده يلي عايشة حياتها صح .. ههههه يلا عن إذنك بدخل داخل
أكمل العرس فله مُسجـل ورقص وبوفيه ههههه .."
رفع حواجبة " صدق بناات الحمدلله والشكر .."
" هههه عاد وش نسوي بحياتنا ؟! كلها ملل × ملل .. يلا إطلع إرتاح أنا برووح .."
وقبل لاتدخل للصاله ..
مشاري " مشااعل .."
لفت له " هلا .."
إبتسم وقآل بإستهبـآل " كلللوليييش مبروووك عليكم بالرفاه والبنون .."

مشاعل " ههههههههههههه والله إنت أهبل منها هههههههههههههه ،، يلا عقبالك خخخ .."
ودخلت .
شد على حزام شنطته وهو إلى الآن مبتسم ،، فديتك لموو من جد مـآ تغيرتي ..!
نفس هبالك ورجتك وروحك الحلوة .. بس اللهم حلآك زآد .

...:::...

دخل للبيـت وهو مختبص .. دقت عليه ريتآن وقآلت له يجي بدون لاتعلمه ليش ..
طلع من الدوآم وجآهم ركض ..
" خيير يمه وش صااير ؟"
نآظرت فيه " وش صـآير ؟ قل وش يلي مآصـآر .."
ريتـآن " يمه الله يهدآك شوي شوي ع الولد .."
نآظر إخته " وش الساالفـه ريتآن ؟"
ريتـآن ." وال."
أم مشعل وهي تقـآطعها " ورآه ماقلت لي وش كـآنت زوجـتك قبل لاتخطبهاا ؟؟"
إرتبك " زوجتي قبل لا أخطبها ؟ وش فيها مافيها شي "
" لا والله وبعدك مصر على كذبـك .! خلآص دريـت بالموضووع يلي مخبيه علي .."
مشعل " يمه أي موضوووع ؟ وش قـآعده تقولين إنتي ؟"
ريتـآن " فيه وآحد إتصل علينا وقـآل إن ليـآن كانت عميـآء .. وإنت من سوآ لها العمليه .."
مشعل بخوف " وآحـد ؟ واحد مين ؟"
أم مشعل بعصبيه " وإنت وش علييك واحد مين ؟ يلي أبي أعرفه لييش كذبت علي ياولـد بطني لييش ؟"
مشعل وهو يحاول يهدي الوضع المتأزم " يمممه إستهدي بـ الله خلاص وش يفيد الصراخ ألحين ؟
أهم شي إنها تشوف ألحين .."
رفعت حاجب وهي إلى الآن معصبه " لاوالله ..! وبكل بسـآطه مآخذ الموضووع ..!!
وش يضمن إن وآحد من عيـآلك مآيجي أعمى هااه ؟ شلون تضمنها تكلم ؟"
مشعل بنرفزة " وش هـ التفكييير ؟؟ حتى وإن جـآ واحد منهم أعمى زي ماتقولين هذآ من الله ومانقدر نعترض .. وبعدين حتى لو ماكنت ماخذ وحده عميـآء لو الله كاتب لعيالي العمى بيجون عميان .."
أم مشعل " ماعلي من خرابيطك .."
مشعل " هذي مو خرابييط يممه .. [ نآظر ريتان ] تكلمي قولي شي "
ريتان " يمه الله يهديك خلاص هـ الحين البنت صارت زوجة ولدك .. ربي كآتبهم لبعض خلآص ."
أم مشعل " هوو ملّك عليها بس .. مآبعد صار بينهم شي علشان يرتبط فيها طول عمره ..
إلحق نفسك دآمك في البر يمه .."
فتح عيونة بقوة " شلون يعني ؟"
أم مشعل " روح طلقها .. طلقهــا ألحين ألحيين .."
عصّب " وشووووووو ؟؟ صـآحيه إنتي ؟!"
أم مشعل " وترفع صوتك بعد .!! آآه وينك ياأبو مشعل تشوف ولدك شلون صاار ؟!
تعال شوف شلون غيرته الحرمـه على أمه .."
ضرب فخذه وهو يحاول يهدآ " يمه ياقلبي إنتي خلاص ،، أنا وليـ.."
قآطعته " مالي دخل ،، لو تبغاني أرضى عليك طلقهاا .. طلقهاااا ولا والله ورب البيت لا إنت ولدي
ولا أعـ.."
قآطعها برجـآ " يمممممه .."
أم مشعل " قلت لك .. تبغاني أرضى عليك روح طلقها .."
مشعل " ريتـآن تدخلي شوفي لي دبره مع أمك .."
ريتآن وهي تجلس جنب امها " يممه حبيبتي إنتي حرام عليك بتهدمين بيت ولدك .. تكفيين يمه والله إن ليان مافي مثلها ثنتين .. الله يخليك إتركيك منها وخليهم يكملون حياتهم .."
أم مشعل " لا لا مالي دخل .. طلقهـا ولا والله يامشعل ماأرضى عليك أبد .. طلقهاا ولك يلي أحسن منها .."
مشعل " الله يخليك يمه تكفييين "
أم مشعل " تبي تعصـآني علشان وحده .؟"
مشعل " يممه ماراح أرد عليك ألحيين .. فكري وحكّمي عقلك .."
وطلع لغرفته ..

أم مشعل بقهر وهي تناظر ريتآن " شفتي وش آخرتهاا ؟ لعبت بعقل ولدي بنت اللذينَ .."
ريتـآن " يمه حرام عليك لاتظلمين البنت .."
أم مشعل " وإنتي بعد .. آآآآآآه بتعلوني إنتوا ؟"
حـآولت معها يمين يسار شي تغير رايها لكن أبد ..
تنهدت وهي توقف " الله يهديك يمه .."
وطلعت لأخوها فووق .
طقت الباب ..
رد مشعل معصصب " ميييييييين ؟"
ريتان وهي تفتح البـآب " هدي يادكتوور .. أقدر أكلمك ؟"
مشعل وهو يزفر " تعـآلي .."
دخلت وجلست على الكرسي القريب من الباب " أفاا وش فيك ؟"
مشعل وهو يشد خصل شعره لورا " شلون وش فيني ؟ شـآيفه أمك وش سوت ؟
أفففففففف من يلي قالها ؟"
ريتآن " أمي ردّة فعلها طبيعيه كأُم .. يعني تبي ولدها يآخذ الكاملة والكامل وجهه سبحآنه ..
بعدين إنت ليش خليت الأمور توصل لذآ الحد ؟ كآن علمتها بـ السالفه من البدآيه ."
مشعل " مآقدرت والله ماقدرت .. إنتي تعرفين أمي شلون ؟ أففف وش أسوي أنا ؟"
ريتآن بحكمة " رح كلم ليـآن وشفها وش بتقول لك .."
فتح عيونه بقوة " مهبوولة إنتي ؟!!!!! أروح أقولها أمي قآلت طلق زوجتك لأنها كانت عميآء !!!"
ريتآن " إن ماقلت لها إنت بتقول لها أمي .. تراها وربي شآيطه تحت مو راضيه تقتنع .."
مشعل " أموت وافهم أمي بأي عقل تفكر ..؟!! يعني خلاص الواحد يفكر بحآضرة وهي إلى الآن
مع مآضي ليان .. خلاص البنت سوت عمليه وصارت تشوف ليه هي مو راضيه تقتنع ..؟"
ريتآن " أمي يامشعل سوت كذا لأنها إنصدمت فيك ،، كذّبت عليها يوم قلت لها إنها تقرب لمريض عندك وفي النهايه هي طلعت المريضه .. وربي إنت ماشفت وشلون حآلتها الضغط نزل عليها وربي .."
مشعل " يعني ؟ والمطلووب وشوو ؟"
ريتآن " كلم ليـآن ،، [ وبسرعه قبل لايتكلّم ] إسمعني ،، كلمها وشوف وش بتقول لك .. هي عآقلّه
وبتتصرف أحسن مننا كلنّـا "
نآظرها بحيره " إنتي شآيفه كذا ؟"
ريتآن " هذا الصح يلي المفروض تسوية .."
مشعل وهو يتمدد " خلآص بكره أروح أكلمها [ نآظر إخته ] بس تكفين حآولي مع أمي الله يخلييك .."
إبتسمت وهي توقف " أبششر .."
...:::...

مهـآ وملامحها مصدومة " و.وشو ؟"
طلال " أنا قلت لها ماأبي .. بس هي قآلت إسأل زوجتك وشوف وش تقول ؟"
مها " لحظة لحظة .. هي وش قآلت لك بـ الضبط .؟"
طلال بتنهيده وهو يتمدد ع السرير " قالت تبي تسكن معك هناا .."
مها " وإنت وش قلت ؟"
نآظرها " قلت لها أشوف راي صآحبة البيت أول [ بعد صمت قصير ] وش رايك ؟"
نآظرت بعيونة يلي تبعد عن عيونها ويحاول مايناظرها .. عرفت إنه يكذب ..
الظـآهر وآفــق ،، الظـآهر مِلتْ لها ياطلال ..!
قالت وهي تتجنب الدموع " براحتك "
" مها شلون براحتي ؟ الكلمة الأولى والأخيرة لك .."
مهـآ " جآي تسألني يعني ؟! خلآص دامك وافقت ليه جاي تسأل ؟"
إرتبك " وافقت ؟!! من قآل ؟"
مهـآ وهي تتجه للباب تبي تطلع " هي بكل الأحوال مصيرها تجي .. حيـآها الله البيت بيت زوجها .."
وطلعت بسرعه ..
جـآ بيلحقها لكن تردد .. خليه يتركها بروحها علشان تهدى ثم يروح يكلمها ..
نآظر السقف .. وتنهد .. وش أسوي ؟!
ضعت بين نارين وربي .. نـآرك يآمهـآ ،، ونـآرك ياباسمه !

...:::...

لمى وهي تآكل من الكيك " وربي سخيييييييفه سخيييييييفه ومالك دااعي أففف .."
مشاعل وفمها مليان كيك وتحاول ماتضحك على قد ماتقدر ..
أما شذى يلي ماقدرت تآكل من الضحك " هههههههههههههههههه فديتك يختي والله وطلعتي تستحين .."
لمى " هاهاهاها ظريييييييفه .."
شموخ " هههههههه أتوقع في عرسك ماراح يصير كذاا خخخخ .."
لمى شوي وتصيح وهي تتذكر يلي سوته ويلي ممكن شآفه مشآري " لا خلآص توبه ماأبي عرس .."
مشاعل " ههههههههههه كح كح ،، وربي كآن المفروض أصورك .. لو شفتي مشاري وش قآل ههههههه "
تركت الصحن ع الطاولة ونطت بحضن مشاعل وهي بفستآنها المنفوش " طلبتك طلبتك قووولي وشوو ؟"
مشاعل " هههههه إبعدي الكيك بيطيح .."
شالته منها وحطته ع الطاولة " يلا قولي وشو ؟"
مشاعل " ههههههه يقول بالرفاه والبنون ،، وزغرط بعد ههههههههههه .."
جتها الصيحه " بس !"
مشاعل " هههههههههههه ويقول إلى الآن وهي برجتها ماتغيرت .."
لمى وهي تغطي وجهها بكفوفها " يافششششششلتي .."

...:::...

فجر وهي ترتمي ع الكنب " أففف تعبت .."
كآدي بضحكة " عآد هـ الحين الله يعينك صرتي إنتي البنت الوحيده في البييت .."
فجر وهي تنآظر الحريم الكثآر " تكفين لاتذكريني .. أفف الحمدلله اليوم آخر يوم للعزآيم .."
كآدي " فديتهاا فرح نآظري شلون محمّره "
فجر " ههههههههههههههه من جد .. [ نآظرت أميرة ] نآظري نآظري يلي تدّلع اعععع .."
كآدي " هههههههههههههه يختي خآفي ربك البنت ماقربت لك أبد .."
فجر " في رآسي حرش عندك شي ؟"
كآدي " هههههههه لا أبد .. إلا بسألك .."
فجر ببرود وهي تنآظر الحريم " هاه "
كآدي " هويتي في بير .. "
فجر نآظرتها بسرعه " خييير ! "
كآدي " ههههه فآرس .."
إعتدلت بجلستها بسرعه " وش فييه ؟"
رفعت حواجبها " بسم الله مافيه شي .. بس كنت بقولك بـ الله مايشبه إخت خويتك ؟"
عقدت حواجبها وجلست ترمش " إخت خويتي ؟ من قصصدك ؟"
كآدي " مدري خويتك ذيك يلي جآت الزواج .. جآت معها وحده عيونها لوون ."
بتفكير " قصدك ليان !!"
" هي إسمها لياان ؟!"
فجر " إيه .. بس وش الشبه يلي بينهم بـ الله ؟! هذيك عيونها رصآصيه وهذا عيونه بنيه مآيله ع الأخضر ..!"
كآدي " ما أدري .. بس ليلة العرس يوم شفته يرقص كذآ حسيت فيهم لمحه من بعض .."
فجر " أنا شايفه ملامح ليان في مكان بس ماأدري وين ..؟"
كآدي " إيه في فارس ."
فجر " ممكـن والله !! .."
كآدي وهي تهز كتوفها ببرود " المهم ،، وش رآيك بكرة نطلع السووق .؟"
فجر بسرحآن وهي تفكر بكلام كآدي " إن شاءالله .."

...:::...

تِفـآرقنّـآ وِحنَّـآ مَّـآدرينَّـآ !
بَعدهـَّآ نِلتِقـي ولا ضيـ‘ـآع !!~
ضيـــآع
ضيــآع
ضيآع

..

في اليـوم يلي بعدهـ ..
ع العصـر .. إتصل عليها وقآل لها إنه بيجيها البيت ..
إستغربت كثيير .. لدرجة إنها لبست لبس سريع ونزلت تنتظرة بـ المجلس ..
كل شي كآن غريب فيه .. صوتـه ونبرته بـالحكي .. حتى كلامه كان غريب ..!
الله يستر يـآرب ..
جلست حوآلـي خمس دقآيق ثم إندق البـآب ..
سمّت بـ الله وفتحت ..
نآظرها وإبتسم إبتسآمه غريبـه " السلآم عليكم "
عقدت حوآجبها " وعلييكم السلاام .. هلآ مششعل حيآك .."
دخل وصآر قدآمها مبآشرة .. نآظرها بعيون تلمع ..
وبدون سآبق إنذار ضمها بقووة ..
تصنمت مكانهاا ..! مشعل عمره ماسوآ معها كذا ..!!
بـ العاده لاسلمت عليه تصافحه بس ..
قآلت وبدأت ترجف " خيير مشعل وش فييك ؟؟"
بعدها منه .. مسكها من كتوفها " ليـآن تدرين أحبك صح .؟!"
رجعت خطوات لورآ " إنت فيك شي ؟"
غمض عيونة وتنهد " أبييك بسآلفه ."
بخوف " تـ..ـتفضل .."
جلس ع الكنب وشآفها واقفه ..
إبتسم بضيقه وأشر جنبه " تعـآلي .. ليه واقفه ؟"
تنهدت وجلست بعيد شوي ..
" أبييك جنبي .."
خآفت أكثر وجلست جنبه ..
ليـآن " مششعل تكلم وربي قلبي بيوقف .."
مسك يدهـا " أمي درت .."
عقدت حواجبها وهي تنآظر شمآغه " درتْ ؟ بوشوو ؟"
غمض عيونة وأخذ نفس " إنك كنتي عميـآء .."
ليآن بصدمة " آآ... "
وماقدرت تنطق بحرف .. خآنهـآ الـ 28 حرف يلي تعلمته ..
وإكتفت بدمعه تطييح ..
مشعل وهو يمسح دموعها " لاتبكيين .. تكفيين ليان ماأبي أشوف دموعك .."
ليـآن " إنت ماقلت لها من قبل ؟"
مشعل " لأ ..!"
بقهر " لييش ؟ "
مشعل " ليان تكفيين إفهميني .. لاتصيرين إنتي وأمي علي ..!"
ليـآن بصياح " وش أفهم ؟ مشعل وش قـآلت أمك ؟"
مشعل " عصّبت ،،"
سحبت يدها بقوة " وش بعد ..؟"
مشعل " ..... "
إبتسمت بتريقه " مايحتااج تقول خلاص عرفت .. مآدريت إني لذي الدرجـه أفششل !! "
مشعل " ليـآن أنـا وربي وقفت بوجهها و.."
وقفت " هذي أمك .. جنتك ونآرك مايحتاج تعصيهـآ علشااني .."
مشعل وهو ينآظرها وعيونه تلمع بقوة " وش أسووي ؟"
بملامح تصييح " الزوجه بدالها ثآنيه ،، بس الأم مافي منها وحده ثآنيه .."
مشعل " ليـآن ترا قلبي مو متحمل يكفـي !.."
غمضت عيونهاا .. ولقطت أنفآسها وقالت بقوة " طَلقنِّـي .."

