|
رد: بغيت أموت في نيوزلندا
اقتباس:
انا زعلانه وما راح اكمل القصه ليش تعطيني 13 درجه انا من المشاركين انا مثل عزف الدموع ليش تعطيه الدرجه الكامله وانا لا وعلى قولتك كله في العلمي الله يعافي صدقيك أول الغيث ما يقصر كله معطني الدرجه الكامله مو مثلك ’’’’’’’ |
رد: بغيت أموت في نيوزلندا
sar 103 . عفاك اللهـ وعساكـ على القوهـ تقبلوا تحياتي وتقديري AL-NAQEEB |
رد: بغيت أموت في نيوزلندا
انتهى الويكند
صحيت الفجر كالعاده ارمي ملابسي كلها من الدولاب وانا ارتجف من البرد واختار اثقل شئ ولا مانع من اني البس لبس ولبسين فوق بعض وفوقهم بالطو طويل من الجلد لبست وكان الجو بارد اضفت للبسي الشال >> حول الرقبة القفازات >> على اليدين النظارات الشمسية على القبوّع اللي لابسه الساعه 6 كان كل شي جاهز عندي !! استغربت هالاستيقاظ المبكر عموما انه النظام الاكاديمي عندهم تغير وتأخر وقت الدوام ساعه ( شتوي ) يعني في احد الايام السابقة كلنا اضفنا على ساعاتنا ساعه زيادة وبكذا صار الفرق بيننا وبين السعوديه 10 ساعات قعدت بالصاله شغلت التي في الوقت بدري وموعد الباص 8.20 قمت قلت خليني اطلع امشي شوي على النهر علما ان الجو ظلام طبعا انا بس فكيت الباب ودخل الهواء ( اللي حابسه برا من الويكند ) < كنايه عن وجودي بالبيت وعدم خروجي خلى كل عظامي تخبّط على الجيران ( اقصد تخبط في بعض ) رجعت قفلت الباب ورغم اللبس اللي لا بسه الا اني حسيت البروده تسللت لداخل عظامي وقلت بذيك اللحظه يالله اجيرنا من هالعذاب !! رجعت بذاكرتي للسعوديه لما وصلت درجات الحرارة بيوم من الايام الى 55ْ مئوية وقلت نفس الكلمه !! يالله اجيرنا من هالعذاب . . سبحان الله ابن ادم كل شئ عنده عذاب .. . . قلت خليني اسوي لي فطور قمت اقلّب في الاغراض اللي جابها لي سوني قبل يسافر لقيته جايب 7 كراتين كورن فلكس 7 عبوات الحجم الكبير حليب 3 قصيرة الاجل و4 طويلة الاجل بالاضافة الى مكسرات وكاكاو طبعا المعلومه اللي ماحد يعرفها انه راح وجاء ومالمست ايّاً من الكورن فلكس ولا من الحليب بس المكسرات اللي مخلصه حتى الشوكو عافتها نفسي طبعا وقتها اخذت مكسرات وقعدت اكل فيها !! يالله صباح خير !! دق الباب وفزّ قلبي مين هذا اللي بيدق بهالوقت ؟؟ فتحت الباب عجوز قال لي : انا جاركم وين سوني ؟ قلت له مسافر قال اوكي انتبه للبيت لانه راح يجي عاصفة ثلجية سرعتها 180 كم / في الساعه قلت له ايش يعني ؟؟ << على نياته مايعرف الا الحر قال يعني عاصفه ثلجيه !! قلت له طيب ابغى خدمه منك بالاصح سؤال اقدر اروح الدوام عادي ؟ والا اكنسله ؟ قال لا روح عادي العاصفه راح تبدأ الساعه 2 الظهر قلت ايش ؟؟ عواصفكم بمواعيد هي ؟ والا تستأذن قبل تجي ؟ طبعا راح وتركني وهو يتمتم بس ماكنت ادري ايش يقول . . . صارت الساعة 8.05 دقايق وقلت راح اطلع عشان لا اتأخر طلعت من البيت وتأكدت ان المفاتيح بجيبي لانه لو ضاعت او نسيتها معناها ابات في الشارع قفلت الابواب تمام وتوكلّت على الله وانا اطالع يمين ويسار كأني حرامي عاد متعتي اليوميه هي اني اتنفس ويطلع من فمي دخان كنت رغم البرد القوي اقفل فمي واخليّ البرد والدخان يطلعوا من خشمي وشوفو الشكل عاااااااااااااد خخخخخ ماكملت 3 خطوات من البيت الا ويهطل المطر بغزاره علماً انه كان يهطل بس هتّان خفيف يعني طلعت المظلة من شنطتي وحطيتها على راسي عشان تحميني من الامطار وتحمي هندامي اللي لابسه من الفجر ! فجأة زاد المطر بشكل يخوّف صرت ازيد في خطواتي عشان اوصل محطة وقوف الباص صحيح انه مافيها مظله بس يمكن يكون فيها العجوزه اللي دايم اقابلها عند محطه الباص ونطلع سوا يعني اتسلى وانا اسولف معاها هبت رياح قويه مما جعل مظلتي تصير بالعكس !! كأنه احد فجعها !! انكسرت يالله ايش اسوي الحين ؟؟ حاولت اردّها وماقدرت كل ما اردها تفتح العكس مع قوة الهوا طبعا بالاخير انكسرت نهائيا والقماش اللي فيها تقطع رميتها من قهري << لا تنسوا ان الرمي عندهم مخالفة مشيت والبرد ذابحني والمطر وانا لافف الشال على كامل وجهي بس عيوني تبان يعني متبرقع بس على غفله خخخخخخ وصلت محطة وقوف الباص ومالقيت العجوزه احتميت بالاشجار وان كانت ماتحمي انتظرت الباص وجاء بموعده 8.20 بس كان فللللللللللللللل !! اول مره يتصادف هالشئ معي قعدت اقول اشفيه من سافر سوني الناس تلعب بذيلها طبعا وقّف وانا على باله يقول اركب قرّبت منه وفك الباب وقال لي عفواً انتظر الباص الثاني قلت له والمطر ؟؟؟ قال لا هو خلفي مباشره وبالفعل جا الباص الثاني وهذا بعد واقف اساسا عجبني الاهتمام بخدمة الراكبين ركبت مع الباص الثاني ورحت للكلية اذكر انه الباص كان مشغل التدفئة على اقوى شئ ومقفل الشبابيك ومع ذلك الموجودين يرتجفوا فما بالكم بأبو مظله مقطوعه وغرقان مطر !! رحت الدوام والكل استقبلني كيف قضيت الويكند لوحدك ؟؟ السكرتيره اول شي وبعدها المديره وبعدها المدرسين وبعدهم الطلاب عندهم ترابط عجيب وسالوني اذا احتاج شئ قلت مظلّه خخخخ واعطيت السكرتيرة 35 دولار ثمن ارخص مظله !! يعني فوق المائة ريال سعودي . . لو يجو عندنا يلاقوها بمحل ابو ريالين الاّ على فكره لقيت في نيوزلندا محل ابو ريالين والله !! بس طبعا كان اقل من دولارين وكان اي طالب جديد يجي ادلّه عليه والاغراض تنباع بدولارين او اقل طبعا الاسعار هنا خياليه يعني ممكن تشتري دفتر عادي من المكتبه ويكون سعره 70 ريال سعودي وتشتريه من محل ابودولارين وتلاقيه بـ 6 ريال !! فرق عجيب !! نرجع لموضوعنا من نظرات العطف اللي كانت عليّ حسيتّ نفسي ببكي او ابغى hug حضرت يومي طبيعي بس الطلاب والطالبات ذاك اليوم كانوا متفقين انه يتغدوا سوا عشاني ( طبعا كلهم اجانب كانوا ولا واحد عربي غيري ) طلعنا للمطعم بعد الدوام واشترطت عليهم لحم حلال او ما اكل شئ !! عقدّتهم وبنفس الوقت بيّنت لهم الاسلام شوي وانا اسولف رحنا مطعم