|
رد: **سيارتك تحت المجهر **
وشي سيارتكـ وشو لونهاا ..؟؟
كورلا.....ذهبي وش نوع كفراتكـ؟؟ قوود اير تحب االتعديل اذا نعم وش عدلت في سيارتكـ..؟؟ ولا شي قد صبغتهاا..؟؟ لا اخر مرة غسلتها..؟؟ الأسبوع الفائت من علمك السواقهـ..؟؟ ابي اول سيارهـ سقتها..؟؟ كابريس صابونه وش المكان اللي اول مره جربت السواقهـ؟؟ المخطط اول سفره لك بالسيارة ..؟؟ الدمام اول حـآدث صـآر لــك؟>بسسم الله عليــك صادم سيارة صابونه من يعزز لكـ وانت تفحط..؟؟ انا ما افحط اخر مرة فحطت؟؟ لا اول مخالفهـ؟؟ العام قمت الصبح ولقيت القزازة مكسورة والمسجل مسروق..؟؟ لا شفت مكسور عليها بيض صدمكـ واحد وانحاش ..؟؟ لا صدمكـ واحد ونزل متشقق يضحكـ ؟؟ لا اذا واحد ركب معك السيارة وغثيث ونزل وردع باب السيارة.. ماشعورك ؟؟ كأنه طاعني بسكين ركب معك واحد وانت توك مغسل السيارة وقعد يقشم =يفصفص حب..؟؟ لا ركب معك واحد مسوي فاهم ويعلمكـ مثلا يقول امسك اليمين لا اليسار .. لا وين توقف سيارتكـ فيهـ..؟؟ اذا داخل البيت كل هذا خوفاً عليهاا ولا مافيه مكان جنب بيتكم..؟؟ لا جنب البيت شخص ودكـ دايم يركب معكـ قدام..؟؟ اي والله خوي الدرب لو جا احد وطلب سيارتك بيروح فيهاا مشور صغينوط تعطيهـ ولا..؟؟ امعصي وديت سيارتك للصيانه وتاخرت .. وش تسوي ونت عايش بدونهاا ؟؟ احس اني مو عايش بنروح رحلهـ بسيارتكـ من تختار من الاعضاء يركبون معكـ؟؟ اكيد حبيبي من الرادود الي دايم بمسجل السيارة ..؟؟ الموت الحمر أباذر الحلواجي من رفيقكـ وونيسكـ في مسك الخطوط ..؟؟ حبيبي بن عمي سيارهـ تتمناها.. وسيارهـ ماتحبها..؟؟ كامري او كابريس..... والي ما احبها السيارات الكبار مثل السوبر والتاهو واليوكن كلمه توصف فيها سيارتكـ..؟؟ الموت الحمر |
رد: **سيارتك تحت المجهر **
هههههههههههه المحلل
ماشاءالله عليك الله يحفظ سيارتك ولا يفرق بينكم الا الموت وعقبال مايظلل وجدي اخوك باقي السياره >>عارفه مافي أمل هو بيظللها ننتظر اللي بعده |
رد: **سيارتك تحت المجهر **
اقتباس:
عسى لما كنت تسوق المرسدس كنت بسادس:confused:؟؟؟ بس فعلا كانت ايام:kashkha: اقتباس:
اخ بس لو عندك صوره لها ياالمحلل:s47: تحفه هالسياره اتذكر لما كنت توديني المدرسه فيها مدارس ارامكو كشخه والبنات والمدرسات كلهم من الهاي هاي فكنت افتشل من هالسياره واقولك نزلني ورا المدرسه لحد يشوفني نازله منها ويتشرشح برستيجي:p بس بصراحه كانت سيارة فلة وخدمتنا كثييير يكفي انها فكتنا من باصات المدارس :kashkha: اقتباس:
هههههههههه ما بغيت الا الشبح عاد:p اتخيله وهو يعزز لك:s47: الله يذكرك بالخير يا ابو دانه ( الدكتور ثامر الحاجي:police:) اقتباس:
تمون يا اخوي وعلى قولة ريهام مافي امتع من الرحلات مع المحلل في السياره لانه طول الوقت يتكلم ما يسكت:kashkha: امتعتنا هذه الرحلة معك ايها المحلل واشكرك على تلبية دعوتنا في سيارتك تحت المجهر:cool: ولا تنسى ننتظر صورة السياره تحية طيبة نبعثها لك من هواء الأحساء النقي البااارد الى برد الرياض القارص الساهرة |
رد: **سيارتك تحت المجهر **
:)
عاد أنتون اختاروا واحد ثاني يكمل الأسئلة و الصورة جاية جاية إن شاء الله تدرين .. تحتاج تصوير و بعدين نقل للاب توب و بعدين تحميل في موقع يعني سالفة :) المحلل ،،، |
رد: **سيارتك تحت المجهر **
ابو فاضل ,,,
جولة ممتعة مع سيارتك اقتباس:
بل يتروالي لو صادمينها اهون على الاقل مو متعمدين لكن كاسرين بيضه ام النذاله خصوصا اني اعرف ان البيض اذا يبس ما يروح الا لما يطير الصبغ الله يساعدك الحلل,, حياك الله مرة اخرى وقريبا المتورط الجديد تحياتي الساهرة |
رد: **سيارتك تحت المجهر **
اليوم ضيفنا غير شكل
بما اننا في المنتدى الرياضي لا يفوتنا ان نستضيف مشرف منتدى الرياضه المشرف ولدي الخالد فليتفضل محفوفا بالصلاة على محمد وآل محمد |
رد: **سيارتك تحت المجهر **
اقتباس:
اللهم صل على محمد وآل محمد :) بالتأكِيد الرِحله مع ولدي الخالد ، ستكون مُختلِفه و مُغايره ولها طعم ومذاق آخر .. بإنتظار ولدي الخالد ، بعد الرِحلة الأولى الأكثر مِن مُمتِعه مع حامِل المسك والثانية مع المُحلل ، وكذلك بوفاضل .. والشُكر موصُول إلك بالتأكِيد إخت ( الساهره ) .. تحياتِي للجمِيـع .. |
رد: **سيارتك تحت المجهر **
وشي سيارتكـ وشو لونهاا ..؟؟
هوندا سيفيك ( تراها مو سيارتي الخاصه سيارة العمل ) فضي وش نوع كفراتكـ؟؟ بريجستون تحب االتعديل اذا نعم وش عدلت في سيارتكـ..؟؟ أبداً أحب السياره زي ما جات من الوكاله يمكن بس تغطية المقاعد والأرضيه بالبلاستيك . قد صبغتهاا..؟؟ وهي سيارتي عشان اضبغها . ( توها جديده حرام تنصبغ) . اخر مرة غسلتها..؟؟ قبل 5 ايام . من علمك السواقهـ..؟؟ صديقي . اول سيارهـ سقتها..؟؟ ددسن غماره وحده سيارة صديقي اللي علمني . وش المكان اللي اول مره جربت السواقهـ؟؟ في البر . اول سفره لك بالسيارة ..؟؟ الدمام اول حـآدث صـآر لــك؟>بسسم الله عليــك بسيارة صديقي بس مو حادث بس سهيت في الطريق ورقيت الرصيف وانا ما ادري . من يعزز لكـ وانت تفحط..؟؟ ما اعرف افحط ، بس اعرف هند ( يعني اسحب البريك وانا مسرع ) اخر مرة فحطت؟؟ ما اعرف افحط . اول مخالفهـ؟؟ قبل شهر نسيت الرخصه في مخبى الثوب ولبست غيره ومعاي صديقي اقوله قوم سوق عني قالي لا تأدب وخلهم يعطونك مخالفه ولا رضى يسوق عني وأمري لله سددتها . قمت الصبح ولقيت القزازة مكسورة والمسجل مسروق..؟؟ ببلغ الشرطه . صدمكـ واحد وانحاش ..؟؟ واذا صدمني وما فيني شيء يروح وعليّ العوض . صدمكـ واحد ونزل متشقق يضحكـ ؟؟ اذا هو سالم وانا سالم ما عندي مشكله . اذا واحد ركب معك السيارة وغثيث ونزل وردع باب السيارة.. ماشعورك ؟؟ هذي حصلت لي بسيارتي اللي قبل هذي وهي جديده اول يومين توها مطلعه من الوكاله واقوله لا تردع الباب وسكره بأقوى ما عنده نزلته من السياره وقلت ما راح تركب سيارتي بعدها والين بعتها ما خليته يركبها ابد . ركب معك واحد وانت توك مغسل السيارة وقعد يقشم =يفصفص حب..؟؟ اذا ما يوسخ ويجمع الحب في كيسه أو مكان ما يوسخ السياره عليه بالعافيه . بس تراني اكثر واحد يقط قشور الحب في سيارتي . ركب معك واحد مسوي فاهم ويعلمكـ مثلا يقول امسك اليمين لا اليسار .. اذا انا غلطت وعلمني او نبهني ما فيه مشكله بس اذا في كل شي بيتكلم ما اسمح له واقوله لو سمحت اسكت والا قوم انت سوق . وين توقف سيارتكـ فيهـ..؟؟ اذا داخل البيت كل هذا خوفاً عليهاا ولا مافيه مكان جنب بيتكم..؟؟ والله بره البيت ومن دون خوف على السياره ( الله يعز التأمين ) ، اذا ايام الخميس والجمعه ما فيه أمل تلاقي عند بيتنا موقف ، بس باقي الأيام عادي الاقي موقف بكل اريحيه موول عند الباب وعند العتبه بعد . شخص ودكـ دايم يركب معكـ قدام..؟؟ صديقي ( غازي السبيعي ) اذا ام العيال مو موجوده والا اذا هي موجوده ما احب غيره يكون جنبي . لو جا احد وطلب سيارتك بيروح فيهاا مشور صغينوط تعطيهـ ولا..؟؟ عاااادي جدا أهم شيء يجيبها زي ما خذها . وديت سيارتك للصيانه وتاخرت .. وش تسوي ونت عايش بدونهاا ؟؟ استأجر سياره ولا أقعد بدون سياره ( كان انقهر من اليوم لين بكره ) بنروح رحلهـ بسيارتكـ من تختار من الاعضاء يركبون معكـ؟؟ والله اهم واجد بس بختار الغريب ، وعاشق الميلان ، والفتى الممتع ، والخال العزيز حامل المسك . من الرادود الي دايم بمسجل السيارة ..؟؟ الشيخ حسين الأكرف لا فض فوه . من رفيقكـ وونيسكـ في مسك الخطوط ..؟؟ صديقي غازي السبيعي . سيارهـ تتمناها.. وسيارهـ ماتحبها..؟؟ والله على الأمنيات واجد بس اذا علي وما دامها امنيه خليك BMW ما فيه اكشخ من كذا ، والسياره اللي ما احبها موستنج . كلمه توصف فيها سيارتكـ..؟؟ رجولي الثنتين . والصوره تبونها حق سيارتي صبروا شوي لين اخلي واحد من الربع يصورها وبحطها يعن يبي لكم يمكن اسبوع عشان انزل الحسا واخليه يصورها . أشكركم على الاستضافه وشكر خاص للأخت الساهره . وتبوني ارشح واحد بعدي انا ما احب اوهق الا اللي ما اشوفه الا كل خمسه شهور مره زكي مبارك . لكم كل التحايا ،،، |
رد: **سيارتك تحت المجهر **
ولدي الخالد
اجاباتك مختصره ولكن ما جا زكي مبارك للحين عشان رد على الأسئلة . |
| الساعة الآن 03:36 AM |
Powered by vBulletin® Copyright ©2000 - 2026, Jelsoft Enterprises Ltd. TranZ By
Almuhajir
ما ينشر في منتديات الطرف لا يمثل الرأي الرسمي للمنتدى ومالكها المادي
بل هي آراء للأعضاء ويتحملون آرائهم وتقع عليهم وحدهم مسؤولية الدفاع عن أفكارهم وكلماتهم
رحم الله من قرأ الفاتحة إلى روح أبي جواد