وطلعت من عنده بسرعه .. حطت يدها على فمها ودموعها رسمت خطووط على خدها ..
صدمت بأحد وهي بنص الدرج .. مادرت مين ..!
ولاتبي تدري ،، ماحست نفسها غير تتمسك فيه وتحضنه بقوة ..
وبدأت تشهق .." أنـا ،، أنـ..ـآ كذا من يوومي عمرها فرحتي مآكملت أبــد .."

حس بالدنيا تصيير حاره .. بلع ريقة وقلبه بيوقف مكاانه ..
قآل بإرتباك وهي متمسكه فيه " ليـ..ـ ليآن .."
فتحت فمها بصدمة . والله كل هذآ أكبر منهآ والله ..
رفعت راسها وإنتبهت لتركي وعيونة يلي تلمع لسبب تجهله ..
تجمعت مليون دمعه بعينها .. وهي تسب وتلعن نفسها وتلعن غبآءهاا ..!
بس والله هي مآكانت تدري إنه هناا والله ..
شهقت " آسفـ..ـفه .."
وكملت طريقها لفوووق بسرعه ..

نآظر يدينه وهو مو مستوعب ..!!
من يلي كانت هنا تو ؟ من يلي كآنت بحضنه قبل شوي ميين ؟؟!
بسرعة البرق فهم وش سبب صياحها وإنهيارها ..
نزل بسرعه وتوجه للمجلس ،، وشآف مشعل جالس ودآفن وجهه بين كفوفة ..
تركي " مشـعل !!"
رفع راسه وبس إبتسم ..
" وش صـآير ؟"
مشعل وهو ينآظر قدآمه بتشتت " وش أقوول ؟ كل شي رآح من يديني .."
عض شفآيفه بقهر .. وتوجه له " خيير تكلم ؟"
وصوته يرجف " قول لـ ليآن إن ورقتها بتوصلها بكرة .. [ نآظر تركي ] قول لها إن يلي صاار غصب عني .. و إني أحبهاا وماعمري راح أحب غيرهـآ أبد .. تكفـى تركي وصل لها هـ الكلام طلبتك .."

××

*.. نهـآية الفصـل السآدس عشـر ..*

..* الفَّـصل السآبِع عَّـشر ..~

:







||×|| تِـجَّآهلْتْ الـّغَـلآ وِلآ إِنتَّ ،، تِجهـَّل ؟ ||×||



.

.

.









مرْ يوميـن ،، وليـآن على نفس الحَّـآل .. لاتآكل ولاتشرب ،،

وطول وقتها معزولة بغرفتهاا تصيح .!

مو على مشعل لأ .. تصيح على حظهـآ .!

وعلى النصيب يلي مآوقف معها أبد ..!

كآنت تصحى على الدموع ،، وتغفى ع الدمُوع ..

ومآيمديهآ تغفى ،، إلا وهي صآحيه بخووف ..!



إندق البآب ودخلت لمى " صبآح الورد .."

نآظرتها بإبتسآمه ذآبله من غير لاترد ..

حطت صينية الفطور ع الطآولة " اليوم مالك مفر بتآكلين يعني بتآكليين .."

ليآن بصوت مبحوح من كثر البكي " لمَّى ،، إحم .. والله مو مشتهيه .."

لمى " مو بكيفك بتآكلين غصبن عنك .."

ليـآن " ........ "

تنهدت ورآحت لها " ليآن ياقلبي إنتي وربي مايصير يلي إنتي قآعده تسوينه بنفسك ..

حرام بتذبحيين رووحك .."

صآحت وهي تأشر على نفسها " وش معنى أنـآ ؟ ليه من بين الكل بس أنا يلي يصير معي كذا ؟!

خسرت أهلي .. وخسرت زوجي ليييييه ؟؟"

لمى والدمعه بعيونها " قضـآء وقدر ،، مايجوز تسخطين على حكم ربّك .."

ليآن " لمى إفهمي وش أحس أناا ..! نآظري وش يلي صار فيني ؟؟

النآس صارت ترفضني لأني كنت عميـآء .. ماعمري توقعت إن العمى عييب .."

لمى وهي تمسح دموعها " لاتعميين مو كل الناس ،، ضعيفين الإيمان بس وإم مشعل وحده منهم ..

تكفين ليان لاتسوين كذا بنفسك ،، صدقيني هي وولدها من بيخسرون كل شي مو إنتي .."

إبتسمت بسخرية " ومن بيهتم بـ الله ؟!"

لمى بإندفاع " كلناا .. "

رجعت تمسح دموعها " وين شذى ؟ وإنتي وش مصحيك من بدري ؟"

إبتسمت " شذى نايمه ،، وأنا مانمت علشان أصحى .."

" لييه ؟"

لمى بتنهيده وهي تناظر قدام " ولا شي .. بس كذا كل ماحطيت راسي ع المخدة قآمت تطلع لي أشياء وأفكار تخووف .."

عقدت حواجبها " أشياء تخوف ؟!! شلون يعني ؟"

لمى بإبتسامه وهي تنآظر ليان " مو مهم .."

ليآن " كم بآقي ع المدرسة ؟ "

لمى وهي تعبس " أسبوع ونص تقريبا .."

إبتسمت " وعلى زواج طلال ؟"

لمى " مآبقى شي خلاص .. الأربعاء .."

نآظرت قدآمها " الله يعين قلب مها .."

لمى " إيه وربي كآسره خاطري المسكينه .. تلاقيها من مين ولا من ميين ؟"



::::



أم مشعل وهي تجلس جنب ولدها " خلآص يمه .. مايسوى علييك ذآ الحب .."

مشعل " ....... "

" لاحول يعني شلوون ؟ بتمسكها كذا ؟ لاتتكلم معي ولا شي ؟"

مشعل بعد فتره " يمه الله يخليك ترا يلي فيني مكفيني .."

لوت بوزها " وش فيك ؟ مافييك إلا العافية .. إترك عنك الدلع ورح شغلك مرضآك ينتظرونك ..

وإترك حركـآت الميآعه ذي .. خلآص ليان وإنسآها وبدور لك وحده تسوآها زين ..!"

وقف وقآل بقهر " تدرين ليش أنا ساكت على كل يلي تسوينه فيني ورآضي فيه ؟ لأنك أمي بس .. ووصيـة أبوي قبل لايمووت .. ولا لو كان غير كذآ كان وربي وريتك شغلك .."

فتحت عيونها بصدمة " وشهوو ؟ وش ذآ الحكي الجديد يآمشيعييل ؟؟!

كبرت علي !! أنـآ أمك يالعـآق .."

مشعل " أمي على عيني وراسي .. بس مو معناتها إني سكتت عليك مره ، بسكت عليك مره ثانيه .."

وطلع وتركها ..

قآلت بصراخ وتوعد " هيييييين يامشيعييل .. إن ماجبت لك ذيك البنت يلي تخليك تكره ليان ماأكون صفآ.."



::::::



بـ أسبانياا ..



طول المحاظرة عقلها مو معها .. تفكر بكذآ شغله ..

وبكذآ شي ..

وكل شي المشكلة وآقف ضدها للأسف ..

تلاقيها من فهد ونظراته .. ولا من مسآعد يلي يجبرها تطلع معه كل يوم ؟

ولا من دراستها يلي أهملتها كثير ؟ أو أبوها يلي المفروض يكون خآيف عليها ويدق مثل مايسووي أبو أسيل ؟



من جد بتنهاار .. لو عليها كآن رمت نفسها في أقرب بحر وماتت ..!

أول ماطلعوا .. مسكتها أسيل على جنب " ألحيين ألحييين تعلميني وش فيك ..؟"

مرام بضيق " أسيل مو وقته .."

" إلا وقته ونص ..! يختي وش صآر لك ؟ ماعدتي مرام القديمه يلي أعرفهآ .."

لبست نظآرتها الشمسيه وهي تحاول تخبي دموعها " وش القديم بـ الله ؟! هذي انا من عرفتك وأنا كذا .."

أسيل بتهديد " إذا ماتكلمتي بروح أسأل فهد ترا .."

نآظرتها وبقهر " وش دخل فهد بـ الساالفه ؟"

أسيل وهي تسند جسمها ع الجدار " إنتي وياه فيكم نفس البلاء .. [ نآظرت مرام بشك ] صار بينكم شي ؟"

مرآم " شي ؟! شي مثل وشو يعني ؟"

أسيل " تدرين .. صحيح ماصار لنا كثير مع بعض .. بس ورب البيت إني أعرفك أكثر من نفسي .. مرآم تكفين قولي أي شي خليني أتطمن علييك .. يعني يرضيك أشوف حآلك صاير كذا وأسكت ؟!"

مرام بصوت يرجف " وش تبغيني أقوول ؟ أسيل تكفين لاتجبريني على شي أندم عليه بعدين ...!

أنا غلطت يوم علمت شخص شي يخصني و وثقت فيه ،، وهـ الحين ماأبي اندم وأعلمك وأخسرك إنتي بعد .."



::::::





ماهـو علـى كيفـي أنسـى \ لـو بغيـت أنسـى
لـو إنـّي أقـدر علـى النسيـان × ماجيتـك ×
وماهـو علـى كيفـي أقسـى \ لـو بغيـت أقسـى
لـو إنّ قلـبي حجـر ماكـان ’ حبيّتـك ، ... !!

... ..





:

شآلت الممسحة وسطل الموية الكبير " يمه قلت لك أنا بنظفة عاادي .."

" يمه إنتي حامل مايصييييييير ،، بيأذيك في بطنك .."

ضحكت " لبى قلبك يمه خايفه علي ؟! لاتخافين يالغلا وبعدين أنا طفشانه أقل شي أتونس لانظفته .."

" لاحول عنيده مثل أبووك .. خليه يابنت الحلال كلها يومين ويجي الهندي ينظفه .."

توجهت لباب البيت " لا مآبي انـآ يعني انــآ .. وبعدين الشمس مآبعد تصير حآره "

نزلت للحوش وهي لابسه بنطلون برمودآ أحمر ،، وبدي أحمر بعد ..

ومعطيهآ شكل نآعم حيل ، تذكر هـ اللبس كآن يحبه خآلد كثير .. صحيح عآدي

بس كآن يحبه وهذآ يكفيها إنها تلبسه ..

نآظرت بـ الشمس وإبتسمت ..

من يصدق يآشآدن إنك بترجعين لذآ البيت للأبــد ؟!

تدري المفروض تبقى في بيت زوجها إلى إن تنتهي العدّه .. بس وش تسوي ؟

ماتقدر تجلس في مكآن إجتمعت فيه هي وخآلد سوى ..!

رآحت لجهة " اللّي ".. فتحته وصآرت تلعب بـ الماي وتوزعه بـ الحوش كلّه ..



بـرّآ ..!

وقف سيآرته وجلس شوي ..

هو وعد جدّته أم إبراهيم يجي ويزورها .. وهذآ هو جآي ..!

سحب مفتآح سيآرته .. ونآظر بمفتاح باب البيت الموجود معه .. إبتسم بسخريه ..

الله يآذاك الوقت يآخـالد ! إلى الآن وهو معك !

نزل وتوجه للباب .. سمع زي صوت الخرير لكن مادقق ..

توقعه الهندي يلي يجي مره في كل إسبوع وينظف الحوش ويسقي الزرع ..

فتحه وإنصدم بموية حاره تلسعه كلّه ..

لف راسه بسرعه لمكان الشهقه يلي طلعت ..

وهو يفور من العصبية وحالف إنه لايسفل بذآ الهندي الخبل ..

لكنه إنصدم أكثر يوم شآف أم الأحمر وشعرها الأسوود القصير ،، وهي حآطة يدها على فمها

بصدمة .!

" خــــــآلد .!"

لانت ملامحه كثيير .. وعصبيته بدت تخف .. صحيح الموية إلى الآن تحرقه بما إنها حاره .

لكن مجرد إنه شآفها رآق ..

تنحنح وهو يسكر باب الحوش " إحم .. السلام عليكم !!"

بصدمه وصوت يرجف " وش جـ..ـآبك إنت ؟!"

رفع حآجب وهو ينآظرها من فوق لتحت " نعــم !"

بنرفزة " وش جآآآآآبك هنا ؟؟ .."

نآظر في بطنها يلي بدآ يبرز شوي .. لكن مو مرّه " إنتي يلي وش تسوين بذآ الظهر هنا ..؟"

بقهـر " وش علييك إنت ؟ .."

رجع يناظرها بتفحص .. وقلبه بيوقف !

ماينكر إنه إلى الآن يحبها .. بس صوتها وهي تكلم فؤاد إلى الحين يرّن بإذنه ..

تنرفزت زود .. حست نفسها ودها ترجع الله يكرمكم ..

ركضت متوجهه لباب البيت بسرعه جنونية .. وعين خآلد إلى الآن تلحقها بترقب ..

طلعت الثلاث درجآت وقبل لاتوصل للبآب ..

طرآآآآآآآآآخ .. بطولها كلّـه طاحت على بطنها وصدم راسها بـ الباب ..

شهق وراح لها .. لفها ورفع راسها " بسم الله علييك .."

بتعب وهي تتأوه " آآآخ .."

بنبّرة حنونة " الله يرضى عليك إنتبهي مره ثانيه .."

حاولت تبعد يدينه يلي تحت راسها بقرف " لو سمحت إبعد لاتقرب مني .."

بعناد " حآسه بشي ؟ في شي يألمك ؟"

وقفت وسندت يدها ع الباب وقالت والصيحه بصوتها من الألم " إطلع برا ماأبي أشووفك هنا مره ثانييه ."

نآظرها وهو إلى الآن بـ الأرض " شآدن بلا عناد وإمشي نروح المستشفى نطمن .."

صآحت " قلت لك ماأبي أشوفك هناا .. كل شي صار لي بسببك .."

خآلد " وأنا وش دخلني ؟ إنتي يلي ركضتي وطحتي .."

مسحت دموعها والألم يزيد " كله منك .. إنت يلي وصلتني لذآ الحاال .. إنت يـ المريـ..... ،، [ وبصراخ وهي تحط يدها على بطنها ] آآآآآآآآآآآآآآآآآآآآآآآآآآه بموووت .."