هندي ( حسب طلبي ) وتغدينا وبدأت العواصف !!! عواصف ماشفت لها مثيل في حياتي !! خفت بصراحه وجلست اسأل الشرطه اللي بالشارع عن اضرارها قالوا لا تمشي بجمب شجر او بيوت !! اجل وين امشي قالوا روح بيتك بسرعه طبعا ركض على محطة الباص ووصل التحذير الى انه الخطر كان في مرحلة عواصف واصبح في مرحلة اخطر اعاصير !! وعلى الكل انه يتوجّه لبيته طبعا ركبت الباص ونزلني عند الموقف اللي عند بيتنا ويبعد تقريبا 20 دقيقه رحت اسرع في الركض شوي على اساس اوصل البيت اسرع واشوف الشجر طايح ! واصوات الاسعافات وحاله الله لا يجعلكم تعيشوها وصلت البيت وقفلت الباب بالمفتاح وطقتين مو وحده << عشان الاعصار مايقدر يدخل من الركض والخوف نسيت البرد وخلعت ملابسي ورميت نفسي على الكنبه وشغلت التي في اتابع الاخبار الا وجميع نيوزلندا محيوسه اعاصير في العاصمة ولينغتون واكبر مدينه في نيوزلندا اوكلاند وفي نيلسون والمدينة الساحره اللي انا فيها كرايست شيرش اعصار قوي ناجم عن تحرك جليدي في القطب الجنوبي !! ايش هالكلام !! انا في حلم والا في علم ؟؟ احنا ياما تقتّلوا المسلمين في كل مكان ولا تحرّكنا والحين تبغى تقنعني يالمذيع ان الاعاصير تنرفزت عشان الجليد تحرّك !! تابعت التي في ومن المناظر اللي شفتها بالتي في حسيّت بالبرد والخوف واصوات قطرات المطر قويه واصوات الريح استمريت بمتابعة التلفزيون الاّ والباب يدقّ فتحت لقيته رجل المطافي يسأل اذا كل شي شغال ؟ كهرباء ماء تليفون قلت له كل شي تمام وراح . . . اذكر دقيت على صديق لي اسمه جهاد قلت له ايش رايك تجيني البيت يابعد شبدي ؟ قال أيمن انت خايف !! قلت له تعال لا اتوطى بطنك جاء ذاك اليوم ونام عندي ورحنا الدوام سوا اليوم الثاني وكان ولا كأن شئ صار !! اللي امس طايح ومادري ايش ومكسر كل شي تمام المدينه منظمه جدا والامطار اللي ماوقّفت من يوم جيت نيوزلندا مالها اثر !! ليتهم يجو السعوديه ويشوفوا مياه الامطار والامراض اللي تخلّفها لما تتحوّل لمستنقعات عموما قلت حق جهاد انت ضيف عندي هاليومين لاتقول بتروح بيتك عموما هو بذيك الفتره طلع من البيت اللي كان ساكن فيه فما كان يدري وين يسكن فقعدنا كم يوم سوا . . . . الفلّه راح تبدأ معي انا وجهاد الطباخان العالميّان المغموران . وتابعونا وفالكم طيب :bye1: |
رد: بغيت أموت في نيوزلندا
من نظرات العطف اللي كانت عليّ حسيتّ نفسي ببكي
او ابغى hug خخخخخخخخخخخخخخخخخخخخخخخخخخخخخخخخخخخخخخخخخخخخخ بانتظار الفله مع جهاد .. والله شكله واحد مصرقع اكثر منك .. بس يالله خل نوسع صدورنا بسوالفكم .. مشكور خيوا على هالبارت .. واكيد انا بالانتظار .. |
رد: بغيت أموت في نيوزلندا
اقتباس:
انا اجتهدت واخذتها قبلك ... صح ايمن ؟؟؟ اهلين اخوي ايمن ... الله يساعدك ويعطيك العافية اليوم القصة حلووووة فيها متعة على اكشن يعني هيك شي .... اكيد مثلنا دوامهم يتغير من فترة لفترة صيف وشتاء وبعدين والله زين مامت من البرد اكيد شي لايوصف احنا هنا ونتعذب وقت الشتاء اجل كيف عندهم يالله الستيرة بس !!! بس مسكين والله كسرلات خاطري يوم انكسرت المظلة حقتك والله موقف لاتحسد عليه ... وزين ان الباص الثاني ماتأخر كثير عليك ولا كان تجمدت وانت واقف هههههههه وان شاء الله جهاد مايقصر راح يضل معك لين يحصل له مكان وزي ماقالت اختي قيثارة شكله مصرقع وفله ههههههه الله يخليكم لبعضكم يااارب بس في حاجة استغربت منها .. هذول رجال المطافي والله فيهم الخير يجي للبيت ويسأل ويتطمن الله يخلف علينا بس يموت الميت ولا حد درى عنه........ ماعلينا المهم مشكور ايمن وماقصرت وان شاء الله بأنتظار التكملة الجاية للقصة الاكثر من رائعة |
رد: بغيت أموت في نيوزلندا
عوافي شباب
كيف الحال إنشاء الله مرتاحين الله يعطيك الف عافيه ياقيثاره على المتابعه الرائعه ورجاء انا مش ضب علشان اصير مصرقع؟؟؟؟؟؟ ههههههههههههههههههههههههه عادي اخذي راحتك في المزح. وشكلك جيده في اللغه الانجليزيه صح ولا لا؟؟؟ مشكوووووووووووووووووور اخوي عزف الدموع على المتابعه الراقيه والدقيقه وتكفى كلم زهورررر الررريف وقلها انا بعطيها الدرجه الكامله بس خله ترجع ولاتحرمنا طلتها الحلوه. الله يعطيك العافيه اخوي عزف الدموع وخلك كذا متابع .... تابعونا وفالكم طيب |
رد: بغيت أموت في نيوزلندا
جيده بالانجليزي ..
وابي تعطيني فل مارك .. ولا ترى بضرب عن متابعه القصه .. |
رد: بغيت أموت في نيوزلندا
الف شكور لك اخوووي sar 103 تصدق انا اول مره ادخل من القصص وداخل عشان قصتك فقط عموما ننتظر تكمله الرحله او القصه
وفق الله الجميـــــــــــ ع |
رد: بغيت أموت في نيوزلندا
دق ناقوس الفجر
وانتفضت من مكاني تلعثمت وانا اقول صباح الخير لنفسي امام المرآة !! كدت ان اسقط على الارض وانا اتجنبّ اكوام الملابس المُلقاة في غرفتي بعدما كنت اتفنن في تخطيّها ولكن هذه المرّه دموعيّ كانت حاجبه للرؤية * * * استعذت بالله من الشيطان وكنت احمّس نفسي بكلمة انت مو صغير !! . . لبست ملابسي خرجت من المنزل وفعلت حركتي المفضله وهي اني اتنفّس ويتصاعد الدخان من فمي وانفي من شدة البرودة لكم اشتقت لهذه الحركه !! طوال 3 أشهر كان هذا الدخان المنبعث من داخلي كبركان هو صديقي . . كان الجو ماطر ليس بغريب استمرار المطر في مدينة تعتبر هي البوابه الرئيسية للقطب الجنوبي وصلت الى محطة الباص مبكرّاً رأيت تلك العجوز المنتفخة وهي تسبقني الى الابتسامة والسلام وتقول لي كل يوم اراك فيها وارى جمالك اتذكرّ ايامي السابقة والعن ايامي العجاف هذه < عجاف ؟؟ حاشا بقرة مو ادمية وكان يقطع حديثنا صوت الباص وهو يشّق طريقة بين الامطار ولكن هذه المرّه تأخر عن المجئ او بالاصح اتيت مبكرا انا والسيدة العجوز . . . تذكرتّ اني رأيت بطريقي زهرة وردية اللون جذبني شكلها وهي تستجمع قطرات المطر في شوق لم اشأ ان يفوت كاميرتي هذا المنظر انزلت حقيبتي من ظهري واعطيتها للعجوز بعدما اخذت كاميرتي وانطلقت مسرعاً عائدا الى مكان الزهرة وانا ارى بقايا المطر تتفجرّ مع وقع اقدامي ركضت الى الزهرة والتقطت لها صورة عدت ادراجي ووصلت الى السيدة العجوز وشرحت لها سبب ذهابي مُسبقاً ابتسَمت هي واعطتني حقيبتي واتى الباص وركبنا وكانت نفسيتي افضل مما هي عليه . . مررت بأحد المقاهي المشهورة ستاربكس ثم . وصلت الى الكلية ولم اخلع نظاراتي الشمسية خابرين انتم الدموع تنزل غصب قال لي الاستاذ روب الهذه الدرجة الشمس تضايقك ؟ قلت : لا .. وابتسمت وذهبت الى بهو الكلية المغلق . .. . ( ياجماعة الخير احسّ سيبويه يتألم في قبره ) لغه عربية ولا احلى خخخخخخخخخخ جاء الطلاب من حولي خلاص راح اتكلم بالعاميّه المهم بدأت المحاضرة الاولى وكان فيه طالب كوري وطالبه يابانية متفقين انهم يطلعوا يتغدوا وكنت انا على رأس المدعويين معاهم . . كلموني وقالوا راح نطلع ونبغاك معانا قلت لهم ما اظن بس ايش رايكم تجوا البيت عندي وتذوقوا الكبسه السعوديه ؟؟ ( حبيّت اغيرّ جو لنفسي وما اكون لوحدي بالبيت عشان لاتتعب نفسيتي ) طبعا ماكذبوا خبر ووافقوا بدون تردد واتفقنا انه بعد الكلية نروح نشتري شوية اغراض ونطلع على البيت وعزمت معاي اثنين سعوديين * * * ارسلت السعوديين يجيبوا لنا لحم مذبوح على الطريقة الاسلامية ورحت انا على السوبر ماركت مع الطالب الكوري شوي والطالبه اليابانيه تشي اي قالوا يالله ناخذ اغراض ونقسم التكلفه بيننا انا قلت لا طالما انتم معزومين عندي انا اللي راح اتكفلّ بالحساب لكن فيما لو حبيتوا تشتروا اشيائكم الهبلا ( ويسكي ) فانا ماراح ادفع الا حسابي . . اصروا على انهم يشتروا مشروباتهم الروحية وانا قمت دفعت حسابي بس ومادفعت لهم بحكم انه هذا اضعف الايمان عندي . . رحنا للبيت وتكفلّت انا وجهاد ( صفر سبعه ) بالطبخ اما الاخر قضى وقته بالجلوس على النت وشوي ( الكوري ) وتشي اي ( اليابانية ) فاليّنها يسكروا طبعا طبخنا وكل شي وجا موعد الاكل خليناهم ياكلوا بأيدينهم وما اخفيكم سرّ انهم بعد كذا تعودوا على الكبسه وراحوا علمّوا المدرسين والمدرسات وبالاصح علمواّ الطلاب كلهم وصاروا الطلاب يطلبوا الكبسه مننا وذوّقناهم هي بشكل مستمر لحد ما ادمنوها ! وما انسى ان الاستاذ ديفيد باحد الاختبارت لما كنت بفصله كتب احدى الجمل بهذه الصيغة i like arabian food>>> kabsa واشتهرت الكبسه عالميا مماحدا بالدولة النيوزلندية الى استقدام الايدي العامله !! سوري ضيّعت الموضوع . . . . نرجع لموضوعنا بعد ما اكلوا الشباب الكبسه لقيت شوي ( الكوري ) تسطح على كنبه من الكنبات ولقيت تشي اي ( اليابانية ) تسطحت على كنبه من الكنبات خخخخخخخ بصراحه ضحكت وقلت هذي عمايل الكبسه وانا تسطحت على بطني في الصاله وواحد كان وقتها يشرب معسلّ اما الاخر كان على النت على ما اعتقد كان يكلمّ اهله بالسعوديه وكان الوقت بالسعودية على ما اظن الفجر .. . . . قعدت اعلّمهم على بعض قواعد التصوير صارت الساعه 9 الليل وكنت قلت لكم من قبل انه لانه دخل فصل الشتاء صارت الشمس تغرب بسرعه وكان اخر موعد للباص 9.15 مساءاً بما معناه انه لازم يطلعوا هالوقت عشان يلحقوا اخر باص والا يروح عليهم عرضت عليهم انهم يباتوا عندي بس ماكان عندهم ملابس احد السعوديين قال انا راح انام عندك مافيني حيل قلت له بيت ( سوني ) بيتك اما الباقين طلعوا وبما انهم متأخرين والجو ممطر وبرد كانوا يركضوا ماراح اقول لكم ايش سوّت فيهم الكلاب خخخخخخخخخ على العموم الكلاب خلّتهم ينسوا الكبسه لانهم هضمّوها مع الجري . . . . وقال شهرزاد ان الوقت راح وحضرت الليالي الملاح واذّن الصباح << شهريار على غفله !! اشوفكم بموقف جديد وتابعونا وفالكم طيب |
رد: بغيت أموت في نيوزلندا
اقتباس:
لا والله ما لي شغل فيك انا مثلك في المشاركه انت تاخذ 15 انا اخذ مثلك انت تاخذ 13 انا هم اخذ مثلك بس معليه راح اجتهد واخذ عليك 15 درجه هين اقتباس:
بصراحه القصه عجيبه يا أيمــــــــــــــــــــن كل يوم تزيد احداثها وتصير احلى من اليوم الي قبله بس ابغي طلب اذا ماعليك كالفه تتطبخ لي كبسه تري حيل شوقتني للاكل جوعانه حسبي الله علي ابليسك ’’’ يلا يا ايمن شد حيلك وكمل لنا القصه الرائعه تري حنا متشوقين حيل |
رد: بغيت أموت في نيوزلندا
اقتباس:
خلاص يازهووور ورينا شطارتك:s47: اقتباس:
يؤيؤيؤؤؤؤ ليــــــــــــــــــــــــــــــش:no: حسبي الله عليك يازهووووور وانا وش دخلني هذا جزاي بتوسط لك عند ايمن !! بس معليه ياازهووور يعطيني صفر ها !! هين هين ان شاء الله راجع عشان اكمل احداث القصة الحلوووة اوووووكي !! |
رد: بغيت أموت في نيوزلندا
وأخيرا زهووووور الرررريف رجعت خلاص أنا طاير من الفرح زين حنيتي علي ورجعتي اتصدقين ولو مارجعتي كنت ماراح اكمل القصه لين ترجعين مانقدر نستغني عن راس المال
وحاضرين نسويلك أحلى كبسه بس انت عطينا العنوان وتوصلك لبيتكم عندنا ترى خدمة التوصيل مشكوووووور ياعزف الدموع الله يعطيك العافيه على المتابعه والتعليقات الجميله واسمحلي راح انقص درجة المشاركه منك هالمره وبعطيها زهووور الرريف تستاهل زهورررر الررريف مفاجأه حلوه بمناسبة رجوع زهووووووور الررررريف إلى القصه بعد ماكانت زعلانه علينا ترقبوها قريبا coming soon |
رد: بغيت أموت في نيوزلندا
متااااااااااااابعه بصمت
بصراااااااااااااااحه قصه ولا اروع رهييييييييييييييييييييييييييبه مشكووووووووووووووور اخوي sar 103 على القصه الاكثر من روعه اتمنى انك تكملهاااا باسرع وقت ممكن بصراحه حدي متحمسه يالله ونبي جزء طويل هالمره ننتظر التكمله بشوق تحيااااااااااااااااااااااااتي اختك في الله سكون الصمت |
رد: بغيت أموت في نيوزلندا
وسالفة صديقك هالغبي هذا عذرااا على الكلمة بس صراحة يستاهلها شنو يقولك اكل اي شي لا والله ماعليك منه هذا عقله ناقص !!!!!!!!