وقف بخوف " وش فييك .؟"

بصيآح يعور القلب وهي تتمسك بكتوفه " آآآآه خـآلد بموووت خـآلد إلحق علي ولدي بيموووت .. يمّــه وينــك يمه إلحقــي علي .."

مادرى وش يسوي ؟ تلفت حوله ومالقى نفسه غير وهو شآيلها بحضنه ..

تمسكت بثوبة المبلول " خــآلد الله يخلييك إلحق علي خآلد بموووت .."

رفس الباب برجله ودخل للبيت ..

أول ماشافته الجده وشآفت شادن يلي تصيح وتصرخ وقفت وبـ شهقه " يمّـه بنتي وش صآر؟ "

خآلد بخوف وربشة " هااه ..!؟ إيه كانت برا تنظف ،، بعديـن .!. بعدين طاحت .."

نآظرت بثوبة يلي بدآ يقلب للون الأحمر ،، ضربت على صدرها " يآويـلي طآحت ..!! هذي تنزف .!"

شآدن وهي تضغط على بطنها بقوة " يمممه إلحقي علي ولدي يمه ولدي .."

خآلد " يمه وش نسووي ؟!"

مشت شوي على قدام ثم وقفت " وشوو ؟؟! إيه إيه نوديها المستشفى بسرعه .."

خآلد " عبآتهاا ؟ وين عبـآتها ؟؟!"

مشت للدرج بخطوات متخبطه " لحظة بس .."

نآظر بشآدن وهو عآقد حواجبه " تحملي شوي بس ونرووح .."

بصيآح " آآه خالد آآه ولدي ماات يآخالـد مااااااات .."

" لا إن شاء الله .. إصبري شوي بس .. [ بصراخ وهو ينآظر الدرج ] يمـــه بسسسسسرعه .."

دفتّه من صدره بقوة ووحده من يدينها على فمها ..

نآظرها بضيق " وش فييك ؟ لذي الدرحة مو طايقتني ! تحمليني شووي بس .."

دفته أكثر ونزلت من حضنه بصعوبة .. وقفت وهي مقوسة ظهرها بصعوبة أكبر ..

حآولت تمشي بس ماقدرت .. شالت يدها ورجعّت ..

نزلت أم إبراهيم وأول ماشفتها مشت بسرعه .. مدت عبايتها يلي مسكها خالد ولبسها ..

وهي مثل اللعبه بين يدينه تتحرك ..

أم إبراهيم وهي تنزل النقآب على وجهها " بسسرعه يمي بسرعه .."

هز راسه ورجع شالها وهي تصرخ ،، نزلوا بسرعه . ركبها ورى بحضن جدتها وشخط ع المستشفى ..



::::::



دخل للمطبخ وأخلآقه براس خشمة .. توّه صآحي من النوم وهو شآيف كوابيس الدنيا كلها ..

الحمدلله إن اليوم إجآزة ولاكآن صدق أخذ له تهزيئة محترمة من أبو حمد ..

حك شعره بملل وهو يشوف شلون المطبخ قآيم وحآيس .. تأفف ،، وش ينظفه ذآ ؟

كبس زر الغلآيه وسند بظهره ع الرف ..

حط يده تحت دقنه بتفكير .. وكل الأحلام يلي حلمها بـ السآعات يلي

نآمها تتكرر قدآم عيونه من جديد ..

وش السبب يـآربي ؟ أكييد في شي أكيييييد ؟!

صحآه من سرحآنه صوت الغلآيه .. رفعها وصب له في كوب وبدآ يحرك الشآهي الأحمر يلي سوآه ..

شآله وطلع برى .. حطه ع الطاولة وإرتمى ع الكنب .. فكّر بنفسه .

وبوضعه .. وبكل شي ..! حتى فجر مرت في بآله ..

لو تقدم لها بيوافقون عليه ولا ؟

يخـآف يسويها ويسمع منهم ردْ يخسرهم فيه ..!

مسك الكوب وشرب شوي .. وضيق عيونة بسرحآن ..!

الشخص يلي يطلع له دآيم بـ الأحلام يلي يحلمها شآيفه من قبل .. بس وين مو عآرف !

دق جواله يلي بـ غرفته .. قام بسرعه ويوم نآظر الإسم إبتسم " هلا وغلاا .."

" صبآح الخيير .."

فآرس " صباح النور هلاا .."

فيصل " توك قآيم .؟"

شرب شاي شوي " إيه .. وإنت ؟ "

تثآوب " وأنا بعد .. إسمع خل نطلع نفطر .."

فارس " توني فآطـر أنـآ .."

ضحك " ياحركااات والله وصرت ربْ منزل .."

فآرس " هههههههه رب منزل في عينك .."



::::::



نآظر بوجه الدكتورة " هااه شلون وضعها ألحيين .؟"

نآظرت بشآدن يلي نآيمه ع السرير ثم رجعت نآظرت خالد بإبتسامة " ماتخآف .. الحمدلله إدرنآ نسيطر ع الوضع بشكل ممتاز .. منييح إنك جبتّآ أبل " قبل " لا يصير فيّـآ شي .."

خآلد وهو ينآظر وجه شآدن الأصفـر " يعني مافيها شي ؟ [ نآظر الدكتورة ] الجنين صار فيه شي ؟"

الدكتورة وهي تناظر الملف بيدها " مَا بِكْزُب علَّييك .. كآن في إحتمال تمنَين بـ الميِّه إنو ينزُل .. بس الحمدِلّله

ربكـ سَّتر .."

الجدة وهي تمسح دموعها " طيب والنزيف يادكتورة ؟ "

" إلتلكون ماتخافوا .. النزيف كان بسبب الضربِه لاأكتر ولاأأل .."

خـآلد " متى بتطلع ؟"

رفعت حاجب " اليوم مابظن إنّـآ ححتترخص .. بس بُكرآ ميبي .."

خآلد " طيب شكرن .."

إبتسمت " العفوو .."

وبعدت عنهم ..

نآظر الجده وإبتسم يطمنها " هاه يمه سمعتيها بأذونك ؟ قالت مافيها إلا العافيه .."

الجدة وهي تأشر على قلبها بصياح " مدري لييه قليبي مو متطمن أبد .. أحسها تكذب "

مسكها من كتوفها وبحنان " وش تكذب يمي ؟ هذي دكتورة لو في شادن شي بتقوله من غير لاتخاف .."

" شلوون ؟ هي كانت تنزف ياخالد ..! تعرف ش يعني الوحده لاصارت حامل و تنزف ؟"

خـآلد " خلاص يمه أهم شي إنها بخيير .."

أم إبراهيم " الحمدلله .."

إبتسم " المهم يـ الغاليه أنا بطلع ألحين عندي دوام .. وع المغرب كذا بحاول أجي زيين ؟"

إبتسمت له " زين يمه بحفظ الله .."



::::::









وَحنِّـآ صغّـآر ،، زرعنَّـآ في ترآب الحلمـ

× حِلمـ ويشبه العصفور ×

لكنّْ ،، طـ‘ـآر ..!



00





ع العصر تقريبا ..

لبست عبايتها وشآلت شنطتها وطلعت من الغرفة ..

مرّت على مشآري يلي كآن فاتح باب غرفته وواقف قدآم المرايه ..

مالت بجسمها ع الباب وبإبتسامه " قمر وربي قمر مايحتااج .."

لف نآظرها وضحك " أشوفك عندنـآ ؟"

مشآعل " هههههههههه شفت شلون ؟ يلا سجود شكر ع السسريع .."

مشآري " هههههههههههههه طالعه ؟"

عدلت الطرحة على راسها " يب .. بروح البنك .."

عقد حواجبة " إنتي لو الله يفكك من البهذله ذي وتجلسين في البيت .."

كشّرت " يوه مشاري وش بلآك ؟ تدري إني أستمتع بشغلتي كثيير .. وبعدين كذا أحسن أضيع وقتي وما أشوف أهلك كثييرر .."

مشاري وهو يعدل يآقة بلوزته " أهلي هم أهلك .. وبعدين مصيرك تجلسين مع أمي وأبووي زي قبل .."

مشآعل " زي قبل ماأظن ..![ تغير النقاش بسرعه ] أشوفك لابس ياكآبتن ؟! عندك رحله ؟!!"

" إييه .."

إبتسمت " على وين ؟"

توجه للسرير وجلس يلبس جزمته " الله يكرمكم ": مصر .."

بإعتراض " والله غشْ .. أففف ليه كلّه إنت تسافر وأنا لأ ؟! [ بإستهبال ] تخبر لنا واسطه شي وأصير مضيفة معك بنفس الطيارة ؟"

مشاري " هههههههههههههه ياحلاتي والله أعرف الناس وأقول ذي المضيفه إختي ؟!! لييه إنهبلت ؟!

أحطك كآبتن معي أصرف .."

مشاعل " صدق ! وأصيير الكابتنه مشاعل ..؟"



جلست تسولف معه حول الربع ساعه ثم طلعت من عنده تبي تروح للبنك ..

تنقبت ونزلت للحوش .. فتحت الباب وإنصدمت بـ الشخص يلي قدآمها ..

إنقطع تنفسها ورجعت خطوات لورى ..

إبتسم أول ماشآفها .. ومآقدر ينطق بـ حرف ..

نآظر عيونها يلي تلمع بقوة ..

مشت من جنبه وهي تحاول ماتصييح .. أقل شي تمسك دموعهاا إلى إن تبعد من قدآمه ..

تبيه يقتنع إنها نسته .. تكذب عليه ماعندها مشكلة بس ماتبين إنها ضعيفة قدآمه ..

وقفها بصوته " أفـآ حتى السلآم مستكثرته علي !!!"

الحمدلله إنها صاده عنه بظهرها .. مشت دموعها بخفه على وجهها وهي تكتم مليون شهقه تبي تطلع ..

لف نآظر قفآها يلي يرجف " شلونك مشآعل ؟"

مشآعل " ....... "

بسآم " ع الأقل إعتبريني ولد عمك وعبريني .. إنسي يلي فآت وخلينا نبدآ من جديد .."

فآر الدم بعروقها ،، لفت عليه وقآلت ودموعها متجمعه بعينها " وإنت خليت فيها عيال عم ؟!!

شلوون انسى ؟!! لذي الدرجة الموضوع بسيط عندك ؟!"

بسآم " خلآص مآضي وعدّى لاتفكرين فييييييه .."

بقهر ويدها ترجف " تصدق إنك أحقر إنسان قابلته بحيااتي .. والغلط مني إني وافقت عليك ورضيت أتزوجك ..

ماتوقعتك توصل لذي الدرجة من الشك .. [ بصدمة وهي تناظر حولها ] ماتوقعتك تشك فيني وأنا بنت عمك .."

صرخ بعصبيه أول ماشافها تعيد موضوع مات بقلوب الأغلبيه إلا قلبه وقلبها " وش كنتي تبغيني أسووي هااه ؟ إكتشفت إن زوجتي مو بنت ..! مو بكــر ..!

تبغين أسكت وألف الموضوع لكْ ؟! لا يآمـآما وش شايفتني ؟ أنا رجآل .. ويلي شفته فييك طعنّي في رجولتي .. [ ترآخى صوتة ] بس وربي بعد ماعرفت السبب ندمت إني طلقتك ..!"

بإنكسار " ندمت !.. وش عقبه ؟؟ بعد ماخلييت الناس تتكلم علي .. القآصي والدآني كلهم قآلوا عني كلآم ماينقاال .. والسبب حظرة جنابك .."

تلفتت حولها تناظر الناس يلي بدآو يتجمعون بشكل قليل يعني 3 أو 4 أشخاص ..

وبغى يغمى عليهاا .. هي ناقصه فضآيح ؟!

طلع مشاري وإنصدم يوم شآفها واقفه معه والناس حولة ..

مشآري " خير بسآم وش السآلفه ؟"



ركضت له مشاعل وتخبت وراه .. وبدأت تصيح " مشآري ليه قلت له يجي هنا لييه ؟"

مشآري بخوف " كنت أبيه يوديني المطار .. ليه وش صآر ؟"



بسام بنرفزة " ماصار شي ،، بسرعه علشان تلحق ع طيآرتك .."

تمسكت فيه مشاعل وبصياح يقطع القلب " مشآري تكفى لاتخليه يجي هنا مره ثانية الله يخلييك .."



مشآري وهو ينآظر الناس حولهم " لاحول وش صآر ياعرب .؟! كل واحد على بيته لو سمحتوا .."

بسآم وهو يتوجه لسيارته " أنا أنتظرك بسرعه .."

هز راسه ولف لأخته " خير مشآعل وش سوى لك ؟"

مسحت عيونها بأصابعها .. فكت النقاب ورجعت لبسته " وش بقى ماسوى؟؟ .. [ شهقت ] روح لشغلك بس لا تتأخر"

مشآري " ماراح أتحرك من هنا إلا لمن أتطمن علييك .."

إبتسمت " تطمن ياقلبي مافيني إلا العافيه .. خلاص يلا روح وأنا بروح البنك تأخرت .."

بشك " أكييييد ..!"

هزت راسها وبين شهقاتها قالت بحرص " أكيديين .. يلا توكل على الله ولا وصلت كلمني زين ..؟!"





::::::





أسيل وهي تلم بآقي ثيآبها وتحطهآ بـ الشنطة المتوسطة " ليه منتيب رآيحه ؟"

مرام بتنهيدة ملل ويدها على خدها " مآلي مزآج .."

وهي تسكر السحاب " وربي مالك داعي ،، الرحلة بتكون فله وفرصة نغير جو قبل الإختبارات . تكفين تعالي ولا أنا منيب رايحه .."

إبتسمت " إيه واضح منتب رايحه من أمس وإنتي حايسه بشنطتك .."

ضحكت " يووه مرام سلكّـي عااد .. تكفين مرامو طلبتك تعالي وربي الطلعه بدونك مو حلوة .."

مرام " ........ "

أسيل " طب وش بتسوين هنا بـ لحالك ؟"

تثآوبت " الهنـوف بتكون معي .."

إرتمت ع السرير " من قالك ؟ فهـد سجل إسمها معنا بـ الرحله .."

إعتدلت بجلستها " شلوون !؟ مو معنى بـ الجامعه شلون سجلت ؟ يلي أعرفه إنها مفروض تكون طالبه بما إن الجامعه هي يلي نظمتها !!!!"

أسيل " ممممم صح ! بس فهد مدري وش سوى وكتب إسمها مع يلي بيروحون .. وترآ حتى إنتي إسمك مكتوب .."

مرام " وين قلتيلي ؟"

أسيل بإبتسامه " جزر البليار وكل الجامعه بتروح حرام ماتروحين إنتي معنا .. وربي ماأروح إن مارحتي .."

إبتسمت وبعد فترة شبه طويلة " خلآص برووح ،، بس بشرط .."

فزّت " وشوو ؟"

مرام وهي كاتمه ضحكتها " إنتي ترتبين لي شنطتي .."

عفست ملامحها " إيه قولي كذا يـ السودانيه .."



::::::









لمى بتنهيده وهي تحط سماعة التليفون ع إذنها اليمين " والله مدري وش أقول لك يا عروب ؟! الحال

عندنا في البيت مدَّهور لدرجة ماتتصورينها .. وغير كذا قلبي نآغزني مددري ليه ؟"

عروب " ياشيخه هونيها وتهون .. أجل انا وش أقوول ؟ تخيلي ! شآدن مرت أخووي طآحت وهي حامل وهـ

الحين مرقدّه بـ المستشفى .."



لمى " لااه ..! ياقلبي عليها كيفها ألحين ؟"

تنهدت " الحمدلله ،، تو خـآلد جآ ويقول بيرجع يزورهـآ .. وربي هـ الحرمه مقطعه قلبي فوق ماتتصورين .."



لمى بتردد " معليش أسألك ؟ بـ الله ليه أخوك طلقها 3 مرات ؟ يلي أعرفه إنه يحبها من كلامك عنهم .."

عروب بحقـد " وش أقول يا لمى ؟! هـ الإثنين تهنوا في أول سنه من زواجهم بس ،، وبعدين بدت المصآيب تجيهم ..

المره الأولى طلقها بسبب خطآ طبي يوم شكّوا إن عنده سرطان الله يكفينا الشر .. رجعها وبعد شهرين رجع طلقها لأن ولد زوجة خآلها الحقييير قآل له كلام عن شـآذن وكلّه كذب × كذب .. وخالد صدّق وطلقها ..

أما الثـآلثه مدري وشي ؟ بس أكييد شي ورى فؤاد الزفـت .."



لمى " فؤاد ؟"

عروب " إيه ولد الـ×××× .. الله يلعـ×× ياشيخه .. وربي من تزوج خالها أمه ماشافت شادن خير ..

"

لمى " طيب ليه هو يسوي كذا ؟"

عروب " حـ×××× "

لمى بتنهيده " الله يعينها ياارب .."



::::::



أول مارجع البيت ريّح شوي .. ثم بدل ملابسه وطلع على طول ..

والله هو مايسوي كذآ مع شآدن إلا لأنها أم ولده .. ويلي في بطنها شي مشترك بينهم ..

مو شي ثـآني .. لاهو حنين لها .. ولاهو حُبـاً فيهاا .. أصلا خلاص

بعد الطلقه الثالثه صآرت مشاعره كلها متنآقضه .. مايعرف وين أولها .. ولايعرف وين تاليها ..

بس يلي يعرفه . إنه بيحاول قد مايقدر يقسي قلبه عليها .. هي غلطت ،،

وغلطتها أهـآنته من قلب ..!

شـآدن ماعـآدت لي ،، شــآدن ماعادت لي ..

قنَع نفسه بذي الكلمات وهو يدق باب الغرفة حقها ويدخل من غير لايسمع رد ..

" السلام عليكم .."

أم إبراهيم " هلا خالد وعليكم السلام .."

لاحظ التغيّر في ملامح شآدن يلي كانت متمدده ع السرير و يلي إنقلبت 180 درجـه لضيق كبيير " السلام سنّه ورده واجب .."

إستغفرت بصوت واطي " وعليكم السلام .. [ لفت تكلم جدتها ] يمه نقآبي وراك ع الكنب جيبيه لاهنتي .."

سفهتها وقالت تحاكي خالد " تفضل يمه ليه واقف ؟"

شآدن بنرفزة " يمممه النقآب حقي وراك جيبيه لو سمحتي .."

أم إبراهيم " ورااك كذآ يابنيه ..؟ بعدك بـ العده عادي تكشفين علييه .."

إنقهرت " حتى لو ،، أبي نقابي بتجيبينه ولا أقوم أجيبه أنا ؟!"

قآمت من كرسيها أخذته ورجعت جلست " لا أجيبه أنا .. وش يقومك إنتي ؟"

مشى وعيونة على شادن يلي تنقبت بعنآد ،، وجلس ع الكنبات البعيده شوي ..

أم إبراهيم " هاه يمي بشر وشلونها الوالدة ؟ وش مسوية ؟"

خآلد بإبتسامه " الحمدلله والله تسلم علييكم كلكم [ نآظر شآدن يلي تنآظر البآب ومتكتفه ] شلونك هـ الحيين ؟"

من غير نفس " الحمدلله .. [ رجعت ناظرت جدتها ] يمه ملييت أبي أطلع من هناا .."

خـآلد " خلييك أقل شي يشوفون صحتك شلون .."

شـآدن " وإنت وش دخلك ؟"

أم إبراهيم " والله ياشـآدن خالد ماقصر ،، أول ماطحتي جابك هنا على طول .."

شآدن بتريقة وهي تميّل بوزها " إييييه يمه خـآيف على ولده ..!!!"

خـآلد وهو يرفع حاجب " أكيد بخآف عليه .. إن ماخفت عليه هو بخاف على مين أجل .؟؟"

إنقهرت " يكون بمعلومـك تراا .. الولد بيتمي عندي حتى لو إيــش .."

خآلد ببرود " حقّـك ،، إنتي أمه ولا !"

إنقهرت منه .. توقعت إنه يعصب يصرخ يجادل يرفض يسوي أي شي .. مو كذا بروود ..

لفت لجدتها " نادي الدكتورة .. قولي لها بطلع من هناا .."

أم إبراهيم " يمه وش فيك ؟ بتطلعيين لاتخافيين .. بس إصبري خلهم يسوون لك أشعه ثانيه نطّمن فيها على يلي ببطنك ثم تطلعيين .."

شـآدن " يلي في بطنك ويلي في بطنك .. ترا والله أذيتوني كأني أول وحدّه أحمل ."

خـآلد " وش عندك تبغين تطلعيين ؟ خلك هنا أحسن لك .."

" إنت ماتفهم ؟! من حكى معك! .. إطلع منها وهي عامره صدقني .."

أم إبراهم بحزم " شــآدن !!"

شآدن بضيقة وهي تكتم العبـرة " يمه شووفية .. قولي له ماله دخل فيني هو طلقني وش يبي ؟"

أم إبراهيم " حتى لو .. هو أبو ولدك .."



بـ لحظة بس .. إنهارت كل مبآني الثبات يلي كانت تبنيها دآخلهاا .. بدأت تصيح وتضرب

بطنها بقوة " يآذا الولد يلي ذيحتووني فيييه .. إنتوا كلكم كذا خايفيين علييه وماهمكم غيرة ..

أنا لو أموت وهو يبقى عادي عندكم .. هو أهم مني .. هـ..."

أم إبراهيم وهي تمسكها من يدينها وتهديها " يووه شآدن تعوذي من أبلييس ،، وش فيك إنهبلتي ؟"

حضنت جدتها وقالت بشهآق متواصل " يممه أبي أطلع من هنا الله يخليييك .. طلعوني من هـ المكان ..

ماأبي أجلس هنــآ ماأبي .."

وقف وكآن بيروح لها .. لكنه تدآرك نفسه ووقف .. شد على قبضة يده بقوة وقال بقهر " شـآدن !!

خافي الله في يلي ببطنك ،، ناوية تذبحينه إنتي .."

بهستيريـآ " إنت بـ الذاات لاتتكلم .. إنكتم ..! ماأبي أسمع لك حس ..[ نآظرت جدتها برجآ ] يمه طلبتك الله يخلييك لي طلعيني من هنا الله يخلييك .."

خآلد والقهر يغلي داخله " تبغيين تروحين عند الدكتورة النفسيه هااه ؟"

فتحت عيونها بقوة .. ولفت راسها تناظر بجدتها يلي إبتسمت بإرتباك ..

قآلت بصياح " يممه ليييييييه قلتي له ليييييه ؟"

أم إبراهيم " معلييه يمي هو سأل وأنا قلت له .. والله بـ الغلط بدون لا أقصـد .."

خآلد " من بكره إلغي مواعيدك معها .. ماله داعي .."

شـآدن " مـ"

أم إبراهيم " لا يمه خالد خليها تروح .. إنت شايف حالتها شلوون .."

شادن بقوة وهي تبعد من حضن جدتها " وش قصدك ؟ وش شايفتني مجنونة ؟.. لاتخـآفين بعدني بوعيي مابعد أنجـن .."

أم إبراهيم بسرعه " أنا ماقلت كذا بسم الله علييك .. بس يعني .."

خـآلد " إذا كذا خلاص .. أنا بوديك ماله داعي روحاتك مع التكآسي بروحك .."

بقرف وضح بصوتها " شكرا ماأبي منك شي .."

خـآلد يكمّل " بكره عندك موعد السـآعه أربع ونص .. أربع وربع تكونين عند الباب .."

رجعت ناظرت جدتها .." معلييه شادن والله هو سأل .."

شـآدن " وهو كل ماسألك عن شي بتجاوبينه .. حرااااام عليييك ليه تسوين فيني كذاا لييييييه ؟؟"

ورجعت تصييح من جديد ..



::::::

حرّك الكابتشينوا يلي قدامه " ومتى عزمتوا تروحون ؟"

فيصل بعد ماشرب شوي " الأربعاء إذا الله أرااد .."

إبتسم " أقولك شي .."

هز راسه " قوول ،، ها وش عندك من دُرر ؟"

فارس بضحكة " يا أخي ملاحظ إنكم عائلة تحب الطلعاات .. يعني كل ويك إند يجي تركبون سيارتكم وتمسكونها تمشية إلى يوم الجمعه .."

فيصل بسرعه " إذكر الله .."

فارس " ههههههههه مشاءالله .. بس والله من جد .."

فيصل وهو يتنهد بإستهبال " على قولة البابا حقي .. خلينا نوسع صدورناا .."

فآرس " هههه أنا أشهد إنه موسع صدرة وبعـُنف .."

فيصل وهو يكش عليه " يمه منك يمه يمّه .."

فارس " خييير وش شايفني ؟ صرعتنـي ترااك .. ترا والله ماأنظل .. عيني مهب حارة .."

فيصل " وش يضمنك لي هااه ؟ المهم هههه ،، بتجي معنا ولا ؟"

فآرس " ماأدري .؟ أحس شكلي وكـ العااده غلط .."

فيصل " وكـ العاده بعد تبيني أترجاك توافق ..! أقول ترا وربي الشآليهـآت ماتتفوت .. صحيح هدوء ومدري شلون وتجي كبيرة .. بس وربي إنها روعه .. والشاليه يلي مآخذه عمي هناك مره رايق وصدقني بتستانس إن شاء الله .."

ضحك " نروح وأمرنا لله .."

فيصل " ههههه لاتخاف عِمير البـلا ذلف القصيم مهوب فيه .."

فآرس " ياخي ذآ الولد مدري شلون ؟ أحسه مريض ..[ بسرعه ] آسف بس من جد ينرفزني .."

فيصل " إنت قلتها بنفسك .. مريض ..! تخيل من فترة تقدم لأخته واحد وربي ينشرى بـ الذهب ..

ماينعااب الرجال .. بس هو رفضة من غير لايشاورها حتى .. وزوجها من خويه غصبا عنها ،، وشوفها هه ألحيين معلقه لاهي مطلقه ولا هي متزوجة ،، تقول ماإرتاحت معه بس هو يقول لا تبغين تفشليني مع الرجال مافيه طلاق .. [ زفر بغيض ] يآرجـآل قسم بـ الله نفسييه "

فآرس " الله يهديه ويعينه على نفسه .."
في اليـوم يلي بعدّه ..



لبست ملآبسهاا وتحجبت .. شآلت شنطتها ورمت جوالها فيها ومزآجها في القـآع ..

أسيل ببشاشه وهي ترتب الصحون وتحطها ع الطاولة " صبـآح الناس الكاشخـة .."

إبتسمت من غير لاترد كـ العاده إذا جات تقوم الصباح .. ناظرت بـ الهنوف

يلي كانت نايمه ع الكنب وقآلت وهي ترجع تناظر أسيل " وش بها ذي هنا ؟"



أسيل بصوت هامس وهي تصب الشاهي بـ الأكواب " إسكتي ياشييخه مادريتي وش صار ؟"

فتحت عيونها بخوف " وش صار ؟"

أسيل تمد لها الكوب " أمس فهد الليل راح المستشفى .."

شهقت بصوت عالي " المستششششششفى ..! لييييه ؟"

أسيل " أششش وطي صوتك تو البنت نامت .."

مرام وهي توطي صوتها إنصياعا لأوامر أسيل " طيب طيب ،، فهميني السالفه ..

وبـ الله وين كنت أناا ؟"

" أمس بعد مانمتي بساعتين جا سامي هنا وقال إن فهد طاح عليه .. يوم رحنا أنا وإخته لشقته شفناه متمدد ع الكنب ..

طلبنا الإسعاف ونقلوة للمستشفى .."

مرام بخوف " ياربيييييه ..! وش طلع فيه طيب ؟"

أسيل " لاتخافين شي بسييط .. جآته نوبة ربو حاده .."

عقدت حوجبها " ربوو ! من متى وهو فيه ربو ؟"

أسيل وهي تبلع لقمتها " مدري والله .! بس طلعوه على طول بعد ماأعطوة أكسجيين .."

مرام وهي تسند ظهرها ع الكرسي " مممم يعني تكنسلت الرحله .."

بقوة " لآ وش يكنسلها ..؟؟"

مرام " توك تقولين فهد تعبان شلون بنروح ؟"



أسيل " عادي وش فيهاا .! وبعدين يكون بمعلومك إن فهد هو يلي أصر نستمر على قرار الروحه

حتى بعد ماغير رايه سامي .."

نآظرت الهنـوف " يعني بيروح هو وإخته ؟"

أسيل " إيه إيه .."



سكّتت وصآرت تآكل والهدوء مخيم ع المكـآن .. قلبها معورهـآ على فهد !

نوبة ربو عـآد ..؟! تذكر وحده معها بـ المدرسة أيام الثانوي بغت تموت بس لأن

جآتها نوبة ربو ومآكان معها البخاخ ..

تنهدت بعمق ,, وش دخلك فييه إنتي ؟

هو ماترك فيك شي صااحي .. هزأك .. وبكل نظرة ينآظرها لك يستحقرك

ويرمي كلام ماينقال ..

وش تبغيين فيه يامرام ..؟ إنسية .. وخلي هـالمعآمله بينك وبينه تستمر ..

نآظرك نآظريه .. صرخ بوجهك إصرخي بوجهه .. إستحقرك إستحقرية ..

لاتبينين له إنك ضعيفة ..



كررت في نفسها " أنا مو ضعيفه ،، أنا مو ضعيييفه والله مو ضعيفه ."



أسيل وهي تناظر ملامح مرام يلي إنعفست " بسم الله مرام وش صابك ؟"

حطت كوب الشآهي " مافيني شي .. [ أخذت نفس ] متى الرحلة ؟"

نآظرت سآعتها " يلآ مابقى غير نص ساعه ونمشي "



::::::



نـآظر فيها وهي تآكل بهدوء .. وعيونها حمرآ من الصيآح ..

أصلا باين إنها كانت تبكي .. ومانامت من كثر البكي بعـد ..

تنهد وإنتبهت له هي .. نآظرت فيه ورجعت بجسمها على ورا ورجع الكرسي ..

وقفت وجات بتمشي لكنه مسكها من معصمها ،،

عقدت حواجبها وسألها " على وين ؟"

من غير نفس وهي تناظر صحنه " الحمدلله شبعت .."

طلال " ماأكلتي شي .."

بنرفزة " يووه أقولك شبعت .. غصب هو غصــب ؟!"



هذا وبآسمه مابعد تجي وصآرت تعامله كذا ..

أجل إن جت وش بيصير ..؟



طلال " طيب إجلسي معي .."

سحبت يدها بنرفزة " طلال إنت منت بزر .."

طلال بعنـآد " طيب إجلسي ع الأقل أبي أسولف معك .."

مسحت دمعه طاحت قهر " عارفه وش بتقوول .. بتتكلم عن زوجتك ! يآخي خلاص فهمناا إرحمني تكفى "

فتح عيونه بصدمة " من قآل ؟ مها وش ذآ الخرآبيط ؟"



تأففت بصوت عالي وجلست بكرسيها " خير وش عندك ؟! إخلص علي لو سمحت وإختصر .."