طيب سوري قطعت اللكام الى هنا اكمل بعدين اوكي |
رد: بغيت أموت في نيوزلندا
هذي بعض الصور اللي عندي إنشاء الله أحصل الباقي ونزلها لكم
وسامحونا القصور IMG]http://up104.arabsh.com/my/5160981.jpg[/IMG] هذا البيت اللي ساكن فيه http://up105.arabsh.com/my/2161804.jpg هذا النهر اللي قدام بيتنا http://up104.arabsh.com/my/982bfcf.jpg هذي مدام جوانا ر ئيسة شئون الطلاب في الكليه تذكرتوها http://up104.arabsh.com/my/d0ae59e.jpg http://up104.arabsh.com/my/be8f7f5.jpg |
رد: بغيت أموت في نيوزلندا
مرحبا بعاشق الانجليز
وسكون الصمت وإلى متى حياكم الله والله يعطيكم العافيه على المشاركه الحلوه وإنشاء الله تستمتعون ويانا وتابعونا وفالكم طيب |
رد: بغيت أموت في نيوزلندا
ماجد :أيمن ماتدري ان بكره عيد الحب ؟
اللي يسموّه الفالنتاين ؟؟ أيمن: بالله ؟؟ انا اذكر بالسعودية كل شهرين يسووّه ماجد: لالا هذا عيد الحب الحقيقي .. وهاتك يامناظر مميّزة !! أيمن : ايش مناظر ؟؟ ماجد: يعني كل واحد يكون بالشارع يجيه بوسه من بنت .. والعكس صحيح .. كل بنت تمشي بالشارع يجيها بوسه أيمن : حتى الناس الجياكر اللي مثل حالتي ؟؟ اقصد اللي على وجههم علامة اكس ؟ ماجد: ايوه ايوه لا تشيل همّ .. جاك الفرج أيمن : اوكي يالله نطلع السكوير ماجد: قلت لك بكره ياسعودي أيمن << وجه زعلان ومتحمّس في نفس الوقت الله يصبرنيّ لبكره ! . . . كنت انتظر على احرّ من الجمر مو عشان فيه تبويس او شي اعرف انكم سعوديين خخخخخ منتظر عشان ابي اشوف كيف العيد عندهم جاء اليوم الثاني وطلعنا ولقينا المدينة متزيّنه !! متى امداهم يسوو كل هالشئ !! لقينا قلوب بأحجام كبيرة وكان فيه تجهيز للاحتفال اللي يبدأ الساعه 4 عصراً وفيه احتفال كبير يبدأ بـ المشروبات الروحية وينتهي بـ اشياء لاحصر ولاعدّ لها قعدنا نتصورّ وقبل ماتجي الساعه 4 قلت للشباب يالله نمشي نروح مكان ثاني قال واحد : والتبويس ؟؟ اااا اقصد الاحتفال بعيد الحب ؟ قلت : ياحبيبي انت مسلم وطالع بغربة لا تفقدّ هويّتك وان كان انتفت عنك الرقابة هنا لاتنسى ان الله لا يخفى عليه خافية .. . هزّه كلامي .. ومشينا كلنا بمكان اخر . . . اجتمعوا عند واحد من الشباب ببيته وانا وجهاد طلعنا نتمشى قال جهاد ايش رايك أيمن نطلع حديقة من حدائق الحيوانات عندهم ؟ يقولوا مره حلوه والغزال يآكل من ايدك !! أيمن : غزال ياكل من ايدي ! انا الخروف يشرد مني اااااااه لا تذكرني ) الله يرزقنا حلاوة الروح طالما ماكسبناها في الشكل قال : شكلك تتحسّف على الاحتفال < خخخخخ ضحكنا وطلعنا للحديقة كان سعر الدخول تقريبا بـ 20 دولار للشخص الواحد والحديقة مفتوحة كنت مغمّض عن كل شئ وادوّر على الغزال ياترا بياكل من ايدي ؟ يارب ياكل من ايدي . . . طبعا انبهرت من الحديقه واخذنا فيها وقت طويل جدا وماحسينا بالوقت واكل الغزال من ايديني ! شئ شئ خيال اهتمام وحدائق وشئ غير طبيعي قلت راح اصور الكيوي يعتبر اهم رمز عندهم في البلاد ويسموهم بـ شعب الكيوي من كثر اهتمامهم انهم من بعد الساعه 1 الظهر يطفوا النور عليه عشان ينام لانه داخل محميه خاصة ومقفله لكن كـ سعودي مافيه شي ممنوع عنده طبعا قربت الكاميرا عليه في وسط الظلام الدامس وصقعته واحده بالفلاش الاّ وشوي تشتغل مكبرات الصوت وبصوت عالي تتردد كلمات ممنوع التصوير ونبّهنا على هالشئ الرجاء ترك الكيوي لانه حان موعد نومه بسرعه راح عقلي للسعوديه لما اتذكر ان امي تصحيني وتصبّحني برفسه وتمسّيني وتنوّمني ببوكس قلت وانا اتذكرّ الايام الخوالي الا ليت الشباب يعود يوماً واخبره ان نفسي اكون كيوي . . ماعلينا . . تصدّق ياجهاد مادري اشفيهم الشعوب الغربيه يحبوا الكلاب كثير اكثر من اولادهم ما اشوف الواحد يمشي الا ومعاه اثنين او ثلاثه جهاد : عادي نفس الفصيلة كلهم أيمن: سبحان الله << مؤيّد . . الاّ على فكره شفت الاسكتلندي اللي جاء قبل الاحتفال ويعزف على الآله اللي كانت معاه ؟ ياهو رهيب ! وصورّته بعد جهاد : ياخي انت زي اليابانيين ماتبقيّ ولا صورة الا وتصورّها !! أيمن : خخخخخ حتى اليابانيين صورّتهم كلهم ! .. . .. بس تصدّق طفشت من الوحده ياخي سوني مسافر واسوي لنفسي فطور وازيّن فيه عشان تنفتح نفسيتي للاكل واغسّل ملابسي وانشرها والله لو امي تدري عني لتعطي شغالتنا خروج نهائي !! وتستقدمني وتدري كمان ياجهاد ؟ جهاد : شو ؟ أيمن : سفرك بعد اسبوعين ياترا مين راح يطبخ لنا بعد ماتسافر ؟؟ جهاد : هذا اللي راح تحسّه بعدي !! وانتهى النقاش بمضاربة بين الطرفين ولم يُصب احد بأذى . . . أيمن : سوري اني وهقتك اليوم مع المدرسه وخليتك تمسح السبوره لانك مشاغب .. لما قالت اختار ياأيمن عقاب مناسب لابن جلدتك جهاد : عادي اساسا بردّت قلبي المدرسة لما قالت لك اليوم مافيه ستار بكس أيمن : وربي اشتريت وجبته وانت فاغر ههههههههههههه . . . طوّلت عليكم سوري |
رد: بغيت أموت في نيوزلندا
:( الحين لاني طيبه وعلي نياتي ومااعترضت علي الدرجات مع اني استاهل اكثر لاني متابعة معك من الاول مع الاخت متروكيه وعباسيه صرت بترسبني :s53: :s53: بس معليه لنا الله :crycry: بس مع ذالك راح اكمل معاك القصة عشان حلوة وعاجبتني واعجبتني اكثر مع سيرة الثلج :cool: كمل اخوي متابعه معك:s137:
|
رد: بغيت أموت في نيوزلندا
خخخخخخخخخخخخخخخخخخخخخخخخخخخخخخخخخخخخخخخخخخخخخخخخخخ خ
اما لقافه صج عربوه .. ماخليت الكيوي بحاله ..ازعجته يارجال .. بس فضحوك ترى ذول كل شيء عندهم مراقب .. اقول ايمن .. شلون قزرتها بعد ما راح جهاد لسكنه ..وضليت وحيد .. يالله بالانتظار خيوا .. وعلى فكرة النهر سووووووووو كول ..كل يوم تتصبح فيه يا حظك .. |
رد: بغيت أموت في نيوزلندا
مشكووووووووور على الجزء مع انه صغير بس حلو
يالله ننتظر على احر من الجمر |
رد: بغيت أموت في نيوزلندا
أهلين وسهلين ارجوان والله تستاهلين كل الخير بس ماحد قالك غبتي فتره عن القصه لازم انزلك في الدرجات
وشعندك غايبه؟؟؟؟؟؟؟ عسى خير إنشاء الله والله يعطك الصحه مشكوره ياقيثاره you are the best for ever and I like to be alone no need for gehad and I am so happey because you are with me all the time مشكوره أختي سكون الصمت وبشري بسعدك ماطلبتي شي المره الجايه بنزل مقطع طويل لعيونك تستاهلين |
رد: بغيت أموت في نيوزلندا
اقتباس:
مشكورررر يا ايمن بصراحه غصب علي اقراء قصتك الجميله وما ني زعلانه خلاص دام نقصت عزف الدموع وعطيتني الدرجه الكامله ما تقصر من طيبك والله يلا بس سوي الكبسه وطرشها احسن لك ومشكوررر على الصور شفنا جوانا والقصه كل يوم تصير احلى من اليوم الي قبله ومشكوررر بعد على المفأجاه مفاجأه روعه وروعه بتظار القصه على احر من الجمر |
رد: بغيت أموت في نيوزلندا
اهلين اخوي sar103 كنت مسافرة ليومين فقط بس اول مارجعت علي طول جيت اشوف ايش صار بالقصة بس انت صدمتني بموضوع الرسوب :eek: وانا عديت لك موضوع الدرجات بمزاجي بس مدام انت مصر لازم تزود لي الدرجات والا بضرب عن متابعة القصة :s76:
|
رد: بغيت أموت في نيوزلندا
tanx brother but i fullo the story couse it is exited
على فكرة ارجوان انا ادري وين كنتي ... اقول ليه ما عزمتيني على جمعه يوم الخميس ...يالسحر تسحرون من ورانا ...الاسبوع الجاي انا بروح بعد ...مالي شغل ... ايمن ...انا ابي درجه كامله ..خل ارجوان تولي الراسبه ..خخخخخ |
رد: بغيت أموت في نيوزلندا
اقتباس:
المهم اليوم الجزء من القصة حلووو وحماسي يعني حديثك بينك وبين ماجد وجهاد صديقك بالبيت وحكاية عيد الحب كلها اشياء جميلة واحداث حلوووة حصلت اقتباس:
العفووو خيوووه ماسوينا الا الواجب يلااا معليه تستاهل زهووور ولا يهمها الغالية بس بشرط المرة الجاية نقص عليها درجة وحطها لي ...اووووكي وحدة بوحدة ... ::::::::::::::::::::::::::::::: وبالنسبة للبيت اللي ساكن فيه حراااااااااام عليك وش سويت فيني انا اموووت بمناظر زي شذي آآآآآآآآآخ ياليتني ساكن معك بس والله يعني بجد تخيل حالك من اول ماتفتح عينك الصباح الا وهالمناظر بوجهك وتقووم بعد وتاخذ نفس وتطلع الدخان من فمك وخشمك زي ماتسوي انت هههههههههههه شي عجيب شي لايووووصف ........ مالي خص الصيفية الجاية خذني معك موشغلي دبرهااا انت ؟؟؟؟ >>>>>>>>>>ايه بس تولم اقتباس:
عمر الجمال الظاهري ماكان مقياس للرجل أو لشخصيته جمالك بأخلاقك وطيبك وتعاملك مع الناس وانا اخوووك لايغرك شي ولا عليك من كلام احد !!! كم واحد حلووو واخلاقه زفت والناس ماتحبه وكم واحد مو حلو والناس تحبه واخلاقه عالية شفت شلون وانا اخوك؟؟؟ الدنيا يبيلها من يسايرها !!! الحلوووووووو بأخلاقه مو بجماله وانت ماشاء الله باين عليك اخلاق ومحترم وهذا يكفيك ونص !!!!!!!! شفيني سويتها محاضرة ههههههههههه :p صح ولا انا غلطاااان ؟؟؟؟ :::::::::::::::::::::::::: مشكور خيوووه وتسلم يديك ويلاااااااا لاتتأخر علينا بالتكملة الجاية للقصة الاكثر من رائعة ... طيب موفقين احبتي |
رد: بغيت أموت في نيوزلندا
اقوول زهووور عزميني معك على كبسة ايمن اوكي خخخخخخخخ
|
رد: بغيت أموت في نيوزلندا
مررررررررررررررحبا شباب شخباركم إنشاء الله بخير
هلا والله زهور الررريف كيف الحال والله إني جهزت الكبسه بس المشكله ماعندي عنوان بيتكم يله معليه خيرها بغيرها وترى القصه مش حلوه هذي عيونك الحلوه مرحيا ارجوان الحمد لله على السلامه والله يتقبل ورجاء قبل ماتروحين أي مكان لازم تعطينا خبر علشان ماندور عليك في المنتديات وإذا تبينا نسامحك جيبي لي هديه والف شكر هلا قيثاره do not be worry I will give you full mark becuase you are number one on my list هلا والله بعزف الدموع شخبارك دائما تحرجني بردودك الحلوه وإذا تبغى الكبسه عطني عنوان بيتكم وطرشها لك بدال زهوووور الرررريف وتابعونا وفالكم طيب |
رد: بغيت أموت في نيوزلندا
موقف اليوم
راح يعتمد على الاطفال انتم كالاطفال في نقاوة قلوبكم واحببت ان يكون موقف اليوم كنقاوة قلوبكم لتسامحوني على تأخيري في عرض المواقف وزودّت عدد الصور لعيونكم . . . احد الايام كنت متجه للباص تقريبا الساعه الرابعه عصرا وكان الوقت خريف ملاحظه : الخريف ماقد شفته على الطبيعه :: حسب طبيعة بلادنا .. ماعندنا الا صيف وشتاء http://up104.arabsh.com/my/808f314.jpg عموما الخريف كان غير الاوراق صفرا وطايحه والكل يلعب فيها منظر حلو المهم رحت لموقف الباص ولقيت طفلين يلعبو باوراق الشجر تفرجت فيهم وكانت امهم موجوده واستأذنتها اني اصورّ اطفالها ورحبّت بالموضوع وشكرتني على هالشئ << لو عندنا قالوا لا تصور عيالينا نخاف عليهم من العين خخخخخخ من زين عيالنا قمت صورّت الاطفال كم صوره http://up104.arabsh.com/my/b421508.jpg http://up104.arabsh.com/my/3e626b9.jpgولعبت معاهم شوي لحدّ ماجاء الباص ووصلني لمحطة الباصات ماجاء الا بعد ساعه الا ربع ( اقصد الباص ) بحكم اني طلعت من البيت بدري اتمشّى على النهر وقعدت اصورّ رحت للسكوير وتقابلت مع جهاد واتفقنا نطلع نتعشى وبعدها نتمشى << قلت نتعشى لانهم بنيوزلندا يتعشوا 5 عصرا والعائله الداشره تتعشى 6 خخخخخ رحنا المواقف عشان يوقّف سيارته طبعا اول ساعه مجانا وثاني ساعه تبدا تحسب بدولار واحد لكن السعوديين والخليجيين ايش يسوو ؟ يوقفّوا سياراتهم وقبل ماتنتهي الساعه يطلّع السياره ويرجع يدخلها ثاني وياخذ كرت جديد !! ويحسب له ساعه جديده مجانا ! بس انا رفضت انه يسوّي هالحركه بحكم انهم الكفّار عندهم امانه واحنا المسلمين من بجمب القدّه !! << بجمب القدّه تعني : ان الشخص بعيد كل البعد عن طريق الحق << من زين الشرح . . . دخلنا ماكدونالدز وطلبت وجبة سمك << كعادتي في نيوزلندا خوفاً من الوقوع في الاثم واكل لحوم غير مذبوحة على الطريقة الاسلامية وجهاد طلب وجبة لحم طبعا كلنا طلبنا اكبر حجم وبحركه خُطافيّه من اخوكم الدلخ ( انا ) كبيّت الكوكا كولا اعذروني احياناً يمرّ اشياء تدوّخ وكسعودي لازم يكون لي ردة فعل هبلا . . جاني كم سبّه من جهاد على وزن يادلخ ياأهبل يالوح وانا اقول له هياّ مسحّ !! ليه تكب الكولا !! << باللغه الانجليزيه وبصوت عالي عشان يبرىء نفسه من التهمه طلعنا من المطعم بعد ماعوّضوني بكوب كبير ثاني مجانا اتفقنا نطلع نتمشى ورحنا لحديقة الماوريين ( نِسبة الى قبائل الماوري الاصلية ) ولقيت فيها كم طفل وعجبني الطفل اللي يبغى ينقزّ في المويه وامه تمسكه http://up105.arabsh.com/my/699858e.jpg ولقيت طفل ثاني عيونه وخدوده تهبّل بوّسته وعضيته وصورّته وكنت راح اخطفه كمان http://up105.arabsh.com/my/999694b.jpg ولقيت طفل يبغى يطلع على الحمار http://up105.arabsh.com/my/e59c1d7.jpg |
رد: بغيت أموت في نيوزلندا
حاضر ياخوي قبل ماروح اي مكان اعطيك خبر :cool: والمرة الجايه اجيب لك هديه بس انت عطني العنوان :S_45ss: وقيثارة حمدي ربك انك ماكنتي موجودة كل اللي راحوا قضوا وقتهم بالنوم :( الله علي هالصور عشب اخضر واطفال عز الطلب وصدقت ياخوي بالنسبة للتصوير عندنا بالسعودية حتي لو استاذنت من الاهل انك تصور اطفالهم يرفضون ويهزئونك بنفس الوقت اسالني صارت عندي خبرة :( ومن بعدها عقدة
|
رد: بغيت أموت في نيوزلندا
استني استني تراني توني انتبه علي ردك لقيثارة :mad: الحين هي الاولي باللسته حقتك لا وبتعطيها الدرجة الكاملة والاولي :mad: كنت اتابع القصة باستمتاع بس انت خربتها علي بقصه الدرجات :(
|
رد: بغيت أموت في نيوزلندا
اقتباس:
يؤ شلون جذيه يا عزف الدموع اعزمك انت اصلا المفروض تجي بدون عزيمه انت الاساس وانا الضيفه عندك اقتباس:
خلاص اعطي الكبسه عزف الدموع انا وعزف الدموع واحد اذا كل الكبسه عزف الدموع انا اعتبر نفسي كلتها وبصحه والعافيه عليك يا عزف الدموع ايمن الصور حيل حلوووووووووووو يعطيك العافيه صراحه منظر رائع والخريف صوره تجنن والمصورهم هالعيال احلى واحلى يلا بسرعه كمل القصه الروعه |
رد: بغيت أموت في نيوزلندا
هلا ارجوان ...عن الغيرة كيفي انا وياه نتفاهم ..