ما إستغـرب أبد ..

كله طبيعي ياطلال كله طبيعي .. مابعد شفت شي إلى الآن ..



طلال بتنهيده " زعلانه .!"

رفعت حاجب " نعـم !"

طلال " من موضوع هذاك اليوم .. مهآ ترا والله أنا ماأسوي كذا علشان أقهرك .. وربي

إنتي عندي بـ الدنيا كلها .."

مها "....."

طلال بعد ماشاف الصمت منها " كل شي صار برضاك .. إنتي حديتيني على هـ الشي ..

وكل شي بيدك هـالحين .. تبغيني أطلقها بطلقها .. تبغين أنهي هـ الزواج بنهيه .. مستعد أسووي أي شي .. بس أهم شي إنتي ترضين عني .."

مها "...."

إنقهر وقال بضيق " مها لاتسكتيين .. قوولي أي شي ،، أي شي الله يخلييك .. لاتصيرين علي إنتي بعد .."

صآحت غصب عنها وقالت بقهر " وش تبغآني أقوول ؟ طلال خلاص انا تعبت ورب البييت تعبت ..

صرت أكره نفسي وأكره كل شي حولي .. أكره أطالع بالمرايه علشان لا أشوف النقص فيني .. كرهت كل شي تخييل كل شي ..

ما عدت مها الأولييه ياطلال خلااص .. الله يخلييك لا تعذبني أكثر من كذاا "

وقف وراح لها .. ضمها وقال بإبتسامه " الله مهـآتي ! كل هذا بقلبك وسآكته ؟ ليه أنا وين رحت ؟"

قآلت بشهقات متواصله وبكلمات متقطعة " طلال .. طـ.ـلال والله أنـ.. ،، أنا أحبــ...ـكـ والله العظييم ,,,,,, ياطلال والله .."

ضمها أكثر وبهدوء " وأنا أمووت فيييييك . [ ضحك ] شفتي أنا أكثر منك .."

نآظرت فيه " طيب وبآسمه ؟"

يـ الله بدينّـآ " بآسمه .......! باسمه مالها أي مكااانه بقلبي أبدا .. إنتي كل شي بـ النسبه لي ..

ومافي أحد بقلبي غيرك .. هي بتكون للعيال وبس .. وإنتي ،، بتظلين مها يلي يمووت فيها طلال طول عمره ."

بأمل " صدق طلال !"

مسح دموعها بيده " أكييد ياروح طلال ..! عندك شك إنتي ؟"



::::::



نآظرت المكآن حولهـآ .. تلفتت عيونها ببطء .. وعلى ثغرها طيف إبتسآمه ..

مرآم وهي إلى الآن تنآظر حولها " الله أسييييل .. وش ذآ المكآن يهبل .."

أسيل والإعجاب بصوتها " إيه مره مشاءالله .. قلت لك ماراح تندمين .."

مرآم " الحمدلله إني جيت هههه .. [ نآظرت الطلآب حولهم ويلي جاين معهم بـ الرحلة ] وع ياشين الأسبآن ماأمدانا نجلس إلا وهم يلقطون بذآ الكاميرات .."

أسيل " هههههههههه ماعندهم وقت .."



..



قدآم البحر .. كآن واقف هو ويآهـا .. والسكوت سيد الموقف ..

إلى إن تكلم هو " كلمتي أبووك .؟"

الهنوف بتنهيده " لأ .. من جيت هنا ماحكيت معه .."

" لييه ؟؟"

" بس ! أنـآ ماجييت هنا إلآ لأني أبغى أبعد منه ومن شرّه .."

فهـد " الهنـوف لاحظي وش قـآعدة تقوليين .. تـرآ حرام والله مايجـوز هذآ مهما كـآن أبووك .."

الهنوف بصوت يرجف " فهد ،، إنت كنت عندنا وشفت وشلون كان يعاملني .. شفته وش سوآ فيني .. [ نآظرت فيه وإمتلت عيونها دموع ] وربي من رحت وهو زآيد الضرب فيني .. ماخلى بي عظمة صآحيه ..

تخيل كـآن يجي آخر الليل سكـرآن مايوحي شي ،، ويمسك الخيزرانه ويضربني أنا وأمي .. [ رفعت كم بلوزتها الطويله ] نآظر وش سوى في جسمي .. شوهني يافهد شوهنـي .."

تفتحت عيونه على وسعها وهو يشوف الحرق الكبير والممتد من كوعها إلى آخر يدها .." وش سوى بك كذا ؟"

رجعت الكم مكانه وطاحوا دموعها " هذآك اليووم حط سيخ ع النار ولزقّه بيدي .. أصلا ألحين خف ماشفته شلون كان قبل .."

فهد بذهول " وربي مو صااحي .."

الهنوف وهي تمسح دموعها " شفت ! وتبغاني أكلمه ..! قبل أمس كلمت طارق و أمي .. يقولون من رحت وأبوي برآ البييت مايجي إلا آخر الأسبووع ويكون منتهي .. وياخذ ذهب أمي ويبيعه وهذا حاله .."

تنهد " والله مدري وش أقوول ،، إنتي عارفة وضعي شلون ! لو كـآن بيدي شي كآن سويتّه .."



أسيل وهي تنآظر سآمي وخدودها حُمر " بـ الله وش تهقى يقولها ..؟"

سآمي وعيونه عند فهد والهنـوف " مدري ؟! [ نآظرها وحمّر وجهها زود ] ودي أعرف .."

مرام وهي تنآظرهم يتكلمون شلون مو مهتمين لموية البحر يلي بللت جزء من رجيلهم " الظـآهر تصيح .. أففف وش ذآ أبي أعرف .."

أسيل " هههههههه الله يـ اللقافه وش كثر هي ذابحتكم .."

سآمي وهو رافع حواجبه " عرب ماننلام ! وبعدين يالمحتاله حتى إنتي ودك تعرفيين ومستعد أحلف لك .."

نزلت عيونها من عليه وحاسه قلبها بيوقف " هههه إيه بس مو كثركم .."



لفت مرام راسها وناظرت فيهم .. إبتسمت بخبث " أقول سامي ورآك لازق في أسيل كذا ..؟؟ لاحظ البنت ساحت .."

إنتبه سآمي لنفسه وبعد على طول ..

أسيل في نفسها وودها لو تذبح مرام " الله يلعن عدوك يالتبن .. لييش قلتي له لييش ؟"

سآمي وهو يحك رقبته بخجل " والله العظييم آسف ماقصدت .."

أسيل بصوت بـ الموت يطلع " هـ..لا ع .. عععادي .."

مرام وهي توقف جنبها " عادي وين يابنت النااس .. تفجرت عروقك من إندفـآع الدم .."

مسكتها أسيل من زندها وقربتها لها .. قالت بتهديد هامس " حسآبك بعدين .."



ضحكت وعلى ضحكتها جا فهد وإخته يلي خزها بقوة على هـ الضحكة العاليه ..

أعطته نفس النظرة لكن هـ المره أقوى .. خلآص إلى متى وهو يعآملها كذا ؟

مصخها وبقوة بعد ..

فهد وهو يلف نظرة من عندهآ " سآميوو .. تعآل ننصب الخيآم يآخي .."

جآهم سآمي وهو يتجنب النظر لعيون أسيل .. مآيدري شلوون ماحس بنفسه !

الهنـوف يلي كآن بآين من صوتها إنها كانت تصيح " إلا صحيح فهّد أخذت دوآك ؟"

لف نآظر فيها وإبتسم " إيه ياقلبي .."

بلع ريقه على الكلمة يلي قالها من غير قصد ..

إبتسمت الهنوف يلي حمر وجهها وكإنها تقولة مافي مشكلة ..

رجع ناظر بسآمي يلي كان يناظرة بفهاوه ..

عقد حواجبه " في شي ؟"

سآمي إستوعب " هاه .! لا أبد سلآمتـك .."



::::::



جلس ع الكنب بعد مآتغدآ .. غمض عيونة وهو على وشك ينآم ..

لكن على طول رجع فتحها أول ماإنتبه هو وين ..

سأل يطيّر النعاس يلي بدآ يهاجمه " شلون شغلك ؟"

إبتسمت له رؤى " الحمدلله تمآم .."

" ومشاعل ؟"

عقدت حواجبها " إشبهاا ؟"

تركي " كيفها ؟ شكت بشي ولاشي ؟"

رؤى " لأ .. كيف حتشك وأنا أبدا ماجبت لها سيرة بـ الموضووع .؟ وغير كدّآ هادي بنت عمك مريضة ولا إيش

مشكلتها بـ الضبظ ؟"

تركي " خيرر !!"

رؤى " لا تطآلعني كدّآ .. أنا ماقُلت حآجه غلط ! ما أدري كدآ على غفلة تجلس تصييح

وماأعرف إيه .."

تركي " لا مو مريضه .. [ سكت شوي ] وبعدين تعالي إنتي وش دخلك فيهاا ؟ قلت لك لاتحتكين بها واجد ،

ولا ماتلومين إلا نفسك سامعه .."

عقدت حواجبها بخوف " يووه إشبك ماقلت حاجه أنا .!"

وقف " حبيت أعطييك خبر بس .. يلا أنا ماشي .."

من غير نفس " الله معااك .."



طلع من عندها .. ركب سيارته وطول ماهو ماسك الطريق للرجعه للبيت يفكّر ..

رؤى ذي غلط .. وجيآتي لها غلط بعد ،، يعني لازم ننهي هـ الموضوع قبل لايدري أحد ..



وقف سيارته ونزل .. ومايشوف قدامه غير السرير ..

هـ الأياام صاير يُرهق بسرعه .. هههههههه أماا يرهق وهو أربع وعشرين ساعه يانايم

ياجالس مايداوم أبد ..

قبل لا يدخل للصاله سمع أصوات .. تنحنح بصوت عالي وشوي جآه صوت شذى " حيااك ترووك .."

دخل وإنتبه لوجود ليان بـ الجلال ومتغطية .. إبتسم مايدري ليش ؟!

أجل مستعده حظرتهاا !

جلس بعيد جنب لمى " شلوونك لميو ؟"

لمى " تماام .."

نآظر إخته " وإنتي شذى ؟ يوه من زمان ماجلست معكم هههههه .."

شذى بضحكة " شفت شلون إنك مقصر في حقناا كـ إخوه .!"

تركي " أما كإخوة ! مايمديني أناا ههههههههه .."

" ههههههههه .."

نآظر ليآن يلي كانت ساكته وعيونها بـ الأرض .. عورّه قلبه وبتردد " وإنتي ليان وش أوضاعك ؟"

رفعت راسها ورمشت أكثر من مره تبي تستوعب ..

قالت بصوت يرجف " عايشه الحمدلله .!"

هز راسه وهو إلى الآن مبتسم ..

رخّى جسمه ع الكنب قد مايقدر .. ومال برقبته وإستقرت جمجمته على كتوف لمى ..



قال بصوت كسلآن " فيني نووم .."

لمى بنذآله وهي تهز كتوفها بقوة " قه قه قهقه قااه .."

ضحك وهو مغمض عيونة " الحمدلله ياارب .."



دخلت أم محمد يلي الكل ملاحظ التغيير يلي صاار لها .. حتى أبو محمد نفسه !

شآفت تركي " أووه تركي هنا ..!"

أول ماسمع صوتها فز بسرعه " هلا يمااه .."

إبتسمت " وجهك ولاضو القمر ياوليدي "

وجلست جنب ليان ..

ضحك " لا تشرهون أنا في البيت أغلب الوقت بس إنتوا بسم الله ماتنشافوون .."

أم محمد وهي تناظر ليان " شلونك ليان اليوم ؟"

تنهدت وهي مبتسمه " الحمدلله عمتي ..!"

شذى " إلا تركي تكفى بطلب منك طلب .."

تركي " مممم ؟!"

شذى " الله يخليك اليوم المغرب ودنا السووق .."

رفع حاجب " وش عندكم بـ السووق ؟"

شذى " أبد بنتمشى شوي .. وغير كذا الجامعه مابقى لها شي ونبي نشتري أنا ولياان

ملآبس يعني .."

إبتسم وإنتقلت عيونة تلقآئي لليان " إيه صدق نسييت إنتي طبْ .. يبيلك تكشخيين وسط الدوآفير .."

لمى " هههههههه أما دوافير مالك دااعي تركي .."

نآظرها " وأنا صاادق .. الطب مايدخله إلا الدوافير .."

شذى وهي تضرب كتف ليان يلي ساكته إلى الآن " يعني إنتي دافورة من قدك .."

ليان " هههههه إيه مره .."

وقف " خلاص وقت مابغيتوا تروحون قوموني أوديكم .."



أول ماراح ..

لمى " أومآهي تجين معنا ؟!"

أم محمد وهي مبتسمه " إذا تبغوني أجي جييت .."

لمى وهي توقف وتحضن أمها يلي توها تحس بحنانها في هـ العمر " أكييد يمه أكيييييد .."

::::::



ع العصر .. جلست جنبه وهي حاسته مهموم .. بآين من عيونة يلي حفظت تفآصيلهآ ..

تنهدت وحطت يدها على شعره " ولييد وش فيك ؟"

غمض عيونة " أبد ،، [ نآظرها وإبتسم بتعب ] سلآمتك .."

" افاا .. تخبي عني يعني ؟"

وليد " لا والله نجلآ بس مدري .. يعني ماودي أغثي بك في مواضيع مالها دااعي .."

نجلآ بصدمة " الله ! وليش ؟ مو زوجتك ؟ وليد تكفى إعتبرني إنتْ .. [ بضحكة ] يعني مو إنت إنت .. هههه إنت إلا شوي "

وليد وهو يميل بجسمه لها " إيه أنا الوليد وإنتي نجلآ وش جآب لجـآب ؟ أنا شين وإنتي قمر "

نجلآ بحب " الوليد ونجلآ إيه ،، بس كل وااحد قلبه ع الثااني ولا ؟"

وليد بتأييد " أكييد .."

نجلآ " دآم أكييد يلا هات وش عندك ؟ وش مكدرك كذا ؟ ترى حتى العيآل ملآحظين مو بس أنا .."

وليد وعيونة ع الأرض " والله مدري وش أقول ؟"

نجلآ " كلشِ ،، لاتخبي عني ولا حااجه .."

وليـد " من وين أبدآ ؟ كل شي سبحان الله مخليني أتضآيق .. [ تنهد ] أول شي مها وطلال ..

تحسبيني راضي عن يلي يصير لها ..؟ لا وربي إن قلبي متقطع مليون مره علشانها ..

أعرف إختي يا نجلآ .. بتمووت من القهر مارااح تقدر تتحمل .. صحيح هي وافقت وأجبرته بس غصب عنها .. وطلال مو قادر يسوي أو يقوول شي .. أنا أدري إنه يحب مها .. بس بعد ما أقدر ألومة .. هو رجآل

والعيب مو منه .. ومصيرة يتزوج اليوم ولا بكرة .."

نجـلآ " لا تخااف .. ربي معهم يالوليد .. بعدين إنت قلتها طلال رجال .. هو بكل الأحوال بيتزوج ماراح يعيبه شي ،، إنتظر شوي حنا مابعد نعرف زوجته الجديده .. يمكن تكون بنت حلال ..!"

وليد وهو ينآظرها بضيق " شوفيها فـ نفسك يانجلا .. ترضين تعيشين وفيه وحده تشاركك زوجك ؟

وتدرين إنه بيفضلها عليك بعدين ؟ "

نجلا " ........ لا والله .."

وليد يكمل " ثاني شي أبووي .. ماسك علي كل ماشافني كلم طلال يطلق مها كلم طلال يطلق مها ..

وربي أقلقني .. مو قـآدر أقول لطلال كذا .."

نجلا وهي ترجع تمسح على شعره " لا تحمل نفسك فوق طآقتهاا .. الشي يلي ماتقدر علييه

لا تسوية .."



::::::





-----------------------------------------------------------------------------



نزلت من البيت .. وهي تنآفخ ومستعده تفجر فيه إن قآل كلمه مالها داعي ..

أصلا السالفه هذي كلها مالها داعي .. يعني وش يبي حآشر خشمة معها ؟

تعمدت تتأخر عشر دقآيق عنآد .. ركبت السيارة ورى وسكرت الباب بكل قوتها ..

نآظرها بنظرات حافطتها زين من مراية السيارة .. ورفع حاجب " وعليكم السلام .."

تأففت ونآظرت برا .. وش يبي ذآ ؟

حرّك من مكانه وسأل " وين مكان المستشفى ؟"

شآدن " دامك ماتعرف ليه دقيت الصدر وقلت بتوديني ؟ ولا السالفه عنااد يعني ؟"

خآلد " أنا قلت وين مكان المستشفى ،، يعني أبي جوآب على هـ السؤال مو كلآم ماله داعي .."

إنقهرت ،، هـ الحيين أنا كلامي ماله دااعي ؟؟ هيييييين " مستشفى الـ ... "

خآلد " ومتى تخلصين مواعيد ..؟"

شآدن وهي تناظر برا " مدري ؟ مابعد تحدد الدكتورة .."

خآلد " طيب وشوله اللجّه ذي ؟ وش تبغين فيهاا ؟"

لفت ناظرت فيه بقهر " وش دخلك ؟ ياخي إفهم حس شووي .."

خآلد " شآدن خلينا محترمين بعض .. أقل شي إلى إن تولدين وبعدها كل واحد بطريق .."

إمتلت عيونها دمووع " لا ياشييخ ..! وببساطه كذا ماعندك ماانع .."

خآلد " إييه وش تبغيني أسووي ؟ [ وقف عند باب المستشفى ،، ولف عليها وإنتبه لدموعها ]..

وبقهر قال " إنتي إخترتي فؤاد علي .. فضلتي ذآك النجس علي انــا ..!"

صرخت فيه " إنت مجنووون .. مريــض .. صدّقت وااحد تعرف وش كثر يكرهني ..

وسواها فيني من قبل وطلقتني .. وسواها ألحين ورجعت طلقتني .. بس والله والله والله ياخـآلد لا يجي اليوم يلي تندم فييه .. وتعرف إنك ظالمني .. سآعتها ماأحد بينفعك .."

وطلعت وقفلت الباب وراها بكل قووتها ..

رجع مكانه وتنفسه مضطرب .. رمش أكثر من مره يبي يستوعب هي وش قالت ..

معقوله يكون صدق ظالمها ؟! معقوولة ؟!

المشكلة إن قلبه يقول كلام .. وعقله يقول كلام ثآني .. وهو ضآيع بين الإثنين ..

مو عآرف مين يصدق ؟ او مع مين يقتنع !

فتح أول 3 أزرار من ثوبة .. وزفر بتعب .. طلع جواله ودق على زيآد ..

بعد كم رنه " هلا أبو نايف .."

خآلد والتعب بصوته " زيـآد فاضي ؟"

بخوف " خيير وش بغيت ؟"

خآلد وهو يغمض عيونة بقوة " تعآل أنا عند مستشفى الـ ...... "
جزر البليــآر ‘

:









ما تخيّرتك ،

عشان أختار ( فرقا ) !

وما عرفتك ،

لأجل أدوّر لك " بدايل ".

.

.







كآن الوقت على نهآية الظهر تقريبا .. وبدآية الدخول للعصر ..

جزر البليـآر شي يفوق الوصف .. بجوهـآ ومنآظر الطبيعه يلي فيها ..

كآنوا فآرشين فرشة كبيرة نوعا مـا قدآم البحـر ،، وجآلسين عليها هم بس .. ومعتزلين باقي الطلاب يلي

كل واحد منهم إلتهى بشي ..

سآمي وهو يوقف " أسيل وش رايك نآخذ لفّه ع المكآن ؟ "

تنحت بمكانها ولزقت بمرام " ه،،ههه ؟"

مرام وهي تضحك " وش فييك فهيتي ؟ "

سآمي " هههههههه تعالي معي ماأبي أروح بروحي .."

وقفت وهي تتنافض والدم كله إمتلى بوجهها " إيـ..ـه يلا .."

فهد بنذآله " أقول سموي مآودكم بأحد ثالث يخاويكم ؟ "

سآمي وهو يمشي ويعفس ملامحه " إسترح بس ! "

فهد وهو ينآظر الهنوف " ههههههه هـ الولد منسم بشكل ! "



كآن بينهم مسآفه وهم يمشوون .. وكل واحد منهم سآكت ..

سآمي بإرتبآك " آآ إلا أسيل صحيح .."

رفعت راسها وبحيّآ مستغربته في نفسها " هلآ .."

كّح " تذكرين يوم كنت واقف جنبك ؟ "

تنفست بصعوبة " إيه !"

سآمي وهو يضحك " نسيت نفسي والله على بالي وحده من أخواتي ،، مو متعمدها والله .."

حسبي الله عليك يامرام خليتيه ينتبه " هه .. ههههه لا عآدي .. أهم شي مو متعمد ههه .."

سآمي وهو مبتسم " عـآد تصدقيين .. هذي من جد ترا ههههههههه ،، تشبهين أخواتي مره .."

حمر وجهها " لااه ! أجل ياحظي .."

سآمي " هههههههه إلا هم ياحظهم .."

رمشت ،، وش فيه الأخو ..؟ حس على نفسه وقال بفشيلة يصـرف " تعاالي ! بتنزلين السعودية بـ إجازة الترم ؟"

أسيل بحماس " أكييييد .. ياربييه وش كثر مشتاقه لأهلي .."

سآمي " هههه هذا وإنتي إختك هناا .. أنا وش أقول أجل .؟"

أسيل " ههههههه من جد أقل شي انـآ ودادو مخففه علي وكل يوم والثاني رايحه لها .. أما إنت ومرام مدري شلون متحمليين ؟"

عقد حواجبة " عندك أخوات غيرها ؟ "

أسيل " كثيييييير ..! بس أقرب أقرب وحده لي وداد .."

إبتسم " الله لا يغير عليكم .."

" آمين .. طب إنت بتسافر ولا ؟"

سآمي " طبعاا .. والله متشقق أبي أشوف منيرة .."

" منيـرة ؟!"

ضحك " لا تشرهين ع الإسم أدري قديييم .."

" ههههههههه لا والله مو القصد .. بالعكس أحب الأسماء هذي انا .. بس يعني من منيرة ؟"

سآآمي" بنت إختي .. توهـآ ولدتها قبل شهر تقريبـا ،، ومقلقهم كل دقيقة يرسلون لي صورها ..

والله لو تشوفين إيميلي وجوالي مليانيين .. [ لف ناظرها وبإبتسامه غريبه ] إن شاء الله لا رجعنا الشرقيه وريتك إياهاا .."

أسيل وهي متقطعه من الحيّا " إحم .. بس أنا مو من سكآن الشرقيه .."

سآمي " لااا ! من وين ؟ "

أسيل " الريــآض .."

إبتسم إبتسامه واسعه " والنعم والله .."

أسيل " ماعليــك زوود .."

سآمي " ههههههه عاد كلنا من الشرقيه إلا إنتي .. زين علشان لاجيناكم الريآض تضيفينا .."

أسيل " ههههههههههه كل شي بحسآبه ،، كم تدفع ؟!"





جلس يسولف مع إخته .. وعيونه كل سآعه تنتقل لها تلقآئي ..

كآنت جالسه بعيد عنهم شوي .. تنآظر البحر قدامها وضآمه ركبها لجسمها ومطوقتهم بذرآعها ..

والنظآره الشمسيه مغطيه عيونها وتمنعه من إنه يشوف حركة رموشها .. وســآكته !

نآظر بـ الهنوف وأشر بعيونة على مرام " وش فيها ذي ؟ "

الهنوف بهمس " والله مدري ؟ شكلهاا متضايقه .."

رفع حاجب " متضايقه ؟! من وشو ؟"

الهنوف وهي تناظر مرام " تحب أسألها ؟"

فهد بهلع " لا وش تسألينها إنهبتلي إنتي ؟"

ضحكت " هههههه أجل إترك اللقافه .."

لفت نآظرتهم مرام شوي .. ثم رجعت لنفس وضعيتها السابقه ..

بهدوء وهي إلى الأن مستمرة على نفس الجلسه " بترجعون لديرتكم ؟"

نآظر فهد بـ الهنوف .. ثم راجع ناظر مرام " وشو ؟"

مرام " الإمتحانات بتبدآ بعد إسبوع بـ الظبط .. وبعدها بتجي إجازة 3 أسابييع تقريبا ..

أسيل بترجع للريااض .. وسآمي اتوقع يرجع بعد .. [ بصوت يرجف طلع غصب ] إنتوا بترجعون ولا ؟ "

فهد يلي فهم إرتجآفتها غلط " لييه ؟! خايفه تجلسين بروحك ؟"

لفت نآظرت فيه شووي .. وحمدت ربها مليون مره إنها لابسه النظآرات ..

قآلت ببرود صدم فهد " لأ طبعا .. من وشو بخاف ؟؟ [ هزت كتوفها ] إعتبرهاا لقآفه .."

فهد " لقـآفه ؟! "

الهنوف" وش فييكم طولتوا الموضووع بزياده ؟!!!!!!! [ ناظرت فهد ] ماراح نروح صح !"

فهد " لا [ يصرف علشان لاتشك مرام ] توك جايه وين نرووح ..؟"



تكذب على نفسها إن قالت إنها مافرحت .. بغت تتشقق من الفرح ..

إرتسمت على شفايفها إبتسامه بسيطه .. وتلاشت اول مادق جوالها ..

طلعته من الشنطه وأول ماشافت الإسم كشرت ..!

نآظرت بـ الإثنين يلي قدامها وعيونهم عليها يبغون يعرفون مين ؟

دق قلبها .. آيوااه يامراام يلا إلعبي لعبتك من ألحيين ..

إبتسمت بصعوبة .. وردت بصوت عالي تعمدت تقهر فهد فيه " هلاا مسـآعد .."

وقامت من عندهم ..!

الهنوف وهي تحك كفها " من مسآعــد ؟"

فهد يلي إنقهر ونآظر قدامه " وش يعرفني ؟ تلاقينه واحد من يلي تعرفهم .."

الهنوف " مين ؟!!!! "

فهد " ....... "



::::::



بخ العطـر على جسمه أكثر من مره .. وهو حتى النوم يلي توقع ينآمه ماذآقه أبد ..

مع إن حيله مهدود بس مانام ..

رفع الكآب الأبيض ويلي فيه خطين من الجنب بـ الأسود من ع التسريحه ولبسـه ..

نآظر شكله .. كـآن عادي جدا .. ثوب أبيض وكآب ..

شآل مفآتيحه وبوكه وطلع من غرفته ،، وبعدها من الجناح بأكلمه ..

مر من جناح أخواته . طق الباب وقال بصوت عالي " بسسرعه أنا بـ السيااره .."

كمل طريقه لتحت .. وقبل لايفتح باب البيت بينزل صدم بأبوه يلي فتحه قبله ..

عقد حواجبه بإستغراب " أبووي !"

نآظره أبو محمد وهو عاقد ملامحه بقوة .. ووجهه مسود " تـ..ـتـركي ؟"

مسكه من ذراعه ومشآه للصاله " وش فيك ؟ غريبه راجع بدري ؟!!!"

أبو محمد وهو يريح جسمه ع الكنب " هااه ..! "

تركي بخوف " يبه تعبان ؟ تبي أوديك الدكتور ؟"

أبو محمد " لا مايحتااج .. [ ناظرة من فوق لتحت ] وين رايح ؟"

إبتسم وهو يسمع صوت لمى تغني وهي نازلة الدرج " بودي البناات السووق .."

أبو محمد " .... "

نزلوا كلهم وأول ماشافت أم محمد زوجها شهقت " عبدالرحمـن !!!! بسم الله عليك وش فيك كذا ؟"

أبو محمد بتعب " تركي يلا روحوا لا تتأخرون .."

أم محمد " شـلو.."

صرخ " قلت روحوا مافيني شي .."

نآظرت ولدها بإستغراب .. ونزلوا من البيت ..

شغل المكييف وإنتظر شوي " وين ودكم تروحوون ؟"

شذى " ودنا الراشد .."

تركي " بس هااه بشرط .."

شذى " آمر .."

إبتسم " بطلع معكم .."



::::::



قفّلت مكآلمآتها يلي زآيده هـ الأيام وخصوصا مع ولاء ..

إنسانه عبيطة عبيطة عبيطة عبيطة بشكل كبيير ..

يعني ببساطة تقدر تاخذ منها يلي تبي ..

رفعت جوالها ودقت على بشاير ، إنتظرت شوي " أيوآ .."

سجى " كيفك بيش ؟!"

بشاير " تماام إنتي كيفك ؟"

" الحمدُ لله .. إسمعّي يابت أنا دقيت عليكي أقولك إنو حطلع مع ولاء ،، تيجي معآيـآ ؟"

" ولاء ؟!! أشووف إتصالاتكم كترانه الأيام دي .!"

سجى وهي تكحل عيونها " هآدا وإنتي تعرفي إيش أبغى مِنّها ..! الله يخلف عليكي بس .. هاا حتيجي ولا لأ؟ "

بشآير ببرود " فين حتروحوا ؟ "

سجى " عند جمعه لصحباتها ودي جي وكدآ يعني .."

بشآير " ماأدري واللهِ .."

سجى " أففف بيش عن حركاتك البايخه وتعاالي .. مالي مزاج أقآبل وشَّهـآ لوحدي .."

بشآير " أخآف إن رُحت يصير شكلي غلط .."

سجى " لأه مش غلط إطمني ..، وبعدين أنا قولتلها بشاير حتيجي معايا وقالت عاادي .."

بشآير "بعد صمت " أووكي حجي .."

" حلوو ! بعد ساعه وربع تكوني جاهزة .."



::::::

بعد مـآإتصل على أخوه .. جآه طيرآن ..

في كفيتيـريـآ المُستشفـى ..



خآلد " وهذي كل السآلفـه يازيـآد .."

رمش أكثر من مره يبي يستوعب " خـآلد من جدك إنت ؟ وش قـآعد تقووول ؟؟"

خآلد بتنهيده " زيـآد لاتزيدها علي .. ناديتك أبيك تخفف .."

زياد بإنفعال " وش أخفف ووش أزيد ؟!!! خـآلد إنت واعي وش قلت قبل شووي ؟

مستووعب وش سوويت ؟! إنت شكيييت بزوجتك .. شكييت بشاادن ياخآلد .. وبولدك يلي في بطنهاا .!"

خآلد وهو يضغط بقوة كآس الموية البلاستك " زيــاااد يكفي تكفى .."

حط يدينه عند راسه وبصدمة " يآربي ماتوقعتك كذاا !. وربي ماتوقعت الشك يذبحك لذي الدرجة !"

خآلد بقهر " زياد إنت مو حاس فيني لأنك ماجربت ..! تخيل أسمعها تكلم فؤاد .. سمعت صوتها معه يازيااد معه وتسبني .. وش كنت تبغاني أسووي ساعتهاا هااه ؟ أضمها وأهديها وأقول شطوورة حبيبتي ؟!"