وبعدين ادري انهم قضوها نوم ورجعوا بيوتهم بدري ... تعالي الاسبوع الجاي .. وخل نفلها على كيف كيفك .. يالله الجزء حق الاطفال حلو .. بس ارجع لسوالف الكبار احسن .. |
رد: بغيت أموت في نيوزلندا
مرحبا ارجوان خلاص ولايهمك راح اكنسل موضوع الدرجات بس أهم شي الحلوين مايزعلون
والعنوان مافي أسهل منه لو قايلتلي كان عرفتيه على طول سهل مايضيع هلا زهوووور (صديقتي المفضله )بس لاحد يدري مشكوره ياعسل على التعليقات الرائعه اقول ياقيثارع قلنا نكلمك بلانجليزي علشان ماحد يفهم طلعت ارجوان تعرف انجليزي so what can we do? but I will not let any body to make you sad اقول ياقيثاره بس تعزمين ارجوان عزميني معكم وراح اتشوفين الفله أوعدك شهر كامل ماتسكتين من الضحك !!! |
رد: بغيت أموت في نيوزلندا
:(
. . اتفقت اطلع مع الشباب نشوف فيلم في السينما لـ جيم كاري تجمعنا على الساعة 6 مساءا وتقريبا حضرنا السينما الساعه 10 م وبدأنا نتابع الفيلم اللي كان غبي وماكان يعكس خلفية نجم مثل جيم كاري طبعا اصابنا الملل جاني اتصال من السعودية فطلعت من الصالة للبهو الخارجي وكانت المكالمة من بنت اخوي وتبكي وتكلمني وتقول لي ارجع السعودية بسرعه !! حاولت اهديّها وتقول ارجع على السعودية بسرعه طبعا بنت اخوي هذي دايم تقول اني طفلها الله يحفظها المهم بصراحة تكدرّ خاطري وكنت احاول انها ماتسمعني او تحس فيني وانا ابكي قفلت منها وماكان لي نفس ادخل اكمل الفيلم جات شابة جمبي وسألتني ليه تبكي ؟؟ وكسعودي ( البكاء عندنا عيب ) قلت لها : لا انا ما ابكي ! بس دخل حاجة بعيني قالت اوكي اذا احتجت تفضفض انا موجودة فخفت ودخلت الصالة اكمل الفيلم < خواف بصراحة لما دخلت حسّوا فيني الشباب اني متكدر خاطري طلبوا اننا نمشي وانا رفضت بحكم ان الصالة مظلمة والواحد ياخذ راحته ويجيني اتصال ثاني بنفس الوقت مارديت الرقم من نيوزلندا دق مره وثنتين وثلاث ورفضت ارد في الاخير رديت وتجيني مكالمة من رب العائلة سوني يقول لي أيمن : تراني ميت جوع وانا في مطعم fish and chips ( مجموعة محلات شهيرة في نيوزلندا تقدم السمك والبطاطا ) طبعا مرّ هالمطعم مخصوص لانه يعرف اني ما اكل اي لحم انا قلت له سوني !! انت وصلت نيوزلندا !! ( نزل الخبر عليّ كالصاعقة ) قال ايوه خلصنيّ ايش اجيب لك وانا اقول له لا كذاب انت ماوصلت ولو وصلت ليه ماتدق من جوالك ؟ قال مو مصدقني ؟ اوكي الحين اتصل من جوالي وعشان اتأكد اتصل من جواله وانا رجيّت اللي في الصالة وانا اقول لالا كذاب لالا تمزح لالا توترّني المهم اكّد لي انه توّه واصل من المطار وميت جوع ويبغانا نتعشى سوا قلت له بس انا متواعد مع الشباب قال مو شغلي تصرّف انا طلبت لي ولك قلت له اوكي ماتتخيلوا قد ايش اسعدني هالخبر !! شهر كامل وانا ساكن ببيت وحدي والخوف متملكني والوحدة ذابحتني خليت الشباب يوصلوني بس قبل اوصل مريت محل واشتريت هدية بسيطة وغلفتها ورحت للبيت ما اقدر اوصف لكم قد ايش كان العناق حار !! سبحان الله نشأت بيني وبينه معزه غريبة دفعته انه يتبحرّ في امور الاسلام اعطيته الهدية وقال لي تعال انا كمان جايب لك هدايا المهم جاب لي علبة توفي ومأكولات من جزيرة فيجي تشمل شيبس وبسكويت وشطه < يعرف اني احب الشطة فجأة تذكرت شئ !! تذكروا المقطع السابق ؟؟ اللي قلت فيه انه اعطاني فلوس ولقيتها بدرجه ؟ وشلتها لما جو الشباب ناموا عندي ؟؟ ( اللي مو متابع معناها ماراح يتذكرّ كل واحد على فصله ماعلينا نرجع للموضوع قلت له لحظة ياسوني ورحت جبتها واعطيتها له قام قال انا هالفلوس اعطيتها لك وقلت له انا ما احتاجها قال بس هذي كانت للشهر اللي انا غبت عن البيت فيه قلت له ماتلزمنيش << يعني انه قالها بالمصري سكت دقايق ورجع قال لي انا قد شفت عالم كثير وقابلت ناس كثير بس مثلك انا عمري ماشفت !! قال لي ايش عندك بكره ؟ قلت له ولا شي قال اوكي انا بكره مسوي حفله لك قلت له لي !! انت اللي جاي من سفر قال اسمع انا راح اسوي ديك رومي << يكره شئ اسمه ديك رومي بس مجاملة قلت له اوكي نسوي حفلة بكرة جا اليوم الثاني وانا طلعت مع الشباب لانه اعز اصدقائي وافي راح يسافر ومسوين له بارتي صغير وبالاصح هو مسويّ وجامعنا بحكم انه طبّاخنا في الغربه اعتذرت من الشباب بدري للرجوع لـ sonny لاني عارف انه مجهزّ حفلة صغيرونة ولا تنسوا اني طلبت منه انه مايجيب خويته لاني اتشاءم منها رحت البيت لقيته جامع كم شخص من زملائه بعوائلهم وكم صديقه له وطبعا كان لازم يعزم خويته لقيته مجهز الديك الرومي اللي كأنه خروف !! وبعض الاشياء البسيطة والايسكريم اللي كان دايم يخلطه لي مع فواكه ويقول انه مفيد لي بهالحركة اكثر وكانت الطاوله تشتمل على مأكولات من جزيرة فيجي راح اعترف لكم اني ماطولّت يعني يادوب اكلت كم حاجة واول مابدأو يتلذذوا بمشروباتهم الروحية استأذنت ورجعت اكملّ السهره عند وافي .... وافي بالفعل هالشخص وافي اتذكر انه كان بنيوزلندا من قبلي بـ 4 اشهر كان مايعرف غير بعض الكلمات yes no ok you !! استغربت ولما قويت علاقتنا قبل سفره بشهر او اكثر كلّمته كلام اخويّ ( وكان محروق دمي بصراحه ) وقلت له حرام يضيع هالوقت من عمرك وانت بس جاي تستانس هنا وتتمشى !! وفقّّ بين الدراسة والتمشية وانا اعرف انك انسان سوي وعاقل والاّ ماكان كلمتك من اساسه وطلبت منه طلب انه قبل كل اختبار يجيني البيت ويقعد معاي ساعه وحده بس اتفقنا وصار يحقق معدلات عالية بشهادة نفسه والجميع بحيث انه اول اختبار بعد ماذاكرنا سوى جاب 75 بينما بالعادة كان يجيب 40 او اقل من 100 طبعا قاموا المدرسين والمدرسات يسالوه عن سرّ التطورّ في مستواه وجو شكروني وصاروا دائما ينادوني بأني ( الصديق الوفي ) << خلاص كافي ياعم مدحت نفسك كثير .. غيرّ الموجة تكفى طيب طيب رحت المطار اليوم الثاني لوداع اخي وافي ( اللي كان سندي بالغربة بعد الله ) ما استغربت لما لقيت مجموعة من الاصدقاء واصرار وحدة من الطالبات مرافقتي عشان نروح له خخخخخخخ هالطالبة احدى معجباته وصلت المطار انا وهالطالبه وانا من اول اقول لها بليز بدون دموع ! لكن تفاجأت لما شفت جهاد لابس نظارات شمسية قاتمة في الصالة الدخلية !! عرفت انه يخفي دموعه وقتها ماقدرت امسك نفسي !! شافني وكان يأشرّ من بعيد ويقول لو ماتسكت راح اجي اخنقك !! جا وجلسنا شوي واستغليت فرصة وجودة واستأذنت منه ورحت اشتري له دبدوب للذكرى وبعدها سافر بصراحه كنت متحطم كان متنفسيّ جهاد جلست استرجع ايامنا سوا اول مره تعرفت عليه لما قال لي اترك الباص وانا اوصلّك للبيت .. ووقتها ماعرفت وين البيت وكيف انه كان يضحك عليّ .. واضطر انه يرجّعني لموقف الباص عشان انا حافظ الطريق من هناك << غبي تذكرّت انه كان يجي ياخذني ويوديني السينما ونروح نتمشى وبالاخير يرجعني البيت ع الفجر تذكرت لما يوم من الايام شغلّ شريط قصائد في الأم واحنا نلف بالسياره وقعدنا انا وهو نبكي تذكرّت لما كان يقول لي ياأيمن .. انا هذي اول سفره في حياتي .. يعني من الديرة الى نيوزلندا !! ( هو قحطاني عموما ) وكيف انه لما كان يشوف اي مشهد غير لائق كان يقول الله يفضحكم !! وانا اموت عليه من الضحك تذكرت انه لما صوّرّنا بكاميرا الفيديو قبل سفره بليلة لما قال لي أيمن ايش راح تفقد ؟ وقلت له انا حزين انه مين راح يطبخ لنا بعدك ! تذكرت لما كان يفتخر انه ياكل بأيده وكانوا الناس هناك يستغربوا من تصرّفه هذا تذكرت لما تحدينا انه ندخل الكنيسة ونصورّ واني مثلّت دور القسيس وهو المذنب وقام هو خطب في الناس الوهميين التماثيل ( الكنيسة كانت فاضية والا ماكان قدرنا نسوي اللي سويناه ) تعبت وقطع حبل تفكيري الطالبة اليابانية لما قالت يالله عشان موعد المحاضرة طبعا ماقدرت احضر محاضراتي رغم اني وصلت للكلية لكن رحت على البيت يومها ورحت في سبات عميييييييييييييييييييييييييييييييييييييييييييييييي ييق ماصحيت من هالنومه الا اليوم الثاني وحمدّت ربي انه خففّ عني الالم صحيت الصبح وتذكرت موقف حلو صارلي أنا ووافي وماج الى المركز القطبي انتاركاتيكا سنتر ( كانت اول طلعه لنا ومابعد تعرفنا تمام التمام ) ناخذ معلومات اكثر عن طبيعة المدينة كرايست شيرش christchurch وكيف انها هي البوابه الوحيده الى القطب الجنوبي وانه القطب لا يبعد عنها سوى بضع مئات من الكيلومترات وغير كذا انهم يعرضّونا لعواصف ثلجيه ودرجات حرارة تصل الى 25- تحت ال المهم قطعنا التذاكر وبالتخفيض بعد بحكم اننا طلاب <<< ميزة حلوه في الدول المتقدمه حتى السينما ناخذ عليها تخفيض << لاتطلع عن الموضوع المهم رحنا وشفنا المركز وقعدنا نتصورّ ونشوف الاحفوريات والتحف واشياء القطب مركز ابدااااااااااااااااااااااااع بمعنى الكلمه ودخلنا العاصفة الثلجية وكررنا الدخول لها << سعوديين ذبحهم الحر !! طبعا لبسنا لبس خاص عشان ندخل لهالعاصفة بالاضافة الى احذيه من البلاستيك المقوىّ طبعا بالذات انا ووافي طلعنا من العاصفه واخشامنا حمرا !! واحنا في نصف المتعه هذي الا وتعترضني امرأة كورية تطالع فيني وتبتسم وعاد انا من باب الاحترام طالعت فيها وابتسمت وفتحت فمي لحد ماغطتّ فتحة الفم كل مافي وجهي مو مابقي الا الاذنين تمسك فمي << يتابع دعاية ريد بل كثير خخخخخخخخ طبعا محدثكم .. موزّع ابتسامات من الدرجة الاولى ماعلينا انا مشيت خلاص وقاعدين نتصور انا وجهاد الا والاقي وحده تطمر من ورانا وتاخذ الكاميرا من ايدي وتقول انا اصوركم طبعا نفسها الكورية انا متأكد لانه تقويم اسنانها يلمع خخخخخخ المهم صورّتنا وجيت اخذ الكاميرا واقول لها شكرا لكن رفضت تعطيني الكاميرا بحكم انها تبغى تصورني في اكثر من مكان << قاعد يقول في نفسه ما ابغى اتصورّ !! المهم اصرّت انها تصورني في اماكن هي تختارها ! طبعا اللي قاهرني الى الان هما جهاد ووافي.. لما شافوني اتكلم معاها راحوا وتركوني !! على بالهم اللي سووه اتيكيت وهم وهقوني معاها !! المهم ادورّ على اصحابي ومالقيتهم وهذي الهبلا تعال هنا طيب تعال هنا وتصورني وتصويرها زي وجهها وانا فاتح فمي مو فاهم ايش الموضوع المهم قمت اخذت كاميرتي منها وشكرتها على لطفها ورحت قاعة السينما عشان فيه شرح عن الانسان البدائي في القطب الجنوبي والقاعه كانت مظلمه ماعرف وين اصحابي جالسين فجلست في اقرب مكان قبل اطيح وانا اتفرجّ الا الكوريه جمبي تقول عرض ممتع صح ؟ وش ذي اللزقه ؟؟ مسكت على قلبي وانا اقول بسم الله عليّ من وين طلعت هذي طبعا اكرر واقول عرفتها من طقم اسنانها كان يلمع من انعكاس شاشة السينما خخخخخخخخخخ طبعا طفشت منها قلت يالله ايش تبغى هذي ؟؟ طبعا عدت ادراجي << تعبت لين جبت هالجمله رجعت مكان ماكنت .. رغم انه ممنوع العوده الاّ اني استأذنت من الموظفات وسمحوا لي وبعد مارجعت كم مرحله من اللي قطعتها سابقاً تنفّست الصعداء الاّ ويدّ تربّت على كتفي واطالع الاّ هي الكوريه !! ماتتخيلوا لو قلت انه تملكني الشعور بالخوف !! قالت وين رايح ؟ قلت لها ولا مكان ادورّ عل اصحابي << من جد خاف قالت تعال اوريك مكانهم استسلمت ومشيت معاها وهي ماسكه ايدي بقوه << كنت راح انحاش والله المهم قالت ابغى اعرفك على زوجي الاّ وانا اضرب كفيّ على جبيني واقول في نفسي ظلمت ام تقويم << الحرمه متزوجة بس انتوا يالسعوديين تفكيركم زنخ ... طيب لا تستعجلوا في الحكم طلعنا لاخر صاله في المركز الا والاقيها تعرفني على 8 اشخاص تقريبا بالاضافة لزوجها هذا أيمن من السعودية هذا فلان من امريكا وهذا من كندا وهذا من المكسيك وهذا وهذا وهذا وعرفتني على زوجها وقالت انها مقيمه في نيوزلندا من 9 سنوات وانها تبغى رقم جوالي عشان تعمقّ الصداقه اعتذرت لها وقلت لها جوالي مايرسل قالت هالكلام على سيندي ؟؟ << هذا اسمها مادري ليه حسيتها عاشت في السعوديه قبل كذا !! احسها فاهمه حركاتي ! قلت لها اوكي الجوال في شنطتي اللي بظهري لحظه انادي صديقي عشان يطلع الجوال >> الله من كسلك ياأيمن !! طيب نزلّ الشنطه من ظهرك !! مو اقول لكم متلخبط ؟ قالت لا تنادي احد انا اعطيك الجوال بس اعطيني ظهرك اوكي سجلت رقمي ياأيمن ؟ ايه سجلته طيب اديني رنه << مو اقول لكم عاشت في السعوديه !! اوكي اعطيتها رنه وقالت اقدر اقابلك اليوم ؟ هاه !! لا مشغول ليش مشغول ؟ ابغى اشوفك اليوم راح نقيم حفله بحكم اننا بعد 6 ايام مسافرين اجازة لكوريا الجنوبيه ليه ؟ رايحه تفكي التقويم ؟؟ ( مزح سعودي ثقيل ) خخخخخخخخ << يقال انه يستخف دمه بينما في الحقيقه قلبه طايح برجوله قالت انتظرك اليوم قلت لها ما اقدر احضر حفله فيها شراب ورقص واساسا راح اتأخر عند صديقي الى مابعد 10 الليل قالت اوكي اقابلك بعد 10 حتى الجو العام يكون هادي هاه !! قالت لا تنسى قلت اوكي قالت وين ساكن ؟ قلت لها عند النهر البيت رقم 434 قالت معقوله ؟ انا على النهر البيت رقم 600 قالت اهلا اهلا طيب على خير وواعدتها اني اقابلها وفي الحقيقه عشان افتك من هالنشبه وانه اصحابي ينتظروني ودمهم محروق مني بحكم انه المركز بيقفل وينتظرونا ننقلع ونطلع طبعا جات الساعه 7 وانا بالبيت وجات الساعه 10 وانا قاعد بالبيت وتتوالى الاتصالات لكن يمدحوا السيفونات ( السيفونات جمع سيفون .. وبالسعوديه اذا احد قال سيفون .. معناها انه كان متواعد مع واحد وسحب عليه ) واسحب عليها وترسل رسايل وينك وتختم رسالتها بـ حبيبتك سندي الله من الزحفان كنت بارسل لها المتيمّ بتقويم الاسنان بس مادري ايش يعني تقويم الاسنان بالانقليزي كنت باكتب ( calendar teeth ) تذكرت موقف فرعي لما واحد كان يقول ( اي هاف اينفلوبز كايرو ) i have envlops cairo يقصد انا عندي ظروف قاهره !! ماعلينا نرجع لموضوعنا بس ما اكذب عليكم اذا قلت انه قعدت اسبوعين امشي عكس ارقام بيتها يعني رقم بيتي 434 امشى عالنازل الى 200 تقريبا ولا اطلع عن 434 بتاتا هذا احد المواقف الصعبه لاني ماعرفت ايش نيتها ولان الشباب افتكروني لعاّب وانهم تركوني على بالهم اني داق صحبه معاها بس بعد هالموقف كبرت في نظر اصحابي وكبروا في نظري عندي موقفين تذكرّتهم امس وانا اتكلم مع اخوي خلوني اضيفهم الموقف الاول خرجت انا واحد الاصدقاء الساعه 4 الفجر ميتين جوع وكرايست شيرش بهالوقت مافيه شئ فاتح عدا البارات وكنتاكي طيب احنا نبغى كنتاكي بس مابي اقولكم ايش الخطر في الخروج بهالوقت ماعلينا اول شئ مالقينا موقف قريب واضطرينا نوقّف على بعد 200 متر تقريبا احنا نمشي ونشوف سب وكلام من شباب وبنات والله حتى البنات طلع لهم لسان بس ياما احلى سبّهم يعني مثلا تقول ابعد لا تدعس على ظلي مادري ايش الظل هذا اللي يطلع الساعه 4 الفجر !! وصلنا للمطعم ووقفنا بالسرا كان بدون مبالغه سرا كبير لسببين انه هو الوحيد اللي فاتح 24 ساعه السبب الثاني وقالها لي احد الاصدقاء ان اللي يسكروا يجوعوا كثير فكان يوجد 4 مسارات واقل مسار 11 واحد فيه !! عموما وقفنا في السرا وكانت روائحهم استغفر الله منتهيييييييييييييييييين كان قدامي وحده تقريبا عمرها 50 سنه ماخلّت احد في حاله سكرانه ع الاااااااااااخر ومن قرادتي كنت وراها لفتّ وطالعت فيني وقالت لي اشفيك مبوّز ؟ مبوّز = يعني مبرطم خخخخخ اقصد يعني متذمر يمكن قلت لها عادي بس مو متعوّد اشوف هالاشكال قالت اهااااا وفجأة قالت كلمة غريبه . . . . . . . قالت ابتسم !! قلت لها نعم !! قالت ابتسم قلت لها سوري مافيه شئ يستدعي اني ابتسم عصبّت وزمّت حواجبها قالت بصوت عالي جدا smilllllllllllllllllllllllllllllllllllllllllllllll llllllllllllllllllllllllllllllllllllllllllllllllll llllllllllllle اسمااااااااااااااااااااااااااااااااااااااااااااااا ااااااااااااايل الكل لف يطالع فينا وانا وجهي ضاع وفجأه صديقي يقول ياخي ابتسم وفكّنا !! قلت له ماني مبتسم !! <<< مسّكت غلط معاي رفعت يدها على فمي وسوّت شكل ابتسامه مادري اذا فهمتوا وصفي او لا اقصد حطت ايدها على اطراف فمي وسوّت ابتسامه كبيرة انا متقرّف طبعا رحت غسلت ورجعت ثاني لقيت فيه واحد صار بيني وبينها شايب كبير تقريبا عمره 50 مثل الهبلا السكرانه وطبعا هو نفس الشئ سكران هالرجل كان حاط معطف على رقبته قالت له شيل المعطف !! قال لها ماني شايله وفجأة ما اسمع الا صوت كف ماشي مليون وطاح المعطف منه اعطته كف لانه ماسمع كلامها نزل على الارض يشيل معطفه ورفع راسه وهو يضحك !! قال لها انتي سكرانه ماراح اعمل لك شئ طبعا هو بعد سكران ولا داري عن الدنيا فجأة طلع من المسار ماصار فيه الا اانا وهي طالعت فيني قالت ابتسم !! بصراحه طوالي فكيت خشتي وابتسمت ياحبي للتواضع << كذاب خايف من الكفّ ووقتها قلت لصاحبي امشي الله لا يبارك في هالبطن تراهم يمدحوا التوست والجبنه وطلعنا وبعدها توّبت ما اطلع بهالوقت :bye1: |
رد: بغيت أموت في نيوزلندا
طبعا نزلت لكم اليوم مقطع طويل لأني بروح الدوام وراح انقطع عن المنتدى
سامحوني القصور إذا ثقلنا دمنا عليكم تقبلوا تحياتي وراح اشتاق لكم ولاحد يحش فيني اشوفكم على خير ياحلوووووووووووووووووووووووووووووووووووووووووووووو وووووين |
رد: بغيت أموت في نيوزلندا
خخخخخخخخخخخخخخخخخخخخخخخخخخخخخخخخخخخخخخخخخخخخخخخخخخ خخخخخخخ
تروح وترد بالسلامه .. ومن طول الغيبات يسلم عليك .. مانوصيك بالغنايم .. وبالنسبه للعزيمه .. حاضرين للطيبين ... الخميس الجاي بالاستراحه عندنا... وكل واحد يجيب قهوته وياه .. وجيب كاميرتك وخل نضجك شوي شنو ورانا مع ان الثلوث ببدي اختبارات لابارك الله ببليس وهله .. |
رد: بغيت أموت في نيوزلندا
<<<<< متأخرهـ مرررررررررهـ يالله وش ذا القصه من جد روووووووووووعهـ يعطيك العافيه أخويه بجد رحله حلوووووووووووهـ عشت معكم والله,, والا الصور وااااااااااااو قصه طريفه وحلوهـ مووووووووت والله متت من الضحك على 7 اقتباس:
ماقدر عليك ههه يعطيك العافيه ونشوفك على خير |
رد: بغيت أموت في نيوزلندا
الله روعه القصــــــــــــــــــــــــــــــه
بصراحه ضحكتني على ام التقويم وعلى السكرانه الغبيه خلاص كان ابتسمت وفكيت عمرك منها ايمـــــــــــــــــــــن لا طول الغيبه تري القصه روعــــــــــــــــــــــــه وتهبل ومشوقه الله لا يحرمنا منك |
رد: بغيت أموت في نيوزلندا
مشكوووووووووووور خيووووووووووووو
والله رهييييييييييييييييييبه من جد ضحكت على القصه رهيبه مع اني مالي خلق اضحك انا اليوم بس قصتك بصراحه خلتني اضحك عالعموم ننتظر الجزء الجاي على احر من الجمر تروح وترجع بالسلامه بالتوفيق تحيااااااااااااااااااااااااااااااااااااااتي |
رد: بغيت أموت في نيوزلندا
:thank:هههههههههههههههههههههههههههههههههههه عجبتني قصة التقويم :s47: الله يعطيك العافية ياخوي وتروح وترد بالسلامة بس لا تطول علينا ترانا ننتظرك وننتظر باقي القصة :wavetowel وقيثارة غسلي ايدك من الروحة للمكان اللي رحناه لان مثل ماتعرفين ماينفتح للزوار الا مرة بالسنة :s6: :s6: :no: يعني الحجز يتم قبل سنة من الروحة :qowyah: والله يوفقك يارب في الامتحانات
|
| الساعة الآن 01:52 AM |
Powered by vBulletin® Copyright ©2000 - 2026, Jelsoft Enterprises Ltd. TranZ By
Almuhajir
ما ينشر في منتديات الطرف لا يمثل الرأي الرسمي للمنتدى ومالكها المادي
بل هي آراء للأعضاء ويتحملون آرائهم وتقع عليهم وحدهم مسؤولية الدفاع عن أفكارهم وكلماتهم
رحم الله من قرأ الفاتحة إلى روح أبي جواد