زيآد بنرفزة " لا ماقلت كذاا ؟ بس مو معناتها إنك تصدق !! خـآلد حنّآ بـ 2008 تعرف وش يعني ؟

يعني إخترعوا أجهزة تقدر تركب صوتيين مع بعض .. ظلمت بنت النااس هذا وإنت كبير وعاقل وواعي ..

أجل شلوون لا صرت جآهل ؟! شـآدن ماسوت كل هذا .. وإنت دااري وظامن هـ الشي .. بس مدري وش صاار لعقلك ساعتها ؟!!! قدر يضحك علييك فؤاد مره ثاانيه ؟!!! خلييته يلعب عليك ويسوي يلي يبي .."

خـآلد بصدمة " و..ووشو ؟ زياد إنت وش قآعد تقوول ؟........... شلون جهاز يركب صوتين ؟"

زيآد وهو يحآول يهدّي أعصابه الثايره " يقدر ياخذ أي صوتين ويحطهم بمحادثه مع بعض .. وهو يختار الكلام ويقدر يقول يلي يبـ..."



قطع علييه صوت جوآل خـآلد .. طلعه من جيبه وأول ماشاف المتصل ناظر زياد بربكة " ه..ههذي شادن !"

زياد " ردْ .. أكييد خلصت .."



::::::



بعد يومين بـ الضبط ..



ع التليفون ..

فجر " والله ودي ياشذى بس والله الربووع بنطلع للشـآليهـآت يلي على طريق الجبيل .."

شذى بقهر " أفففف وإنتي ماتجي طلعاتك إلا وقت زواجاتنا ..؟"

فجر " ههههههههههههه شفتي شلوون ؟!! عاد وش أسووي وربي ودي أجي .."

شذى " طيب لاتروحين معهم .. خلك هنا ."

فجر " بـ اللهِ .!! أجلس هنا عند مين ؟"

شذى " تعاالي عندي .. ونامي إلى إن يجون أهلك .."

فجر " قلي قاا .."

شذى " هههههههههههههه قسم بـ الله ."

فجر " إيه أبشري علشاان ثاني يوم يجيني أبوي ومعه سااطور .."

شذى " ههههههههههههههههه اماا ساطوور ؟! ماهقييت عمو سعيد متوحش كذا ؟"

فجر " لا ياشييخه ..! هذا مو توحش هذا خووف علي ياقلبي .."

شذى " لا عااد مقدر اناا .. هههههههههههه يعني شلوون ؟"

فجر " غيروا موعد زواج أخووك إذا تبغوني أحظرة هههههه .."

شذى " إيه وهـ المره أبوي يلي بيجين بـ الساطوور .."

فجر" ههههههههههه ياحبي لك والله .."

دخل عليهم صوت غريب " عزيزي المتصل ،، عزيزتي الهذآره فجر .. أبي الهـآتف لو سمحتوا .. أريد أن أكلم بعض الأصدقآء والمعآرف و.."

قآطعته فجر بصراخ " فيييييييييييييصل ياتبن حط السمآعه .."

فيصل " ههههههه عيب لا تصارخين علي تطيحيين هيبتي قدام صديقتك .."

شذى يلي ماتت في أرضها ،، قـآلت تبي تستوعب " ألوو .."

فجر " معلييه شذى ويت شووي بشوف البثر أخوي .. فيصل لو سمحت " أغلق "السمااعه .."

فيصل يكمل إستهبال " لا أريد .. أريد الهاتف من فضلك .."

فجر " اللهم طولك ياروح .. الله يفشلك ياخي زين .. ألوو شذى معي ؟"

شذى " .... "

" شذى معيي ؟؟؟ "

شذى بصوت بـ الموت ينسمع " إيه .."

فجر " معلييه والله آسفه لاتواخذينا .. إسمعي بدق علييك من جواالـ..."

فيصل " أسرعي يآ غُلآمه .."

فجر بعصبيه " إنت إسكت حساابك معي بعدين .. ألو شذى يلا ألحين بدق عليك من جوالي مع السلامة .."



وسكرت .. الله يفشلك يافيصل الله يفشلك يااارب ..



::::::



لمى بشهقه " مارااح تحضرين ؟؟"

ليآن بهدوء وهي تهز راسها بـ النفي " لأ .."

لمى " ليييه ؟!"

ليان بتنهيدة " نفسيتي ماتسااعد يالمى .. أبعتذر من طلال وهو بيتفهم أكيد .."



::::::



مر يوم .. ويومين .. وثـلآث .. وجآت الحظة يلي بتذبل فيهآ أزهآرك يا مهآ ..

وبتجف سحآبة عطآك ياطلال ..

اليـوم بس .. ممكن تنتهي ملحمة سنه وكمـ يوم من الوفآ والمحبه ..

وتبدآ ملحمة عذاب ثانية ..



جـآ الأربعـآء .. وحَّيآ قلوب حآولت تنسى ..

وإقتربت نهآيـآت مهـآ ..

قفلت عبايتها والدمعه معلقه برموشها .. نآظرت بطلال يلي جآلس ع السرير مو قآدر يتحرك ..

ضام كفوفة مع بعض ويفركها من وقت للثاني .. وعيونة في الأرض ..

لفت للمرايا ومسكت الكحل وكحلت ،، تبي تبين إنها عاادي قدر المستطااع ..

قآلت بصوت حآولت تخفي رجفته " آآ.. [ بلعت ريقهاا ] بعد شوي بيجيني وليد وبروح معه لبيتـه .."

رفع راسه بسرعه لها .. قآل بخوف " لييه ؟ "

إبتسمت " يعني ما أبي أضآيقكم .. و.."

ومانطقت بحرف زوود .. غرقت بشهقاتها ودموعها .. وطلعت كبت الأسابيع يلي فاتت كلها ..

راح لها وقال بتشتت وهو يأشر " مها لا تصيحيين .. الله يخلييك لا تصيحيين ..

أنا ماأبيها .. ما أبـي أتزوج علييك .. أنا أبيك إنتي ،، إنتي وبس ومحد معك .. تكفين قولي لا تتزوج وأنا مستعد أشيلك ونروح من هنا .. بس قوليها إنتي .."

حآولت تتكلم بس ماقدرت .. كل حرف تبغى تطلعه تمنعها شقهقاتها منه ..

طلال وهو يهزها بقوة " لا تصيحييييين مهاا .."

وبطريقه هستيريه كمل " يمدينا نهرب .. معنـّآ وقت والله يمدينــا .."

مها بصراخ وصوت مقطع " بس ..... بس الله يخلييك يكفي .."

طلال بصدمة " وش فييك ؟ "

مها وهي تتحجب " وليد ألحين بيجيني .. بروح لبيته يومين ثلاثه وبعدين برجع .. [ جا بيتكلم ] الله يخليك طلال إسمعني [ مسحت دموعها ] إنتبه لنفسك زين .. ولا تخليها تشغلك عن صلآتك ..

أنا مقدرة يلي تسوية علشاني .. بس أنا مو أنانية .. انا أحبك ومستعدة أضحي بنفسي بس علشان تعيش مرتااح .. [ صآحت ] الله يخليك طلال لا تخليها تنسيك مها الله يخلييك .."



مآ عرف يرد بحرف .. إكتفى إنه بس يحضنها بقوة .. وكإنه يعصر ضلوعها له .. ويدمجها بروحه ..

وده يصيح . بس الدموع عيت تطييح .. وكإنها تعآنده ..

دق جوالها يلي ع التسريحه بعدته من حضنها وقالت بمرارة وهي تتغطى " مبرووك .."



::::::







× نهآية الفصل السـآبع عشـر ×
------------------------------------------------








--------------------------------------------------------------------------------



{.. الفصل الثآمنْ عشَّـر ..**

::



.|| لو يزيد العشق شعرة بـُوصَل للجنون ||.

.

.

.









في الشـآليهـآت بين طريق الدمآم والجبيـل ..



نزل من غرفـة التبديـل وهو لابس شورت سمآوي رايق .. فيه ثلاث خطوط

حمـرآ على جنبه الأيسـر ..

فيصل وهو يصفر بإستهبال " لك توئبرني وش هيدآ الجسـم ..؟!"

بحيّـآ وفشله " أقوول وربي شكلي غلط .. بلبس بلوزتي مالي دخل .."

فيصل " لا وين غلط ؟ وبعدين ياأخي إنت رجاال عادي .."

فآرس " إفرض مثلا يعني واحد من رجآل جمآعتكم شافني ؟ وش بسوي والله أطييح من عينه .."

فيصل بضحكة وهو يمدد يدينه بـ الهوآ وبكسل " هههههههههه ياحبي لك خجوول أثرك ..!"

جآبر وهو ينزل من الغرفة يلي جنب فارس " أقوول فصيل يلعن خشمك يـ الدب وش ذا الشوورت يلي إنت معطيني إيااه ؟ أفففف وااسع .."

وجلس يسحب بـ الخيط حق الخصر يبيه يضييق ..

فيصل " هههههههههههه مو حقي ذآ .. وجع أن مو دب أنا نحفوون صح فروسي .؟"

فآرس " ههههههههه من قلت نحفون وأنا غاسلن يدي .."

جآبر " من جد يآخي وش ذآ من وين جبته ؟ ماخبرتك تلبس xxxxL؟!!! "

فيصل بمرح " هههههههههههههه .. هذا ياطويل العمر لقيته بغرفة الحآرس فـ جبته لك .."

شهق " وشوو ؟؟ صـآدق إنت ولا ؟؟"

ضحك " والله العظيــم .."

جآبر " الله ياخذك وياخذ من يطلب منك زين ..؟ "

رجع دخل غرفة التبديل يفصخه ..

فآرس وهو يجلس جنب فيصل " حرام عليك فرفرت قلبه .."

فيصل وهو يحك إذنه " خليه السودآني ليه ماجاب معه ؟ هذا وأنا موصييه !!"

فآرس وهو يضرب فخذ فيصل " أجل قلت لي صآحب الفكرة أبوك بـ الرضاعه ؟!"

فيصل وهو يحك مكان الضربه بقوة " آآآآي .. إيه .. آححح الله يعمي عدوك يعور .."

فآرس " هههههههههههه علشان كذا ماخذ راحتك .؟"

فيصل " ماعنده غير بنت وحده ومتزوجه .. أكبر مني بـ 3 أياام فرضعتني امها فديتها هههه .."

نزل جآبر وهو يسب ويلعن " هونت ماأبي أسبح زييين "

فيصل " هههههههههههههههههههههههههه تعيش وتلبس غيرة خخخخ .."

تجمّعوا العيال كلهم .. وأغلبهم بشورتات إستعدادا " للطبوب " بـ المسبح ..

فيما عدّا جابر يلي تمّى ببنطلونة الجنز وركبت راسه مايبي يسبح ههه ..



نزلوا للمسآبح الخآرجيه .. وبمآ إنهم بـ الليل .. شغلوا الإنارات يلي حول المسبح ..

بإضـآءه صفرآ وبيضآ هاديه .. إنعسكت على موية المسبح الزرقـآ وأعطته شكل خيآل ..



فـوق .. إرتصوا البنّآت عند الشبآك بـ لقآفه ..

دآمهم سمعوا سـآلفة مسبح وهم محرومين من ذآ الشي بمآ إنهم بنآت والمسبح مكشووف ..

فمآ يمنع هـ الشي ينآظرون العيآل لاجآو يسبحون ..

فجر وكآدي يلي كانوا متغطيات بطرحة وحده وحآطاتها على روسهم .. وكل وحده منهم تشد من جهه ..

كآدي وهي تسحب الطرحه لجهتها " خلااص فجر عن المصآله كشفتي وجهي كله ..."

فجر وهي تسحب من الجهه الثآنيه " كلّه عندك .. أنا ماعندي غير الطرفيه بس .."

وحده من البنات " أقوول هيه خلاص خلونا نعرف نشووف .."

تلازقت " الخشش " كلها عند النآفذه .. وبدآو العيال يطلعون واحد ورى الثااني ..



فيصل وهو يمشي بطريقة عربجيه يستهبل بها " أقول ورعـآن ترا في عويناات دعوج يناظرونكم .."

سعود وهو يتلفت " وين وين ؟؟ "

وقف فيصل تحت الشبآك يلي واقفين وراه البناات ..



وسوآ بيدينه الثنتين شكل قلب ..

وبصوت عالي " أموووت ع الملآقيييييييف يـآآنــــاس وهـ بس .."



فجر " ههههههههههههههه وربي مجنووون .."

كآدي سآحت ،، وبمرح " وآآي فجر أبي أستلفه منك .."

فجر وعيونها على أبو شورت سمآوي " خذيه فدوة عيوونك .. وااهـ ياألبي .."

نآظر فارس فوق مكان مايناظرون العيال .. حس شكلة غلط وهو بشورت بس ..

والمشكلة إنه شورت طويل بعد يعني يجي تحت الركبه .. أقرب ماينقال عنه إنه برمودا مو شورت ..



بدأو ينطون بإستهبال واحد ورى الثاني .. ومآبقى غير جآبر و فآرس وفيصل ..

فآرس " ياربييه منك فيصل مو مرتاح ياخي بذآ الشوورت .."

فيصل " ياليل مُش فاايت !.. ياأخي وش بلاك عايدي وربي شكلك عايدي .."

جآبر " من جد فارس والله شكلك عادي مو غلط .. [ ناظر الشباك ثم رجع ناظر فارس ] ولو إني خايف ليكون وحده من ذآ المساكين يلي فوق سَّقطت صريعَّـه يوم شآفتكـ كذآ.."

فآرس " هههههههههههههه أمـآ صريعــه ههههههه ..! .."

فيصل وهو يعد بأصابعه بإستهبال " متوااضع .. جميل .. طيب .. حنوون .. جسمه حلوو .. عيونة لون .. [ يكلم جابر ] وش تبي أكثر من كذآ ؟ مشروع زوآج ناجح مئة بـ المئة .."

فـآرس " ههههههههه بديت تخنبق بـ الحكي وأنا أخووك .."

فيصل " ملاحظ هههههههه .."

جآبر " يلا بس روحوا طبحوآ فيذآك .."



ركضوا مع بعض وهم يضحون .. وبحركات بهلوانيه إثنينهم نطوا بـ المسبح ..



فجر ماقدرت تتماسك أكثر .. نزلت بجسمها وتمددت ع الأرض وهي تتنافض ..

كآدي وهي تنآظرها " بسم الله وش فيك تستنزليين ؟ جوك الأخواان والعيآذ بـ الله ؟! "

فجر وعلى شفايفها إبتسامه كبيرة " وآآي كـآدي بمووت .."



رفع راسه وطلع للسطح .. وشعره يلي طآل عن قبل لازق بوجهه ورقبته ..



صرخت وحده من بنات العيله " وااي واااي فجر ذآ يلي معكم يهبل .."

وقفت بسرعه ونآظرت مكان ما تأشر .. أول ماشافته كذا ويضحك ..

حطت يدها على قلبها وتنهدت ..



كآدي بهمس " بعدين بتعلميني السالفه تراك .."

هزت راسها وهي مو معها أبد .. بآلها بـيلي أخذ عقلها من زماان ..



مرت حوالي الربع سآعه .. تحركت عيونها ع المسبح بخوف وهي تدور فـآرس يلي إختفـى بين العيال ..

لكن مالقت أحد .. بدت ترتجف بخوف ..

وبعدها سمعت صرآخ العيال وندآئآتهم ..

وأصوات خآيفه تنآدي بإسم " فـــآرس .."



::::::



مدّت لها كآس الموية وجلست جنبها ..

وبنبرة مواساه " خلآص يا مها حرام عليك قطعتي نفسك بـ الصيااح .."

مها وهي تشهق " مو قآدرة يانجلآ مو قآدرة .. وربي كل ما أتذكر إنه بيكون معها اليووم أموت من القهر .."

نجلآ " لا حول ولا قوة إلا بـ الله .. يكفي يآبنت الحلال .."

مهـآ " بيجلسها معي بـ البيت تخيلي يانجلآ ..!"

نجـلآ " مهاا !. وبعدين معك ؟! مو إنتي يلي وافقتي على هـ الطب من البدايه ؟!"

مهـآ بإنهيار " أنا ماوافقت إلا لأنه هو كآن مواافق .. تخيلي جآي يسألني بعد مآقالها خلاص ..!

وش كنتي تبغيني أقوول ..؟"

نجـلآ " إسمعي ! لا تخلينها تلعب عليك يامها .. خليك لهاا بـ العين الحمرآ ..

لاتخلينهاا تتمادى عليك وبعدين يصير الشي يلي هو أعظم من سآلفة البييت .. لا تبينيين إنك ضعيفه قدامهاا .. ترا وربي تركب على ظهرك بعدين .. "

مهـآ ". ...."

نجلآ تكمّل " إنتبهي تضيعين طلال من يدينك .. تراه كان لك قبلها .. تمسكي فيه ولا تخليين كابوس العيال يبعدكم عن بعض .."

مهـآ وهي تغطي وجهها بكفوفها " ما أقدر يانجلا والله ما أقدر .."

رفعت راسها بقوة " تقدريــن ..! مها طلال يحبك إنتي مو هي .. إنتبهي يا إختي لاتخلينهاا تسرقه منك ,,"



::::::



بمطـآر أسبـآنيــا ..!

.



أسيل وهي تحضن مرام بقوة " وربي راح توحشيني مرااام .."

كتمت صيحتها " وإنتي أكثر والله ،، يالله كلهاا اسبوعين وبعدها ترجعين على طوول .."

بعدت عنها ومسحت دمعه طاحت غصب " وربي مالك داعي كان المفروض تجين معي .."

مرام بتودد " وين أجي يابنت الحلآل ؟ خليني هنا بنتظرك إلى إن ترجعيـن .."

أسيل " وش بتسوين بـ الإجازة بروحك ؟ والله بتمليين .."

مرام بإبتسآمه " دبرت لي شغله .. بقضي فيها هـ الأسبوعين إلى إن تجين .."

طيرت عيونها " بتشتغليين ؟!! وشوو ؟"

ضحكت " لا تتحمسيين وااجد .. ببيع ورد في محل مدري وش إسمه بس إنه زوين .."

بصدمة " أما ورد ..!"

هزت راسها " والله عاد وش أسووي هذا يلي لقيته .. ولا الشغلآت الثانية يامضيفه بمطعم ولا

مربية بزرآن .."

ضحكت " من جدك إنتي ؟! وش هـ الوضآيف بـ الله ؟!!"

مرام " خليها على الله .."

أسيل " لييه إنتي محتاجه فلوس ؟"

مرام بسرعه " لا والله .. بس أبي أذبح الطفش إلى إن تجيين .. [ بهمس ] خبرك الأخ فهد موصي إخته ماتحاكيني .."

أسيل " إيه والله حركته باايخه ماله داعي .."

ببرود " ماهمني لا هو ولا إخته .."

جآهم سامي يلي كان واقف يسلم على فهد " يلا أسييل .. "

مرام " والله بفقدكم كلكم .."

سآمي " عندك بو الفهود توحدي فيه .."

ضآقت ملامحها " إنتوا بنفس الطيارة .؟"

سآمي يلي لاحظ فقال يرقع " آآ.. إيه .. بنروح للرياض ومن هناك أنا بروح الشرقيه .."

إبتسمت بحزن " تروحون وترجعون بـ السلاامه .."



::::::



إمتلت عيونها دموع .. وهي تشوفهم يشيلون فارس من المسبح ويمددونة ع الأرضيه ..

وبدآ فيصل يصرخ علييه يبيه يصحى ..

جآها صوت قريب منها " يممه غـرق ولا وش صـآر فيه !"

لفتْ نـآظرت في بنت عمها يلي حطت يدها على قلبها بخوف ..

تفتحت عيونها بوسآع .. فـآرس غرق ؟!

رجعت ناظرت مكان ماتجمعوا العياال .. هي يلي تعرفة إنهم كانوا يسبحون وبعدها إختفى فارس

ثم وشو ؟

صرخت بصوت مكتووم ماسمعه غير كآدي " مـآت ؟!"

لفت عليها كـآدي يلي كانت خايفه ليكون صار فيه شي " وش قلتي ؟"

لفت راسها لكآدي .. وقآلت بحروف باردة ودموعها مشت على خدها " فـآرس ؟! ماات ؟!"

كآدي بهلع " لا بسم الله عليه وش هـ الخرابييط .؟؟"



رجعت ناظرت مكان العيال .. وبدأت تشهق بخوف وسط إندهاش البنات ..



فيصل وهو يهزة بقوة " فــآرس ..! فاارس إصحى تكفى .."

جآبر وهو يدفه " فيصل شوي شوي ع الولـد .. مو كذا !!"

فيصل بخوف " وش صاار فيه ؟! "

جـابر " مدري .. على فجئة إختفى ثم طفى جسمه ع المويه .."

خاف ورجع يهز فارس " فااارس .. فااااااااااارس تسمعنـي ! .."

ما فاد .. قرب جابر إذنه من خشم فارس .. وسمع تنفس مضطرب ..

رفع راسه لفيصل " لاتخااف .. يتنفس .."



ماعاد له وعي .. نزل راسه لصدر فارس المبلل وصار يسمع دقات قلبه عاليه حييل ..

فيصل وهو يناظر عيال عمه " الولد بيموووت .. إلحقوا خلونا نسوي شي .."



::::::



رآحت للمستشفى بما إنه عندها موعد عند دكتورة النساء والولاده ..

وبإصرار من الدكتورة سوّت سونآر .. بس طلبت منها ماتقول لها وش في بطنها ..

وإنصدمـت بيلي جلست تسمعه ..



شـآدن وهي تنآظر الدكتورة " يعني شلون دكتورة ؟ الأشعه فيها شي ؟"

تنهدت " شوفي .. أنا ماأبي أضحك علييك .. بس .."

بخوف " بس وشو ؟"

سكتت شوي وهي تناظر الأوراق قدامها " وينه زوجك ؟"

شـآدن " برا .. وش تبغين فيه ؟"

الدكتورة " هو ليه مادخل معك ؟"

تنرفزت وزاد خوفها " دكتورة خلي الكلام معي أناا .. فهميني الجنين فيه شي ؟"



نآظر بساعة جواله .. وتأفف ..!

وينها ذي سنه على ماتجي ؟ الشرهه علييه يوم قال بأطلع معك .. كان خلاها تروح بروحها ولاخلصت دقّت عليه ..



تكتف بملل وهو ينـاظر الرجال يلي قدامه . وجالس ع الكراسي القريبه من غرفة دكتور مصري ..



إبتسم له ببرود ونزل عيونة ع الأرض ..



وهو يتذكر كلام زياد له ذاك اليوم بـ المستشفى .. يوم قآل إنه شك بشاادن وإنها بريئة ..

شلون ؟ طيب يعني وشو ؟ أنا ظالمها مثلا ..؟!!

ياارب تعبت ألاقي صرفـه لذآ الموضوع مالقييت ..

ما أمدآه يروح لفكره ثآنيه . إلا ويسمع صوت وحدّه تصيح عنـد راسه ..

رفع راسه وإنتبه لشادن ماسكة بكـآلون الباب وتشاهق ..

وقف بخوف " خير شـآدن وش صاار ؟"

ماقدرت تتحمل أكثر .. إرتمت بحضنه وضمته بقوه وقآلت بصوت متقطع " ولدي يآخـ... يآ خـالد .."



::::::



فيصل وهو لآزق بفآرس " ياسخيييف خوفتنا علييك .."

فآرس يلي كان لاف على نفسه بطانية ثقيله ويترآجف " آآآ هههههههه أختبر غلآي يآأخي .."

فيصل " غالي غالي من غير ذآ الحركـآت روعتَّـآ قلوبنآ .."

فآرس " هههههههه لبى قلبك والله .."

أبو حمد " حمدلله على سلامتك يابووي .."

فآرس وهو يبتسم وحآس بخوفهم " الله يسلمك ياعمي .."

جـآبر " وش جآاك إنت تبي تنتحر ؟؟"

فارس " ههههههه [ عطّس ] الحمدلله ،، لا وربي بس مدري يوم جيت أغطس ماحسيت بنفسي مدري وش صاار .. وماحسيت إلا لمن صحيتووني .."

فيصل " دامك ماتعرف تسبح لييه تتفلسف علينا .. وربي خفنا تمووت .."

فارس بعد عطسات متتاليه " أعرف أسبح والله ،، بس مدري وش صاار ياخي ."

سعود " عاد فااتك شكل فصييل ياربييه تقول زوجتك .."

فيصل " أقول لا يكثر مع خشتك .."

عبدالإله " من جدد وربي فاتك خشته شوي ويصييح .."

فآرس وهو يناظر فيصل بإبتسامه " إيه أدري فييه حنون لبى روحـه "

فيصل إنحـرج " إحم .. إيه بس لاتعيدهاا .."



..



كآدي وهي تناظر فجر يلي إلى الآن تصيح " الحيين ممكن أعرف وش فييك ؟ الولد وصحى

ليه تصيحيين ..؟"

فجر " تشهق "

كآدي بعد فتره وهي تضربها على كتفها بقوة " وتقولييين نحنّآ عائلة ماتعرف الحب يالحقييرة .. طلعتي غآطسه لين شوشتك .."

فجر وهي تغطي وجهها " وش أسووي طيب خفت يكون مااات .."

كـآدي " وااااااه وينك يافارس تشوف الناس يلي عندي .."

ضحكت وهي تمسح دموعها " إنتي وش يعرفك ؟ خلييك على جنب مع فيصلوة .."

كـآدي بحالميه " آه ويح قلبي لبى قلب فيصل لو شفتيه شلون ؟"

فجر بتنهيده " والله لولا الله ثم أخوك كان الولد راح وفيصل فاتح فمه يلطم .."

كـآدي " ههههههههه على تـراب وش تبغينه يسوي ؟!َ إرتبش الولــد .."

فجر " سلكي له ماالت عليتس .."

كـآدي " هههههههههه [ وبنظرات نارية ] تعاالي من متى وإنتي عايشة قصة مع أخونا في الله ؟"

فجر ووجهها بدآ يحمر " إسكتي لا يسمعك أحد ."

كـآدي " هههههههه هو بقى أحد ماعرف ؟ البزران أول ماشافووك نزلوا نشروا الخبـر ،، فجر تصيح وفجر تصييح .."

فجر وهي تلطم " وي وي وي قرب أجلك يا فجر .."

كـآدي " ههههههه يحبك ؟"

فجر " من ؟"

كآدي وهي تحرك حواحبها بمرح " أبو شورت سمااوي .."

دفتها بقوة وهي متشققه من الفشلة .. قالت تصرف وهي توقف وإلى الآن تشهق " مالـت .. مالت علييك .. بروح أسوي له زنجبييل يدفييه المسكيين .."

كـآدي بلحن " آآيووآ وبدينـآ ياحُب .."



مدت لها لسـآنها .. ونزلت للدور لأرضي مكـآن ماالحريم جـآلسات ..

أول ماشافتها أمها " هاااو يمي وراتس كنتي تصيحيين ؟"

تورطت " أنـ..ـآ ؟ من قـآله يمه ؟"

مرّت واحد من عمامها " البزآرين جـآو يركضون يقولون فجر صـآحت .. بلآتس يمه في شي يعورتس ؟"

إبتسمت تصرف " لا والله مابوه شي .."

أم حمد بعناد " شلون مابوه شي ووجهتس كذا ؟ فجر يمي حآسه بشي ؟"

فجـر وهي تخز سـآره مرت أخوها " لا يمه قلت مافيني شي ،، سوووير إنطقـي يختي .."

ضحكت ولفت لأم زوجها " ههههههههه الله يهداك يممه .. تعرفيين فجر تتأثر من الجو .. أكيييد

بدآية زكمة .."

فجر بسرعه " إيه يمه صح .."

أم حمد وهي تهز يدينهـآ بعدم إقتناع " لا والله مو ذآ السبب .. يلي يشوفتس يقول رحنـآ لذآ الدول في العـالم المجااور .. ماتسّنها الدماام "

ضحكت " يمـه وشو العـآلم المجـاورة ؟ هههههههه يبيلك كورس جغرافيا حالا .."



وحطت رجلها ع المطبخ قبل لا تنشب بسؤال جديد ..



أم جابر " عيني عليها باردة يا أم حمـد .. والله إنها ملح وقبله الله يسعدها مع ولد الحلال .."

أم حمد زآدها النص من الفرحه " آميــن فديت روحهـا .."

سـاره وهي تضحك " وينك يافجيير تسمعيين المدح .."



زفرت براحـه أول مادخلت للمطبخ .. أففف الحمدلله عدا الموضوع على كـذا وقضت السالفـه ..

ولا لو درآ أبوها والله مايتركها إلا لمى يعرف ليش كانت تصيح ..

راحت للغلايه يلي هم جايبينها معهم .. وصبت موية وإنتظرتها تغلي ..

رمشت أكثر من مره وهي تجلس ع الكراسي .. حطت يدها

على خدهاا وسرحـت ..



وش سويت فيني يافـارس ؟ وش سووويت فيني ؟



خنقتها العبرة وهي تتذكر شكلة وهو متمدد ع الأرض .. وربي كسر خآطري ..

من جد خافت في ذيك اللحظة يمووت .. إن مات بعيد الشر وش بتسووي ؟

والله إنها لا تلحقـه ،، مو متخيله حياتها من بعده أبــد ..

إبتسمت ،، الله يالدنيـا والله وحبيتي يافجـر ..



من كـآن يصدق ..

ضحكت وهي توقف وتتوجه للغلايه ..

بعد قلبي هو أكيد أخذ له لفحة هوآ ..



ضحكت بصوت عالي ماتدري ليش .. اللهم لك الحمد ..



دخل سعيد ولد حمـد .. ومعه ماجد ولد عمها الكبير .. أعمارهم متقآربة شوي ..

سعيـد بصوت عالي " فجيير ،، أبي مويه .."

لفت ناظرت فيه وبصدمة .. " فجيير ! وجع ياولد منب أصغر عيالك انا .."

ماجد وهو مبتسم " وأنـا بعد لو سمحتي .."

راحت له ومطته من خدودة بقوة " فديتوو المؤدب انا .. [ نآظرت سعيد بنص عين ] تعلم يا وصخ .."

سعيد وهو يضم أصابيعه الصغيرة مع بعض ويهزها بتهديد " بعلم عليتس فارس .."

إبتسمت " فـارس ! وش دخله هو ؟"

سعيد " هو قـالي إذا أحد زعلك تعال علمني وأنا أضربه .."

مـاجد بصوت واطي " كذااب .."

ضحكت وبنفس نبرة الصوت " أدري فيه هو دايم كذاا .."

سعيد بحمق " هييين والله أوريكمـ .. [ ركض لباب المطبخ ] والله أعلم فارس